الموضوع الرسمي | Demon's Souls

[Lara Croft]

بسم الله الرحمن الرحيم




السلام عليكم و رحمة الله و بركاتة

http://i5.photobucket.com/albums/y178/mdonatelli/DS/main_banner.png

.:: معلومات عن اللعبة ::.

http://upload.wikimedia.org/wikipedia/en/9/91/Demon%27s_Souls_Cover.jpg

المطور | From Software
الناشر | Sony (Japan) , Atlus (in North America)
الاجهزة | PlayStation 3
النوع | تعدد اللاعبين بنظام الأكشن (Action RPG)
تاريخ الاصدار | 5 فبراير 2008 للنسخة اليابانية و الآسيوية و 6 أكتوبر 2009 للنسخة الأمريكية


LZTFKB5l3Ig


=-=-=-=-=-=-=-=-=-=-=-=-=

.:: القصة ::..

القصة باختصار تتحدث عن الملك Allant الثاني عشر ملك مملكة Boletaria الذي يبحث عن القوة و الازدهار ووجدها بـ تحويل قوة الأرواح. جلب ازدهار لم يسبق له مثيل الى مملكته Boletaria ، إلى أن أيقض قوى الشر – بالخطأ- طمعا بالحصول على قوة تمكنه من توسيع سيطرته.

بخلاف أغلب ألعاب الـ RPG لعبة Demon's soulsلاتملك نهاية حتمية للقصة, بل تسلسل القصة تختلف من لاعب لاخر.

مطوري اللعبة أضافوا Tendency System او نظام التوجه, وهو مثله مثل نظام ال Karma الموجود ب Fallout 3 , او الموجود في Infamous .

وهو ببساطة حدث معين يمر عليك باللعبة, ردة فعلك تجاه هالحدث راح يأثر على أحداث قادمة في اللعبة, طبعا في Infamous كان التاثير الى حد ما شكلي ام النهاية فهي ثابتة مهما كان توجهك طول اللعبة,
عكس الموجود في Fallout 3 اللي يكون لها تأثير قوي جدا وممكن تغير النهاية تغير جذري.

اما في Demon Souls المعلومة الأكيدة قالها احد مطوري اللعبة: "Each and every one who plays the game will have their own Demon's Souls story"
ومعناته ان كل واحد يلعب اللعبة راح يكون له قصة خاصة. طبعا مو معناته ان القصص موزعة بطريقة عشوائية على النسخ, انما القصد انه بحسب توجهك باللعبة الاحداث راح تتغير.

ومن الاشياء المؤثرة على توجهك تعاملك مع الاشخاص باللعبة سواء الحقيقين او الـNPCs , يعني راح يكون لك حرية انك تقتل الشخصيات اللي تساعدك, بس ماراح تكون ملزم.

=-=-=-=-=-=-=-=-=-=-=-=-=

.:: نسخ اللعبة ::.

http://i5.photobucket.com/albums/y178/mdonatelli/DS/COVER_ART.jpg

يوجد للعبة 4 نسخ مختلفة :
ياباني : الاصوات باللغة الانجليزية و القوائم و العناوين بالياباني
الاّسيوي " هونك كونك و سنغافورة " : كلاهما الاصوات بالانجليزي و الصيني كامل و ايضا القوائم و النص
الاّسيوي " كوري " : الاصوات بالانجليزي و كوري و ايضا العناوين
الأمريكي "شمال أمريكا" : هي آخر نسخة صدرت و هي إنجليزية بالكامل ، و قد صدرت معها نسخة خاصة و سميت بـ Deluxe Edition و تحتوي على حل كامل للعبة ،
و ايضا يحصل من طلب العبة مسبقا على هدية إضافية و هي علبة تحتوي على قرص فيه جميع أغاني اللعبة الرسمية بالإضافة إلى ألبوم صغير للعبة.

http://home.comcast.net/~fashionlab/Images/DemonsSouls_Bonus_002.jpg

=-=-=-=-=-=-=-=-=-=-=-=-=

.:: أبرز مميزات اللعبة ::.


تصميم الشخصية:

راح تقدر تصمم شخصيتك بنفسك من البداية وتختار كافة التفاصيل اللي راح تميز شخصيتك.


التنبيهات:

ميزة رائعة جدا توجد للمرة الاولى في أي لعبة من قبل. وهي ترك الاثر والملاحظات.
على سبيل المثال, مررت بمطقة خطرة, تقدر تستخدم الدم وتترك ملاحظات للاعبين الاخرين عبر الشبكة متى ما مروا من بنفس المنطقة, وطبعا ماراح تقدر تكتب النص بنفسك, اللي بيصير انك راح تركب جملة مفيدة من كلمات محددة, من خلالها تقدر تنبه اللاعبين انه قدامهم منطقة خطرة, او تقدر انك تترك ملاحظة فيها "نذالة", مثلا تقول منطقة آمنة وهي بالواقع خطرة جدا.

هالخاصية لها مميزات فوق المعلومات اللي توفرها, مثلا لو انا استفدت من ملاحظة لاعب اقدر اعطيه upvote وراح يستفيد سواء من ادوات او زيادة طاقة, فوق كل هذا راح تفرق معه بنظام التوجه اللي شرحته قبل, بحيث انه بتترك له أثر خير, والعكس لو كانت الملاحظة فيها "نذالة", تعطية downvote وتاثر على توجهه وبالتالي الاحداث.

وطبعا من الاشياء اللي تستفيد فيها من اللاعبين الاخرين على سبيل التنبيهات , بقع دم مبعثرة تدل انه لاعب مر من هنا ودخل في معركة حامية الوطيس, ولو مات راح تشوف شبح الشخصية وهي تقوم بتمثيل الكيفية اللي مات فيها اللاعب .


التعاون:

هالمرة تفاعلك مع اللاعبين عبر الشبكة ماراح يقتصر على امور شكلية, هالمرة راح يكون فيه تفاعل مباشر بينك وبين اللاعبين. بحيث انك تقدر تطلب المساعدة من احد اللاعبين ينظم لك ويساعدك في قتل وحش مثلا , او اذا ماتت الشخصية تقدر تسترجع قوتك زي ماكانت بشرط انك تساعد احد اللاعبين في نفس المرحلة وتقتل الوحش, او تقدر انك تنظم لعالمه وطبعا من باب النذالة تقتلة ومباشرة ترجع لعالمك وتكمل. وهالشي له تاثير مباشر على توجهك في اللعبة.

وخلال تقدمك في احداث اللعبة راح تحصل على اداة تخليك تنظم الى اي لاعب "بالغصب" وبعدها انت وضميرك, تقدر تساعده وتقدر تهاجمه, طبعا ماراح تكون بهالبساطة, مثلا اللي لفله واطي ماراح احد يقدر يهجم عليه.

وايضا راح يكون لكل لاعب صفحة خاصة لو توهق بمنطقة معينة او عنده سؤال يطرحه واللاعبين راح يقدرون يجاوبونه او يعلقون على أي شي يكتبه.


=-=-=-=-=-=-=-=-=-=-=-=-=

.:: تصنيف الشخصيات ::.

Knight: فارس من جنوب Boletaria .. قوي و ثقيل
Priest: محارب كاهن .. و يتسخدم السحر
Thief: يعمل تحت غطاء الظلام .. طريقته هو التسلل وراء الاعداء
Magician: ملك السحر .. ضعيف في الهجوم و الدفاع و لكنه ماهر و قوي في إستخدام السحر
Temple Knight: محارب قوي .. يستعمل السحر في الدفاع عن نفسه
Soldier: ماهر في المعركة .. قادر على معالجة العديد من الاسلحة
Wanderer: ليس مدرع لكنه سريع جدا و موهوب بالاسلحة
Barbarian: انسان غير متحضر و لا يلبس اي شي من الدروع لكنه قوي جسديا
Royal: يستخدم السحر الهجومي بخواتم السحر
Hunter: متخصص في الاقواس و درعه خفيف

* جميع الإختيارات السابقة لك الحرية في إختيار أحدها و تحديد شخصيتك بأن تكون رجل أم إمرأة

http://i5.photobucket.com/albums/y178/mdonatelli/DS/CHAR.jpg

=-=-=-=-=-=-=-=-=-=-=-=-=

.:: صور للعبة ::.


http://i5.photobucket.com/albums/y178/mdonatelli/DS/SCREENS.jpg
http://www.gemaga.com/wp-content/plugins/wp-image-suck/images/fd14b50fcd8051972b6c48e331a25046/swahb5.jpg
http://www.gemaga.com/wp-content/plugins/wp-image-suck/images/fd14b50fcd8051972b6c48e331a25046/flc5d2.jpg
http://www.gemaga.com/wp-content/plugins/wp-image-suck/images/fd14b50fcd8051972b6c48e331a25046/xf7wbc.jpg
http://www.gemaga.com/wp-content/plugins/wp-image-suck/images/fd14b50fcd8051972b6c48e331a25046/op4dqw.jpg

=-=-=-=-=-=-=-=-=-=-=-=-=

.:: عروض للعبة ::.

http://i5.photobucket.com/albums/y178/mdonatelli/DS/YTVISC.jpg (http://www.youtube.com/watch?v=UyOcmMF1Smw)

UyOcmMF1Smw

http://i5.photobucket.com/albums/y178/mdonatelli/DS/GTCLARITY.jpg (http://www.gametrailers.com/video/clarity-trailer-demons-souls/44211)

44211

=-=-=-=-=-=-=-=-=-=-=-=-=

.:: تقييمات اللعبة ::.

تميزت اللعبة بالكثير من التقييمات الإيجابية في العديد من المواقع العالمية ، و المجلات الشهيرة و آخرها كان تقييم موقع GameSpot الذي أعطى اللعبة 9 نقاط من أصل 10

http://i5.photobucket.com/albums/y178/mdonatelli/DS/PRESS.jpg

=-=-=-=-=-=-=-=-=-=-=-=-=

http://www.haxnetwork.net/picture.php?albumid=10&pictureid=788

.:: قائمة التروفيز ::.


Strong Soul
تحصل عليها عند تجميع جميع التروفيز

The One to connect the world
تحصل عليها عندما تقود الوحوش الى عالمها الاصلي وتربط بين العالمين

Wise
تحصل عليه عندما تتمكن من ممارسه جميع انواع السحر

Saint
تحصل عليها عندما تجمع جميع المعجزات

Hidden One
تحصل عليها عندما تجد جميع الخواتم

Soldier
تحصل عليها عندما تحصل على جميع المعدات باللعبه

Incarnation of the King
تحصل عليها عندما تقتل الـشيطان Incarnation of the King

Storm King
تحصل عليها عندما تقتل الشيطان "Storm King"

Yellow-rob Elder
تحصل عليها عندما تقتل الشيطان "Yellow Robe Elder"

The Maiden Asutoraea
تحصل عليها عندما تقتل الشيطان "The Maiden Asutoraea"

God of the Dragon
تحصل عليها عندما تقتل الشيطان "God of the Dragon"

Old king
تحصل عليها عندما تحتل الملك القديم دوران

King`s Flying Dragon
تحصل عليها عندما تقتل الشيطان "King`s Flying Dragon"

The One to Master Hardness
تكتسبها عندما تحصل على سلاح الصخره القاسي

The One to Master Sharpness
تكتسبها عندما تحصل على سلاح الصخره الحاد

The One to understand the difference
تكتسبها عندما تحصل على سلاح المنجنيق الصخري

The One to Master Shock
تكتسبها عندما تحصل على سلاح صخرة النيبي

The One to Master Cutting Attack
تكتسبها عندما تحصل على افضل اسلحة القطع الصخريه

The One to Master the Viscous Bow
تكتسبها عندما تحصل على سلاح القوس والسهم

The One to Master Poison
تكتسبها عندما تحصل على سلاح الميركوري الصخري.

The One to Master Fire
. تكتسبها عندما تحصل على سلاح التنين الصخري

The One to Master Blood
تكتسبها عندما تحصل على سلاح امتصاص الدم

The One to Master Life
تكتسبها عندما تحصل على سلاح الميديول الذي يتحكم بالقوه

The One to Master the Moonlight
تكتسبها عندما تحصل على سلاح ضوء القمر الصخري

The One to Master Moon Shadow
تكتسبها عندما تحصل على سلاح ظل القمر الصخري.

The One to Master Blessing
تكتسبها عندما تحصل على سلاح الديم الصخري.

The One to Master Shade
تكتسبها عندما تحصل على الدرع الخفيف.

Phalanx
تحصل عليها عندما تقتل الشيطان "Phalanx"

Knight of the Tower
تحصل عليها عندما تقتل الشيطان "Knight of the Tower"

Battened Knight
تحصل عليها عندما تقتل الشيطان "Battened Knight"

The Judge
تحصل عليها عندما تقتل الشيطان "Judge"

Old Brave Warrior
تحصل عليها عندما تقتل الشيطان "Old Brave Warrior"

Idol of the Idiots
تحصل عليها عندما تقتل الشيطان "Idol of the Idiots"

Man Eater
تحصل عليها عندما تقتل الشيطان "Man Eater"

Hill Accumulator
تحصل عليها عندما تقتل الشيطان "Hill Accumulator"

Impure Giant
تحصل عليها عندما تقتل الشيطان "Impure Giant"

Takaashi Armored Spider
تحصل عليها عندما تقتل الشيطان "Takaashi Armored Spider"

The One Hidden in the Flames
تحصل عليها عندما تقتل الشيطان "The One Hidden in the Flames"

=-=-=-=-=-=-=-=-=-=-=-=-=


.:: الخاتمة ::.

أتمنى ان يكون هذا التقرير المتواضع و التي قمت تنسيقة من عدة تقارير من مواقع مختلفة قد أفادكم و أتمنى ان نتشارك كل المعلومات الخاصة باللعبة وطرق الحل و تطوير الأسلحة و إستراتيجة قتل الزعماء و ما إلى ذلك من أشياء تختص باللعبة في هذا الموضوع
لكم جزيل الشكر مني مقدما على مشاركاتكم و دمتم في أمان الله .

[Tetra]

هلا بالاخت لارا كيف حالك وكيف اجواء الدراسه ...... بالتوفيق ان شاء الله
نظام اللعبه لفت انتباهي اربيجي اكشن همممممم احب اربيجي ادا كان اكشن اما الاربيجي الحقيقي ماابغي العبه
تسلمين اختي عالموضوع ولكي مني تحية طيبة

[dely10]

مشكور على الموضوع الحلو والمرتب:)

شكلها لعبة حلوه الكل يمدحها لازم اجربها

[ShRsHr]

السلام عليكم
تسلم ايدك على تنسيق وتقرير الاكثر من رائع
وعندي سؤال للي جربو لعبه ماهو مستوى صعوبة لعب ؟

[Nez 17]

شكراً لارا .. ^_^

شكلها اللعبة حلوه راح افكر فيها بعدين ^^

[KasiH]

ماشاءالله لارا كتبت هذا كله اليوم ^^ جميل فكيت عني عناء الكتابة xD
ان شاء الله راح احط استراتيجيات وبعض الحلول على حسب تقدمي ونفيد الاخوان ونستفيد منهم ..

[jinabil]

مشاءاللة معلومات اول مرة اسمع عنها تعلمت من هدا الموضوع الكثير من الاشياء والتى زادت حماسى للعبة انتظرها متى تصدر عندنا بصراحة زهقت من كثر ما انتظرتها
"Each and every one who plays the game will have their own Demon's Souls story
هدى الجملة جميلة جدااااا وفكرة online عجبتنى جداااا
بس حاب اسل يلى لعب العبة هل قتال الزعماء مثل مونستر هانتر ونفس صعوبة الاعداء وايضا هل هذى التروفى لديها دليل على اليوتيوب او غيرة

Wise
تحصل عليه عندما تتمكن من ممارسه جميع انواع السحر

Saint
تحصل عليها عندما تجمع جميع المعجزات

Hidden One
تحصل عليها عندما تجد جميع الخواتم

Soldier
تحصل عليها عندما تحصل على جميع المعدات باللعبه
وسوال اخير باقى التروفى صعبة او تقدر تديرها
وشكراااا على المجهود

[Zatar]

وانا اقرا الموضوع بس انطر الساعه تصير 10 عسان اروح اشتري هالعبة
مع اني كنت ابيها ومتحمس لها
بس ممن موضوعك حمسني زياده
يعطيك العاافية على هالموضوع الجباار

[HasaWii]

يعطيك العافية على الموضوع الرائع وهاللعبة بالذات تحتاج موضوع رسمي لتبادل الخبرات بين اللاعبين
ووضع ملاحظاتهم واتراتيجياتهم على بعض المراحل . . وكله بسبب صعوبة اللعبةان شاء الله سووون اكون معاكم

[Croix]

تقرير رائع تحمست كثيرا للعبة ان شاء الله اليوم العصر اروح اشتريها

[Zatar]

اخذت العبة
والله روعه بمعنى الكلمه
اخييراا شفناا لعبة ار بي جي تفتح النفس
بس لي الحين ماجربت ال Co Op وعديت المرحله الاولى بعد طلعت الروح
والفايت وياا البووس كان حده عجيييب
والله بداية الفايت استسلمت
بس فكرت فيها اذا مت بعييييد كل شي
وقعدت احااول فيه لي ماذبحته
وقفت لعب
خلااص ماراح اكمل الا Co Op
شباب شلون طريقه ال Co Op ياليت احد يعلمناا فيها

[Xe'Ngura]

شكلها العبة حلوة خصوصاً انك تستطيع صنع شخصيتك ..

[الصهيبي]

مشكور على الموضوع الرائع جدا وان شاء الله نتبادل الخبرات لان هذه اللعبة تحتاج الى كل مساعدة ممكنة

ساقوم الان بشرح ما فهمته حتى الان عن نظام الco-op وكيفية عمله
الشروط:
اولا يجب ان يكون host او من يطلب المساعدة على هيئة human وليس soul
ثانيا يجب ان لا يكون الفرق اكثر من 10 لفل (بين اللاعبين الهوست او اللي يساعدوه)
ثالثا اظن انه اللي يساعدوه او ينضمو للهوست لازم يكونو souls

الان طريقة الاستدعاء للعب الco-op
اولا على اللاعب souls ان يضع رسالة باستخدام ايتم يدعى blue eye stones ستكتب رسالة باللون الازرق على الارض واي شخص على هيئة human بيضغط عليه انت بتنضم له
ثانيا لايمكن لل souls مساعدة human الا اذا كان قد قتل الرئيس التالي من قبل
مثال للتوضيح :
كاسح (human) الصهيبي (souls)
كاسح لم يقتل بعد الزعيم الاول وانا قتلته في هذه الحالة فقط استطيع الانضمام له ومساعدته في القضاء عليه وتنتهي مهمتي بالقضاء على الزعيم او بموتي ! اذا تم قتل الزعيم يتم التقييم المتبادل بين الاعضاء بحيث انا اقيم مستوى كاسح وكاسح يقيم مستواي طبعا كل ما ارتفع التقييم كل ما زاد souls اللي تكسبها غالبا اختر تقييم s علشان تساعد اي احد في الحصول على اكبر كمية souls

طبعا للاسف لا يوجد نظام انفايت في هذه اللعبة للاسف

لكن يمكن الاتفاق مع اي صديق اذا توافرت الشروط اعلاه من حيث اذا كان souls او لا وفرق اللفل واذا كان قد تغلب على الزعيم التالي بالنسبة لك او لا ووضع رسالة زرقاء في مكان متفق عليه ويذهب العضو الثاني ويضغط استدعاء من هناك (هذا الكلام على حسب احد المنتديات الاجنبية غير مجرب بعد ) ان شاء الله بجربه قريبا

اخر ملاحظة استغلو co-op قد ما تقدرو لانه يسهل اللعبة جدا
طبعا انا اعرف انه شرحي معقد شوي بس انا حاول اوضح اهم نقاط واتمنى انه ما يكون في اخطاء في شرحي

[HasaWii]

^^

بالعكس شرحك مفهوم جداً وواضح

يعطيك العافية . . اللعبة كل يوم تكبر في عيني

[Al-RaQmi]

ماشاء الله موضوع جميل ومختصر ورائع
يعطيك الف عافية ^^

باقي بس نشتريها ونشارككم النقاش ..

