المساعد الشخصي الرقمي

مشاهدة النسخة كاملة : في شي مو طبيعي وزني يزيد 4 كيلو براحه والسبب وجبه وحده فقط


JiuJitsu
03-11-2009, 04:16 AM
السلام عليكم ورحمة الله وبركاته

كيف الحال شباب ان شاءالله بخير

مشكلتي واضحه من العنوان

قبل فتره وزني كان 84 المهم اني كنت برع البيت واضطريت اني اكل من برع فاكلت وجبه سريعه وزني طااااااار من 84 لين 88 :wow: (( للعلم انا ماقطع الشاي الاخضر والرياضه ابد الا يوم بالاسبوع ))

وبعدين شديت على نفسي اكثر وانتظمت ووصلت لين 83 وامس حصلت اغراءات انواع واشكال وماستحملت وصارت المجزره :D

قبل المجزره مشيت 60 دقيقه وبعدها بساعتين مشيت نص ساعه وبعدين عالفجر مشيت نص ساعه ثانيها وعلى طول بعدها هروله 5 كيلو تقريبا

اليوم قست وزني 87 والله مليت الصراحه وزني طالع نازل والسبه وجبه وحده بس تطير كل التعب مال اسبوع ونص ولا اسبوعين

و للعلم انا استخدم اثنين فات بيرنر واحد سمارت دايت والثاني سايتري ماكس ويحرقون حرق لا الليبو 6 اكس ولا بلاك يحرقون مثله وبدون كافيين

بس قمت اشك انه السايتري ماكس هو السبب لانه السمارت دايت مع دواء ثاني اسمه سوبر برينر كنت اخبص بالاسبوع اكثر من مره وانزل وزن او اثبت لكن مستحيل ازيد

فتتوقعون المشكله من الدواء الجديد السايتري ماكس او يمكن صارت عندي مشكله بالجسم ؟

ومشكورين مقدما
mashkaljey
03-11-2009, 07:07 AM
وجبه وحده وتوصل وزنك 4 كيلو ؟ شي محير يا اخي يعني حتى الوجبه حجمها ما يطلع اساسا 4 كيلو !!


شوف اخي افضل وقت لاخذ وزنك بدقه هو في الصباح الباكر عند الاستيقاظ تكون المعده فارغه ويعطيك وزنك بدقه اكثر

لكن لاتقيس بعد الاكل او بميزان اخر يعني لازم يكون عندك في البيت ميزان واحد ثابت تحسب فيه وزنك وليس في كل مره تقيس بميزان مختلف

كما ان 1 كيلو ينقص ا يزيد لا تحسبه لكن 4 كيلو ؟ امممم وبعدين اخي قس وزنك كل نهايه شهر افضل من كل وقت تقيس ولازم تنتبه بالاكل لازم تكون عندك عزيمه لنقص الوزن

انت شغلك تمام 100% من ناحية الحرق واول مره اسمع ان شخص يستخدم حوارق اثنين في جسمه !!

وانا اقول اخوي اخذ قياسات لمناطق معينه بالجسم كل شهر مثال الخصر والمعدة والصدر والباي والرجل وشوف وين الزياده التي تتم واين النقصان افضل من انك في كل مره تقيس وزنك بميزان مختلف

وانا اتوقع انت جسمك يميل للسمنه اكثر يعني شغله وراثه

موفق خير
JiuJitsu
03-11-2009, 08:16 AM
والله ياخ مشكلجي انا بنفسي مستغرب ومندهش 4 كيلو مش سهله ابد

والمصيبه الكبرى اني هذا الي سويته (( قسته اول ماصحيت من النوم )) ونفس الميزان الي قبلها بيوم طلع فيه وزني83 وانا اقيس وزني كل 4 ايام او اسبوع عشان اشوف النتائج

وبخصوص الحوارق ترا في انواع ممكن دمجهم وفي انواع ماتقدر اذا انت من السعوديه جده بالتحديد في عندكم فرع مركز الدكتور نيوترشن روح شوف الحوارق الي عنده بيقولك استعمل اثنين بس النتيجه لا الليبو ولا غيره بيجيبها

