EZOO TAKA
09-05-2009, 02:18 PM
السلام عليكم
هلا بالحلوين ^__^
أخباركم ؟؟ إن شاء الله مرتاحين ؟؟
توني راجع من الجامعة و زهقان فقلت خلني أدخل و أكتب لي موضوع ^_*
أنا القاعدة عندي تقول إذا كنت زهقان حط حرتك بالكيبورد .. و الله طريقة مجربة .. يعني تكون زهقان و ودك تمسك واحد و تقطع حواجبه بس بعد ماتكتب موضوع تحس أنك رهيب p:
المهم .. قبل لا أبدأ بقولكم قاعدة بالحياة .. القاعدة تقول :: " الجامعة مب زينة "
هذي القاعدة مهمة << يسمع بالقواعد
من جد من يوم دخلت الجامعة و حياتي قلبت جحيم ( ترى العبارة مأخوذة من أفلام كرتون بس ناسي أسمه أتوقع داي الشجاع )
يعني و الله قبل لا أدخل الجامعة كنت إنسان رهيب .. 25 ساعة فاضي باليوم .. ماعندي شي .. أكبر همي بالحياة هو ترتيب الجدول قبل لا أنام و كان ياخذ مني دقيقتين بس يمكن و مع هذا كنت أحسه عمل صعب و أحياناً كنت ما أرتب و لا أخلي أخوي يرتبه لي و لا أحط كل الكتب مرة وحدة و أستحمل الوزن الثقيل أحسن من ترتيب الجدول
يعني بالعربي كانت حياتي عبارة عن
24 ساعة - دقيقتين = حياة رهيبة
أما بعد الجامعة .. فقد أنقلبت الأمور و أصبحت الحياة ليست كويسة و الوقت أصبح يمشي شوي شوي ^_* ترى الجملة متعوب عليها
بس صراحة بعد الجامعة تغير علينا الوضع *_* الجدول سار طويل .. يعني الترم الأول كنا نداوم يومياً من الساعة 8 الصبح لين الساعة 5 العصر .. أقسم بالله لو أني سبايدر مان و خوي باتمان ما أستحملنا هل دوام .. يلعن بليس إلي علمهم يحطون جدول
الترم الثاني طبعاً الوضع سار أحسن شوي بما أني عديت أختبار الأنجليزي قبل غيري .. فسار دوامي يوم السبت و الأثنين و الأربعاء من الساعة 8 إلى الساعة 1 أو 2 تقريباً
أما يوم الأحد و الثلاثاء فلازم يعذبونك و يخربون نومك فحطوا لنا ساعة وحدة بس !! يعني تقوم من النوم و تخرب أم جوك عشان تروح الجامعة و تحضر ساعة و ترجع البيت ^_^ كيف الزهق بس .. يعني حرام نصرف بانزين عشان ساعة و الله ( الإقتصاد أهم شي .. و ما أقصد النوم طبعاً ^_* )
المهم يعني بعد كل هل عذاب و الحالة الصعبة و الخياس ياليت نجيب درجات زينة p: يعني نتعب ( نصاب ماعمره فتح كتاب إلا بالمناسبات .. دققوا على المناسبات ) .. بس مع ذا حنا نتعب صراحة .. يعني الدوام لحاله يكفي صح و لا لأ ؟؟
طبعاً أنا أستاهل هل تعذيب لأني كنت غبي لما فكرت أدخل طب من الأساس *_* أخذت درجات زينة أيام الثانوية و صدقت نفسي أنا خشتي و قلت بس أنا طبيب المستقبل و إن شاء الله رح أعالج مشكلة أصابع رجول دبسي الغبية و لا بلاقي حل لمشكلة حواجب شيبون و الشفاف إلي لا شفتها تخاف و الله و لا بلاقي حل لوجه اللوكست ( الشباب ) .. لكن للأسف لما دخلت و شفت الوضع قلت " يالا له يالا لا لي يا لاه له يا لا لا لي " مدري ليه قلتها بس حسيتها رهيبة و تدل على أنك إنسان ماتدري وش الطبخة
ترى ذا الفوق كله مقدمات << قل قااااااااا
مدري ليه كتبتها تصدقون p: أقولكم لا كنت معصب خش و أكتب و ماعليك ^_*
