المساعد الشخصي الرقمي

مشاهدة النسخة كاملة : لتعزيز الثقه وزيادة الادراك بان لاشيء مستحيل في عالم بناء الاجسام رجل بعمر55


mashkaljey
07-10-2009, 05:59 AM
السلام عليكم ورحمة الله

البعض يغلب عليه اليأس سريعا بسبب وزنه او عدم درايته او البيئة التي يتدرب بها


هذا الموضوع لتعزيز الثقه بالنفس وبأنه لايوجد مستحيل في عالم بناء الاجسام

هذا الشخص

http://bodyspace.bodybuilding.com//img/user_images/growable/2008/06/12/401725/progresspic/1396732.jpg (http://bodyspace.bodybuilding.com//img/user_images/growable/2008/06/12/401725/progresspic/1396732orig.jpg)

هو هذا الشخص
http://bodyspace.bodybuilding.com/img/user_images/growable/2009/07/15/401725/progresspic/1TvPWlIgm9wxdTBAGQvlC8oMNELGOm484p.jpeg

للاطلاع على مزيد من المعلومات عنه

http://bodyspace.bodybuilding.com/oldsuperman/ (http://bodyspace.bodybuilding.com/oldsuperman/)

الحكايه باختصار

هذا الشخص كان يبلغ من العمر 47 سنه فكر ان يهتم بجسمه كما ترون بالصورة الاولى هذا جسمه سنة 2002 وبعد دخوله عالم كمال الاجسام ولفتره 7 سنوات كامله اصبح جسمه كما بالصورة الثانية !!

الغرض من هذه القصه

البعض يلعب مده شهرين الى سنة ويفقد الامل في رياضه كمال الاجسام متأملا بجسم كاجسام الممثلين رامبو ومن هم بصفه وهذا خطأ يقع به الكثيرون

لن تصل لاجسامهم الا بالعزيمة والاصرار وانه مهما تدربت اجعل غايتك صحتك الجسدية وليس مظاهر كما يفعله البعض واقصد بهم متعاطين الهرمونات !!

قصة حدثت لي

نعم لي صديق اشترى هرمونات فقط للمظهر وتفكيرة فقط ادخل النادي من غير هرمون كيف ؟ ولماذا ؟

تفكير سطحي نتائجه انه بعد ان ترك الحديد في اسبوع واحد والله يشهد انه اسبوع واحد كانه بالونه وافرغت من الهواء ولله الحمد انا اترك الحديد شهر كامل لا اصاب سوى بفقد بسيط للعضلات

فيا اخواني الاحبه في قسم اللياقه ابتعدو عن الهرمونات واستمرو في رياضه كمال الاجسام فلايأس مع هذه الرياضه ولو طال الزمان او قصر ستجد انه بالممارسه الممتازه والاكل السليم والثقه بالنفس ستصل الى ماتريد ان تصل اليه


دمتم بود

http://montada.com/img/user_images/growable/2009/07/15/401725/progresspic/1TvPWlIgm9wxdTBAGQvlC8oMNELGOm484p.jpeg (http://bodyspace.bodybuilding.com//img/user_images/growable/2009/07/15/401725/progresspic/1TvPWlIgm9wxdTBAGQvlC8oMNELGOm484.jpeg)
http://montada.com/img/user_images/growable/2009/07/15/401725/progresspic/1TvPWlIgm9wxdTBAGQvlC8oMNELGOm484p.jpeg (http://bodyspace.bodybuilding.com//img/user_images/growable/2009/07/15/401725/progresspic/1TvPWlIgm9wxdTBAGQvlC8oMNELGOm484.jpeg)
عزه النفس
07-10-2009, 06:12 AM
يشرفني اني اكون اول واحد يرد بموضوعك يالغالي


صدقت يالغالي بالثغه والعزيمه كل شىء يصير

انا اقولك عن صاحبي اول مادخل الحديد كان وزنه 38 يعني ريشه بالمره كان اذا شال الوزن 5 مايقدر يوزن نفسه من ثقله بالنسبه له

في خلال سنتيين صار وزنه الحين 70 وصار جسمه مررره ممتازز ماشاء الله علييه



اشكرك على الموضوع يالغالي

بالعزيمه تحقق كل شىء
mashkaljey
07-10-2009, 06:26 AM
اهلا عزه النفس شاكرك مرورك يا الطيب نورت الموضوع

وان شاء الله يستفيد الاعضاء المبتدأين في هذه الرياضه بعد مايشوفون الصور ويسمعون القصه لان بصراحه تشجيع في تشجيع هذا الرجل عكس احبابنا كبار السن من يوصل ال 50 خرف لاحول ولا قوة الا بالله ويتعب كل اللي حوله بلسانه :) الظاهر تمرين للسان واهمال للجسد :)

موفق
عاشق لياقه
07-10-2009, 07:49 AM
الاراده الاراده الاراده

لو الواحد عنده اراده قويه يسوي المستحيل

شكرا على هالموضوع التحفيزي والله يوفق الجميع
FinalFantasy9
07-10-2009, 11:27 AM
وعليكم السلام ورحمة الله وبركاته ! ..

