عيـب والله عـــيب !!!!

[meshari260]

السلام عليكم ورحمه الله وبركاته ..


اخوانـي واحبائي زوار منتدى فاينال فانتسي القدماء والجدد منهم ..


احييكم بتحيه الاسلام واسئل الله انه يهدينا للصواب والحق والايمان الخالص ..


الصراحه بفاتحكم بموضوع حساس شوي وصريح حبتين وراح اشد بالكلام شوي واكون قاسي بعباراتي غير اللي تعودتم عليها مني سابقا .. اخواني من دخلت اللعبه من عام 2006 وانا قابلت اشكال واللوان من العرب وانتم كذلك .. قابلت المرح والغبي والذكي وثقيل الطينه والهادي و و و الخ .. كل هذا اوكيه يعتبر سلوكيات كل شخص واسلوبـه في الحياه وفي اللعبه .. لكن اللي حبيت اقوله ويضيق صدري من سنين وانا كاتمه بقلبــي كلمه ودي اقوله هي :
عيــــــــــب والله عــــــــيب :12:


نعم عيب عليكم هاللي تسوونه .. عيب لما اشوف لاعبين للاسف بدافع المزح وكسب اعضاء اجانب من دول العالم على حساب العرب والاسلام :( ياجماعه والله شفت الكثير مننا يتكلمون على المسلمين ويغلطون بالعرب وتشوه سمعتنا فوق ماهي متشووه .. ليه ياعالم !!!!!!!!


ناقصنا تقولهم والله بناتنا يتغطون ومحد يلمسهم وعندنا عقد وشوي الاجنبي يضحك هههههه
ناقصنا تقول الشرب عندنا ممنوع لو مسكوك تشرب قتلوك !!! للهدرجه مخلين صورتنا غلط!!


وقسم بالله ياجماعه اني شايف واحد يقول لــيتنــي ماني بعربي وكان اللينك شل مليــان اشخاص من اكثر من دولـه وحتى البعض استغرب!! يقول بكل فخر انا اكره العرب لانهم حراميه وراعين بوتـات وراعين درامــا :33:


طيب انا بسئلكم سؤال واحد خاصه اللي ممتاز لغه يابانيه او انجليزيه مافكرت بحديث الرسول اللهم صلي وسلم عليه (( لأن يهدي الله بك رجلا واحدا خير لك من الدنيا وما فيها ))



وقال تعالى : (( وَمَنْ أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحاً وَقَالَ إِنَّنِي مِنَ الْمُسْلِمِينَ )) ..


ترى مايفشلك انك تكون مسلم وعربي ..خلك غيور على دينك ووطنك حتى لو كانت في فاينال فانتــسي .. لا تحقر نفسك قدام اللي يسوى ومايسوى عشان تكسب رضاهم !!..
بالعكس يزداد اعجابهم بتمسك بعروبتك وودينك ..


اسف على الاطاله واتمنى تاخذون كلامي بصدر رحب .. ولو اني تمنيت اسمع عن اي شخص كافـر واسلم على يد اللاعبين العرب .. مثل مانسمع باسلام الكثير الكثير عبر الانترنت والبال توك وجميع المواقع ويمكن سمعتوا عن اللي اسلم من موقع لعبه البلياردو من كثر احتكاكه بالعرب المسلين ..


فهل ممكن يتحقق هذا الشي او لا .!!؟



لكم المايك والسلام ختام

[Hawu]

مرحباااااااااا,,

شو هالموضوع؟! :wow:

اول مره اشوفك جاد لوول

بس شوف, الناس اجناس, وما تقدر تقول كل العرب جي, ولا تقدر تقول كل الاجانب جي

فيهم الحلو والمر

وانا شخصيّاً سواء عجبك هالشي او لا, لي قناعاتي وتجاربي خصوصاً ففاينل

واقولك اياها, نادر تحصل "عرب" محترمين.

محترمين اخلاقياً او البوت او غيره, صراحه وايد مشوهين صورتنا

يوم حد يسمع اني عربيه او غيري عربي, الناس كلها يقولون هيه GBs

ليش يعني؟ لانه اكثر العرب GBs خصوصا اللي بهالمنتدى

يعني انته ترضا شخصية شخص عزيز عليك تنسرق من قبل ال GSs وايي "خويّك" الثاني يشتري منهم الشخصيه او الفلوس اللي كسبوها؟

مب بهالطريقه يساعدونهم على هالشغله ويخلونهم يستمرون بتجارتهم؟

ما اقول العرب بس, لا في جنسيات ثانيه اكيد, بس معظمهم عرب

انا احبذ انه ربعي يكونون من جنسيات مختلفه, ومحترمين

ولا انه يكونون كلهم عرب لمجرد العروبه

لانه في ناس جد "عيب" تقول عنه "عربي"

بس فنفس الوقت, ما ارضا حد يغلط علينا, ولا على ديننا

وشو يعني لو عرفوا انه احنا ما نشرب؟ هالشي غلط؟ لعلمك عندي وايد ربع اجانب, وهم نفسهم مقتنعين انه الشرب غلط, وما يشربونه ابد

وفنفس الوقت اعرف واحد عزيز عليّ ويشرب ليل نهار, ويعرف انه احنا ما نشرب, وعرب ومسلمين وبالعكس ما يمانع هالشي ويحس انه دمار لو شربنا, وبعد الحين يسمع منّا ويحاول يوقف شرب بدال ما كان يومياً صار فالاسبوع مره

ولو بيدي بخليه يسلم ليش لا XD

وشو يعني "عقد" لانه بناتنا محد يمسهم؟ احسن بدال بناتهم اللي كلهم امراض ونجاسه ولا شو رايك؟

انا ك بنت يطلبون ساعات صورتي او رقمي او او او, افهمهم ديني, اصلي وانه هالشي مب مسموح لاسباب معينه, عمره ما حد ضحك وتمصخر او او, بالعكس هم داخلهم يعرفون انه اللي يسونه غلط, دايرين من بنت لبنت وهاي حياتهم

:D ونستقبل الهجوم اللي بييني عقب شوي~

[Yuna]

Well, this is sort of a delicate issue which I personally did not want to reply to , because I doubt that many of you will grasp my points


First of all, I'd like to say that I do not care about the person if he is American, Arabian, EU player or JP; I do not care if the person believe in God or has no faith at all


All of this, does not concern me, because it is your life and you have the right to believe and reject things


Regarding what you said about drinking alcohol; it is NOT true that all EU players drink. Some of them do not drink. I've met people like that in real life


I won't judge on a person that he is bad from issues like that because people in ffxi are from many nations and surely they have multi-cultures


What is wrong in your culture, could be good in another culture, so you have no right to randomly hate people just to the fact that they drink or do not follow your belief


As you can see, I can't like someone just to the fact that they are "Arabian muslims" or " American christians". Who cares


What I do care about is that when I play with people do not just start to create drama from nothing


I've met people like that from many nations and If you are like that I won't like you. it is as simple as that


In the end, I won't interfere in these matters because life is based on what you want to choose to yourself and not on what the other people want you to be


I support good players from any nation! I've met nice arabs and at the same time met ridiculous arabs who do not know the meaning of friendship; it is very easy for them to just get angry at you for reasons like; /slap you did not /wave to me! you did not say "hi" to me! you did not say "gratz" to me... and sometimes they are very jealous that you have better gear, or know friends who take care of you !! so yeah you think I'll like people like that