المهم السالفة و مافيها أن اليوم عطانا كم دكتور درجاتنا و لله الحمد ^_^ و صراحة كانت رهيبة و تحسسك أنك رهيب و خايس و إنسان بطل و أن ودك ترقص من الفرحة و تنتحر و تطق راسك بأقرب جدار و تدعي على نفسك شوي و تقعد تخنق نفسك و لا تخلي خويك يخنق حتى الموت
طبعاً كل درجة أحسن من الثانية و لله الحمد ^_^ كلها درجات ترفع الراس فقلت خلني بنزلها عشان تباركولي و تخلوني عضو موقوف و لا لاقو لي صرفة مع هل درجات
بحط لكم الدرجات وحدة وحدة و أنتم أحكموا ^_* طبعاً مع تعريف للمادة عشان أحسس نفسي إن فاهم
حين145
مادة رهيبة إلا شوي .. يعني لو تاخذها رؤوس أقلام تطلع شي بس لا تعمقت بيجيك مرض نفسي بالعين و الله .. و خصوصاً لا كان الدكتور يجيب النوم و مايدري وش الطبخة و يقرأ لك الـ " فيول " و يقولها " فول " و لا يقرأ الـ " يوغرت " و يقول " يغرت "
يعني وقتها بتعرف أنك إنسان التزفيت عليك فرض عين .. و لا بعد أزيدكم من الشعر بيت
يجيك بالإختبار سؤال خطأ << كيف بس ؟؟
و لا يجيك إختر الإجابة الصحيحة و كلهم خطأ ^_*
و لا الحركة الأخيرة قوية أقسم بالله .. يجيب لك سؤال و تحله صح بعدين يحط لك أنه خطأ ^_* و لما تقوله ليش يقولك " أنتا عرفك إيه هزا الشي مكتوب بالكتاب " تقوله طيب وش الكتاب .. يقولك " إيه كتاب أنا أأولك بالكتاب " .. يعني بالعربي يصرف .. بعدين تجيب له الكتاب و تقوله شف صح علينا و لا لأ .. يجي يقولك " طيب أفكر بالموضوع "
المهم جانا أختبار الأحياء و أخذت فيه 13 و لله الحمد بعد تعب و فله .. طبعاً 13 من 15 ^_*
أقولكم أني قوي
فيز 145
مادة حقت سباكين طبعاً .. مدري ليه ندرسها و حنا طلاب طب .. يعني وش دخلنا بهل أمور و وش دخلنا بلعب الورعان ذا *_* يعني مثلاً بالمستقبل بيجي مريض و يجب لنا مسألة و إذا حليناها يتشافى و لا كيف يعني ؟؟
و لا بعد ياليتهم يسهلون علينا الإختبار *_* لا يجيبون لك أسألة لف و دوران و لعب ورعان و الله .. يعني خلوها على ربكم بس *_*
المهم درجتي كانت رهيبة طبعاً و ترفع الراس و هي .. ترم ترم ترم ترم << مسوي صوت طبل
6 من 15
و لله الحمد .. كنت مبسوط بالدرجة مرة و مستانس و أحس أني رهيب .. لكن للأسف جا الدكتور و قال سار خطأ بالتصحيح *_*
و قال أني زدت درجة
طبعاً وش تتوقعون .. إذا واحد كانت درجته 6 و زاد درجة .. كم تسير درجته و ما أسم إلي كتب الإختبار ؟؟ ( بالله مب سؤال بطل )
مفروض أني أكون 7 .. بس الدكتور زودني درجة و سرت 8 و لله الحمد .. هذا من فضل ربي و قدرته
6 + 1 = 8 .. و لا تسأل كيف كذا بس ^_*
طبعاً أنا أستانست و قلت و الله ما أعلمه خلها 8 قوية و الله
أحص 145
بالله وش رايكم بأسم المادة بس *_* من أسمها تحس أنها تنوم .. طبعاً الإحصاء مادة مالها هدف بالحياة .. و أحس إلي طلعها طلعها بالغلط و الله .. شكله كان نايم و قام و قال بسوي مادة جديدة أسمها أحصاء
يعني مادة مالها هدف بالحياة .. يقعدون يجمعون أرقام قدامك و مدري وش يسون و بعدين يطلعون لك رقم جديد ماله دخل بالقديم و يقولون هذا الجواب الصح *__* يعني بالعربي يلعبون علينا
قال وش قال أحصاء *__* يلعن بليس إلي علمكم تحطون مواد ..
