بعض الأسئلة البسيطة عن ريدات lvl 80

[ZZZY]

السلام عليكم ..

أنا هنتر lvl 76 حالياً ... عندي بعض الأسئلة عن ريدات lvl 80

- أول شي وش الفرق بين الريد والهيروك ؟

- أسمعهم يقولون save وش يقصدون ؟ كأني فهمت أن فيه نظام معين بس مادري بالضبط

- vent وش يقصدون بها - أظنهم يقولون must vent -

- هل نظام الـ loot في ريدات ليفل 80 نفس نظام اللوت العادي ، يعني هل تغير شي ؟

بين قوسين الحين الواحد إذا راح مع مجموعة من 5 أشخاص يالله يحصل قطعة أو قطعتين حلوة -إذا كان حظه حلو - أجل كيف لو راح مع 10 أشخاص أو 25 شخص ، أحس أنه شبه مستحيل تاخذ قطعة واحدة ، فهل فيه طريقة جديدة للوت عشان الواحد يضمن حقه

- بعضهم يشترط الـ Achievements عشان ياخذك معاه ... أنا ماقد صارت لي ، لكن وش الـ Achievements إلي تهمهم ؟ إيش راح يستفيد لو شاف أني قتلت البوسات حق ريد lvl 30 أو lvl 35 ؟؟



- إذا فيه هنتر مركب addons : automark (http://wow.curse.com/downloads/wow-addons/details/automark.aspx) لأني ماعرفت أستخدمها ... عندي خلفية جيدة في الأدونز وسبق ركبت أكثر من أدونر وتشتغل تمام ، لكن هذي ما عرفت لها



إلي يعرف إجابة بعض الأسئلة لا يبخل علينا و إلي يعرفها كلها كثر الله خيره :biggthump

[العاصووف]

- أول شي وش الفرق بين الريد والهيروك ؟

الريد فيه نوعين نورمل وهروك النورمل 10 أشخاص والهروك 25 شخص يعني صعب هذا في نظام الريدات ..


أسمعهم يقولون save وش يقصدون ؟ كأني فهمت أن فيه نظام معين بس مادري بالضبط

يعني رايح للريد او الدانجن مايقدر يدخله الا مره في اليوم هذا في الدوانجن الهروك والريدات فقط وكل يوم الساعه 10 الصباح يصفرونها بس الدوانجن الهروك اما الريدات كل يوم اربعاء بس الدوانجن النورمل تدخلها في اليوم مليون مره بس تسوي لها رست..



vent وش يقصدون بها - أظنهم يقولون must vent

والله ماوضحت لي ممكن في ناس اخبر مني ابعطيك على الي اعرفه ..ماودي احوسك بس امش على الي اعطيك لأني متأكد منه ..


هل نظام الـ loot في ريدات ليفل 80 نفس نظام اللوت العادي ، يعني هل تغير شي ؟

مافهمت عليك بس انا قلت لك ماراح اعطيك الا الأكيد...



بين قوسين الحين الواحد إذا راح مع مجموعة من 5 أشخاص يالله يحصل قطعة أو قطعتين حلوة -إذا كان حظه حلو - أجل كيف لو راح مع 10 أشخاص أو 25 شخص ، أحس أنه شبه مستحيل تاخذ قطعة واحدة ، فهل فيه طريقة جديدة للوت عشان الواحد يضمن حقه


في هذي مافيه اي ضمانات حاول تدخل مع ناس تعرفهم او دخلت معهم قبل وهم عادلين في التوزيع القطع لا يكون الليدر لنجى فأنا افضل نظام الروول قبل ما نتجه للريد اسألهم قبل وش النظام في التوزيع ..يعني تكتب في الريد /roll


بعضهم يشترط الـ Achievements عشان ياخذك معاه ... أنا ماقد صارت لي ، لكن وش الـ Achievements إلي تهمهم ؟ إيش راح يستفيد لو شاف أني قتلت البوسات حق ريد lvl 30 أو lvl 35 ؟؟


هذا صراحه ظروري Achievementsنسميه احنا الوسام انك ذبحت البوس لأن كل بوس له تكتيك معين يبون يعرفون انك تعرف التكتيك او لا فأذا انت مامعك الوسام اكيد ماتعرف التكتيك فلذالك مايخاطرون ويدخلونك وينحاسون عند البوس فلذالك انصحك اذا معك وسام الأبك يكفي اذا انت 80 او تقولهم كم دبسك بعضهم يتراضى ويدخلك او انك تحاول دايم تسجل في البحث عن بكات..وتظاف على طول ..