شكل اللعبة تعتمد بشكل كامل على الاونلاين والمساعدات !!

[Tockuchi]

شكرا على التقرير الاكثر من رائع:) اول ما قعدت من النوم قلت انشاء الله في موضوع رسمي عن اللعبة و الحمد الله فيه
عندي كم سؤال حاب اعرف اجابتهم
1-اذا بزيد لفلات لازم اخذ السول وارجع للنكسس؟
2-شلون بتخبى بالthief على الوحوش و لا ما يصير؟

[الصهيبي]

شكرا على التقرير الاكثر من رائع:) اول ما قعدت من النوم قلت انشاء الله في موضوع رسمي عن اللعبة و الحمد الله فيه
عندي كم سؤال حاب اعرف اجابتهم
1-اذا بزيد لفلات لازم اخذ السول وارجع للنكسس؟
2-شلون بتخبى بالthief على الوحوش و لا ما يصير؟

1- ايوة لازم تاخذ السول وترجع لنكسس وتزيد لفل عند الساحرة السوداء!(بس ما تتقدر تزيد لفلك الا لمن تفوز على الزعيم الاول )

2 - اذا قصدك thief ring اللي تعمله equip كخاتم عندك هذا ما يخليك تختبئ بس بدل م العدو كان يشوفك من 4 متر الحين ما بينتبه لوجودك الا من 1 متر (مثلا)

[ShinGundam]

ماشاء الله موضوع جميل ومختصر ورائع
يعطيك الف عافية ^^

باقي بس نشتريها ونشارككم النقاش ..

شكل اللعبة تعتمد بشكل كامل على الاونلاين والمساعدات !!
لا اللعبة Single player لكنها وظفت الأونلاين بشكل يخدم هذا الطور :D
يعني إنت يكون عندك Item هذي تمكنك من إستدعاء صديق أو غزو عالم
لاعب آخر هذي أحدى الأفكار يعني هم مستخدمين الأونلاين بأسلوب أربيجي
أكثر منه طور إضافي

[Tockuchi]

1- ايوة لازم تاخذ السول وترجع لنكسس وتزيد لفل عند الساحرة السوداء!(بس ما تتقدر تزيد لفلك الا لمن تفوز على الزعيم الاول )

2 - اذا قصدك thief ring اللي تعمله equip كخاتم عندك هذا ما يخليك تختبئ بس بدل م العدو كان يشوفك من 4 متر الحين ما بينتبه لوجودك الا من 1 متر (مثلا)
مشكور ع الاجابة السريعة بالنسبة للسؤال الثاني قصدي عن job:thief هل هاذي ميزته ام ماذا؟
وعندي توضيح لحد يطق الي بالنكسس يعني مثل اذا مثلا طقيت الي يبيع اسلحة و ملابس طقة او طقتين بس مشي حالة بس اطلع من النكسس و ادخل مرة ثانية يرد طبيعي اما اذا طقيته وايد او ذبحته ماراح يطلع مرة ثانية و الي يبي يذبحهم (ما انصح)البياع يعطيك سلاح اسمه God Hand و الي يمه يعطيك ايتيم بعدين راح تاخذه اسمه Ring Of Heruculean Strength هذيل الي ذبحتم (طبعا اب تسجيل ثاني للتجربة)
اسف على الاطالة

[Yamato]

اللعبة ممتعة.. بس حاس اني شوي غبي فيها..
يعني انا قتلت الزعيم فلانكس وما رجعت للنوكس وكملت جدام.. الاعداء كانوا اقوياء ولما بغيت ارجع من الدرب اللي جيت منه التنين حرقني ورجعت سول :(

بعدين كيف كذا يا ناس.. الحين اول ما بديت اللعبة كنت في مرحلة التدريب.. مشيت ومشيت ووصلت لمكان ولمست السيف ورحت على منطقة ثانية.. كملت شوي فيها طلعلي وحش عملاق ماسك ساطور ولا فاس.. ييت ادافع بالدرع ماكو فايدة.. شقني نصين وذبحني :(

المشكلة اني مب عارف الحين كيف ارفع لفل لاعبي ولا انه وين مسار اللعبة بالضبط.. هل هو عشوائي؟!!

سؤال اخير.. الحين انا قاعد العب اونلاين كل هالوقت.. والاشباح اللي جدامي هم ناس ثانيين (&)


انا قاعد العب بتمبل نايت.. انتم شو شخصياتكم؟!
في تطوير لهم يعني مهن ثانية مطورة عنها على جدام!؟

[Tockuchi]

1- ايوة لازم تاخذ السول وترجع لنكسس وتزيد لفل عند الساحرة السوداء!(بس ما تتقدر تزيد لفلك الا لمن تفوز على الزعيم الاول )

2 - اذا قصدك thief ring اللي تعمله equip كخاتم عندك هذا ما يخليك تختبئ بس بدل م العدو كان يشوفك من 4 متر الحين ما بينتبه لوجودك الا من 1 متر (مثلا)
مشكور ع الاجابة السريعة بالنسبة للسؤال الثاني قصدي عن job:thief هل هاذي ميزته ام ماذا؟
وعندي توضيح لحد يطق الي بالنكسس يعني مثل اذا مثلا طقيت الي يبيع اسلحة و ملابس طقة او طقتين بس اطلع من النكسس و ادخل مرة ثانية و الي يبي يذبحهم (ما انصح)البياع يعطيك سلاح اسمه God Hand و الي يمه يعطيك ايتيم بعدين راح تاخذه هذيل الي ذبحتم (طبعا اب تسجيل ثاني للتجربة)
اسف على الاطالة

[Zatar]

العبة صعبة شوي
كان عندي 1300 سولز ضاعو الحين كلهم x.x

[الصهيبي]

Tockuchi
الشخصية thief انا قريت في الguide اذا كان لفلك مرتفع وكنت حاطط الخاتم thief مع انه كمان شخصيتك thief ويكون ماسك السيفين صغيرين باليدين تقدر تباغت العدو من الخلف وتقتله بدون ما يحس عليك هذا اللي فهمته من اللي قريته

yamato
كلنا كذا كنا مش فاهمين مع الوقت بتستوعب
اولا الوحش الضخم اللي في البداية يقتلك هذا من ضمن القصة ثانيا بعد ما قتلت الوحش الاول كان لازم ترجع لنكسس وتكلم الساحرة السودة بتطلب منك تروح تكلم شخص في الدور الثاني وترجعلها وهي بتزيد لفلك على حسب كم souls معك
انتبه لو مت كل souls يروحوا عليك
يعني افضل شي تجمع كل شوي وترجع لنكسس تزيد اللفل وهكذا الا ان تحس انك قوي كفاية للاستمرار ترى زيادة اللفل في هذه اللعبة شي اساسي علشان تستمر في اللعبة
واي استفسارات ما تفهمها في اللعبة حطها هنا في الموضوع وان شاء الله بنساعدك

[Tockuchi]

^^^^
لول حتى انا كملت بعد الرئيس كان عندي تقريبا 4500 سول و راحو :(
انا شخصيتي thief لفلي 10 باريت الرئيس الثاني بس ذبحني بس خذيت فكرة عنه

[Yamato]

عيل ارد اجمع 3000 سولز اللي راحوا علي :(

[الصهيبي]

العبة صعبة شوي
كان عندي 1300 سولز ضاعو الحين كلهم x.x

انا كان عندي 4400 سولز ضاعو بغلطة بسيطة قهرت عليهم ههههه

انا الان لفلي 25 وقضيت على الزعيم الثاني (يعني ثاني تروفي )
باحاول ازيد كم شغلة في اللفلات قبل ما اكمل لانه عندي درع قوي ابغى استعمله بس يحتاج str مرتفع :33:

[Tockuchi]

عندي سؤال كمان ليش ما اقدر البس اللباس الي خذيته الي قبل الرئيس الاول بشوي؟
اسف لكثر الاسئلة

[Tockuchi]

عيل ارد اجمع 3000 سولز اللي راحوا علي :(
تقدر تروح للمكان الي مت فيه و تلقى شيء اخضر روحله اضغط و راح يرجع السول

[الصهيبي]

يمكن وزنه ثقيل لكل شخصية تقدر تشيل وزن معين في كل لبس او سلاح تشوف في خصائصه رقم في اقصى اليمين يكون مثل كذا 3.0 او 8.0 او 0.1 الخ فكل هذي الاسلحة لها اوزان علشان تقدر تشيل وزن اكبر للاسلحة والملابس لازم ترفع ال Dexeterity

[Yamato]

تقدر تروح للمكان الي مت فيه و تلقى شيء اخضر روحله اضغط و راح يرجع السول
حتى لو ارجع لنفس المكان الحينه وانا مطفي الجهاز.. يعني بيتم مكانه على طول ولا خلال الفترة اللي العبها متواصل بس؟!

[Tockuchi]

^^^
انا لابس لبس وزنه 9.6 و اهو 3.5 يعني في سبب ثاني انا شاك انه الthief ما يلبسه و اذا جذي شلون بعرف الي اقدر البسه او الي ما اقدر؟
وكمان كيف استخدم البولتز؟ اهو للكروسبو و انا عندي كروسبو و لابس البولتز Bolts

[Tockuchi]

حتى لو ارجع لنفس المكان الحينه وانا مطفي الجهاز.. يعني بيتم مكانه على طول ولا خلال الفترة اللي العبها متواصل بس؟!
اذا كانت ذيك اخر موته متها اعتقد تقدر

[الصهيبي]

^^^
انا لابس لبس وزنه 9.6 و اهو 3.5 يعني في سبب ثاني انا شاك انه الthief ما يلبسه و اذا جذي شلون بعرف الي اقدر البسه او الي ما اقدر؟
وكمان كيف استخدم البولتز؟ اهو للكروسبو و انا عندي كروسبو و لابس البولتز Bolts

عطني اسم اللبس اللي ماقدرت تلبسه وانا اقولك ليش ما لبسته

البولز تستخد تلقائيا مع الكروس بو (ما انصحك فيه سلاح غبي !)

[Tockuchi]

^^^^
اسمه Old Ragged Robes
طبعا نفس الشيء الجلوفز و التكرم الجوتي
Old Ragged Gloves
Old Ragged Boots

[الصهيبي]

^^^ هذي للشخصية الانثى بس يعني ارميها في المخزن ههههه في خمس انواع ملابس ماتلبسها الا البنات وهي:
Dull Gold armor set
Binded Armor set
Old ragged Armor set
Rogue's Armor set
Silver Bracelets

[Tockuchi]

لول حقارة منهم معطيني اياه

[king zms]

موضوع رائع اليوم ان شاء الله أخذ اللعبة بعد ما أرجع من الدوام يعطيكم العافيه جميعاً

[jinabil]

مشاءاللة معلومات اول مرة اسمع عنها تعلمت من هدا الموضوع الكثير من الاشياء والتى زادت حماسى للعبة انتظرها متى تصدر عندنا بصراحة زهقت من كثر ما انتظرتها
"Each and every one who plays the game will have their own Demon's Souls story
هدى الجملة جميلة جدااااا وفكرة online عجبتنى جداااا
بس حاب اسل يلى لعب العبة هل قتال الزعماء مثل مونستر هانتر ونفس صعوبة الاعداء وايضا هل هذى التروفى لديها دليل على اليوتيوب او غيرة

Wise
تحصل عليه عندما تتمكن من ممارسه جميع انواع السحر

Saint
تحصل عليها عندما تجمع جميع المعجزات

Hidden One
تحصل عليها عندما تجد جميع الخواتم

Soldier
تحصل عليها عندما تحصل على جميع المعدات باللعبه
وسوال اخير باقى التروفى صعبة او تقدر تديرها
وشكراااا على المجهود
اتمنى حد يرد على

[Tockuchi]

الصهيبي
لما اكلم المرأة ام لبس اسود لازم ازيد اشيائي عشان ازيد لفلات؟
و هل يباع الGuide بروحه وله لحد الحين؟
لول انت صرت الguide مالي

[tsubasa010]

اللي جرب اللعبه اشرايكم فيها ؟ أنا سمعت انها صعبه وايد

[Tockuchi]

^^^^
ممتازة جدا بالنسبة للصعوبة هي صعبة لاكن راح تتعود على صعوبتها لمن تلعب فيها وايد

[الصهيبي]

^^^
اولا guide ما ينباع لوحده
ثانيا لا تهم اي سؤال عندك اسأل انا ما اجيب شي من عندي الا اقرء guide واجاوب عليك لو ما حصلتني هنا تحصلني في psn
ثالثا كل زيادة عند الساحرة السوداء تحتسب بلفل يعني لو زيدت str من 11 الى 12 هذا يزيدك لفل واحد يعني ممكن تكون لفل 30 او اربعين بس في اشياء ضعيف فيها يعني شكل شخصيتك على ما تحب مثلا انا ما بازيد الماجيك وباركز على قوة الضرب و hp وهكذا

[jinabil]

اوكى شكرااا لك بس الزعماء هل هم بنفس صعوبة مونستر هانتر

[الصهيبي]

اتمنى حد يرد على

انا مالعبت مونستر هانتر علشان اجاوب عليك لكن هذي اللعبة تستحق الشراء رغم صعوبتها وانصحك اذا بتاخذ اللعبة انك تكون تبحث عن المتعة اكثر من التروفي لانهم مقارنة باي لعبة اكشن او مغامرات يعتبروا صعبين ويحتاجوا الى الكثير من الوقت للحصول عليهم وقتال الزعماء هنا مميز ولازملهم تكتيك معين علشان نفوز عليهم شي ممتع الصراحة

[Zatar]

شلون برفع الفل
كلمت المرا العميه
ورحت فووق حييل لقيت بواابه ماقدر ادخلها

[الصهيبي]

شلون برفع الفل
كلمت المرا العميه
ورحت فووق حييل لقيت بواابه ماقدر ادخلها

لا تروح مرة فوق روح للطابق الثاني بس وروح يسار بتحصل ناس مثل التماثيل جالسين على الجدار كلم الطفل اللي لابس ابيض وقدامه شمعة مضاءة وبعدين ارجع كلم المرا العمية علشان تزيد اللفل

(انا باروح العب الان اي استفسارات ان شاء الله بقية الاخوة يجاوبو عليها او انا بارجع ادخل الموضوع بالليل واشوف ايش اقدر اجاوب :09:)

[king zms]

أخذتها ومن حظي أنها أخر نسخة في المحل

رايح ألعبها بعد مباراة البحرين

[Tockuchi]

^^^
اولا guide ما ينباع لوحده
ثانيا لا تهم اي سؤال عندك اسأل انا ما اجيب شي من عندي الا اقرء guide واجاوب عليك لو ما حصلتني هنا تحصلني في psn
ثالثا كل زيادة عند الساحرة السوداء تحتسب بلفل يعني لو زيدت str من 11 الى 12 هذا يزيدك لفل واحد يعني ممكن تكون لفل 30 او اربعين بس في اشياء ضعيف فيها يعني شكل شخصيتك على ما تحب مثلا انا ما بازيد الماجيك وباركز على قوة الضرب و hp وهكذا
يعطيك العافية الصهيبي
صورة شخصيتي شغل عدل شعر أحمر:D

[KasiH]

هع صهيبي ها قتلته الـ Tower Knight ؟؟

انا قتلت 3 ديمونز الى الحين بالاضافة للـ Red Dragon ^^
راح اكتب رد فيه توضيح للمراحل واستراتيجيات ان شاءالله اول مافضى ^^

[الصهيبي]

ايوة قتلته طيب ايش رايك تساعدني في اللي بعده دام انك قتلته ؟

[KasiH]

^
قتلت السبايدر ؟ .. انا قاعد العب اقتل ديمون في المرحلة من كل منطقة ..
للحين قتلت حق :
1-1 و 2-1
وقتلت حق 2-1
باقي بقتل حق 1-3
1-4
1-5
الافضل تمشي بهذا الترتيب لانه قوتهم ضعيفة مهي قوية كل ماتقدم في المنطقة كل ماتزيد الصعوبة ..

انت عند اي واحد تبغاني اساعدك ؟

[king zms]

شباب كيف ارفع الليفل؟

[KasiH]

شباب كيف ارفع الليفل؟


الليفيل هو السول ليفيل ..
كل ماتجمع سولز روح ارجع النيكسوس وكلم البنت اللي لابسه اسود " العمياء"
واختار ايش تبغى ترفع من مستويات لك مثلا القوة او الدفاع هيا مسمياتها ثانية ..
بس كل شيء ترفعه يرتفع لك السول ليفيل .

[الصهيبي]

لسة دخلت 2-1 كل شوي اموت مع انه لفلي 27
u know what
igive up from this game
i play to enjoy not to kill my self
اي واحد من العين وحابب يشتري مني اللعبة مع guide يراسلني على الخاص
iam done here!

[KasiH]

لسة دخلت 2-1 كل شوي اموت مع انه لفلي 27
u know what
igive up from this game
i play to enjoy not to kill my self
اي واحد من العين وحابب يشتري مني اللعبة مع guide يراسلني على الخاص
iam done here!
من جد @_@ لين 1-2 سهلة جدا اللي فيها العمال يشتغلوا ؟؟ والله جدا سهلة
والزعيم حقها سهل .. بس انت نصيحة استخدم الاسهم تراها تفرق حتى مع اقوى الوحوش
امثال الـ Red Eye Knight و الـ Red Eye Skeleton ^^
لاتستلم بسرعة ماتوقعتك كذه :(

مستغرب كيف تموت وامنطقة سهلة .. انت ايش نوعية لاعبك ؟
حاول تطور الاسلحة وتغير دايما ترى كل منطقة وكل وحش له سلاح معين مفيده .. وكمان
الدروع تفرق .

