اول موضوع ليا في المنتدى .. واتمنى من الجميع الدخول

[italian boy]

سلام عليكم ورحمة الله وبركاته

كيف حالكم يا شباب ..
والله سجلت في المنتدى بكل رغبة بعد ما كنت اقرا في المنتدى من غير تسجيل عضوية ..
وحمستني المواضيع الصراحة ..

عمري 19 سنة .. وليا تقريبا 7 شهور اتمرن
الحمد لله التحسن جدا جدا كبيرة .. اكثر من الدبل ((ماشاء الله ))
في بداية دخولي للجيم .. كان طولي 176 ووزني 42 كيلو
اما الان طولي 178 ووزني 66 كيلو ((ماشاء الله تبارك الله ))

وفي زيادة ان شاء الله .. والاوزان ماشاء الله مره كويسة


بس حبيت اسأل .. انا لمن اسوي البروتين .. اكيد بحطو في الخلاط مع حليب صح ؟؟
طيب الحليب هذا انا احيانا اسوي الحليب نيدو :D
يعني اعبي كاسة ماء واحطها في الخلاط وبعدين اجيب 3 ملاعب حليب نيدو واحطها في الخلاط واخلط الموية مع البودرة (النيدو) بيصير حليب .. بعدها احط مقدار البروتين مع الحليب اللي سار في الخلاط ..

هل هذي الطريقة صحيحة والا ما تنفع لازم حليب جاهز ؟؟؟؟


والسؤال الثاني ..
انا ان شاء الله من بداية الاسبوع هذا .. راح ابدأ اخذ :-
1- بروتين برو كومبليكس
2- حبوب كاريوتيست (( اعتقد كذا اسمها ))

هل تشوفو انو الاثنيين هذولا كويسين لبرنامج الضخامة بالنسبة ليا ؟؟

انا عندي علبة امينو 2222 .. اعتقد اسمو امينو اسيد .. واحد نصحني قالي لو تاخد الامينو اضافة للشيئين اللي بتاخدهم يكون افضلك ..

ايش تنصحوني ..؟؟؟

واسف على الاطالة ..

تحياتي

[rachidworld]

وعليكم السلام

بالنسبة للسؤال الاول مفيش مشكل ويا سلام لو تضيف عليهم موزة او موزتين خصوصا في الفترة لبعد التمرين مباشرة يبقى كله تمام ان شاء الله لان دلك الوقت بيحتاج الجسم الى بروتين وكاربوهيدرات سريع الامتصاص
هل هذي الطريقة صحيحة والا ما تنفع لازم حليب جاهز ؟؟؟؟
تنفع وصحيحة
1- بروتين برو كومبليكس
2- حبوب كاريوتيست (( اعتقد كذا اسمها ))

هل تشوفو انو الاثنيين هذولا كويسين لبرنامج الضخامة بالنسبة ليا
طبعا ولكن لازم مع تنضيم تغديتك والاهتمام بها وشوف المكتوب على العلبة لطريقة استعمال هدين المكملاين
انا عندي علبة امينو 2222 .. اعتقد اسمو امينو اسيد .. واحد نصحني قالي لو تاخد الامينو اضافة للشيئين اللي بتاخدهم يكون افضلك ..

ايش تنصحوني ..؟؟

لا كفاية عليك واهتم بتغديتك بشكل جيد ولما ينتهي الامينو ده حاول متشتريهش مرة اخرى بما انك بتستعمل بروتين بودر مثل الواي بروتين لانه يغنيك عن الامينو وفيه نسبة عالية من البروتين
وحاول متبقاش تتعمق كثير في المكملات لانك لو اهتميت بتغديتك بشكل جيد جدا مش هتحتاج لكثرة المكملات لان التغدية فيها فوائد كثير
وبما انك قلت انك متابع معانا فحاول تبحث عن مواضيع كنت رديت للشباب عن طريقة حساب تغديتهم على حسب غرضهم ووزنهم
وفي نفس الوقت فيه لينكات فيها فوائد التغدية وقيمتها من حيث البرويتنات والكاربوهيدرات والدهنيات هدا لكي يقوم الشخص بحساب متطلابات جسمه اليومية
تحياتي لك وبالتوفيق ان شاء الله

[xxdadxx]