إذا فيه هنتر مركب addons : automark (http://wow.curse.com/downloads/wow-addons/details/automark.aspx) لأني ماعرفت أستخدمها ... عندي خلفية جيدة في الأدونز وسبق ركبت أكثر من أدونر وتشتغل تمام ، لكن هذي ما عرفت لها


انصحك ببرنامج الي يطلع لك دبسك ودمجك واذا دخلت مع رايدات او دوانجن ومعك هنتر قوي سجله في موقع واو ويطلع لك كل تفاصيله وميزه البرنامج يطلع لك الحركات الي استخدمها كمان ... موظوع طويل مختصره لك ..


هذا والله الي اقدر افيدك فيه باقي الشباب ماراح يقصرون معك ...

[.::RaK_BoY::.]

vent وش يقصدون بها - أظنهم يقولون must vent


ventrillo

برنامج محادثة صوتية


هل نظام الـ loot في ريدات ليفل 80 نفس نظام اللوت العادي ، يعني هل تغير شي ؟

اذا داش ريدات مع القيلد اكيد بيكون غير .. على حسب نظام القيلد

يا اما بالنقاط
او اللي يستاهل

[ZZZY]

يعطيكم ألف عافية : العاصووف ، ::RaK_BoY::. وخصوصاً العاصوف

وضحت لي أشياء كثيرة :)

المعذرة على تأخر الرد لكن كله من الإتصالات 5 أيام والنت مقطوع

[b.s_one]

يعطيكم ألف عافية : العاصووف ، ::RaK_BoY::. وخصوصاً العاصوف

وضحت لي أشياء كثيرة :)

المعذرة على تأخر الرد لكن كله من الإتصالات 5 أيام والنت مقطوع


بركاتهم على الشعب ^^

[naxxer]

السلام عليكم ..

اعتذر عن اعادة الاجابات لكن البعض منها يحتاج تعديل او توضيح اكثر


- أول شي وش الفرق بين الريد والهيروك ؟
النورمل هو النظام العادي للدينجن او الريد و يكون بالصعوبة العادية
الهيروك هو النظام الاعلى و هو يكون اصعب من الطبيعي

الهيروك دينجن هو مخصص لاعلى لفل (80 حاليا ) و يكون من 5 اشخاص فقط مع العلم انه فيه هيروك دينجن قدماء في الاوتلاند و هي BC ايام لفل 70

الريد ( في ريدات لفل 60 و 70 و 80 ) و من الطبيعي انك تدخل اعلى ريدات و هي 80 مع العلم انه تم ترقية ريد اونيكسيا لتصبح لفل 80 بدل لفل 60 في الباتش الحالي

الريد ينقسم الى قسمين الاول 10 لاعبين و في بعض الاحيان يكون هناك خيارين للصعوبة يعني مثل الدينجن النورمل و الهيروك ( TOC مثلا )
اما النوع الثاني فيكون من 25 لاعب و في بعض الاحيان يكون هناك خيارين للصعوبة يعني مثل الدينجن النورمل و الهيروك

- أسمعهم يقولون save وش يقصدون ؟ كأني فهمت أن فيه نظام معين بس مادري بالضبط
بالنسبة للدينجنات الهيروك يمكنك دخول الدينجن مره واحده باليوم و على حسب توقيت السيرفر يتم عمل reset و بعدها تستطيع الدخول مره اخرى

اما بالنسبة للريد تستطيع دخوله مرع واحده بالاسبوع و لكن مو شرط انك تخلصه بنفس اليوم ،، تقدر تكمله بعد يوم او يومين او حتى طول الاسبوع لكن بشرط انك تكون مع نفس القروب ، مع العلم انه الريد 10 منفصل تماما عن 25 يعني تقدر تدخل 10 و تخلصه بينما ال25 يكون not saved


ملاحظة : لا يمكن انك تصير saved الا اذا قتلت اول بوس ، و في حال دخول مع قروب ذابحين بوس او اكثر ( بالنسبة للريدت ) يطلعلك مسج يبين لك انك راح تتسيف اذا ما طلعت من الريد خلال مدة دقيقة