[Zatar]

مشكلمتنه يالعرب او الاجاانب
ان اكثر النااس ماتفرق ان العرب انواع
العربي المسلم لي احنى طبعا
والعربي المسيحي والعربي اليهودي والخ

لو تتكلم عن الاسلام او شخصيات اسلاميه عظيمه
عندك الدوله العثمانية كانت دوله الخلافه الاسلاميه
بس ماكانت عربية ياليت احد يصحح لي هالمعلومه اذا غلط

وصلاح الدين الايوبي كان كردي الاصل

والحاكم قطز كان مملوك من دول مو عربية

بس لي بوصله انتبهو بين العرب والاسلام
مو كل عربي مسلم

والعكس انا ديما اسولف ويا رفيجي ياباني مرات عن التاريخ
اقوله عن ضحك ان الاسلام بسنه او سنتين هزمنا اقوى امبروطوريات بالعالم
الروم والفرس عاد اهوا جذي O.O
بس ارد واكرر ياليت فهمتوو النقطه لي بوصلها
واذا في معلومه غلط ياليت احد يصححها ل لاني مو دكتور بالتاريخ :p

[Hawu]

اول شي, سلادين شو تقول؟

جد يعني شو مشكلتك؟ لوول

احس احنا فوادي وانته فوادي, ياخي مب درس تاريخ !!

وانا مع Yuna ^__^!

[Zatar]

انا اشوف شي انتو ماتشوفوونه !!!!!!!!

[Broodex]

Well, this is sort of a delicate issue which I personally did not want to reply to , because I doubt that many of you will grasp my points


First of all, I'd like to say that I do not care about the person if he is American, Arabian, EU player or JP; I do not care if the person believe in God or has no faith at all


All of this, does not concern me, because it is your life and you have the right to believe and reject things


Regarding what you said about drinking alcohol; it is NOT true that all EU players drink. Some of them do not drink. I've met people like that in real life


I won't judge on a person that he is bad from issues like that because people in ffxi are from many nations and surely they have multi-cultures


What is wrong in your culture, could be good in another culture, so you have no right to randomly hate people just to the fact that they drink or do not follow your belief


As you can see, I can't like someone just to the fact that they are "Arabian muslims" or " American christians". Who cares


What I do care about is that when I play with people do not just start to create drama from nothing


I've met people like that from many nations and If you are like that I won't like you. it is as simple as that


In the end, I won't interfere in these matters because life is based on what you want to choose to yourself and not on what the other people want you to be


I support good players from any nation! I've met nice arabs and at the same time met ridiculous arabs who do not know the meaning of friendship; it is very easy for them to just get angry at you for reasons like; /slap you did not /wave to me! you did not say "hi" to me! you did not say "gratz" to me... and sometimes they are very jealous that you have better gear, or know friends who take care of you !! so yeah you think I'll like people like that


فعلا باب النجار مخلوع

من رحمة الله على عباده اني مو مشرف منتدى

[المـلقب بالخطير]

لا فرق بين عربي أو أجنبي إلا بالتقوى

مستعد أبحث لك واحد أجنبي مسلم أخير من أمة عربية ، ليس كل عربي مسلم .

ليس كل مسلم عربي ، ولكن من المفترض كل عربي مسلم .

إذا كان العربي لا يتحلى بالأخلاق الإسلامية ، شأنه شأن الأجنبي الذي لا يتحلى بالأخلاق الإسلامية .

لذلك ، لا تستغرب إذا وجدت بعض الناس تنفر من بعض اللاعبين العرب ، سبحان الله بعضهم مافيهم خير ، لكن الخيبة الحقيقية اظهار صورة مسلمين العرب بهذه الصورة ....

لذلك مازلت أؤمن بأن العرب كلهم يتحلون بالأخلاق الإسلامية ، ولأنني عربي مسلم بإذن الله راح أبذل المستحيل لكي أظهر كأفضل صورة !!!

أنا أنصح كل واحد يحسن صورة نفسه أولا ، و ما عليك من الآخرين ، إذا لم تحسن نفسك راح تصيبنا عدوى .

والسلام عليكم ...

الكاتب : المـلقب بالخطير.

[المـلقب بالخطير]

المنتدى عربي والكاتب عربي والقراء عرب واللغة عربية والازرار والقوانين والمشرف عرب
وانتي تتفلسفين بهاللغة

فعلا باب النجار مخلوع

ياحلالاه لو اني مشرف
أأأأأأأأأأأأأأأأأأأأأأخ بس

معليش مشاري ذي بعصت ام المزاج بكره برد عليك واخلي هالانسانه اكبر دليل على ردي بكره

عذرا على اللقافة :silly:

لكن مافي قانون يقول ممنوع تكتب انجليزي :boggled:

[Broodex]

مسحته الله يحرجك :( انت من بعد الحب الوهمي مع اليابانيه وانا ماني مرتاح لك هههههههههههههههههههههه

[meshari260]

مدري احس اني المعلومه وصلتكم غلط :boggled:!!




إذا كان العربي لا يتحلى بالأخلاق الإسلامية ، شأنه شأن الأجنبي الذي لا يتحلى بالأخلاق الإسلامية



لذلك مازلت أؤمن بأن العرب كلهم يتحلون بالأخلاق الإسلامية ، ولأنني عربي مسلم بإذن الله راح أبذل المستحيل لكي أظهر كأفضل صورة !!!


بالضبط اخوي الملقب بالخطير وصلت خير وكلام يبرد خاطري الله يجزاك خير
بالضبط انت الوحيد اللي تكلمت عن اللي ابي اوصله من موضوعي



اول مره اشوفك جاد لوول

طبيعي اكون جاد بموضوع خطير مثل كذا .. نجامل وننافق على حساب دين عظيم يمن الله علينا به
شخص مسلم " عربي" باللينك شل طاح سب بالمسلمين وانهم قتله وان اللي يشرب خمر يقتل
و ابن لادن .. والخ من الكلام ..

سئلته ليش فعلت كذا وكذا ؟ قال بدخل علاقه مع اللينك شل ومن باب المزح والسواليف واكسب ودهم ..فجاءه سئل شخص باللينك شل : يافلان .. دينكم يأمر بقتل السكران لو دخل عندنا هذا الدين لقتل كل عائلتي هههههه ... ( لا تعليق :( )


وشو يعني "عقد" لانه بناتنا محد يمسهم؟ احسن بدال بناتهم اللي كلهم امراض ونجاسه ولا شو رايك؟

ايوه لما انفتح هذا الموضوع من هذا الشخص اللي ذكرته .. رد احد الميمبر وكان جنسيته اسباني يقول عندنا اشرف اشرف اشرف بنت لامسينها الشباب 90 مره .. هذي اشرف وحده.. لاحول ولا قوه الا بالله .. واللي عذراء تكون محل سخريه عندهم ..

يقصد " عقد " يعني اننا شعب معقدين مو منفتحين مثل الغرب


What I do care about is that when I play with people do not just start to create drama from nothing

الموضوع مايتعلق بالدراما والشرب وشراء الجيل موضوعي اننا مانسخر من الدين حتى لو كان امريكي مسلم .. لانه اصلا واجب عليك وعلى الامريكي وعلى اي شخص يدخل الاسلام انه ينصره
ويدعو له .. مو يرمي الكلمه ولا يحسب له حساب لانه الموضوع يتعلق بجنه ونار اسلام وكفر مو شراء جيل يتعلق بطرد من اللعبه او دراما ..


