عطني قولد!!!

[rogue the best]

السلام عليكم

الموضوع الي راح اطرحه لكم قوي حيل ( من وجهة نظري طبعا )


المهم بداية انا عندي روق 80 وبسيرفر من هالسيرفرات ال pvp غرامي ال pvp و ال arena ومرات اسير علي الاينس واذبح فيهم في قلعاتهم الرئيسية :09:

المهم
انا صارلي العب بالسيرفر سنتين احلا ما يكون ......

اسف لاني طولت عليكم شوي ....

السالفه
اني تعرفت علي كذا شخص بالسيرفر (عرب ) ما يقارب 15 الي 20 وكل واحد فيهم ماله شغل بالثاني بس انا تعرفت عليهم لان اسمي عربي (غلطة )

المهم انا ابي اشرحلكم شنو هذولا الاشخاص وابي رايكم سواء كان ضدي او معاي

9-2منهم اذا شافوك قلت بالشات العام تقول lfm hc تلقاه يقولك هلا بوفلان عطني دعوه (انا ابي هيلر وهو ديبس ) ولما اقوله ابي هلر يقول اطرد دبس ودخلني تكفااا!!! المهم يدخل واذا خلصنا يطلع وبعد كم يوم اواجهه بال org اسلم عليه ولا يرد واعطيه w/ مايرد .....(تكررت معي 5 مرات )

8 منهم محترمين الي اقصي حد ( بنظري) اسلم يردون السلام مع ظحكه وبس وهم ما يشبكون واجد

1من الاعيبه هذولي انا امسميه السواد الاعظم اذا هو شابك

هذا من جماعة عطني قولد (بس عربي) .....

اذا دخلت باللعبة يقولي welcome اول ما اشوف الكلمه هاذي علي طول تطري علي القولد (حسبي الله :silly:) المهم ارد عليه واقوله halla علي طول يرد ويقول كم عندك قولد؟
ارد عليه ليش ؟ يرد ويقول بس كذا !!!! ارد وقوله 300g عندي ( وياليت ماقلتلا )
خمس دقايق الا يراسلني يقول تكفا ابي 200!!! محتاجهم ضروري اقوله هم انا محتاجهم ....

يقول انا ابي اشتري شغله ب ah وناقصني 200قولد ......المهم انا اقوله ولا يهمك حاضر الحين اجيك واعطيك ولما اعطيه والله ياشباب انه مايقول مشكور ولا يرد علي اذا كلمته ...
يمر 5 الي 8ايام نفس الطريقة ويشب علي بالw/ تكفا انا محتاج و و و و و

صارت 6مرات واذا عطيته مايرد علي ولا يقول مشكور .....والله مادري شسوي فيه كرهني باللعبه ...... لا وزيدكم هاليومين كل ما ادخل يسلم ويقول كم عندك قولد ارد واقول 22 لول
ويسكت وبعدها بيوم يقول كم عندك قولد اقوله33 لول والله قهرني يوم يسئل هذا السؤال :12:


مع العلم انه لبسه احسن من لبسي ..............
انا اقدر اعطيه اقنور واسفل فيه بس والله مو متعود اني اعطي احد اقنور او اغلط علي احد بسبب لعبه
,,,,
وهم فيه واحد كل ماشبكت قالي ابي ادخل اكاونتك ويعطيني اكونته ويا الباس من دون لا اكلمه يقول اشبك علي وعطني اكاونتك المهم شبكت ب اكاونته وطلعت وبعدها قلتلا لا تعطي احد اكاونتك لو حتي عربي ترا وانا اخوك اهنيه ناس حراميه يرد علي ويقول انا واثق فيك!!! والي اليوم يبي يدخل اكاونتي بس انا اقوله ما اقدر gm محذريني اذا تغير ip راح يمسحون اكاونتي وهم يرد ويقول عطني اسم ال gm عباله واحد من الشباب :wow: ( والولد ما يعرف انجليزي )