طبعاً المادة بما أنها غبية و الدكتور حقنا إنسان الأبطل بالعالم *_* يعني لازهقت قله دكتور زهقنا خلاص مانبي ندرس .. يقول خلاص يالله سجلوا أسمأكم و مع السلامة p:
و حنا كل يوم نزهق و على نفس الحالة .. نسمع بشي أسمه أحصاء
الإختبار طبعاً جا عادي .. مدري وش يبي من الحياة .. تروح الإختبار و أنت ماتدرس و تحل زين و لله الحمد ^__^ و بعدين تطلع الدرجة غبية كالعادة
كم تتوقعون الدرجة بس .. وففففففففففففوااففففففففففففف << صوت برق
21 من 20
شفتم كيف .. أقولكم أني إنسان بطل *__* و الله جتني الدرجة اليوم 21 !! سألت الدكتور الإختبار من كم قال و هو مبسوط و مطلع ضرسه المكسور .." الإختبار من عشرين .. يعني تختبر و ماتدري الإختبار من كم "
قلت له لا دكتور بس درجتي 21 .. هل هذا معناه أني قوي زيادة و رح أخذ درجة زيادة بالإختبار الجاي *__* طبعاً مارد علي الدكتور شكله كان يصرف
و بعدين حسبت درجتي من نفسي و طلعت 14 *__* يعني يلعن أم التحطيم من 21 لـ 14
و الله حالة صعبة *_*
كيم 145
المادة التي هي ليست كويسة .. مادة مدري وش تبي من الحياة بعد .. يعني كلها معادلات و ودك تفهم شي واحد من معادلة وحدة و الله *__* و لا بعد الدكتور حقنا أحسه كان مع المافيا و بعدين تاب و سار دكتور كيمياء *_*
يعني حق مضاربات و عصبي و أربع و عشرين ساعة قوة تدخين *_* أحس لا تكلمت بحصته يطلق عليك ليزر من خشته و لا من كرشة و لا شي زي كذا *_* و المشكلة شرحه مدري وش يبي بعد من بداية السنة و حنا نعيد بنفس المعادلة أحس *_* كل يوم أشوف نفس المعادلة إلا شوي ( دققوا على الـ " إلا شوي " )
طبعاً دكتورنا كربونة ( هذا اللقب حقه ) في ألقاب ثانية زي بابا فرحان و غيره بس لقب كربونة أحسه قوي
لأن له أصول قوية ^_* و في لقب أخير بعد خخخخخخخخخخخخ أستغفر الله أحس لا كتبته بيجيني بلا بس خلنا نجرب *_*
مدري ليه بس طلعوا عليه لقب " رسول الله " خخخخخخخخخ ودي أعرف ليه .. بس يقولون أسمه و أسماء عايلته كلها حقت عهد الصحابة .. يعني تحس أسمه يصلح يكون فارس و لا شي من هل قبيل .. يعني حتى لما يقول أسمه يطلع صوت سيوف و غبار بعض أحيان
المهم الدرجة بالكيمياء كانت رهيبة طبعاً و تحسسك أنك إنسان لك هدف بالحياة و يمكن بيوم من الأيام تكتشف معادلة جديدة و لا شي
الدرجة هي .. بقيق بقيق بقيق << مدري وش دخل الصوت ذا بس أحسه يحمس شوي
11 من 25
كيف ؟؟ بالله مب درجة رهيبة *__*
و عاد تصدقون لما عطاني الورقة أراجعه .. سألت نفسي و بلحظة صمت ( رومنسية ) كيف أخذت 11 ؟؟
لأني ماعرفت و لا شي للأسف *__* و لا إلي يقهر أن في كم سؤال عرفته و حليته صح بس لما بغيت أسلم ناظرت على ورقة واحد من الشباب و لقيته حالها بطريقة ثانية .. فقلت بس شكله فاهم بنقل منه *__* و لما نقلت منه طلع خطأ عليه .. يلعن بليسه و بليس إلي يغش منه مرة ثانية *_*
و سؤال ثاني غشيته خطأ و لله الحمد ^__^
أقولكم لي مستقبل بس ماتصدقوني ^_^
المهم هل موضوع أهديه لكل طالب يفكر يدخل طب و لكل طالب نفس حالتي متأمل أنه يخش طب .. و أقوله ردد يالليل مطولك ^__^
