المساعد الشخصي الرقمي

مشاهدة النسخة كاملة : ضروري ل جديد بقراطيسي


عاشقـــHBK
27-09-2009, 04:40 AM
ااخوي انا سويت جدول البارحة بديت فية بس عطني رايك

30 دقيقة مشي سريع
وعقب 15 دقيقة سيكل
وعقب 15 اللي مثل السيكل وانتةواقف
وعقب تمرين البطن
وعقب تمرين للكرش
وعقب 6 تملرين للارداف
وعقب تمرنين للارجل
وعقب 4 تمارين بالدامبلز

وكل تمرين 10 مرات وكل يومازيد 2 لمـــدة شهر

والوقت ساعة و 45 دقيقة زين ولا مب زين

ولا
اخلي الدامبلز يوم بروحة
و تمارين الارداف بروحة
ويكون كل تمرين 4 جلسات



ساعدني اخوووي اللهي يخليك
انا اليوم بسير لدكتور التغذية ومرة وحدة بشوف وزني
لاني امر بظرووف وعقب شهر انشاء الله بسير الصالة

بس انت شو تقول هل ساعة و 45دقيقة كل يوم عاادي واخميس والجمعة راحة
عشــق البطــوله
27-09-2009, 12:13 PM
ياهلابك اخوي الغالي .. ابشر راح اساعدك ماطلبت شي

بس لو تكرمت ممكن وزنك وطولك ؟
عاشقـــHBK
27-09-2009, 06:58 PM
هلا اخووي

طولي 173
و وزني 92
عشــق البطــوله
27-09-2009, 09:50 PM
هلابك يالغالي .. بالنسبه لجدولك احسه مضغوط حيل ..

انا راح ارتب لك جدول وان شاء الله يناسبك وهذا الجدول تستخدمه لمدة شهر ( الى ان تتيسر امورك وتروح الصاله) :

أولاً : بالنسبه للكارديو /

1- السير : ويكون 30 دقيقه وحاول تقسم بين الهروله والمشي السريع

يعني اول شي تمشي مشي سريع دقيقتين وثلاث دقائق هروله .. وبكذا تنتهي الـ 5 دقائق الأولى

وترجع مره اخرى دقيقتين مشي سريع وثلاث دقائق هروله وتنتهي الـ 5 دقائق الثانيه .. وهكذا الى ان تنتهي النصف ساعه .

( الهدف من هذي الطريقه هي فقدان الدهون مع الحفاظ على الكتله العضليه من الإنهيار )

2- السيكل : 20 دقيقه .

ثانياً : بالنسبه لتمارين البطن والخواصر /

1- البطن : ويكون 4 مرات في الاسبوع ولازم تفصل بين هذي الأيام , واعتقد اني عطيتك رابط من قبل بخصوص تمارين البطن :)

2- الخواصر : وتكون 3 ايام اسبوعياً وايضاً لازم تفصل بينهم , وبالنسبه للخواصر تمرن بالعصا حالياً
لأنك بعدين اذا رحت الصاله راح تحصل اجهزه للخواصر ( ولاكن العصا ضروريه و نتايجها ممتازه ).

3- الأرداف : اقترح عليك بدال ماتتمرن 6 تمارين خلهم 3 فقط . وخصص لها 3 او 4 ايام في الاسبوع .

ثالثاً : بالنسبه للحديد /

على حسب ماعرفت منك ان ماعندك تجهيزات في البيت مجرد دامبلز ولكن لابأس مو مشكله

انت حاول تتمرن شامل 5 ايام بالأسبوع ( ويكون تمرينك تكرارات عاليه واوزان خفيفه )


وبالنسبه للتغذيه الدكتور ان شاء الله بيصمم لك برنامج غذائي يناسبك

ملاحظه : هذا الجدول يكون مؤقت بما انك في البيت وماعندك المعدات اللازمه مثل الصاله او شخص يساعدك في تمارين السويدي لأنها كثيره ومتنوعه فنأجلها الى دخولك للصاله.
واذا دخلت الصاله ان شاء الله راح نرتب جدول آخر .

وبالنسبه للوقت اعتقد ان ساعه وربع الى ساعه ونص راح تكفيك ان شاء الله واذا بغيت شي ثاني اخوي انا حاظر :)

بالتوفيق
عاشقـــHBK
27-09-2009, 10:12 PM
مشكوووور اخوي
عشــق البطــوله
27-09-2009, 10:22 PM
لاشكر على واجب يالغالي وحاظرين للطيبين ..

الله يحقق لك هدفك ومرادك