|| .. [مشارك] يـومي الـرمضـانـي ~

[shjoonal3in]

السلام عليكم و رحمة الله وبركاته

كل عام وأنتم بخير ، وتقبل الله منا ومنكم صيام رمضان وقيامه ،،

...


هنا سأعرض يومي الرمضاني في البيت بالتفصيل الممل !
الله يعين اللي ما يحب يقرا من ألحين أقول له .. :silly:

كنت أتمنى لو أوثق يومي الرمضاني في السكن الجامعي كذكرى على الأقل بما أن أغلب أيام رمضان عشتها هنا ، و أجواء رمضان مختلفة هنا عن البيت و جدول وتفاصيل اليوم أيضاً مختلفة ، و الوناسة والمغامرات ولمّات العبادة أكثر خصوصاً مع تشجيع بعضنا البعض، لكن التصوير ممنوع ولازم نحترم القوانين ..

...

بسم الله نبدأ ..

التوقيت :
ما يلي توثيق لـ ليلة و يوم الـ 21 من شهر رمضان ، أولى ليالي العشر الأواخر ..
الموافق لـ يومي الخميس والجمعة 10 و 11 من شهر سبتمبر ..
" الويكند الماضي" ..
المكان :
البيـت ..

..

حين اقترب أذان المغرب بدأنا في تجهيز سفرة الإفطار ، و كان الجميع متواجد يترقب كل ما نضعه على السفرة.
تخلل ذلك متابعة الجميع لبرنامج " القرّاء " على قناة المـجد .. الحلقة كانت عن القارئ علي جابر -رحمه الله-.

طبعاً الحلقة جذبت الجميع ، وجذبتني بالذات خصوصاً أنني لم أكن أعلم عن هذا القارئ شيء سوى أن صوته يعجبني في كل مرة أستمع إليه في إذاعة القرآن ..

--
أكثر مشهد مؤثر بالنسبة لي في الحلقة ..
بكاء الشيخ الذي درّس الشيخ علي جابر من صغره و كان يرعاه بعد موت أبيه حتى كبر .. بعد أن سئل "هل كان بمثابة ابنك" .. فبكى .. جداً مؤثر ..
< رابط الحلقة (http://www.way2allah.com/modules.php?name=Khotab&op=Detailes&khid=14998) (:
--


بعد ذلك أذّن و أفطرنا ونحن نشاهد برنامج "ذكرى" على قناة المجد .. يروي سيرة الرسول صلى الله عليه وسلم ..

<للحين لا مسكت كامرا و لا صورت شيء ، كنت واصلة البيت العصر تعبانة و كنت للحين أستوعب إني وصلت لا تشرهون :silly:

بعد الإفطار والصلاة .. اجتمعنا مرة أخرى .. للسوالف ^^

بعد ذلك .. أخترت كتاب "ماذا يحب النبي صلى الله عليه وسلم وماذا يكره " من مكتبتي و قرأت منه مقتطفات متفرقة ..

http://i720.photobucket.com/albums/ww209/justanoon/1.jpg


....

بعد ذلك انصرف الجميع إلى التراويح .. و انصرفت أنا لبيت أخي " عشان أشتغل بيبي سيتر :D" .. و عند دخولي كان الاستقبال حاراً ..
" عموه .. عموه ! .. يونسون أعمارهم ! .. ثواني وما شفت إلا غبار ..! "

ثم رأيت الأول قادم من بعيد "داعس ميتين"
ويسحب حقيبته المدرسية و تظهر من ورائه أخته ..
ثم يردد الولد .. " تشوفين شنطة المدرسة أنا عندي مقلمة"!
فتردد أخته الصغيره - بلسان ثقيل وبنطق يضحكني - : و أنا أنا أنا عندي مقلمة !
ثم يردد أنا عندي شنطة أكل .. فتقول أخته وأنا أنا بعد عندي شنطة أكل ..
طبعاً أنا أعيش جو مع هالزعيق .. خصوصاً إني ماسكة الكاميرا وأوثق ..
" اثبت ولد بصوّر ! ولا صورة طلعت واضحه ! "

و فعلاً ولا صورة طلعت واضحة لذلك مافي صورة .. اللي بعدو :09:

...


بعد ذلك دخلت المطبخ وأنا مشمرة لأجهز حلى كابتشينو مع بسكويت الشوفان!
< خطير الاسم مو؟ أنا اللي اخترعت هالحلى! واخترعت اسمه بعد !
< تكفى يا أديسون :silly:

سويت الحلى .. على خلفية موسيقية .. من نوع ..
" أنا و بابا وماما وعموه ومحمد ومدري مين احنا بنروح إنت لأ ! "
" أنا بروح إنتي ما بتروحين معانا ! " .. الخ الخ الخ


الصورة هذي إهداء خاااااص جداً إلى ليفانا ... عليك بالعافية :biggthump

http://i720.photobucket.com/albums/ww209/justanoon/2.jpg

.....

بعد أن أنهيته وضعته بالثلاجة .. و ذهبت للأطفال و وجدتهم قد ناموا ..
فصليت التراويح ثم رجعت إلى المنزل بعد أن رجعت أمهم ..

...

عندما وصلت المنزل .. أول ما فعلته هو ما يلي ..

http://i720.photobucket.com/albums/ww209/justanoon/3.jpg

شغلت التلفزيون عشان أشوف صلاة الحرم .. وهذا من الأشياء اللي أفقدها طول الأسبوع < أحد عنده موقع لقناة المجد أونلاين ؟ .. عجزت أدوّر :33:

http://i720.photobucket.com/albums/ww209/justanoon/4.jpg

....

طبعاً في هذا الوقت .. بعد صلاة التراويح يجتمع الأهل لشرب الشاي .. والجلوس " للسوالف " ومشاهدة صلاة الحرم ..

http://i720.photobucket.com/albums/ww209/justanoon/5.jpg

هذي الصورة أعجبت أبوي حيل .. يقولي هذي أحسن صورة ! < كل ذا عشان فيها شاي يا أبوي :ponder:

...

بعد الشاي .. جلست مع الوالدة كانت تقرأ قرآن وكنت أستمع لها ..

http://i720.photobucket.com/albums/ww209/justanoon/6.jpg

هذا مصحفها ..

