السلام عليكم اريد منكم المساعدة فلا تبخلوا على

[alaa945]

اولا وبعد السلام والتحية
اود ان اشكركم على تعاونك مع زملائك فى زيادة المعرفة عن رياضة كمال الاجسام وما يتعلق بها من مكملات وتمارين
ثانيا انا مبتدئ فى هذة الرياضة ولى كثير من التسائلات واتمنى ان تتحملنى وتساعدنى
ثالثا انا عمرى 29 عام وطولى 180 بدأت رياضة كمال الاجسام منذ شهرين وللعلم انا نحيف كان وزنى قبل البداية
حوالى 74 كجم ولكن بعد الشهرين والاكل بغزارة ولكن ليس مظبوط اصبح وزنى 87 كجم والحمد لله هناك فرق واضح
فى جسمى ولاحظت ان العضلات بدأت تظهر ولكن ايضا بدأت طبقة شحم واضحة فى جميع انحاء جسمى
ولكن نظرا لظروف قهرية اضطررت الى التوقف عن التمارين لمة 3 اسابيع ولاحظت ان جسمى نزل تانى جامد اوى لكن الشحم لأ

اسف طولت عليكم نبدأبقى فى الاسئلة
1) ليه جسمى نزل تانى وده معناه ايه هو اى حد لازم يلعب طول حياته عشان جسمه ما ينزلش؟
2) انا عايز ابدأ مكملات غزائية ومش عارف اخد ايه امينو اسد ولا واى بروتين ولا الاثنين معا ومين افضلهم وازاى وامتى اخده
وهل لو خدته جسمى هيوضح عليه ومش هاينزل تانى لو وقفت التمرين لاى سبب او حتى بطلت خالص وانا مش هاخد
منشطات ولا كرياتنين
3) انا عاوز اوضحلك انى بتمرن فى البيت مش فى صالة لانى ماعنديش وقت بحكم وظفتى والاوزان عاندى وكل حاجة
بس من غير اجهزة ممكن تقولى ايه هيه التمارين المظبوطة لكمال الاجسام من غير اجهزة
4) انا مش عايز اعمل تضخيم اوى بس عايز جسمى يبقة متقسم مظبوط واحافظ عليه وما ينزلش لو وقفت اعمل ايه؟
واخيرا اشكركم كثيرا وارجو افادتى

[alaa945]

السلام عليكم
ما فيش حد عايز يساعدنى ولا ايه
انا منتظر

[faredrocky]

) ليه جسمى نزل تانى وده معناه ايه هو اى حد لازم يلعب طول حياته عشان جسمه ما ينزلش؟
طبيعى جسمك ينزل لان الجسم بيتخلص من اى شئ انت نش بتستخدمه و طالما انت مش بتستخدم عضلاتك الجسم بيتخلص منها
) انا عايز ابدأ مكملات غزائية ومش عارف اخد ايه امينو اسد ولا واى بروتين ولا الاثنين معا ومين افضلهم وازاى وامتى اخده
وهل لو خدته جسمى هيوضح عليه ومش هاينزل تانى لو وقفت التمرين لاى سبب او حتى بطلت خالص وانا مش هاخد
منشطات ولا كرياتنين
نصيحه منى خد مكملاتك لما توصل لفتره 4 شهور لعب متواصل و تكون خلالها بتنشف اول لما تنشف ابدا برنامج زياده الوزن و خد مكملاتك
لو توقف اكيد جسمك بينزل شئ طبيعى

) انا عاوز اوضحلك انى بتمرن فى البيت مش فى صالة لانى ماعنديش وقت بحكم وظفتى والاوزان عاندى وكل حاجة
بس من غير اجهزة ممكن تقولى ايه هيه التمارين المظبوطة لكمال الاجسام من غير اجهزة
كده خطر عليك انت تعر ف لو انك بتتمرن تمرينه واحده غلط يطلعلك عضله غلط روح لك جم افضل و متقوليش مفيش وقت مش معقوله بتشتغل 24 ساعه فى اليوم و مش بتريح

انا مش عايز اعمل تضخيم اوى بس عايز جسمى يبقة متقسم مظبوط واحافظ عليه وما ينزلش لو وقفت اعمل ايه؟
واخيرا اشكركم كثيرا وارجو افادتى

هتوقف تمرين جسمك هينزل بعدين ليه توقف تمرين دى نقطه خطيره الغرب متفوق علينا فيها جدا تلاقى الواحد عنده 70 سنه و بيمارس رياضه
ارجو ان اكون افدتك مع العلم انى كتبت الرد 3 مرات و كل مره الجهاز يفصل منى ههههههه