- vent وش يقصدون بها - أظنهم يقولون must vent -
الفنت مثل ما ذكروا الشباب هو برنامج محادثه صوتية و على فكره مو شرط انك تتكلم ، المغزى الرئيسي هو تلقي التعليمات بطريقة سهلة بدل من الكتابة و في حال حدوث امر مفاجئ اثناء الفايت مثلا موت التانك يطلب الليدر من الاف تانك ان يحل محله و ان يقوم الدرويد بعمل البتل ريز للتانك و عمل البفات اللازمة و هذا الكلام يحدث بسرعة و مافي مجال لكتابته ,,


- هل نظام الـ loot في ريدات ليفل 80 نفس نظام اللوت العادي ، يعني هل تغير شي ؟
للتوضيح اللوت العادي هو القروب لوت و لكن حتى في الدينجنات النورمل و الهيروكس يمكن تغيير نظام اللوت ليكون لوت ماستل ( يقوم الليدر او اللوت ماستر بتوزيع القطع ) او نظام اخر مثل المستحق ( يعني اللي يلبس كلوث ما يشوف الايتمات البليت او اللذر ) بس يشوف الشيء اللي يقدر يستخدمه

اذا كنت بقلد فهناك انواع كثيره لنظام اللوت كالنقاط ( dkp - epg ) اول الرول او المستحق او حتى الاقدمية

اما البق او القروب العشوائي غالبا ما يكون رولل اي يكون هناك لوت ماستر و هو يوزع القطع على الفائزين بالرول /roll



بين قوسين الحين الواحد إذا راح مع مجموعة من 5 أشخاص يالله يحصل قطعة أو قطعتين حلوة -إذا كان حظه حلو - أجل كيف لو راح مع 10 أشخاص أو 25 شخص ، أحس أنه شبه مستحيل تاخذ قطعة واحدة ، فهل فيه طريقة جديدة للوت عشان الواحد يضمن حقه
الطريقة شرحتها بالسوال اللي فوق ،، لكن للمعلومة في الريدات يكون عدد القطع اكثر من الدينجن يعني معدل القطع من 2-7 قطع ابك على حسب نوع و صعوبة الريد

-
بعضهم يشترط الـ Achievements عشان ياخذك معاه ... أنا ماقد صارت لي ، لكن وش الـ Achievements إلي تهمهم ؟ إيش راح يستفيد لو شاف أني قتلت البوسات حق ريد lvl 30 أو lvl 35 ؟؟
من الطبيعي انه ماراح يطلب اشيفمنت لفل 30 لوووول
الاشيفمنت هو ( الانجاز ) و في حال انك هزمت اي بوس في اي ريد راح تاخذ اشيفمنت و هو دليلك انك انجزت او هزمت هذا البوس او انك خلصت هذا الريد .. الخ
غالبا ما يطلبون الاشيفمنت الا اذا كان الريد ( 25 لاعب ) و في بعض الاحيان يكون الطلب لانهم يريدون ان يقوموا بعمل شي صعب كالحصول على اشيفمنت ( OS 3D ) سواء 10 او 25

[elemua]

- أول شي وش الفرق بين الريد والهيروك
الهيروك هي اللي تدخلها ومعاك Party يعني كلكم على بعضكم 5 اشخاص واللي هي تسمى Dungeons وفي منها Normal وفي منها Heroic .. طبعا االعادي اسهل من الهيروك .. لكن بصراحة كلها سهله .. والفرق بينهم مثل تافه و أتفه.
الريد هو الي يتطلب اكثر من 5 لاعبين .. 10 او 25 .. وهذا بصراحة يبيله تركيز فقط .. يبيله الـ 10 او الـ 25 يكونون مصحصين .. لأنه شخص واحد ممكن يستهبل ويسوي فيها محترف، يجيب فيكم الكرسمس.
وماهي ذيك الصعوبه .. فقط اتبع التعليمات وانتهينا.


