المساعد الشخصي الرقمي

مشاهدة النسخة كاملة : ارجو المساعد منـ ((الخبراء))


go0od
05-10-2009, 03:51 AM
السلام عليكم...اخواني انا عضو جديد فالمنتدى وحبيت استشيركم فشي
والموضوع كالتالي:
انا ابقي اطلع عضل ونصحوني الشباب اخذ مقويات او بروتينات بس انا ماجربت لان اخاف من هذي الاشياء
طبعا انا كنت ادرب من قبل وبعدين قطعت والحين رديت على التدريب والحين كملت اسبوعين فالتدريب وحاب اخذ بروتين او مقويات هل يجوز او بتشكل خطر علي من ناحيه الجسم والصحه
وخبروني بعض الشباب عن كم مقوي او بروتين والله ماعرف شو بالضبط يمكن مقوي ويمكن بروتين انا بكتب الاسماء وانتوا فيدوني بمعلوماتكم اذا اقدر اخذ هذي الاشياء:
1-nitro tech
2-Creatine Commercial
3-Anabolic O.D
4-CREAKIC HARDCORE
واكثر الشباب نصحوني فـ1 و 2 وانا ماعرف هالسوالف
انا ابي عضل متوسط مش كبير يعني جسم حلو ومعضل وعضل صافي بدون شراين لان ما احب الشراين والعروق
بالنسبه للعمر والوزن والطول:
العمر:17 الوزن:57 الطول تقريبا:150 او 160 او165
ونسيت اقول ابي شي اخذه من الاشياء الاربعه الي كتبتهم فوق ماياثر في جسمي بعد ترك الـgm لان انا مش على طول العب يعني العب شهرين او 3شهور او 4شهور بعدين اترك مده وارجع ادرب مره ثانيه ويمكن بكمل على طول اذا ععجبني جسمي يعني اذا شفت في فرق فجسمي..وادري اني ازعجتكم وماخليت شي ماكتبته بس اسمحولي مبتدأ ما افهم شي:biggrin2:...واسف على الازعاج
وشكراااااااااااا
go0od
05-10-2009, 03:59 AM
نسيت اقول انه ربعي اثنين
واحد يستعمل:nitro tech
والثاني يستعمل:Creatine Commercial
واجسامهم حلوه والعضل بدون عروق ((صافي))
وانتضر ردكم ع الموضوع
وشكرااا
mashkaljey
05-10-2009, 04:45 AM
اهلا اخوي

بما ان عمرك 17 فانت توك على استخدام هالمكملات لان جسمك في قيد النمو يعني لحد الان ما توقف نموك عشان تبدأ تاخذ مكملات ( مقويات بروتينات كما تسميها )

فاساسا هذه المكملات لتكملة نواقصك من الغذاء ولو انك تاكل بشكل منظم ومرتب واكل ذوفائده وتبتعد عن المشروبات الغازية والفاست فود والدهون المطبوخه راح تحصل على جسم يعجبك

طبعا لاتنسا انك ما تستمر في اللعب وهذا اكبر عيوب شعبنا العربي يبحث عن شكل دائم ومنسق في فترة قصيرة بعكس الاجانب يبحثون عن الشكل المنسق ويطورون العابهم ويزيدونها ويستمرون بها دون كلل وتعب

اخي اولا عليك بالاستمرار لمده لا تقل عن شهر الى شهرين في التدريب وبعد ذلك اذا احسست انك ما تقدر توفر البروتينات والفيتامينات اللي يحتاجها جسمك في هذاك الوقت راح نعطيك مكملات تفيدك في عمرك هذا

وبالنسبة الى 1 فهو عباره عن مكمل ممتاز ولكن ينصح به لمن هو فوق ال 21

والمكمل 2 يختلف عن المكمل 1 فهو يستخدم لاعطاء طاقه + تضخيم للعضل عن طريق حفظ الماء به يعني تحتاج ماء كثير

والمكمل 3 و 4 مثل المكمل 1 لا انصح به لمثل سنك

اذن المكمل رقم 3 تقدر تستخدمه بعد ما تستمر شهرين تلعب

وبالنسبة للعروق فهي تظهر تظهر لا محاله

بالتوفيق
go0od
05-10-2009, 05:54 AM
مشكوووور الغالي
ع
المعلومات
وانشالله بدرب شهر او شهرين
ولي رجعه
وبالنسبه للاكل:ما اكل وايد كله سهر ونوم وعندي خمول في اكثر الاوقات
وشكرا مره ثانيه ع المكلومات
:
:
go0od
05-10-2009, 06:04 AM
نسيت اخبرك...
عادي اخذ البودره الي اتكون مكمل غذائي
؟؟؟
وشكراا
AmiTy Ville
05-10-2009, 07:43 AM
مشكوووور الغالي

ع
المعلومات
وانشالله بدرب شهر او شهرين
ولي رجعه
وبالنسبه للاكل:ما اكل وايد كله سهر ونوم وعندي خمول في اكثر الاوقات
وشكرا مره ثانيه ع المكلومات
:

:


دام هذا نظامك فا ماينفع ابدا لازم ترتب يومك واكلك ووقت نومك وراحتك الخمول من عفسة روتينك عدل روتينك بحيث انه كل وقت معين لك شي تسويه مو كله سايب ومافي ترتيب





نسيت اخبرك...

عادي اخذ البودره الي اتكون مكمل غذائي
؟؟؟

وشكراا


هي نفسها رقم1 او غيرها مايفرقون الا بنوعية المكونات واغلب المكملات بودره عزيزي
وتوك جديد فا لاتتسرع اول شي ابني عضلك بتعبك طبيعيا ولين خلاص تحس انك كملت فترة وماقدرت وحسيت انك تحتاج بروتينات فا هذاك الوقت الموضوع يختلف عموما عمرك صغير فا الصبر زين
mashkaljey
05-10-2009, 07:15 PM
مثل ما قال اخي الحبيب ديزاييه

رياضه كمال الاجسام تحتاج منك نوم مبكر وغذاء صحي وترتيب يومك فاذا لم تتوفر هذه الامور فضياع وقت للاسف

الكثير يعتقد ان بالمكملات الغذائية سيحقق المعجزات وانه خلال شهر سيرى نتائج مبهره فاقول لا يا عزيزي لو تستمر 3 سنوات تلعب ونظامك الغذائي غير مرتب ونومك وحياتك فوضويه بتلقى اللي داخل من 3 اشهر افضل جسمانيا منك لانه تعود على نظام غذائي ونوم مبكر ومريح جسمه ومعطيه حقه

وبالتوفيق
go0od
05-10-2009, 11:42 PM
شكراااااااااااااا