لو بتبيع من جد ابغى guide لول ، ارسلي ياه xD
بس نصيحة لاتبيعها تراها ممتعة لاقصى الحدود ماتوقعتها بالروعة هذه

[Diego Armando]

تنصحوني باللعبة كلاعب يبي يدخل عالم الآر بي جي ؟

لي تجربة سابقة للآر بي جي وأعمق تجربة كانت للعبة قديمة إسمها Skies of Arcadia

عطوني عوامل أو أشياء تخليني أستمتع باللعبة وما أكون ندمان على شرائها

مع العلم إني أحب التحدي ^^

[The Black Ninja]

السلام عليكم
انا ختمت اللعبة من شهرين تقريبا عندي النسخة الاسيوية و الليفل مالي حليا 130 و الي يبغي مساعدة يطرشلي مسج بس ان شاء الله تقدرون تسون لي سمون لان في اختلاف في الريجن لاني حاولت قبل مع ربيعي هو عنده نسخة يابانية و ما قدرنا نساعد بعض المهم بنجرب الايدي مالي موجود في التوقيع تحت و انا حاضر للمساعدة

[الصهيبي]

^^ ادري روعة بس انا كمان مستغرب لو حاصرني ثلاث كلاب اموت على طول ونفس الشي العمال لو حاصروني ضربتين وباي باي وانا استخدم الاسهم وماخذ درع جديد المرة الوحيدة اللي هربت منهم وصلت الى
الجسر وسقط ورجعت لنفس المكان ليش وين لازم اروح؟
انا باحاول فيها اليوم واول ما يوصلني مشتري بابيعها .

[KasiH]

^^ ادري روعة بس انا كمان مستغرب لو حاصرني ثلاث كلاب اموت على طول ونفس الشي العمال لو حاصروني ضربتين وباي باي وانا استخدم الاسهم وماخذ درع جديد المرة الوحيدة اللي هربت منهم وصلت الى
الجسر وسقط ورجعت لنفس المكان ليش وين لازم اروح؟
انا باحاول فيها اليوم واول ما يوصلني مشتري بابيعها .


لا عاد انت فيك مشكلة اكيد انت ماتصد ?? يعني الكلاب والعمال ضعاف جدا !!
العمال لاتضربهم اضرب اللي ماسكين فؤوس ! في منطقة تلاقي فيها ننااار كثيرة ماتقدر تدخل
لازم تروح من طريق ثاني وتفتح الموية وتخليها تطفي النار وبعدين ترجع وتطول ..

طيب ارجع ارفع الليفيل ياخي وطور الدفاع والطاقة والقوة ..
صراحة حرام تنباع هذه .

[الصهيبي]

باأحاول وباشوف وش يصير!

[jinabil]

وااااو العبة لهدى الدرجة صعبة حمستونى زياااااااااااادددة

[الصهيبي]

يا كاسح اكتبلي stat حق شخصيتك بالضبط ابغي اعرف انا ايش اللي عندي ضعيف!وازيده

[KasiH]

^
اوكي ان شاءالله .. انا مو مشغل السوني الحين بس اول مالعب راح احط بياناتي يمكن تفيدك ..

[الصهيبي]

انا بحط stat لشخصيتي وشوفو ايش ضعيف ويحتاج تقوية
:
vitality 16
int 8
Endurance 17
strength 22
Dex 13
magic 10
faith 13
luck 7
soul level 27
انا احس المشكلة بالسلاح اللي استخدمه رغم انه قوي الا انه طويل ويتعبني في الاماكن الضيقة في سيف قوي اقدر اشتريه من البداية؟
انا السلاح اللي استخدمه اسمه halberd +3
والدرع purple flame shield (ما زيدت ال str الى 22 الى علشان اقدر استخدمه !)

[KasiH]

^
تقريبا مثلي بس تحتاج تزود الـ Dex والـ Luck
انا سلاحي Bastard Sword +2 ثقيل وطويل و3 ضربات وخلص الستامينا
والدرع purple flame shield

واستخدم الققوس كسلاح ثاني واستراتيجيتي اني اضعف الوحوش من بعيد وانهيهم بالسيف !

[Sparta Ghost]

حظكم شباب والله تلعبون هاللعبه .. انا اللعبه قدامي ولا اقدر اشغلها .
الدراسه و الامتحانات عذاب .

[Lara Croft]

السلام عليكم جميعا ..

فالبداية احب اشكر الجميع على ارائكم الطيبة فالموضوع ، والذي جمعته بعجاله لأنني كنت متحمس للعبة وكانت لدي الكثير من الاسئلة بخصوص اللعبة فوضعت الموضوع لكي يكون المكان المناسب للنقاش و أحمد الله أنه نال على رضاكم.

أخي Tetra شكرا لمرورك ، بالنسبة للدراسة .. فأنا فترة نقاهه الآن و إن شاء الله أنظم للجامعة عما قريب ، و عن اللعبة فأنا ايضا افضل نظام الاكشن RPG أما الكلاسيك فلا أطيقه البته .. و هذه اللعبة اثبت تفوق اسلوبها المبتكر بإمتياز .

العفو اخوي dely10 ، و آنصحك بتجربتها و لا تنسى بأن تشاركنا بإنطباعاتك عن اللعبة هنا ^_^

العفو اخي ShRsHr ، و عن صعوبة اللعبة فبصراحة اجل تعبير سمعته عنها هو "صعوبة ممتعة" حيث ان صعوبة اللعبة تشدك للمحاولة و التكرار و ليست من الالعاب التي تجعلك تنفر منها من شدة صعوبتها ، ولكن الصعوبة هذه تتلاشى مع تعودك للعبة و خصوصا إذا اتقنت إستخدام طور اللعب الجماعي فالشبكة

عفوا nez 17 و اشكرك على المرور الطيب ، و انصحك باللعبة خصوصا إذا كنت تحب نوع الاكشن RPG

مشكور اخوي KasiH على مرورك و في انتظار استراتجياتك على احر من الجمر

شكرا اخوي jinabil على مرورك و عن الجملة ، فنفس الشيء .. انا شدتي كثير و عن الحلول في اليوتيوب للتروفيز ، ما دورت بس بشوفلك إن شاء الله ..

مشكور اخوي Zatar على ردك و اللعبة تستاهل الحماس ، ها جربتها و لا بعدك؟

حياك اخوي HasaWii و لسوء الحظ انشغلت شوي مع الاهل من يوم ماجبت اللعبة ما جربتها الا اقل من ساعة بس قريب بدخل الجو و في انتظارك ^_^

اشكرك اخوي يوغي00 على المرور ، و ها بشرنا شو رايك باللعبة ؟


-----

شكرا لكل من شكرني على الموضوع و لأنه الموضوع شامل المناقشات و غيرها فأكتفيت بالرد للأخوان إلي في اول صفحة و للكل جزيل الشكر على المشاركة و إن شاء الله بشارككم في الردود و الاستراتجيات و المساعدات من بكرة ... تصبحون على خير و دمتم في أمان الله

[الصهيبي]

^_^
فزت على العنكبوت بدون ما استخدم ايتم واحد رفعت اللفل 28 زيدت Dex واحد يعني الى 14

والله هذي اللعبة بتجنني بقد ما هي صعبة بقدر ما تحس بفرحة كبيرة عند الانتصار على احد الزعماء ثانكس كاسح

[FFX13]

اول شي جزيل الشكر لصاحب او لصاحبة الموضوع Lara craft
ولجميع الاعضاء وانشالله نشوفكم ونلعب معاكم :أفكر:

[Falling Angel]

مرحبا شباب وصبايا,,
كيف حالكم؟
شكرا لارا على الموضوع
لأني كنت أنتظر هالموضوع من قبل نزول اللعبة
أنا أشتريت اللعبة اليوم الصباح (السبت)
وإلى الأن العبها ,, أدمان غير طبيعي
طبعا أكيد مو طول الوقت
عندي شخصيتين فتاة و ولد
الفتاه theif ,,
والولد ساحر,,
وصلت للتنين بس دائما أموت عنده,,
في المرحلة الأولى

أنا قلت لـ 4 من أصحابي عن اللعبة اليوم
وكلهم عجبتهم اللعبة وقرروا يشتروها
لكن المشكلة في الأونلاين
:/
كيف أعرف أنا human or soul
يعني هل في علامة تظهر هالشيء
أني مازلت هيومان؟

حتى استطيع أشاركهم اللعبة؟
اتمنى الإجابة
شكرا للكل

[KasiH]

فزت على العنكبوت بدون ما استخدم ايتم واحد رفعت اللفل 28 زيدت Dex واحد يعني الى 14

والله هذي اللعبة بتجنني بقد ما هي صعبة بقدر ما تحس بفرحة كبيرة عند الانتصار على احد الزعماء ثانكس كاسح

السبايدر انا فزت عليه بالاسهم بس ^^ سهل مو صعب ..
والله كلامك صح لما تفوز على الديمون تحس بطعم النصر وانك من جد تعبت عشان تفوز عليه ..
اللعبة رائعة بمعنى الكلمة .!

[FFX13]

انتلفت اعصابي :blackeye: بس والله حلوه :أفكر: مادري هل انا غير عنكم وhلحين Soul level 6 بس جذي ولا لانه كل 5 دقايق اموت مثلن واكفخ يمين يسار عشان الSouls:( مع اني ذبحت الDemon الاسود اللي كأنه عنكبوت وبالنص ابيض,, مادري

والحين اللي حارق دمي,, اللTower Knight

[Tockuchi]

^^^^
اول شيء اصعد فوق ذبح الاسهم بعدين انزله و طقه على رجله بعدين وخر على طول لانه راح يطقك و هكذا ليمن يطيح بعدين طقه على راسه

[FFX13]

^^ مشكور بس خلصته *yay* ا

[Lara Croft]

مرحبا شباب وصبايا,,
كيف حالكم؟
شكرا لارا على الموضوع
لأني كنت أنتظر هالموضوع من قبل نزول اللعبة
أنا أشتريت اللعبة اليوم الصباح (السبت)
وإلى الأن العبها ,, أدمان غير طبيعي
طبعا أكيد مو طول الوقت
عندي شخصيتين فتاة و ولد
الفتاه theif ,,
والولد ساحر,,
وصلت للتنين بس دائما أموت عنده,,
في المرحلة الأولى

أنا قلت لـ 4 من أصحابي عن اللعبة اليوم
وكلهم عجبتهم اللعبة وقرروا يشتروها
لكن المشكلة في الأونلاين
:/
كيف أعرف أنا human or soul
يعني هل في علامة تظهر هالشيء
أني مازلت هيومان؟

حتى استطيع أشاركهم اللعبة؟
اتمنى الإجابة
شكرا للكل

عفوا اخوي Falling Angel و الحمدلله أنه اللعبه اعجبتك ..

بالنسبة لسؤالك بحاول اجاوب على حسب ما فهمت لأني لين الحين ما لحقت اكمل المرحلة الاولى للاسف لاني كنت شوي مشغول بس بحاول العبها بعد الدوام إن شاء الله . يوم تكون Soul تكون طاقتك للنص و يكون حولك مثل الهالة الخفيفة بلون أخضر تقريبا و غير ذلك فأنت تكون بطور الـHuman , و اتنمى من الاخوان التصحيح ان كان في شيء خطأ ..

للأخوة كاسح و الصهيبي و للمتقدمين فاللعبة , شو نصيحتكم , بأي Class أبدأ ؟ ابغي شي خفيف و يستعمل سحر بس بعد ضرباته قوية ؟ و سمعت انه اقدر اغير الكلاس فاللعبة فهل هذا صحيح ؟

و بالنسبة للمراحل بعدني في اول مرحلة و بغيت اعرف هل هذي تعتبر مرحلة حقيقية و لا بس عشان تفهم اللعبة .. لأنه على ما فهمت من كلامكم انه بعد هذي المرحلة أقدر ابدأ اطور الليفل و غيره ؟ و بعد متى برجع للـ Human و لا أنا Human بالأساس الحين ؟ أذكر بعدني فالمرحلة الاولى بس ياينكم قريب ان شاء الله :12:

و سؤالي الاخير هو , هل اقدر استعمل الحفظ الخاص فيني للعبة في اكثر من جهاز بلايستيشن ؟ لأني احيانا ما اكون فالبيت و ابغي العب في بيت عمي فهل ينفع ؟

و دمتم في امان الله :)

[saifbin]

السلام عليكم

لو سمحتو شباب

انا خلصت اول مرحلة من الجزئ الاول وبعدين رحت المرحلة الاولى من الجزء ثاني عند العنكبوت يعني
بس ما حلصت سلاح اسهم لين الحين

ممكن حد يخبرني وين الاقي سلاح اسهم

[Zatar]

شباب شلون اعرف الفل؟
والفارس الناايت يقدر يستخدم اسهم
وفي اسلحه اركبهم يكون الدمج مالهم ضعيف 16 الدمج شالحل؟

[FFX13]

اللفل طق ستارت وروح على الStatus تلقى تحت عاليسار Soul level ز

[FFX13]

السلام عليكم

لو سمحتو شباب

انا خلصت اول مرحلة من الجزئ الاول وبعدين رحت المرحلة الاولى من الجزء ثاني عند العنكبوت يعني
بس ما حلصت سلاح اسهم لين الحين

ممكن حد يخبرني وين الاقي سلاح اسهم

والله ياخوي علمي علمك,, مع انه عندي السهم (حصلته صدفه )و انا Wandrer ومكتوبلي انه ما يصير استخدمه حاليا بسبب اللفل انا لفلي 6
واما عن اخوي صاحب الموضوع,, على حسب فهمي كلامك صح :أفكر:

[Tockuchi]

Lara Croft
بالنسبة للسؤال الاخير ما اعتقد تقدر بسبة التروفيز

[الصهيبي]

الشباب اللي يسألو عن السهم تجده في الجزء الثاني من المرحلة الاولى عند قمة البرج الثاني خذه وارجع الى نيكسس واشتري اسهم وارجع الى قمة البرج الاول واقتل التنين الاحمر من هناك (لازم تشتري عدد كبير من الاسهم يكفي لقتله على دفعة وحدة) واي شخصية تستطيع حمل الاسهم

[FFX13]

بغيت اسألك اخوي انته اللفل اللي عندك جم ؟؟

[الصهيبي]

FFX13
نصيحة انت محتاج تزيد اللفل كثير علشان تستطيع الاستمرار لانك جاي على زعماء لازم تكون على الاقل لفل 19 واللي بعده 30 يعني اهتم بزايدة اللفلات مو مهم تكمل القصة بسرعة خذ وقتك في رفع اللفلات جمع شوية سولز من المرحلة الاولى وارجع قبل لا تموت وزيد اللفل وهكذا الا ان تحس انك صرت تستطيع الاكمال بسهولة

[الصهيبي]

انا لفل 28 حاليا وما قتلت الا ثلاث زعماء بس....

[FFX13]

انشالله ! بس والله انا مادري يعني كل شوي اخسر,, واللفل من فتره ما زاد.. ماني عارف شلون ازيده, انشالله بسوي طريقتك وبرجع العب الجزء الاول من المرحله الاولى,, ومشالله عليك! ,

[KasiH]

اليوم ان شاءالله راح اباري بقية زعماء المراحل الاولى من الخمس المناطق ^^
امس مالعبت شيء <.< وخايف لما اخذ انشارتد اليوم راح اعطي ديمونز سولز راحة xD

[الصهيبي]

^^ كاسح تعرف انه واحد من زعماء المناطق الاولى لازم يكون لفلك90 علشان توقف بوجهه؟ والا اقولك روح جرب نفسي تتعذب وهو يقتلك بضربة وحده ههههههههههه
اقول بطل اعذارك اي زعيم تفوز عليه بعد العنكبوت تساعدني فيه ضروري (صحيح بعد العنكبوت وين اروح اكمل 2-2) والا 3-1؟

[KasiH]

^
ههههههههههه لا انا زي ماقلتلك راح الحين اكمل 1-4 وبعدها 1-3 و 1-5

حبدا عند 1-4 عشاني وصلت لين باب الديمون واصابني الخوف والذعر ورجعت عشان استخدم السولز xD
ويمكن اجلس ارفع الليفيل شوية كمان ..

ترى كل منطقة لها ابواب سرية ومناطق سرية يعني دائما لما تخلص مرحلة ارجعلها واقعد فصفصها
انت تعرف انه في جدران لما تضربها تنفتح وتصير اماكن سرية انا اكتشتف بعضها في 1-4

[Zatar]

العبة حيل صعبة
دشيت على سيد تاور نايت ولفلي 10 مرتين
طشر لي تضارريس ويهه شخصيتي
شباب ياليت كل واحد يكتب نصايح
جم ندخل على الزعمااء
مثلا تاور نايت جم الفل لي لازم نفوز عليه

[Tockuchi]

^^^^
انا فزت عليه و لفلي كان 14 هو طق رجله و وخر ليما يطيح بعدين طقه على راسه طبعا اول شيء روح فوق طق الاسهم بعدين روحله
ياحظكم تلعبونها الله ياخذ المدرسة:(

[الصهيبي]

الرئيس اللي في tower افضل حل علشان ما تتعب نفسك يا تستخدم الاسهم من فوق اللقلعة وتقضي عليه(لازم عدد كبير من الاسهم ) ثانيا يمكن استخدام الماجيك اذا كنت تعلمت احدها وبرضه بنفس الطريقة وتخلص القتال وهو لسة ما لمسك !
اول شي يا اخوي شد حيلك وزيد اللفل هذي اللعبة اساسها زيادة اللفل يعني لازم ما تمل من تجميع السولز:D

[KasiH]

بالعكس ديمون التاور سهل بس لازم تكون واقف ورى رجوله عشان مايشوفك ..
اضربه رجوله من تحت واستخدم الـ Target بالضغظ على R3 ولما يطيح اضربه براسه وراح يخسر كثير ..
ماطول معايا ^^

[Tockuchi]

يوم الخميس راح اصور فيديو باذن الله اوريكم كيف تقتلون الوحش بوعين زرقة بكل سلاسة و سهولة طبعا المكان راح يكون بعد التوير نايت (احسن مكان حق تزييد اللفلات اب وحشين عيونهم زرق تاخذ تقريبا 840 سول)

[The Black Ninja]

كيف الحال شباب انا خاتم اللعبة مرتين من زمان و الليفل مالي131 و الي محتاج اي مساعدة ما عليه الا انه يطلب و انا حاضر و في الشوفة
ســــــــــــــــــــــــــــــــــــــــــــــــــــــــــــلام

[Tockuchi]

^^^^^
هو اصلا يصير نلعب و انا نسختي انجليزية و انت اسيوية؟

[The Black Ninja]

اعتقد يستوي بس لين الحين ما جربت ويا اي واحد و انا انطر اي واحد من الشباب عشان اجرب وياه

[Xe'Ngura]

العبة صعبة كثير وتحتاج وقت كثير !! ,, والبوسات كثير في العبة

في حد عنده فكرة عن كيفية هزمة ال Armored Spider

[Zatar]

شباااب البوس 1-2
تاور نايت طلع لي قرون
ياليت احد يسااعدني فيه بال Co Op :cray::cray::cray::cray:

[Yamato]

الشيبة اللي يصلح لي الاسلحة في نوكسيس وهقني..

الحين انا ضربته كم ضربة بالبداية.. بس استهبال..

الحين مب طايع يسويلي شي.. كله يلاحقني ويبا يضربني..

