المساعد الشخصي الرقمي

مشاهدة النسخة كاملة : يا شباب .. ممكن مساعدتكم بخصوص الـ واي بروتين


FaHDooN
11-09-2009, 06:59 AM
هلا شباب .. حبيت اسألكم عن نوع البروتين اللي باخذه انا مسجل بالنادي لي شهرين .. والحمدلله جسمي في تحسن .. لكن عضلاتي صغيره واحتاج اضخمها علماً بان طولي 181 .. و وزني 62 .. نحيف انا لكن عضلاتي باديه تتقسم ان شاء الله انا حاب اضخم عضلاتي .. فـ قررت اخذ بروتين اللي هو whey protien من شركه EAS لاني ماحصلت الـ اوبتيمم في GNC سؤالي .. هل هذا البروتين مناسب لجسمي .. خصوصاً ان نسبه الفات فيه قليله انا ابي اضخم بدون دهون .. مابي فات .. هل ان شاء الله راح يفيدني هذا البروتين ؟؟ وياليت اوقات استخدامه تكفوون لأن واحد يقولي لازم تاخذ بروتين فيه فات .. وانا ما ودي بصراحه .. لأني اعرف كم واحد سبب لهم كرش ياليت تساعدوني .. لكم جزيل الشكر
mashkaljey
11-09-2009, 07:27 AM
السلام عليكم

ان شاء الله تقصد هذا http://www.bodybuilding.com/store/eas/whey.html

هو ممتاز ولكن ليس بقوة الواي بروتين

راح يعطيك في السكوب الواحد 23 جرام من البروتين بالاضافه الى 3 جرام فقط من الكربوهيدرات والفات 2 جرام

الطريقه من 1 الى 4 مرات باليوم والجرعة عباره عن سكوب واحد مع كوب من الماء والبعض يستخدم الحليب وفضل حليب خال الدسم

ويفضل تقسيم وجباتك الى 4 او 6 وجبات باليوم

وشوف اخي من السهل جدا جدا ان تبدأ بوزنك هذا وترتفع عضلات بعكس الاشخاص الذين بهم سمنه يحتاجون للتنشيف ومن ثم يرفعون اوزانهم ويبنون العضل

اذا كنت تبحث عن منتج لزيادة الوزن بفتره قياسيه عليك بالجينر فيول او الميجا ماس وبما انك بدأت من شهرين ابدأ بهذا المنتج الذي لديك فهو ممتاز ولا تنسا ان عليك تنظيم غذائك وايظا انصحك بمكملات اخرى لاعطائك باور قبل التمرين وايظا مكملات لبعد التمرين

انصحك بكرياتين لقبل التمرين وجلوتامين لبعد التمرين واسعارهم ارخص جدا من البروتين

بالتوفيق ياغالي والحديد يحتاج صبر
FaHDooN
11-09-2009, 07:59 AM
يعطيك العافيه اخوي .. مشكوور ماقصرت على النصيحه
ولكن انا ابي اضخم عضلاتي .. ويكون جسمي عضل صافي بدون دهون ولا شحوم
هل هذا البروتين راح يفيدني .. او فيه واي بروتين من نوع آخر افضل غير الأوبتيمم ؟
انا ما ودي بـ الميجا ماس او غيره لأن فيهم نسبه فات .. انا ودي ابني جسم ناشف عضل بس

هل اتوكل على الله واشتريه ؟؟

وهل الكرياتين والجلوتامين مهمين ؟؟ يعني لازم استخدمهم ؟؟ :/

اعذرني طولت عليك يالغالي
mashkaljey
11-09-2009, 09:02 AM
في مكملات كثيره اخرى لكن اشهرها الواي بروتين الاوبتيم

وانا لا اعرف ما لديك انت اخبرني ما تملك او ما تستطيع الحصول عليه وان شء الله اجد لك المعلومات الكافيه عنه

والمنتج ممتاز ولا توجد به نسبه عاليه من الفات توكل على الله

بالنسبة للجلوتامين نعم مهم ليمنع انهيار العضل بعد الاجهاد في اتمرين

اما الكرياتين فنعم يفيدك في اعطائك طاقه للعب بالاضافه الى ان الكرياتين يعطي ضخامه عضليه نتيجه حبس الماء في الحضل يعني تحتاج لشرب ماء كثير وعلى كل الماء الكثير ضروري لممارسي كمال الاجسام لانه يفقد السوائل بجسمه بسرعه نتيجه اللعب

