المساعد الشخصي الرقمي

مشاهدة النسخة كاملة : معرض رسوم المانجا الى جميع رسامين المنتدى ..تفضلوا بالدخول عندي طلب



Ranze Eto
16-01-2002, 12:04 PM
سلالالالالالالالالالالام يا شباب و شابات ... الرسامين و الرسامات ....

ابي اطلب منكم طلب صغيرووون ... أبيكم ترسمون لي صوره ....

يعني ترسمون رانزي :D بالوضعية اللي تعجبكم..... و اتوقعون لي تحتها باسماءكم يعني :)

و ارجو اني ما ثقلت عليكم بهالطلب .....

هذا الموضوع مب اجباري لكنه اختياري لليبي :)

يعني اللي يحبني و يعزني بيرسمني ;)

و شكرا لكم :D

و هذي صوره لرانزي للي ما يعرفها......و طبعا في التوقيعي صور لرانزي

Rewayah
16-01-2002, 12:28 PM
أفا عليتش رانزي! ^_^
والله ما طلبتي شيء ! :)

تبينها ملونة... صح؟

حاضر :)

hawk
16-01-2002, 12:51 PM
سويتلش وحده على السريع :D

fatoom
16-01-2002, 01:06 PM
انا انا رسمت ...:D
بس الباقي ألونهم ..... فصبري علي اوكي .. ;)
أنت تأمرين رانزي .....

orange road
16-01-2002, 01:15 PM
انشاءالله باشارك في الموضوع ...
:D

MALSOONAH
16-01-2002, 03:48 PM
أنا بعد بشارك :D
بوقف لقطه من مسلسل رنزي و برسمها يستوي ?:

tm13
16-01-2002, 04:47 PM
انشاء الله بحاول....... كل شيء علشان رنزي يهون:D :) ;)

shaheen
16-01-2002, 08:52 PM
hawk u r really fantastic!!!!

بالمناسبة بأي برنامج رسمت الرسمة.. او هي بالقلم الضوئي؟؟؟
اخبرني لاني معجب برسمك!!! وااااااااااااااو:)

Rori
16-01-2002, 09:51 PM
هذي لج يا رانزي مني ,,انا اسفة لانها ماتشبها وايد:p

بس من both عيوني لج يالغالية...

hawk
16-01-2002, 10:15 PM
بالفلاش . وشخطتين بالماوس

يا شاهين . ;)

Ranze Eto
17-01-2002, 08:31 AM
وااااااااو مشكور يا هوكhawk

و مشكوره Rori :D
رسوماتكم اعجبتني ... ثانكس
__________________________________
Rewayah :) انا متشوقه لرسمتك و شكرا

__________________________________
و تسلموووون لي يا البناااااات:D

fatoom ، orange road ،MALSOONAH، tm13
__________________________________
:أفكر:

و يا أخيــــــنا شاهين .... بسك من الاعجاب بالرسومات و ورني شغلك :غضب:

___________________________________
و انتظر المزييييييييييد ...

التوقيع ..
الطماعه رانزي ايتوا :p

Loly
17-01-2002, 03:47 PM
ولا يهمج يا رانزي, انت آمري و انا عيوني لج;)

حاولت أقلد رانزي بس ما قدرت ,فرسمتها بطريقتي:":

i hope انها تعجبج ....?: :أفكر:

Ranze Eto
17-01-2002, 04:38 PM
LoLy


الرسمه روعه روعه روعه :D


اشكرج

orange road
18-01-2002, 11:56 AM
رانزي.. الموضوع وايد عجبني..
ليش ما نسوي جذي.. نطرح موضوع عن شخصية ونطلب من الاعضاء انهم يرسمونها بأسلوبهم.. :)
وبالنسبة حق مشاركتي في هالموضوع.. باحطها قريب انشاءالله.. بس باقي تتلون.. :p

shaheen
18-01-2002, 12:04 PM
كتب العضو (Rewayah)
أفا عليتش رانزي! ^_^
والله ما طلبتي شيء ! :)

تبينها ملونة... صح؟

حاضر :)