Zatar

هههههههههههه اعجبني مداخلتك وكلام ذكرني ايام الدراسه :cray: بس صحيحه معلوماتك
بعض القاده المسلمين غير عرب ومنهم سلمان الفارسي رضي الله عنه وحلو انك تدخل
مع صاحبك الياباني بشي عن الاسلام هذي الفكره المطلوبه مننا ..
ممكن تدخل معاه بشكل عفوي لو حبيت :
Do you know about islam ?

وتعطيه رابط موقع ياباني او انجليزي يشرح الاسلام وماتدري يمكن يسلم على ايدك :biggrin2:

حتى انا قريت عن الاسلام باليابان ولقيت هذي المعلومات

وصل عدد المسلمين في اليابان إلى ما يزيد عن مائة ألف، وهم في ازدياد مستمر، إضافة إلى أكثر من 400 ألف ياباني يدرسون الإسلام.وأول ياباني أسلم كان على يد مسلم إنجليزي في إستانبول -كما تذكر المراجع- عام 1891م . رئيس المركز الإسلامي في طوكيو باليابان، أكد أن المسلمين والدعوة الإسلامية في اليابان لا تلقى أي اضطهاد أو تضييق، ويقول: "اليابان ربما يكون أحسن مكان لنشر الإسلام حاليا؛ لتقارب العادات والتقاليد اليابانية مع الخلق والسلوك الإسلامي، ولوجود تقارب حميم بين الشعب الياباني والمسلمين".

وتقول المعلومه ان اليابانيين الوثنيين اسرع تقبل للاسلام من النصاري واليهود :)
ويوجد مراكز لتعليم الاسلام واللغه العربيه والقرآن لديهم بشتى انحاء اليابان

[Hawu]

لو العربي اللي قال هالكلام هو اللي فبالي

اسمحلي ما يحتاج اتعب نفسك, واحد اهله مب مربينه ولسانه متبري منه, شو تتوقع؟

ومثل ما قال دنجر, كل واحد يبدا بنفسه :D

[meshari260]

من اللي فبالك :p


طيب يا Hawu انا عندي تساؤلات كثيره نقدر نوصل الاسلام عن طريق فاينال فانتسي؟
ممكن يجي يوم يسلم علي يدك يا Hawu انسان تنقذينه من عذاب النار؟

انا سمعت ان امريكي دخل الاسلام بسبب ان بوش قال كلمه الاسلام بخطابه مره وحده
واستغرب من هالكلمه وبحث عنها بالانترنت واسلم :)

ممكن حنا في فاينال فانتسي يسلم على ايدينا شخص ؟ مثلنا مثل اي موقع اسلم فيه الكثير؟


هذا مقطع يتيوب فتاه تسلم على شي ما تتوقعونه بصراحه .. هذا الدين عجيب عجيب
http://www.youtube.com/watch?v=8bEXRxtdTNs

[Yuna]

فعلا باب النجار مخلوع

من رحمة الله على عباده اني مو مشرف منتدى


ماعليه أخوي السموحه بس وربي ماعندي كيبورد عربي ..

و اضن يحق لي اكتب باللغة الي اريدها انا كاتبه بالأنجليزية و الكل هني يفهم كلامي ^^

وبعدين ياحليلك بس .. لو كنت مشرف شنو راح تسوي يعني ؟

اقصى شىء فيك تسويه تحذف ردي ووقتها راح اكلم احد الأخوان بإدارة منتدى المنتدى علشان يحاسبك ولو ما نفع نروح منتديات الأجانب لأن عند الغرب شىء اسمه حرية التعبير عن الرأي الي اكثر العرب ماتعلموه في حياتهم ..



لانه اصلا واجب عليك وعلى الامريكي وعلى اي شخص يدخل الاسلام انه ينصره
ويدعو له .. مو يرمي الكلمه ولا يحسب له حساب لانه الموضوع يتعلق بجنه ونار اسلام وكفر مو شراء جيل يتعلق بطرد من اللعبه او دراما ..

يا سلام بس ..مادري من وين تييبون هالأحلام ..

احنا بعالم متطور لو هذا الشخص حاب يفهم عن اي شىء بالعالم فيه يبحث بنفسه بدقيقة من وقته

الشىء الثاني الدعوه لها أساليبها مب من خلال العاب الجيمز او أفلام الكرتون الشخص راح يغير دينه وطريقه حياته أول ابحث عن الوسائل الصحيحة للحوار علشان فيني اشجع هالموضوع

بعدين بكل صراحه انا ماعندي قدرة اني اغير الناس لو كانت عندي هالطاقات جان استخدمتها لكن ماعندي يعني مثل ماقالت خيتي لو فيني اغيره غيرته ..

انت تقول اننا ننقد شخص من نار ,ومادري شنو اثبت لي انه شخص غير مسلم ماوصله الأسلام بطريقه صحيحة راح يدخل النار هذا اول شىء خطأ راح توصله للأجانب وراح تحمل امة كاملة رساله خاطئة

اتمنى وصلت الفكرة والمعذرة على الأطاله ,,

[meshari260]

Yuna
اختي الغاليه
حتى لو كنا بعالم متطور وعالم يعج فيه التكنلوجيا والاعلام والسرعه كله هذي وسائل دعوه ;)
يعني نلعب على انفسنا او الشيطان شاطر بهذي المسئله :أفكر: .. ناس شقت الجبال وعبرت البحار ومشت على الاقدام حتى توصل كلمه لا اله الا الله .. وتقولين وسائل صحيحه :33: .. انا ما ادري
وش نوع الوسائل الصحيحه اللي تبغين .. مو كافي انك جالسه على كرسي مريح وقدامك شاشه
وشاهي وقهوه وعصير تجيك من الخدامه وعجزانه عن حركه بالاصبع بس نسخ ولصق رابط
موقع يشرح الاسلام وتلصقه في شات مع شخص اخر :33: كل هذي مو وسائل صحيحه !!

وحتى يا اختي Yuna لما قلت نار ذكرت قبلها دعوه .. يعني دعوه ثم تحذير
بجيب لك مثال : تخيلي انك في غرفه كبيره وكان فيه ناس معك بنفس الغرفه وكانوا نائمين
وفجاءه اشتعلت نار في الغرفه المجاروه وطبيعي انها ستزحف للغرفه التي انتي بها .. فما عليك
ان تفعلين ؟ هل تفرين ؟ ام تتفرجين على النار وهلي تلتهم جثثهم ؟ ام ايقاضهم للنجاه من النار؟

وهذا الحال لنا كمسلمين داخل لعبه او داخل مسرح او داخل ملعب اوي شي كان .. فالواجب على المسلم والمسلمه ان يوقظوا هؤلاء النائمين من المسلمين الغافلين وغير المسلمين ليتدارك كل واحد منهم حاله .

