المساعد الشخصي الرقمي

مشاهدة النسخة كاملة : سنه من الحديد ومافي فايده


مجهووووووووول
08-09-2009, 06:11 PM
السلام عليكم ...

اخواني انا بديت حديد قبل سنه ومع اني ما اقطع كثير ومنتظم نسبيا في الاكل والتمارين ما وجدت تغير في جسمي والتمارين اسويها بنسبه كبيره صح واستخدم الواي بروتين ثم وقفته واستعملت البروكمبلكس طبعا ما كنت استخدم البروتين ايام الراحه بس ايام التمارين واستخدمه بعد التمرين فقط ولكن كان اكلي يحتوي على بروتين كثير فما رايكم؟؟

انا اشتريت الانيمال بمب ؟هل استخدمه وحيفرق معاي؟هل هو يفرق في الوزن اللي اشيلها؟

الطول180

الوزن87

فارس
AmiTy Ville
08-09-2009, 06:24 PM
مع احترامي لك اخوي بس مستحيل سنه ومافي اي تغيير

كلامك في بعض الشك حول انك تقول

ماكنت اقطع كثير = في تقطع ف التمرين
منتظم نسبيا = في تقطع ف الاكل

طولك ووزنك ممتاز اذا كان عندك عضل اساسي ومختفي اما اذا دهون يبالك تحرق وتخف الوزن شوي

ملاحظه: في ناس يدخلون النادي بثقه وجدية ويكملون شهر ويحصل التغيير - وفي ناس تدخل بدون نفسيه كامله ويتأخرون كثير ولايبان شي الا شي طفيف

وفي ناس اجسامهم ماتتقبل بسرعه

النفسيه والجديه تفرق ياخوي

وبصراحه اذا تتمرن يوميا وتقطع لو حتى 5 ايام = مافي فايده لانك بترجع تسخن يوم او يومين

بالنسبة للبروتين مره ماتكفي مقارنة بوزنك

كمية البروتين المحتاجة
للشخص الطبيعي : 0.8 جرام بروتين لكل كيلو جرام
للي يلعب حديد : 2 إلى 3 جرام بروتين لكل كيلو جرام

انت تقريبا يبالك 250 جرام بروتين يومياً

هذا تعقيبي وفي انتظار تعقيب باقي الاخوه وان شاءالله تتوصل لحل اخوي
alpuccino
08-09-2009, 08:56 PM
اخوي يبيلك مكملات غذائية صح يعني مثلا بالمكملات شهر راح تحسب ب 6 كيلو عضل صافي اهني تقول في فرق معا تمارين قوية مثل سوبر تقصيص اهني تقدر تقول في فرق يبيله التزام وجدية وتغذية ومكملات صح اخوي لازم تتعب على الجسم ويطلع ماكو شي ايي بسهالات واذا تبي مكملات حاضرين
اللورد الأحمر
08-09-2009, 08:58 PM
السلام عليكم شباب :
أضيف على كلام الأخ الكريم. طولك ممتاز بس المشكلة وزنك غير متناسق مع طولك.
الوزن المثالي المفترض 65 الى 76 كيلو فقط بس وزنك كثير هذا يدل على ان جسمك في دهون كثير فلذلك
أخوي تتمرن وما تزيد عضلات لأن الدهون و الشحوم مغطية على جسمك فنصيحتي تحرق الدهون أولا وتخفف
وزن قليلا . بعدين تتمرن لأن اللحين تضيع وقت وتتعب نفسك على الفاضي....تحياتي للجميع وشكرا...
مجهووووووووول
09-09-2009, 04:04 AM
شكرا على مروركم جميعا...
اولا لاتنسون تجاوبوني على الانيمال بمب..

