ناوي اركب FFXI على مقهى ألعاب .. محتاج مساعدتكم :)

[amajed]

السلام عليكم

ياشباب انا ناوي اركب FFXI على مقهى ألعاب ومحتاج شوية معلومات

اولا كم حجم اللعبة بالكامل بعد التثبيت والتحديث وكل شيئ .. ؟

كم تطلع لكم البنقات (Pings , Latency) ومتى يكون ممتاز ومتى يكون معقول ومتى يكون مايسوى اللعب فيه ؟


من وين احصل اللعبة بالكامل مع الابديت وطريقة التثبيت ؟
وهل اللعبة فيها Add-ons يحتاجها اللاعب ؟ يعني شيئ لازم يتركب من البداية والا ماتسوى من يلعب فيها ؟


واي افكار ثانيه لا تبخلون علينا :)

المقهى اتصاله قوي للغاية ونحاول نجيب اغلب الالعاب فيه ....

في لعبة Wow يكون الـLatency مابين 160 الى 240 (واضنها في البيت مابين 350 الى 450)

ولو احد في باله لعبة ثانيه يقول لنا :) وان شالله تكون موجودة



ويعطيكم العافيه

[meshari260]

شكلك ماقد لعبت ffxi قبل ؟

ffxi ماتنفع بمقهى .. تنفع تركب للمساجين عشان يقضي فتره محكوميته بسرعه بدون مايحس

ffxi ثقيل مره ولا وينفع بمقاهي وفيها بطاقات فيزا وارقام سريه واشياء سريه محد مخاطر وبيجي المقهى عشان يفتح القيم من كمبيوتر غيره .. واعتقد لو قلت لك انسى الفكره من الاساس بكون محطمك بقوه .. بس هذا الواقع ولا الومك لانك مركب بالمقهى WOW وظنيت كل اللعب تمشى بالمقاهي مالومك ياخوي ..

ffxi ان كنت بتخلي بالمقهى كل واحد يجيب لاب توبه وتوفر له جلسه ارضيه وزمزميتين شاهي وطفايه وبقاله جنب المقهى تبيع دخان يمكن تضبط امورك.. ههههه

مدري يمكني جاهل بهالامور بس WoW يلعبها صغار السن غير FFXI
ويمكن الشباب يفيدونك اكثر اخوي

[Hasseo.The ToD]

الله يوفقك ياخوي ويرزقك انشالله

بالنسبه لفاينل حجمها حدود ال 10 قيقا مع كامل التحديثات والابديتس
بالنسبه للعيه هذي يحتاجلها سرعه كويسه وبما ان لعبه WoW لاتنسي كويس فان اللعبه بتشتفل زي الحلاوه بس بتخرب على حقين wow واسأل مجرب
وراح يقلون لاعبين واو فيه
ونصيحه ابعد قسم فاينل عن واو لتجنب التماسيح مثل مشاري ههههههه

[meshari260]

لا يهمك اللي فوقي ترى بيقلب مقهاك ملاهي الحكير ههههههههههه

انا اتمنى لك النجاح بمحلك بس بتخرب على زباينك حقين WOW بالاتصال .. لانه FFXI تصرف اتصال كثير يمكن تجيك الفاتوره غاليه ( فاهم غلط لووول ) بس صدق ممكن تضعف الاتصال على الطرفين وبكذا تتوهق وبتصير بموقف محرج .. وبما انك ودك تجرب .. جربها على جهازين مستقلين

[Hasseo.The ToD]

جهازين يالظالم الالفان حقك يبيله 3 اجهزه ياله تشيله ههههههه
بس كلامه صحيح لازم بقاله تبيع دخان وطفايه وترمسين شاهي عند كل جهاز
وان حصلت شيشه بتصير اطيب بعد

[meshari260]

على الحرام انك شنب .. معسل وتكتب لوحه فوق المحل : تم الانتقال الى طريق الثمامه "

وتغير مشروعك من العاب الى معسل وجراك والزباين زي الرز

[Hasseo.The ToD]