...

بعد ذلك انصرف الجميع للنوم و حاولت أن أتصل بالانترنت ولكن ..

http://i720.photobucket.com/albums/ww209/justanoon/7-1.jpg

و يا ليييل ما أطولك !

...

المهم .. مرة مرتين ما أشتغل .. تركته .. وجلست مع السهرانين نتسامر .. حتى حان وقت القيام .. تجهزنا ثم خرجنا للصلاة ..

انظروا كم كانت الساعة ..

http://i720.photobucket.com/albums/ww209/justanoon/8.jpg

...

كانت الصلاة رائعة جداً .. والإمام صوته جميل وخاشع ..

هنا رابط (http://www.mediafire.com/download.php?vty2jzldnkz)تلاوته من الركعة الأولى للشفع .. (:

...

بعد أن أنهينا الصلاة كنت أتمنى لو أنني أصور المسجد من الخارج ولكن يبدو أن الجهة التي كنا فيها كانت غير مناسبة .. ناهيك عن الازدحام و الرجال في كل مكان .. فلم أستطع أن أقف للتصوير ..

انظروا كم كانت الساعة ..

http://i720.photobucket.com/albums/ww209/justanoon/9.jpg

...

كنت أمنّي نفسي طوال الطريق بصحن من الفواكه المقطعة للسحور .. ولكن يبدو أنني وصلت بعد أن ذهبت مع تسونامي :D

فاكتفيت بهذا .. ( ما فينا على الحرقة واحنا صيّام ) ..

http://i720.photobucket.com/albums/ww209/justanoon/10.jpg

...

بعد الصلاة .. قرأت سورة الكهف ثم نمت ..

http://i720.photobucket.com/albums/ww209/justanoon/11.jpg

..

استيقظت ظهراً .. و بدأت رحلة الترتيب والتغسيل والتنظيف .. بعد أن أنهيته ..
ذهبت للمطبخ لنبدأ بإعداد الإفطار ..

هذا أول شيء سويته .. وأول شيء نسويه ..

http://i720.photobucket.com/albums/ww209/justanoon/12.jpg

نلف السمبوسة ..

بعد أن أنهيناها أخذنا بريك نلعب تنس طاولة ..

http://i720.photobucket.com/albums/ww209/justanoon/12-1.jpg

...

عدنا بعدها للمطبخ و ساعدنا في إعداد بعض الأكلات ..

http://i720.photobucket.com/albums/ww209/justanoon/13.jpg

( الأعلى من اليمين ) : كيكة لبنة .. مش أنا سويتها .. بس أنا اللي سويت طبقة الكاكاو عليها ..
(الأعلى من اليسار ) : حلى .. أنا سويته خصيصاً عشان أهديه إلى ليفانا :09: يااه ليفانا صبرتي ونلتي .. 3 صحون حلى مرة وحدة :biggthump
(الأسفل من اليمين) : نفس الحلى .. بس هذي خلطته بالبداية .. شكله يشهي مو؟
(الأسفل من اليسار) : بسكويت السكر .. بس كان توه طالع من الزيت باقي ما حطيناله سكر ..

...

بعد ذلك نادتني الوالدة و جلست معها أسمعها وهي تقرأ ..
ثم طلبت مني أحضر لها شيء من أحد الأدراج فانتبهت لوجود هذا المصحف ..

http://i720.photobucket.com/albums/ww209/justanoon/14.jpg

ياااه طبعاً المصحف هذا مصحف الوالدة من أول ..
والخط اللي تشوفونه خطي من أول يوم كنت صغيره ..
كان المصحف غلافه متقطع فغلفته أمي بالمكتبة وقالتلي اكتبي عليه القرآن الكريم ..
تشوفون محاولات التزيين الفاشلة :09:

طبعاً الوالدة محتفظة بالمصحف ماهي قادرة تعطيه أحد .. لأنها تحبه وما تركته إلا لأن خطه صغير وهي ما عادت تشوف خطه إلا بصعوبة ..

ما صورت الخط من داخل .. بس هو أصغر فعلاً من الحالي < تسولف من خاطر :D

..

بعد ذلك .. ذهبت أتسكع في البيت وخلال التسكع سمعت هتافات الوالدة ..
شوفوا شو شفت ..

http://i720.photobucket.com/albums/ww209/justanoon/15.jpg

كانت هي وأختها قاعدين يتمشون في البيت ! .. هذي كفشتها وصورتها .. أختها كانت قاعدة تحاول تفتح الأدراج طبعاً ما أمداني أصورها ..
مساكين صغار بعدهم ما يعرفون إنهم المفروض ما يدخلون ..
و حتى ما يعرفون يتصرفون .. يبون يشردون ما يعرفون :ponder:

طبعاً الحادثة هذي تم توثيقها تصويراً بالفيديو وتعليقاً مباشراً .. و لوجود عناصر نسائية تعذر عرضه على الشاشات الفضائية :silly:

...

بعد ذلك .. وبعد صلاة العصر ..
جلست لأتابع حلقة برنامج " مع سماحة المفتي " .. برنامج يعرض كل جمعة على قناة المجـد .. أتوقع هذا هو التوقيت الرمضاني .. وبقية الأسبوع يكون برنامج " الجواب الكافي" في نفس الوقت .. طبعاً جميعها برامج فتاوى ..

طبعاً أنا بالنسبة لي لست من متابعين التلفاز .. ولكن هذا البرنامج لا أحب تفويته ..
في حضرة سماحة المفتي .. وعلمه الغزير النافع ..

http://i720.photobucket.com/albums/ww209/justanoon/16.jpg

...

بعد أن ينتهي البرنامج يبقى تقريباً على الإفطار ساعة ..
نقضيها بتجهيز سفرة الإفطار .. والجميع يترقب كل ما يوضع على السفرة ..
وهم يتابعون برنامج " القرّاء على قناة المجد " وكانت الحلقة عن ..

http://i720.photobucket.com/albums/ww209/justanoon/17.jpg

بعد ذلك أذّن وافطرنا وبدأت ليلة جديدة من ليالي العشر المباركات (:


...