و ما أقول غير .. شباب يازين الحاسب بس
موفقين
بيس أوت
هلا بالحلوين ^__^
أخباركم ؟؟ إن شاء الله مرتاحين ؟؟
توني راجع من الجامعة و زهقان فقلت خلني أدخل و أكتب لي موضوع ^_*
أنا القاعدة عندي تقول إذا كنت زهقان حط حرتك بالكيبورد .. و الله طريقة مجربة .. يعني تكون زهقان و ودك تمسك واحد و تقطع حواجبه بس بعد ماتكتب موضوع تحس أنك رهيب p:
المهم .. قبل لا أبدأ بقولكم قاعدة بالحياة .. القاعدة تقول :: " الجامعة مب زينة "
هذي القاعدة مهمة << يسمع بالقواعد
من جد من يوم دخلت الجامعة و حياتي قلبت جحيم ( ترى العبارة مأخوذة من أفلام كرتون بس ناسي أسمه أتوقع داي الشجاع )
يعني و الله قبل لا أدخل الجامعة كنت إنسان رهيب .. 25 ساعة فاضي باليوم .. ماعندي شي .. أكبر همي بالحياة هو ترتيب الجدول قبل لا أنام و كان ياخذ مني دقيقتين بس يمكن و مع هذا كنت أحسه عمل صعب و أحياناً كنت ما أرتب و لا أخلي أخوي يرتبه لي و لا أحط كل الكتب مرة وحدة و أستحمل الوزن الثقيل أحسن من ترتيب الجدول
يعني بالعربي كانت حياتي عبارة عن
24 ساعة - دقيقتين = حياة رهيبة
أما بعد الجامعة .. فقد أنقلبت الأمور و أصبحت الحياة ليست كويسة و الوقت أصبح يمشي شوي شوي ^_* ترى الجملة متعوب عليها
بس صراحة بعد الجامعة تغير علينا الوضع *_* الجدول سار طويل .. يعني الترم الأول كنا نداوم يومياً من الساعة 8 الصبح لين الساعة 5 العصر .. أقسم بالله لو أني سبايدر مان و خوي باتمان ما أستحملنا هل دوام .. يلعن بليس إلي علمهم يحطون جدول
الترم الثاني طبعاً الوضع سار أحسن شوي بما أني عديت أختبار الأنجليزي قبل غيري .. فسار دوامي يوم السبت و الأثنين و الأربعاء من الساعة 8 إلى الساعة 1 أو 2 تقريباً
أما يوم الأحد و الثلاثاء فلازم يعذبونك و يخربون نومك فحطوا لنا ساعة وحدة بس !! يعني تقوم من النوم و تخرب أم جوك عشان تروح الجامعة و تحضر ساعة و ترجع البيت ^_^ كيف الزهق بس .. يعني حرام نصرف بانزين عشان ساعة و الله ( الإقتصاد أهم شي .. و ما أقصد النوم طبعاً ^_* )
المهم يعني بعد كل هل عذاب و الحالة الصعبة و الخياس ياليت نجيب درجات زينة p: يعني نتعب ( نصاب ماعمره فتح كتاب إلا بالمناسبات .. دققوا على المناسبات ) .. بس مع ذا حنا نتعب صراحة .. يعني الدوام لحاله يكفي صح و لا لأ ؟؟
طبعاً أنا أستاهل هل تعذيب لأني كنت غبي لما فكرت أدخل طب من الأساس *_* أخذت درجات زينة أيام الثانوية و صدقت نفسي أنا خشتي و قلت بس أنا طبيب المستقبل و إن شاء الله رح أعالج مشكلة أصابع رجول دبسي الغبية و لا بلاقي حل لمشكلة حواجب شيبون و الشفاف إلي لا شفتها تخاف و الله و لا بلاقي حل لوجه اللوكست ( الشباب ) .. لكن للأسف لما دخلت و شفت الوضع قلت " يالا له يالا لا لي يا لاه له يا لا لا لي " مدري ليه قلتها بس حسيتها رهيبة و تدل على أنك إنسان ماتدري وش الطبخة
ترى ذا الفوق كله مقدمات << قل قااااااااا
مدري ليه كتبتها تصدقون p: أقولكم لا كنت معصب خش و أكتب و ماعليك ^_*