هههههه مثل مقها الامم كلن قاعد بلابتوبه وشيشه وفاينل خخخخخخ
ايام اول 3> cleave و Inspector والعيال
بتصير ناجحه الفكره

[meshari260]

هههههههه ايه عاد انتم شبهه لو جيتوا محله

تحسب محل الالعاب زباينهم اشكالهم تخرع مثل اخوياك كليف وانسبكتر كل واحد فيه ثلاثميه شطب بجبهته ..والا زورين جايب معه غليـون ذاك اليوم ههههه لا ياحبيبي سلمان هذولى زباين محل الالعاب نعومين يجيك الواحد بدري العصر للمحل مع سواقهم واذا اذن المغرب راح ينام لا تزعل عليه امه
موب مثلك داشر الفجر مسوي كامب للفافنير ههههههه بعدين تحس انك بمحل محترم زباينهم كل واحد فيهم معه حلاو مصاص وعلى بناطيلهم صوره تويتي ولا طلبت منه ولاعه تبي تولع زقاره ناظرك بعين حاره يحسبك بتولع شروخ بالمحل ,,,

[Hasseo.The ToD]

موب مثلك داشر الفجر مسوي كامب للفافنير,,,
يارجال كامب فافنير الفجر ارحم من لعبهم
تخيل بعض الناس ينامون بالمحل من زود الدشاره

:biggrin2::biggrin2:هذا ايام اول ينامون المغرب الحين طلع عندهم وحش رجول حصان ووجه عنكبوت طبعا ماتشوف الى عظامه ولاحد نايم الى يذبحونه :biggthump

[amajed]

Huh << مفهي على الاخر


طيب والله مدري انا مركبها مركبها ماتفرق يعني لو محد شغلها ابد ماعلي خسارة اني اركبها دام اني ماراح ادفع ولا ريال :)


عندي 80 جهاز في المقهى يعني لو يتطاقون كلهم سوا بيكفيهم الاجهزه

وعندنا شياب وبزارين في المقهى يعني ماراح يغير الجو لو جت واو و فاينل فانتسي :)
والمقهى فيه كفي يعني تطلب لك من القهوة للاتيه والوجبات الي تبيها لين تغني :) وعندك كم عامل تعطيه سعر الدخان وريالين تسكيته وينقز لك للبقالة يجيب لك الي تبيه :)

بالاضافة مثل ماذكرت من قبل ماعلي خسارة لو حطيتها

اما مسألة الاتصال ازهلها :) ماجلسنا نطارد 4 شهور ورا شركات الاتصال عبث :d والا شلون جبنا سيرفرات اوروبية تحت الـ 80 latency :) ازلها من ناحية الاتصال


على العموم خلونا نرجع للموضوع الاساسي :) وين احصلها بالكامل مع التحديثات وكل شيئ .... ؟

[meshari260]

طيب عندكم شاهي مغربي :D!!!

طيب وين مكان المقهى فيه؟ .. ان كان هذا جينا تكينا هناك


Huh << مفهي على الاخر

ههههههههههههههههه




وين احصلها بالكامل مع التحديثات وكل شيئ .... ؟

الله يعينك ,, يمكن تلقااها عند محل النسر بالعليا او فرعهم بسوق الشعله
والظاهر الظاهر منت بلاقيها لاني اخر مره رحت عندهم قالوا بطلنا
ويمكن والاكيد تلقاها بمكتبه جرير بس احتمال تلقى النسخه الاوربيه وهذي محد يبيها
النسخه الامريكيه صعب تلقاها بالرياض الحين :28:او تشوف لك احد عنده اللعبه وتنسخها من جهازه ويمكن يطلع نذل ولا يخليك تلمس جهازه <-- وش فيك عقدت الرجال انت :D:D




تخيل بعض الناس ينامون بالمحل من زود الدشاره


لاقيني باللفه انت تهك علي :09:

[amajed]

فيه شاهي مغربي بس يمكن ماتحلصه لاني شربته :p

المقهى سلمك الله هنا (اكرر الصورة مو انا الي مسويها بس حلوة بصراحه :d) :
http://aam.1407.googlepages.com/GamesArenalocation.jpg



عاد طحنا بالاوروبي والامريكي -.- ! شغل بلاي ستيشن ووش اشتري بال والا ان تي سي !