ثانيا.اخوي ديزاييه(مع اني مااعرف اش معنى اسمك)
اعني بالتقطيع يعني كل 3اشهر اريح 10ايام فقط يعني فى ال12 شهر الاخير ما تركت الى لمده اسبوعين في الترم الاول ومده 10 ايام في الترم الثاني و3اسابيع في الاجازه وهذا نسبيا جدا قليل
اذا ماقورن باللاعبين الاخرين؟؟

بالنسبه للاكل انا اتغدى 300جم صدر دجاج بدون جلد واتعشى تونا بالماء فيها الاخيره40جم بروتين.


اخوي البيشينو 6كيلو بشهر واحد حشا وش هالمكملات الحق فيها علينا؟بس بشرط ماتكون هرمونات!!! لاني دكتور صيدلي ومتاكد 100 %من ضرر الهرمونات.

اخوي اللورد

والله كلامك منطقي انا عندي دهون كثير ببطني حيث ان 20%من وزني دهون وخصوصا بعد سفره استراليا لكن مايمديني انقص وزني خلال لعبي للحديد؟بعد حتى رغم اني العب كارديو كثير وزني ثابت ومايتغير!!!!!!!!


اخواني سؤال مهم؟؟؟؟؟

هل في عضلات بدون هرمونات؟؟وكم يحتاج الواحد علشان يحصل على جسم مثل هذا؟
jeddah,genral
09-09-2009, 05:34 AM
مع احترامي لك اخوي بس مستحيل سنه ومافي اي تغيير

كلامك في بعض الشك حول انك تقول

ماكنت اقطع كثير = في تقطع ف التمرين
منتظم نسبيا = في تقطع ف الاكل

طولك ووزنك ممتاز اذا كان عندك عضل اساسي ومختفي اما اذا دهون يبالك تحرق وتخف الوزن شوي

ملاحظه: في ناس يدخلون النادي بثقه وجدية ويكملون شهر ويحصل التغيير - وفي ناس تدخل بدون نفسيه كامله ويتأخرون كثير ولايبان شي الا شي طفيف

وفي ناس اجسامهم ماتتقبل بسرعه

النفسيه والجديه تفرق ياخوي

وبصراحه اذا تتمرن يوميا وتقطع لو حتى 5 ايام = مافي فايده لانك بترجع تسخن يوم او يومين

بالنسبة للبروتين مره ماتكفي مقارنة بوزنك

كمية البروتين المحتاجة
للشخص الطبيعي : 0.8 جرام بروتين لكل كيلو جرام
للي يلعب حديد : 2 إلى 3 جرام بروتين لكل كيلو جرام

انت تقريبا يبالك 250 جرام بروتين يومياً

هذا تعقيبي وفي انتظار تعقيب باقي الاخوه وان شاءالله تتوصل لحل اخوي

هلا اخوي طولي زيه ووزني زيه تقريباً يعني المفروض احرق الدهون بعدين العب حديد ولا عادي العب دحين ؟؟



ومعليش يا صاحب الموضوع ادري دخلت غلط شوي ههههه بس ان شاء الله نستفيد من الاجابه كلنا ;)
jeddah,genral
09-09-2009, 05:35 AM
واتمناء اي احد يعرف الجواب لردي يحطه وجزاه الله خيير :)
AmiTy Ville
09-09-2009, 06:41 PM
الظاهر ان الدهون اكثر من العضل عندكم فا احرقو افضل ومن ثم ابدأو

بالنسبة للصوره صعب توصلها بسرعه يبالها صبر

والصوره اللي حطيتها صورة شخص خالي من الدهون وحارق صح ومتمرن صح

مو شرط تحرقو وماتتمرنو لا عادي تمرنو بس اوزان خفيفه مساعده للحرق

اخوي صاحب الموضوع دام انك انسان صيدلي فا ماعتقد تحتاج مساعده كونك ملم بأمور الرياضه والتغذيه
اللورد الأحمر
10-09-2009, 06:51 AM
أضيف على كلام الأخ ديزابييه . ان لازم تحرق دهون وما تاكل واجد بالعكس خفف الدهون وخلي يصير جسمك ناشف تماما بعدين ارجع لنظامك السابق وحق تقدر تتوصل للصورة اللي واضعها...ومشكور أخوي