المهم هذا موضوعي
وحبيت اطرحه لكم وابيكم تعلمونا اذا واجهتكم مثل هالشغلات المزعجه والطريفة وطرحها لنا وشلون كانت ردت فعلك وطريقة تعاملك وياها :wink2:

[volcane]

والله كلآمك كله 100%

انآ بالنسبه اي عربي يجي يقول لي عطني قولد ( احط تحته خط احمر :D )

اما زي ما قلت في ناس والله تستاهل وتستحق

** واتمنى العرب يوقفون عن الشيء ذا**

ياخي روح Farm روح سو Daily لا تقعد تطلب في الناس وتقول ماني فاضي اسوي Farm

والله هذا الي تطلب منه انه محتاج ال Gold اكثر منك

-------------------------------------------------------

صـار لي موقف مع واحد

كنت قاعد اكتب في الشات المهم سوا لي Invite وقال لي من وين قلت له ksa عاد هو طلع من الكويت والشخصيه حقته alt pvp - lvl 19

قال لي ابغى Gold علشان اسوي الشخصيه

قلت له ما عندي مفلس :D

( طيب الحين انا لا اعرفك ولا قد شفتك يعني على طول بعطيك Gold ? :boggled: )

ما نقول الا لو سمحتوا لا احد يطلب Gold

بأذن واحد احد اني بطرح موضوع كآمل عن طـريـقـة كيف تجيب Gold

الموضوع لي مده اشتغل عليه وان شاء الله قريب ينزل :)

وشكرا على طرحك الموضوع ;)

[xX JUBA Xx]

وعليكم السلام

نعم أخوي مرت علي انا بس اول شخص تسلف مني مش عربي وراح اوفلاين يمكن شهر بعد ما اشتغل خليته يومين وبعدين سلمت عليه وقلتله شو اخبار القولد وقالي اي قولد؟ قلتله اللي تسلفتهم مني قال انا ماتسلفت منك انا دريت انه مابيردهم ومافيني على عوار الراس قلتله اتهنا فيهم وانسى اني سلفتك 700قولد مع انه قالي بعد يومين بردهم طبعا هو كان من نفس القلد.

وفيه ناس كثر أكثرهم لولفل بس مش عرب اعطيهم قولدين او 5قولد سواء طالب مني او ماطلب حسب مزاجي بس اذا عرفت انه لاعب مش صيني او باور لفل.

بس من فتره قريبه مر علي واحد عربي من دولة شقيقه كان لفله تقريبا 30 كنت ب org المهم عرف اني عربي وشكله غشيم راح له شغله ب org وهو راجع قابلني قدام ال AH ووقف وقالي ممكن تعطيني خمسه قولد المهم فتحت التريد وحطيتله 100 قولد انصدم حتى ابطى ماسوى تريد بعدين قالي مشكوور ومن عقبها ماعاد طلبني قولد ومثل ماقلت ما احب ارد حد اذا كان محتاج ومش من النوع اللي يوم اشغل اللعبه يقولي هلا ويوم اقوله هلا يقولي كم عندك قولد خخخ مر علي عربي بهالشكل بس ماعطيته وجه.

وبالنسبه لمعلومات الاكاونت انا مره كنت الفل بالادن وكنت تقريبا قريب الثلاثين وكنت اذا اشتغلت فقط اروح دناجن فمره راح معانا واحد بالادن وانا التانك بس هو دي بي اس المهم انا متت والهيلر بعد مابقى الا هو والبلادن يقدر يسوي rezz اقوله سولي rezz ومافهم كملنا عشر دقايق بعدين رجعنا مشي المهم بعدها مات واحد ثاني بالقروب وانا سويتله rezz وقلت للبلادن شفت هذي الحركه اللي كنا نباك تسويها قال ماعندي قلتله تقدر تسويها من لفل 10 انصدم مسكين بس عادي كاول لاعب تلعبه لازم تكون غشيم المهم جلست اعلم فيه من دنجن لين دنجن وبعد ماخلصنا قال علمني كيف اسوي هالحركه انا ماحصلتها عند المدرب قلتله لازم تسوي quest حقها الرجال ماعرف كيف مع اني جلست اشرحله عقبها قلت له انت تثق في انا قال ليش؟ قلتله عطني اليك والباسوورد وانا بخلصهم وبرتبلك الحركات والتالنت اذا كان ناقص قال ok you are my best friend وطلع ايطالي ودخلت على الاعب حقه ورتبتله كل شي وعقب قلتله غير الباسوورد قالي ليش قلت له اظمن لك قال لا انت أعز اصدقائي ومابغير الباسوورد وانا من هذاك اليوم نسييت الباسوورد والنك حقه.

