المساعد الشخصي الرقمي

مشاهدة النسخة كاملة : هل قضيت على الدهون ام قضت علي !


L0L
13-10-2009, 07:19 PM
:p

السلام عليكم

انا صارلي 3 اشهر العب بالنادي وماشفت نتائج مرضية يمكن من التغذية :D
اولا انا طولي 172 ووزني 91 ونسبة الدهون 33% :(

ابي منكم جدول ونظام تغذية :biggthump

تنصحوني اخذ ليبو 6 او بروتين ولا اي مكمل < ضايع :28:

وللعلم انا فيني حساسية من الحليب ( يعني ماقدر اخذ بروتين ) :o
بطااطاا
13-10-2009, 07:35 PM
أذا لقيت حل بلغني تكفى ::::::::::::::::::::::::::::ك
عشــق البطــوله
13-10-2009, 10:15 PM
اخوي هل انت في الـ 3 شهور تلعب حديد او تخسيس ؟

يعني ماهو هدفك بالضبط ؟

ولي رجعه ان شاء الله بعد ردك
L0L
13-10-2009, 10:31 PM
هلا اخوي

بصراحة ماعندي هدف ناس تقول ضخم وناس تقول تخسيس ( ضعت ) فلعبت اي كلام :(

لعبت حديد + مشي
عشــق البطــوله
13-10-2009, 11:03 PM
في البدايه ياهلا فيك يالغالي

ومايصير اخوي لازم تحط لك هدف .. مايصير تمشي وتطقها وبس وماتدري شنو هدفك ..
اخوي بشكل عام لابد تنظم اكلك وتغذيتك وتبتعد عن الدهون والمقليات والوجبات السريعه ..

اهتم بالمسلوق والمشوي او الاكل بالفرن .. اهتم بالبروتينات والخضراوات ..

لابأس ان تاكل كاربوهيدرات ولكن بشكل بسيط جداً ..

والأفضل انك تراجع شخص مختص بالتغذيه عشان يصمم لك برنامج غذائي خاص بك..

عموما اخوي .. انت واضح عندك زياده في الوزن تقريبا 19 كيلو وبصراحه ماهي قليله
وانا ارجح انك تنزل وزنك بالكارديو جنباً الى جنب مع تمارين السويدي الى ان تقترب من الوزن المثالي وبعدين تبدأ بالحديد مع الكارديو لشد الترهلات وحرق الدهون في نفس الوقت ..


عموماً انت لازم تتمرن كارديو يوميــــاً وركز على يومياً ( طبعا بإستثناء ايام الراحه )

وراح ارتب لك جدول يناسبك ان شاء الله :

اولا بالنسبه للكارديو حاول تتمرن يوميا على حسب وقتك واهتم خصوصا بالسير والسيكل

السير / ويكون 25 دقيقه مقسم بين المشي السريع والهروله .. ويكون كالتالي :

تقسم كل 5 دقايق بروحها وتمشي في اول دقيقتين مشي سريع والثلاث الدقايق الباقيات هروله ..

ثم تبدأ في الـ 5 دقايق الثانيه وتمشي في اول دقيقتين مشي سريع و3 دقايق هروله ..

ثم تبدأ في الـ 5 دقايق الثالثه بنفس الطريقه وهكذا الى ان تنتهي الـ 25 دقيقه

( والهدف من هذي الطريقه هي حرق الدهون مع الحفاظ على الكتله العضليه من الإنهيار )

بعد ماتنتهي من السير تبدأ في السيكل / ويكون 15 دقيقه

ليصبح مجموع تمارين الكارديو 40 دقيقه وانا اشوفها ممتازه جدا ولاتزيد عن هذا الحد ..

وايضاً لاتنسى تمارين التخسيس او السويدي .. وانا افضل انك تتمرن تخسيس قبل الكارديو

وبعد ماتنتهي من التخسيس تبدأ في الكارديو ..
وانصحك بأخذ حارق دهون مثل الليبو6 مثلا ولازم تقرأ عنه في المنتدى قبل تستخدمه لأنه مايصلح لبعض الحالات ..
شد حيلك .. وبالتوفيق لك يالغالي
mashkaljey
14-10-2009, 12:52 AM
عشق البطولة 10/10
L0L
14-10-2009, 10:41 PM
يعطيكم العافية

واخوي عشق البطولة ..

العب كارديو وسويدي فقط ؟؟ ولا العب حديد عادي ؟ :33:
عشــق البطــوله
15-10-2009, 09:26 AM
انا افضل في هالفتره تلعب كارديو وسويدي فقط ..

الى ان تقترب من وزنك الطبيعي وبعدها تستبدل السويدي بالحديد لشد الترهلات + بناء كتبه عضليه

وبالتوفيق
L0L
15-10-2009, 09:45 AM
يعطيك العافية وماقصرت وان شاء الله الله يوفقنا ونوصل للي نبيه :)
عشــق البطــوله
15-10-2009, 11:50 AM
حاظرين اخوي ..

بالتوفيق وان شاء الله توصل لهدفك