بالفعل بالارادة الواحد ممكن يسوي اي شي .. واهم شي في رياضة كمال الاجسام بالنسبة لي هو ان الواحد ينتظم فيها ويحبها ويشوفها كهواية مسلية وليست عادة ثقيله يقوم بها بشكل شبه يومي ..

وانا بضيف هذه الوصلة من اليوتيوب لشخص اقترب من الخمسين وشوفوا جسمه في الفيديوهات الاخيرة واحكموا بنفسكم هل هذا شكل واحد عمره خمسين !! ..
http://www.youtube.com/user/scooby1961

932urixMnJA

وهو يعطي نصائح لرفع الاثقال وانا مسجل عنده واستمتع بمشاهدة حلقاته الاسبوعيه ونصائحه .
AmiTy Ville
07-10-2009, 11:56 AM
عليكم السلام والرحمه من الله وبركاته

تشجيع معنوي مميز منك عزيزي مشكلجي ,, وأهم نقطه الصبر اللي الكثير يغض النظر عنها

10/10

وننتظر مواضيعك المميزه عزيزي

..

فآينل فآنتسي9 الشكر موصول لك لردك الفعال
بس ياخي مادري ليش مسكت معاي بوش اب بوش اب :)
FinalFantasy9
07-10-2009, 12:28 PM
فآينل فآنتسي9 الشكر موصول لك لردك الفعال
بس ياخي مادري ليش مسكت معاي بوش اب بوش اب :)

عنده افلام كثيرة عن تمارين ثانيه الواحد ممكن يسويها بالبيت بدون الذهاب للنادي .. وماشاء الله عنده كل شي ..

بالنسبة لي انا اسوء مسألة في التمرين بالبيت هي تبديل قطع الدنبل >_< .. لاني ابدء بوزن خفيف ولين اوصل الدنبل شوي شوي الى مافوق الـ 25 كيلو يكون هذا اخذ مني وقت كبير واكثر من التمرين نفسه فأكره التمرين بالبيت .. بس هالعضو يعطي افكار كثيرة عن التمارين الي ممكن الواحد يعملها لتقوية جسمه :] .. واخترت هالفيديو علشان صورة الوسط حاط جسمه وطالع جيد وايضاً لان افلامه القديمة كان اضعف فيها وهالفيديو يبين المستوى الي ارتفع اليه بالفترة الاخيرة .
AmiTy Ville
07-10-2009, 12:44 PM
ايواا لا جيد جيد والله وبصراحه صدقت لين ماتوصل للوزن المناسب تتكاسل .. وفيديوات هالشخص متواضعه ولها فوائدها
JiuJitsu
07-10-2009, 09:19 PM
اهلا عزه النفس شاكرك مرورك يا الطيب نورت الموضوع

وان شاء الله يستفيد الاعضاء المبتدأين في هذه الرياضه بعد مايشوفون الصور ويسمعون القصه لان بصراحه تشجيع في تشجيع هذا الرجل عكس احبابنا كبار السن من يوصل ال 50 خرف لاحول ولا قوة الا بالله ويتعب كل اللي حوله بلسانه :) الظاهر تمرين للسان واهمال للجسد :)

موفق


مشكلة الشيبان الي عندنا ماوصل لهم التطور والحديد وهذي الشغلات حتى النت ماوصلهم خخخخ

والي وصلهم تحصلهم غير مثل واحد عجوز عندنا بالنادي يتمرن حديد ولياقه لكن تعال شوفه كيف متعلم ومتطور (( درس ببريطانيا وعاش بعد الدراسه ثلاث سنوات ))

والكابتن الي يدربنا مثل الشي عمره بالـ 50 ويلعب ليومك حديد ولو انه الاصابه انهت مسيرته بعالم كمال الاجسام