المهم السالفة و مافيها أن اليوم عطانا كم دكتور درجاتنا و لله الحمد ^_^ و صراحة كانت رهيبة و تحسسك أنك رهيب و خايس و إنسان بطل و أن ودك ترقص من الفرحة و تنتحر و تطق راسك بأقرب جدار و تدعي على نفسك شوي و تقعد تخنق نفسك و لا تخلي خويك يخنق حتى الموت
طبعاً كل درجة أحسن من الثانية و لله الحمد ^_^ كلها درجات ترفع الراس فقلت خلني بنزلها عشان تباركولي و تخلوني عضو موقوف و لا لاقو لي صرفة مع هل درجات
بحط لكم الدرجات وحدة وحدة و أنتم أحكموا ^_* طبعاً مع تعريف للمادة عشان أحسس نفسي إن فاهم
حين145
مادة رهيبة إلا شوي .. يعني لو تاخذها رؤوس أقلام تطلع شي بس لا تعمقت بيجيك مرض نفسي بالعين و الله .. و خصوصاً لا كان الدكتور يجيب النوم و مايدري وش الطبخة و يقرأ لك الـ " فيول " و يقولها " فول " و لا يقرأ الـ " يوغرت " و يقول " يغرت "
يعني وقتها بتعرف أنك إنسان التزفيت عليك فرض عين .. و لا بعد أزيدكم من الشعر بيت
يجيك بالإختبار سؤال خطأ << كيف بس ؟؟
و لا يجيك إختر الإجابة الصحيحة و كلهم خطأ ^_*
و لا الحركة الأخيرة قوية أقسم بالله .. يجيب لك سؤال و تحله صح بعدين يحط لك أنه خطأ ^_* و لما تقوله ليش يقولك " أنتا عرفك إيه هزا الشي مكتوب بالكتاب " تقوله طيب وش الكتاب .. يقولك " إيه كتاب أنا أأولك بالكتاب " .. يعني بالعربي يصرف .. بعدين تجيب له الكتاب و تقوله شف صح علينا و لا لأ .. يجي يقولك " طيب أفكر بالموضوع "
المهم جانا أختبار الأحياء و أخذت فيه 13 و لله الحمد بعد تعب و فله .. طبعاً 13 من 15 ^_*
أقولكم أني قوي
فيز 145
مادة حقت سباكين طبعاً .. مدري ليه ندرسها و حنا طلاب طب .. يعني وش دخلنا بهل أمور و وش دخلنا بلعب الورعان ذا *_* يعني مثلاً بالمستقبل بيجي مريض و يجب لنا مسألة و إذا حليناها يتشافى و لا كيف يعني ؟؟
و لا بعد ياليتهم يسهلون علينا الإختبار *_* لا يجيبون لك أسألة لف و دوران و لعب ورعان و الله .. يعني خلوها على ربكم بس *_*
المهم درجتي كانت رهيبة طبعاً و ترفع الراس و هي .. ترم ترم ترم ترم << مسوي صوت طبل
6 من 15
و لله الحمد .. كنت مبسوط بالدرجة مرة و مستانس و أحس أني رهيب .. لكن للأسف جا الدكتور و قال سار خطأ بالتصحيح *_*
و قال أني زدت درجة
طبعاً وش تتوقعون .. إذا واحد كانت درجته 6 و زاد درجة .. كم تسير درجته و ما أسم إلي كتب الإختبار ؟؟ ( بالله مب سؤال بطل )
مفروض أني أكون 7 .. بس الدكتور زودني درجة و سرت 8 و لله الحمد .. هذا من فضل ربي و قدرته
6 + 1 = 8 .. و لا تسأل كيف كذا بس ^_*
طبعاً أنا أستانست و قلت و الله ما أعلمه خلها 8 قوية و الله
أحص 145
بالله وش رايكم بأسم المادة بس *_* من أسمها تحس أنها تنوم .. طبعاً الإحصاء مادة مالها هدف بالحياة .. و أحس إلي طلعها طلعها بالغلط و الله .. شكله كان نايم و قام و قال بسوي مادة جديدة أسمها أحصاء
يعني مادة مالها هدف بالحياة .. يقعدون يجمعون أرقام قدامك و مدري وش يسون و بعدين يطلعون لك رقم جديد ماله دخل بالقديم و يقولون هذا الجواب الصح *__* يعني بالعربي يلعبون علينا
قال وش قال أحصاء *__* يلعن بليس إلي علمكم تحطون مواد ..
