نسبة الفشل 54.2% لجهاز xbox360

[kh4leed]

http://assets.vg247.com/current//2009/08/xbox_360_red_ring_of_death.jpg



السلام عليكم ورحمة الله وبركاته ~




مرحباً زوار واعضاء منتدى المنتدى ] الكرام محبي وعشاق ألعاب الاكس بوكس ~
اليوم قد أتيت لكم بخبر جديد عن جهاز الـ XBOX360 وذالك طبقاً للبحث الذي أجرته منظمة via The Consumerist بحيث إنها قامت ببحث عن نسبة الفشل لدى الأجهزة فإتضح إنّ جهاز الـ XBOX 360 ~ فشل بنسبة 54.2 % ، وكلها إماّ تحطمت أو حدث لها عطل فني ، وهذا يعني إنه 45.8 % فقط من الأجهزة التي لم تحصل لها مشكلة اللمبا الحمراء ( الموت الأحمر
أما بالنسبة للأجهزة الأخرى وهي الـ PS3~ و الـ Wii ~ فقد كانت نسبة فشلهم صغير بالنسبة لجهاز الـ XBOX360 ~ ونسبة الفشل للجهازين هي [</ 10.6 % للـ PS3 ، و 6.8 % للـ Wii


ومع ذالك لا يزال يعد جهاز الـ XBOX360 ~ من أكثر الأجهزة إستعمالاً لهذا يبقى في قائمة الألعاب الرئيسية





آلمصدر (http://www.vg247.com/2009/08/17/xbox-360s-failure-rate-at-542-game-informer-survey-finds/)

[Nez 17]

^^^^

شكراً .. على الخبـر ولاكن اعتقد انه الخبر اشاعه بس مو لهدرجا عاد سقوطها مره وحده

[kh4leed]

المصدر يثبت كلآمي :)

[samoory]

طيب والمغزى ؟
خلاص دامته اكثر الاجهزه استخداما مايهم لو نسبة فشله 100%

[samoory]

بعد مراجعتي للموضوع اعتقد في تعصب وهذا ممنوع اخوي في القسم ..بسبب وجود مقارنه بين الاجهزه وهذا شيء ممنوع ^^

[Gentleman]

وعليكم السلام ورحمة الله وبركاته ..

بالفعل لاحظنا مشاكل النسخ الأولية للجهاز من حرارة وعطل مفاجئ يتسبب في الـ Red Light ..

لكن أعتقد مع النسخ الحالية قلت نسبة الأعطال بشكل كبير ..

وشكرا kh4leed ..

[بحر الورود]

و الله أخاف أشغل جهازي و أشوف اللمبات الحمر بسبب هذا الموضوع هه

[Tetra]

الجهاز تعدى كل العقبات اللي كات تواجه طريقه هو صحيح كان في طريقه للفشل لك قدر يصعض بنفسه للقمه ويرجع مكانته .... والحين هو في ذروته وهده المراجعات ماعادت تنفعه في شي او تضره لاه الاس خلاص عرفت كل شي عنه حتى لو قالو هو فاشل مافي حد يمشي على كلامهم

[kungfu scott]

لا قوية يمكن النسبة كبيرة بسبب الأجهزة القديمة بس مو لهاذه الدرجة

[AL- M a T a D o r]

حتى لو كثــــــــــرت..نســبة الفشل في الجهاز..
..........................
XBOXهـــــــو المتصدر..من حيث العاب والحصريات والان لـــاين وأشـياء كثيرة...