ماشاء الله رسمتك حلوة يا رواية!!
@_@ قاعد اشوفك ترسمها
ههههههههههههههههههههههههه

ماشاء الله عليكم يا روري ولولي...
رسوماتكم وايد حلوة وطريقتكم مع انها مختلفة عن الاخرى
واتساءل هل فعلا انتم اخوات؟؟؟؟

orange road
18-01-2002, 01:38 PM
اخيرا رانزي لونت الرسمة..
شرايج فيها؟؟
بس المشكلة اني رسمتها بأسلوبي، ومن الذاكرة..
يعني طلعت رانزيتي.. :D

orange road
18-01-2002, 01:43 PM
وهذي رسمة ثانية..

shaheen
18-01-2002, 01:53 PM
ماشاء الله..
انتي من وين تجيبين هالرسومات؟؟
عليج اسلوب عجيب غريب... خطوط بسيطة لكن الرسمة عجيبة
على فكرة مانسيت سالفة الخطوط:)

orange road
18-01-2002, 02:17 PM
شكرا شاهين..
بس لو تدري شلون رسمت هالرسمتين ذيللا.. والله تموت علي من الضحك..
كنا في عزيمة والناس حوالي وهيلة وصراخ والكل يتكلم مع الكل وانا قاعدة في زاوية على كرسي وارسم..
شكلي مشخرة.. بس شاسوي.. لما الواحد يطق في راسه انه يبي يرسم.. يرسم في اي مكان..
عموما دفتري وقلمي معاي في كل مكان.. ما يفارقوني ابد... :D
بالنسبة للخطوط.. قلت لك اني طبقت الطريقة بس ما حسيت بفرق كبير.. انت قصدق انك ان الخط الخارجي احدده كله بقلم كبير وبعدين الخطوط الداخلية احددها بالقلم الضعيف.. والا قصدك اني احدد الرسمة بالقلم المتين وبعدين التفاصيل مثل خطوط الشعر ونقوش الملابس احددها بالقلم الضعيف؟؟؟ ?:

tm13
19-01-2002, 12:03 AM
وهذي لرنزي .......وش رايك فيها;) .........بس معليش يمكن هذي مب رنزي بنت عمها:D

Ranze Eto
19-01-2002, 10:47 AM
orange road

واااااااااااااو :واو: خلود فضيعععععه الرسومات ..مشكوره :)

حبيتهم ... التلوين روعه و الحركات اتجنن ....... و يوكو كاميا اتضحك :D لووووول


Tm13


:واو: تي ام .... الرسمه فعلا رومانسيه ..... شكراً:cool:

orange road
19-01-2002, 10:50 AM
واو tm13 الرسمة وايد روعة...
احب الرسوم اللي بهالطريقة...
فظيييييعة...

وآنا للحين عند رايي.. ليش ما نفتح موضوع ثاني مثل ذي.. ونختار شخصية مشهورة ونرسمها.. كل واحد يرسمها بأسلوبه الخاص...
اذا محد بدى بالموضوع.. آنا اللي بابتدي... :D

Ranze Eto
19-01-2002, 11:00 AM
كتب العضو (orange road)

وآنا للحين عند رايي.. ليش ما نفتح موضوع ثاني مثل ذي.. ونختار شخصية مشهورة ونرسمها.. كل واحد يرسمها بأسلوبه الخاص...
اذا محد بدى بالموضوع.. آنا اللي بابتدي... :D [/B]

Orang Road

:( مب على كيفج تنهين موضوعي ........ انا لما فتحت الموضع ... فتحته عشان شي في بالي ابي أسويه

و ابي ربعي (أصدقائي + صديقاتي) اللي في النت يشاركوني ...

و انشاء الله بتعرفون هالشي قريب ....

Ranze Eto
19-01-2002, 11:02 AM
ضايقتيني :غضب:

MZM
19-01-2002, 12:13 PM
اف اف اف اف اف ......... ما شاء الله .
الظاهر اني يا تي ام 13 ابي انسى الموضوع اللي انا جاي على شانه و اقعد اقابل رسمتك عفوا لوحتك الفنيه هاذي .............. الله يستر علينا بس .. حنى صحيح قلنا نبي نشوف رسماتك الجميله لكن ها الرسمه عفوا مره ثانيه ها اللوحه الفنيه هاذي شيء غير عادي ما شاء الله عليش ............. ما ادري ليش انا احب الظلام اللي في الرسمه مع اني ما احب اللون الاسود ... يمكن لانه متقن حيل حيل ....
رسمتش هاذي ابي اقعد اقابلها اسبوع كامل ... لا ليلي ليل و لا نهاري نهار ...... و الله لروح للشقه ها الحين و احطها بالكمبيوتر فل سكرين اقعد اطالعلها ساعه كامله و انا فاتح فمي ...
ااااااااااااااااااااااااااااااااه
لا لا تلوميني انا يوم طلبت منك رسمات جديده كنت ادري......... و الله ادري ..... ان رسمك غير طبيعي ......... هو الاسلوب اللي انا احبه بالضبط .
رسمتك هاذي ماراح انساها ابدا ما حييت ..... ما كنت اتخيل انه في وحده من ديرتي ترسم بالمستوى هاذا من الابداع . خصوصا في الرسم الكرتوني .
بس يا فرحه ما تمت ..................... ليش ........... لاني ادري ان تي ام 13 لسبب او لآخر ما تحط رسماتها في المنتدى . طلب خاص جدا اتمنى ان تحققيه لي يا اختي العزيزه مثل ما حققت لي فطوم طلبي قبل ما اطلبه منها و هو انك تحطين لك موضوع خاص يحمل فقط رسماتك ...... القديم منها و الجديد لاني ابصراحه احب اسلوبك في الرسم حيل حيل ............. و انا ناطر للابد ان يتحقق طلبي ....او دزيهم لى على البريد

الظاهر اني نسيت اني ليش داش الموضوع ........... رسمك يا تي لم 13 يدوٌخ :D
رانزي ابشري من اعيوني الثنتين .............. انتي تامرين و حنى انطامر . طلبك يا اختي قيد التنفيذ :D

orange road
19-01-2002, 12:23 PM
هي رانزي...
ما قلت نسكر الموضوع.. قلت ان الفكرة عجبتني وخل نكرر الموضوع.. بس مع شخصية ثانية..
وعلشان تعرفين اني ما قصدت نسكر الموضوع...
ترى انا رسمت رسمة يديدة.. وطرزون بعد رسمت لج وحدة.. وقاعدة الونها وباعرضها لج..
برد قلبج :)

Ranze Eto
19-01-2002, 12:43 PM
:D ايه برد

mzm >>>MZM

انا انتظر الرسمة :D

orange road
19-01-2002, 12:51 PM
واكاهي الرسمة...
ادري ان اليد طلعت وايد معوقة.. بس الرسمة عاجبتني...
عاد والله ما ادري عن رايج انتي.. :)

tm13
20-01-2002, 12:53 AM
Ranzie Eto انا فرحانه انها اعجبتك.:) orange road رسماتك افضع اكثر مما كنت اتصور:D ___ MZM مشكورررررررررررررررر الف مره على المدح الحلو وانافعلاعاجزه على الرد بس ما قدر اقول الا انك رفعتني فوق مستواي .....شكرا:D ..............اما عن طلبك يا MZM على العين والراس بس يمكن ما اقدر انفذه الابعد مده ..والسبب :اني ما ارسم كثير اوشبه نادر ........بس علشانك يا MZM انشاء الله بحاول واسوي اللي اقدر عليه:) ما تصدقون اذا قلتلكم ان قبل لاتعرف عليكم كنت ارسم كل اسبوعين او اكثر مره ورسمه غير كامله بس شكرا لكم انتم حمستوني للرسم من جديد:D وبحاول اني ما اهد الثقه اللي عطوتني اياها :)

حسين-911
20-01-2002, 01:44 AM
احم احم

ترى الفكره حلوة :)
ولكن تصبح صعبة اذا الواحد قعد يطلب طلب مخصوص بعيون جذي وشعر جذي :)

MZM
20-01-2002, 11:47 AM
--------------TM 13-----------------------
بس ما قدر اقول الا انك رفعتني فوق مستواي .....
---------------------------------------------

هي هي هي لا و متواضعه بعد

يا اختي العزيزه عيني الفنيه لا تخطاء ابدا انتي فنانه حتى لو كان رسمك قليل لان الفن اساسه احساس و مع اشويه ممارسه و جدٌيه اكثر بتصيرين شيء غير معقول ( مثل ليوناردو دافنشي :D )........... فعلا و هاذي مو مجامله

tm13
20-01-2002, 04:33 PM
لااااااا......يا MZM لاتقول الاسم هذا لان صديقتي تطنز علي وتقول:(ليوناردو دفنشي على غفله).................................................:) بس منك غير:D