طبعاً المادة بما أنها غبية و الدكتور حقنا إنسان الأبطل بالعالم *_* يعني لازهقت قله دكتور زهقنا خلاص مانبي ندرس .. يقول خلاص يالله سجلوا أسمأكم و مع السلامة p:
و حنا كل يوم نزهق و على نفس الحالة .. نسمع بشي أسمه أحصاء
الإختبار طبعاً جا عادي .. مدري وش يبي من الحياة .. تروح الإختبار و أنت ماتدرس و تحل زين و لله الحمد ^__^ و بعدين تطلع الدرجة غبية كالعادة
كم تتوقعون الدرجة بس .. وففففففففففففوااففففففففففففف << صوت برق
21 من 20
شفتم كيف .. أقولكم أني إنسان بطل *__* و الله جتني الدرجة اليوم 21 !! سألت الدكتور الإختبار من كم قال و هو مبسوط و مطلع ضرسه المكسور .." الإختبار من عشرين .. يعني تختبر و ماتدري الإختبار من كم "
قلت له لا دكتور بس درجتي 21 .. هل هذا معناه أني قوي زيادة و رح أخذ درجة زيادة بالإختبار الجاي *__* طبعاً مارد علي الدكتور شكله كان يصرف
و بعدين حسبت درجتي من نفسي و طلعت 14 *__* يعني يلعن أم التحطيم من 21 لـ 14
و الله حالة صعبة *_*
كيم 145
المادة التي هي ليست كويسة .. مادة مدري وش تبي من الحياة بعد .. يعني كلها معادلات و ودك تفهم شي واحد من معادلة وحدة و الله *__* و لا بعد الدكتور حقنا أحسه كان مع المافيا و بعدين تاب و سار دكتور كيمياء *_*
يعني حق مضاربات و عصبي و أربع و عشرين ساعة قوة تدخين *_* أحس لا تكلمت بحصته يطلق عليك ليزر من خشته و لا من كرشة و لا شي زي كذا *_* و المشكلة شرحه مدري وش يبي بعد من بداية السنة و حنا نعيد بنفس المعادلة أحس *_* كل يوم أشوف نفس المعادلة إلا شوي ( دققوا على الـ " إلا شوي " )
طبعاً دكتورنا كربونة ( هذا اللقب حقه ) في ألقاب ثانية زي بابا فرحان و غيره بس لقب كربونة أحسه قوي
لأن له أصول قوية ^_* و في لقب أخير بعد خخخخخخخخخخخخ أستغفر الله أحس لا كتبته بيجيني بلا بس خلنا نجرب *_*
مدري ليه بس طلعوا عليه لقب " رسول الله " خخخخخخخخخ ودي أعرف ليه .. بس يقولون أسمه و أسماء عايلته كلها حقت عهد الصحابة .. يعني تحس أسمه يصلح يكون فارس و لا شي من هل قبيل .. يعني حتى لما يقول أسمه يطلع صوت سيوف و غبار بعض أحيان
المهم الدرجة بالكيمياء كانت رهيبة طبعاً و تحسسك أنك إنسان لك هدف بالحياة و يمكن بيوم من الأيام تكتشف معادلة جديدة و لا شي
الدرجة هي .. بقيق بقيق بقيق << مدري وش دخل الصوت ذا بس أحسه يحمس شوي
11 من 25
كيف ؟؟ بالله مب درجة رهيبة *__*
و عاد تصدقون لما عطاني الورقة أراجعه .. سألت نفسي و بلحظة صمت ( رومنسية ) كيف أخذت 11 ؟؟
لأني ماعرفت و لا شي للأسف *__* و لا إلي يقهر أن في كم سؤال عرفته و حليته صح بس لما بغيت أسلم ناظرت على ورقة واحد من الشباب و لقيته حالها بطريقة ثانية .. فقلت بس شكله فاهم بنقل منه *__* و لما نقلت منه طلع خطأ عليه .. يلعن بليسه و بليس إلي يغش منه مرة ثانية *_*
و سؤال ثاني غشيته خطأ و لله الحمد ^__^
أقولكم لي مستقبل بس ماتصدقوني ^_^
المهم هل موضوع أهديه لكل طالب يفكر يدخل طب و لكل طالب نفس حالتي متأمل أنه يخش طب .. و أقوله ردد يالليل مطولك ^__^
و ما أقول غير .. شباب يازين الحاسب بس
موفقين
بيس أوت