شكراً على متابعتكم واسمحولنا على الإطالة ..:o
حبيت إنكم تعيشون معاي يومي ..
بكل مافيه (:


و أخيراً ..اتفضلوا اهبشوا .. (:

http://i720.photobucket.com/albums/ww209/justanoon/18.jpg


تقبل الله منا ومنكم وبارك الله فيكم .. وشكراً جزيلاً


...

:)

[Iris]

وعليكم السلام و رحمة الله و بركاته

nice!
حلو سردك لليوم, حسيت كاني عشت لحظاته,

الحلويات شكلها لذيذ, بالعافيه انتم و ليفو,
بالنسبه للسحور, على الاقل الحمدلله يحتوي على حليب,,, ,, ,
السمبوسه احسها مهمة في رمضان, مع ان ناكلها في الايام العاديه بعد,,, ,, ,

http://i720.photobucket.com/albums/ww209/justanoon/15.jpg
شكلها سمعت انك بتصورين يومك الرمضاني, قالت تبي تشارك,,, ,, ,


طبعاً أنا بالنسبة لي لست من متابعين التلفاز .. ولكن هذا البرنامج لا أحب تفويته ..يس sam as u,
نادرا ما اتابع التلفزين في الايام العاديه, و برمضان ما احب التلفزين, سوى البرامج الي قلتي عنها,

و أخيراً ..اتفضلوا اهبشوا .. (:
http://i720.photobucket.com/albums/ww209/justanoon/18.jpg
nice! حلو هذا الكاكاو,

حلو انك شاركتينا بيومك الرمضاني,
يوم حافل و nice, ماشاءالله,
موفقه شجون. :)

[أنــفــاسـ]

السلام عليكم و رحمة الله وبركاته
وعليكم السلام ورحمة الله وبركاته

الله يعين اللي ما يحب يقرا من ألحين أقول له .. :silly:
حتى انا :09:

كنت أتمنى لو أوثق يومي الرمضاني في السكن الجامعي كذكرى على الأقل بما أن أغلب أيام رمضان عشتها هنا ، و أجواء رمضان مختلفة هنا عن البيت و جدول وتفاصيل اليوم أيضاً مختلفة ، و الوناسة والمغامرات ولمّات العبادة أكثر خصوصاً مع تشجيع بعضنا البعض، لكن التصوير ممنوع ولازم نحترم القوانين ..
يامعوده كويس انك شاركتي لا وصور بعد
ترا استغربت يوم شفت موضوعك .. قلت شكل العضويه مسروقه :silly:

و كان الجميع متواجد يترقب كل ما نضعه على السفرة.

انا اول ما اناظر فيه عصير الفيمتو :32:

http://2.bp.blogspot.com/_kcWARLUpVFA/RuspVsO-x0I/AAAAAAAAAQ0/2pk1Zd26m1M/s320/%D9%81%D9%8A%D9%85%D8%AA%D9%88.bmp

و طبعا اذا عندنا رجال تلقيني الوحيد اللي رايح جاي للمطبخ
يعني تفوتني فترة الترقب هذي :D


تخلل ذلك متابعة الجميع لبرنامج " القرّاء " على قناة المـجد .. الحلقة كانت عن القارئ علي جابر -رحمه الله-.

طبعاً الحلقة جذبت الجميع ، وجذبتني بالذات خصوصاً أنني لم أكن أعلم عن هذا القارئ شيء سوى أن صوته يعجبني في كل مرة أستمع إليه في إذاعة القرآن ..

ياااه ياشجون ايام المدرسه قبل بداية الطابور الصباحي كانوا يشغلونه
فكان له ذكريات مرتبطه بصوته
تصدقين كل هالعمر ولا قد شفت وجهه .!
تدرين بدوره الحين بقوقل :D

اجل شيبانك متطورين واجد
احنا نجلس على الفطور في غرفه ما فيها تلفزيون
والوالده من الدقه القديمه الين الحين على الراديو :D
واحيان تشغله لنا قبل الفطار على اذاعة القران الكريم واحيان اذاعة الرياض
ونستمع
( لجل عين تكرم مدينه )


<للحين لا مسكت كامرا و لا صورت شيء ، كنت واصلة البيت العصر تعبانة و كنت للحين أستوعب إني وصلت لا تشرهون :silly:
واصله من وين :D

بعد الإفطار والصلاة .. اجتمعنا مرة أخرى .. للسوالف ^^
اهم شيء عندي بـ هالوقت شاهي بالحليب :32:


بعد ذلك دخلت المطبخ وأنا مشمرة لأجهز حلى كابتشينو مع بسكويت الشوفان!
< خطير الاسم مو؟ أنا اللي اخترعت هالحلى! واخترعت اسمه بعد !
< تكفى يا أديسون :silly:
خخخخ حركات تخترعين حلى
بس ما تحسين ان اسمه شوارع :09:
انا ما ظنتي راح يجوز لي لان فيه كابتشينو :boggled:
فيه بالاتيه .؟
:09:


سويت الحلى .. على خلفية موسيقية .. من نوع ..
" أنا و بابا وماما وعموه ومحمد ومدري مين احنا بنروح إنت لأ ! "
" أنا بروح إنتي ما بتروحين معانا ! " .. الخ الخ الخ

خخخ شكلهم سوو لك دوشه
بس اهنيك على الخلفيه الموسيقيه:D ..
اجل انا بروح انتي ما تروحين معانا خخخ

الصورة هذي إهداء خاااااص جداً إلى ليفانا ... عليك بالعافية :biggthump
خخخخخ احس نشبت لك عشان كذا بتسكتينها بهالصوره :09:
امزح ترا :D <<< احلف

شغلت التلفزيون عشان أشوف صلاة الحرم .. وهذا من الأشياء اللي أفقدها طول الأسبوع < أحد عنده موقع لقناة المجد أونلاين ؟ .. عجزت أدوّر :33:
هو فيه موقع لقناة المجد ولو تكتبين اسمها بقوقل بتلقينه
بس ما اتوقع فيه اونلاين لانها قناة بشتراك لو هي مجانيه ممكن
اذا عشان متابعة الحرم المكي هذا موقع بث مباشر
ويقولون فيه صوت اوقات الصلاة والخطب
هنا (http://live.gph.gov.sa/index.cfm)



http://i720.photobucket.com/albums/ww209/justanoon/5.jpg
هذي الصورة أعجبت أبوي حيل .. يقولي هذي أحسن صورة ! < كل ذا عشان فيها شاي يا أبوي :ponder:


صراحتن صوره مغريه لمحبي الشاهي :D
إلا بنعناع او بدون عشان احكم هل هي صوره حلوه او لا <<< :31:



http://i720.photobucket.com/albums/ww209/justanoon/7-1.jpg



الله يعنيك على اتصالك اللي مدري وش يبي <<<< تكفى يابو اتصال ما مثله :ponder:




http://i720.photobucket.com/albums/ww209/justanoon/9.jpg

file:///C:/DOCUME%7E1/ADMINI%7E1/LOCALS%7E1/Temp/moz-screenshot-12.pngfile:///C:/DOCUME%7E1/ADMINI%7E1/LOCALS%7E1/Temp/moz-screenshot-13.png

مشاء الله صوت الامام حلو
بس لاعاد تنسين ما تشحنين جوالك :silly:


http://i720.photobucket.com/albums/ww209/justanoon/10.jpg

يله الفواكة المقطعه موب مكتوبه لك .. مكتوبه لحقكم تسونامي :D <<< يحسب تسونامي رجال :09:


وبالعافيه على ألبك ^^

http://i720.photobucket.com/albums/ww209/justanoon/12.jpg

سبحان الله رغم العالم تقدر السمبوسه بس مانيب احبها
إلا هالسنه صرت اكل منها كم لقمه وحبه بالكثير
وطبها متأكد ان المشكله موب فيها المشكله فيني -__-

http://i720.photobucket.com/albums/ww209/justanoon/12-1.jpg

حركاات يالرياضيه :D
اتخيلك وانتي عاصبه راسك وخذ يالعب :silly:
وريحتك تفوح بصل وثوم :09:


بعد ذلك نادتني الوالدة و جلست معها أسمعها وهي تقرأ ..
الله يخليها لكم .. الحين لما تجلسين عند الوالده او تناديك عشان تسمعين صوتها ؟
شكل صوتها رهيب على كذا :D
الله يحفظها ويطول عمرها ويعطيها الصحه والعافيه

http://i720.photobucket.com/albums/ww209/justanoon/14.jpg

خخخخخ اجل مسويه خطاطه :silly:
اشك انك مستخدمه ( اما فرجار او منقله ) عشان ترسمين النص دائره حقت ( النون ) :09:


http://i720.photobucket.com/albums/ww209/justanoon/15.jpg

فيه بسه بالحاره تشبه لهالبسه .. تهقين تقرب لها .؟:D

شوفي شلون تناظر .. شكل الضعيفه منفجعه خخخ



بعد ذلك .. وبعد صلاة العصر ..
جلست لأتابع حلقة برنامج " مع سماحة المفتي " .. برنامج يعرض كل جمعة على قناة المجـد .. أتوقع هذا هو التوقيت الرمضاني .. وبقية الأسبوع يكون برنامج " الجواب الكافي" في نفس الوقت .. طبعاً جميعها برامج فتاوى ..

طبعاً أنا بالنسبة لي لست من متابعين التلفاز .. ولكن هذا البرنامج لا أحب تفويته ..
في حضرة سماحة المفتي .. وعلمه الغزير النافع .
قد تابعت برامج دينيه كثير بس مثل حجر الزاويه على ام بي سي ما شفت
تابعيه لانه برنامج جدا رائع
مقدم رائع + دكتور اروع ( سلمان العوده)
بجد ياشجون لا يطوف
واذا ما قدرتي تتابعيه على التلفزيون تابعيه على موقع قناة ام بي سي نت


شكراً على متابعتكم واسمحولنا على الإطالة ..:o
حبيت إنكم تعيشون معاي يومي ..
بكل مافيه (:
لا عادي موب هذره وبالعكس خذي راحتك :D<<< عشانه هذر معك :09:

http://i720.photobucket.com/albums/ww209/justanoon/18.jpg

خخخخخخخ ياقدمك الناس تطورت وصارت تجيب جلكسي ومن هالسوالف
وانتي للحين على غبارك








إلا بسألك ما عندكم حلاو بقر ؟ اذا عندك بالله دزيلي كمن حبه :D





احس اني سويت لك زحمة في موضوع :ponder::D
الله يوفقج بالمسابقه


بالتوفي



تحياااااتي

[محمد السيوطيM.S]

السلام عليكم و رحمة الله و بركاته :)

ما شاااااء الله .. ايش هذا كله :bigeyes: ؟ << حاقد :09:
لا عن جد أختي، ما شاء الله و بغض النظر عن التنسيق و ها السالفة يومكِ رررائع و ما شاء الله مليء بالثواب ^_^
( فعلاً احياناً الواحد يتمنى يعيش يوم من أيام غيره:33: ) << قول ما شاء الله :D
أما يومك + التنسيق = ما في حل لهذه المعادلة :p

قصدت بالتنسيق الصور، ما شاء الله التصوير و من ثم التأطير تما بإتقان شديد ^_^
و زوايا التصوير رائعة ايضاً ^^
(شوفوا بس الكتاب في الصورة الأولى:biggthump )




الصورة هذي إهداء خاااااص جداً إلى ليفانا ... عليك بالعافية :biggthump
طيب ما تعطونا جزء يسير :biggrin:
الصورة عن جد تهبل :32:
هذا يذكرني ببيت لأخونا عبد الله بن أبيه إمبراطور الترفيهي ^^:
و إن أُعطيت شكشوكاً و خبزاً .. فكل نصفاً و دع للجائعين
اهدي هذا البيت لأختنا ليفانا :09:



هذي الصورة أعجبت أبوي حيل .. يقولي هذي أحسن صورة ! < كل ذا عشان فيها شاي يا أبوي
الصورة رائعة فعلاً ^^ .. لأن لون الشاي لايق على لون الطاولة بورودها البنية
و بعديها صورة الحليب مع طبق الكيكه .. لون الكيكه لايق على لون الطاولة:33: << مخرف من الجوع :boggled:



(الأعلى من اليسار ) : حلى .. أنا سويته خصيصاً عشان أهديه إلى ليفانا

اقول أختنا ليفانا اكتفت بالطبق الأول :biggrin:
يلا شباب كل واحد طبق :09:

بالمناسبة ليش ما اشتركتي أختي في مسابقة الطبخ :D؟



ياااه طبعاً المصحف هذا مصحف الوالدة من أول ..
والخط اللي تشوفونه خطي من أول يوم كنت صغيره ..
اقول الخط جيد جداً ^^
و ربنا يخلي لكِ ست الكل يا رب ^_^



بعد ذلك .. ذهبت أتسكع في البيت وخلال التسكع سمعت هتافات الوالدة ..
شوفوا شو شفت ..
حصل معي موقف مماثل من شهرين .. في بيتنا بالعاصمة :D
استدرجناها البالأكل إلى الداخل و صورناها
و بعدين لما اطمأنت لنا جلست تنام في الصالة ^_^



شكراً على متابعتكم واسمحولنا على الإطالة .
بل شكراً لكِ أختي على اليوم الأكثر من رائع :)
و لا ابداً .. بالعكس أنا كنت مستمتع باليوم فعلاً :D



و أخيراً ..اتفضلوا اهبشوا .. (:
كان بودي أخذ للعيلة كمان :ponder:
لكن اللي بالصندوق يا دوب يكفيني :09:

و جزاكِ الله خيراً على اليوم المليء بالقراءات و المشاهدات المفيدة، و الصلوات الطيبة، و الأعمال المأجورة :)
و لا ننسى الآكلات الشهية :32:
حتى الرياضة ما نستيها أختي :D
هذا هو اليوم الرمضاني و لا بلاش :biggthump

وفقكم الله و أثابكم و رزقكم جناته ^^
و في رعاية الله :wave:

[KilluaPica]

وعليكم السلام ورحمة الله وبركاته..

يومك ما شاء الله طويل وحافل.. واستغلالك للوقت ما يخلو من أمور الخير والأجور.


أكثر مشهد مؤثر بالنسبة لي في الحلقة ..
بكاء الشيخ الذي درّس الشيخ علي جابر من صغره و كان يرعاه بعد موت أبيه حتى كبر .. بعد أن سئل "هل كان بمثابة ابنك" .. فبكى .. جداً مؤثر ..
< رابط الحلقة (http://www.way2allah.com/modules.php?name=Khotab&op=Detailes&khid=14998) (:كح.. فين كان دا الموقع من أول <.<؟! من زمان أبحث عن موقع فيه تحميل بجودات حسنة! جزاك الله خير.




http://i720.photobucket.com/albums/ww209/justanoon/5.jpg
دي الصورة اللي لفتت نظري!!
الصورة حلوة تصويرًا @.@.. لكن السكر ما ذاب لا إله إلا الله ><! عندي وسوسة من بقايا السكر في القاع..
لما يكون عندنا عزيمة أمر بوحشية على كل الأكواب أقلّبها تقليب حتى ما يبقى أي ذرة سكر حية هاربة <.<!!



http://i720.photobucket.com/albums/ww209/justanoon/8.jpg]

كانت الصلاة رائعة جداً .. والإمام صوته جميل وخاشع ..
هنا رابط (http://www.mediafire.com/download.php?vty2jzldnkz)تلاوته من الركعة الأولى للشفع .. (:حلو صوته T_T.. زي صوت الصائغ اللي أصلي عنده.
الشيخ كان يبدأ الساعة 2 لكن الناس تعبوا لأنهم ما يقدروا يلحقوا السحور والخروج من وسط الزحمة يستهلك كل الوقت الباقي قبل الفجر..
فصار يبدأ الساعة 1.. لكن برضه أحيانًا ينتهي 4.. مالهاش حل!!




http://i720.photobucket.com/albums/ww209/justanoon/12.jpg
أحلى شغل عندي بعد صلاة العصر XD.. لكني أصنع السمبوسة أم العجين مو الرقاق..
في إحدى المرات حسبت سرعة إنتاجي طلعت 5 سمبوسات في الدقيقة P:.




http://i720.photobucket.com/albums/ww209/justanoon/15.jpg

كانت هي وأختها قاعدين يتمشون في البيت ! .. هذي كفشتها وصورتها .. أختها كانت قاعدة تحاول تفتح الأدراج طبعاً ما أمداني أصورها ..
مساكين صغار بعدهم ما يعرفون إنهم المفروض ما يدخلون ..
و حتى ما يعرفون يتصرفون .. يبون يشردون ما يعرفون :ponder: هه..هي وأختها كمان! باين عليها جوعانة XD..
وهزالها وذيلها النحيل يوضح مدى المجاعة اللي عاشت فيها <.<!


شكراً على متابعتكم واسمحولنا على الإطالة ..:o
حبيت إنكم تعيشون معاي يومي ..
بكل مافيه (:
جميل إنك صورتي اليوم بأكمله ومرتب عكس بعض الناس <.<!
اللهم اجعلنا ممن صام وقام رمضان إيمانًا واحتسابًا..
واجعلنا ممن وفقته لحسن المسألة وحسن الثناء عليك..
في أمان الله.

[Akira]

يومك so cute !!

وتنظيمك للصور والتعليقات كانت أمتع

وأحلى شي بالموضوع حلاوة ulker أحبها وبذات هذى النوع

عليكم بالعافيه
وداعا

see you

[shjoonal3in]

وعليكم السلام و رحمة الله و بركاته

nice!
حلو سردك لليوم, حسيت كاني عشت لحظاته,

الحلويات شكلها لذيذ, بالعافيه انتم و ليفو,
بالنسبه للسحور, على الاقل الحمدلله يحتوي على حليب,,, ,, ,
السمبوسه احسها مهمة في رمضان, مع ان ناكلها في الايام العاديه بعد,,, ,, ,

هلا .. تسلمين عزيزتي .. الله يعافيك
اي الحليب أهم شي .. هو والفواكه المقطعة .. شي خفيف ومفيد ..