[kh4leed]

اوكي دامه مخالف


انا اسف اني حطيت موضوع

وتبون تحذفوه احذفوه :)

ومشكورين على آرآئكم .. "

[Tyki Mikk]

^^^^^
ماأعتقد موضوعك مخالف لقوانين المنتدى...بس للفانبويز الظاهر ايه :09:
بخصوص الخرابات, الاكس360 حقي أول ماشريته أخذت معه ضمان لمدة سنتين تبديل بجهاز جديد لو خرب و للحين الجهاز شغال و لا أحلى !
أما الps3 حقي خرب بعد 5 شهور من يوم ماشريته :/ والحمد لله ضمانه ماانتهى بذاك الوقت
السالفة حظوظ XD

[kh4leed]

اخواني انا حاط المصدر

وتبون تهاوشون هاوشو المصدر انا مالي شغل

انا بس حبيت انقل الخبر

دمتم بود :)

[Nez 17]

^

كلامك عين الصواب

ولاكن في بعض الاخوه يقولون اضنه مخالف ولا الموضوع مو مخالف لانه خبر شي عادي

وثاني شي الاعضاء اكثرهم وافقك الراى وقالو انه صح كانت في خرابات و اعطال و تم اصلاحها

و إلى الامام


ماعليك من كلام المتعصبين ..

[samoory]

ماعليك من كلام المتعصبين
احسنت في قولها :D ..على العموم لكل جهاز سلبياته وايجابياته ومثل ماالاكس يخرب اكيد الاجهزه التانيه تخرب كمان ..

عندي سؤال لو سمحتوا : إذا الاكس المشكله الاساسيه له اللمبات الحمر ..ايش مشكلة البي اس 3 والوي ؟

لاحد يقولي مافي مشكله فيهم ..(عاد الحين المتعصبين يبدا شغلهم ^^)انا طرحت السؤال يعني للايضاح لااكثر ...

[The Last Lombax]

ايش مشكلة البي اس 3 والوي ؟

PS3 : اللمبة الصفراء ( القاتلة ) تخرب عليك الجهاز وما يشتغل بتاتاً
Wii : ما أدري عنه بس اللي سمعته أنها تخرب لو لعبت كوبي كثير

[The spark]

PLAY STATION 3 هو الافضل و الاحسن بين جميع اجهزة الالعاب

[Raziel Vampirus]

هذا الخبر يفسر سبب مبيعات الاكس بوكس المرتفعه

ههههههههههههههههههههههههههه

[Mr.Tommy]

السؤال اللي لازم اطرحه هو هل الاحصائية تتكلم عن نسخ الاكس بوكس الاولية او الاجهزة اللي نزلت مع الفالكون تشيب؟
لان لو الاحصائية تتكلم عن اجهزة الاكس بوكس 2008 وفوق انا اتحدى ان طافت الـ15%
عموما مثل ماقال واحد من الاعضاء
السالفة حظوظ ناس عندهم اكس بوكس عاش معاهم سنين وناس اختربت عندهم السوني اول ما شروه والعكس

اخوي شرى سوني بخلال اسبوعين اختربت العدسة من لعبة جراند ثيفت اوتو ونفس الحالة ولد خالتي بس مو معناها ان السوني جهاز كله خرابات او الاكس بعد,, السالفة سالفة حظوظ وحسن استعمال



ومثل ما قلتلك انا اتحدى اذا الاحصائية مو عن الاجهزة الاولية :)

[FARES360]

هذا الخبر يفسر سبب مبيعات الاكس بوكس المرتفعه

ههههههههههههههههههههههههههه

نسيت تذكر انه هالشي ايضا يفسر انه الجهاز ممتع وصعب ترك مكتبة العابه وخدمة اللايف بعد ارتباطه بالجهاز :)
ولا ما تقولي ليش الناس ترجع تشتري نفس الجهاز وهو اخترب اساسا.. كان انتقلوا للبلاي 3 !؟

[:: Critic ::]

السلام عليكم ،،
استغرب حقيقة من الاعضاء المهاجمين للموضوع :) ، الخبر سليم وانا لا اشك فيه لاني شخص مجرب ، املك حتى الان 3 أجهزة xbox360 ، جهازين ابيض احدهما اصدار جديد 2008 ( يعني تعتبر من النسخ الجديده ) ومع هذا كلها خربت من غير اي سابق انذار رغم اني كنت مهتم فيه ، وتوني قبل كم يوم شريت لي الاكس بوكس الاسود الاليت ، ولو يخرب فسأودع هذا الجهاز واتجه للـ PS3 وبشكل نهائي ، ولدي قريب يملك حتى الان 7 اجهزة ، ولا يزال يعاني منه ، لذا اتمنى من الجميع يترك العواطف هذه ويتقبل الحقيقة لاني متأكد اغلب المعارضين هنا من متعصبين الجهاز .



