تسريع استعادة قائمة التروفيز في PS3

[Bo Shesmah]

بسم الله الرحمن الرحيم

http://img8.imageshack.us/img8/6760/image03111.jpg

قائمة الـ Trophies من القوائم المهمة إلي تبيّن لك أحصائيات حصدك للكؤوس في جميع
الألعاب، مع تعدد الألعاب وزيادة الكؤوس، الجميع لاحظ بطء في تحميل القائمة وتحديثها، وهي
عملية الـ synchronize. إذا كنت تواجه هذه المشكلة اتبع الخطوات التالية، وراح يرد تحميل
القائمة بسرعة كبيرة كأنك اليوم شاري الجهاز، والطريقة جربتها شخصياً ونفعت معاي.

الخطوات:

1) طـف الـ الجهاز.

2) قم بالضغط على زر تشغيل الجهاز، ولا ترفع صبعك. الجهاز راح يشتغل وتسمع صفارة وحده، تالي ينطفي مجدداً، ارفع صبعك.

3) اضغط من جديد على زر التشغيل حتى تسمع الصافرة مرتين بشكل متتالي بعدها ارفع
صبعك.

إذا قمت بهالخطوات بشكل صحيح، راح تطلع لك رسالة تطلب منك إيصال يدّة التحكم بـ
USB.

بعد توصيلها راح تشوف مثل هالقائمة تطلع لك:

http://elhabib.at/wp-content/uploads/2008/10/ps3service.jpg

الأولى: إعادة تشغيل الجهاز.
الثانية: استعادة الإعدادات الإفتراضية.
الثالثة: إصلاح نظام الجهاز.
الرابعة: إعادة بناء نظام الجهاز.
الخامسة: استعادة النظام، راح يمسح كل شيء.
السادسة: تحديث النظام.

أختار الـ رابعة وهي: Rebuild Database

انتظر حتى تنتهي العملية، وبعدها اختر عرض قائمة التروفيز
وشوف السرعة في استراجعها، راح تلاحظ الفرق بين قبل وألحين.

ملاحظة: العملية هذه ما راح تمسح ولا شي من ملفاتك المحفوظة
ولكن راح تمسح الملفات المؤقتة مثل اللاعبين إلي لعبت معاهم وهي
قائمة الـ Players Met.

مصدر المعلومة:

http://streetskaterfu.blogspot.com/2009/07/improve-trophy-sync-speed.html

http://www.ps3daily.co.uk/20081024/ps3-firmware-250-how-to-access-playstation-recovery-menu/

[HasaWii]

يعطيك الف عافية على المعلومة

اول مرة اسمع بيها . . جاري التجربة
ولا تحرمنا من جديدك

[KasiH]

متأكد مافيها خطر @_@ لاني راح اجربها وابغى امسح القائمة اللي قابلتهم في الاونلاين ماتهمني @@

[I C E]

^^^^^^^^^^^^^

شباب الحركة هاذي كانت تصير ايام 60 جيجا وانا جربتها عليه ونفعتني الطريقه :)

اخوي انت متاكد انها تصير في الاجهزة الجديده
40,80,160,PS3 SLIM

رد علي بأسرع وقت لو سمحت

وشكرا

[Mr.Mohsen]

انا جهازي 80 جيجا العادي مو سليم امريكي .... جربتها وصار معاي اسرع لما افتح قائمة التروفيز بدون لا يمسح اي شي .. فقط اللي ينمسح قائمة Met اللي كنت تلعب معاهم اون لاين ... جربوها شباب ومافي اي خوف .

[Modi]

جربتها وياليتني ماجربتها

سرعة العرض ماتفرق كثير

والاهم
المسجات مع الاصدقاء الي كانت مخزنه انحذفت >_<
ومدري هل بتستمر الحركه كذا كل ما اشغل الجهاز ؟؟
اذا فيه طريقه ارجع للوضع الي قبل علموني

[General BiG Boss]

دام إن "الغرض" اللي تبونه شغال تمام لا تلعبون بالجهاز :P
but
التجربه خير برهان :)

[KasiH]

والاهم
المسجات مع الاصدقاء الي كانت مخزنه انحذفت >_<

الرسايل كلها انحذفت ؟؟ لا على كذه ماينفع ><

[Bo Shesmah]

يا اخوان.. أنا جبت لكم شي بخرب أجهزتكم فيه..
ترى حتى جهازي عزيز علي.. :)

الطريقة جربتها.. ونفعت معاي، ومثل ما قلت لكم ما حذف إلا اللاعبين إلي قمت بمقابلتهم في الأونلاين
الرسائل وغيره تظل موجودة. والسرعة إلي راح تبيّن معاك تسوى.

عموماً الطريقة نقلتها لإفادتكم.. ما أجبرك إنك تسويها.. وأتوقع لو تبحث بمنتدى سوني راح تحصلها..

[LEGOND OF LEGONDS]

شباب انا ابغى اعرف دحين في هذي اللحظة ما عندنا دي اس ال فاستخدمنا حق الجيران اقدر اوصل سلك بين اللاب توب والسوني ويشتغل؟

[you23sef]

مشكووووووووووووووووووور