كيف ارجعه نفس اول (&)

[The Snipers]

شباب شوفوا هذا امداه يجيب البلاتينيوم :wow:
http://ps3trophycard.com/profile/Hakoom/245

[الصهيبي]

شباااب البوس 1-2
تاور نايت طلع لي قرون
ياليت احد يسااعدني فيه بال Co Op :cray::cray::cray::cray:

انا باساعدك عادي بس كم لفلك انا لفلي 28 يعني انت على الاقل لازم تكون 18 علشان اقدر اساعدك المشكلة الثانية انا الان على هيئة human وليس سولز وما اقدر اساعدك الا اذا كنت سولز!

[الصهيبي]

الشيبة اللي يصلح لي الاسلحة في نوكسيس وهقني..

الحين انا ضربته كم ضربة بالبداية.. بس استهبال..

الحين مب طايع يسويلي شي.. كله يلاحقني ويبا يضربني..

كيف ارجعه نفس اول (&)

للاسف على ما فهمت انه ما يرجع مثل الاول الا بعد ما تختم اللعبة وتلعب مرة ثانية !:(

[Zatar]

انا باساعدك عادي بس كم لفلك انا لفلي 28 يعني انت على الاقل لازم تكون 18 علشان اقدر اساعدك المشكلة الثانية انا الان على هيئة human وليس سولز وما اقدر اساعدك الا اذا كنت سولز!
لفلي 16 اقدر اوصله 18 عشان افتك منه
شالفرق بين الهيومن والسولز؟
عندي احجاار ملونه
شالفايده منهم؟
في ايتمات مو عارف فايدتها

[الصهيبي]

^^^ اولا تكون هيومن لمن تموت تقل طاقتك للنص وترجع سولز (المشكلة انا ما صدقت ارجع هيومن ) تقدر ترجع هيومن لمن تقضي على زعيم

في احجار تستخدم للتطوير وفي احجار تستخدم لاستدعاء الاون لاين وفي ايتم يرجعك human لو كنت سولز
انت اي ايتم ما تعرف فائدته اكتب اسمه في هذا الموضوع وان شاء الله نساعدك انا ادخل بين كل فترة والثانية هذا الموضوع وباحاول اساعد باللي اقدر عليه

[king zms]

سؤال: الحين انا في اول عالم وليسه ماهزمت اول زعيم لأني مش عارف مكانه :boggled:

لو أحد يقلي بالصبط وين أروح :cray:

[الصهيبي]

سؤال: الحين انا في اول عالم وليسه ماهزمت اول زعيم لأني مش عارف مكانه :boggled:

لو أحد يقلي بالصبط وين أروح :cray:

اتفضل اخوي واي اسئلة اخرى انا حاضر لعيون هذي اللعبة اللي شكلها بتشيب شعري :D
http://www.youtube.com/watch?v=0MIfCEPDU94

[The Black Ninja]

لفلي 16 اقدر اوصله 18 عشان افتك منه
شالفرق بين الهيومن والسولز؟
عندي احجاار ملونه
شالفايده منهم؟
في ايتمات مو عارف فايدتها
انا راح اساعدك متى راح تدخل و بالنسبة للاحجار الزرقة تستخدم عشان يسون لك سمون اما السوده تستخدم عشان تدخل على اي واحد و تكون بلاك فانتوم

[Tockuchi]

الشيبة اللي يصلح لي الاسلحة في نوكسيس وهقني..

الحين انا ضربته كم ضربة بالبداية.. بس استهبال..

الحين مب طايع يسويلي شي.. كله يلاحقني ويبا يضربني..

كيف ارجعه نفس اول (&)
للاسف مثل ماقال الصهيبي انا سويتها بالاول بعدين سويتلي شخصية ثانية XD خلاص اذبحه لانك ماراح تستفيد منه جذي لانه اذا ذبحته اب تستفيد منه سولز و سلاح اسمه God Hand

[الصهيبي]

انا راح اساعدك متى راح تدخل و بالنسبة للاحجار الزرقة تستخدم عشان يسون لك سمون اما السوده تستخدم عشان تدخل على اي واحد و تكون بلاك فانتوم

للاسف ما تقدر تساعده بسبب الفرق باللفل لاوم يكون بحدود -+10 ويزداد هذا الفرق بزياده اللفل يعني لو كان لفله بحدود 185 يقدر يلعب مع واحد لفله 205 لكن الان ولفله منخفض ما يقدر يساعده الا اللي بحدود +-10 لفل بس

وكمان معظم الناس اللي جربوا قالو ما تقدر تلعب بين نشخة اسيوية وامريكية :(

والا كنت باريح نفسي وبالعب معاك من اول زعيم لاخر وانا مطمن معي واحد قوي يساعدني:D

[Tockuchi]

سؤال: الحين انا في اول عالم وليسه ماهزمت اول زعيم لأني مش عارف مكانه :boggled:

لو أحد يقلي بالصبط وين أروح :cray:
اذا تصبر لي الخميس راح اساعدك فيه انا لفلي 22 و انا هيومان بس هو اجباري انا اكون سولز XD?

[الصهيبي]

^^^ ايوة اجباري

[Yamato]

لا تقولوا يا شباب!!

طيب ينفع ارجع العب من اول.. انا بس غلبت اول زعيم الفلانكس.. يعني ما سويت الكثير؟!

واللي حلصت عليه بيروح علي؟!

[king zms]

شكراً صهيبي أخير عديت أول زعيم

احد فيكم الكلاس حقه نايت غيري؟؟

بس اللي يخلي للعبة طعم مختلف نظام الأونلاين حقها استفدت كثير من الرسايل ومن بقع الدم

[Zatar]

انا راح اساعدك متى راح تدخل و بالنسبة للاحجار الزرقة تستخدم عشان يسون لك سمون اما السوده تستخدم عشان تدخل على اي واحد و تكون بلاك فانتوم


اوكي ماتقصر اخوي
ادري لي عندك النسخه الاسيويه وانا بضيفك عندي ونجررب
: )))

[king zms]

اذا تصبر لي الخميس راح اساعدك فيه انا لفلي 22 و انا هيومان بس هو اجباري انا اكون سولز XD?

ثانكس اخوي اخيرا هزمتهالمشكلة مو اني واجعنه وما فزت لا أصلا ما عرفت وين مكانهXD

[Zatar]

شكراً صهيبي أخير عديت أول زعيم

احد فيكم الكلاس حقه نايت غيري؟؟

بس اللي يخلي للعبة طعم مختلف نظام الأونلاين حقها استفدت كثير من الرسايل ومن بقع الدم

اناا نااايت

[الصهيبي]

شباب انا الان سولز ولفلي 29 واليوم ما بأزيد اي لفل اذا احد محتاج مساعدة في الوحش tower او الوحش سبايدر بشرط ما يكون اقل مني باكثر من 10 لفل باساعده يخلصهم

[Zatar]

شباب الحين استوعبت جم شغله
الحجر الازرق اهوا لي استخدمه بس اذا كنت ديمون
واساعد هيومن عدل؟
شالهدف من مساعدته؟
وهالايتم الحجر الازرق يروح لا استخدمته مره ولا يقعد وياي للابد؟

[الصهيبي]

الحجر الازرق معك على طول
فوائد مساعدة اي شخص (السولز كثير بتستفيد لو ساعدته بالقضاء على الوحش) وايضا حترجع انت من سولز الى هيومن وايضا سيحتسب ايضا كعمل جيد لك من اجل عالم نقي ابيض!

طبعا كثير من الشباب ما يعرفو هذا الشي لكن في شي في اللعبة اسمه عالم نقي ابيض او عالم قاتم اسود !
pure white & pure black
طبعا على حسب اعمالك مثلا انا ساعدت زملائي وانا اقضي على الوحوش وما اموت كثير وانا على هيئة هيومن (مو مهم كم تموت وانت سولز ) وما اقتل الناس العاديين مثل اللي يساعدوك او البائعين كذا عالمي يصير ابيض

والعكس صحيح ويصير عالمك اسود (طبعا في الاخير كلها تؤثر على النهاية اللي انت بتحصلها وكمان في شخصيات واماكن واعداء ما تظهر الا اذا كنت يا ابيض يا اسود !^_^

وفي واحد اجنبي في احد المنتديات قالي معلومة انا مو اتأكد منها حتى الان وهي انه كل ما كان عالمك اسود كل ما صعب الاعداء ولكن بالمقابل زاد السولز اللي تحصل عليه منهم اما كل ما زاد عالمك نقاء كل ما سهل الاعداء ولكن قل السولز اللي تاخذه منهم

[الصهيبي]

yamato
اذا محتاج ضروري للحداد ممكن تعيد اللعبة من جديد مع العلم انه بعد مرحلتين بتحصل حداد غيره ! وعلى فكرة مو انت اول واحد ضرب الحداد في ناس كثير قتلوه علشان يحصلو على الايتم اللي يسقط منه او علشان يحصلو على نقاط اكثر للوصول الى عالم اسود قاتم

[Yamato]

خلاص قتلته..
بس تركت رسالة عند كل واحد فيهم احذر فيها من الهجوم.. قيموني يا شباب D=

وبصراحة هاللعبة يبالها سعة صدر من الخاطر -___-!
يا كثر ما اموت والاصعب لما ارجع اشق دربي من اول ويديد عشان ارجع اللي خسرته.. كارثة هاللعبة :(

[الصهيبي]

^^^ اقول يا ياماتو سلملي على Astral soul:D

[Yamato]

خخ..
من وين تعرف ذاك اليوسر نيم؟ @_@

[Tockuchi]

ياماتو
لول صارتلي نفس مشكلتك المشكلة انه كان عندي ايتيم و اسلحة وايد بس اضطريت اني اسوي شخصية ثانية لاني كملتها على الفارس الازرق و على الي يحفظ لك اغراضك لول(&)

[Kazuya]

السلام عليكم

ممكن احد يشرح لي اللعبة عالسريع



اتقولون ان يصير انا اذبح الوحش مع اصدقائي في الاون لاين

بس مافي الا نيو جيم ولود جيم

وشي ثاني

وين اروح باللعبة مافي خريطة شلون اعرف المكان المطلوب مني اروحلة

اتمنى احد يساعدني

سلام

[KasiH]

طبعا كثير من الشباب ما يعرفو هذا الشي لكن في شي في اللعبة اسمه عالم نقي ابيض او عالم قاتم اسود !
pure white & pure black
طبعا على حسب اعمالك مثلا انا ساعدت زملائي وانا اقضي على الوحوش وما اموت كثير وانا على هيئة هيومن (مو مهم كم تموت وانت سولز ) وما اقتل الناس العاديين مثل اللي يساعدوك او البائعين كذا عالمي يصير ابيض

والعكس صحيح ويصير عالمك اسود (طبعا في الاخير كلها تؤثر على النهاية اللي انت بتحصلها وكمان في شخصيات واماكن واعداء ما تظهر الا اذا كنت يا ابيض يا اسود !^_^

وفي واحد اجنبي في احد المنتديات قالي معلومة انا مو اتأكد منها حتى الان وهي انه كل ما كان عالمك اسود كل ما صعب الاعداء ولكن بالمقابل زاد السولز اللي تحصل عليه منهم اما كل ما زاد عالمك نقاء كل ما سهل الاعداء ولكن قل السولز اللي تاخذه منهم

الله ينور عليك هذه اللي كنت ابغى افهمها ^^
على فكرة شفت اللي روحه لونها ازرق ويكون جالس قدام اول منطقة في النيكسوز امس
لعبت ودخلت لقيته مو موجود ومكانه في item @_@ انا متاكد اني ماضربت احد ولا قتلته طيب
مين قتله <.< والمشكلة ماخذت الـitem رحت سويت لود جيم قلت يمكن يرجع ماحصلته لا هو ولا الـ item >_<

[HasaWii]

الله يهديك بس احد يشوف ايتم وما ياخذها

راحت عليك مو مهم الرجال . . . انت تعرفه ؟؟ وحتى لو تعرفه هذه لعبة يا روح ما بعدك روح

[الصهيبي]

يا كاسح تصدق حصلي بالضبط نفس الشي وضيعت الايتم انا كمان ههههه بس مو مهم سألت في احد المنتديات الاجنبية قال الايتم عبارة عن سولز عادية يعني تضيف 400 سولز لك بس خيرها في غيرها ^^(مكتوب في guide انه يختفي من نفسه مع تقدمك في اللعبة )

[الصهيبي]

اخوي kazuya بالنسبة للاونلاين واللعب التعاوني co-op مو طور لوحده هي تقدر تسويها بطريقة معينة اقرأ الشرح التالي


م

ساقوم الان بشرح نظام الco-op وكيفية عمله
الشروط:
اولا يجب ان يكون host او من يطلب المساعدة على هيئة human وليس soul
ثانيا يجب ان لا يكون الفرق اكثر من 10 لفل (بين اللاعبين الهوست او اللي يساعدوه)
ثالثا اظن انه اللي يساعدوه او ينضمو للهوست لازم يكونو souls

الان طريقة الاستدعاء للعب الco-op
اولا على اللاعب souls ان يضع رسالة باستخدام ايتم يدعى blue eye stones ستكتب رسالة باللون الازرق على الارض واي شخص على هيئة human بيضغط عليه انت بتنضم له
ثانيا لايمكن لل souls مساعدة human الا اذا كان قد قتل الرئيس التالي من قبل
مثال للتوضيح :
كاسح (human) الصهيبي (souls)
كاسح لم يقتل بعد الزعيم الاول وانا قتلته في هذه الحالة فقط استطيع الانضمام له ومساعدته في القضاء عليه وتنتهي مهمتي بالقضاء على الزعيم او بموتي ! اذا تم قتل الزعيم يتم التقييم المتبادل بين الاعضاء بحيث انا اقيم مستوى كاسح وكاسح يقيم مستواي طبعا كل ما ارتفع التقييم كل ما زاد souls اللي تكسبها غالبا اختر تقييم s علشان تساعد اي احد في الحصول على اكبر كمية souls

طبعا لا يوجد نظام انفايت في هذه اللعبة للاسف

لكن يمكن الاتفاق مع اي صديق اذا توافرت الشروط اعلاه من حيث اذا كان souls او لا وفرق اللفل واذا كان قد تغلب على الزعيم التالي بالنسبة لك او لا ووضع رسالة زرقاء في مكان متفق عليه ويذهب العضو الثاني ويضغط استدعاء من هناك

بالنسبة لسؤالك الثاني عن الخريطة هذي احد اسباب المتعة في اللعبة انك تاخذ وقت الى ان تصل الى زعيم المرحلة ومتاهاتهاولكن اذا حاولت اكثر من مرة ولم تجد الطريق يمكنك الاستعانة باليوتيب فيه شرح مفصل لكل المراحل .

[Kazuya]

السلام عليكم

اتمنى احد يساعدني


اللعبة مبين عليها حلوة

بس والله مو فاهم شي منها

في وحش ذبحني قطوني بمكتن في شايب يبيع ورجال قاعد وكلة في سلالم وين اروح

اتمنى احد يساعدني

سلام

[الصهيبي]

^^روح اضغط اكس عند العمود خلف الرجل اللي جالس ذو اللون الازرق (احلى فصحى ^^) هذي هي المرحلة الاولى وما تخلص الا لمن تقتل الزعيم اللي فيها

[Kazuya]

يعطيك العافية اخوي

زين بعدين وين اروح مافي خريطة ادل مكاني ؟؟

وياخي هاللعبة وايد في اوامر جنة لعبة الواو الي على الكمبيوتر

[saifbin]

السلام عليكم

لو سمحتو انا عندي مشكلة ..

بعد ما قلت Knight في 2-1 ما قدرت اروح المرحلة 3-1 لاني الي فهمته لازم اخلص مراح متقدمة
بس المشكلة في الدم الي عندي

كان فل وبس دشيت مرحلة ثانية مت بالغلط لاني طحت
قام دمي نقص واستو نفس طول البار الي لونه اخضر

ليش وكيف اروم ارجعه فل مره ثانية ؟ وبعدين انا اسمعكم تقولو ليفيلات .. اي ليف قصدكم

الاول يعني ؟

[Kazuya]

السلام عليكم

اخواني ماتحسون اللعبة مملة شوي

يعني انا اول مرحلة اروح اذبحهم وان مت
يعيدوني من اول شي والوحوش ارجعوا

ماحسون اللعبة مملة شوي

سلام

[Falling Angel]

^^
No

أمس ختمت المرحلة الأولى
حتى تطلع لي العذراء العمياء
وعدت المرحلة أكثر من مرره
حاليا سولز ليفيل 14
كلاس شخصيتي ساحر,,
ما أحب أعدي أي مرحلة وإلا أنا عارف كل شيء صح!!