MALSOONAH
20-01-2002, 06:00 PM
أولا: لا تضحكون عليه هذي الرسمه رسمتها بسرعه بسرعه :(

ثانيا: لا تتطنزون علشان انا مارتبتها او مب نضيفه وايد كله يالسه امسح بالمساحه :(

ثالثا : لا تتمسخرون على رسمتي علشان انا ماكان عندي وقت الونها في
الفوتوشوب:(

رابعا : شوفوا رسمتي :":

MALSOONAH
20-01-2002, 06:02 PM
لا تضحكوووووووووووووووووووووووووووون
:(

shaheen
20-01-2002, 10:39 PM
ماشاء الله عليج يا ملسونة...

انتي اللي راسمة الرسمة؟؟؟؟؟؟

والله ماتوقعت رسمج حلو لهالدرجة!!!!

ممتااااازة والله ... بس كمليها:)

نبي نشوف اكثر!:D

Ranze Eto
20-01-2002, 11:09 PM
وااااو خلود حلوه الرسمه :)

بس الاصابع اتخرع كأنها (( صمون )) :D


ملسوووووونه و الله انج فنانه ايش هالرسمة العجيبه ....

بس تدرين اول مره اشوفج بهالضعف و انتي اتقولين .. لا تضحكون على رسمتي:(

وااااي كسرتي خاطري و الله ... تعودنا عليج ملسونه و لسانج طويل ... بس صج الرسمه وايد حلوه

تسلم ايدج اللي ارسمتها :D

orange road
20-01-2002, 11:18 PM
رانزي.. قلت لج من قبل ان اليد طلعت معوقة..
هذي يزاي بعد؟؟ :غضب: اسهر في الليل.. وارسم لج علشان موضوعج وتقولين لي اليد كأنها صمون؟؟
على الاقل جامليني.. قولي لي كأنها بقصم :D
ادري ان اليد معاقة.. ول تلاحظين اني حطيت الكلام فوقها.. يعني بلفيت حاولت اني اغطيها شوي..
جوفي.. انتي لما تجوفين الرسمة.. غمضي العين اليمين وجوفيها باليسار بس.. وما بتجوفين اليد.. اوكي؟؟؟
هاهاهاهاهاهاهاهاها :D
تصدقين عاد.. اليد كانت عدلة وهي بالرصاص.. بس لاني كنت ارسمها آخر الليل والعين تعرفين تكون مزغللة حبرتها غلط.. وحاولت اعدلها على الفوتوشوب بس ما قدرت ..
خلاص انشاءالله ارسم لج وحدة غيرها وما تكون معاقة :D

Rewayah
20-01-2002, 11:27 PM
حلوة رسمتش أورانج رود!
بالعكس! اليد وايد سليمة أشوفها! :)

بس الخطوط اللي تحدد مكان المفاصل ما كان له داعي ترسمينهم!

وبعد اللي عجبني قصر "ساطون" مال "بلد الأوهام" اللي في الخلفية!

مشاركة جميلة! :)

أختي ملسونة, رسمتش وايد تهبل! :)
الخطوط مظبوطة وروح الشخصية الحقيقية موجودة في الرسمات! :)

على ما يبدوا أنتش تتبعين نفس أسولبي!!!
واللي هو إقاف الصورة على الفيديو ونقل الشخصيات المباشر من شاشة التلفاز :)

وكذلك النقل من كتب المانجا مهم!
وشاشة الكمبيوتر!!!! "جديدة"!
هذه الطرق تساعد بشكل أسرع في تعلم رسم شخصيات مانجا نحبها :)

شكراً على هذه المشاركة الجميلة يا أختي ملسونة ;)
بس يا حبذا لو تسوين وحدة ملونة قريباً... عشان الأخت رانزي! :)
صغرت لتش الرسمة!

تحياتي

orange road
20-01-2002, 11:42 PM
شكرا اخ رواية..
وايد رفعت من معنوياتي في هالرسمة بعد ما نزلتها رانزي في الحضيض..
سانتقم منك يا رانزي اللئيمة.. :غضب:

Rex
20-01-2002, 11:57 PM
والله بصراحة ما توقعت ملسونه ترسم بهذا الشكل!!