اختي الغاليه Yuna افهم من كلامك اننا مستحيل وغير منطقي ان يسلم شخص من خلال فاينال فانتسي ؟ ارجو الاجابه

[meshari260]

بعدين بكل صراحه انا ماعندي قدرة اني اغير الناس لو كانت عندي هالطاقات جان استخدمتها لكن ماعندي يعني مثل ماقالت خيتي لو فيني اغيره غيرته

بالعكس عندك الطاقات الكبيره اللي تغيرين من الالاف الاشخاص ماتحتاج عضلات
ولا نرفزه وعصبيه .. بكل بساطه اسلوب سهل جدا وراح اذكره لك اختي .. يمكن تكون هذي الاساليب التي تبحثين عنها :

الاسلوب الاول : يقول سبحانه وتعالى :( ادع الى سبيل ربك بِالحكمه والموعظه الحسنه وجادلهم بالتي هي احسن )

الاسلوب الثاني : قال تعالى ( فبما رحمه من الله لنت لهم ولو كنت فظا غليظ القلب لانفضوا من حولك )


الاسلوب الثالث : قال تعالى ( فقولا له قولا لينا لعله يتذكر او يخشى )


كلها اساليب من القرآن يعني ماجبت شي جديد .. انتي تحري الاسلوب الحسن والحكمه ثم الموعظه الحسنه والكمات الطيبه اللي تحرك القلوب وتذكر بالاخره وبالجنه والنار


وان ماقدرتي على هذا كله : نطبق شعار الملقب بالخطير وتكونين غيرتي اشياء كثيره بنفسك

ولأنني عربي مسلم بإذن الله راح أبذل المستحيل لكي أظهر كأفضل صورة !!!

[Zatar]

Yuna
اختي الغاليه
حتى لو كنا بعالم متطور وعالم يعج فيه التكنلوجيا والاعلام والسرعه كله هذي وسائل دعوه ;)
يعني نلعب على انفسنا او الشيطان شاطر بهذي المسئله :أفكر: .. ناس شقت الجبال وعبرت البحار ومشت على الاقدام حتى توصل كلمه لا اله الا الله .. وتقولين وسائل صحيحه :33: .. انا ما ادري
وش نوع الوسائل الصحيحه اللي تبغين .. مو كافي انك جالسه على كرسي مريح وقدامك شاشه
وشاهي وقهوه وعصير تجيك من الخدامه وعجزانه عن حركه بالاصبع بس نسخ ولصق رابط
موقع يشرح الاسلام وتلصقه في شات مع شخص اخر :33: كل هذي مو وسائل صحيحه !!

وحتى يا اختي Yuna لما قلت نار ذكرت قبلها دعوه .. يعني دعوه ثم تحذير
بجيب لك مثال : تخيلي انك في غرفه كبيره وكان فيه ناس معك بنفس الغرفه وكانوا نائمين
وفجاءه اشتعلت نار في الغرفه المجاروه وطبيعي انها ستزحف للغرفه التي انتي بها .. فما عليك
ان تفعلين ؟ هل تفرين ؟ ام تتفرجين على النار وهلي تلتهم جثثهم ؟ ام ايقاضهم للنجاه من النار؟

وهذا الحال لنا كمسلمين داخل لعبه او داخل مسرح او داخل ملعب اوي شي كان .. فالواجب على المسلم والمسلمه ان يوقظوا هؤلاء النائمين من المسلمين الغافلين وغير المسلمين ليتدارك كل واحد منهم حاله .

اختي الغاليه Yuna افهم من كلامك اننا مستحيل وغير منطقي ان يسلم شخص من خلال فاينال فانتسي ؟ ارجو الاجابه

اتوقع ان الدعوه لها اهلها
اذا احد يبي يدعي للاسلام اتوقع في مواقع مخصصه او البرامج مثل البالتوك
الواحد يدخل القيم يبي الترفيهه و يونس نفسه
وفي ايه بالقران الكريم
مو حافظها بس بقول معناتها
في مامعنى "انك لا تهدي من تحب ان الله يهدي من يشاء"

ومثل ماقلت ان في تطور وتكنلوجيا
اتوقع الواحد يدخل مواقع اسلاميه احسله

ومثل ماقريت في مواقع اسلاميه مسوينها اليهود محرفين بالاسلام
لازم الواحد يحذر منها

والاعلام الاجنبي حييل حيييل حيييل مشوه صوره الاسلام
خاصه من احداااث 11-9
نظره العالم تغيرت للاسلام

ونصييحه للكل يشوف فلم وثائقي اسمه القادمون باليوتوب the arrivals

[المـلقب بالخطير]

مسحته الله يحرجك :( انت من بعد الحب الوهمي مع اليابانيه وانا ماني مرتاح لك هههههههههههههههههههههه

حـــب وهمي :boggled: ؟

علشان عرفت الحقيقة صرت أحبها :09: ؟
قول الحمد الله البنات ما يقربون لك XD


بالضبط اخوي الملقب بالخطير وصلت خير وكلام يبرد خاطري الله يجزاك خير
بالضبط انت الوحيد اللي تكلمت عن اللي ابي اوصله من موضوعي

حياك الله أخوي meshari260 :D

لعلمك ، في بداية أيامي للعبة حاولت أكلم الناس عن الإسلام لكن والله عجزان أتكلم لأني ماعندي القوة المعلوماتية لكي أنشر الدين ، أيضا لغتي جدا ضعيفة (الإنجليزية) فصعب جدا أتكلم بطلاقة ...

المهم .. مرة أحضرت القاموس وقلت لأجرب مع واحد .
صاحبت واحد ايطالي ... اكتشفت إنه ملحد .
فتكلمت وقلت له
Look to the sky look to the sea , the Tree How its Made ? is it really there is no god for all this

قال لي و بكل برودة : إنت تتكلم مثل الللي في Quest SMN

x_x

انا لم أيأس في اقناعه لكن من الصعب أن أقنعه ._.

[meshari260]

ههههههه المقلب بالخطير ..

شوف فيه مثل يقول ( الرصاصه اللي ماتصيب -- تدوووش )

ان مالقط منك يلقط من غيرك بس يكون اخذ فكره شي حلو ;)

اسمحولي فيه كم تعديل

إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ ) الايه الصحيحه

هذي عارف متى نزلت زااتار ؟ .. نزلت بعد مادعى الرسول عمه مئات المرات وحتى على فراش موته يدعوه للاسلام ولم ييأس .. يعني اللي راح يدعو لم يصبر ويتحمل ويستمر
مو يجي من الآخر ويقول يارجال بلا دعوه بلا هم انك لا تهدي من احببت ولكن الله يهدي من يشاء !!


فيه امل يسلم شخص من خلال فاينال فانتسي ؟ ( للجميع الاجابه هالمره :09: )

[meshari260]

اسمحولي بهذي القصه
----------------------------------------------
يقول احد الاشخاص :

كنت في ألمانيا .. فطرق علي الباب وإذا صوت امرأة
شابة ينادي من ورائه .
فقلت لها : ما تريدين ؟ .. قالت افتح الباب ..
قلت أنا رجل مسلم ..وليس عندي أحد ..ولا يجوز أن تدخلي علي ..
فأصرت علي .. فأبيت أن أفتح الباب..
فقالت : أنا من جماعة شهود يهوه الدينية ..
افتح الباب ..وخذ هذه الكتب والنشرات ..قلت : لا أريد شيئا ..فأخذت
تترجى ..فوليت الباب ظهري ..
ومضيت إلى غرفتي فما كان منها إلا أن وضعت فمها على ثقب في الباب ..ثم
أخذت تتكلم عن دينها ..وتشرح مبادئ عقيدتها لمدة عشر دقائق ..
فلما انتهت .. توجهت إلى الباب وسألتها : لمَ تتعبين نفسكِ هكذا فقالت : أنا
أشعر الآن بالراحة لأني بذلت مـــا أستطيع في سبيل خدمة ديني .
قال تعالى : " إن تكونوا تألمون فإنهم يألمون كما تألمون "

عجبـــــا ..
كيف تجرؤ مغنية فاجرة .. ان تغني أمام عشرة آلاف ..ولم تقل إني خائفة أو
أخجل ..وكيف تجرؤ راقصة داعرة .. أن تعرض جسدها ..ولا تفزع وتوجل ..
وإذا طلب من بعض الصالحات مناصحه أو دعوة ..خذلها الشيطان ..