في أشياء بالمرحلة الأولى ابغى أسألكم عنها
إذا أحد أخذها أو لا

أول ما تبدء المرحلة
وتقتل الديمونز الأثنين الصغار اللي في بداية المرحلة
في باب حديدي صغير على اليسار
تنزل الدرج وتلاقي الباب بس مقفل
ولو حركت الكاميرا للمنطقة اللي بعد الجدار والباب
راح تلاحظ وتشوف خمس أدوات مرمية على الأرض
بالأضافة لشيء أزرق يلمع عندهم
من لمعانه أقدر أقول أنه شيء يدل على القوة ^_^
في أحد قدر يوصل لهذه الأدوات؟

ثاني شيء,,
تعرفوا الفارس ذو العينين الحمراء
قوي مرره صح,, هزمته بالسحر,,
لكن بعد ماتهزمه راح تلاقي روح بطل
yay
وراح تلاقي باب كبير فخم
باب الأسره المالكة يفتح بمفتاح
راح تلاقي شايب عليه هالة خضراء
ويبدء يتكلم معك
طبعا ياليته كلام عادي
يتحداك,,
وراح يبدء معك قتال
نصيحتي لكم أهربوا عنه
ضربه واحده من سيفه راح تموت فوراَ
سيفــه مرره طويل
أنا واجهته مره وبعدها مارحت له

سؤال في أحد هزمه؟

أخر شيء بعد ماتهزم زعيم تأخذ روحه
هل هي قابله للإستخدام؟
وكم تساوي روح؟
وإذا هي قابله للإستخدام
نصيحتكم لي يا كاسح والصهيبي والمتقدمين في اللعبة
هل استخدمها الأن أم أوفرها للمراحل المتقدمة؟

بإنتظاركم
ســلام

[HasaWii]

السلام عليكم

اخواني ماتحسون اللعبة مملة شوي

يعني انا اول مرحلة اروح اذبحهم وان مت
يعيدوني من اول شي والوحوش ارجعوا

ماحسون اللعبة مملة شوي

سلام
انا ما شريت اللعبة للحين

لكن اقولك بالنيابة عن كثير من الاعضاء اللعبة ليست مملة
ولكنها تتطلب الصبر . . ولازم اللي يشتريها يكون جاهز للتحدي

[Kazuya]

بس ياخوي بسرعة يموت البطل

وان مات اعيد من اوووووووووول شي

جذي اتزهق الواحد :؛

[الصهيبي]

kazuya علشان كذا يقولو صعبة لانك تموت كثير بس اول ما تحس بفرحة الانتصار على احد الزعماء بتحس بحلاوة ومتعة اللعبة لو ترجع كم صفحة للخلف بتشوف اني انا كنت متعقد من اللعبة الى درجة اني كنت بايع اللعبة لكن نصحوني الشباب استمر والان انا مستمتع جدا في اللعبة

falling angel
بالنسبة للباب اللي في اليسار اول ما تبدأ انا مثلك ما عرفته كل شوي امر واتفرج على الادوات المرمية في الارض من بعيد ):

بالنسبة لابو عيون حمر (ابو عيون جريئة ) طلع عيني بس لمن تقتله تحصل على 2000 سولز يعني شي ضخم بس متعب جدا خاصة انه شخصيتي ما عندها ماجيك ولا باعلمها الماجيك باركز على القوة وهذي الاشياء لاني لو حبيت اقوي كل شي باخرج ضعيف في الكل ! فلازم اضحي شوي

في احد المرات النادرة اللي قتلت ابو عيون جريئة هههه رحت الباب اللي جنبه وحصلته مقفل بس انت من وين جبت المفتاح؟

نصيحتي لك وفر ارواح الزعماء لانها ستطلب منك لاحقا لتطوير ادوات خاصة او تعلم سحر نادر

[Lara Croft]

السلام عليكم و رحمة الله و بركاتة

كيف حالكم أخواني و كيف اللعبة معاكم :33:

بصراحة ما توقعتها بهالتحدي .. :blackeye: يبيلها صبر .. خصوصا يوم توصل بعيد و يجيك هيكل عضمي مغبر و معفن و مصدي ما يعرف يضرب يعطيك كفخة من ورة و تخسر و ترجع من أول :12:

اخوي كاسح و الصهيبي و الاخوة المتفوقين الباقيين (صرنا في مدرسة :silly:) عندي أسئلة أتمنى تساعدوني فيها لأني إذا تميت جي بحس اني مب فاهم شيء باللعبة و بسويلها طاف :boggled:

س1) أعرب ما تحته خط :09: اقصد كيف اعرف اني فالمرحلة 2-1 و لا 3-1 أو بعدني في 1-1 ؟
مثال: أنا وصلت عند التنانين و وصلت عند زعيم عبارة عن بقعة زين و لا ما أدري شو كبيرة و يطلع منه أمثاله بس صغار, يعني انا الحين وين؟

س2) هل في اي نوع من انواع (Check Points) فاللعبة ؟ يعني لو وصلت لين التنانين و قتلتهم هل برجع عن اخر باب ضبابي دخلته و لا برجع من أول المرحلة ؟

س3) هل التنانين قابلة للقتل ؟ و كيف أستخدم السهوم علما بأن الكلاس مالي حاليا هو ساحر ؟

س4) عديت المرحلة وفزت عالزعيم و رحت كلمت الساحرة و تقولي سير فوق عند فلان الفلاني , جنني و أنا ابي اوصله , وين احصله ؟

س5) شو الفرق الرئيسي بين الإنسان و الروح , وشو الطريقة إلي ترجعني لإنسان ؟

س6) هذا السؤال للأخوة اللعيبة , ما هي افضل شخصية ؟ خصوصا من ناحية القوة و السرعة في نفس الوقت ؟ و هل اي شخصية تقدر تتعلم السحر و تستخدم كل الاسلحة خصوصا الي يطير منها :09: (أقصد السهام و غيره) ؟

س6) سؤالي الأخير للفترة الحالية , متى يتم حفظ اللعبة ؟ يعني لما أدخل لباب ضبابي و لا يوم ارجع النيكسيس و لا يوم اصير إنسان ؟ و السولز الي عندي ما اقدر احفظهم في مكان عشان ما يتبخروا اذا حد قتلني ؟

شكرا جزيلا مقدما لليقدر يجاوبني .. و انا في انتظار الردود على احر من الجمر و ما بلعب اللعبة مرة ثانية لين ما احصل أجوبة .. دمتم في امان الله و مع السلامة ^_^

[The Black Ninja]

السلام عليكم
اشوف الكل يشتكي من صعوبة اللعبة و انا ختمتها من زمان هههههه بس حبيت اقول تراني اول ما لعبت اللعبة كنت مثلكم و يمكن اخس لدرجة اني كنت بكسر اللعبة بس فكرت فيها طالبنها من النت و صبرت عليها لين ما وصلت و ما اتوقعت اني في يوم راح اختم اللعبة بس هذا انا ختمتها و لا مرتين بعد و اقدر اختمها مرة ثالثة و في كل مرة تزداد الصعوبة و السر في هذا كلها اني يلست و خذت ساعات و ايام قاعد ازيد الليفل حق لاعبي كنت ايمع مليون سول و اروح ازيد الليفل و اطور الاسلحة
بعطيكم بعض النصايح راح تفيدكم وايد
و انصحكم بسلاح قوي و مفيد و هو الرمح اضن اسمه WINGARD SPEAR و هو مفيد لانك تقدر تهاجم و ادافع في نفس الوقت و مداه بعيد و انا ختمت اللعبة و الرمح كان سلاحي الرئيسي
و عندكم الدرع اضن اسمه PURPULE FLAME SHILED قوي ضد الضربات النارية حت التنين الي في المرحلة الاولى تقدر تصد نيرانه و تاخذ كل الايتمات الي موجودة في المنطقة حت الزعيم العنكبوت تقدر تصد نيرانه بهذا الدرع لكن بعد ما تطوره

و بالنسبة للدم يوم تموت تكون سول فينقص الدم و ما يرجع الا اذا قتلت احد الزعماء و ترجع هيومن بس اذا مت مرة ثانية راح ينقص الدم مرة ثانية ما يرجع الا بنفس الطريقة و بخبركم شو فايدة السول و هي انك تقدر تسخدم الحصاة الزرقة عسان تدخل على ناس ثانين و تلعب معاهم بس يوم تكون هيومن ما تقدر ان شاء الله اكون قدرت افيدكم و انا حاضر و مستعد ارد على اي استفسار و ما يردكم الا لسانكم
ســـــــــــــــــــــــــــــــــــــــــــــــــــــــــــــلام

[Lara Croft]

أخوي The Black Ninja , شكرا لإهتمامك و لعرضك الكريم في أستعدادك للإجابة على الأستفسارات , و بما أنك انهيت اللعبة مرتين ما شاء الله عليك , فهذا يعني انك عميد اللاعبين بهذه اللعبة في هذا الموضوع , و بأنه هذي الاستفسارات بتكون سهلة عليك و اعتذر فالبداية عن انها كثيرة و شكرا لك مقدما على الرد , بالنسبة للاسئلة فهي كالتالي:

س1) أعرب ما تحته خط اقصد كيف اعرف اني فالمرحلة 2-1 و لا 3-1 أو بعدني في 1-1 ؟
مثال: أنا وصلت عند التنانين و وصلت عند زعيم عبارة عن بقعة زين و لا ما أدري شو كبيرة و يطلع منه أمثاله بس صغار, يعني انا الحين وين؟

س2) هل في اي نوع من انواع (Check Points) فاللعبة ؟ يعني لو وصلت لين التنانين و قتلتهم هل برجع عن اخر باب ضبابي دخلته و لا برجع من أول المرحلة ؟

س3) هل التنانين قابلة للقتل ؟ و كيف أستخدم السهوم علما بأن الكلاس مالي حاليا هو ساحر ؟

س4) عديت المرحلة وفزت عالزعيم و رحت كلمت الساحرة و تقولي سير فوق عند فلان الفلاني , جنني و أنا ابي اوصله , وين احصله ؟

س5) شو الفرق الرئيسي بين الإنسان و الروح , وشو الطريقة إلي ترجعني لإنسان ؟

س6) هذا السؤال للأخوة اللعيبة , ما هي افضل شخصية ؟ خصوصا من ناحية القوة و السرعة في نفس الوقت ؟ و هل اي شخصية تقدر تتعلم السحر و تستخدم كل الاسلحة خصوصا الي يطير منها (أقصد السهام و غيره) ؟

س6) سؤالي الأخير للفترة الحالية , متى يتم حفظ اللعبة ؟ يعني لما أدخل لباب ضبابي و لا يوم ارجع النيكسيس و لا يوم اصير إنسان ؟ و السولز الي عندي ما اقدر احفظهم في مكان عشان ما يتبخروا اذا حد قتلني ؟

في إنتظار الرد و دمتم في امان الله

[FFX13]

;) انا الحين انشالله بشرح سالفتي واتمنى احد يجاوب

اول شي انا مثل ما ذكرت لاعبي
Wanderer
Soul level 6
Vitality : 10
Inteligence : 10
Endurance : 11
Strength : 11
Dexterity : 15
Magic : 9
Faith : 7
Luck : 13
يعني مادري غاثتني سالفة اللفل,, مو راضي يزيد ! :bigeyes: ومدة اللعب 7 ساعات !
:blackeye:
انا قاعد احاول العب بالمرحله الاولى (للعلم انا بالثانيه اللي بدايتها يكون على يسارك واحد وجادمك بوابه فيها رمح,, ووصلت فيها لي التنين وما قدرت افوز عليها لا اهو ولا النايت تاور :boggled:
وعندي اسهم وسهم وبلاوي زرقه بس بعضها ما يصير استعمله,, ف الحين بالظبط زيادة اللفل شلون ؟ وافضل طريقه له,, هل لازم ايمع سولز وبس ؟ للعلم لاعبي تقريبا شاب اخضر عالخفيف.. هل في شي لازم اسويه و اسف على الازعاج :أفكر:
للعلم اني جربت احاول العب بالمرحله الاولى. بس ماني عارف ,, مادري هذي الثانيه ولا الاولى مشبوكه بالثانيه
وشغله ثانيه,, الاسهم والسحر ما اعرف استخدمه نهاائي ,, وعندي عصاة سحر وسهم واسهم.. بس ماني عارف

[king zms]

أخوي The Black Ninja , شكرا لإهتمامك و لعرضك الكريم في أستعدادك للإجابة على الأستفسارات , و بما أنك انهيت اللعبة مرتين ما شاء الله عليك , فهذا يعني انك عميد اللاعبين بهذه اللعبة في هذا الموضوع , و بأنه هذي الاستفسارات بتكون سهلة عليك و اعتذر فالبداية عن انها كثيرة و شكرا لك مقدما على الرد , بالنسبة للاسئلة فهي كالتالي:

س1) أعرب ما تحته خط اقصد كيف اعرف اني فالمرحلة 2-1 و لا 3-1 أو بعدني في 1-1 ؟
مثال: أنا وصلت عند التنانين و وصلت عند زعيم عبارة عن بقعة زين و لا ما أدري شو كبيرة و يطلع منه أمثاله بس صغار, يعني انا الحين وين؟

س2) هل في اي نوع من انواع (Check Points) فاللعبة ؟ يعني لو وصلت لين التنانين و قتلتهم هل برجع عن اخر باب ضبابي دخلته و لا برجع من أول المرحلة ؟

س3) هل التنانين قابلة للقتل ؟ و كيف أستخدم السهوم علما بأن الكلاس مالي حاليا هو ساحر ؟

س4) عديت المرحلة وفزت عالزعيم و رحت كلمت الساحرة و تقولي سير فوق عند فلان الفلاني , جنني و أنا ابي اوصله , وين احصله ؟

س5) شو الفرق الرئيسي بين الإنسان و الروح , وشو الطريقة إلي ترجعني لإنسان ؟

س6) هذا السؤال للأخوة اللعيبة , ما هي افضل شخصية ؟ خصوصا من ناحية القوة و السرعة في نفس الوقت ؟ و هل اي شخصية تقدر تتعلم السحر و تستخدم كل الاسلحة خصوصا الي يطير منها (أقصد السهام و غيره) ؟

س6) سؤالي الأخير للفترة الحالية , متى يتم حفظ اللعبة ؟ يعني لما أدخل لباب ضبابي و لا يوم ارجع النيكسيس و لا يوم اصير إنسان ؟ و السولز الي عندي ما اقدر احفظهم في مكان عشان ما يتبخروا اذا حد قتلني ؟

في إنتظار الرد و دمتم في امان الله


راح أجاوبك عن بعض الأسئلة اللي أعرفها


ج2) لا ما فيه بس فيه ابواب سرية وا ختصارات تساعدك في الوصل للماكن اللي كنت فيه

ج4) شفت الغرفة الفاضية اللي بأخر دور راح تلقى باب مفتوح وفيه درج اصعد لأحر شي تلقى أطفال قدامهم شمع واحد منهم بس راخ تقدر تكلمه


ج5) الأنسان يكون عداد الصحة كامل وتقدر بأستخدام البلو ستونز تخلي أحد يساعدك شرط انه يكون سول واللفل ما يكون الفرق أكثر من عشره


ج) هي حسب طريقة لعبك اذا كنت تحب القتال المباشر أو القتال البعيد أو مزيج بينهم

للقتال المباشر برأي احسن شي النايت لأن دفاعه قوي وهجومه كذالك وقدرته السحرية حلو بس عيبه ما راح تلقى أدوات كثير:boggled: لأن الLuck حقه ضعيف

[king zms]

;) انا الحين انشالله بشرح سالفتي واتمنى احد يجاوب

اول شي انا مثل ما ذكرت لاعبي
Wanderer
Soul level 6
Vitality : 10
Inteligence : 10
Endurance : 11
Strength : 11
Dexterity : 15
Magic : 9
Faith : 7
Luck : 13
يعني مادري غاثتني سالفة اللفل,, مو راضي يزيد ! :bigeyes: ومدة اللعب 7 ساعات !
:blackeye:
انا قاعد احاول العب بالمرحله الاولى (للعلم انا بالثانيه اللي بدايتها يكون على يسارك واحد وجادمك بوابه فيها رمح,, ووصلت فيها لي التنين وما قدرت افوز عليها لا اهو ولا النايت تاور :boggled:
وعندي اسهم وسهم وبلاوي زرقه بس بعضها ما يصير استعمله,, ف الحين بالظبط زيادة اللفل شلون ؟ وافضل طريقه له,, هل لازم ايمع سولز وبس ؟ للعلم لاعبي تقريبا شاب اخضر عالخفيف.. هل في شي لازم اسويه و اسف على الازعاج :أفكر:
للعلم اني جربت احاول العب بالمرحله الاولى. بس ماني عارف ,, مادري هذي الثانيه ولا الاولى مشبوكه بالثانيه
وشغله ثانيه,, الاسهم والسحر ما اعرف استخدمه نهاائي ,, وعندي عصاة سحر وسهم واسهم.. بس ماني عارف


انت هزمت الزعيم الأول صح

بعدين لما رجعت لي النكسيوس جت بنت كلمتك و طلعت لأخر شي وكلمت الطفل اللي قدامه شمعه

ارجع للبنت واختار أول خيار راح تزود احد القدرات مثلاًStrength تخليه 12 بدل 11 كذا انت ارتفعت لفل

اما الأسهم لازم أول شي تركبها على الشخصية ويكون عندك قوس عشان تستخدمها

الباقي ما أعرف الجواب

[FFX13]

مشكور وانشالله الحين اسوي اللي قلت عنه . ونشوف اراء الاعضاء

[Kazuya]

بس ياخوي يقولون

ان يصير انا وصاحبي على الوحش انكون قروب
شلون

[Lara Croft]

راح أجاوبك عن بعض الأسئلة اللي أعرفها


ج2) لا ما فيه بس فيه ابواب سرية وا ختصارات تساعدك في الوصل للماكن اللي كنت فيه

ج4) شفت الغرفة الفاضية اللي بأخر دور راح تلقى باب مفتوح وفيه درج اصعد لأحر شي تلقى أطفال قدامهم شمع واحد منهم بس راخ تقدر تكلمه


ج5) الأنسان يكون عداد الصحة كامل وتقدر بأستخدام البلو ستونز تخلي أحد يساعدك شرط انه يكون سول واللفل ما يكون الفرق أكثر من عشره


ج) هي حسب طريقة لعبك اذا كنت تحب القتال المباشر أو القتال البعيد أو مزيج بينهم

للقتال المباشر برأي احسن شي النايت لأن دفاعه قوي وهجومه كذالك وقدرته السحرية حلو بس عيبه ما راح تلقى أدوات كثير:boggled: لأن الLuck حقه ضعيف

مشكور اخوي , و شكلي بختار Wanderer :28:
في إنتظار بقية الردود و دمتم في أمان الله :)

[FFX13]

اتوقع يصير بس ما جربت والله :)

[Zatar]

اكتششفت شغله حلوه
لي اهيا انك تموت ومااينقص السول
انك لازم تكون سيمون حق هيومن
جمع سسولز ولا تحاااتييي
لا مت بترد المكان لي تم استدعاائك فيه وياك السولز
ولا فزتو على البوس بتحصل 10 الف سولز بالراحه
وانا لي الحين على تاور نايت ولفليي 23

[king zms]

ساقوم الان بشرح ما فهمته حتى الان عن نظام الco-op وكيفية عمله
الشروط:
اولا يجب ان يكون host او من يطلب المساعدة على هيئة human وليس soul
ثانيا يجب ان لا يكون الفرق اكثر من 10 لفل (بين اللاعبين الهوست او اللي يساعدوه)
ثالثا اظن انه اللي يساعدوه او ينضمو للهوست لازم يكونو souls

الان طريقة الاستدعاء للعب الco-op
اولا على اللاعب souls ان يضع رسالة باستخدام ايتم يدعى blue eye stones ستكتب رسالة باللون الازرق على الارض واي شخص على هيئة human بيضغط عليه انت بتنضم له
ثانيا لايمكن لل souls مساعدة human الا اذا كان قد قتل الرئيس التالي من قبل
مثال للتوضيح :
كاسح (human) الصهيبي (souls)
كاسح لم يقتل بعد الزعيم الاول وانا قتلته في هذه الحالة فقط استطيع الانضمام له ومساعدته في القضاء عليه وتنتهي مهمتي بالقضاء على الزعيم او بموتي ! اذا تم قتل الزعيم يتم التقييم المتبادل بين الاعضاء بحيث انا اقيم مستوى كاسح وكاسح يقيم مستواي طبعا كل ما ارتفع التقييم كل ما زاد souls اللي تكسبها غالبا اختر تقييم s علشان تساعد اي احد في الحصول على اكبر كمية souls

طبعا للاسف لا يوجد نظام انفايت في هذه اللعبة للاسف

لكن يمكن الاتفاق مع اي صديق اذا توافرت الشروط اعلاه من حيث اذا كان souls او لا وفرق اللفل واذا كان قد تغلب على الزعيم التالي بالنسبة لك او لا ووضع رسالة زرقاء في مكان متفق عليه ويذهب العضو الثاني ويضغط استدعاء من هناك (هذا الكلام على حسب احد المنتديات الاجنبية غير مجرب بعد ) ان شاء الله بجربه قريبا

اخر ملاحظة استغلو co-op قد ما تقدرو لانه يسهل اللعبة جدا
طبعا انا اعرف انه شرحي معقد شوي بس انا حاول اوضح اهم نقاط واتمنى انه ما يكون في اخطاء في شرحي


هذا رد لأخ صهيبي يشرح نظامco-op

[FFX13]

شلون تزيد اللفل بهالسرعه ؟؟ انا الحين معي 3300 سولز وللحين 6,,

[The Black Ninja]

