Kimi ni Todoke: From Me to You

[THE FANTOM]

السلام عليكم ورحمة الله وبركاته ~

----------------------------------
http://lightspeedanime.files.wordpress.com/2009/09/kimi-ni-todoke.jpg
----------------------------------

أسم الأنيمي : Kimi ni Todoke (Reaching you)
أنتاج : 2009
عدد الحلقات " المتوقع" :26 حلقه !
الشركه : Production I.G
عدد مجلدات المانجا:9 فوليمات ولاتزال مستمره ~
حازت ع جائزة أفضل مانجا شوجو Kodansha Manga Award في سنة 2008

---------------------------------
القصه :
تدور القصه حول فتاه تدعى Kuronuma Sawako .. يدعوها زملائها ب Sadako كونها تبدوا غريبه ومخيفه نوعا ما لدرجة أن زملائها يظنون أنها شبح..وبعضهم يعتقدون بانها تستطيع لعنهم ورؤية الأشباح :أفكر:
إذاً : مشكلتها ب شكل عام هو خوف الناس منها + سوء فهمهم لها ~.~
و ماتريده هذه المسكينه هي أن تحيا حياة طبيعيه وتكون صداقات والأهم أن تكون 100 Fresh > ك صديقها Shota Kazehaya :)

---------------------------------

الرأي الشخصي :

فكرة الأنيمي ب شكل عام قد لاتكون أصليه أصليه بما تعنيها الكلمة من معنى !
ولكنها ممتعه وتستحق المتابعه لما تحويه من كوميديا مسليه ودراما :أفكر:
جو الأنيمي ب شكل عام يذكرني ب أنيمي يدعى "Bokura Ga Ita " لكنه مو sleepy زي أيتا:09: وهذه نقطه إيجابيه :D
من ناحية أنتاج ماأعتقد يحتاج أتكلم كونه من قبل Production I.G ;)
وو..
المهم .. اللي يبي أنيمي خفيف ومسلي وشوجو ^ أعتقد هذا الأنيمي هو ضالته ~

وسلامتكم ~

[takumi]

مشكور اخوي على طرح الموضوع ..

تابعت الحلقه الاولى .. بالفعل جو الانمي نفس بوكورا بس افضل منه :33:
انمي هادئ و يونس .. حتى الرسم مو ذو الالوان الفاقعة :D و تحسه بسيط .. :)
شخصية البطله مسكينه فقيره تكسر الخاطر :( حتى صوتها احسه خشن
بس البطل كيوت يحليله :p يعطي للبطله دافع اجابي ..

[Tyki Mikk]

شفت أول حلقة وكان عادي, أبداً ماجذبني
+
صارلي فترة مو مشتهي أي انمي *_*

[سكوال الصنديد]

من فين نقدر نحمل المسلسل :33::33:

[Dio-Sama]

السلام عليكم

جفت الحلقة الاولى, ما اقدر اقول انا مميزة أو واو, لكنها كانت warm & sweet.
بتابع المسلسل ان شاء الله.

[chris]

وعليكم السلام ورحمة الله وبركاته
اممم
انا احب مثل هذه المسلسلات البسيطة والدافئة
ويبدو ان المشاكل قادمة للبطلة .. بس من الجيد وجود من يساعدها ..
هذا يدفعني لمتابعة المسلسل


شكرا لك يا اخي العزيز THE FANTOM
على هذا الموضوع





سلام chris

[Modi]

حبيت الانمي .. "انا لي فتره طويله منقطع عن الانمي فقط اتابع ناروتو"
الانمي روعه لدرجه من تخلص الحلقه يضيق صدري .. ابي الي بعدها !

الانمي رجعني لأيام اول لأيام المستوى الراقي

شفت الى الان 3 حلقات "اشوفه اول بأول"
اتمنى تغمض عيني وافتحها والقى قدامي المسلسل كامل T_T

هل فيه انميات شوجو بنفس المستوى ؟؟ اشوفكم تتكلمون
عن Bokura Ga Ita هل هو نفس الاجواء بشكل عام ؟

[mario 64]

شباب من وين نقدر نحمل الحلقات :33:

عربي او انجليزي

[Modi]

^
^
التورنت فيه كل شي
او عربي ادخل قوقل وسو بحث


شفت الحلقه الرابعه قبل شوي .. الاشاعات ومشكلة صديقاتها يجون بلحظه غلط بغلط
ويفهمون انها ماتحبهم .. بالنسبه لي المسلسل كشوجو اعتبره مسلسل السنه بنظري XD

[itachi lover]

يعطيك العافيه فانتوم ..

