المساعد الشخصي الرقمي

مشاهدة النسخة كاملة : بليز بليز بليز كل اللي عندهم خبره يجون =) HEELPPP


Miss.Swan
06-06-2009, 12:12 PM
السلام عليكم

شخباركم عساكم طيبين !!

عندي اسآآآآآآله وايد صراحه :/


اولا خل اقولكم سالفتي

انا لين الثانويه وانا رياضيه واتمرن كل يوم تقريبا ف كان وضعي تمام

بس من دخلت الجامعه قمت وايد وايد اطوف التمارين وتمر علي ساعات شهور ماتمرن فيها

بس ارد من فتره للثانيه

:/ جسمي اختتترب قمت امتن واضعف من كثر مانشغل بالجامعه وجي :cray:

بس خلاص قررت التزم بالتمارين قبل ماآمتن وتروح علي عشره صفر :(

طولي 156

ووزني 52

بس ترا مب ضعيفه وايد :28: واحس بطني منتفخ اشوي مع اني ماشرب صودا ولا اكل وايد

وو عمري ٢٠

المهم صارلي فتره احين اتمرن حديد خفيف ( 1 كيلو ) لوول مب وايد بس لاني ابي اشد واضعف

اشوي


تمارييني عباره عن 1- STRENGH TRAINING

2- CARADIO
3- ABS

وكلهم اسويهم بآني اتبع ديفيدي للمدربه جيليان مايكل =) مادري تعرفونها ولا

هي المدربه مالت الخاسر الاكبر ! التمارين بس ل 20 دقيقهshe just combine them

واللي ابي اعرفه احين ودي نتايج التمارين تبين بشكل شوي سريع :/ ماراح اقول اسبوعين لوول

يعني ع الاقل شهر شهرين ! ففكرت بمشروبات البروتين ! مادري بتنفعني ؟؟

ابي اعرف شبيفرق لو شربت هالمشروبات ؟ وبيصير شي ان هديتها ؟

ومتى بتطلع نتايج التمارين

ترا صج هم 20 دقيقه بس بكفااائه عاااليه :/ !

مادري شرايكم ،، اتم ع اللي اسويه ؟ واخذ مشروبات البروتين ( المشروبات )

مب البودر ! ولا شاسوي بالضبط !

لان قالولي ان البروتين يشد الجسم :/ شلون مادري :wow: صح هالكلام ولا

والله يجزيكم خيرررررر

انتظر ردودكم
S a a D
06-06-2009, 12:45 PM
البروتين او المكملات الغذائيه . . يلزمها تمارين حديد جامده


انصحك بالاعتماد على البروتين الطبيعي الموجود في الاكل


مثل : بياض البيض . الفول . الحليب . اللبن . صدر الدجاج . اللحوم . . وغيره
Miss.Swan
06-06-2009, 12:53 PM
:( يعني

وي كنت احسب ان حتى مع تماريني البسيطه ممكن تجيب نتيجه :/ !

حسافه =( =(


اشكرك ع مرورك
Dragunov SVD
06-06-2009, 01:23 PM
يآ الشيخه بصرآحه مآ فهمت الموضوع عدل !!

يعني انتي تبين تشلين الدهون المتركزه في البطن ؟؟

أنزين أنآ بقولج

طبعاً البطن هي أصعب منطقه تروح منهآ الدهون .. يمكن الوآحد يخسر الدهون بشكل سريع في بعض المنآطق إلآ

البطن يبآله شغل جآمد شوي

إذآ تبين النتآيج تبآن بسرعه

عليج بالمشي يومياً على الجهآز الكهربآئي لمدة سآعه يعني شوية مشي شوية هروله شوية جري

طبعاً المشي هو اللي يحرق الدهون في كل الجسم ويشيل الترهلات

ولأزم تسوين ضغط وتلعبين بطن يومياً وبإنتضآم

ولأزم تودرين الغآزآت ومأ تشربين مآي عقب االأكل مبآشره لانه يطلع الكرش !!