أخوي The Black Ninja , شكرا لإهتمامك و لعرضك الكريم في أستعدادك للإجابة على الأستفسارات , و بما أنك انهيت اللعبة مرتين ما شاء الله عليك , فهذا يعني انك عميد اللاعبين بهذه اللعبة في هذا الموضوع , و بأنه هذي الاستفسارات بتكون سهلة عليك و اعتذر فالبداية عن انها كثيرة و شكرا لك مقدما على الرد , بالنسبة للاسئلة فهي كالتالي:

في إنتظار الرد و دمتم في امان الله

س1) أعرب ما تحته خط اقصد كيف اعرف اني فالمرحلة 2-1 و لا 3-1 أو بعدني في 1-1 ؟
مثال: أنا وصلت عند التنانين و وصلت عند زعيم عبارة عن بقعة زين و لا ما أدري شو كبيرة و يطلع منه أمثاله بس صغار, يعني انا الحين وين؟
اذا انا مب غلطان انته عند الزعيم الاول و هو ضعيف ضد الضربات النارية اعتقد عندك ايتم عبارة عن زيت تحطه على سلاحك و راح يشتعل و حاول تضربه من الخلف او انتظر لما يطلعون منه اشكاله و اذبحهم لين ما يخلصون او تقتل بعضهم و تحصل مساحة في البقعة و تضربه

س2) هل في اي نوع من انواع (Check Points) فاللعبة ؟ يعني لو وصلت لين التنانين و قتلتهم هل برجع عن اخر باب ضبابي دخلته و لا برجع من أول المرحلة ؟
لا راح ترجع من بداية المرحلة لكن لو وصلت عند باب ضبابي و خرجت من اللعبة عن طريق جهاز التحكم راح ترجع عند اخر باب ضبابي

س3) هل التنانين قابلة للقتل ؟ و كيف أستخدم السهوم علما بأن الكلاس مالي حاليا هو ساحر ؟
نعم قابلة لكن تحتاج كمية كبيرة من الاسهم لازم تحصل القوس في البداية و بعدين تجمع الاسهم او اذا كنت ساحر تسخدم عليه بعض الحركات السحرية الي عندك

س4) عديت المرحلة وفزت عالزعيم و رحت كلمت الساحرة و تقولي سير فوق عند فلان الفلاني , جنني و أنا ابي اوصله , وين احصله ؟
اصعد السلم و روح الطابق الثاني اعتقد بتحصل تماثيل على شكل اطفال و في واحد منهم تقدر تكلمه و تم تضغط اكس لين ما تحصله لانهم كلهم متشابهين و ما بتعرف اي واحد فيهم الي تقدر تكلمه و يوم تخلص روح عند الساحرة و زيد الليفل و بعدين كل ما تحصل سولز روح عند الساحرة على طول و زيد اليفل

س5) شو الفرق الرئيسي بين الإنسان و الروح , وشو الطريقة إلي ترجعني لإنسان ؟
الانسان الدم ماله اكثر اما السول تقدر تسوي استدعاء او سمون لي لاعبين اخرين و يساعدونك 1 او 2 و المجموع يصير 3 و انته محسوب او تروح انته و تساعد الناس بعد ما تستعمل الحصاة الزرقة

س6) هذا السؤال للأخوة اللعيبة , ما هي افضل شخصية ؟ خصوصا من ناحية القوة و السرعة في نفس الوقت ؟ و هل اي شخصية تقدر تتعلم السحر و تستخدم كل الاسلحة خصوصا الي يطير منها (أقصد السهام و غيره) ؟
تقدر تلعب في اي شخصية انا كنت ماخذ الحرامي عنده سرعة و حظ حق الشردة و خليته قوي عن طريق تطوير الاسلحة و زيادة الليفل و اذا تبعي القوة عندك الفارس بس هو بطيئ شوي اقوى لاعب اعتقد الباربيرين بس ما عنده درع و عندك الساحر قوي اذا طورت الماجيك عنده و اعتمدت على السحر بشكل رئيسي

س6) سؤالي الأخير للفترة الحالية , متى يتم حفظ اللعبة ؟ يعني لما أدخل لباب ضبابي و لا يوم ارجع النيكسيس و لا يوم اصير إنسان ؟ و السولز الي عندي ما اقدر احفظهم في مكان عشان ما يتبخروا اذا حد قتلني ؟
اول ما تدخل مرحلة يتم التخزين و اول ما ترجع النيكسيس ايضا يتم التخزين و حتى اذا استعملت ايتم بالغلط راح يتم التخزين على طول و اذا دخلت باب ضبابي و خرجت من اللعبة عن طريق جهاز التحكم راح تبدا من عند الباب الضبابي
بالنسبة للسولز ما تقدر تحفظهم و افضل طريقة عشان تستفيد منها اول شوف كم تحتاج من السولز عشان توصل لليفل مثلا 2000 و اول ما تحصل هذا العدد ارجع و زيد الليفل على طول عن طريق العودة الى البداية و الرجوع الى النيكسيس لانك لو دخلت عند الزعيم و مت راحت عليك و حتى اذا حاولت ترد و تاخذ السولز من منطقة الزعيم يمكن ما توصل و تموت قبل و حتى اذا وصلت في احتمال يقتلك الزعيم و تروح عليك السولز

اتمنى اني قدرت افيدك و السموحة اذا قصرت في شي و انا حاضر في اي وقت

[Lara Croft]

مشكووور أخوي , جاري اللعب من جديد , بشوف .. يا بكمل على الساحر أو ببدأ من جديد بلاعب ثاني ^_^

[KasiH]

معلومات عن المناطق الاساسية الخمسة وبعض الزعماء اللي تغلبت عليهم ..

- المنطقة الرئيسية في اللعبة اسمها Nexus .
- الشخصية اللي ترفعلك الليفيل هي البنت اللي لابسة اسود واسمها Maiden in Black .
=====================================
راح اكتب اسماء المناطق واختصارتها المتعارفة بيننا اول منطقة من الدرج في اليسار المنطقة الاولى
اسمها Archstone of Small King وفيها :

1-1 Boletarian Palace :
اسم الزعيم الديمون Phalanx ونقطة ضعفه " النار " لما ينحرق ويكشف جسمه روح واضربه
مع التركيز والصد وتعبية الطاقة باستمرار .

2-1 Phalanx Archstone :
اسم الزعيم الديمون Tower Knight ، ونقطة ضعفه انك توقف ورى رجوله او تحته لانه مايقدر
يضربك ، استمر في ضرب رجوله لين مايطيح وبعدين روح واضرب راسه راح يخسر طاقه كثير .

2-1 mini Demon ( Red Dragon ) :
موجود قبل لاتقاتل الـ tower Knight ويكون في الممر المؤدي له وعادة تشوفه يطير ويحرق
الممر ( مو شرط تقتله لكن لو قتلته تاخذ ادوات مفيدة من مرحلة 1-1 ) .
طريقة قتله باستخدم " القوس/السهم" ويحتاج اكثر من 150 سهم تقريبا على حسب قوة القوس
وتضربه من اول " حصن " في الممر وتستخدمه ضده الاسهم مايقدر يضربك التنين لكن ياخذ وقت
لين يموت .
استخدمت معاه compound short bow +1 .
اذا قتلته راح يعطيك Purple Flame Shield واللي حتفيدك في مرحلة 1-2 .

3-1 مالعبتها لسة لانها مقفلة .. اذا خلصتها ولعبتها راح احدث الرد هذا ..

اشياء مهمة يجب عملها في اول منطقة 1-1 :

- انقذ فارس بولتاريا Ostrava وهو فارس درعه " ذهبي " يمكنك انقاذه من امام الوحوش
الممسكة باعواد خشب نارية .. اقتل جميع الوحوش في المنطقة عشان ينزل ويساعدك ..

- التقط خاتم Thief Ring والموجودة خلف Ostrava . الاداة فايدتها انها تخفي وجودك من
الوحوش البعيدة يعني ماراح يحس فيك الوحش الا لما تقرب وهذه مفيدة للهرب .

- التقط خاتم Cling Ring والموجودة في الممر الايمن من البوابة المؤدية للزعيم الاول
وفيدة الاداة انها تعطيك 75% من الطاقة في وضع الـ Soul Form .

- التقط درع Purple Flame Shield بعد ان تقتل التنين الاحمر في منطقة 2-1 والدرع
موجود في منطقة 1-1 في الهضبة الخضراء .

====================================

المنطقة الثانية والي مكانها بعد اول منطقة على اليسار فوق بالدرج واسمها :
Archstone of Burrow King :

Stonfang Tunnel 2-1 :

المنطقة هذه مثل المنجم وفيها عمال يشتغلوا كثيرين .
اسم الزعيم الديمون " Spider " وهو عنكبوت نقطه ضعفه انه مايقرب قدامك يعني المعركة
out ranged ( بعيدة المدى ) استخدم ضده " القوس/السهم " وخذ معاك درع قوي ضد النار
مثل Purple Flame Shield لان العنكبوت يطلق نار كثيرة .. استخدم استراتيجية الطلق
والمراوغة Evade ، ماراح ياخذ معاك كثير من الوقت .

2-2 Spider Archstone :
لم العبها بعد ..

=====================================
المنطقة الثالثة واللي مكانها بعد المنطقة الثانية من فوق واسمها :

Archstone of Tower Queen

Tower of Latria 3-1
======================================
المنطقة الرابعة واللي مكانها في الدرج الايمن تحت المنطقة الثالثة واسمها :

Archstone of Shadowmen

Shrine of Storms 4-1

======================================
المنطقة الخامسة واللي مكانها اول حجر من الدرج الايمن وتعتبر اسفل المنطقة الرابعة واسمها :

Archstone of Cheiftain

Valley of Defilment 5-1
====================================

راح اكمل بقية المعلومات ان شاءالله في وقت لاحق .

[FFX13]

الف شكر اخوي كاسح, بس بالنسبه لي ؟.. للحين ماني عارف ازيد اللفل

[Tockuchi]

الله ينور عليك هذه اللي كنت ابغى افهمها ^^
على فكرة شفت اللي روحه لونها ازرق ويكون جالس قدام اول منطقة في النيكسوز امس
لعبت ودخلت لقيته مو موجود ومكانه في item @_@ انا متاكد اني ماضربت احد ولا قتلته طيب
مين قتله <.< والمشكلة ماخذت الـitem رحت سويت لود جيم قلت يمكن يرجع ماحصلته لا هو ولا الـ item >_<
انا بعد صارتلي قبل لا يروح كنت اكلمه و كان كانه خايف و يتكلم و بعدها طلعت من النكسس و بعد فترة رديت لقيته مو موجود و في ايتيم استعملته زادني 2800 سول!!

[KasiH]

الف شكر اخوي كاسح, بس بالنسبه لي ؟.. للحين ماني عارف ازيد اللفل


عفوا ، قلت الليفيل ترفعه عن طريق البنت اللابسه اسود تروح وتكلمها وتختار اي تبغى ترفع من
Vitality و Strengthen و Luck كل واحد ترفعه يعتبر ليفيل ، السولز اللي معاك روحو استخدمها
لين تخص وراح تلاحظ الليفيل مرتفع .

[KasiH]

انا بعد صارتلي قبل لا يروح كنت اكلمه و كان كانه خايف و يتكلم و بعدها طلعت من النكسس و بعد فترة رديت لقيته مو موجود و في ايتيم استعملته زادني 2800 سول!!

لاتخاف تاكدت هذا من القصة يختفي لانه هو يقلك انا خايف ويبدا يفقد روحه
وصحيح يختفي ويترك الاداةر عشان تستخدمها بس حظي نحس راحت الاداة :(

[FFX13]

عفوا ، قلت الليفيل ترفعه عن طريق البنت اللابسه اسود تروح وتكلمها وتختار اي تبغى ترفع من
Vitality و Strengthen و Luck كل واحد ترفعه يعتبر ليفيل ، السولز اللي معاك روحو استخدمها
لين تخص وراح تلاحظ الليفيل مرتفع .

:أفكر: خلني اقولك لا كلمتها شنو يطلع .. The monumental awaits thee above,, The monumental will explain the nexus to thee

...وبس:ponder:

[KasiH]

:أفكر: خلني اقولك لا كلمتها شنو يطلع .. The monumental awaits thee above,, The monumental will explain the nexus to thee

...وبس:ponder:اهااااااااا انت لسة هنا طيب روح اطلع فووووووق عند الاصنام الصغار اللي على الارض راح تلاقي واحد
مميز قدامه شمعة مضوية روح كلمه راح يجي عرض وبعدها انزل تحت وراح تنفتحلك المناطق وحتقدر ترفع الليفيل من البنت ^^

I shall wait for thee return , and thee only :ponder:
اكره ماعندي لما تتكلم البنت مادري من اللي مثل صوتها لكنتها غريبة جدا ..

[saifbin]

انا الحين خلصت المرحلة 1-1 مين مخلص اللعبة وشو احسن تسلسل للمراحل يعني بعد 1-1 وين اروح وشو ممكن احسلي اروحه ؟

[FFX13]

Level 11 !! الف شكر اخوي كاسح !! yay

[FFX13]

سؤال :.. انا مره بالغلط رجعت human بعد ما كنت soul ,, شلون ارجع بالظبط ؟؟

[king zms]

^^

موت وترجع شخصيتك سول بس أنصحك تبقى هيومن

[KasiH]

Level 11 !! الف شكر اخوي كاسح !! yay


مبرووووووك والله حاسك كنت تعاني وانت تبغى ترفع الليفيل ^^"
يالله الجاي اصعب @_@

[FFX13]

لال انا ابي اكون هيومن !! ماني عارف ارجعله,, اي والله اخوي كاسح حاس فيني :(

[Almy09]

السلام عليكم
موضوع ممتاز و مفيد اللعبة فيها اشياء كثيرة و صعوبات و تحديات و ماشاء الله نستفيد منكم و نحاول نفيد
في نقطة اتمنى اذا احد يعرفها يجاوبني عليها
احيانا اخذ اسلحة مميزة و الاقيها بصعوبة مثلا عندي Katana حق الساموراي واضح انها قوية من ال status بس لما البسها تنقص قوتها 70% يصير اقل سيف عندي احسن منها
و في اسلحة ثانية تكون متوسطة و البسها تصير اقوى من كل السيوف الي عندي
هاي النقطة مالي فاهمها في اللعبة هل بسبب اني knight ؟ مثلا اسلحة معينة تقوى او تضعف لكل Job ؟
أصحاب الخبر ياريت يفيدوني

[Falling Angel]

^_^
مرحبا شباب وصبايا ديمونز سولز

حاليا سولز ليفيل شخصيتي 20
الحالة: Soul
أنا في المرحلة 2-1 عند الزعيم العملاق
أول ما دخلت رحت عجينة بسبب قدميه
بحاول أهزمه اليوم,,
طبعا أنا جمعت 20000 سولز
ورحت تعلمت معجزة Heal والثانية
بعدها اخترت تذكر المعجزة
بس ما عرفت كيف استخدمها
قرأت الجايد ولا ذكر شيء
طبقت اللي ذكره فوق
شخصيتي مازالت لا تطبق معجزة Heal
علما بأنها ساحر
هل في سلاح معين للمريكلز يعني مثل السحر عصا؟

الصهيبي
بالنسبة لسؤالك



في احد المرات النادرة اللي قتلت ابو عيون جريئة هههه رحت الباب اللي جنبه وحصلته مقفل بس انت من وين جبت المفتاح؟



تعرف الفارس اللي في المرحلة الأولى
يطلب منك ان تنقذه
مدرع بدرع شبه ناري
المنطقة هذه فتشتها ولقيته
طبعا اول مره ما لقيت المفتاح
في المره الثانية لما متت رحت لنفس المنطقة ولقيته

طبعا هذا مقطع لشخص يحاربه
oFduzE7d0Fc

[Tockuchi]

لال انا ابي اكون هيومن !! ماني عارف ارجعله,, اي والله اخوي كاسح حاس فيني :(
لازم تذبح رئيس عشان ترجع هيومان

[FFX13]

ايه,, الله كريم ,, الحين آخر سؤال ,, ألاونلاين,, احد يعرفله بالظبط ؟, يعني كيفية استخدام البلو آي وغيره,,

[Kazuya]

والله انتوا تتكلمون باشياء فيها

انا والله مو فاهمها بس اطق وامشي

ولا بعد للحين بمرحلة الاولى

مليت اوصل بعييييييييييييييييد اموت يعيدني من اول شي لا تخزين ولا شي والله مللللل

:(

[Zatar]

Kazuya (http://www.montada.com/member.php?u=2514) عاد اسهل مرحله الاولى
بس يبيلك تفهم العبة
وراح تحبها
انا مثلك اول شي كرهت العبة
بس حااول انك تصير سيمون حق هيومن وروح وياه وجمع سول ولا مت
ماراح تخسر شي لي مايصير لفلك عالي وتقدر على الوحوش
ترا سر العبة انك تلفل كثثر ماتقدر
يعني لا جمعت 750 سول رد المدينه
ولفل نفسك وكمل كل ماتجمع سول طيب رد ورفع لفل
بتحس انهم يصيرون سهلين
ولا انكسر سلاحك روح للحدااد يسويه
لان ماراح يدمج عدل

[FFX13]

صدقني لو تتعلم عليها عدل,, راح تقول من احلا الالعاب اللي لعبتها, انا بحاول اساعدك

اول شي حاول تحط براسك كلمتين,,, مابي اخسر مابي اخسر :) والعب وانته مركز على كل من حواليك ولا تجازف وتروح حق اللي ما تقدر عليه,, زيد اللفل وحده وحده وكمل اللعبه
وطبعا الكل يدري انه اللعبه حييل صعبه وكل واحد فينا يخسر وحتى انشالله اللي لفله 1000 يخسر,,
فأنته حاول تقلل من خسارة الدم, وتخلي عندك دم زايد واللعبه تصير سهله انشالله

[الصهيبي]

اخر التطورات معي فزت على الديمون اللي في 4-1 والان لفلي 38 والسلاح مطور +6 (وعندي سلاح اخر مطوره +7 بس ما ارتحت في اللعب فيه )والان عندي stiky commpond long bow اللي هو افضل سهم في اللعبة +2 (لازم اوصله الى +5 علشان يكون اقوى سهم يعني لسة وراي تطوير ) والان عدت هيومن من جديد ^-^ حتى الان لاعب +27 ساعة ! في اللعبة وخاصة امس لعبت وقت طويل كله كان في تجميع الصخور للتطوير وكمان رفع الفل واشتريت قوة mirical ب 20000 سولز ! اللي تسمحلك في اي لحظة ترجع لنكسس ومعاك كل السولز اللي جمعتها حتى لو انت في وسط المرحلة (مفيدة جدا وتستاهل المبلغ الخرافي !)