--------------------------------------------------------

اعيد السؤال :

ممكن يجي يوم من الايام يسلم شخص من لعبه فاينال فانتسي ؟
ترى لو محد جاوب بنزل سؤالي في منتدى وااو :p

[Zatar]

ا
خوي مشاري
هذي قصه تجوزلك
كان واحد مساافر ويا رفيجه دوله اوروبيا
ناس تبي تعربد وتخربط
واهم سهرانين بديسكوو
يتهم وحده من بنات المكان تبي تضيفهم
واهي قاعده عند صاحبنه
مسك ايدها
ولع الولاعه وقرب النار من ايدها واهي حست بالحراراه وخربت ايدها
وقعد يضحك ويقول هذي نار ولاعه ومو مستحملتها شلون نار جهنم
واهي استغربت من ضحكته وكلامه
وسالت عنه عرفت انه مسلم وان بعقيدتنا اهناك اخره وجنه ونار
وان بقصده بالولاعه عذاب جهنم
وعلى طول اسلمت

وصارت من بعدها داعية من بعد ماكانت ...........

وهذي اجاابتي لك مشاري
وهذي سالفه ثانيه

ناس مايعررفون عن الاسلام
من بعد احدااث 11 سبتمبر
سمعو ان الاسلام ارهاب والخ
وهم فضول فيهم يبون يعرفون شنو الاسلام
دشو النت ودور عنه واسلموو واهم ماكانو يعرفون شنو الاسلام


رووح نزله في واو ههههههههه
مو ناقص اشوف ميثرا عندنا لابسه برقع -0-
اتشغمر

[Sub^Seven]

انا برد على موضوعك باختصار لان ماعندي اضاءة حاليا

قال الرسول عليه الصلاة والسلام
لإن يهدي الله بك رجل واحدا خير لك من حمر النعم

انت تسوي الي عليك وتحتسب الاجر بذلك تكون اخذت الاجر سواء اسلم ام لأ ومثل ما قلت خطأ ان البعض ما يفتخر بدينه او يدعو اليه بقولك مثال

من شهر تقريبا كنت اتمشى مع المدام نتسوق هنا في لندن شفت 4 اشخاص اجانب لابسين وزار ابيض لبغريب وعلى وجيههم خط اصفر ويغنون دينهم امام اكثر من 300 شخص وما استحوا او خافو مع العلم لسهم غريب جدا وعلى وجيههم خط اصفر فما بالك انت خلال لعبه محد درا عنك + ممكن تشوف موقع يتكلم عن الاسلام وتحطه بالكومنت مالك وانا شفت اشخاص يحطون عبارات اسلاميه جزاهم الله خير وانت ممكن تخلي اللعبه متعه + اجر ماراح تخسر شي وانا اقول ممكن ونص
ونردد ونقول الله يلعن القائمين على شركة فاينال
<- ميت من الباند :)
وجزاك الله خير مشاري وموضوع حلو وانا ما قريت الردود بس حبيت ارد باختصار خخخخخخخخخ
اخوك ابو عبدالله

[Hawu]

شخصياً احس الموضوع خذ منحنى آخر

واحنا ع قولتك نقدر ننشر الاسلام بطريقه وحده انك تخلي الناس يسوون search عنك وعن بلدك

والناس ما بيسوون هالشي الا لو واحد من الاثنين

1- راويتهم انك ياي من بلد زفت واخلاقه زفته

2- العكس

[heonekel]

السلام عليكم ورحمة الله و بركاته
اخوي مشاري موضوعك حيـل حساس وانا عن نفسي صادفت عرب بالنوعيه هذي ><"
لكن الناس اجناس و صح لازم الواحد يغار على دينه و ديره حتى ولو ابفاينل او اي لعبه ثانيه
لكن الشكوه لله و الواحد ما يقدر يتجك ابتصرفات غيره :(

[bigbosshenry]

السلام عليكم
انا صراحتا اعرف بعض العرب في البارتي او اللينكشيل لمن نتكلم عن الاوقات او البلدان او حتى الاديان....بعض العرب الي اعرفهم موجودين و قاعدين يسمعون بس ما يتكلمون و فجأة يظل ساكت كانه راح AFK و هو قاعد يلعب و من هذوله العرب اكثر ناس يسولفون بس وقت الصجية اخرطي و ما يقول اهو من وين او شنو دينة الا اذا الي ساله يحن و مصر على معرفة الاجابة و بصراحة هذا غلط , انا عن نفسي و بصراحة بسرفري الي هو فينكس مافي عرب وايد تقريبا ما يتعدون العشرة ما قط شفت واحد يفتح موضوع عن البلدان او الاديان , و انا مرة تعمدت افتح موضوع عن البلدان لمن صاحبي عربي كان معاي بالبارتي , و قعدت اتكلم و اقول اني كويتي عربي و اني مسلم و لله الحمد و اشرح عاداتنا و تقاليدنا و انفي للاجانب الموجودين منهم كل التهم الملصوقة بدين الاسلام , و الله تفاعلوا معاي و ردوا باسلوب وايد حلو و قالوا انوا احنا نعرف انه كل هذه التهم باطلة و انه البعض من مفكرينهم ما يعرفون عن الاسلام بس يتكلمون و يالله حيوا, و صاحبي العربي طول فترة المناقشة الي طرحتها و هو ساااااكت مادري نايم ولا مستحي....و فعلا انا من مؤيدي القول الي يقول انه اهم يعجبون بالشخص المتمسك بدينه و اصله و يامة فتحت مواضيع شبه سياسية\دينية مع عدة اجانب و اشهرها مع امريكي كان ابوه مصري ما له دين مدمن على المخدرات...الخ , فناقشته عن الدين الاسلامي و تقاليد العرب و طرحنا بعظ المواضيع السياسية الا و هي موضوع فساد حكومة جورج بوش...الخ و تقبل ارائي المهاجمة لجورج بوش بالتأييد من قبله و فعلا كان عقله منفتح و متحظر , و لكن الصدمة.........انه بعد شهرين.....عطاني /tell و قالي من عقب حديثك , انا تحريت اكثر عن الاسلام , و تعلمت القليل منه , و انا الحين مسلم.........انا اب هاللحظه اتفاجأت و بعض الشي افتخرت بنفسي اني شبه انقذت هذا الرجل , الي خظت معاه المناقشة بعد ما سويت معاه مهمة اب ساعة , و من بعدها و انا احاول افتح حوارات عن الاديان و لكن ما تظبط .
فاجابتي لك اخوي مشعل اهي بالتاكيد نعم تقدر تغير شخص و تدخله الاسلام عن طريق فاينل فانتسي و عن طريق اي برنامج او لعبه يكون فيها chatting او طريقة للتواصل.