بالتوفيق
AmiTy Ville
11-09-2009, 07:29 PM
موضوعك يباله صبر طوييل وخصوصا ان جسمك ضعيف مقارنه بطولك

(( وعسى أن تكْرهوا شيئاً وهو خيرٌ لكمْ ))

انا لو بمكانك باخذ وزن واضخم بنفس الوقت اما تضخم على ضعف صعبه شوي ويبالها وقت طويل وصبر

بالنسبة للي طلعلهم كرش شي غريب الظاهر ماكانو يتمرنون صح

اما بالنسبة للواي بروتين اللي عندك انا اشوف انه ناقص خصوصا على حالتك تحتاج بروتين اكثر وكاربوهيدرات اكثر

بالنسبة للكرياتين ضروري تشرب ماي كثير ولا راح يضرك

اذا مصر وماودك تزيد وزنك وتبا بس عضل على ضعف وراح تصبر جرب الـ True-Mass

الشركه الداعمه لروني كولمان - او الواي بروتين الاوبتيم

عموما شد حيلك وشل اوزان ثقيله شوي اذا تبا الضخامه
FaHDooN
12-09-2009, 04:57 AM
الف الف الف شكر لكم وماقصرتوا ..
بس انا حاب اسأل .. لو اخذت الواي بروتين .. هل راح يفيدني ويضخم عضلاتي .. ويبني لي عضلات بس و جسم خالي من الدهون ؟؟
او ما راح يفيدني لأني نحيف ؟؟

انا محتار بين الواي بروتين .. او .. الميجا ماس .. او ترو بروتين

تكفون قولوا لي على وزني هذا وطولي .. وش آخذ ؟؟
FaHDooN
12-09-2009, 05:02 AM
وعلى فكره .. انا طموحي السكس باك .. عضلات البطن
ابي ابرزها .. انا حالياَ اتمرن عليها يوم واترك يوم
فـ خايف آخذ بروتين فيه فات او دهون .. ويصعب علي اني اظهرها
ويصير فوق بطني دهون و كرش خفيف
AmiTy Ville
12-09-2009, 05:15 AM
ياخوي تضخيم العضل بالاوزان الثقيله البروتين عبارة عن مكمل غذائي يمدك بالبروتينات والفيتامينات والطاقه

اخوي خذلك واي بروتين zero Fat وريح عمرك

مثلا Cell-Tec
Van Diesel 07
12-09-2009, 05:30 AM
اذا كنت تظن ان الواي بروتين وصفة سحرية راح تخلي عضلاتك تبرز فسوري راح اقولك انه اعتقادك خطأ :أفكر:

لازمك تاكل زين وتتمرن زين و تنام زين ،، لو ما وازنت بين هالعناصر الـ 3 فراح تخسر فلوسك عالفاضي
كمان انت كم سنك ؟ لان المكملات لا ينصح بها لم هم اقل من 18 السنة
والافضل خليك حاليا على الاكل لانك ما صار لك شهرين بالنادي يعني لسه ما بتشيل اوزان ثقيلة واكيد تسوي اخطاء في تمرينك سواء من حيت طريقة اداء التمرين او برنامجك او او او ..

انصحك تبتعد عن اي شي اسمه مكمّل بهالفترة وتعتمد على اكلك .. كمان علشان تزيد عضلاتك وتصير بارزة من غير ما تمر من فترة التضخيم فاعتقد انك راح تفضل تلف في دائرة مغلقة

لانك اذا ما زدت وزنك ماراح تقدر تتطوّر وتزيد من الاوزان اللي تشيلها مما يعني ان العضلة راح تتعوّد على روتين واحد وماراح تكبر

انصحك تأجّل شغلت المكملات على الاقل لين تكمل 6 اشهر بالجيم وتحس بنفسك تطورت
وخليك على اكلك افضل وحاول تزيد من وزنك لانك حتى لو زدت عضلاتك فماراح يكون شكلك زين وماراح ينتبه عليها احد يعني حاول توصل الى وزن 78 كيلو اقل تقدير بعدين فكر بالمكملات و اذا حبيت تخفّض من نسبة الدهون بجسمك سوي برنامج تنشيف واوّل ماراح تخسر دهون راح تشوف انك كسبت عضل كتير ماكنت راح تكسبه لو مشيت على النهج اللي عاوز تسير عليه الحين ;)

هذه نصيحة من واحد كان نحيف زيّك في يوم من الايام والحين كل اللي يشوفه يقوله شو سويت حتى صرت بهالشكل :biggthump

سلاام