المساعد الشخصي الرقمي

مشاهدة النسخة كاملة : اكاونت فاينل فانتسي 11 على الاكس بوكس 360


Devil..S
20-05-2009, 05:34 PM
السلام عليكم ورحمه الله وبركاته

شباب ودي اخذ فاينل 11 على الاكس بوكس بس اتمنى تفيدوني

هل الاكاونت نفسه حق الPC ينفع على الاكس360

وهل اقدر العب مع اصحاب الPC

وهل يوجد 10 ايام تجريبيه للعبه مثل WOW

والي يعرف فين تنباع مع الاكاونت حقها في الرياض اتمنى يفيدني

ويعطيكم الف الف عافية
Sub^Seven
20-05-2009, 09:14 PM
السلام عليكم ورحمه الله وبركاته

شباب ودي اخذ فاينل 11 على الاكس بوكس بس اتمنى تفيدوني

هل الاكاونت نفسه حق الPC ينفع على الاكس360

وهل اقدر العب مع اصحاب الPC

وهل يوجد 10 ايام تجريبيه للعبه مثل WOW

والي يعرف فين تنباع مع الاكاونت حقها في الرياض اتمنى يفيدني

ويعطيكم الف الف عافية
-
اخوي الاكاونت مال الكمبيوتر تلعبه عالاكس بوكس عادي ولكن بشرط انك تربط الاكاونت ب tag مالك بالاكس بوكس
وكل tag لك اكاونت واحد بس ومو شرط ذهبي عادي سيلفر :)
هذا بالنسبة للاكس بوكس امريكي واكاونت امريكي غيره ما ادري ويوجد شهر تجريبي مو 10 ايام :) ولكن لازم تحط بيانات الفيزا وتقدر تلعب مع اصحاب الكمبيوتر + اصحاب البلاي ستيشن :)
وبخصوص الاماكن ما ادري لانني من الكويت ولكن اعتقد برودكس يستخدم اكس بوكس ممكن يفيدك بخصوص الاماكن وموفق خير
Devil..S
21-05-2009, 02:52 AM
Sub^Seven (http://www.montada.com/member.php?u=128160)

يعطيك الف الف عافية يالغالي وماقصرت والله يكثر من امثالك

اخوي سؤال لو سمحت

الفيزا لازم لازم منها لاني صراحه ماعندي فاماادري وش الحل

يعني مالها بطائق او مواقع تبيع الاكواد الشهريه
Sub^Seven
21-05-2009, 11:13 AM
للاسف لازم فيزا او ماستر
بس نصيحة لاجل فاينال تفداها الف فيزا ههههههههههه شفيه المتعصب
يارجال روح اشتر فيزا وعيش حياتك بلا واو بلا العاب معقدة رجال يركض يركض وفجأة يصير قطوة يكون سريع ولما يهجمون عليه يصير دب عشان يصير قوي ؟ بالله هذي لعبه او برنامج يعلم الاطفال اسماء الحيوانات ؟ يارجال تعال فاينال ولا تفكر ولا تحتار غير فاينال لا تختار :)

المفروض الشركة تصرف لي فلوس لان اسوي دعايات :)
وموفق خير يالغالي
RIEEKIL
21-05-2009, 01:40 PM
LOOOOOOOL Sub^Seven
عجيييييييييييب لوول

بخصوص اماكن الي يبيعون فيها فاينل بالسعوديه اعتقد محل النسر و جيم سبوت عندكم يبيعون كل شي للالعاب لوول هذا الي اعرفه
Broodex
21-05-2009, 02:56 PM
السلام عليكم
اولا:
اللي ينباع حاليا هو الباكيج الاسود سعره 230-ّ275 ريال.
بحكم ان الرياض دولة مستقلة فبصراحه انا من شرق الرياض لذلك منافذ البيع هي:

مركز النسر: الدائري الشرقي- مخرج 11 - الاشارة الثانية تديور معها يسار وتحصله بعد 500 متر على اليمين بجانب طوكيو ولربما طوكيو كذلك يبيعها. (عبدالرحمن:0551302227 - 0567569004).

بيت الكمبيوتر : الدائري الشرقي - مخرج 9 - مجمع غرناطة للتسوق. (كارفور)

======================
استخراج الفيزا بسيط جدا
انصحك بالبنك الأهلي
تدفع رسوم استخراج 100 ريال وتنتظر اسبوع وتوصلك وتعبيها بالمبلغ اللي يناسبك من اي صراف أهلي وحي عالفلاح.