[heonekel]

اسمحولي بهذي القصه
----------------------------------------------
يقول احد الاشخاص :

كنت في ألمانيا .. فطرق علي الباب وإذا صوت امرأة
شابة ينادي من ورائه .
فقلت لها : ما تريدين ؟ .. قالت افتح الباب ..
قلت أنا رجل مسلم ..وليس عندي أحد ..ولا يجوز أن تدخلي علي ..
فأصرت علي .. فأبيت أن أفتح الباب..
فقالت : أنا من جماعة شهود يهوه الدينية ..
افتح الباب ..وخذ هذه الكتب والنشرات ..قلت : لا أريد شيئا ..فأخذت
تترجى ..فوليت الباب ظهري ..
ومضيت إلى غرفتي فما كان منها إلا أن وضعت فمها على ثقب في الباب ..ثم
أخذت تتكلم عن دينها ..وتشرح مبادئ عقيدتها لمدة عشر دقائق ..
فلما انتهت .. توجهت إلى الباب وسألتها : لمَ تتعبين نفسكِ هكذا فقالت : أنا
أشعر الآن بالراحة لأني بذلت مـــا أستطيع في سبيل خدمة ديني .
قال تعالى : " إن تكونوا تألمون فإنهم يألمون كما تألمون "

عجبـــــا ..
كيف تجرؤ مغنية فاجرة .. ان تغني أمام عشرة آلاف ..ولم تقل إني خائفة أو
أخجل ..وكيف تجرؤ راقصة داعرة .. أن تعرض جسدها ..ولا تفزع وتوجل ..
وإذا طلب من بعض الصالحات مناصحه أو دعوة ..خذلها الشيطان ..

--------------------------------------------------------

اعيد السؤال :

ممكن يجي يوم من الايام يسلم شخص من لعبه فاينال فانتسي ؟
ترى لو محد جاوب بنزل سؤالي في منتدى وااو :p

اخوي مشاري سو كل شي الى انك تنقله عند منتدى wow :P:P
كلامك صح 100%
وانا بصراحه انه فكرة احد يسلم عن طريق فاينل مو مستحيله و اصلن صارت مع واحد من الشباب يلعب فانيل و كل ماصار شي ولا شي سولف عن المجتمع الاسلامي و العاداة والتقاليد و الـخ ...
لما وحده من اللنكشل كانت تسأله عن الاسلام و تبي تعرف كل صغيره و كبـيره فيه ..
يعني هذي الشغله لا إنها مستحيله او بعيده بعد الخيال فـ مادري ليش بعض الاخوان مستصعبين هالشغله :S

[Yuna]

موضوعكم واااايد اختلف عن محور الموضوع انتم تتكلمون عن العرب بالجيم شنو الي وصلنا لسوالف حساسه جذي ...

كثرت مواضيع غريبة بالقسم ليش ماحد نزل تحديثات الجيم شىء عجيب صراحه ^^;;

المهم الي قابلتهم من العرب من هذا المنتدى دون استثناء ناس اخلاقهم حلوه ^^

لكن اقول انه فيه اشكال صج ماحد يرتاح لهم اكثر من غيرهم من الأجانب يعني لقيت وسمعت اشياء ماشفتهم بغيرهم من جنسيات ثانيه

ائحم .. مب لازم اذكر اسم لينك شيل وشنو مشاكلهم داخل سيرفر Rag بين كل الناس




وعلى العموم برد للمرة الأخيرة علشان طلب صاحب الموضوع

لأن هالسوالف الحساسه ماحبها ابداً



وعصير تجيك من الخدامه وعجزانه عن حركه بالاصبع بس نسخ ولصق رابط
موقع يشرح الاسلام وتلصقه في شات مع شخص اخر كل هذي مو وسائل صحيحه !!

لول ذبحتني على هالجملة ..

اخوي انت مافهمت شنو الي اقصده انت ممكن ماتعرف طبع هالأجانب لأنك ماقد كنت قريب منهم علشان تتفهم اسلوبهم بالحياة علشان تقول لي الصق موقع ...

هاي الأمور خصوصيات بحته بنسبة لهم ومايحبون احد يتدخل فيها علشان جذي قلت لعبة فيديو جميز مب مكانها الصحيح لأنه راح يعتبرونه سلوك سلبي

وبعدين شكو يعني طريق سهل لازم استخدمه ؟

اعرف وحده من البنات وكانت هني معنا بالمنتدى وقت ماتفرغت لأمور مثل الدعوه دخلت البالتوك وفتحت موقع باللغة العربية هذا مثال على طريق سليم وكلامك انه كل شىء مفتوح اسلوب خاطىء

There is no way that I'll talk about these issues in FFXI

A golden rule in my linkshell which is

ممنوع اي عنصريات او مناقشات بين الأديان أو افتعال امور سياسية

وانا احترم هالشىء واذا مب مصدق اييب لك رابط الينك شيل علشان تشوف بنفسك بعد ^^

وهذي انا مامعي ولا احد من العرب باللينك شيل ومامرة احد ضايقني ..



افهم من كلامك اننا مستحيل وغير منطقي ان يسلم شخص من خلال فاينال فانتسي ؟ ارجو الاجابه


ماهناك شىء مستحيل ولكن تدخل في خصوصيات الناس شىء ما راح اسويه ..

People have a free will to keep their belief


ويلا بالتوفيق لو ماقتنعت ماراح اشارك هني لأن هالموضوع حساس و ماراح ينتهي ..

[المـلقب بالخطير]

معليش شباب راح أدخل عرض :D


موضوعكم واااايد اختلف عن محور الموضوع انتم تتكلمون عن العرب بالجيم شنو الي وصلنا لسوالف حساسه جذي

كثرت مواضيع غريبة بالقسم ليش ماحد نزل تحديثات الجيم شىء عجيب صراحه ^^;;

يالله أختي شدي حيليك !!! كل الناس تتوقع الـ Job Ability - New Magic القادم من نصيب الـ BLM

نتتظر منكٍ موضوعك الجديد :biggthump

[.::RaK_BoY::.]

السلام عليكم

انا الحمدلله ما شفت مثل هالناس واحسن لي اني ما شفت مثلهم

لان بيرشوني بااااند بسبتهم

الناس اللي يقولو انهم يكرهون عرب واللي متحسف لانه مسلم

هاذيل ما يعرفون شي عن اللي عندهم

الحمدلله اني مسلم وافتخر

انا عن نفسي حاولت ويا كذا شخص بس ماشي فايده

في واحد يقولي تدري ليش ما ادخل الاسلام

قلت له ليش؟

قالي لاني احب اكل لحم خنزير

طلعت له عيوب لحم الخنزير وشو بلاويه

ماشي

يقولي اكثر شي احبه فحياتي
...
حسافه ان اكاونتي باند ولا بشوف شو اخباره بعد انفلونزا الخنازير شو بيقول؟

المهم ....