ولآزم تخفين شوي من النشويآت والكربوهآيدرآت .... يعني لآزم شوي تشدين على نفسج وتآكلين كله مشوي

ومسلوق !!

ودري الدهون وهالسوآآلف ... وإذآ حبيتي تآكلين كلي نسبه قليله ولآ تكثرين

ومع المشي وتمآرين البطن والخوآصر والأكل المنتضم بإذن الله رآح تحصلين نتآيج سريعه

ولكن المشي وحده مآ يكفي لآزم شوي دآيت

ومنو اللي قآل إن البروتين يشد الجسم ؟؟

الوآي بروتين مآ أنصحج فيه خصوصاً إنج تبين تخسرين الوزن ولآ شي غيره

البروتين هو مكمل غذآئي للآعبين كمآل الجسم

ولآ له أي علآقه بالتخسيس وإنقآص الوزن او حتى شده

التمآرين وحدهآ اللي تشد وترتب الجسم

وفي الأـخير السموحه على الإطآله وأتمنى إني آفدتج

تحيآتي
Miss.Swan
06-06-2009, 01:36 PM
شدعوه مب واضح موضوعي =(

كل اللي ابيه اني اضعف اشوي واشد جسمي ومب عارفه شاسوي =(

وبالنسبه للمشي انا بالضبط هاللي اسويه ساعات يعني مشي وجري شوي جي وشوي جي :$

بس مشكلتي انه ماداوم

يبيلي اداوم ،، وكنت قاعده افكر بحليب البروتين عشان يقوي عضلاتي ويخليني

اقدر اسوي تماريني بكفاءه عاليه :$ وبشكل اقوااا

هاللي ابيه ،، ابي جسمي يقوا صراحه


بالنسبه للماي ،، اوبيييييه لاااءءء انا اشرب الماي مع كل شي وووااايد اشرب ماي بعد =(

وسمعت انه اختلفو دكاتره التغذيه اذا انه صج يطلع كرشه ولا ؟ صج ولا ؟

:/

وبالنسبه للآكل اي انا اسوي اللي قلت عليه ماكل الا مشوي او مسلوق ،، بس كله خايفه اكل بروتين

يعني ماشلون احس اذا كلت بروتين كل يوم بمتن :/ مدري شالمفروض اركز عليه !! وبيفيدني ومايمتني

تسللللم ع ردك =)

ووووو انتظر ردود الباقي :$
عشــق البطــوله
06-06-2009, 02:42 PM
مرحبـآ اختي .. شخبارج .. :)

في الحقيقه الأخوان ماقصروا من ناحية التغذيه او التمارين افادوج وما اضيف بكلامهم ..

لكن حبيت ارتب لج الأفكار عشان تتضح الصوره شوي ..

اولا اذا كان في جسمك دهون : بالنسبه لحرق الدهون في الجسم انا انصحج بشغله وهي المشي السريع لمدة ساعه مع بعض التمارين السويديه ( بدون وزن )
او انج تمشين لمدة نصف ساعه وتقسمينها بين جري ومشي ( يعني مثلا 5 دقايق مشي و5 جري وترجعين مره ثانيه 5 جري و5 مشي ) وهكذا حتى تنتهي النصف ساعه ..

وطبعا تمارين البطن مهمه وضروريه بعد المشي تساعدج كثير في خسارة الدهون في هالمنطقه وهذا رابط فيديو تمارين بطن لمدة 8 دقائق بس تقدرين تمارسينها بعد المشي :
http://www.youtube.com/watch?v=sWjTnBmCHTY (http://www.youtube.com/watch?v=sWjTnBmCHTY)

وطبعا اذا مشيتي ع الطريقه اللي قلت لج راح تخسرين كثير من الدهون في وقت قصير ان شاء الله وخصوصاً في فصل الصيف ماشاء الله عندنا الجو في الخليج ساونا بروحه مايحتاج ههههههه ..