بالنسبة للسمبوسة نحن غالباً بس نسويها برمضان وبشوال بصيام الست ..
نكون للحين متأثرين بالجو بعد كذا ننساها لين رمضان الجاي ..
لدرجة كلما يبدأ رمضان آخذ وقت لين أتذكر قبل سنة أنا كيف كنت ألفها وأقعد أجرب طول الشهر بكل المحاولات إلين أضبطها آخر اسبوع برمضان :silly:




شكلها سمعت انك بتصورين يومك الرمضاني, قالت تبي تشارك,,, ,, ,
الظاهر :biggthump


يس sam as u,
نادرا ما اتابع التلفزين في الايام العاديه, و برمضان ما احب التلفزين, سوى البرامج الي قلتي عنها,

أحس غالبيتنا متعودين نتابع عاللابتوب وعالنت .. يعني نفس البرنامج يعرض عالتلفزيون بس نفضل نحمله ونشوفه بأي وقت عاللابتوب بدل التلفزيون ..:ponder:



nice! حلو هذا الكاكاو,
عليك بالعافية ^^



حلو انك شاركتينا بيومك الرمضاني,
يوم حافل و nice, ماشاءالله,
موفقه شجون. :)

وجودك و ردك الأحلى ..
تسلمين يالغالية (:

[shjoonal3in]

يامعوده كويس انك شاركتي لا وصور بعد
ترا استغربت يوم شفت موضوعك .. قلت شكل العضويه مسروقه :silly:






مسروقة الله لا يقول .. هاه تبي كلمة السر ولا خلاص تأكدت إني أنا :silly:



انا اول ما اناظر فيه عصير الفيمتو :32:

http://2.bp.blogspot.com/_kcWARLUpVFA/RuspVsO-x0I/AAAAAAAAAQ0/2pk1Zd26m1M/s320/%D9%81%D9%8A%D9%85%D8%AA%D9%88.bmp

اممم نحن ما نسويه إلا نادراً .. مش مدمنين فيمتو :ponder:

تذكرني إنت بوحدة من صديقاتي ما يكتمل فطورها إلا بفمتو ..
أذكر مرة بالغلط خذت الفيمتو من الثلاجة و رميته مانتبهت على بالي قديم صايرله كم يوم ..
شافته مرمي فتحت لي محضر .. !
"هذا فمتو خالص يديد يايبتنه من البيت ولا إنتي ما تشوفين؟! .. " :blackeye:




و طبعا اذا عندنا رجال تلقيني الوحيد اللي رايح جاي للمطبخ
يعني تفوتني فترة الترقب هذي :D
ما دام رايح جاي خلاص عارف قائمة المأكولات كلها ماله داعي تترقب ^^




ياااه ياشجون ايام المدرسه قبل بداية الطابور الصباحي كانوا يشغلونه
فكان له ذكريات مرتبطه بصوته
تصدقين كل هالعمر ولا قد شفت وجهه .!
تدرين بدوره الحين بقوقل :D
دورته؟




اجل شيبانك متطورين واجد
احنا نجلس على الفطور في غرفه ما فيها تلفزيون
والوالده من الدقه القديمه الين الحين على الراديو :D
واحيان تشغله لنا قبل الفطار على اذاعة القران الكريم واحيان اذاعة الرياض
ونستمع
( لجل عين تكرم مدينه )


يحليلها الوالدة .. الله يحفظهم لك يااارب
أمي للحين على الراديو .. بس أبوي يواكب التطور ..



واصله من وين :D
الجامعة طبعاً ..





خخخخ حركات تخترعين حلى
بس ما تحسين ان اسمه شوارع :09:
انا ما ظنتي راح يجوز لي لان فيه كابتشينو :boggled:
فيه بالاتيه .؟
:09:
طبعاً فيه لاتيه .. بس أنا ما جربت غير الكابتشينو وكلن انهبل عليه
< كابتشينو لا يعلى عليه:silly:
تقدر تسويه بالنكهة اللي تحبها .. يعني حلى فلكسبل و يناسب كل الأذواق ..:silly:





خخخخخ احس نشبت لك عشان كذا بتسكتينها بهالصوره :09:
امزح ترا :D <<< احلف
لا أبد .. أنا اللي صارلي زمااان واعدتها وهي صابرة علي وعلى تأخيري :o



هو فيه موقع لقناة المجد ولو تكتبين اسمها بقوقل بتلقينه
بس ما اتوقع فيه اونلاين لانها قناة بشتراك لو هي مجانيه ممكن
اذا عشان متابعة الحرم المكي هذا موقع بث مباشر
ويقولون فيه صوت اوقات الصلاة والخطب
هنا (http://live.gph.gov.sa/index.cfm)

القناة العامة موجودة بأي رسيفر ما تحتاج اشتراك ..
بالنسبة لموقع بوابة الحرمين سبحان الله نفس هالموقع جربته بالصيف ..
كان منيب الله يجزاه خير حاط هاللنك ويومها ماشتغل معي أبداً أبداً ..
ألحين الحمدلله اشتغل بس نوعاً ما الحركة بطيئة



صراحتن صوره مغريه لمحبي الشاهي :D
إلا بنعناع او بدون عشان احكم هل هي صوره حلوه او لا <<< :31:

من دون




مشاء الله صوت الامام حلو
بس لاعاد تنسين ما تشحنين جوالك :silly:
ايه ما شاء الله عليه .. ومع أنه "مش عربي" الأصل .. بس اسمع لقراءته أحكام و تجويد ومخارج حروف .. على كثر ما أقعد أدقق بكل حرف على كثر ما أكتشف إنه متقن تبارك الرحمن ..





سبحان الله رغم العالم تقدر السمبوسه بس مانيب احبها
إلا هالسنه صرت اكل منها كم لقمه وحبه بالكثير
وطبها متأكد ان المشكله موب فيها المشكله فيني -__-

جرب تحط معها ليمون أو تغمسها بروب أو اخلط كل الاشياء اللي تقابلك بالمطبخ وسوي أي شي عشان يفتح شهيتك لها .. يالله رمضان خلص جرب السنة الجاية:silly:





حركاات يالرياضيه :D
اتخيلك وانتي عاصبه راسك وخذ يالعب :silly:
وريحتك تفوح بصل وثوم :09:

خيالك واسع ..



