أصحاب الخبرة طلبتكم ^^ !

[عاشـــق A]

بسم الله الرحمن الرحيم

اخواني فالبداية احب اشكركم ع هالقسم الحلو واللي نستفيد منه بشكل
كبير وبصراحة الكلمات تعجز عن شكركم ^^

فالبداية حبيت اكون عضو وياكم ف المنتدى افيد اذا اقدر واستفيد منكم

بما اني جديد ع الساحة وواحد جديد

صار لي ياحلوين 3 اسابيع اتمرن ف الصالة

جدولي كان اول اسبوعين كالتـالي :-
(جست & بايسبس) , (باك & ترايسبس) , (شولدرز "اكتاف" & تايغتس"ارجل")

عقب غيرت وركزت ع الجست والبايسبس ف يوم
والباك والترايسبس والاكتاف ف يوم واحد والرجل خليته لبعدين ^^

كون ان جسمي شوي معقدني
عمري 17 سنة طولي مابين ال183 سم وال187 سم مب متأكد >< وزني 66كغم

حبيت اخذلي شوية مكملات غذائية

ابيكم تفيدوني عادة

انا سألت واحد من اللي معاية فالصالة ماشاءالله جسمه حلو وله خبرة
قالي شوف بروتين "whey" راج يفيدك وايد وانا اعرف انه حايز على
افضل مكمل غذائي لعدة سنوات متتالية وما عليه كلام

لكن انا ابي ازيد وزني واظهرلي شوية عضلات صح الفترة قصيرة
لكني الحمدلله مواظب ع التمارين واتمرن اكثر عن المحدد مرات من كثر الحماس

بس احس اني بحاجة للمكملات كوني استهلك طاقة وايد واخسر سعرات حرارية
ف لابد من البروتينات تساعدني ..

ف اللي ابي اعرفه وابي رايكم فيه

انا مقتنع ب الروتين whey بس ابي رايكم فالبروتينات التالية

الترا ماس ultra mass يقال بانه يزيد الوزن
وكذلك ماس تك mass tech !!

وشو المطلوب مني واذا خذت بروتين وي بيزيدلي وزني وبيبنيلي جسم
ولا مب كفاية ..!!

وشو عن الترا ماس والماس تك ..واذا خذت الوي آخذهم ولا لا..؟؟

والكرياتين هل علي اخذه مع البروتينات وشو الانواع الافضل

والمدرب ف الصالة نصحني بالسل ماس mega mass
بس قالولي ف صالات الجيم المدرب يبي يعطيك اللي عنده وبس

واذا حد من الامارات ويعرف اسعار المكملات الغذائية بليز لا يبخل علينا ^^
واسمحولي طولت وايد ><

[mashkaljey]

اخوي حياك الله وبسم الله الرحمن الرحيم ومبارك عليك الشهر

بالنسبة انك تستخدم المكملات وانت ما كملت شهر في الجيم ما انصحك ابدا لان انت ما كسبت عضلات كافية وواضحه عشان تحافظ عليها او بالعربي تبنيها

لهذا يا غالي كمل شهر او شهرين على الاكثر وبعدين ابدأ استخدام المكملات

بالنسبة للوي بروتين راح يزيد عظل في جسمك اما بالنسبة لزيادة الوزن مع العظل فانت تحتاج الميجا ماس اللي قالك عنه المدرب لان الميجا ماس معروف في زيادته للوزن لان فيه نسبه فات اكثر من الواي بروتين ولكن ليكون في علمك ان زيادة الوزن لن تكون كبيرة خلال فتره قصيرة بمعنى تحتاج الى وقت حتى يزيد وزنك ويتعدل بشكل ملحوظ خاصه ان فيك طول ووزنك نحيف جدا يعني يبغاله طولت بال ومدة لا تقل عن 6 اشهر في الجيم


بالنسبة لجدول التمرين الي انت تتبعه يا اخي خطأ انك تخلي الاكتاف والظهر والتراي في يوم واحد خطأ جدا جدا لان

1- ما راح تعطي العظل حقها في التمرين راح تتعب وتشيل اوزان خفيفه .

2- تمرين الظهر بيحرك لك عظلات اخرى تساعده وبالتالي تجي تلعب تراي تلاقي نفسك ما تقدر تشيل 5 كيلو

3- اذا كان جدولك يوم صدر وباي ويوم ظهر واكتاف وتراي طيب هذي يومين وباقي الاسبوع ؟؟؟ خطأ خطأ طريقتك خطأ حتى انت تقول ما تلعب رجول وهذا ايظا من عيوب مبتدأي رياضه كمال الاجسام لان الارجل راح تساعدك تحمل اوزان وانت تلعب واقف سواء بالاكتاف او بالباي او راح تشوف نفسك ترجف وما تقدر تحمل وزن ويمكن تصاب وانت حامل وزن ثقيل وانت واقف

الطريقه الصحيحه للعب كمال الاجسام

1- تناول الطعام بشكل منتظم والتركيز على الاطعمه ذات الفائدة والابتعاد عن الدهون المطبوخه وليست الدهون الموجوده في بعض الاطعمه كالسمك لان زيت السمك مفيد ويحرق لك الدهون الظاره في جسمك .