* الشغله الثانيه بعد ماتحرقين الدهون وتوصلين للوزن اللي تبينه راح تبقى ترهلات في الجسم .. والترهلات هي تجيك بعد عمليه حرق الدهن وتكون على شكل جلد زائد ويحتاج للشد عشان يتحسن مظهر الجسم ..
السؤال الآن : كيف اتخلص من الترهلات ؟؟
طبعا الجواب وبكل سهوله تستمرين في تمارين البطن ولكن بأوزان خفيفه وبعد تتمرنين اي تمارين ثانيه مثل التمرين اللي عندج لـ للمدربه جيليان مايكل ولكن بشرط يكون مع وزن خفيف ( يعني حديد ) .. وتستمرين لفتره لحد مايشد الجسم وتروح الترهلات ويبقى الجسم 100% <- سمبتيك هههه

* طبعا فيه ملاحظه مهمه حبيت اوضحها لج : التمرين بالأوزان هذا يكون لشد الترهلات في الجسم وتقوية العضلات وعادة يكون بعد حرق الدهون .. ولكن اذا حبيتي تحرقين دهون تتمرنين بدون اوزان .

الحين نجي لموضوعنا الثاني وهو عن التغذيه طبعا ما فيه اي بروتين يشد الجسم وهذي معلومه خاطئه البروتين يعتبر مكمل غذائي ويستخدمونه لاعبين كمال الأجسام لزيادة الكتله العضليه .

وانا انصحج بالبروتين الطبيعي الموجود اللحوم البيضاء ( مثل السمك وصدور الدجاج) او اللحوم الحمراء وبياض البيض والفول واللوز والالبان والحليب والزبادي وغيرهم ..
وبالنسبه للأكل اهم شي يكون مسلوق او مشوي عشان مايكون فيه نسبة دهون كبيره وطبعا لاتخافين المشوي والمسلوق مايمتن واكلي براحتج ههه ..

ووو اتمنى اني افدتج واذا احتجتي اي شي انا حاظر ياطويلة العمر وبالتوفيق :)
السـلطان
06-06-2009, 09:43 PM
عليكم السلام ورحمة الله وبركاته

مرحبا اختي

الاخوان مشاء الله عليهم ما قصروا افادوك بخصوص البروتين

عشان جسمك يشد ويتناسق ما راح تحتاجين للمكملات الغذائية مثل البروتين

كل اللي عليك تسوينه :
اول شي التنظيم الغذائي وحاولي تكثرين من الاياف وغالبا تكون موجودة في الخضار وبالنسبة للبروتينات فهي موجودة في البيض والحليب واللحوم(مثل صدور الدجاج والاسماك افضل شي ) البعد كل البعد عن المقليات. بالنسبة للكيربوهدرات مهمه للجسم لكن بكميات معقولة وهي موجودة في الرز وفي الخبز (العيش). حاولي تبعدين عنها في الليل ولا تاكلين وتنامين بعدها حاولي يكون فيه فترة اقل شي ساعتين.

اما بخصوص التمارين :

التمارين السويدي بالاضافة الى المشي السريع مع الهرولة يميا يفي بالغرض واذا فيه مجال للسباحة فهو افضل وانصحك بالتنويع بالتمارين لكسر الملل..

اما بخصوص الدهون اللي في البطن فيه تمارين كثيرة والاخوان ما قصروا وضعوا فيديو لها في هالقسم.

وبالنهاية لا تنسين نفسك من الراحة البدنية والنفسية حاولي تنامين اقل شي ست ساعات الى 8 ساعات يويما.


وبالتوفيق
Miss.Swan
06-06-2009, 09:47 PM
جديد بقراطيسي ماقصصصصرت ياخوي

احين اتضحت الصوره ! شكلي كنت فاهمه الموضوع غلط بخصوص البروتين

حسبت انه بيخلي جسمي قوي :/ وبيساعده عضلاتي تقوا ف بتمرن اكثر وبجهد اقل << لول

:/ I mixed things up

عيل على جي باتم امشي واركض عشان اتخلص من الدهون وبعدين بارد ع تمارين مدربتي جيليان