صدقوني تقدرون تنشرون الاسلام
بس اللي ما يعرف شي لا يتفلسف
المفروض كل واحد يعرف اصول دينه قبل كل شي عسب يعرف كيف ينشر دينه

مب اذا واحد سألك شي قلت له ماعرف او تخبص له من عندك ولما يسألك ليش تدمرها

اسمحولي عالاطاله
وان شالله اشوفكم داعية عن طريق العاب ههههه

[Broodex]

Yuna
شكرا لأنك كتبتي بالعربي :)

انا عصبت عليك لاني كنت متحمس واقرا بالعربي وفجأة حصلتك كاتبه بالانقلش

وانا 0.5% لغتي

لا عاد تحرجيني ولما تنوين تكتبين بالانقلش تذكريني والمعاناه مع ترجمة قوقل اترجم كلام وحده عربية :(

فآسف على الرد الاقشر اعلاه وشكرا على الردود العربية :)

============
مشاري من عقب المات كاب قمت تسوي ثورات وانقلابات
تبي الحكم؟ هههههههههه

انا ماقريت كل الردود لكن...

قصة بسيطة جدا حصلت لي

كنت اسوي اخر مشنات الذهبي

كانت الساعة 7 الصباح ودايخ وابي انام
وكنت rdm/whm ومهم لهم
قلت لهم بسرعة تعبان انا والساعة 7 الصبح
قالو من وين قلت السعودية
نقز مقرود بينهم قال واو انت من جماعة اسامه بن لادن
ضاق صدري صراحه خصوصا فيه امريكي صديق لي بنفس الفريق اعتذرت منه لاني تعبان وهذا خربها زياده معي
فطلعت
واول مادخلت بالليل تقريبا ساعه ويجيني تل من المقرود يعتذر وتصافينا وانا وياه الحين في لنك شيل حبايب ووضحت له امور كثير

لانه كان متوقع ان السعودية فوهة جحيم مافيها الا تفجير وظلام ورعب الخ الخ

عموما الاسلام عزيز من دون لا نعزه
العزة لنا لاننا مسلمين هذي خلاصة القول وانفعه

سلام

[meshari260]

اسف على الاطاله وحبيت اقول اننا نتكلم في صلب الموضوع ولا احد طلع من الموضوع
ماشاءلله عليكم تفاعل ممتاز وهذا يدل على غيرتكم وفطرتكم السليمه


Zatar

هههههههههه حلوه ميثرا مبرقعه :p
ياخي قصتك الاولى تخرع وش ذا المزح اللي بولاعه :D بس كفو اسلمت برميه من غير رامي



Sub^Seven
انا لله يا ذا الباند كل ماقلنا خلاص تابوا ..طلعوا بشغله جديده . بس ان شاءلله يرجعونه لك :(
وفكرتك مره حلوه وقوووويه / وهي وضع رابط موقع اسلامي في الكومينت
جزاك الله خير وترجع لاحبابك بالسلامه



Hawu

بالعكس حنا بصلب الموضوع لو قريتي اخر موضوعي هو زبده الموضوع ومافتحت موضوعي
الا عشان اخر جمله بالموضوع والباقي طراطيش كلام .. وهو ممكن شخص يسلم من خلال فاينال فانتسي .؟؟ . وللحين ماعرفت رايك


heonekel

هلا وغلا باطلق ساموراي :D



اخوي مشاري سو كل شي الى انك تنقله عند منتدى wow :P:P
كلامك صح 100%
وانا بصراحه انه فكرة احد يسلم عن طريق فاينل مو مستحيله و اصلن صارت مع واحد من الشباب يلعب فانيل و كل ماصار شي ولا شي سولف عن المجتمع الاسلامي و العاداة والتقاليد و الـخ ...
لما وحده من اللنكشل كانت تسأله عن الاسلام و تبي تعرف كل صغيره و كبـيره فيه ..
يعني هذي الشغله لا إنها مستحيله او بعيده بعد الخيال فـ مادري ليش بعض الاخوان مستصعبين هالشغله :S


بردت قلبي بردك اللي يوفقك ياشيخ وانا معك بكل كلمه مدري ليش مستصعبين هالشغله
مو مطلوب منه يصير شيخ او عالم .. .. بس والله غايه في السهوله وهذي اصلن دعوه الانبياء

لا تتكلم مع شخص تبيه يسلم وتجيب له مواضيع مايبيها!!!!! يكفي تقوله حنا نعبد اله واحد
ونؤمن بجميع الانبياء ونصلي لله الذي امرنا بدفع الزكاه للفقراء وان نؤمن بالقران الكريم
ورسوله محمد اخر الانبياء والمرسلين .. صدقني هذي لو قلته تكفــي وتعتبر دعوت للاسلام ..




bigbosshenry

اهنيك صراحه على اللي سويته :)



لكن الصدمة.........انه بعد شهرين.....عطاني /tell و قالي من عقب حديثك , انا تحريت اكثر عن الاسلام , و تعلمت القليل منه ,
و انا الحين مسلم.........


الف مبروك واللهم زد وبارك وهذا اثبات ولله الحمد واجابه قاطعه على سؤالي

( ما من بيت وبر ولا حجر ولا شجر الا دخله هذا الدين بعز عزيز او بذل ذليل)



Yuna


ممنوع اي عنصريات او مناقشات بين الأديان أو افتعال امور سياسية

وانا اقولك مو ممنوع ;) وتكلمي على راحتك وعندي واسطه قويه ماتمنعك ابد go do it

{ ومن يبتغ غير الإسلام دينا فلن يقبل منه }
{ إن الدين عند الله الإسلام }

وقال الرسول الكريم: أنه رأى في يد أمير المؤمنين عمر بن الخطاب رضي الله عنه ورقة من التوراة فغضب غضبا شديدا وقال : ( أفي شك أنت يابن الخطاب ) وفي لفظ ( أمتهوكون فيها يا ابن الخطاب ؟ لقد جئتكم بها بيضاء نقية ، والله لو أن أخي موسى حيا ما وسعه إلا اتباعي )



ماهناك شىء مستحيل ولكن تدخل في خصوصيات الناس شىء ما راح اسويه ..


اوكي اعصابك لا تدفين :D هذي مهيب تدخل هذي دعوه مثل لو اكلمك بالتيل party? وانتي قولي اوكي اولا ;) خذي الامور بهدوء ولا تستعجلين بتصرفاتك .. والحمدلله
فيه وصلتني اجابه روعه من bigbosshenry والحمدلله معناه في امكانيه عبر التشات نوصل افكارنا مثل مايوصلون افكارهم .. الله يوفقك




.::RaK_BoY::.