2- تناول 6 وجبات في اليوم 3 وجبات رئيسية و3 وجبات عباره عن فواكه وخضار وسلطات وكربوهيدرات .

3- تناول المنتجات والمكملات الغذائية بشكل منتظم والطريقه الصحيحه دون تأليف في التناول واتباع ما يوصى به في علبة المكمل دون زيادة او نقصان .

4- الراحه ظروريه لبناء الجسم اي النوم في الليل وعدم السهر والاستيقاظ مبكرا والمداومه على جعل وقت الراحه لتنشيط عضلاتك كان تاخذ فتره تدليك للعظل او مساج للحصول على لين في العظل لان راح تكون عظلاتك شاده طوال الوقت .

5- التركيز على جدول معين منظم ايام لعب وايام راحه دون لخبطة في الموضوع وابتكار جدول دون الرجوع الى مدرب او متخصص .

وبالتوفيق يا بطل

[عاشـــق A]

بصراحة مبدع ماشاءالله عليك

بيني وبينك مسجل ف منتداكم واول ما كتبت الموضوع كنت اتريا ردك من خلال متابعتي
للمواضيع ف هالقسم :)

بالنسبة للمكملات..
انا غذائي مرات تكون نفسيتي مسدودة وانا اكل بس مايزيد الوزن

انا صح ما كملت شهر ولا شهرين
بس اللي عرفته ان المكملات اخذها واللي هي حبوب لزيادة الوزن
واللي منها الترا ماس وماس تك
هاييل بيساعدوني ف زيادة الوزن بس اخذها فالفترة الحالية بشكل خفيف..!

وبالنسبة للبرنامج
برجع للبرنامج الاولي اللي حطاه لي المدرب

واللي هو
سبت - جست وبايسبس
احد - بتك وترايسبس
اثنين - شولدرز وريل
وهكذا مع اخذ يوم بعد مامكمل هاييل وعقب ارجع مرة ثانية من الجست والباي..!

الاحظ نفسي اقدر ازيد لاني قاعد آكل والفترة اللي انا فيها زدت تقريبا كيلو او كيلو ونص
بس من التغذية..!

وانا اشوف مع اللي عرفته ان مغا بلاس او الترا ماس او ماس تك لازم ابدا فيهم
حتى لو ما كملت شهر ولا شهرين ع الخفيف وبعدين ابدا ازيد
يعني اول شي حبة مع الفطور عقب رمضان وحبة بعد التمرين وحبة قبل النوم..!!
كـمثال يعني
مع مراعاة طريقة استخدام كل مكمل..

ويعطيك العافية اخوي

[mashkaljey]

الله يوفقك يا اخوي وترى هاللعبه يبيلها صبر وطولة بال واحسن شي انك تلعب وانت مقتنع باوزانك يعني لا تنظر لغيرك لان لكل انسان طاقته في اللعب ونفسه الطويله ممكن انت تلعب ساعه وتتعب وممكن غيرك نص ساعه ويتعب وممكن ساعتين ولا يتعب على حسب الطاقه اللي في جسم الانسان وقوة تحمله


اهم شي انك تحط لك هدف وثابر لحد ما توصل له ولازم هدفك يكون معقول يعني في حالتك انك تصل لوزن لا يقل عن 80 كيلو ولا يزيد عن 85 كيلو ويكون عظل مع دهون قليله لان انت اكيد راح تضخم فلازم في دهون في جسمك وبعد ان تحصل على الوزن المطلوب ابدا بالتنشيف ورفع نفسك عظل فقط يعني بترجع تنزل وزنك الى ال 77 مثلا من غير دهون ولكن عضلات واضحه وتبدأ تعمل بجهد لتصل الى وزن ال 85 عظل فقط وراح تشوف ان جسمك ممتاز وعاجبك

وبالتوفيق واي استفسار ما راح ابخل لا انا ولا الاخوة ان شاء الله

[اللورد الأحمر]

أحب أزيد على كلام الأخ الكريم mashkaljey ان جسمك لازال طري وعضامتك ما أكتسبت الصلابة الكافية فالبتالي لايجب عليك أبدا استخدام أي مكمل وأنت في هالعمر كعموم المكملات الغذائية والبروتينات بشكل عام مضرة فنصيحتي لك كمبتدىء انك ما تدخل عالم المكملات والبروتينات وتقدر تبني جسمك بالوجبات البروتينية الغذائية الطبيعية والكربوهيدرات مثل البيض وصدور الدجاج والمكرونة البيضاء والكبدة واللحم الصافي وما الى ذلك من وجبات ....وشكرا أخي ....تحياتي الكابتن اللورد الأحمر