آخر رسمات شفتها لها هي السيد بيضه! وواحد بعد نسيته!:p

بس أنتي الوحيدة في هذا المنتدى اللي تطور بسرعة فائقه!!
أو ...
يمكن كنتي تدسين فنك عنّا :D

هههه

MZM
21-01-2002, 12:24 PM
---------------orange road----------------------------
هذي يزاي بعد؟؟ اسهر في الليل.. وارسم لج علشان موضوعج وتقولين لي اليد كأنها صمون؟؟
على الاقل جامليني.. قولي لي كأنها بقصم
----------------------------------------------------------

ها ها ها ها ها ها ها هــــــــــــــــــــــــــــــــــــــــــــــوه
اليد مو لها الدرجه معوقه هو خط واحد بس اللي قلب الدنيا ...............ز وتسلم ايدينش يا خلودوه :D

MALSOONAH
بدأت تشرق شمس جديده علينا ( الى الامام )

Ranzie Eto
هي هي و الله ادري اني مصختها معاك بس اتمنى لو تصبير اشويه .......... اشويه .......... اشويه و بحط الرسمه ( و الله و فضيحتك بأت بـ قلاقل يا MZM ) بس ادري رانزي طيبه و صدرها واسع :D

MALSOONAH
21-01-2002, 04:20 PM
shaheen أنا من زمان ارسم لكن وقفت مؤخرا
عن الرسم . وماعندي وقت ارسم فيه كل الوقت مشغوله . لكن ان شاء
الله بلون رسمه من رسوماتي:)

Rewayah صحيح اتبعت اسلوب التوقيف
والرسم لكن الرسمه الاخيره من عقلي مال بسرعه بسرعه (( في ضرف
خمس دقايق رسمت الرسمه )) شكرا روايه رتبت رسمتي ومسحت الاخطاء الي كانت فيها :D

Ranzie Eto انا صح ملسونه ولساني أطول
مني لكن يوم قررت اعرض الرسمه كنت وايد مستحيه :": انه بتطنزون عليها .. لكن طلع العكس شجعتوني .. مشكورين و ماقصرتوا :D

REFLEX قصدك السيد بيضه الشرير و البنت
المقاتله الي صرقوا المسدس و القبعه صح :D لا الرسمات الي عرضتها من زمان كانت فقط للمزاح :D

MZM الشمس شارقه من زمان :D و شكرا
على التشجيع

___________________________

وداعا الى اللقاء في موعدن جديد يطيب فيه اللقاء وتحلو الماوعيد

جيه شــــــــــــــــــــــوه مستويه فيها سندي بل

لا لا انا ملسونه ولازم ارمس وايد و الاسن وايد ":"

MZM
22-01-2002, 09:20 AM
--------Ranzie Eto-------------------
ايه برد

mzm >>>MZM

انا انتظر الرسمة
---------------------------------

هي هي هي .........اسف على التأخير بس اتمنى انك تقبلين اسفي
( الظاهر انها لو كانت مشرفه كان احذفت رسمتي بوجهي هي هي ):D

MZM
22-01-2002, 09:23 AM
--------Ranzie Eto-------------------
ايه برد

mzm >>>MZM

انا انتظر الرسمة
---------------------------------

هي هي هي .........اسف على التأخير بس اتمنى انك تقبلين اسفي
( الظاهر انها لو كانت مشرفه كان احذفت رسمتي بوجهي هي هي ):D

لا تنسون النقد ;)

Ranze Eto
22-01-2002, 09:46 AM
WoooOoooW :D



الرسمه فظيعه يا MZM


الصراحه ما عليها كلام :D


بس فيه تعليق بسيط ....



و تسأل بخصوص هالتحفه الفنية




ممكن اتقول لي اي ها الاقلام السحريه ذات الحبر السري الخفي ...من وين جايبهم ?:


لانهم محليين الرسمة :D

(تراني اضحك وياك ..لاتزعل:D )

MZM
22-01-2002, 09:57 AM
اسف بس ها الحين اكيد الحبر مو سري
بس لا تنسون التعليق ( مو تحطونه بالحبر السري بعد ) :D

fatoom
22-01-2002, 11:53 AM
الله الله على ناس طاحين في الرصاص ....;)
لا و تطوروا لأحبار سريه.....لا لا لا ....ههههههه
حلوه mzm يلا نبي بعد....:D

Ranze Eto
22-01-2002, 02:24 PM
وااااااااااااااااااااااااااااااو :واو:


ما اقدر اقول غير انك فنان يا MZM

اشكرك على هلرسمة ......