الله يخليها لكم .. الحين لما تجلسين عند الوالده او تناديك عشان تسمعين صوتها ؟
شكل صوتها رهيب على كذا :D
الله يحفظها ويطول عمرها ويعطيها الصحه والعافيه
والدينا والدينكم وجميع المسلمين يارب ..
الله يسلمك الوالدة ما تعرف تقرأ .. فـ تأتأ كثير بالقراية وتحب إن أحد يقعد معها يسمع لها ويصحح لها إذا غلطت .. وإذا عالصوت الحلو .. كلنا نسمع أصوات أمهاتنا شو ما كانت أحلى أصوات بالدنيا كلها (:





خخخخخ اجل مسويه خطاطه :silly:
اشك انك مستخدمه ( اما فرجار او منقله ) عشان ترسمين النص دائره حقت ( النون ) :09:
مو بعيدة :33:


:silly:





فيه بسه بالحاره تشبه لهالبسه .. تهقين تقرب لها .؟:D

شوفي شلون تناظر .. شكل الضعيفه منفجعه خخخ

لا وإنت الصادق .. احساسي يقولي إنها تقرب لقطوتك .. وقالت يمكن لا طلعت بالمنتدى تشوفني أختي وترجعلنا ترجع لأصلها و الشارع اللي تربينا فيه :biggthump
< بسرعة صالح كم وصل ضغطك :silly:



قد تابعت برامج دينيه كثير بس مثل حجر الزاويه على ام بي سي ما شفت
تابعيه لانه برنامج جدا رائع
مقدم رائع + دكتور اروع ( سلمان العوده)
بجد ياشجون لا يطوف
واذا ما قدرتي تتابعيه على التلفزيون تابعيه على موقع قناة ام بي سي نت

أكيد لا يطوف ما دام سلمان العودة ..
على فكرة فيه برنامج بالمجد اسمه أكثر من دائرة " حضرت منه حلقة وحدة بس" فكرته حلوة وهو لسلمان العودة بعد ..




خخخخخخخ ياقدمك الناس تطورت وصارت تجيب جلكسي ومن هالسوالف
وانتي للحين على غبارك


ولا يهمك يا صالح ..

خذ الجلكسي اللي بالدرج .. وتأكد من تاريخ الانتهاء ..


http://i720.photobucket.com/albums/ww209/justanoon/19.jpg


مع إني متأكدة إنك لا شفت الصورة بتنسى الجلكسي وبتاخذ التويكس .. :ponder:



عليك بالعافية ..





إلا بسألك ما عندكم حلاو بقر ؟ اذا عندك بالله دزيلي كمن حبه :D
كأني عرفت اللي تقصدها .. بس مب متأكدة ..







احس اني سويت لك زحمة في موضوع :ponder::D
الله يوفقج بالمسابقه


بالعكس .. وجودك يسعدني ويشرفني ..
تسلم يا صالح على مرورك المبهج (:

[shjoonal3in]

السلام عليكم و رحمة الله و بركاته :)

ما شاااااء الله .. ايش هذا كله :bigeyes: ؟ << حاقد :09:
لا عن جد أختي، ما شاء الله و بغض النظر عن التنسيق و ها السالفة يومكِ رررائع و ما شاء الله مليء بالثواب ^_^
( فعلاً احياناً الواحد يتمنى يعيش يوم من أيام غيره:33: ) << قول ما شاء الله :D
أما يومك + التنسيق = ما في حل لهذه المعادلة :p

قصدت بالتنسيق الصور، ما شاء الله التصوير و من ثم التأطير تما بإتقان شديد ^_^
و زوايا التصوير رائعة ايضاً ^^
(شوفوا بس الكتاب في الصورة الأولى:biggthump )



وعليكم السلام و رحمة الله وبركاته
يؤ يؤ .. نفختني .. خلاص طرت وصلت السقف .. صرت بالونة هيليوم :silly:
تسلم محمد على الإطراء اللطيف ..




طيب ما تعطونا جزء يسير :biggrin:
الصورة عن جد تهبل :32:
هذا يذكرني ببيت لأخونا عبد الله بن أبيه إمبراطور الترفيهي ^^:
و إن أُعطيت شكشوكاً و خبزاً .. فكل نصفاً و دع للجائعين
اهدي هذا البيت لأختنا ليفانا :09:

ليفانا أكيد بتقصصه قطع و بتوزع على كل الموجودين.. ما بتقصر :biggthump
والله يذكره بالخير أخونا عبدالله .. مبدع ما شاء الله عليه وشعره يعجبني جداً ..
من جد مفتقدين تواجده وحسه الأدبي المرح (:



الصورة رائعة فعلاً ^^ .. لأن لون الشاي لايق على لون الطاولة بورودها البنية
و بعديها صورة الحليب مع طبق الكيكه .. لون الكيكه لايق على لون الطاولة:33: << مخرف من الجوع :boggled:

تنفع مدرس فنية :silly:




اقول أختنا ليفانا اكتفت بالطبق الأول :biggrin:
يلا شباب كل واحد طبق :09:

بالمناسبة ليش ما اشتركتي أختي في مسابقة الطبخ :D؟


المشكلة لو أدخل باخذ كل الجوائز فأحب أعطي غيري فرصة :silly:< اخص يالثقة :biggthump



اقول الخط جيد جداً ^^
و ربنا يخلي لكِ ست الكل يا رب ^_^


مشكور الله يسلمك



حصل معي موقف مماثل من شهرين .. في بيتنا بالعاصمة :D
استدرجناها البالأكل إلى الداخل و صورناها
و بعدين لما اطمأنت لنا جلست تنام في الصالة ^_^


باين عليك تحبهم ..





كان بودي أخذ للعيلة كمان :ponder:
لكن اللي بالصندوق يا دوب يكفيني :09:


ولا يهمك .. عندك الدرج .. بس الله يستر ما يندرى صالح خلص اللي فيه ولا خلا لنا شي منه :silly:



و جزاكِ الله خيراً على اليوم المليء بالقراءات و المشاهدات المفيدة، و الصلوات الطيبة، و الأعمال المأجورة :)
و لا ننسى الآكلات الشهية :32:
حتى الرياضة ما نستيها أختي :D
هذا هو اليوم الرمضاني و لا بلاش :biggthump

وفقكم الله و أثابكم و رزقكم جناته ^^
و في رعاية الله :wave:

تسلم والله بارك الله فيك ورعاك ..
شكراً جزيلاً على مرورك الأكثر من رائع .. شرفتني بتواجدك أخوي محمد (:

[shjoonal3in]

وعليكم السلام ورحمة الله وبركاته..

