المساعد الشخصي الرقمي

مشاهدة النسخة كاملة : هل التسوق على النت أفضل ؟ و ما هي أفضل مواقع التسوق ؟


بو عبداللة
02-09-2009, 11:59 PM
السلام عليكم


أخواني الأعضاء أرجو منكم النصح و التوجيه


فلقد لاحظت أن بعض الناس يفضلون الشراء عن طريق النت :33: ، بحيث تجد الواحد منهم يكاد لا يذهب للسوق أبدا هنا في الخليج :31: ، فتجده جالساً في بيته و يطلب ما يشاء ! . فلما حاولت أن أسأل البعض من محبي هذا النوع من التسوق عن سبب قيامهم بذلك ؛ فأجابني الأغلبية أنه أرخص !! :33: .


فالذي أريد أن أعرفه هو التالي :-


1- هل التسوق على النت أفضل من التسوق العادي ؟ و لماذا ؟


2- إذا كان أفضل ، طيب ما هو أفضل موقع الكتروني للتسوق من ناحية رخص الأسعار و سرعة التوصيل و وفرة المنتجات ؟


3- ما هي أرخص شركة توصيل للخليج من ناحية السرعة و السعر ؟؟



إن أسئلتي هذه بخصوص جميع أنواع البضاعات (الكترونيات ، ملابس ، عطور .......الخ) ، أي أني لا أقصد بضاعة معينة . فأرجو منكم الإجابة على إستفساراتي ؛ و ذلك لأني أنوي فعلاً أن أعتمد هذه الطريقة في حياتي :) .



إن استطاع أن يشرح أحدكم لي على شاكلة تقرير عن إيجابيات التسوق على شبكة الانترنت ، فجزاه الله خيراً :biggthump :biggrin2: .
orange road
03-09-2009, 12:47 AM
انا من المتسوقين على النت
والصراحة اي تلقى وايد أشياء ارخص من اللي تلقاه في المحلات اللي عندنا

لكن عليك انك تدور على المواقع المشهورة والرخيصة لأن الاسعار تتفاوت بين موقع والثاني

ممكن موقع تلقى عنده الثياب ارخص لكن في موقع ثاني تلقى الاكسسوارات ارخص وموقع متخصص في الالكترونيات وقطع غيار الكومبيوتر بتلقاه ارخص من موقع يبيع كل شي..

طبعا أول شي علشان تتسوق من النت تحتاج بطاقة إئتمان من البنك مثل الفيزا او الماستر كارد.. لكن لما يكون عندك هالبطاقة حاول انك تطلع وحدة لها ليميت معين او بطاقة تكون خاصة بالتسوق من الانترنت اسمها E card

بعدين راح تحتاج حساب في أراميكس.. وهاي شركة شحن تفتح لك صندوق بريد في امريكا وفي بريطانيا.. لأن مب كل المواقع العالمية توصل حق الخليج والوطن العربي.. لكن عن طريق هالشركة ممكن انك تييب الاغراض اللي تبيها من اي موقع يوصل حق هالدولتين..

واخر شي تحتاج طبعا موقع موثوق منه علشان تشتري الاغراض اللي تبيها

وهني عليك انت تبحث..
من المجلات الاجنبية مثلا يكتبون لك عن المواقع الموثوق فيها حق التشري
أو لما تلقى موقع على الانترنت عليك انك تدور في جوجل والويكيدبيا عنه وتجوف معلومات أكثر.. لأن المواقع الوهمية وايد على النت ولازم تحاسب منها

بعدين عليك انك تقارن في الاسعار

يعني احيانا ممكن تشتري شي على النت لكن شحنه غالي فيكلفك أكثر من السوق العادي لو شريته من هني

وبعض المواقع مثل الامازون مب دايما الاغراض من الموقع نفسه.. يعني ممكن اكثر من جهة تطرش لك الاغراض فتييك على اكثر من بارسل ومعناها ان الشحن بيطلع عليك اغلى من الغرض نفسه

وانتبه حق نقطة ان عليك احيانا تدفع الشحن مرتين..
مرة حق الشحن الداخلي من الموقع حق صندوق بريدك مال اراميكس
وبعدين الشحن الثاني من اراميكس امريكا حق بلادك..