فانا اتوقع جيلنا والاجيال الي بعدنا بتكون غييييير عن الاجيال القديمه الي سبقتنا

والله واعلم
mashkaljey
07-10-2009, 09:54 PM
اهلا بالاحباب

عاشق لياقه صدقت اخي واشكر لك تواجدك

فاينل فانتسي هذا الرجل اشهر من نار على علم له العديد من الفيديوهات والنصائح الممزة وجسمه ماشاء الله يحلم به الكثيرون عنده معده صخرررررررررررررر :)

ديزاييه سابقا :) والله انك نورت الموضوع يا غالي اشكر لك تفاعلك معاي :)

جيوجستو يا اخي هاللعبه ودي اتعلمها :) واشكر لك تفاعلك وصدقت جيلنا يختلف كليا عن الجيل السابق :)

بالتوفيق
عشــق البطــوله
07-10-2009, 10:12 PM
موضوعك قووي اخوي مشكلجي صراحه فعلاً فيه فوايد كثير الواحد يحصلها من الموضوع :

أولاً : مافيه شي مستحيل
ثانياً : العزيمه
ثالثا: الصبر
رابعاً : الحماس

يعطيك العافيه مشكلجي
mashkaljey
08-10-2009, 01:55 AM
مشكور حبيبي عشق والله تسلم على كلماتك

بالتوفيق يا الحبيب
عشــق البطــوله
08-10-2009, 02:44 AM
الله يوفقك يالغالي ..

وبالنسبه لتوقيعك .. ان شاء الله تروح وترجع لنا بالسلامه يالغالي :)

وماوصيك اذا كنت رايح تمشيه فأنصحك تروح القريه المائيه الجديده ( اتلانتس ) عجييبه حدها راح تستانس اسأل مجرب :biggthump

واذا تبي اماكن ممتازه بعد ابشر :wink2: .. دبي ماقدر عليها لازم ازورها كل فتره وتوني رايح لها بالعيد ;)

وبالتوفيق يالغالي ورحله سعيده ان شاء الله :أفكر:
mashkaljey
08-10-2009, 02:56 AM
الله يسلمك عشق

والله انا نازل لها اول مره :) احب اروح شرم الشيخ يعني تقدر تقول اني اعرف بشرم الشيخ شبر شبر :) لكن ما رحت دبي او الامارات وبالنسبة لاتلانتس ترى كنت حاجز فيه 3 ليالي كان عندنا عرض ولا اروع بس نصيب وظروف منعتني اروح ولكني رايح الحين

وبشكل عام انا احب الجو المعتدل ما احب الجو الحار وقالو ان دبي حرارتها اعلى من الكويت يعني بروح وانا اقول الله يستر :)

على كل حال ان شاء الله تعجبني دبي مثل ما عجبتك وعجبت ناس وايد واكون من زوارها الدايمين يكفي ان فيها ريحه الشيخ زايد الله يرحمه

اشكرك يا الحبيب وان شاء الله بعد 5 ساعات انا بالمطار :) وتصبح على خير بروح انام شوي قبل السفر :)
عشــق البطــوله
08-10-2009, 03:03 AM
الله يسلمك عشق

والله انا نازل لها اول مره :) احب اروح شرم الشيخ يعني تقدر تقول اني اعرف بشرم الشيخ شبر شبر :) لكن ما رحت دبي او الامارات وبالنسبة لاتلانتس ترى كنت حاجز فيه 3 ليالي كان عندنا عرض ولا اروع بس نصيب وظروف منعتني اروح ولكني رايح الحين

وبشكل عام انا احب الجو المعتدل ما احب الجو الحار وقالو ان دبي حرارتها اعلى من الكويت يعني بروح وانا اقول الله يستر :)

على كل حال ان شاء الله تعجبني دبي مثل ما عجبتك وعجبت ناس وايد واكون من زوارها الدايمين يكفي ان فيها ريحه الشيخ زايد الله يرحمه

اشكرك يا الحبيب وان شاء الله بعد 5 ساعات انا بالمطار :) وتصبح على خير بروح انام شوي قبل السفر :)

ماشاء الله .. ان شاء الله تروح وتجي بالسلامه ..

وبالنسبه للأجواء ايام العيد كانت معتدله حقيقه جيده ماكان فيها رطوبه عاليه ..

ولا ماعليك حر الكويت مافيه مثله ههههه , اما دبي مافيها حر بس رطوبه وخصوصا بإجازة الصيف رطوبتها عاليه

عموما ماوصيك وسع صدرك واستانس .. واكيد راح تعجبك ديار زايد ..