والشخص الثاني من بريطانيا قبل اسبوعين قالي ممكن أأمن فيك قلت له ليش؟ قال اباك تدخل بأكاونتي وتلعب فيه اذا عندك وقت لان ابوي يسكر الكمبيوتر علي قلتله اوكي وعطاني الباسوورد والنك ودخلت عليه ولعبت ساعه وبعدها طلعت ومادخلت مره ثانيه وأحصل الشخص دايم وقلتله انا الفللي شخصيه فماعندي وقت ادخل على اللي عندك والفله قالي مافي مشكله ومشكور.

فالخلاصه في ناس طيبين وناس تأمن بالغير اذا حصلت انسان محترم ويخدمهم ويعلمهم من قلبه وبدون مقابل مع اني قايل لهم اني انا عربي من Middle East ولكن التعامل الحسن خلاهم يثقون بي ولله الحمد.

[F4bry]

لا تسمي أسمك بالعربي , فيه ناس بيشبكون معك بحكم أنك عربي مثلهم بس وللأسف أشوف هالشي بكثره بين العرب في واو , .. وبعضهم يزعجك مثل عطني قولد :D ... بس فيه عرب صراحه يخلونك تفتخر بهم بصداقتهم وبانك
عربي مثلهم

[Golf Lover]

والله انا سرلي موقف في العبة حلو مرة اليوم

كنت جالس العب طبعا انا تقريبا متبدأ شخصيتي درود تورين ليفل 30 وكان عندي كويست مرا صعب وفي واحد من الجيلد معايا , الجيلد تبعي كله أوروبين من بريطانيا والسويد , وماكان في الا في واحد أونلاين وهو كان عندو شخصيتين شخصية روج ليفل 80 وشخصية درود ليفل 40 , والله يا جماعةا الادمي محترم بشكل مو طبيعي انا انحرجت منه

تخيلوا جاني من Moonglade الين المنطقة اللي تحت barrens واله ناسي اسمها المهم ودخل منطقة مليانة وحوش كلها عشان يساعدني , ودخل ساعدني في الكويست لانه كان صعب علي الوحوش مرا قوية وبعدين راح out land وجا على orgimmar وقلي استناني هناك وجا اعطاني 10 جولد و اعطاني سلاح و خوذة مجانا من عندو وطورت شخصيتي بشكل كبير وجلس يساعدني في التلفيل الين وصلني ليفل 35
وبعدين خرج قلي اقابلك بعد يوم عشان عندي شغل

وفي موقف تاني حصلي طبعا مع واحد عربي من نفس مدينتي و قابلته بالصدفة انا طبعا عندي 60 جولد بعضها من تعبي وبعضها من اصحابي في المدرسة من زمان هما يمدوني بالجولد , وكل شوية ممكن جولد
السلام عليكم ممكن جولد اعطيتو مرتين تلاته بعدها كل ما اعطيه يطلب زيادة زي جهنم تحط فيها تقول هل من مزيد في الهاية سويتلو اجنور ومع السلامة


فعلا الناس معادن

[MR.HM]