يومك ما شاء الله طويل وحافل.. واستغلالك للوقت ما يخلو من أمور الخير والأجور.

كح.. فين كان دا الموقع من أول <.<؟! من زمان أبحث عن موقع فيه تحميل بجودات حسنة! جزاك الله خير.


هلا فيك .. اممم إن شاء الله يفيدك هالموقع ..
إذا البرامج اللي تتابعها "بقناة المجد" فغالباً أقدر أفيدك بمواقع تحميلها ..
بس لو قنوات ثانية ماتوقع بيكون عندي خلفية (:




دي الصورة اللي لفتت نظري!!
الصورة حلوة تصويرًا @.@.. لكن السكر ما ذاب لا إله إلا الله ><! عندي وسوسة من بقايا السكر في القاع..
لما يكون عندنا عزيمة أمر بوحشية على كل الأكواب أقلّبها تقليب حتى ما يبقى أي ذرة سكر حية هاربة <.<!!

لهالدرجة :silly: الله يعينك مو زين الوسواس .. خلّه عنك ..

أنا بالعادة أشبعه سكر يمكن عشان كذا ما يذوب كله :ponder:




حلو صوته T_T.. زي صوت الصائغ اللي أصلي عنده.
الشيخ كان يبدأ الساعة 2 لكن الناس تعبوا لأنهم ما يقدروا يلحقوا السحور والخروج من وسط الزحمة يستهلك كل الوقت الباقي قبل الفجر..
فصار يبدأ الساعة 1.. لكن برضه أحيانًا ينتهي 4.. مالهاش حل!!


يعني زي ما رحتي جيتي ..
عاد الناس كله ولا وقت السحور .. :biggthump




أحلى شغل عندي بعد صلاة العصر XD.. لكني أصنع السمبوسة أم العجين مو الرقاق..
في إحدى المرات حسبت سرعة إنتاجي طلعت 5 سمبوسات في الدقيقة P:.


ما شاء الله عليك ..
ينفع تفتحلك مطعم أو كشك سمبوسة رمضاني تترزق منه :silly:




هه..هي وأختها كمان! باين عليها جوعانة XD..
وهزالها وذيلها النحيل يوضح مدى المجاعة اللي عاشت فيها <.<!

لا ماتوقع .. هي توها مولودة .. يمكن عشان كذا ..




جميل إنك صورتي اليوم بأكمله ومرتب عكس بعض الناس <.<!
اللهم اجعلنا ممن صام وقام رمضان إيمانًا واحتسابًا..
واجعلنا ممن وفقته لحسن المسألة وحسن الثناء عليك..
في أمان الله.


آمين يارب العالمين ..
وكل عام وأنت بخير يارب ~

مشكور أخوي على تواجدك الرائع الذي أسعدني وشرفني .. يعطيك العافية يارب ^^

[shjoonal3in]

يومك so cute !!

وتنظيمك للصور والتعليقات كانت أمتع

وأحلى شي بالموضوع حلاوة ulker أحبها وبذات هذى النوع

عليكم بالعافيه
وداعا

see you




مشكور على مرورك الخفيف واللطيف على الموضوع .. ^^

والحمدلله إن النوعية اللي تحبها .. عليك بالعافية يارب

(:

[أنــفــاسـ]

مسروقة الله لا يقول .. هاه تبي كلمة السر ولا خلاص تأكدت إني أنا :silly:


اجل كلمة السر خخخ
خلاص تأكدن انها موب مسروقه :D


اممم نحن ما نسويه إلا نادراً .. مش مدمنين فيمتو :ponder:

تذكرني إنت بوحدة من صديقاتي ما يكتمل فطورها إلا بفمتو ..
أذكر مرة بالغلط خذت الفيمتو من الثلاجة و رميته مانتبهت على بالي قديم صايرله كم يوم ..
شافته مرمي فتحت لي محضر .. !
"هذا فمتو خالص يديد يايبتنه من البيت ولا إنتي ما تشوفين؟! .. " :blackeye:

احنا الفيمتو مهم جدا في رمضان ولا نشربه في غيره
بدونه ما يكتمل الفطور


دورته؟
ايه
الله يرحمه

من دون
لو بالنعناع الصوره راح تطلع روعه
ودامها بدون النعناع فما عليها .. ماشي حال
<<<< اقول رح بس :ponder:


جرب تحط معها ليمون أو تغمسها بروب أو اخلط كل الاشياء اللي تقابلك بالمطبخ
وسوي أي شي عشان يفتح شهيتك لها .. يالله رمضان خلص جرب السنة الجاية:silly:
احب اليمون .. شكلي بجربه معها اليوم اذا سووها باللحم
اما اذا كانت بالجبن ما ظن اسويها لان الجبنه خلقه حامضه موب ناقص حموضه :D

لا وإنت الصادق .. احساسي يقولي إنها تقرب لقطوتك .. وقالت يمكن لا طلعت
بالمنتدى تشوفني أختي وترجعلنا ترجع لأصلها و الشارع اللي تربينا فيه :biggthump
< بسرعة صالح كم وصل ضغطك :silly:
اقول لا تتكلمين على محارمنا :28:
وقطاوتنا اصل وفصل :D موب قطاوتكم مالت الشوارع
لا ومن زين الخشه مصورتها بعد :28: <<< قلب عليك خخخ
شجون اعترفي انها قطوتك بس :ponder:

مع إني متأكدة إنك لا شفت الصورة بتنسى الجلكسي وبتاخذ التويكس .. :ponder:

لو تقولين لي تأخذ التوكس بلحاله او باقي الشوكلاتات
اقول اكيد وبكل ثقه
التوكس :D

فاهمتني شجون :biggthump


كأني عرفت اللي تقصدها .. بس مب متأكدة ..

هذا
http://www.alqnas.com/vb/attachment.php?attachmentid=60110&stc=1&d=1177623315



بالعكس .. وجودك يسعدني ويشرفني ..
تسلم يا صالح على مرورك المبهج (:

الله يسلمك ويسعدك



فمان الله ^^