ونوم العوافي يالغالي :)
AmiTy Ville
08-10-2009, 09:02 AM
تروح وترجع بالسلامه ان شاءالله ,, ان شاءالله تستانس وماوصيك خلك بشورت ولا لبس رياضه خفيف :silly:
اللورد الأحمر
08-10-2009, 02:37 PM
عطاكم الله العافية شباب...ما توقعت هذا الموضوع الرائع والممتاز 10/10
أخوي فاينل فانتسي غريبة متواجد معانا مو عادتك ترد على المواضيع...ان شاء الله دوم نشوف ردودك وحماسك الرائع..
أخوي ديزابييه دائما متفاعل ان شاء الله دوم وعطاك الله العافية...
أخوي مشكلجي في البداية أشكرك على الموضوع الرائع وان شاء الله تروح وترجع بالسلامة من دبي...ننتظرك....
تحياتي اللورد الأحمر...
مجهووووووووول
08-10-2009, 03:14 PM
السلام عليكم...

موضوع ملهم بالفعل بس اسمح لي كاتب الموضوع الشايب هذا بنسبة 90 في الميه ياخذ هرمونات لانه من المستحيل ان يصل للشكل هذا بدون هرمونات..لكن خلينا بالاراده فهي بحد ذاتها محفز جيد لنا وياليت ان رجعت تقولنا وين الاماكن الحلوه بشرم الشيخ ودبي...

اما الاخ فاينل فانتسي فشايبك لايعلى عليه وشكله بالسليم وياليت تعطينا الاماكن الزينه بدبي..
mashkaljey
12-10-2009, 09:22 PM
السلام عليكم...

موضوع ملهم بالفعل بس اسمح لي كاتب الموضوع الشايب هذا بنسبة 90 في الميه ياخذ هرمونات لانه من المستحيل ان يصل للشكل هذا بدون هرمونات..لكن خلينا بالاراده فهي بحد ذاتها محفز جيد لنا وياليت ان رجعت تقولنا وين الاماكن الحلوه بشرم الشيخ ودبي...

اما الاخ فاينل فانتسي فشايبك لايعلى عليه وشكله بالسليم وياليت تعطينا الاماكن الزينه بدبي..

اكيد 100% استخدم هرمونات ولكن لماذا استخدم الهرمونات لدخوله البطوله وهذا الصحيح

بالعكس من يريد دخول بطوله ملزم بتعاطي الهرمونات اما بالنسبة للمستخدم الهاوي والمحب للرياضه دون دخول بطولات لا انصحه بالهرمونات الا بعد مستويات متقدمه جدا ويكون تحت اشراف مختص بامور الهرمونات فقط يعني فحوصات وما الى ذلك ويكون ايظا غرضه دخول بطولات اما انه فقط ياخذ ويجلس في المولات التجاريه :) فانا اقوله فرحه قصيرة وندم طوال العمر

وبالنسبة لشرم الشيخ يا اخي صعب اقولك لا يوجد بها مكان جميل صعب صعب لاني راح اظلم نفسي واظلم الشعب المصري لان كل شي في شرم له طعم خاص واذا لك سفره قادمه راح تتعب من اللسته اللي بعطيك عن شرم الشيخ :)

بالنسب لدبي مومعقوله ما توقعت ان دبي بهالنظام كانك عايش في اوربا لكن جو خليجي :) ومولاتها كثيره والله اني لم ادخل سوى 6 او 7 مولات فقط خلال ال 4 ايام يعني احتاج ممكن الى اسبوعين لاراها كلها وبالنسبة للفنادق كان فندق اتلانس خرافي بمعنا الكلمة عالم ثاني اخر لا ينتمي لنا للاسف فقط دخلت الاكواريوم ولم ادخل الفندق نفسه وان شاء الله اذا لك سفره قريبه لدبي ما راح اقصر معك راح اعطيك خلاصه كامله وان شاء الله تشوف العجب كما رأيت والله يبارك في الامارات واهلها :)
mashkaljey
12-10-2009, 09:24 PM
ماشاء الله .. ان شاء الله تروح وتجي بالسلامه ..

وبالنسبه للأجواء ايام العيد كانت معتدله حقيقه جيده ماكان فيها رطوبه عاليه ..

ولا ماعليك حر الكويت مافيه مثله ههههه , اما دبي مافيها حر بس رطوبه وخصوصا بإجازة الصيف رطوبتها عاليه

عموما ماوصيك وسع صدرك واستانس .. واكيد راح تعجبك ديار زايد ..