لكن في بعض المواقع اللي تعطيك الشحن الداخلي ببلاش.. فهني هالنقطة لصالحك انت..

بس انا ما ادري شنو انت تحب تشتري...
والا كان ممكن ادور معاك مواقع حق هالاشياء

وان شاءالله يكون هالرد فيه اجابة ولو بسيطة على سؤالك اخوي

وحياك
بو عبداللة
03-09-2009, 11:38 AM
مشكووووووووور يا orange road ... والله أنه شرحك وافي و كافي بعد :biggthump

أحس انك ماشاء الله عليك شرحت عن 10 أعضاء :)

-------------------

أنزين عندي سؤال آخر : موقع e-bay هل هو متخصص لبيع الاشياء المستعملة ؟ ،، لأني لما دخلت عليه اليوم ، وجدت أن أغلب البضائع من ناس عاديين و ليست الشركة نفسه ؟!! :33:

و أحب أنك تفيدني أيضاً ، بأي موقع تنصحني لشراء ألعاب البلايستيشين و ملحقاتها ؟ أو الألعاب بشكل عام (Board game , Uno, Jenga , العاب للاطفال) ، و المجلات أو الكتب و أخيراً الأفلام ؟
Al Bhed Girl
03-09-2009, 02:04 PM
السلام عليكم ورحمة الله وبركاته


أشكر صاحب الموضوع على طرحه ،،

لأن بودي اتوسع واعرف عن التسوق بالنت وكيفيته

واعرف الخطوات التفصيليه من اني افتح حساب للنت (E Card) الى الشحن..

يعطيج العافية اختي اورنج رود أفدتينا كثير^^..

|| بالنسبة لموقع ايباي ..هو موقع مزاد الكتروني تقدر من خلاله تبيع اغراضك المستخدمه بشرط انها تكون بحاله ممتازة
بو عبداللة
03-09-2009, 04:32 PM
عذراً أنا ما أنتبهت أن العضو orange road هي أمرأة :09: .. و أتأسف مرة أخرى للأخت ، و أقول أيضاً شكراً مرة أخرى يا orange road على التوضيح :)


و شكراً أيضاُ للأخت Al Bhed Girl على التواصل ،، و أتمنى أن يستفيد الغير من موضوعي هذا مثل ما أريد أنا الفائدة لنفسي .


(أحب لأخيك ما تحب لنفسك)
orange road
04-09-2009, 02:57 AM
العفو اخوي

بالنسبة حق موقع ايباي موقع الناس العاديين ممكن يعرضون اغراضهم عليه ويبيعونها عليه

والشراء فيه نوعين اما انك تزايد على الاغراض او انك تشتري الغرض على طول..

وممكن انك تشتري الشي من الموقع او انك تراسل البائع شخصيا وتتفاهم معاه

الالعاب والكتب اللي تتكلم عنها الصراحة احسن من الامازون ما لقيت حتى الحين
على الاقل الموقع وايد موثوق منه
وسكيوتري الشراء منه
حتى لو كانت شركات ثانية تبيع عن طريق الموقع بعد ضمان الاغراض انها توصل واذا في شي ما وصل تكتب حق الشركة ويردون يطرشونه لك
بس حاول انك تشتري الاغراض اللي يبيعها الموقع نفسه علشان توفر في الشحن
وتلقى عليه الالعاب والكتب أول بأول
غير هاي تلقى آراء وتقييمات الاشخاص اللي شروا الاغراض.. وانت بعد ما تشتري الاغراض تكتب رايك فيها وتقييمك حق غيرك علشان يستفيدون منها

Al Bhed Girl

علشان تحصلين على بطاقة E card هاي تكلمين البنوك اللي عندج..
لازم في بنك يصدر هالبطاقة
او ممكن تحصلين على بطاقة الفيزا والماستر كارد وتخلين الليمت فيها صغير

اما علشان صندوق البريد فبكل بساطة تروحين اقرب فرع حق اراميكس وتطلبين الخدمة.. وهي مجانية ترى.. ما تدفعين على صندوق البريد بس تدفعين على الشحن..

وأي اسئلة ثانية انا حاضرة اذا كنت اعرف اجاباتها ^^