بالنسبة للكريوتيست ممتازة انا استخدمها لان نسبة افراز هرمون التستيرون في جسمي ضعيفة ( المفروض تعمل اختبار نسبة الهرمونات في الجسم ) والحبوب هي عبارة عن محفز لهرمون التستيرون بس المشكلة انها تزيد من نسبة شعر الجسم في اماكن غير مرغوبة

وبالنسبة ليك انا ما نصحك تستخدمها الا لو كان عمرك اكثر من 21 سنة لان نموك لسا ما اكتمل
لان اي زيادة في نسبة الهرمونات ايا كانت تحت 21 سنة ممكن تؤدي الي اشياء راح تندم عليها في المستقبل ومنها انك تحلق ذقنك كل يومين لوول

اعطيك امثلة سلبايت وايجابيات:
ايجابيات
بعد استخدامك للحبوب لمدة اكثر من اربعة ايام راح تلاحظ انك ترفع بنش زيادة بنسبة 20% يعني لو كنت ترفع 80 كيلو راح ترفع 100 مع الحبوب
تعطيك طاقة اضافية وراح تتمرن لمدة اطول الين ما تتعب
الرغبة الجنسية راح تزيد بنسبة تختلف من انسان لاخر

سلبيات:
زيادة هرمون التستيرون تزيد نسبة الشعر في الجسم بنسبة كبيرة والقوة الجنسية بشكل مو طبيعي في مثل هذا السن(اقل من 21 سنة ) يعني ما راح ترتاح في يومك الا لو كنت متزوج :] والزيادة عن الحد راح تقلب للضد


نصيحتي اصبر عشان ما تندم على هذي الاشياء

[rachidworld]

بما انه محفز يا اخ داد فمش للدرجة دي

لان فيه اصلا مواد غدائية فهي محفزة لهرمون التيست بما انه طبيعي فعادي
والمسائل لدكرة فوق فهي تختلف من جسم لاخر يعني مش اي حاجة تحصل معاك تحصل مع اي حد اخر

[italian boy]

rachidworld
يعطيك الف عافية على الافادة يا وحش ..
وان شاء الله راح اهتم بتغذيتي اكثر ان شاء الله ..
وكلامك والله حمسني .. واصلا انا ما كنت ناوي استخدم الامينو الا لمن جا واحد وقلي خدو راح ينفعك
بس ما راح استخدمو حسب مشورتك :) :)
يعطيك الف عافية

[italian boy]

بالنسبة للكريوتيست ممتازة انا استخدمها لان نسبة افراز هرمون التستيرون في جسمي ضعيفة ( المفروض تعمل اختبار نسبة الهرمونات في الجسم ) والحبوب هي عبارة عن محفز لهرمون التستيرون بس المشكلة انها تزيد من نسبة شعر الجسم في اماكن غير مرغوبة

وبالنسبة ليك انا ما نصحك تستخدمها الا لو كان عمرك اكثر من 21 سنة لان نموك لسا ما اكتمل
لان اي زيادة في نسبة الهرمونات ايا كانت تحت 21 سنة ممكن تؤدي الي اشياء راح تندم عليها في المستقبل ومنها انك تحلق ذقنك كل يومين لوول

اعطيك امثلة سلبايت وايجابيات:
ايجابيات
بعد استخدامك للحبوب لمدة اكثر من اربعة ايام راح تلاحظ انك ترفع بنش زيادة بنسبة 20% يعني لو كنت ترفع 80 كيلو راح ترفع 100 مع الحبوب
تعطيك طاقة اضافية وراح تتمرن لمدة اطول الين ما تتعب
الرغبة الجنسية راح تزيد بنسبة تختلف من انسان لاخر

سلبيات:
زيادة هرمون التستيرون تزيد نسبة الشعر في الجسم بنسبة كبيرة والقوة الجنسية بشكل مو طبيعي في مثل هذا السن(اقل من 21 سنة ) يعني ما راح ترتاح في يومك الا لو كنت متزوج :] والزيادة عن الحد راح تقلب للضد


نصيحتي اصبر عشان ما تندم على هذي الاشياء


ما فهمت اخويا .. كيف قصدك زيادة الشعر في اماكن غير مرغوبة ؟؟؟؟؟؟؟؟؟

وبالنسبة ليا ترى انا انسان اجرد .. ما يطلعلي شعر لا في دقني ولا شنبي ولا صدري ولا اي مكان .. واتمنى يطلعلي دقن الصراحة :D
وبالنسبة للقوة الجنسية والشهوة زي ما تقول .. لا تخاف انا من النوع اللي اقدر امسك نفس لو اي ماصار وانا مطمن من الشئ هذا :D
انتا والله من كلامك حمستني وخليتني احس انها من جد راح تعطي فرق كبير وراح تنفعلي الحبوب
لكن في نفس الوقت خوفتني .. تقلي سلبيات واشياء راح تندم عليها في المستقبل ..الخ :boggled::boggled:

يعطيك الف عافية على الرد يا عسل :D

[xxdadxx]

هلا والله اخوي
شوف السلبيات واثرها يختلف من انسان لاخر مثل ما قال الاخ رشيد..يعني مثلا في ناس عندهم افراز هرمون التيستيرون عالي يعني ما راح يحتاج مثل هاذي الحبوب الا لزيادة القوة في حمل الوزان وعادة عا النوع من الناس تلقاه اشعر يعني عنده شعر كثير في جسمه يعني لو زاد شعر جسمه ما راح يلاحظ
وفي ناس كمية الشعر عنده اقل يعني مثلا انا عندي في كل جسمي الا منطقة الظهر والصدر والبطن..انا استخدمت الحبوب لمدة شهر ونص ولسا استخدمها للان ولاحظت ظهور شعر على الاكتاف من الخلف وبعض المناطق من الصدر والبطن وبالنسبة لشعر الوجه انا كنت احلق كل اسبوع مرة الان انا احلق كل 4 ايام مرة


وطبعا بالنسبة للرغبة الجنسية بعض الاحيان تحس نفسك منت مرتاح وانت جالس في مكان عام وخاصة اذا كنت عايش في بلد اجنبي لوول

وللتذكير هاذي سلبيات عادية واثرها لا يضر الجسم وبالتوفيق

[italian boy]

^
^
خوفتني من حكاية الشعر وما الشعر :S :S
والله بالنسبة ليا شئ مو كويس يطلعلي شعر في كتفي والا بطني والا صدري .. :S
بس هيا بتختلف من شخص لآخر :)


حبيت اسأل سؤال عن حبوب kryotest
انا الكابتن قالي خذ حبتين قبل التمرين بساعة و حبتين اول ما تقوم الصباح ..
طيب الحبتين اللي مفروض اخدها الصباح بعد ما اخدها لازم ما انام والا عادي لو نمت وصحيت بعدين وكملت يومي ؟؟؟؟

اتمنى يكون الكل فهم سؤالي

[jjohr0]

ما شاء الله تبارك الله
حبيت اهنيك على مجهودك

[italian boy]

حبيت اسأل سؤال عن حبوب kryotest
انا الكابتن قالي خذ حبتين قبل التمرين بساعة و حبتين اول ما تقوم الصباح ..
طيب الحبتين اللي مفروض اخدها الصباح بعد ما اخدها لازم ما انام والا عادي لو نمت وصحيت بعدين وكملت يومي ؟؟؟؟

اتمنى يكون الكل فهم سؤالي

في انتظار الاجابة على سؤالي الله يعافيكم

[xxdadxx]

طريقة الاستخدام موجودة خلف العبوة
8 حبات في اليوم
4 قبل الفطور و4 قبل التمرين
وفي الايام اللي ما عندك تمرين خذ 4 حبات قبل الفطور و4 حبات في اي وقت من يومك

المهم ما تتعدى 8 حبات كل 24 ساعة
دورة الاستخدام كالتالي
استخدام 21 يوم
اسبوع او اسبوعين راحة
استخدام 21 يوم
وهكذا

وبالنسبة للنوم ما اعتقد انه يؤثر لان الغدد تستمر في افراز الهرونات حتى وقت النوم

[سعودي 502]

بالنسبة للكريوتيست يا اخواني وييين احصلهاااا

لاني انا من السعوديه وبحثت عنها في الصيدليات ولم اجدها اين تباع وهل يوجد لها بديل

انا الصراحه عمري 23 واللي يشوفني يفكر عمري 17 او 16 عندي خموول بالغده

ياليت تفيدوني اخواني اول رد لي ولا تفشلوني

[آبو رآشـد]

اخوي اكتب موضوع خاص فيك ولا ترفع مواضيع قديمة

يا ليت تكتب موضوعك في قسم البيع والشراء لكن اقرى قوانين القسم اولاً

بالتوفيق

+

يغلق الموضوع