جد ...تحفه فنية :D مشكور

shaheen
22-01-2002, 03:00 PM
ياسلام عليك يا ام زد ام.... رشمتك روعة والتلوين يهبل!!!

حبيت طريقتك في التلوين.... اول مرة في التنين والحين في رسمة رانزي:) رائع!

على فكرة يا رانزي... انا مانسيتج بس انا رسمت كذا رسمة وما عجبتني ولا وحدة:(

orange road
22-01-2002, 03:28 PM
الرسمة حلوة يا mzm ... :) تسلم يدك :)
كأني آنا اللي طالبة الرسوم..

بس رانزي .. شبتسوين بهالرسوم؟؟؟؟
اعتقد انج بتسوين موقع حق رانزي وتبين تعرضين هالرسوم فيه على انهم fan art ، صح؟؟؟

في شي ثاني... لازم كل الرسوم تكون حق رانزي بس؟؟ يعني اقدر ارسم يوكو مع ابوها مثلا؟؟؟

tm13
22-01-2002, 04:04 PM
oaoooooooooooo MZM


طريقت تلوينك برصاص رهيـــــــبه:واو: لك اسلوب او نمط خاص في الرسم والتلوين ......بس التلوين;) خـــــــــــــــــــــــــــــــــــــــيــــــــــــــــــــــــــــــــــــال:cool: كانها صوره بلابيض والاسود:cool:

MZM
23-01-2002, 09:34 AM
هيخ هيخ هيخ هيخ :cool:
تسلمون لي يا احلى فنانين
الى الامام للجميع

--------------Ranzie Eto
اشكرك على هلرسمة ......
-----------------------------

الشكر مننا لكِ يا طيبه يعني قبلني اسفي على التأخير .... اشوا الحين الواحد ضميره مرتاح


-------خلودوه-----------
الرسمة حلوة يا mzm ... تسلم يدك
كأني آنا اللي طالبة الرسوم..
--------------------

خوش نغزه :D
طلبك لرسمه التنين بالفعل قيد التنفيذ ;)

orange road
23-01-2002, 11:43 PM
mzm...
خاطري بس اعرف.. ليش انت مصمم انك تناديني (خلودوه) ?:

قول فطوم تناديني لانها متعودة من الجانعة انها تناديني جذي..
لكن انت الوحيد من اعضاء المنتدى تناديني جذي..

ترى آنا مب متضايقة من الموضوع.. لكن ودي اعرف.. :)

MZM
26-01-2002, 10:48 PM
--------------خلود----------------------
خاطري بس اعرف.. ليش انت مصمم انك تناديني (خلودوه)
-------------------------------------

راجعي بريدك الاكتروني و بتعرفين ان شاء الله

MZM
28-01-2002, 09:34 AM
----------------------TM13-------------------------------
لك اسلوب او نمط خاص في الرسم والتلوين ......
-------------------------------------------------------------------

تعليقكِ يا اختي يهمني جدا جدا جدا و شكرا جدا جدا
و اتمنى يكون تحت كل رسمه لى تعليق لكِ اختي العزيزه لانك و بكل بساطه رسامه محترفه

Ranze Eto
11-05-2002, 11:30 AM
الرسالة الأصلية كتبت بواسطة Rewayah
أفا عليتش رانزي! ^_^
والله ما طلبتي شيء ! :)

تبينها ملونة... صح؟

حاضر :)

للرفع الأسموزي ..........:D


و تذكير لبعض الناس :أفكر:

Rewayah
11-05-2002, 12:11 PM
الرسالة الأصلية كتبت بواسطة Ranzie Eto

الرسالة الأصلية كتبت بواسطة Rewayah
أفا عليتش رانزي! ^_^
والله ما طلبتي شيء ! :)

تبينها ملونة... صح؟

حاضر :)

للرفع الأسموزي ..........:D


و تذكير لبعض الناس :أفكر:
... ... :":
آسف, نسيت... :":