موضوع حلوو الصراحه ..
بس ياخويه اذا حاب انك تفتك من الصدعه غير اسم الكركتر .. خله اسم اجنبي ..بس تبا الصدق محد يركز زين
يعني انا نك نيمي Moonrem .. دشيت مره TOC25 ويا قروب والصراحه الجماعة بروفشينل انجلش ..
يعني ما تشك فيهم المهم انا عادي وياهم ويرمسوني انجليزي وارمس وياهم في النهايه نطق الليدر قال انتو شو
اغبياء .. انا انصمدت .. شوي شفت الخلق كلهم رمسوا .. اللي يقول السموحه والله عندي شوي لاق .. واللي
يقول الماوس شي ياه .. واللي يرده على ربيعه وكل الرمسه بالعربي ... جان اكتب ؟؟ واقول بالعربي شو السالفه ..
كتب الليدر لول .. قالتي انته بوعراب ؟؟ قلتله هيه .. قال في العام من وين قلتله من الامارات .. ضحك وقال احن
اغلبيت اللي في الريد عرب ونلعب في نفس المكان .. قالي من وين قلتله من المنطقة الفلانيه .. قالي نحن عدالكم .. في النهايه طلعوا شباب اعرفهم من زمان كنا نلعب في سيرفر ليبتلون في نفس السيرفر .. بس الصراحه .. شباب والنعم فيهم والله .. حق الفزعه محد اخير عنهم .. والحلو فيهم .. كلهم يدشون ..
اذا انته ديبي اس والشباب عندهم الايتم الصراحه يسون رول واذا فاز حد منهم يعطونك الايتم ..
يعني تعاون ومتعه وآخر حلاوة .. وبالنسبه للأجانب .. تعرفت على واحد كملت وياه طول فترة لعبي لWOW
هذا الريال عرفته على ايام لفل 70 كان واريور بلغاري اسمه .. هذا الشاب كنت في LFG فقلت خلني اسوي
قروب .. دورت على تانك لكن للأسف ماشي غير واحد نوب .. للعلم اني كنت لابس T6 5/8 paladin holy
فقلت الله كريم خلني ادخل هالنوب .. يوم سولفت وياه طلع الريال حبوب ودمه خفيف قلت خلني افرم دوم وياه المهم الريال كان لابس بلوو وقرين .. تميت وياه لين ما استوى تانك محترم .. بعدين الريال سوى قلد وكنا نرووح
بلاك تيمبل وسن ويل .. الريال صاحبنا الحين لابس >>> t9.5 tank 5/5 5/5 t9.5 dps يعني شغال ..
والعلاقه طيبه لين الحين وياه ..
وتعرفت على ريال الصراحه وانا كنت هورد واريور .. لعب هورد لين لفل 40 كنت واريور تانك تعرفت على انسان الصراحه ادب واخلاق .. الريال كان عمره 25 ومن المانيا .. انا لعبت للفل 40 اخويه كمل في السيرفر
وكان دوم يسأل اخويه وين اخوك سلم عليه وليش مايدخل .. انا شكيت انا بنت الصراحه من زوود الاهتمام ..
والسموحه عالأطاله خخخخخخخخ ,,,

[fahadwow]

مشكلة العرب دايما فيهم العاطفه زياده عن اللزوم
من اشوف هذا عربي خلاص ابي اوقف معاه واشيله
بس للأسف في ناس مو كفو
وياا اخوي هالزمن ماينفع فييه طيبه مع اكثر الناس خلك بحالك بحاالك

[Warchif]