أنا صراحه أحسه خفيف و مره يعيشك بجو ثاني ....

و أحس أن شاء الله مافيه خسارة

[Akira]

" وااااو من القصه أعجبني وأحب هذا النمط من الانمي ح تابعه بس لما أخلص سول ايتر

وشكرا على التقرير الحلو "

[Nanashi]

السلام عليكم..

أحلى مافي المسلسل حاليا مثل مابعض الأخوان قالوا وهو الجو..جوه جميل وهادي وخفيف..

شخصيه Sawako وايد تدش القلب وودك تعرف شلون تتطور وشنو يصير بحياتها

وأتمنى في الحلقات القادمه يكون في دراما قويه

يعطيك العافيه أخ فانتوم

[DC1996]

جدا عجبني الانمي مشكور اخوي فانتوم ع الموضوع الي عرفني بهذا الانمي
اكثر مايميزه هو الجو الخفيف والهدوء

[THE FANTOM]

السلام عليكم ..

اليوم شفت الحلقه السابعه ~
ب صراحه ماعندي شيء أقوله .. عيونكم هي الحكم :D
بس أقدر أقول أنيمي هذه الفتره ! >> مع Cross Game طبعاا :09:

مودي ..
بخصوص بوكرا جا ايتا ..
تقدر تقول تقريبا نفس الشيء بس أكثر هدوء ~ >
لو حاب تنزله موجود في الوصله التاليه مع كم أنيمي :أفكر:
http://a.scarywater.net/triad/

======

إلى كل من رد وشاهد الموضوع ~
الله يعطيكم ألف عافيه ..
سلام ;)

[takumi]

7 حلقات من الانمي ليلحين و حدهم روعه ...

يختي على البطل خجول .. اينن ..

اما البنتين مو صج وحده اخبل من الثانيه خاصة إلي شكلها مو حلو وايد هههههههه ما ادري شسمها

في وحده طلعت في مقاطع من الحلقات شعره اشقر على بني فاتح كأن جميله .. يا خوفي تخرب على الجو الهادي مع ان شكلها مو شرير .. بس لان البطله شوي تفكيرها بسيط و على نياتها ينقص عليها بسرعه هههه ..

اما هذا الولد رفيج البطل ... اعذروني ما احفظ الاسامي بسرعه .. أهوا مع الطوفه واحد هههههههه بس يهبل يختي عليه .. خاصة الحلقه السابعه احس يمعتهم تونس .. صج جو الانمي هذا بالذات يهدي النفس ..يخليني ريلاكس هههههههههه ..

[سكوال الصنديد]

ممكن يا أعضاء تعطونا روابط مباشرة للحلقات ؟؟؟؟ التورنت عندنا عطلان وال

GOOGlE كذلك ؟؟؟

وهذا بعد إذنكم بالطبع :biggthump:biggthump

[.dark man.]

المدرس احلى شيء ههههههههه خصوصا دخلته في الحلقه 6

[No `AnGel]

الانيمي راح يكون 26 حلقة جزء واحد بس
واعلنو عن لايف اكشن له ..


الحلقة 13 نزلت قبل كم يوم

[Marche]

شو، محد شاف الحلقة 14؟

حلقة ممكن ألخصها بكلمتين : Beautiful & Heatwarming!

و طبعا هالوصف ينطبق عالحلقات كلها بس هني ظهرت بوضوح...

Kurumi - Chan بصوت مؤديتها Aya Hirano يقطر دلعاً و رقةً و كبرياء، يعني فعلاً أبدعت بتأدية صوتها، و ما يستغرب منها نفسها مؤدية Suzumiya Haruhi و Misa-Misa و Konata Izumi و Mamori و اللستة تطول و تطول~.

طبعاً مابغي أتكلم عن مؤدية Sawako - Chan، أتقنت الدور فعلاً!!
يعني أتوقع لو أييب واحد ما يعرف ياباني، و ما يشوف أنمي من الأساس، و أسمعه حوارات Sawako، إنه بيقدر يفرق بين مونولوجها الرائع بجانب الديالوج الخارجي...

