Almstlej
17-01-2002, 10:04 AM
القملة الخبيثة
من زمان كانت القملة هي المسيطرة على الوضع الشعوري واقصد شعوري هو شعر الراس وكانت ماخذها راحتها في الشوش المعقدة والمعكّشه لدرجة ان بعضهن طاقات بير ارتوازي في قشرة الراس ومسقطه الغطاس <== مسقّطه والا قيصريّة كخخخ لكن في ظل وجود القنص اللي على أصوله فهالقمله الخبيثة تبي تنقرض لا محاله وتبي تصيبها (القصعة المزدوجة) وقمة هالقصعة تكون اذا حطيت القمله فوق ظفرك وجبت ظفر الابهام الثاني وحطيته فوقها ثم كبست عليها بقوة ( فاول ضربتين ) تبي تسمع صوت القصع ( طقطق ) والدم الثمين تلقاه يتسرب على الظفر بكل حيوية <== وين مصلحة المياه عموما مشكلة هالقمله بدت تخف حاليا وقليل اللي نلقاه يحك راسه ويمرشه بظفوره ( شخشخشخ ) الا في حالة اذا كان يفكر وياكودها نلقى احد يفكر هالوقت وهالحاله ما نعرفها الا عند انشتاين بس ما يمنع ان انشتاين يكون فيه قمل والا مهوب كل حياته تفكير وحك ؟ الا اذا تخالفت عنده النظريه النسبية القملية وطبت عليه بهجوم من نوع louse وحتى لو صار فيه راسه قمل ؟ مهوب لاقي القمل في راس انشتاين الا دمان متكهربه وملتهبه <== يبن الحلال خل الرجال في حاله وعض على عكره ... اذكر مره من المرات كنت منسدح على فخذ اميميتي يومني بزقه عاد هاك الوقت كانت شوشتي كنها شوشة لاعبين منول يومهم يحطون فيها عدّة الكوره من كبرها إذا شفت الواحد منهم مع ورا تشوف هالشوشه كنها طلحه فوق راسه والا حرمله <== حر مله والا( برد) مله كخخ المهم الوالدة الله يسلمها تحب تقنص وللمعلومية ترا عمليه قنص القمل تعتبر الهواية المحببة للامهات والجدات واذا صادت الوحده منهن قمله هاك الوقت كنّها صايدة أرنب او قميري عاد انا حالف عليها ومذممها اذا صادت شي في راسي اني احضر عملية القصاص <== جايب معه سكين خضره طبعا اول شي اقعد الاعبها وانغزها واحجرها على يدي ثم اعطي أمر القصع تعزيرا للمذكورة أعلاه وبيني وبينكم ولا يظهر لأحد ( أحد والا سبت ) تقريبا يوميا نصيد اكثر من 10 قملات حشا محمية قمل في راسي ما صارت :( وما ارتحت منهن الا يوم حلقوني صفر وفركوا راسي بالشامبو عاد هاك الوقت مابعد جانا برت بلس والا هيد آندشلدر ما عندنا الا هاك الغرشه الحمرا اللي كنها زيت دركسون ...
وياليت هالقمل يشب على امريكا زيادتن على هالجمرة الخبيثة ودي اتخيل شكل عجزهم وهن يواجهن هالمشكله شكلهن بينادن ( ما تقرب لابن لادن بس توراد خواطر ) الاف بي آي وهذا وجهي ان كان عجز امريكا يعرفن يقصعن ويقنصن او يدرن وش القمله والا انا اجزم بحكم خبرتي في هالمجال ان شعر كلينتون اللي جايه شوي من بوية البيت الابيض فيه اكثر من خمس قملات بس وينك يا هيلاري تفلينه ؟ احلالات بس ينسدح على فخيذ اليزابيث عني انها بتقصع ما يمكن قصعه ورصعه اتخيل اليزابيث تحوس في راس كلينتون وتغني هالمقطع ( ياقملتن تحت المطر ، تمشي على حد الشعر ، شربتي من دمي نهر ، حلفت لاذبحتس بظفر ) ويردد كلينتون ورا كل مقطع يسلم بؤك المعرعر بس بيني وبينكم ياكودها يجي في بزارينهم قمل من اول عمره وهو يتروش كل يوم وشعورهم دايم تلاصف من زود العناية أما حنا الله يخلف اذا شفت شعر الواحد يتلاصف فاعرف انه ملحسته بقرة وهو جاي يحط لها سطل( الغسال ) أو انه متعبث بزيت زيتون واكلف ماعليهم هو انك تشوف واحدن منهم جاي للبيت ووجهه محمر من التعب <== الله يخلف علينا وجيهنا سود من الشموس ومشهبّه . وتلقاه يدخل على أمه (نيكول ) وتلقطه على طول للمغطس ( تراه كان يسمي البانيو بيانو هو وخشته ) على طول تحلته فيه وتبدل ثيابه <== امه من الصوقه تهفّه بمعصاد الجريش او تدخل عصا المكنسه في .... غير تخويفها لي بالكبريت <== ليتها شابتن فيك ومريحتنا من شرك وعلى طاري التخويف لا تحسبون التخويف ماغير عندنا هنا