قلق ... طيب انت قلت نسر ثم جرير .. انا على بالي احملها Torrent واريح عمري

المفروض اللعبة تقدر تحملها عادي .. مو الاكونت هو الي عليه الكلام ؟ يعني اللعبة المفروض تحملها ببلاش والاكونت على اللاعب يشتريه ؟ انا دخلت موقعهم ولقيت شيئ احمله حجمه 2 جيجا بس مدري وشو بصراحه وعلى كلامكم 10 جيجا -.-!

بس برضو مركبها مركبها ....

[Hasseo.The ToD]

ماشالله اخذت مكان القلعه ههههههه احسن شي انك فاتح عند بيتنا

بالنسبه للي تحمله وحجمه 2 قيقا هذا التحميل المبدئي يعني بدون تحديثات بدون شي وماتقدر تسوي تحديث الى لازم يكون عندك شخصيه تدخل فيها
بالتوفيق

[Sub^Seven]

موفق خير اخوي بس لازم تعرف اللعبه اول ونظامها عشان تعرف راح يجون زباين او لأ بس دام انت اعتمادك الاساسي على غيرها اعتقد عادي وضعك
مو كل جهاز تحتاج تسوي فيه دانلود بس جهاز واحد وتنسخ الملفات عن طريق الشبكة الى باقي الاجهزة
+ اللعبه فقط عالانترنت + لازم يكون عندك حساب عشان تلعب والحساب ما يصير يدخل فيه اكثر من شخص في نفس الوقت وبالنسبة لمكان البيع انا من الكويت وما ادري وين تنباع عندكم بالسعوديه بس الافضل الشبا يعطونك محل يبيع كل التحديثات + تحتا بس سيدي واحد مو تشتري لكل جهاز سيدي وموفق خير بمشروعك :)

[OmarJA]

هذا ملف تورينت للعبة الكاملة بالحزم الإضافية :

Final Fantasy Vanadiel Collection 2008

http://torrents.thepiratebay.org/4438225/Final_Fantasy_XI_Vanadiel_Collection_2008_(Latest_with_all_expan.4438225.TPB.torrent

لكن لازم تشتري Serial Number عشان تلعب اللعبة أونلاين طبعاً وهذا التورينت بس اللهم يسهل عليك التحميل أو في حالة ماحصلت اللعبة في المحلات...

الله يوفقك في المقهى إن شاء الله وأتمنى في المستقبل القريب زيادة عدد اللاعبين العرب للعبة.

[amajed]

يعطيكم ألف عافيه ماقصرتوا

فيه ردود تبين لي ان اللعبة تتثبت عادي بدون سيريال بس المطلوب هو اكاونت عشان تلعب اون لاين

فماادري اخوي عمر هل احتاج سيريال اصلي عشان يجون الناس ويلعبون اون لاين (بواسطة الاكونت حقهم)؟

ياليت توضح لي هالنقطة فعلا لانها بتصير مشكلة لو لازم اجيب سيريال نمبر اصلي ....

لعبة WOW ماتحتاج سيريال للتثبيت ... فقط الي يبي يلعب لازم يكون عنده اكاونت في اللعبة وبس يسجل دخوله وخلاص وكل العاب الاون لاين كذا

مااضن هذي تحتاج سيريال نمبر .. ولو فعلا تحتاج لازم يكون اصلي ؟ يعني مو بالاكونت الموضوع ؟

[lucifersama]

أنا برأيي دور واحد من العيال عنده اللعبة مع كل التوسعات و اعمل copy و paste، بتريح راسك
بس ما تقدر تعمل update إلا إذا عندك أكاونت و خشت فيه، يعني إذا إنت ما عملت update و واحد من الشباب جاك وشغل اللعبة رح يستنى لين الupdate يخلص و فالعادة الupdate فاللعبة هذي ياخذ وقت P:
بس ما أعتقد بكون عليها زباين كثير، ماهي مثل wow تخش تفقع وجه أول واحد قدامك بعين تعمل fake dc
يبغالها ساعات تكتيك و تفكير و أحيانا لازم تخلي الشخصية online و تروح تنام...... الذكريات ........ :(
بس إذا مصر عاد الله يوفقك ^^