الـAnimation أبداً ما عليه كلام... Production I.G تبدع مجدداً في اختصاصها، هي الأفضل عندي بجانب Madhouse Studios.

Eh?
توني أقرا عنواين الحلقات، و للأسف الحلقة 16، مب 15 بتكون Summary أي ملخص للحلقات السابقة.

يلا... بانتظار باقي الحلقات... هو الأفضل من ما أتابعه أسبوعياً بجانب Fullmetal Alchemist : Broterhood، و هم الوحيدين أصلاً اللي أتابعهم أسبوعياً حالياً :silly:

[!!!!!]

السلام عليكم
متابعة جديدة تنضم للقائمة خخ
شفت للحلقة 15 .. بس 16 ملخص :( يعني بنتطر للحلقة 17..
متى تنزل الحلقة في اليابان اي يوم؟ ومتى تنزل انجليزي؟
انا شفتها مترجمة عربي دفعة وحدة 15 حلقة وماعندي خلفية متى تنزل في اي يوم باليابان عشان احدد متى اشوفها مترجمة عربي ..
الصراحة شيزرو ويانو مسوين جو حلو بالانمي هههههه خصوصا يانو .. ويوم تضحك الضحكة الشريرة خخخ
الحلقة اللي كلو فيها الرامين اسميه اشتهيته والمشكلة انا حامل واتوحم .. يوم اشوف الرامن اروح اكل اندومي :cray:

[حـــلا]

وعليكم السلام والرحمه


ما شاء الله الانمي عليه اقبال شديد
عبالي بس انا اتابعه p: .. قلله اللي يجذبهم
هالانمي لانه هادئ وبطيئ الاحداث وهذا الحلو فيه ^^


اقتباس : متى تنزل الحلقة في اليابان اي يوم؟ ومتى تنزل انجليزي؟


الحلقات تترجم وترفع كل ليلة إربعاء بمنتدى مكسات ..


اقتباس : Kurumi - Chan بصوت مؤديتها Aya Hirano يقطر دلعاً و رقةً و كبرياء، يعني فعلاً أبدعت بتأدية صوتها،
و ما يستغرب منها نفسها مؤدية Suzumiya Haruhi و Misa-Misa و Konata Izumi و Mamori و اللستة تطول و تطول


مثلي ! من النوع اللي يدقق بالمؤديين الصوتيين p:
صوت كورومي حلو .. لكن دورها حتى الان ما اتضح لما
الحين ما اقدر اجزم إذا فعلاً كانت شريره.. او تحب كاز بشكل مزعج p:

[takumi]

^^^^
الحلقه تنزل كل يوم ثلاثاء و تترجم انجليزي الاربعاء
بس انا اتابعها مترجمه عربي ..

الحلقه 16 كانت اعاده للأحداث حدها مليقه يعني ناطره اسبوع و اخر شي احباط ... ><

[Levana]

الحين ما اقدر اجزم إذا فعلاً كانت شريره.. او تحب كاز بشكل مزعج p:

مو شريرة بس فيها نذالة >>" + نوعا ما مثيرة للشفقة & يس بتحب كازيهايا a lot

ساواكو صايرة مزعجة she is to blankin' nice مستحيل مستحيل
في احد لطيف لذي الدرجة؛ شخصيتها ابد مو واقعية ~.~

ثانكس فانتم ع الموضوع !

[حـــلا]

مو شريرة بس فيها نذالة >>" + نوعا ما مثيرة للشفقة & يس بتحب كازيهايا a lot

لا مو نذاله خخخ .. التعبير الاصح انانيه p:
الكل يقول عنها kawaii ومحد فاهم اللي بداخلها
تقريباً كاز هو الوحيد اللي حسسها إنه يفهمها وهذا اللي
ولع البنت فيه -_-" .. فقررت الاخت إنها تتبع خطة *كاز للجميع* لوول

هي تغار من ساواكو .. مو بس عشان كازيهايا .. لإنَ سووكه عندها صداقات حقيقيه
حب حقيقي .. وناس فاهمينها ومهتمين فيها + اسم محسوده عليه p:

بإختصار فكرة الانمي إنَ الشخص بمعدنه مو بمدى كونه kawaii ^_^

[سكوال الصنديد]

هل أكتملت حلقات المسلسل ال26 إلى الأن أم لا ؟؟؟

2- هل هذا المسلسل يناسب صغار السن أم لا ؟؟؟ وذلك لعدم تمكني من قراءة

الموضوع كاملاً نظراً لضيق الوقت ؟؟؟

وسلامتكم :biggthump

[Levana]

هل أكتملت حلقات المسلسل ال26 إلى الأن أم لا ؟؟؟
26! الأنمي 24 حلقة و الحين و صل لـ 16.