وبس تدرون الحين ان عجز الامريكان يخوفون عيالهم (بابن لادن) صحيح اذا قام البزر يصج ويخرب وزنطته امه الحمرا العطرا تلقاها تهوش عليه وتقول له : ( لوك ماي بوي إف يو كتير مشكل آي ويل تيل بن لادن تو رصع يو اون يور فيس ، شت اب وسكّر يور خشّه اوكي ) وما تشوف الا هالبزر خانقته العبره وملبد في ربعة المجلس <== شكل عندهم وجار ومشب .. المهم نرجع لقملتنا اللي تقريبا انقرضت ( لكن الروس ما انقرضت ) وجانا هالحين بدالها الجمرة الخبيثة اللي ذبحونا هالعالم بها وكل يوم يزيدون ضحاياها والمضحك انها صارت تنتقل عن طريق الرسايل الله يخلي البريد الممتاز ) ( تراه يبخ فليت على رسايل الشغاله من زود الحرص ) وفرقها عن القمله ان القمله دايم مقرها الرسمي تكون في شعر الراس ولو شفتوا قمله في شعر اليد او الرجل فهي اكيد انها مكثره من الشفط واغتثت وداخت . ( يلزمها بيرة بالتوت ) لكن هالجمرة غالبا ما تجي في اليدين مع ملاحظة ان فيه ناس شعر يديهم اكثر من روسهم والله حق لهم شعر في صدورهم وظهورهم تقول طليان مهمب أوادم لدرجة انه يتفصّخ عند الحلاق ما يخلي الا (مايوه السنه ) ومكينة الحلاقه تدّهر في كل متسان ( لوه حالق خروف اريح له ). >== ما يحلقه الا بمحش أو مقص شجر ...
لكن ما اقول الا عسى الله يسلط عليهم في امريكا القملات والجمرات وينكد عليهم الطلعات والسمرات ويا حلالات منهو يرصعهم بالزبيرية كل واحد خمس رصعات ...
الا تعالوا ما تصملون نروّح لهم قمل في رسايل تراها مهيب شينتن ابد كخخخ
حقوق الرقعه محفوظه لأبوهارون
:D
من زمان كانت القملة هي المسيطرة على الوضع الشعوري واقصد شعوري هو شعر الراس وكانت ماخذها راحتها في الشوش المعقدة والمعكّشه لدرجة ان بعضهن طاقات بير ارتوازي في قشرة الراس ومسقطه الغطاس <== مسقّطه والا قيصريّة كخخخ لكن في ظل وجود القنص اللي على أصوله فهالقمله الخبيثة تبي تنقرض لا محاله وتبي تصيبها (القصعة المزدوجة) وقمة هالقصعة تكون اذا حطيت القمله فوق ظفرك وجبت ظفر الابهام الثاني وحطيته فوقها ثم كبست عليها بقوة ( فاول ضربتين ) تبي تسمع صوت القصع ( طقطق ) والدم الثمين تلقاه يتسرب على الظفر بكل حيوية <== وين مصلحة المياه عموما مشكلة هالقمله بدت تخف حاليا وقليل اللي نلقاه يحك راسه ويمرشه بظفوره ( شخشخشخ ) الا في حالة اذا كان يفكر وياكودها نلقى احد يفكر هالوقت وهالحاله ما نعرفها الا عند انشتاين بس ما يمنع ان انشتاين يكون فيه قمل والا مهوب كل حياته تفكير وحك ؟ الا اذا تخالفت عنده النظريه النسبية القملية وطبت عليه بهجوم من نوع louse وحتى لو صار فيه راسه قمل ؟ مهوب لاقي القمل في راس انشتاين الا دمان متكهربه وملتهبه <== يبن الحلال خل الرجال في حاله وعض على عكره ... اذكر مره من المرات كنت منسدح على فخذ اميميتي يومني بزقه عاد هاك الوقت كانت شوشتي كنها شوشة لاعبين منول يومهم يحطون فيها عدّة الكوره من كبرها إذا شفت الواحد منهم مع ورا تشوف هالشوشه كنها طلحه فوق راسه والا حرمله <== حر مله والا( برد) مله كخخ المهم الوالدة الله يسلمها تحب تقنص وللمعلومية ترا عمليه قنص القمل تعتبر الهواية المحببة للامهات والجدات واذا صادت الوحده منهن قمله هاك الوقت كنّها صايدة أرنب او قميري عاد انا حالف عليها ومذممها اذا صادت شي في راسي اني احضر عملية القصاص <== جايب معه سكين خضره طبعا اول شي اقعد الاعبها وانغزها واحجرها على يدي ثم اعطي أمر القصع تعزيرا للمذكورة أعلاه وبيني وبينكم ولا يظهر لأحد ( أحد والا سبت ) تقريبا يوميا نصيد اكثر من 10 قملات حشا محمية قمل في راسي ما صارت :( وما ارتحت منهن الا يوم حلقوني صفر وفركوا راسي بالشامبو عاد هاك الوقت مابعد جانا برت بلس والا هيد آندشلدر ما عندنا الا هاك الغرشه الحمرا اللي كنها زيت دركسون ...
