المساعد الشخصي الرقمي

مشاهدة النسخة كاملة : ارجوك بعض الاسئلة عن المكملات والمنشطات


awjilay
15-09-2009, 09:12 AM
انا عمرى 19 عاما وطولى 190 سم ووزنى 84 وجسم من ناحية الدهون ناشف ماعدا المعدة اى الاكتاف وغيرها وانا مارست هذه الرياضة لمدة اربعة اشهر وتركتها لفترة شهران واريد ان اسال عن
الافضل بين المكملات وهى الواى بروتين او الميجا ماس فى حالتى انا وبالنسبة للمنشطات هل ممكن ان اخذه مع احدى هذه المكملات و المنشطات التى ممكن ان اخذه هو الانابول ياريت تفيدونى ارجوكم
AmiTy Ville
15-09-2009, 09:36 AM
ياخي انا استغرب الناس اللي توها دخلت حديد وتبا تضرب بمب !!

نصيحه لك ابتعد عن المنشطات ,, وخليك عالمكملات

الافضل لك الواي بروتين جولد من أوبتيم

وخذلك الميجا أمينو 10000

واذا حبيت تزيد بعد كم شهر خذ كرياتين واذا ما كفاك خذ جلوتامين


معلومه : الانيمال = ياخذونها للتنشيف ,, الانيمال بمب = هو للضخامه

بعدين المنشطات ماياخذونها غير اللي مكملين سنين طويله خليك في السيفتي ياخوي ولاتخرب جسمك من البداية
mashkaljey
15-09-2009, 07:30 PM
اخوي ديزاييه 100%

اخوي صاحب الموضوع بارك الله فيك عمرك 19 وتبي تبدأ بالمنشطات ؟ ليش يا اخي حرام عليك جسمك لحد الان في فتره نمو واستيعاب وفي مجال يتغير لحد ما توصل ال 21 يعني لو تاكل صح وتتمرن صح وتاخذ مكملات فقط من غير منشطات راح تشوف مفاجأت عندك

اغلب الي يتعاطون المنشطات يكون في باله يدخل بطولة او يكون في باله يزيد الكتل العضليه في جسمه بعد فتره طويله من ممارسه هذه الرياضه يعني لا يقل عن 3 سنوات او يكون بالاساس ضخم العضلات ومقسم ولكن يبحث عن التنشيف وبروز للعضل اكثر

لكن ان تكمل فقط 4 اشهر حتى انك تقول اناتركت النادي وتبي تاخذ منشطات الله لا يبليك في هالامر من الحين اقولك اترك عنك عالتفكير ترى بتضر نفسك على الفاضي

وابي اقول شغله الكل لازم يعرفها مو يعني انك اخذت نوع او نوعين او 3 من المنشطات انك بتصير ارنولد ولا بتصير روني ترى المنشطات بعد تحتاج فتره وتركيبات وايظا تحتاج بعد تناولها وشرط اساسي الاستمرار باوزان عاليه جدا والا راح تشحم او تختفي العضلات بوقت قياسي اسرع من ظهورها وما راح تستفيد شي الا انك ضريت نفسك وقلبت الهرمونات في جسمك وتعال عالج بالمستشفيات وبدال ال 100 تدفع 3000 عشان علاج وعمليات وتنظيفات والله يعينك


انا ما ابي ايأسك من رياضه كمال الاجسام لكن هذي الحقيقه اللي يستخدم المنشطات لازم يتنازل عن كثير من الامور الصحية يعني بيع صحتك لاجل تكسب شكل ما راح يدوم لك

بالتوفيق
AmiTy Ville
16-09-2009, 10:01 AM
كفيت ووفيت وبالتفصيل ,, يعطيك العافيه
AmiTy Ville
16-09-2009, 12:26 PM
معلومه : الانيمال = ياخذونها للتنشيف ,, الانيمال بمب = هو للضخامه

تعديل : الانابول

مدري وش دخل الانيمال ف السالفه !!