- أسمعهم يقولون save وش يقصدون ؟ كأني فهمت أن فيه نظام معين بس مادري بالضبط
لكل Dungeon Heroic وقت محدد، لما تدخل الهيروك وتقتل Boss فيه تطلعلك رساله تقولك انك صرت save لهذا المكان .. وكل الهيروك مدة الـ save فيها يوم كامل وبغظ النظر كلها تصير جاهزة على الساعه 10 بتوقيت السيرفر ,, وهذا الكلام يعني انك لو دخلت الهيروك الساعه 8 بتوقيت السيرفر ومسحته من اوله لآخره تقدر بعد 10 تدخله من جديد وتمسحة وبعدها لازم تنتظر لليوم الثاني الساعة 10 .

اما الريد موضوع الـ save فيه اسبوع كامل من Tuesday الى Tuesday يعني اذا دخلت ريد وقتلت Boss واحد فقط .. تصير Save واذا حاب ترجعله بوقت ثاني لازم ترجع مع نفس الاشخاص اللي لعبو معاك .. او مع اشخاص اخرين لكن يصيرون مثلك Saved ويروح عليهم الـ Boss اللي قتلته اول.


- vent وش يقصدون بها - أظنهم يقولون must vent -

هذا برنامج يستخدمونه اغلب الـ guilds للتواصل بينهم في الريد،، المهم انك تسمعهم وتفهم عليهم وتتبع كلام القائد لما يشرح.


- هل نظام الـ loot في ريدات ليفل 80 نفس نظام اللوت العادي ، يعني هل تغير شي ؟
الريدات نظام الـ loot فيها يعتمد على Guild والا لا
اذا انت في Guild فيه نظام يحدد شلون تسوي loot واكيد راح يكون نظام مريح ومنصف
اما اذا الموضوع ريد ملقط تلقيط PUG ذيك الساعه في شي اسمه Roll اذا طاح شي انت تبيه تسوي roll/ عليه واذا جاك اعلى رقم من بين اللي يحتاجونه .. انت تاخذه .



بين قوسين الحين الواحد إذا راح مع مجموعة من 5 أشخاص يالله يحصل قطعة أو قطعتين حلوة -إذا كان حظه حلو - أجل كيف لو راح مع 10 أشخاص أو 25 شخص ، أحس أنه شبه مستحيل تاخذ قطعة واحدة ، فهل فيه طريقة جديدة للوت عشان الواحد يضمن حقه
والله هالكلام يبيله شرح طويل عريض .. لأنه يعتمد على امور من ضمنها، لو راحوا معاك ناس Greedy يعني ناس تبي تشيل كل شي .. بكذا مو بس انت اللي بتتعب كل اللي معاهم بيتعبون وياهم .
لكن بشكل عام انت لما تروح مع 9 اشخاص او 24 شخص .. مو كلهم يبين الشي اللي انت تحتاجه .. في منهم هيلرز ما يدور لبس الميج في منهم دي بي اس ما يدور لبس التانك .. فلا تخاف .. احيان تكون فرصتك انك تحصل على غير اكثر من الهروك 5 اشخاص.


- بعضهم يشترط الـ Achievements عشان ياخذك معاه ... أنا ماقد صارت لي ، لكن وش الـ Achievements إلي تهمهم ؟ إيش راح يستفيد لو شاف أني قتلت البوسات حق ريد lvl 30 أو lvl 35 ؟؟

لكل هيروك او دنجن عادي او ريد اتشيفمنت ، لما هم يطلبونك اتشيفمنت لأنهم يبون ناس عارفين شو نظام هالريد او الهروك .. وسبق مسحوه .. انا بصراحة لما ادور على ناس اطلب الاتشيفمنت واشوف الارموري لأن في ادونز تزيف الاتشيفمنت :D



- إذا فيه هنتر مركب addons : automark (http://wow.curse.com/downloads/wow-addons/details/automark.aspx) لأني ماعرفت أستخدمها ... عندي خلفية جيدة في الأدونز وسبق ركبت أكثر من أدونر وتشتغل تمام ، لكن هذي ما عرفت لها
هاف نو آديا ^^




إلي يعرف إجابة بعض الأسئلة لا يبخل علينا و إلي يعرفها كلها كثر الله خيره :biggthump
يسلم قلبك

[ZZZY]

naxxer ، elemua

تفاعلكم يوسع الصدر الله يعطيكم العافية :biggthump

وبالعكس مايحتاج إعتذار ، ومنكم نستفيد :)