وياليت هالقمل يشب على امريكا زيادتن على هالجمرة الخبيثة ودي اتخيل شكل عجزهم وهن يواجهن هالمشكله شكلهن بينادن ( ما تقرب لابن لادن بس توراد خواطر ) الاف بي آي وهذا وجهي ان كان عجز امريكا يعرفن يقصعن ويقنصن او يدرن وش القمله والا انا اجزم بحكم خبرتي في هالمجال ان شعر كلينتون اللي جايه شوي من بوية البيت الابيض فيه اكثر من خمس قملات بس وينك يا هيلاري تفلينه ؟ احلالات بس ينسدح على فخيذ اليزابيث عني انها بتقصع ما يمكن قصعه ورصعه اتخيل اليزابيث تحوس في راس كلينتون وتغني هالمقطع ( ياقملتن تحت المطر ، تمشي على حد الشعر ، شربتي من دمي نهر ، حلفت لاذبحتس بظفر ) ويردد كلينتون ورا كل مقطع يسلم بؤك المعرعر بس بيني وبينكم ياكودها يجي في بزارينهم قمل من اول عمره وهو يتروش كل يوم وشعورهم دايم تلاصف من زود العناية أما حنا الله يخلف اذا شفت شعر الواحد يتلاصف فاعرف انه ملحسته بقرة وهو جاي يحط لها سطل( الغسال ) أو انه متعبث بزيت زيتون واكلف ماعليهم هو انك تشوف واحدن منهم جاي للبيت ووجهه محمر من التعب <== الله يخلف علينا وجيهنا سود من الشموس ومشهبّه . وتلقاه يدخل على أمه (نيكول ) وتلقطه على طول للمغطس ( تراه كان يسمي البانيو بيانو هو وخشته ) على طول تحلته فيه وتبدل ثيابه <== امه من الصوقه تهفّه بمعصاد الجريش او تدخل عصا المكنسه في .... غير تخويفها لي بالكبريت <== ليتها شابتن فيك ومريحتنا من شرك وعلى طاري التخويف لا تحسبون التخويف ماغير عندنا هنا وبس تدرون الحين ان عجز الامريكان يخوفون عيالهم (بابن لادن) صحيح اذا قام البزر يصج ويخرب وزنطته امه الحمرا العطرا تلقاها تهوش عليه وتقول له : ( لوك ماي بوي إف يو كتير مشكل آي ويل تيل بن لادن تو رصع يو اون يور فيس ، شت اب وسكّر يور خشّه اوكي ) وما تشوف الا هالبزر خانقته العبره وملبد في ربعة المجلس <== شكل عندهم وجار ومشب .. المهم نرجع لقملتنا اللي تقريبا انقرضت ( لكن الروس ما انقرضت ) وجانا هالحين بدالها الجمرة الخبيثة اللي ذبحونا هالعالم بها وكل يوم يزيدون ضحاياها والمضحك انها صارت تنتقل عن طريق الرسايل الله يخلي البريد الممتاز ) ( تراه يبخ فليت على رسايل الشغاله من زود الحرص ) وفرقها عن القمله ان القمله دايم مقرها الرسمي تكون في شعر الراس ولو شفتوا قمله في شعر اليد او الرجل فهي اكيد انها مكثره من الشفط واغتثت وداخت . ( يلزمها بيرة بالتوت ) لكن هالجمرة غالبا ما تجي في اليدين مع ملاحظة ان فيه ناس شعر يديهم اكثر من روسهم والله حق لهم شعر في صدورهم وظهورهم تقول طليان مهمب أوادم لدرجة انه يتفصّخ عند الحلاق ما يخلي الا (مايوه السنه ) ومكينة الحلاقه تدّهر في كل متسان ( لوه حالق خروف اريح له ). >== ما يحلقه الا بمحش أو مقص شجر ...
لكن ما اقول الا عسى الله يسلط عليهم في امريكا القملات والجمرات وينكد عليهم الطلعات والسمرات ويا حلالات منهو يرصعهم بالزبيرية كل واحد خمس رصعات ...
الا تعالوا ما تصملون نروّح لهم قمل في رسايل تراها مهيب شينتن ابد كخخخ
حقوق الرقعه محفوظه لأبوهارون
:D