[Zatar]

اخر التطورات معي فزت على الديمون اللي في 4-1 والان لفلي 38 والسلاح مطور +6 (وعندي سلاح اخر مطوره +7 بس ما ارتحت في اللعب فيه )والان عندي stiky commpond long bow اللي هو افضل سهم في اللعبة +2 (لازم اوصله الى +5 علشان يكون اقوى سهم يعني لسة وراي تطوير ) والان عدت هيومن من جديد ^-^ حتى الان لاعب +27 ساعة ! في اللعبة وخاصة امس لعبت وقت طويل كله كان في تجميع الصخور للتطوير وكمان رفع الفل واشتريت قوة mirical ب 20000 سولز ! اللي تسمحلك في اي لحظة ترجع لنكسس ومعاك كل السولز اللي جمعتها حتى لو انت في وسط المرحلة (مفيدة جدا وتستاهل المبلغ الخرافي !)
مشاءالله
انا تعديت التاور ولفلي 26 بس اخوي الصيهبي
علمنا شلون انطلع هالقوه هذييي
عشان ماانحااتييي نخسر السول

[Falling Angel]

أخيرا ذبحت فارس البرج العملاق
عاد لما فزت رحت جمعت سولز تقريبا 15000
وطورت اسلحتي
سلاح short sowrd لفل 5
سلاح Scimitar لفل 6
compound short bow لفل 5
الشيلد لفل 4
وعندي كم سلاح لفل 2 و 3
لفلي الأن 27
راح أحارب العنكبوت

على فكره إذا كنت سول
في خاتم اسمه cling ring
هذا فائدته أن معيار الطاقة (الدم) يكون كثير
كذلك في خاتم اسمه
ring of gash resistance
هذا فائدته يرفع نسبة مقاومة النزف (نزيف الدم)
انصحكم بلبسه اذا كنت في حالة سول

[The Black Ninja]

السلام عليكم
موضوع ممتاز و مفيد اللعبة فيها اشياء كثيرة و صعوبات و تحديات و ماشاء الله نستفيد منكم و نحاول نفيد
في نقطة اتمنى اذا احد يعرفها يجاوبني عليها
احيانا اخذ اسلحة مميزة و الاقيها بصعوبة مثلا عندي Katana حق الساموراي واضح انها قوية من ال status بس لما البسها تنقص قوتها 70% يصير اقل سيف عندي احسن منها
و في اسلحة ثانية تكون متوسطة و البسها تصير اقوى من كل السيوف الي عندي
هاي النقطة مالي فاهمها في اللعبة هل بسبب اني knight ؟ مثلا اسلحة معينة تقوى او تضعف لكل Job ؟
أصحاب الخبر ياريت يفيدوني
اخوي كل سلاح قوي يحتاج يكون الليفل مالك عالي مثلا اذا الليفل عندك 20 و في سلاح قوي ودك تستخدمه بس تنقص قوته لما تبغي تسخدمه في هذه الحالة لازم تزيد الليفل مالك عشان تقدر تستخدمه
انا شخصيا كنت كل ما ازيد ليفل اجرب استخدم السلاح لين ما اقدر استخدمه لان بعض الاسلحة تكون ثقيلة على الحرامي فلازم تزيد القوة عندك و في بعضها تحتاح الى مهارة فلازم تزيد المهارة
بالمختصر المفيد كل ما كان الليفل عالي كل ما زاد عدد الاسلحة الي تقدر تستخدمها
و ارجو اني قدرت افيدك و اوصل المعلومة لك
ســـــــــــــــــــــــــــــــــــــــــــــــــــــــــــــلام

[الصهيبي]

مشاءالله
انا تعديت التاور ولفلي 26 بس اخوي الصيهبي
علمنا شلون انطلع هالقوه هذييي
عشان ماانحااتييي نخسر السول

خلف الحداد بتحصل واحد يعلمك mirical ما عنده الا ثلاث وحدة منهم فقط ب 20000 هذي هي المهمة

[Yamato]

كاسح..


اشياء مهمة يجب عملها في اول منطقة 1-1 :

- انقذ فارس بولتاريا Ostrava وهو فارس درعه " ذهبي " يمكنك انقاذه من امام الوحوش
الممسكة باعواد خشب نارية .. اقتل جميع الوحوش في المنطقة عشان ينزل ويساعدك ..

- التقط خاتم Thief Ring والموجودة خلف Ostrava . الاداة فايدتها انها تخفي وجودك من
الوحوش البعيدة يعني ماراح يحس فيك الوحش الا لما تقرب وهذه مفيدة للهرب .

- التقط خاتم Cling Ring والموجودة في الممر الايمن من البوابة المؤدية للزعيم الاول
وفيدة الاداة انها تعطيك 75% من الطاقة في وضع الـ Soul Form .

- التقط درع Purple Flame Shield بعد ان تقتل التنين الاحمر في منطقة 2-1 والدرع
موجود في منطقة 1-1 في الهضبة الخضراء .



وين مكان هالفارس.. ما عرفت مكانه؟!!
ان شاء الله عقب باجر بقعد يوم كامل عاللعبة.. ما بقى شي من اجازتي :(

شباب..
في منتدى اجنبي قالولي انه في حداد ثاني بحصله بـ 2-1.. وين مكانه بالضبط؟!
الاول راح في شربة ماي نبى نحافظ عالثاني.. رمحي تكسر :_(

[Falling Angel]

^^
بعد ما تتغلب على الزعيم الأول
وتكلم الولد الصغير ( المنيمونتال )
راح يعطيك مهمة ويقولك هل توافق عليها
اختر نعم
بعدها راح تفتح اربع ابواب على ما أظن
(اللوحات اللي من خلالها تدخل على المرحلة)
أنت أدخل هذه البوابة
Archstone of the Burrow King
وراح تلافيه فيها
بس انتبه تقتله
لأن شكله غريب جدا
راح تلاقيه عصبي ويشتغل في حدادة سلاح

----------

yay
تغلبت على العنكبوت
لفيلي حاليا 30
طيب الصهيبي
انا تعلمت ثلاث معجزات ما عدا اللي بـ 20000
كيف استخدمها؟

[الصهيبي]

^^ما تقدر تستخدم الا وحدة الا ان ترفع طاقة معينة اظن انها faith بس مش متأكد الى مستوى مرتفع علشان تستطيع انك تتستخدم اكثر من وحدة وعلشان تختار اي وحدة تريد تكون معك حاليا تروح لعند نفس الشخص اللي علمك وتختار ريميبر للحركة اللي تريد تكون معك اثناء اللعبة

ملاحظة لاستخدام mirecale لازم يكون معك اداة اسمها talisman of god تحطها كسلاح ثاني مثلا في يدك اليمين وبعدين تحرك السهم يمين بيغير سلاحه الى هذا التيلزمان وبعدين اضغط r1 لتنفيذها

[FFX13]

انا عندي استفسار, انا ماعندي السحر,, شلون احصله ؟؟ وسؤال بخصوص البربل شيلد.. حصلته بس ما اقدر استعمله لانه لاعبي ضعيف,, فشنو بالظبط احتاج ازيد.. للعلم طاقات لاعبي :
Wanderer
Vitality :15
Intelligence :12
Endurance :17
Strength : 16
Dexterity :15
Magic : 9
Faith : 7
Luck : 14
Soul lvl : 25
.. يليت احد يفيدني والسموحه على الازعاج :)
ووين الرئيس Archdemon لحد يقول التنين الثاني

[Yamato]

^^

بعد ما تتغلب على الزعيم الأول
وتكلم الولد الصغير ( المنيمونتال )
راح يعطيك مهمة ويقولك هل توافق عليها
اختر نعم
بعدها راح تفتح اربع ابواب على ما أظن
(اللوحات اللي من خلالها تدخل على المرحلة)
أنت أدخل هذه البوابة
Archstone of the Burrow King
وراح تلافيه فيها
بس انتبه تقتله
لأن شكله غريب جدا
راح تلاقيه عصبي ويشتغل في حدادة سلاح


----------






ادري.. بس باي مكان بهالمنطقة؟!

[Falling Angel]

اها قول كده,,
أنا حاليا بتعلم اللي بـ 20000
جامع 13000 سولز

شباب إذا مستواك تحت الـ 35
لا تلعب البوابة اللي بأسم
Archstone of the Shadowmen
هياكل عظمية مررره قوية
ذبحت واحد عطاني تفريبا 350 سولز
وهربت ورجعت للي أقدر عليهم
^_^
يلا أشوفكم بكره

[FFX13]

اتمني احد يقولي بس شلون اعبر الThick Fog Gate:boggled:

[الصهيبي]

انا عندي استفسار, انا ماعندي السحر,, شلون احصله ؟؟ وسؤال بخصوص البربل شيلد.. حصلته بس ما اقدر استعمله لانه لاعبي ضعيف,, فشنو بالظبط احتاج ازيد.. للعلم طاقات لاعبي :
Wanderer
Vitality :15
Intelligence :12
Endurance :17
Strength : 16
Dexterity :15
Magic : 9
Faith : 7
Luck : 14
Soul lvl : 25
.. يليت احد يفيدني والسموحه على الازعاج :)
ووين الرئيس Archdemon لحد يقول التنين الثاني

اولا البربل شيلد لازم الstr يكون 22 يعني لسة وراك مشوار
ثانيا علشان تتعلم السحر في واحد يعلم في نفس المنطقة حق الساحرة السوداء بس لازم الماجيك يكون 10 على الاقل ويكون معك catalyst هذي الاداة اللي تطلق بها السحر وفي تيلزمان اوف جود هذي اللي تطلق فيها mirecale
اخيرا الضباب ما تقدر تعديه الا لمن تقتل وحش معين بعدين في اللعبة الان لازم تنتقل الى 2-1 يعني العمود اللي جنبه مو نفس العمود اللي تدخل منه كل مرة

[Falling Angel]

ادري.. بس باي مكان بهالمنطقة؟!


اوكي تابع الفيديو معي,,

qSxsxLbJUG0

جواب سؤالك عند الدقيقة 4

[FFX13]

الف شكر اخوي الصهيبي :) بس الوحش اهوى المقصود فيه التنين ؟ ووين احصله بالظبط

[الصهيبي]

[/CENTER]

ادري.. بس باي مكان بهالمنطقة؟!
اول ما تدخل المرحلة بتلاقي رجال يبيع شوية ايتمز في وراه غرفة هذي الغرفة بعدين لمن تتقدم في 2-1 بتستطيع تشغل مصعد يوصلك الى تحت الارض وهناك تحصل الحداد (بس بالله عليك لا تضربه هو كمان:D) يعني انت كمل 2-1 عادي وتحصل في طريقك عدة رافعات احدها بيشغلك المصعد اللي في هذي الغرفة

[Falling Angel]

حاليا أنا عند 2-2
ما لعبتها حتى الأن
بكره العبها
على فكره وين الساحره؟
I can't wait to learn more spellz
^_^

[الصهيبي]

الف شكر اخوي الصهيبي :) بس الوحش اهوى المقصود فيه التنين ؟ ووين احصله بالظبط
العفو....
الوحش اللي مطلوب بتحصله بعد ما تقتل اربع خمس وحوش قبله يعني انسى موضوعه الان كمل لعبك في المناطق الثانية وبعدين ارجع لها الضباب :أفكر:

[Falling Angel]

oh
على فكره راح تواجهك سحالي نارية
أفضل طريقة لقتلها هي الأسهم
وكل منطقة تدخلها تأكد أنها من أنها خالية من السحالي المتعلقة في الجدار

[Yamato]

وين مكان هالفارس.. ما عرفت مكانه؟!!
بمنطقة 1-1

[ahmadkb]

وين مكان هالفارس.. ما عرفت مكانه؟!!
بمنطقة 1-1

عند الدقيقه 2:50

4F7JZIuNFmA

[الصهيبي]

^^ شفت اول ما تنزل من الدرج وتلاقي واحد مسوي trap عبارة عن صناديق ديناميت او ما تقرب منه يفجرهم؟
خلك عن اخر السلم وشوف تحت بتحصل ايتم يلمع واعداء تحت انزل من هناك (اشر الى السور وهو بينزل بنفسه او مع الضغط على الزر X ) انتبه لازم تكون قريب من الجدار والا بتسقط في منطقة عميقة ويمكن تموت اول ما تنزل بتلاقي الفارس محاصر انقذه باسرع وقت (اذا مات عليك الفارس ما بيرجع الا اذا سويت نيو جيم !)

[الصهيبي]

اليوم وصلت لفلي الى 43 وهذا state :
vitality 20
inte10
endur 20
str 23
dex 15
magic 10
faith 14
luck 11

مثل ما تلاحظو انا مو مركز نهائيا على الماجيك و كل اهتمامي بزيادة القوة و hp و stamina ومكتفي بالاسهم كسلاح من بعيد انا اشوف هذا الاسلوب انسب لي

[Almy09]

أخوي بلاك نينجا تعرف شو اللفل المفروض اكون فيه و ال Status لأقدر اني استخدم السلاح Makoto ؟ صراحة السلاح باين عليه رهيب بس لسه انا ضعيف لأستخدامه و دورت بالنت و ما لاقيت اي معلومة على اي لفل اقدر استخدمه مع العلم انا لفل 46 الان
و الي حابب ياخذ السلاح هذا من الشباب
اول شي تقتل الرئيس 4-1 و بعدين تدخل 4-1 مرة ثانية من الاول تلاقي في NPC جديد في بداية المرحلة يقلك انه في سلاح اسطوري اسمه Makoto خلص كلام معاه بعدين روح 4-2 بعد ما تقتل او جندي في تلاقي NPC حقير يكذب عليك مو مشكلة اهوه يطيحك في حفرة داخل الحفرة السلاح تلاقيه موجود

[www2033]

مشكووووووووور جداااااااااااااااا

[KasiH]

وين مكان هالفارس.. ما عرفت مكانه؟!!
ان شاء الله عقب باجر بقعد يوم كامل عاللعبة.. ما بقى شي من اجازتي :(


هذا ياخي ماعرف كيف اوصفه بس في درج وانت نازل منها على يساره ممر صغير وغرفة فيها براميل وواحد
كل ماقدمت يرمي نار على البراميل وتنفجر .. انت وانت نازل من الدرج لو تلف الكاميرا راح تلاقي واحد تحت واقف
ودرعه ينور ذهبي وحتلاحظ انه انسان .. عشان تنزل عنده لازم تتشقلب وانت فوق الدرج عشان تطيح عنده
يعني اطلع كم درجه عالية وخذ زاوية مناسبة وتشقلب عليه .. حتطيح عنده ..


في منتدى اجنبي قالولي انه في حداد ثاني بحصله بـ 2-1.. وين مكانه بالضبط؟!
الاول راح في شربة ماي نبى نحافظ عالثاني.. رمحي تكسر :_(

الثاني تلاقيه تحت الحصن الثاني من الممر الطويل لو تنزل تحت راح تلاقي ممرات من تحت الارض .. وعلى فكرة
في واحد تساعده من تحت الارض كمان في 2-1

[Lezard Valeth]

ياماتو

تقدر تنزل ل Ostrava من غير لا تنقز ترا, بس خلك ظاغط جدام عند السور وراح تشقح.

أنا حاليا بقى لي عالمين وآخر مكان بالقلعة بس

صار لي يوم كامل ما كملت اللعبة بس قاعد أسوي farming عشان اطور الستاتس وشكلي بطول على هالموال

عشان لقيت لي خوش مكان حق ال farming , لمن تذبح المونك واتخلص مرحلة التاور بس تلبورت من النكسيس لآخر مكان بالمرحلة وذبح بحراس السجن الحمر (عددهم 2 وكل واحد ما ياخذ مني الا طقتين ويموت بال Dozer Axe )

المكان تاخذ منه 7100 سول تقريبا (أذا امسوي equip ring of avarice ).. وكل 20-25 دقيقة اتضيعها على الحراس الحمر اطلعك ب 100.000 سول

أذا احد فيكم امحصل مكان احسن للفارمينق لا يقصر ويانا شباب

[Zatar]

شباب وين احصل red stone

[Lara Croft]

السلام عليكم و رحمة الله و بركاتة

أخواني عندي سؤال بخصوص كلاس الهنتر ، هل في مجال يتعلم السحر أو لا ؟
حيث إني اروح للي يعلم السحر فالنكسس فيرفض يساعدني ؟


=-=-=-=-=-=-=

وحبيت اشاركم شيء شفته أنا و أخوي فاللعبة ، ما اقدر أجزم و لكن قلت أحطه و أنتوا تحكمون :bigeyes: !!


http://thumbs.bc.jncdn.com/6921e0910f0dbd36f1e0226f76a61d65_lm.jpg

و مع الإقتراب أكثر :wow: !


http://thumbs.bc.jncdn.com/d9ba2c99d31d280074dcc72e9c83959b_lm.jpg


شو رايكم ؟

حسبي الله ونعم الوكيل ، اللهم إهدنا و أهد أعداء المسلين يارب العالمين :(

[saifbin]

ياماتو

تقدر تنزل ل Ostrava من غير لا تنقز ترا, بس خلك ظاغط جدام عند السور وراح تشقح.

أنا حاليا بقى لي عالمين وآخر مكان بالقلعة بس

صار لي يوم كامل ما كملت اللعبة بس قاعد أسوي farming عشان اطور الستاتس وشكلي بطول على هالموال

عشان لقيت لي خوش مكان حق ال farming , لمن تذبح المونك واتخلص مرحلة التاور بس تلبورت من النكسيس لآخر مكان بالمرحلة وذبح بحراس السجن الحمر (عددهم 2 وكل واحد ما ياخذ مني الا طقتين ويموت بال Dozer Axe )

المكان تاخذ منه 7100 سول تقريبا (أذا امسوي equip ring of avarice ).. وكل 20-25 دقيقة اتضيعها على الحراس الحمر اطلعك ب 100.000 سول

أذا احد فيكم امحصل مكان احسن للفارمينق لا يقصر ويانا شباب


لو سمحت يا اخوي

الحين انا خلصت
1-1
1-2
2-1

شو رايك وين اروح احسن .. يعني اقصد اروح 2-2 ولا اروح 1-3 مين الاسهل ؟

[FFX13]

السلام عليكم و رحمة الله و بركاتة

أخواني عندي سؤال بخصوص كلاس الهنتر ، هل في مجال يتعلم السحر أو لا ؟
حيث إني اروح للي يعلم السحر فالنكسس فيرفض يساعدني ؟


=-=-=-=-=-=-=

وحبيت اشاركم شيء شفته أنا و أخوي فاللعبة ، ما اقدر أجزم و لكن قلت أحطه و أنتوا تحكمون :bigeyes: !!


http://thumbs.bc.jncdn.com/6921e0910f0dbd36f1e0226f76a61d65_lm.jpg

و مع الإقتراب أكثر :wow: !


http://thumbs.bc.jncdn.com/d9ba2c99d31d280074dcc72e9c83959b_lm.jpg


شو رايكم ؟

حسبي الله ونعم الوكيل ، اللهم إهدنا و أهد أعداء المسلين يارب العالمين :(

:blackeye: لا تعليق,,,

[dely10]

^^^
استغفر الله شي واضح

حسبي يالله عليهم

[Lezard Valeth]

لو سمحت يا اخوي

الحين انا خلصت
1-1
1-2
2-1

شو رايك وين اروح احسن .. يعني اقصد اروح 2-2 ولا اروح 1-3 مين الاسهل ؟

اهو ماكو اسهل واصعب.. يعتمد على الستاتس ونوعية ال equip الي عندك بس

اذا تقصد ب 2 مكان المنجم , احسن لك اتكمل المنجم لأنه بيفيدونك وايد الآيتمز والستونز الموجودين هناك راح يساعدونك اطور اسلحتك بشكل اسرع غير هذا تاخذ سيف الدراقون بآخر المرحلة

واذا رحت التاور بعد المنجم like i did وباريت المان ايترز انصحك تذبح أول مان أيتر بطريقة safe اكتشفتها (بالأحرى اكسبلويت اكتشفته لول:09:)

تقدر اتحوشه بالأسهم من برا بدون لا تدخل عنده بس لازم اتكون على آخر اليسار ولاصق بالضباب وحط الفيرست بيرسون فيو ونيشن عليه ( خذلك 150 سهم او اكثر لأنه يعتمد على نوعية الباو الي عندك وتطويره) بس اهم شي لا تذبحه برا وصل الأج بي ماله لآخر شي ودش من داخل واذبحه بآخر سهم عشان لا يضيع عليك السول)

واذا تبي نصيحة على المونك i give you none because he is the easiest and most funny boss i encountered lol

[ShinGundam]

لارا ترى حتى الأجانب عندهم كتب مزخرفه :| كيف جى في بالك أنه قرآن ؟
فالله يرضى عليك لا ندخل في وساوس و متاهت مثل هذي إحنا في غنى عنها

[FFX13]

يليت احد يشوفلنا حل مع العنكبوت الغثه:28:
ماني قادر اذبحه, (لعبت معاه مره ) ولفلي 31,, ازيده وارجعله ولا اروح اجرب معاه مره ثانيه,,
واحد يعرف اماكن المفاتيح اللي بالمرحله الاولى ؟ اللي يعرف يليت يقولنا لانه مبين الItems متروس فيها :D :32:

[Yamato]

يا ساتر..
انا طحت مرة في ذيج البقعة بس وقتها كنت ضعيف وانذبحت على طول!
برجع لهم مرة ثانية واشوف سالفة اوسترافا هذا (&)
بس سؤال.. هو بيتم يمشي بعدين لوين.. لازم الحقه؟!