[Sub^Seven]

اللعبه ما فيها سريال اخوي

[amajed]

اوكي انا دبرتها Copy paste من واحد من الشباب بس مدري اذا هي Up to date فعلا والا ناقصها شهر ورا ؟ مدري عاد بالضبط بس على كلامه لاعبها قريب ومسوي up date

هل فيه اشياء اركبها ويا اللعبة والا اخليها كذا مثل ماهي ؟

[OmarJA]

آسف ما وضحت ردي السابق , قصدي بالسيريال نمبر يعني أكاونت للعبة...

أما تثبيت اللعبة ما يحتاج سيريال نمبر.

[OmarJA]

ولو احد في باله لعبة ثانيه يقول لنا :) وان شالله تكون موجودةهذه قائمة بأشهر ألعاب الـ MMORPG الجديدة , لكن لا أدري إذا كان في عرب يلعبونها ولا لا :

Lord of the Rings Online - شبيهة جداً بـ WoW ورائعة جداً وأكثر لعبة أنصح فيها في القائمة.

Warhammer Online - أيضاً شبيهة بـ WoW ومسلية وتعتمد أكثر على العمل الجماعي.

Age of Conan - قصتها عميقة وعنيفة ودموية لكنها للكبار فقط.

إن شاء الله تفيدك هذه القائمة خصوصاً إذا سألوك الشباب وقالوا طفشنا نبغى شيء جديد...

بس قبل لا أنسى :

Runes of Magic - لعبة روعة تشبه WoW لحد كبير والأفضل من ذلك إنها مجانية ولا تحتاج إلى إشتراك شهري , فقط أعمل حساب مجاني في الموقع وحمل اللعبة مجاناً :

www.runesofmagic.com

[amajed]

هذه قائمة بأشهر ألعاب الـ MMORPG الجديدة , لكن لا أدري إذا كان في عرب يلعبونها ولا لا :



Lord of the Rings Online - شبيهة جداً بـ WoW ورائعة جداً وأكثر لعبة أنصح فيها في القائمة.


Warhammer Online - أيضاً شبيهة بـ WoW ومسلية وتعتمد أكثر على العمل الجماعي.


Age of Conan - قصتها عميقة وعنيفة ودموية لكنها للكبار فقط.


إن شاء الله تفيدك هذه القائمة خصوصاً إذا سألوك الشباب وقالوا طفشنا نبغى شيء جديد...


بس قبل لا أنسى :


Runes of Magic - لعبة روعة تشبه WoW لحد كبير والأفضل من ذلك إنها مجانية ولا تحتاج إلى إشتراك شهري , فقط أعمل حساب مجاني في الموقع وحمل اللعبة مجاناً :


www.runesofmagic.com

يعطيك العافيه اخوي :)

Warhammer و Age of conan موجودين حاليا ;)

راح اشوف LOTR Online و Runes of Magic :)

مشكور وماقصرت ;)

[xX JOKER Xx]

ادخل على هالموقع وشوف الالعاب ونزل اللي يعجبك
http://www.gpotato.com/ (http://www.gpotato.com/)

الالعاب مجانية .... اعمل بحث في اليوتيوب عن الالعاب قبل التنزيل واللي تعجبك نزلها

[.dark man.]

اخوي لو وضعت جلسات لمقتني المحمول من عشاق الألعاب هذا راح يفتح لهم المجال انهم ياتون للمقهى من باب

التغير, بامكانك مشاهدتها الزبائن في المقاهي الكوفي كيف العالم تحضر لاتوب معها

فانااتوقع ان توفير اماكن لمستخدمي الاب توب وخصوصا الألعاب بتجلب زبائن لك باذن الله

بالاضافه انك بتقلى شباب يتعرفون على بعض من خلال لعبه مثلا وبكذا تقدر تكسب سمعه بوجود محل فيه العديد من مستخدمي العاب الاون لاين

وبالتوفيق لك وللجميع