2- هل هذا المسلسل يناسب صغار السن أم لا ؟؟؟ وذلك لعدم تمكني من قراءة
الانمي PG-13 يعني للمراهقين من 13 سنة و اكبر + تحت مراقبة الاهل.

----

لا مو نذاله خخخ .. التعبير الاصح انانيه p:
الانانية = نذالة عندي >>

الكل يقول عنها kawaii ومحد فاهم اللي بداخلها
تقريباً كاز هو الوحيد اللي حسسها إنه يفهمها وهذا اللي
ولع البنت فيه -_-" .. فقررت الاخت إنها تتبع خطة *كاز للجميع* لوول
خخخخخخخ that was a rly good evil plan xD

هي تغار من ساواكو .. مو بس عشان كازيهايا .. لإنَ سووكه عندها صداقات حقيقيه
حب حقيقي .. وناس فاهمينها ومهتمين فيها + اسم محسوده عليه p:
تستاهل محد قلها تكون fake >.>

بإختصار فكرة الانمي إنَ الشخص بمعدنه مو بمدى كونه kawaii ^_^
هذا حلو فيه, =)

[سكوال الصنديد]

هل أكتملت حلقات المسلسل ال26 إلى الأن أم لا ؟؟؟
26! الأنمي 24 حلقة و الحين و صل لـ 16.

2- هل هذا المسلسل يناسب صغار السن أم لا ؟؟؟ وذلك لعدم تمكني من قراءة
الانمي PG-13 يعني للمراهقين من 13 سنة و اكبر + تحت مراقبة الاهل.


مشكور ....:biggthump

بس أبغى أعرف ماذا تقصد بي مراقبة الاهل. ؟؟؟؟؟ هل به مشاهد عنيفة أو

ما شابه ؟؟؟؟؟؟؟؟؟:28::28:

[Levana]

بس أبغى أعرف ماذا تقصد بي مراقبة الاهل. ؟؟؟؟؟ هل به مشاهد عنيفة أو ما شابه ؟؟؟؟؟؟؟؟؟:28::28:
مافي مشاهد عنف لان تصنيفة رومنسي-كوميدي, لاكن كمثال في الحلقه 6 هذا المشهد..

http://montada.com/attachment.php?attachmentid=318648&stc=1&d=1265097522


مجموعة بنات يتجمعو على سواكو و يتنمرون عليها لفظيا انت كأب/أخ توضح لأولادك/أخوانك
ان هذا تصرف سيء و غير مقبول. احيانا تكون في الفاظ غير لائقة او بذيئة (الترجمة الانجليزي)
فتعلمهم ان استخدام هـ الالفاظ غير مقبول.

بالنهاية الامر راجع على القيم و العادات الي يحاول ولي الامر يزرعها, اذا شفت شي ما يناسب دينك/ عاداتك/تقاليدك
او ما يتوافق مع مجتمعك نبهم علية و وضح لهم الفرق بين الي يصير بالانمي و بين الواقع.

[RPG & ANIME]

ثاني أنمي بارد أشوفه من النوع (رومانسي مدرسي) >> شفت من قبل ترو تيرز http://t2.gstatic.com/images?q=tbn:kz8mMcdCIsJRjM:http://www.mangayume.com/wordpress/wp-content/uploads/true-tears_thumb.jpg
(و جاب لي الملل من بروده،تابعته علشان رسوماته، الرسومات أبدعوا فيها والخلفيات (background) دقيقة في الرسم جداً.. المهم ماعلينا)
كيمي ني تدوكي ....http://t1.gstatic.com/images?q=tbn:yYsJnPYTzY36iM:http://img1.ak.crunchyroll.com/i/spire3/6805b9a5b5035bead3d276bc53092cf51236210068_full.jpgشنو أقول!
أنمي لازم يعجب كل اللي يشوفه أنمي لطيــــــــف جدا ً و هاديء يخليك رايق و لا تتمل من أحداثه