نسيت تذكر انه هالشي ايضا يفسر انه الجهاز ممتع وصعب ترك مكتبة العابه وخدمة اللايف بعد ارتباطه بالجهاز :)
ولا ما تقولي ليش الناس ترجع تشتري نفس الجهاز وهو اخترب اساسا.. كان انتقلوا للبلاي 3 !؟

اخي الكريم ،،
والله ثم والله ان العالم ما طاحوا على الجهاز الا لانه يشغل كوبي فقط ، اي حصريات واي كلام فاضي ، ما فيه مقارنة بين حصريات الاكس بوكس والبلاستيشن3 ، البلاستيشن3 حصرياتة اقوى مثل ما اشوف وكثرت بالاونة الاخيرة وبشكل ملفت !! ، بنظري اللي يميز الاكس وبكل صراحه هو اللايف ، لكن حقيقة لا تكفي ، لا جودة في الجهاز ولا قوة ، ومكتبة العابة اصبحت امام البلاستيشن3 متواضعه ، وصدقني هي فترة وبيتجه الجميع للجهاز PS3 الناس ملت من خرابات الاكس وانا على رأسهم :)

[Dante 4 Ever]

اخوان يقلون مشكلة اللمبات الحمراء

تطفي الجهاز 45 دقيقه

وتحط عليه منشفه

وتخليه 45 دقيقه

ويشتغل

ويقلون اشتر جهاز اكس بوكس 360

يكون 2008 وفوق عشان مايطلع لمبات حمراء وشكرا ادري انها قديمه الحركه بس هذا الي عندي:)

[FARES360]

السلام عليكم ،،

اخي الكريم ،،
والله ثم والله ان العالم ما طاحوا على الجهاز الا لانه يشغل كوبي فقط ، اي حصريات واي كلام فاضي ، ما فيه مقارنة بين حصريات الاكس بوكس والبلاستيشن3 ، البلاستيشن3 حصرياتة اقوى مثل ما اشوف وكثرت بالاونة الاخيرة وبشكل ملفت !! ، بنظري اللي يميز الاكس وبكل صراحه هو اللايف ، لكن حقيقة لا تكفي ، لا جودة في الجهاز ولا قوة ، ومكتبة العابة اصبحت امام البلاستيشن3 متواضعه ، وصدقني هي فترة وبيتجه الجميع للجهاز PS3 الناس ملت من خرابات الاكس وانا على رأسهم :)
وعليكم السلام

اولا المسأله ما تحتاج حلف , قصدك العالم العربي؟ ولو اني كل ما اروح اشتري القى ناس تشتري اصليه لعدم تواجد الكوبي بالسوق والمسأله صارت من تحت لي تحت وسوالف تورنت ..
كلام غير صحيح..
لأنه حسب احصائيات الألعاب الشهرية غالبا تلاحظ مبيعات العاب ال360 بالقمة برغم من وجود الكوبي مقارنة بمنافسه البلاي 3 ومبيعات العابه , فمن الي يشتري أصلي ويرفع مبيعاته عال360 اذا ؟
وسابقا تم وضع تصويت عام بين الأصلي والكوبي..
وكانت النتيجة جدا منافسه بين الأثنين في التصويت
فهل هذا يعني العرب كلهم كوبي ؟ ما أضن..

لا تجمع اذا كونك واحد من شباب الكوبي
ترا انا واحد من الي يشترون اصلي وفيه غيري كثير... ماني اول ولا اخر واحد

أما عن سالفة 3 اجهزه و7 اجهزه ..
إسمحلي المشكلة منكم الواحد ما يطيح بالحفره اكثر من مرتين
انا شخصيا اخترب جهازي من الدفع الأولى والحين انا على ثاني جهاز من الدفع اليديده..

+

الموضوع رسميا قفل لأنه فانبويز اكثروا وإحساسي يقول مشاكل بتزيد :)