اصلن تدري اخوي راك بوي وشفت بمصر والدول الغربيه تقتل الخنزير الان
ويكفــي ان قتـل الخنزير من علامات الساعه الكبرى وهذا الشي يجهله الكثير
وهذا من علامات قرب الساعه بس جهل في جهل

المسيح عيسى ابن مريم وهو النبي اللي يؤمنون به هو الذي يقتله

قال رسول الله صلى الله عليه وسلم: "والذي نفسي بيده ليوشكن أن ينزل فيكم ابن مريم حكما عدلا، فيكسر الصليب ويقتل الخنزير ويضع الجزية ويفيض المال حتى لا يقبله أحد حتى تكون السجدة الواحدة خيرا من الدنيا وما فيها" رواه البخاري

يعني قتل الخنزير من علامات الساعه الكبرى وانت شايف الحين ملايين الخنازير قتلت في مصر والاردن وبعض الدول الاوربيه وافتح اليوتيوب وتفرج






Broodex:)

ياااخي سويت خير يابطل وشف كيف رجع لك يعتذر وعرف قيمه معتقداتك
هذا الامريكي غلط عليك وعلى ديرتك تدخل بشي مايخصه ولو كلمك عن الدين
النصاري عادي اعتقد ماراح تعصب لانه يتكلم بشي وانت فاهم قصده
زينا يعني لو كلمناه عن الاسلام مايعصب ولا يعتبره تدخل بس نطب في بطنه
ونستلم دينهم تهزيئ راح يسوي مثلك ويعصب .. الفكره وصلت برودكس يعطيك العافيه








مشكورين ياشباب على الردود وادري اني فتحت موضوع يدق على الوتر الحساس
واكيد كلكم فكرتوا بموضوعي من دخلتوا اللعبه وبس حبيت افتحه واشوف اللي بقلوبكم
وان شاءلله نكون نموذج حلو للاسلام حتى لو كانت فاينال فانتسي , تحياتي :o

[meshari260]

طبعا انتهى الموضوع بالنسبه لــي

وهذا الصوره للفــائده




http://www.rf3-up.com/uploads/images/MshMshCoM-834f9937a7.gif

[wiilmar]

السلام عليكم ورحمة الله وبركاته
بما انها اول مشاركة لي في هذا المنتدى الموقر وخاصة في هذا القسم الجميل فأرجو ان ترحبو بي :o
لدي فقط تعليق صغير على عدد من الاخوان الذين يبربرون في هذا المنتدى الموقر وهم كالتاي
1-SUB7
2-زعتر
3-مشاري ولي كلام معك ايها ####:12:

اولا بالنسبة للاخ زعتر ماهذه الصورة التي وضعتها على توقيعك قنبلة نووية تنفجر واسفلها هذا الجمل المسكين فارجو منك باستبدال التوقيع بشجرة كبيرة وحولها حيوانات بحيث يكون شكلها افضل من الرسمة الارهابية

ثانيا بالنسبة للاخ sub7 تقول انك سافرت الى لندن وقد وجت..... الخ لانريد كلام ارنا اثباتات ووقائع او صور او لا تتحدث

ثالثا بالنسبة للاخ مشاري من المفترض نقل موضوعك الى المنتدى الديني وهذا موقع للالعاب فالرجاء التقيد بذالك



وآخر ارجو من الاعضاء الثلاث ان يسامحوني والله العظيم كنت امزح معاكم الثلاث ذولا اكثر من اخوان لي وبالنسبة لموضوعك يامشاري فلا استطيع ان اقول الا سلمت يداك على هذا الموضوع المهم وكما تفضل بعض الاعضاء انه يمكن الدعوة الى الاسلام باي طريقة سواء كانت سمعية او بصرية او نظرية او سواء كانت عن طريق الالعاب وخاصة فاينل مالمانع :33: ومرة اخرى شكرا للموضوع مشاري:biggrin2:

[Hawu]

لوول شو السالفه؟ زعتر مب طايع يقول لي :(

وليش المراقب يبا يمط شعري, تغار تغار؟! شكله ur elv اقرع!

[Angel Of Night]

لوول شو السالفه؟ زعتر مب طايع يقول لي :(

وليش المراقب يبا يمط شعري, تغار تغار؟! شكله ur elv اقرع!
لا مني ماط شعرك ولا حاجة ولاإني غيران
شعري أكثر منك ومستعد أبرهن لك :p
بعدين الإلفن مالي شعره طويله ولا بعد حاطله Pony tail ويرفرف شعري مع الرياح
وخلاص خربنا موضوع مشاري وآسفين ياحبيبي

[Broodex]

ابو الاكشن اللي قاعد يصير هالاسبوع

والله حماس

ايش كمان؟ كملووووووووووو

مشاري عطاك الزبده فوق ماتفرق معه الحين
وبالعربي احسه خاق مع الاكشن اللي قاعد يصير

واعيد اقول لكم الرجال من بعد المات كاب وموضوع الهستره اللي كتبه، وماله اي معنى، وانا حاس ان ولدنا فيه إنَ

[meshari260]

wiilmar (http://www.montada.com/member.php?u=722843)

هلا وغلا .. مين معاااذ:D؟ او ميستكال:D؟



بما انها اول مشاركة لي في هذا المنتدى الموقر وخاصة في هذا القسم الجميل فأرجو ان ترحبو بي


يامرحبا ترحيبتن تسبق الفااار :D ....فارنَ لقى بطريقه سبعين بسة :D

يامرحبا ترحيبتن مابها غش :D ... احلا من الماء لتسبود المعاطيش :D

ترى قهوتك عندي ♥♥:ee2:


برايفت : برودكس

ابوالتنبؤات انت تراني رميت مات كاب والله كنه معلم فطاير اذا لبسه الالفان :(

[Broodex]

يامرحبا ترحيبتن تسبق الفااار :D ....فارنَ لقى بطريقه سبعين بسة :D


بسههههههههههههه صح لسانك يا مشاري عَدَوي




برايفت : برودكس

ابوالتنبؤات انت تراني رميت مات كاب والله كنه معلم فطاير اذا لبسه الالفان :(

يقول المثل المصري:
يدي الله الحلء للي ملهوش ودان
هههههههههههههههههههههههههههههههههههههههههه

[Zatar]

wiilmar (http://www.montada.com/member.php?u=722843)

هلا وغلا .. مين معاااذ:D؟ او ميستكال:D؟


(

اتوقع معاذ مادري ليش يحب هالون
بس ابي تاكييد وانا اعرف ارد عليه

يمكن الريال مشغول مع التتار ههههههه

[Sub^Seven]

السلام عليكم ورحمة الله وبركاته


ثانيا بالنسبة للاخ sub7 تقول انك سافرت الى لندن وقد وجت..... الخ لانريد كلام ارنا اثباتات ووقائع او صور او لا تتحدث





سلام عليكم
اتمنى انك ما تكون لا معاذ ولا ميستكال لان عليك حق صراحة معاذ مختفي مسنجر ومستكال بالغصب توصلني اخباره وحياك مع اخوانك وما عليك ترى مشاري من نقل وهو مخرف :)

+ سبحان الله دايم الكامره مع المدام واضحك عليها انها تصور كل شي ويوم سالتها قالت صورتها :) شوف شلون لبسهم وما استحو بالعكس قام يطبل ويغني (عليه دقه عجيبه) :)

[Broodex]

يازين شمسهم وبس

ياجعلهم مايجون الرياض

[Light.Darkness]

يا شباب خلكم في الموضوع رجاءا :D

[Broodex]

طيب قل شي؟ :)

عموما احب اشطح شوي

[Light.Darkness]

طيب قل شي؟ :)



حاضر :D

الي يبي يدعي يكون عارف بالامور و يعرف يرد و يناقش بالادلة و بالتي هي احسن و بما يقنع الطرف الاخر
اذا هالكلام ما ينطبق على الشخص رجاءا لا تخربها :D

وسواءا كان الشخص بيدعي ولا لأ لازم يكون مثال لاخلاق المسلم :)



عموما احب اشطح شوي

شوي بس :D

[da diver]

بغيت اقول الي براسي بس قريت الــــــــرد الســـــــريع - و تذكر قول الله تعالى (( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ ))
ما اقول الا الله يستر علينا