صراحة عجبني مع أن طريقة سرد الأحداث عبارة عن قلب ساواكو بس .. طول الحلقة تتكلم على قلبها عن مشاعرها ... بس ماحسيت أن هالشي أزعجني طريقة جديدة و لطيفة
أنك تعرف مشاعر البطلة و كيف تتطور و اهي تحكيها بنفسها

القصة عادية، بس الأحداث فريدة من نوعها جدا ً مع أنها بطيئة شوي و أحس بعض
الحلقات تخلص و مافيها أي تطور.. بس كل حلقة أرى أن لها طعمها الخاص
مثلا ً أنه لحد ألحين ماعترفوا لبعض، و فيه أحداث جديدة ماتتكرر في الأنميات الثانية
عادة ً الأنميات الرومانسية متشابهه أحداثها، يمكن هذا بسبب أن الأبطال خجولين.. و مكملين مع بعض
بدون ماواحد منهم يعرف مشاعر الثاني.
و الحلو في الانمي انهم يوضحون عن الشخصيات الجانبية يانو ويوشيدا مثلا لهم دور كبير في المسلسل
والحلقة الـ18 بتكون عن يوشيدا



جفت الحلقة الاولى, ما اقدر اقول انا مميزة أو واو, لكنها كانت warm & sweet.صح كلامك مو اللي واو بس تحسه بريك


جو الأنيمي ب شكل عام يذكرني ب أنيمي يدعى "Bokura Ga Ita " لكنه مو sleepy زي أيتا:09: وهذه نقطه إيجابيه :D
المهم .. اللي يبي أنيمي خفيف ومسلي وشوجو ^ أعتقد هذا الأنيمي هو ضالته ~عاد هذا شفت منه اول حلقة و ماقدرت أكمله، هو صحيح نفس الجو بس بوكورا جا إيتا برود قاتل
كيمي ني يتميز بكوميديته و لطافة الشخصيات

الشخصيات حلوة مرة
يانو و يوشيدا مخلصات جدا ً و علاقتهم مع ساواكو تجنن :أفكر:، و مسوين جو جميل للأنمي
خصوصا ً يانو إذا طلعت الوجه الشرير :D، علشان تقرب كازيهايا و ساواكو لبعض
http://t3.gstatic.com/images?q=tbn:AUQrhEdWfFoQzM:http://3.bp.blogspot.com/_485YA3c9vf0/SwR6KS3DO-I/AAAAAAAACks/V_fKqgrOJrU/s400/kimi-ni-todoke-7.jpg
ريو>>> مفهي .. حبيته مع أنه مو مميز ألف شخصية أنمي نفسه
كورومي>> يعني، حبيتها يم تمسح دموع ساواكو بعنف
كازيهايا>> مثالي بزيادة بس يجوز أن فيه شخصيه مثله،>-< ما أحب صوت ضحكته أحسه يتدلع كأنه بنت " ضحكته رقيقة بزيادة مو حق أولاد"
و أحلى شي أنه خجول ..أحبه إذا استحى و جهه يصير كاوايي ^.^
والهالشي أهو اللي مميز الأنمي مثل ماقلت فوق عادة الانمات البطل يعترف للبطلة من الحلقة 7 بس كيمي ني طول هالشي وأحسه شي نادر
ساواكو>> رهيبة، غبية، على نياتها .. و هالشي ميسر الأحداث.. لأن صراحة ماتوقعت تسير الأمور بهالشكل المحبوك مع كورومي.. استنكرت مثلث الحب بس هالشي انتهى
بطريقة سلمية لمنافسه بدون حقد و تنمر و انتقام
بين: ماأدري على أيش الكل حابه ._. بس اهو كوميدي و سخيف في نفس الوقت، و أحلى موقف سواه اللي في الحلقة الـ 17 ظليت أضحك لين نهاية الحلقة
________

تقريبا ً هذا تعليقي على الأنمي بشكل عام، و أنصح اللي يحب الأنمي الدرامي الرومانسي يشوفه
أنمي محترم و مافيه لقطات مخلّة..