ونوم العوافي يالغالي :)

هههههههه والله كان الحر اقوى من حر الكويت :) لكن الجو كان اوربي عجيب بصراحه عجبتني دبي وافكر بالقريب بزياره اخرى ان شاء الله لكن هذه المره مع الاصدقاء :) لاني تعبت من السوق والمرأة لا تتعب كالعاده :)
mashkaljey
12-10-2009, 09:27 PM
تروح وترجع بالسلامه ان شاءالله ,, ان شاءالله تستانس وماوصيك خلك بشورت ولا لبس رياضه خفيف :silly:


:) والله ما توقعت دبي كانها اوربا دخلتها رسمي شوي باللبس :) وبعدين فليتها عدل :)

بصراحه روعه الله يحفظكم ويحفظ ديراكم يارب

:)
mashkaljey
12-10-2009, 09:30 PM
عطاكم الله العافية شباب...ما توقعت هذا الموضوع الرائع والممتاز 10/10
أخوي فاينل فانتسي غريبة متواجد معانا مو عادتك ترد على المواضيع...ان شاء الله دوم نشوف ردودك وحماسك الرائع..
أخوي ديزابييه دائما متفاعل ان شاء الله دوم وعطاك الله العافية...
أخوي مشكلجي في البداية أشكرك على الموضوع الرائع وان شاء الله تروح وترجع بالسلامة من دبي...ننتظرك....
تحياتي اللورد الأحمر...

الله يسلمك يا اللورد الاحمر اشكرك على تواجدك وتفاعلك كالعادة يا الغالي :)
عشــق البطــوله
13-10-2009, 08:21 AM
هههههههه والله كان الحر اقوى من حر الكويت :) لكن الجو كان اوربي عجيب بصراحه عجبتني دبي وافكر بالقريب بزياره اخرى ان شاء الله لكن هذه المره مع الاصدقاء :) لاني تعبت من السوق والمرأة لا تتعب كالعاده :)

الحمد لله ع السلامه تو مانور المنتدى .. اشتقنالك يامان :)

ههههه اجل جو الكويت طلع احسن هالأيام ريحتني لأن ان شاء الله بزور الكويت هاليومين الجايات

ومثل ماتوقعت ان دبي راح تعجبك وبتصير مدمن عليها <- اسأل مجرب :biggthump

وماشاء الله عليك طلعت متزوج والله كنت افكرك عزوبي ماشاء الله ربي يوفقك ويرزقك بالذريه الصالحه

عموما حمد لله على سلامتك مره ثانيه :)
mashkaljey
13-10-2009, 07:24 PM
الحمد لله ع السلامه تو مانور المنتدى .. اشتقنالك يامان :)

ههههه اجل جو الكويت طلع احسن هالأيام ريحتني لأن ان شاء الله بزور الكويت هاليومين الجايات

ومثل ماتوقعت ان دبي راح تعجبك وبتصير مدمن عليها <- اسأل مجرب :biggthump

وماشاء الله عليك طلعت متزوج والله كنت افكرك عزوبي ماشاء الله ربي يوفقك ويرزقك بالذريه الصالحه

عموما حمد لله على سلامتك مره ثانيه :)

حياك الله الساعه المباركة :)

واي والله حبيت دبي :)

وعلى فكره عندي عيال بعد :) والله يوفقك ويرزقك ويزوجك بنت عمتك <=--- شرايك فيني :)
عشــق البطــوله
14-10-2009, 12:17 AM
الله يبارك فيك حبيبي مشكور

وماشاء الله عندك عيال ربي يخليهم لك ويحفظهم .. والله طلعت شويـّـب يامشكلجي ههههه وانا اشوفك حاط هالموضوع عن الشايب البطل شكلك تبيه يحفزك ههههههههه <- اتغشمر وياك حبيبي

والله يعطيك العافيه خوش دعوه بس مالي بالزواج الحين خلنا مرتاحين نتمتع شوي بالعزوبيه لاعيال ولاحفاظات هههه

الله يوفقك يالغالي وربي يسعدك
mashkaljey
14-10-2009, 01:28 AM
اجل الزواج عندك حفاظات :) يوه يا العزوبيه امركم عجيب :) على فكرة انا لي اصدقاء توهم مكملين ال 23 وابشرك اقنعتهم بالزواج ما عندي عزوبي انت يبيلك معاي شهر واخليك تموت عالزواج :)

والله يسلمك من الشر تراني مو شايب توني بريعان الصبا 45 سنه بس تو الناس يعني

صدمة :) اتغشمر معاك يا غالي انا بعمرك لا تفكر بعيد والعيال جاين مبجر رغبه الوالدة الله يطول بعمرها :)

دمت بود