والله في كل ناس تلقى الشين والزين
بدايتي كانت مع 2 شباب مافيه شئ ما علموني اياه وفزعات ودناجن وجولد بعد حتى الشنط شروها لي والنعم فيهم والله ولو اني رديت الدين لهم لكن احس برضه اني ما وفيت حقهم زياده
والحين واحد تزوج وترك اللعبه والثاني توه يتركها عشان Aion :) بس باقي واحد كان معنا في منتدى وتوه يلعب وانا ساعدته وعاونته مثل ما ساعدوني الشباب أول والحمدالله الرجال طلع قدها وقدود ويخدمني زي ما خدمه في اللعبه لو كنت الفل شخصيه جديده واحتجت مساعده على طول صك المشوار مايقول لي حتى شوي بخلص اللي بيدي لا على طول يجي عندي وهو حاليا يلعب في واو وانا مازلت معه لأنه هو السبب اللي مخليني اكمل لعب فيها ومعطل في Aion بسببه ماودي اخليه وانسحب وراح استمر معه دامه موجود وفيه بعد بريطاني له سنه معي وكان كل ما نقلنا سرفر هو معنا اول ماتعرفت عليه صدفه سبحان الله كان يلفل وجوه وحوش كثره بيقتلون شخصيته وفزعت له والا نكمل تلفيل مع بعض وبعدها اضافه في اللسته وبعدها مساعدات وفزعات من يومك ذاك إلين الحين :) وحاليا له اسبوعين ماشوفه وعسى المانع خير

[naxxer]

يا شباب هذي السوالف تهون لكن اللي يذبح من القهر سالفتي ..

انا صرالي فتره طويله بسيرفر مافيه عرب .. و توني ناقل بليدنق هولو من حظي الاسود لانه ربعي كلهم خلوني و نقلو هالسيرفر الخايس

المهم انا من دخلت هالسيرفر و اسمع انه كله كويتيين و عرب .. بس للاسف مستواهم مو ذاك الزود

قلت خل اجرب اشوف مستوى السيرفر دخل بقروب voa25 هيلر بالدرويد مالي ، و الليدر قاعد يعطي تعليماته الخ و انا قاعد اسولف مع صاحبي اللي قاعد جمبي فجأة قالي صاحبي قالي شوف ابن الكلب شنو كاتب ( قصده الليدر )

الليدر كتب يالكويتيين الاغبياء لا تموتون كالعاده !!!!!!!!!!
انا علطول دخلت عليه وسبر سفلت بدين امه و هددته اني افتح تكت اذا ما اعتذر
سألني انت كويتي
قلت له اي
قالي ( بالعربي ) انا بعد @@
قلت له عيل ليش تسب الكويتيين ؟
قالي علشان ما يعتبروني اني كويتي و نوب مثلهم !!!! حسبي الله عليه

طبعا هالكلام صار و احنا بالفايت و انا ما هيلت و اهو مات =\

طبعا علطول اد فريند و بلاك ليست نوت

يعني اذا انت نوب و ما تعرف تلعب ماله داعي انك تقول هالكلمة و اذا كنت ما تبي يعرفون انك كويتي ياريتني انا بعد ما عرفت .. على الاقل امريكي او اجنبي نقول حاقد لكن انك تغلط على ابناء ديرتك فانت للاسف مو ريال

انا بسبب هالموقف قررت اني انقل من هالسيرفر و ارجع سيرفري القديم بس ناطر الكولداون مال النقل ينتهي

[ابوعبدالله آل تميم]

يابعدي مو كل العرب كذا ... وحتى الاجانب كذا ويزعجونك ويقولون لك اعطني قولد

[Cry Me A River]

انا علطول دخلت عليه وسبر سفلت بدين امه و هددته اني افتح تكت اذا ما اعتذر
سألني انت كويتي
قلت له اي




الله يصلحك تسب الدين وتسب الاسلام عشان لعبه ؟؟

الله يرجعك لصوابك بس واستغفر ربك واسال شيخ عن سب الدين شوف وش يقولك

مادري وش اقول لاتعليق ...................

