المساعد الشخصي الرقمي

مشاهدة النسخة كاملة : أنت وسيارتك


Smooth Criminal
15-01-2002, 10:47 AM
كابرس
شخص شديد و شعبي و تحب الفزعة و لا تحب الميوعة

كريسيدا
مهبول و حق فرفشة و سعة صدر لكنك مخفة

مازدا
تحس دائما أن ودك توقف عند الأشجار ( بدافع غريزي كون أن معك بقرة)

مكسيما
طايش و متهور تظن أن معك فيراري عشان كذا دايما داعس على البنزين للآخر

ألتيما
نويعم دايم تمشط شعرك عند الإشارات

هوندا اكورد
مصدق نفسك أن سيارتك شخصية

بي أم دبليو
ياهووووووووه من قدك

كادليك
تفرح بالمطبات عشان تطامر

ددسن
تحس أن أسمك هيثم و ودك تشرب كابتشينو دايم

لنكون
شعرك عرادة و تحب المعسل

فياقرا
ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون

سني
خفيف وزن و عقل في نفس الوقت

بيوك
عندك كرشة تروع

بنوفيل
دمك ثقيل و وزنك اثقل

لاند كروزر
فنان تطعيس بس الأخلاق تجارية

روفر
الله يخلف عليك

هوندا سيفيك
مشغل نفسك كل يوم تغسلها و تلمعها

اس تي اس
كل يوم رايح للوكالة عشان يا تصلح يا تسوي لها صيانة

سفاري
تحب الطواقي الزري و الدخان

سوبربان
تجمع عرابجة حارتكم عشان تدورون في التخصصي وتزعجون خلق الله

كورولا
أكبر ما فيك رأسك و مع ذلك ما تستخدمه

سوبارو
رياضي و تحب المشاكل

سدرك
موسوس و بخيل

زد
مشبوه و عند كل نقطة تفتيش الله يعينك

موستنق
تظن إن الناس تناظر و هي معجبة مع أنها في الحقيقة تتحمد عليك

جاكور
مسوي فيها أوروبي و أنت ما في راسك

بيجو
فاهم الدنيا غلط

جمس صحن
عصبي و مرجوج و قمة سعادتك أنك تحدد خلق الله

كامري
مقتصد في الفلوس بس مسرف في البربة و السواليف

لكزس 400
دايم مهدي و راز خشمك بس في النهاية ما معك إلا تيوتا

أودي
شكلك شخصية و ثقيل بس لين تكلمت خربت الشغلة كلها

تيرسل
تحب تفرفر بين السيارات و تزعج الناس بالبواري

ميركوري
شايف نفسك و مغرور

كراون
حبيب و هادي

كرايسلر
غثيث و بثر

انفنتي
رسمي مهتم بشكلك أكثر من عقلك

كابرس أس أس
خفيف دم و مجلسك ما ينمل منه

جيب شروكي
مجنوووووووووووون بر و سوالف

هوندا ليقند
تحب تقزقز و تتلفت على خلق الله

سزوكي
تحب تدور عند المدارس

ايسوزو
مكروه من قبل الناس لأنك ببساطة كتمت أنفاسهم بالديزل

لكزس 300
أنيق و جذاب

كراون فكتوريا
مجنون كورة و تحب الفصفص

هونداي
مزعج خلق الله بالمسجل ...كن محد عنده مسجل غيرك

لومينا
وش حليلك بس المشكلة أنك متعصب بزيادة لناديك

شبح
مشخص رغم أنها راحت عليك
funny_ksa
15-01-2002, 11:30 AM
والله موضوع في غاية الروعة يعني جبتها جيب وشكرا :) :) :)
memoo
23-01-2002, 02:11 PM
هايلكس
داخل الديرة معاك في الصندوق الشعير ومغبر خلق الله.


تكسي
تتسمع على طاهر كتلوج وكل ما شفت حرمة وقفت ومزعجنا بالبواري.

كابرس 79
شايل ركاب و مسويلنا في الطبلون فرحة ومعاك السيجارة وحاط لمبةسهاري (حمرة).


جمس حوض
ماسك خطوط طويلة ومعاك البضاعة وداير تجنيب في خلق الله.

برادو
هاوي تطعيس وكل ماشفت رمله دخلتها كأنه مافي أحد عنده جيـــــــــــــــــــــــــب غيرك.

باصات
ماسك الخط على 160 ومبلبع نفر شبح ومصحصح.


دتسن
كل يوم وأنت داخل الخبت تبي تجربع و أنظر إلي الأسفل.....

?:
الريس
23-01-2002, 03:10 PM
يا شباب ويش الفرق بين كراون وكراون فيكتوريا
SMM®
23-01-2002, 03:12 PM
شكراً اخوي على موضوعك الرائع
الريس
23-01-2002, 04:38 PM
ليش ما أحد رد على سؤالي

ما الفرق بين كراون وكراون فيكتوريا؟؟
راعي الفايبر
23-01-2002, 04:54 PM
مشكور
SoZu
23-01-2002, 10:13 PM
كراون من شركة تويوتا و الكراون فيكتوريا من شركة فورد ..
Hassan104
24-01-2002, 01:50 AM
بصراحة والله الموضوع يستاااااااااااهل اكثر من كدا


المفروض نشوف متابعات اكثر

والا وش رايكم؟؟؟؟
الريس
24-01-2002, 06:06 AM
أهاااااا

الحين عرفت الفرق

مشكوووووووووووووور أخوي Cloud Strife