رسوم اللعبة شهريا 48 ريال شهريا او بالاصح 50 ريال


وسلامتك سلامتك نود لك سلامتك
Devil..S
23-05-2009, 02:31 PM
Sub^Seven

هههههههههههههههههههههههههه

حلوه هذي تعليم اسماءالحيوانات
الله يعينك على عشاق واو ...................................وانا نفس الموضوع ماناسيتني اللعبة ممسكة غلط على فاينل
>>>>>>>>>>>>>>>>>>>>>>>>>>>>>>
Sub^Seven
RIEEKIL
BROODEX
بصراحه انتو تشجعون ان الواحد يلعبها بسبب ردودكم السريعه والوافيه بس الكلام الكلام محتاج دعمكم في اللعبه ولولكم بروفايلات في الاكس 360 او تعرفون شباب يلعبوها على الاكس 360 عطوني بروفايله خلوني اضيفه

ويعطيكم الف عافية وجزاكم الله خير ماقصرتوا
.............................................................................
بااحاول الفتره هذي اخلص بطاقه الاهلي وادور اللعبه في النسر وبيت الكمبيوتر عسى بس القاها نظام بال عشان جهازي اوروبي


واعتذر على تاخر شكري لكم لاكن كنت في مكة والان رجعت والحمدلله
Sub^Seven
24-05-2009, 12:50 AM
اخذ اسمي بالاكس بوكس
kuwaite
بس انا حاليا مو بالكويت يعني بعد 4 شهور يمكن ارجع واقدر اشبك اكس بوكس وبالنسبه داخل اللعبه لي كذا اكاونت بس غالبا تلقاني
xlord
jormy
وان شاء الله ماني مقصر معاك هالكلام لو انت في راجناروك اما لو غير سيرفري ما اقدر اخدمك داخل اللعبه وموفق خير
Broodex
24-05-2009, 12:55 AM
شركة سكوير للأسف نزلت نسخ بسيطة جدا في الشرق الاوسط PAL
فاعتقد ماراح تحصل اروبي الا عن طريق النت تطلبها
بقيمة ارخص وتستغرق اسبوع لتصل اليك عطني فرصة هاليوم ان شاء الله اجيب لك موضوع يتحدث عن كيفية الحصول عليها وارسالها لبلدك


تشرفنا ياعمنا
gamer tag: Saudi commander
Devil..S
24-05-2009, 01:09 AM
الله يعطيك العافية وماتقصر


باانتظارك يالغالي
Devil..S
26-05-2009, 04:18 PM
شباب للاسف ماحصلت اللعبه

مادري ايش الحل
Light.Darkness
26-05-2009, 05:06 PM
شباب للاسف ماحصلت اللعبه

مادري ايش الحل


مالك الا تطلب من النت

نسخة الـPC
http://www.amazon.com/Final-Fantasy-Vanadiel-Collection-2008-Pc/dp/B00161I5IQ/ref=sr_1_1?ie=UTF8&s=videogames&qid=1243346624&sr=8-1



نسخة الـPS2/PS3
http://www.amazon.com/Final-Fantasy-XI-Collection-Playstation-2/dp/B000WQWPUK/ref=sr_1_7?ie=UTF8&s=videogames&qid=1243346741&sr=8-7



نسخة الـXbox360
http://www.amazon.com/Final-Fantasy-Online-Collection-Xbox-360/dp/B000X2FTMY/ref=sr_1_2?ie=UTF8&s=videogames&qid=1243346624&sr=8-2
Devil..S
26-05-2009, 11:55 PM
يعطيك العافية

دوبي كلمت صاحبي يقلي اللعبه مخلصه الله يعين ننتظر ونشوف اخرتها
bigbosshenry
17-06-2009, 04:04 PM
السلام عليكم
gamertag: big boss henry و بالنسبة للعبة اعتقد انها فري ريجن , لو اقدر اشيكلك جان شيكت بس ما اعرف للاسف , اذا تبي انا اعرف اسم موقع اوروبي يبيع العاب اوروبية باسعار جدا رخيصة انشالله اطلع الموقع و اعطيك اياه



هذا هو الموقع اخوي:www.sendit.com (http://www.sendit.com)
و انا مجربه بنفسي اكثر من مرة معتمد و امن

او اذا ما حصلتها في الموقع الاوروبي تقدر تحصلها في هذا الموقع http://www.play-asia.com/paOS-13-71-dh-77-p-49-en-15-final+fantasy+xi+online-70-2b1s-43-bn.html
بس للاسف هذا الموقع يبيع كله امريكي و ليس اوروبي الله يعينك :(
Master X
21-06-2009, 09:27 PM
للاسف اللعبة ماهي فري ريجين, وانا كنت العب على البي سي وحولت على الاكس بوكس بسهولة
المشكلة اني عانيت من الحصول على نسخة البال في المواقع الاوربية , اخرتها خليت صاحب لي يجيبها لي من لندن .

لكن النسخة الامريكية متوفرة بشكل اكبر بالمواقع .

ولك التحية
Devil..S
22-06-2009, 07:40 PM
يعطيك العافية يالغالي

بصراحه انا يئست منها

بااشوف بعدين ممكن اغير جهازي واخذ واحد امريكي

وشكرا للجميع على المساعده
Master X
05-07-2009, 11:49 AM
هلا اخوي الغالي , ماادري شريت اللعبة او لا

لكن حبيت اخبرك ان اللعبة الان متوفرة في الامازون البريطاني http://www.amazon.co.uk/Final-Fantasy-XI-2008-Xbox/dp/B00192W44S/ref=sr_1_7?ie=UTF8&s=videogames&qid=1246783618&sr=8-7

المجموعة الكاملة , فهذي فرصة بعد للي بيها بنظام البال لان نسخها محدودة

ولكم التحية :)