أخيرا ً ...شكرا ً على فتح موضوع النقاش و كومين~نيه عالإطالة


بانتظار الحلقة 18

[!!!!!]

هلو
وينكم عن الموضوع ماشوف حد يشارك خخخخخ
شفت 17 و18 و19 دفعة واحدة وبصراحة الانمي بدا يدحل الجو الدرامي ^^
اسميني ضحكت يوم شفت ويه اياني مصفوع ههههههه
انتظر تعليقاتكم للحلقات :)

..

[سكوال الصنديد]

مشكورين على الأجابة يا Levana


اسميني ضحكت يوم شفت ويه اياني مصفوع ههههههه

1- وصلتي للحلقة كم ؟؟؟؟

2- من فين نقدر نشوف المسلسل ؟؟؟؟؟

[!!!!!]

^
تقدر تنزلها من مكسات كل خميس مترجمة عربي ..قسم الانمي المترجم

بس وينكم ما شوف حد يشارك غيري ؟ وصلنا للحلقة 21 الحين وقربنا من النهاية!

[Al Bhed Girl]

^

وصلت متأخرة لولز XD

لكن شجعني لما قريت اراء الاعضاء ان الانيمي حلو ودافئ ويعيشك جو خارج اللي انت فيه ..
،، اظن انه لا ضير من متابعته .

[Levana]

مشكورين على الأجابة يا Levana
العفو, سوري ما انتبهت لردك قبل ^^"

2- من فين نقدر نشوف المسلسل ؟؟؟؟؟
مترجمه عربي؛ ما ادري, جرب مكسات مثل ما قال علامة تعجب لو انجليزي تقدر تشوفها اون لآين هنا (http://www.animeseason.com/kimi-ni-todoke/),
او تحملها تورنت من هنا (http://www.torrentzap.com/), الافضل موقع Animesuki.com لاكنه محجوب عندنا -السعوديه.
الجروب Eclipse ترجمتهم حلوه, فيك تجربهم اذا تبغى ترجمه انجلش.

[سكوال الصنديد]

مشكور يا !!!!! ويا Levana

بس يا Levana ؟؟؟ أنا الأن في السعودية والموقع كما ذكرت محجوب ؟؟؟:02::02:

إذاً من فين نقدر نحمل المسلسل

إحنى نبغاه ترجمة عربي

وسلامتك :biggthump

[takumi]

الانمي قاعد يمشي في بطء من ناحية التطور بالعلاقة بين البطلين يعني 3 حلقات عن شيزرور و أخر حلقه نزلت
عادوا من جديد للبطلين ..

[takumi]

الحلقه الاخيره تبط الجبد بارده و فاجه

ما توقعت النهايه جذي بتكون .. ما صار شي ما في اعتراف للطرف الثاني .. وايد خجولين ><
لو كان فلم احسن من 25 حلقه على برود تمشي الاحداث ><

[!!!!!]

النهاية مخيبة ..فعلا الحلقة قبل الاخيرة باردة.. والاخيرة فيها نوع من الفكاهة بس بعد فيها برود
تمنيت يعترفون لبعض.. اتوقع المانجا احلى ..حد اهني متابع للمانجا؟

[Iris]

النهاية مخيبة ..فعلا الحلقة قبل الاخيرة باردة.. والاخيرة فيها نوع من الفكاهة بس بعد فيها برود
تمنيت يعترفون لبعض.. اتوقع المانجا احلى ..حد اهني متابع للمانجا؟ متابعة للمانجا,
الانمي شفت لحد حلقة 19, ومنه الاحداث للانمي نفسها في المانجا,
سو مو متاكده هل تختلف نهاية الانمي او لا, لكن اعتقد ان تكملة الاحداث في المانجا,
و هي لحد الان تصدر, الاحداث سواء انمي او المانجا, عموما هادية و بطيئة قليلا,

[Evil Hunter]

السلام عليكم ورحمة الله وبركاته

الانيمي هذا ذكرني فوريت باسكت XD نفس الهدوء والاشياء هذي التي تقولها الفتاة

عموما الانيمي شوجو والمانجا شكل يكون جوها افضل في هذه الاشياء لذلك هو مشهور بشكل كبير كمانجا

الانيمي اعتقدت ممكن يعطيني تجربة مثل Skip Beat لكن هيهات هيهات XD