[rogue the best]

السلام عليكم
يالله حي الشباب
مشكورين علي المرور وهم مشكورين علي التعليقات :)

اخوي ابو عبدالله انا ما اقصد كل العرب بكلمه عطني قولد
انا قلت من جماعة عطني قولد( بس عربي) يعني قصدي ياكثر الاجانب الي تشوفهم بالorg يقولون 1 او 10 قولد
اتمني انك فهمتي :wink2:

اليوم صارلي موقف حلو
رحت ريد ال voa25 الا يسون البف للريد كلهم
وبدينا بالبوس الناري (انا مسميه) اول ما صار الطق الا يفصل الشبك عندي احاول ادخل مني مناك يمين يسار واخير دخلت بس البوس باقيله اقل من 2k المهم انا اول ما قربت منها الا هم ذابحينه :biggrin2:

الوكاد طلع الايتم ليذر حق روق ودريد قال اليدر رول الا 4 سو رول وانا منهم وصارت من نصيبي
الا ينقز الدريد ويقول هذا اوف لاين شلون خليته يسوي رول عطه كيك وقاعد يسفل فيني المهم انا حقدت والله الا اول ما كنت ابي اكتب اشوف اليدر عطاه كيك وقال حق واحد شامان حول هيلر
المهم انا قلت خلني ساكت لا انطرد:bigeyes:
عاد يوم خلص الريد قلت خلني اشكر اليدر
ودزيتله w/ وشكرته علي الريد هم علي موقفا الا يرد علي يقول بوقت الطق 5اوف لاين وقاعد يظحك
انا اول ماشفت رده مت من الظحك وشكرته ثاني مره ودعته :wink2:

[wow freak]

السلام عليكم :D
والله معاك حق
اتذكر واحد قالي عطني قولد قلت له ليش قالي انا مشتغل على البورصه في ال Ah
:biggthump
عطيته 30 وقالي بيردهم......
ونطرت يمكن اسبوع
وشافني مره ف sw
قتله ممكن ال30 قولد ؟ محتاجهم ابي اشتري Staff
قالي من انت عاد طالعته جي:bigeyes::bigeyes::bigeyes:
وصكني اقنور عاد مستحيل اخلي الستاف بدون ماشتريها هع واوبن تكت
ورجعلى اياها الجي ام ومع 10 سلفر زياده خخخخخخخخخ
_____________________
بس مب كل العرب جذي
انا اعرف وحده :p
كانت ف اوت لاند تسوي كوستات وغرايند كان لففلها 69 المهم
كان باقي اخر مربع لها وتصير لفل 70 المهم كتبت في القلد ابي حد يساعدني فكوستات الوارلوك اشوف القلد ساكت ولا حد تكلم الا اشوفها كاتبه وينك باجي باساعدك يعني والله حصلت الفيل هنتر بفضلها :biggthump:biggthump

[b.s_one]

اذا كان عربي اخدمه على العين و الراس

بس سالفه قولد بوست اطرد واحد و خششني عطني ذي القطعه واللى يرحم والديك

ايجنووووووووووووووووووووووووور على طوووووووووووووووووووووووووول

[preist4ever]

مانقول كل العرب زينيين .. وبنفس الوقت مانقول كل العرب مو زينين

اعرفلي ناس عرب توب وسكيلز وموجودين بأقوى الجيلدات .. وتلقاه محترم وياخذ ويعطي معاك ويساعدك اذا بغيت شي

واعرفلي ناس عرب وسكيلز وبأقوى الجيلدات .. رافع خشمه ومايرى الناس شي ! < على شنو ما ادري ؟!

واتمنى لما احد يجي يذكر موقف صارله .. يكون بدون ذكر اسماء الدول منعا للحزازيات وبالاخير كلنا عرب ومسلمين

وشكرا

[mage4ever]

والله كلامك عين الصواااب هذولي هم ربعنا .. << ما ابي زعل

وياكثر اللي يجوني ويقولون هالشي

[naxxer]

الله يصلحك تسب الدين وتسب الاسلام عشان لعبه ؟؟

الله يرجعك لصوابك بس واستغفر ربك واسال شيخ عن سب الدين شوف وش يقولك

مادري وش اقول لاتعليق ...................


ياخوي فهمتني غلط =\ هذا تعبير مجازي لووووول حتى قصدي اني دخلت عليه بقوه ( بدون سب )