=) مشكوووور وايد وباطبع الموضوع عشان دوم اتذكر شنصحوتني فيه واتم ع الplan

السلطااان تسسسسلممم اخووي

انا كلش ماكل مقليات مشكلتي الوحيده بآكلي الكوافي :o:02: ولا اكلي وايد صحي

او بالآصح احاول اني اخليه صحي ،، بس ان شاء الله بحاول التزم باللي نصحتوني فيه

مدري فكرت بآن البروتين اسرع حل عشان احصل نتايج بوقت قصير ( الميلك شيك المتروس بروتين ) مب البودر

:/ ،،، بس احين فهمت شالسالفه

thanks alot
عشــق البطــوله
07-06-2009, 01:54 AM
:) افا عليج ماسوينا الا الواجب ياطويلة العمر ..

وتمنياتي لج توصلين للي في بالج .. ووووبس اي سؤال انا بالشوفه .. سي يو
The Swimmer1
07-06-2009, 02:24 AM
يااهلا وسهلا..
انا اللي فهمته انك تبين توصلين لنتيجه معينه من التمرين...
واكيد البنات هدفهم معروف من ممارسة الرياضة..مثل الرشاقة والقوام الممشوق..ووو..

فانا من رأي انك ماتستخدمين مكمل غذائي (البروتين), لانه راح يساعدك في بناء الكتله العضليه ,وانا اعتقد انك مومحتاجة كتلة عضلية واضحة !! وخصوصا اذا انك تتناولين بروتين من مصادر طبيعية ايضاا..

لاكن انا انصحك تثقفين نفسك في التغذية شوي, لانها التغذية اهم من التمارين في الرياضة بشكل عام.
حاولي تكون وجباتك من3 الى 5 وجبات خفيفه باليوم. اثبتت الدراسات انها تساعد على حرق الدهون اكثر من الرجيم القاسي((وجبة باليوم)).

بشكل عام الاكل اللي فيه دهون ابتعدي عنه قدر الامكان وخاصة الدهون الحيوانية.(الوجبات السريعة,الفرايز,المقليات ووو.)
الكربوهيدرات: يفضل تناول الوجبة اللي فيها كربوهيدرات اكثر قبل اداء التمارين وايضا في الصباح(فترة الدوام..والروحة والجيه).قللي من الكربوهيدرات قبل النوم دائما واستغني عنه بالبروتينات.
البروتينات: يجب ان تكون في جميع وجابتك ,ومن مصادر نباتيه او حيوانيه او(مكس).
الخضروات والفواكه: يجب ان تكون ضمن وجباتك على مدار اليوم,ولاكن يفضل تقللي من الفواكة اللي فيها سعرات كثيرة.مثل.(الموز,المانجو,أفوكادو..) وتكثري من الحمضيات.
شرب الماء: وخاصة اللحين في فترة الصيف جدا مهم للجسم..وخلال التمرين يفضل يكون معاك علبة مويه خذي رشفة من فترة لفترة(الماء يساعد على منع الشد العضلي..ويساعد على نقل المواد الغذاية الى العضلات ليستفيد منها الجسم.)

اما بالنسبة للتمرين:-

جيليان مايكل أكيد مدربة رائعة وأخصائة تغذية بنفس الوقت وحتى ألفت كتب في التغذية.

المهم..استمري على تمارين الايروبك اللي موجودة في الديفيدي أتوقع انها راح تكون شاملة جميع عضلات الجسم..وطبعا حاولي توفري الاوزان اللي يستخدمونها بالتمرين كما هي لاانقص ولا ازود.
لاكن,,عشرين دقيقه ماعتقد انها كفاية..الا اذا كانت لمدة6 ايام بالاسبوع...
أو يمكن في تمارين اضافيه بعد تمارين الكارديو..مثل المشي على السير,الاوبتكال,الدراجة..(تأكدي من التعليمات في الديفيدي)

طبعا وبدون شك انصحك بالسباحة :) اذا كان بالامكان.. على الاقل مره بالاسبوع.
ولو تقدرين تسبحين كل يوم لمدة 20 دقيقة بشكل متواصل..راح تغنيك عن كل تمارينهم.

تحياتي,,