تسلموا يا حلوين :*


لارا..
انا شفت هالكتاب باللعبة.. بس لا تحط في بالك انه المصحف.. اصلا المصحف له اشكال مختلفة من الاغلفة.. وليس المهم الغلاف.. اهم شي كلام الله ما ينمس بالسوء.. وما اشوف انه في اي ذكر لكلام الله يا صاحبي!

[FFX13]

اخوي Yamato البقعه هذي وين بالظبط ؟ بال2-1ولا 1-2

[Yamato]

الفارس على كلام الشباب فهو بالمنطقة 1-1

[FFX13]

الفارس على كلام الشباب فهو بالمنطقة 1-1

الفارس الذهبي ؟؟ شفت الفارس اللي عينه زرقه تحصله فوق, وراه يكون في درب,, روح هناك وقبل لا تواجه اللي الفارس اللي بعده اللي يكون ملغم ,, رح تقدر تطمر على اليمين,, تلقى الفارس الذهبي هناك لازم نتقده هذا اوسترافا :)

[Yamato]

والله ضعت..
الحين كم فارس بالمنطقة :(

[FFX13]

اهوى فارس واحد, بس تلقاه مره ثانيه بال2-1 ,, انا راح اضيفك انشالله الحين واشرحلك هناك:أفكر: وانشالله بعد لا قدرت العب معاك احسن واحسن :)

[Yamato]

ايوااا.. طب متأول كده من الاول (&)

[الصهيبي]

FFx13
لقتل العنكوب خلك بعيد عنه ومن اقصى اليسار ارميه بالاسهم لين ما يموت سهل جدا

[Yamato]

على ذكر الاسهم.. من وين اقدر اشتري الاسهم؟!

[الصهيبي]

^^ الحداد اللي انت قتلته كان يبيعهم هههههههه والمشكلة الحداد اللي باقيلك ما يبيع اسهم ! وفي واحد يبيع الاسهم في 4-2
وما عندي علم اذا البائع اللي تحصله يبيع في 1-1 وبعدين لمن تخلص من 1-1 ينتقل الى 1-2 يبيع اسهم او لا

[Tockuchi]

^^^
في مكان الي بعد ما تذبح الذئاب راح تمشي شوي جدام تلقه واحد يبيع اسهم

[Yamato]

ياخي وش ذا الحداد الزفت.. ترا وهقنا هذا (&)

[Tockuchi]

^^^^
لول محد قالك اتطقه:09:

[FFX13]

لوووووووول Yamato xD
ويعطيك العافيه اخوي الصهيبي,, بس ماني قادر !! يطلع نار,, ويسوي خيوط ولاعبي يعلق,, والمشكله السول دمه صغيير يعني يدوب ازيد الدم الا ميت :(

[FFX13]

ذبحته بدون ولا item لوول والله خوش طريقه :D قواك الله

[G.S.A.]

من جد حمستوني شباب ;)

توني مشتريها وان شاء الله بكره بألعبها

بس سمعت بعضكم يقول انها صعبة على العموم انا متحدي واحد اني اجيب البلاتينيوم:)

[FFX13]

:bigeyes: لول ناويها جنك ,
;) بس ترى صعبه لا تحسبها مثل الالعاب الثانيه وانشالله نشوفك معانا مستمر بالموضوع

[الصهيبي]

^^مبروك ffx13 عقبال ما تخلص من بقية الزعماء
انا الان موقف تقدم في القصة بعد ما قتلت الوحش اللي في 4-1 وجالس ازيد في اللفل انا الان لفلي 54 ^_^
بس كله كان زيادة في luck علشان احصل صخور اكثر علشان التطوير وكمان magic انا كنت مهمله وطلع في اماكن كثير الوحوش ما يتأثروا لا بل الاسلحة او الاسهم ما يأثر فيهم الا ماجيك قوي كمان !

[king zms]

شباب أنا قتلت واحد من الشخصيات في النكسيوس اللي هي البنت اللي في المكان خلف الحداد هل راخ تأثر على بشي اذا كان راح تأثر أعيد اللعبة لأني ليسه بالبدايه بس 9 ساعات لعب واللفل 19 وانا في 1-2

[FFX13]

الله يبارك فيه hehe :أفكر: بس في مشكله الحين,,:o
المرحله 2-2 بعد ما آخذ الدراجون سورد والقى مثل بحيرة بركان والزواحف الكبيره المندعسه يمين ويسار,, هني ظيعت :blackeye: وعندي بربل شيلد ثاني لول ذبحت جندي جان يطلعلي :silly:

[الصهيبي]

^^^ انا ما قدرت امر في هذي المرحلة اساسا كلها كائنات ما تتأثر بالضرب بالسيوف مع انه لفلي 55 باحاول اطور الماجيك وارجعلهم انت ايش تستخدم معاهم؟ ماجيك؟ اي واحد فيهم؟ كم قوة الماجيك عندك ؟

[FFX13]

انا ما عندي ماجيك كلش,, الحين قاعد ايمع السولز وانشالله ببلش بالماجيك و قوة الماجيك بس 10 @.@ وللحين ما يصير اكمل 3-1,, و2-2 جدا ممله ,, ابدي ب1-3 ؟ =|
ومادري اذا يفرق الMagic عن الmiracle بس انا طلعلي واحد يبيع وحده منهم,, واتوقع المركل لانه كيور وهييل وسوالف معالجه :)

[الصهيبي]

^^^ طيب كيف كنت تمشي في 2-2 انا اضربهم يالسيف ما يتأثروا الا بصعوبة؟(اقصد الوحوش السود )
انا انصحك لو لفلك فوق 35 تروح 4-1 صعبة شوي بس بتقدر عليها ان شاء الله ولو خلصتها بتوصل 4-2 فيها مكان في البداية تقدر تزيد لفلك فيه بسرعة تقتل وحش يعطيك 4500 سولز باربع اسهم بس ! انا من بعد هذا المكان وصلت لفل 55 بسهولة وان شاء الله بكرة اوصل 60

[FFX13]

انا كنت اذبح على طول من وره,, لو تلاحظهم بطيئين وساعات اصلا تذبح واحد الثاني ما يدري , ف تطعنه من وره وتطقه قبل لا يقوم,, وحاول تاخذ الpickaxe اتوقع هذا اسمه, تحصل بالبدايه الحداد اللي يبيع بعد ما تصعد الدري :),
يتأثرون فيه هذوله السود والحلو فيه انه سريع هالسلاح ف ما يمديه يطقك الا اهوى ميت واهم شي تكون سريع وبس :) سهالات عليك اتوقع :)

[FFX13]

وفي حركه اكتشفتها من قبل مادري اذا تعرفها انته او لا,, في سيف اسمه schitter او شي جذي, خلك ماسكه ف ايدك اليسار بدال الدرع ! وخل بأيدك اليمين سيف او اي سلاح غير السهم, واذا واحد بيطقك قبل لا يلمسك بشعره اظغط L2 وراح تحرك سيفك الschitter بطريقه تلقى سيفه يظرب بسيفك وكأنه فاتح جسمه كاامل بعدها وتقرب وتظغط R1 تصير طعنه من جدام وعلى طول يموت! انا دايما استعمل هالحركه خصوصا لا كان الديمون قوي بعد

[Sparta Ghost]

لول ..
اول واحد قلت بشتري اللعبه و للحين حتى ما بديت اللعب ..
لعبت بس المقدمه . مره حلوه .. حسيت انها بسيطه ( <<<<< i know it will get harder ) :D

الويكيند ان شاء الله بلعبها ..
زين اي كلاس تنصحوني اخذ ؟

[saifbin]

شباب انا الحين خلصت االجزئ 1 من المرحلة 3
ولفلي 30 بس


احسن تسلسل للمراحل هو
1-1
2-1
1-2
3-1

الحين بروح 2-2

[Devil..S]

السلام عليكم ورحمه الله وبركاته
وصباح الخير
اولا اشكر صاحب الموضوع والاعضاء جميعا


عندي كم سؤال على اللعبه

1 - افضل ريجون للعبه ايش هو لاني سمعت انو في بعضها لها سيرفرات خاصه وانا ابغى الي الاغلبيه عليه

2 - كيف طريقه اللعبه (مراحل او عالم مفتوح مثل اوبليفيون وفول اوت )

3 - هل اللعبه فيها عروض قصها حلوه ولا نادره الحورارت حول القصه وعروضها قليله

4 - كم مده المرحله واذامت اعيدها من اولها او فيها شيك بوينت ومتى يكون savegame

4 - هل من الممكن ان اضع رساله واخلي صاحبي هو الي يفتحها واجي اساعده او المساعده عشوائيه من اي احد

5 - هل فيها شات صوتي او كتابي

وشكرا مره ثانيه

[Zatar]

السلام عليكم ورحمه الله وبركاته
وصباح الخير
اولا اشكر صاحب الموضوع والاعضاء جميعا


عندي كم سؤال على اللعبه

1 - افضل ريجون للعبه ايش هو لاني سمعت انو في بعضها لها سيرفرات خاصه وانا ابغى الي الاغلبيه عليه

2 - كيف طريقه اللعبه (مراحل او عالم مفتوح مثل اوبليفيون وفول اوت )

3 - هل اللعبه فيها عروض قصها حلوه ولا نادره الحورارت حول القصه وعروضها قليله

4 - كم مده المرحله واذامت اعيدها من اولها او فيها شيك بوينت ومتى يكون savegame

4 - هل من الممكن ان اضع رساله واخلي صاحبي هو الي يفتحها واجي اساعده او المساعده عشوائيه من اي احد

5 - هل فيها شات صوتي او كتابي

وشكرا مره ثانيه


1.الامريكية
2.مراحل وكل مرحله لها بوس
3. لي فهمته ان قصتها حلوه ومو مكرره
4. تقدر تخلي رساله والكل يقرراها ويقيمها بس رسايل جاهزه
مثلا بمرحله الثانيه في سور تشوف رساله تقولك المنطقه امنه وانت تمشي الا هذاك التنين فوق راسك
حركه نذاله
5.لا

[Zatar]

الييوم حصلت بلاك ستووون
والله العبه صارت وناااسه
كل شوي اسوي غزو على عالم ثاني واصير ضد الهيومن
معاارك طااحنه بو 30 دقيقه واخر شي كله خسراان
العبه روعه بعد ماتحصل البلاك ستووووووووووون
نظااام pvp روعه
اول مره اشوف لعبة نظااامها حييييييييييييييييل قووي

[Falling Angel]

^_^
مرحبا شباب
أنا لفلي 35 كنت اشتري بالمريكل والسحر
وأطور بأسلحتي حاليا ٍScimitar لفل 8 وقوي مره
short sowrd lvl 7
بكره أزيد مستوى لاعبي

أنا حاليا بـ 2-2
أول ماتبدء المرحلة أمش قدام
بعدها ينقسم الطريق لطريقين يمين و يسار

يمين فيه وحوش اذبحهم
بعدها تجيك حفره عميقه وفيها منصات تنزل عليها
الطريق هذا يوصل للزعيم فورا ناري
يعني اذا ماعند ماجيك الماء water veil تروح فيها

الطريق اللي على اليسار هي المرحلة
ملخص المرحلة
الوحوش يعني قويه بس مو قويه مرره
راح يواجهك فانتوم طيف أحمر
قوي مرره
راح تصادف سحالي خياليه
اقتلها اذا قدرت راح تعطيك احجار مهمة
انا قتلتها بالأسهم
أنا حاليا نزلت إلى أخر شيء
وبعدها وصلت لمكان بركان
إذا مشيت عليه تموت حتى لو لمسه
وعلقت في هذا المكان !!
اها بشوف شو اعمل



شباب أنا قتلت واحد من الشخصيات في النكسيوس اللي هي البنت اللي في المكان خلف الحداد هل راخ تأثر على بشي اذا كان راح تأثر أعيد اللعبة لأني ليسه بالبدايه بس 9 ساعات لعب واللفل 19 وانا في 1-2


البنت هذه تعلمك بأمكان أشياء مهمة مثل أحجار كريمة وكذا,,
بعد كل ماتقتل زعيم رح وتكلم معها
وراح تعلمك بشيء جديد
سلام

[Falling Angel]

انا ختمت المرحلة 2-2
طبعا اعتمدت على الماجيك في البداية
لانه الزعيم فيه سرعة بسيطة وقفزات عالية
بس احلى شيء عملته
كان في عظم تنين كبير
حشرته من جهه وأنا في الجهة المقابلة
واستلام ضربات متتالية إلى ان مات
XD
راح تأخذ منه 22000 سولز
كذلك بنهاية المرحلة وبعد انقاذك لشخص نذل
راح تلاقيه في النكسيس
راح يبع لك خاتم ميزته recover mp by the time
قيمة الخاتم 60000 سولز
انا حاليا بجمع قيمته

اللى عنده خبرة في هذه المرحلة 2-2
في ادوات كثيرة موجودة في البركان كيف اخذها؟

[الصهيبي]

ما شاء الله عليك انا لفلي 65 ومو قادر ادخل الى 2-2 لا نهم ما يتأثرو بضرباتي نهائيا @_@ عقدوني حسيت اني لا رفعت لفل ولا شي
3-1 في في البداية واحد قوي طلع عيني وبصعوبة خرجت من المرحلة قبل لا يذبحني
4-2 الهياكل العظمية باعداد ضخمة واحتمال انهم يحاصروك ويقضوا عليك مليون بالمية !
ما عرفت وين اروح شكلي باستمر ازيد بالفل الى ان يفرجها الله واشوف حل!!

[king zms]

البنت هذه تعلمك بأمكان أشياء مهمة مثل أحجار كريمة وكذا,,
بعد كل ماتقتل زعيم رح وتكلم معها
وراح تعلمك بشيء جديد
سلام



اها يعني راحت علي

انا الحين في 1ـ2

قتلت التاور نايت بطلعت الروح استخدمت معه مزيج من الأسهم واني اضربه على رجوله لين ما يطيح واضربه على رأسه

وقتلت التنين بعدها بأستخدام القوس+2

بس شباب فين اللي يعلمني ماجك عندي السلاح اللي يطلقه والماجيك عندي 11

[الصهيبي]

^^تعرف وين البنت ابو شعر اصفر وين كانت تجلس؟ في الخلف فيالجزء اليمين صح اللي يعلمك الماجيك في الخلف في الجزء اليسار من المكان.


اخيرا خلصت 2-2 بعد طلوع الروح الان محتار بين المناطق الباقية كلها صعبة !

[Zatar]

شباب انا عندي نايت
لفلي 45 بديت اهتم بالمجيكاات
بس ماقدر الا اشيل حركتين مجيك شلون اقدر ازيدهم اخليهم اكثر من 2

[king zms]

آها شكراً صهيبي وعلى البركة انهاء 2ـ2

[Yamato]

خلاص..
باجر بلعب من جديد.. محتاج للحداد الزفت هذا :(

[FFX13]

انا طلعلي الحداد اللي يبيع الخاتم Recover mp a little in time ب60000 سول ولفلي 36 بس الحين عندي مشكله,, ماني عارف اخلص 2-2 معقده حييل@.@ للعلم خذيت الDragon sword طبعا السيف خياالي قوته 182 اعتقد , والميركل عندي 2 وماني عارف استخدمهم ! وعندي البلاك ستون وبعد ما جربتها,, ما حالفني الحظ فيها, ف حبيت اسئل اخوي Falling Angel وكل شخص خلص 2-2 يعطينه افادته والحل للمرحله المعقده :(
وما عندي اي نوع من انواع الماجيك,, فحاب اسأل شلون احصلهم ؟؟ وشكثر ارفع الماجيك عشان تطلعلي ؟
ومبروك لكل من خلص هالمرحله وله شهاده مني على احترافه :D

[الصهيبي]

اولا الحمدلله خلصت 2-2 وكمان 2-3
(اول تروفي فضي تحصل عليه بعد قتل الزعيم في 2-3 ^-^
ثانيا من وين يا ffx13 حصلت السيف هذا؟

ثالثا 2-2 انا تعبت منها رجعت اخذت طريق مختصر اقفز من القمة الى القاع عبر منصات معينة الى ان توصل الى الرئيس مباشرة دون الدخول في مواجهة مع اي احد من الوحوش الصغيرة
استخدموه وريحو نفسكم
http://www.youtube.com/watch?v=w4zZaw2EldI
بس لازم تركز اي خطوة خطأ يعني انك تسقط وتموت !

[FFX13]

السيف حصلته في 2-2 قبل لا تطلع على البركان اللي موجود ,, يكون قبله في ممرات وعفسه . تحصله هناك,, ماني عارف اشرحلك بالظبط لانه المرحله نفسها الله بالخير :(
اما الفيديو ,,, O,o مشالله عليه بس.

[الصهيبي]

شباب انا عندي نايت
لفلي 45 بديت اهتم بالمجيكاات
بس ماقدر الا اشيل حركتين مجيك شلون اقدر ازيدهم اخليهم اكثر من 2

كل مازاد ال int كل ما زاد عدد الماجيك
يعني عند
int=10 <<<<1 magic
int=14<<<<2magic
int=18<<<<3magic
int=24<<<<4magic
int=30<<<<5magic

طبعا 5 ماجيك مو معناها 5 ضربات سحر مختلفة لانه في ماجيك متقدم ياخذ 2 ماجيك لوحده يعني خمس خانات للسحر

وللmircale نفس الفكرة بس زيد faith وليس int