واما عن القياسات انا مالعب حديد فماهتميت بهذي النقطه لكن صارت لي فتره مهتم بها وباذن الله بقيس باقرب فتره

وانا اليوم او بكره بروح عند دكتور وبفحص احسن لانه الظاهر عندي مشكله

وتسلم الغالي عالرد
vip_temaa
03-11-2009, 11:27 AM
,وين موقع مركز الدكتور نيوترشن
وياريت تقولي اسم الدكتور علشان حتى انا احتاج دكتور اتابع عنده
اللورد الأحمر
03-11-2009, 02:56 PM
كلام الأخ مشكلجي سليم تماما...
فن ديزل
03-11-2009, 08:52 PM
قياس الوزن من فتره لفتره يختلف احيانا يوصل فرق 2 كيلو اذا تقيس وزنك بعد الغذا غير لمن تقيس وزنك في الصبح اذ كانت وجبات 3

نصايح قسم وجباتك الى 3 وجبات فطور غذا عشا حاول تتجنب الاكل بينهم خصوصا حلا وسكريات وغيره من المغريات
الفواكه اكله قبل الغذا ب نص ساعه وحاول قبل الغذا تشرب لك كاسين ماي
ابتعدعن المقليات وجعلها عدوك كلبروستد والبطاطا القليه
اذا كنت تحب البطاطا تجنب قليها وجرب ان تغليها بالماء مثلا
اشرب حليب قليل الدسم
حاول انك لا تملي بطنك علاخر في الاكل كل واذا حسيت انه قرب يمتلي وقف اكل
جرب تسوي تمارين ثانيه مع المشي والهروله تمارين بطن وتمارين ضغط لحرق الدهون
اللورد الأحمر
03-11-2009, 10:50 PM
أضيف على كلام الأخ الكريم فن ديزل...لازم تمتنع عن المشروبات الغازية نهائيا لأنها مضرة وتأثر على اللاعب الرياضي...حتى اللاعب الرياضي لكن الكثيرون يجهلوا هذا الشىء...تحياتي اللورد الأحمر
فن ديزل
03-11-2009, 10:55 PM
أضيف على كلام الأخ الكريم فن ديزل...لازم تمتنع عن المشروبات الغازية نهائيا لأنها مضرة وتأثر على اللاعب الرياضي...حتى اللاعب الرياضي لكن الكثيرون يجهلوا هذا الشىء...تحياتي اللورد الأحمر
معلومه ذات قيمه كبيره بجد

احسن شي لكل واحد يشرب غازات يقطعه بالمره اول شي ملياااااان سكر ثاني شي كله مواد مو طبيعيه وغاز

والي يشرب المشربات الغازيه لا يحلم انه يطلع له عضلات البطن الست <<<<كني زودتها

وعلى فكره انا من يوم قطعته ومرتاح من شره
فيصل ف
04-11-2009, 09:35 AM
اخوي على فكره ترى الجاي الاخضر يثبت الوزن لما تشربه وانت تخفف
عزه النفس
04-11-2009, 10:46 AM
يمكن من الميزان يطلع خربان او فيه خلل

شوف ياخوي غير الميزان

قيس وزنك في ميزان ثاني لان يمكن المشكله من الميزان


الله يسهل عليك
JiuJitsu
05-11-2009, 02:45 AM
ياخي ماعرف شو اقولكم <<< خدوده حمرت <<< يحاول الخال خخخخخخخخخخ

فعلا الميزان طلع خربان اخوي قالي كل مره تقيس فيه يعطيك نتائج صح بس بعد كم مره يبداء يعطيك غلط ولازم تعدله بطريقه عشان يرجع يوزن صح وانا بالحظ ماخترب معاي الا مرتين وكلهم بعد ماكلت وجبات سريعه وهذا الي خوفني وشكيت انه عندي مشكله

وقست بعد ماعدلت الميزان وطلع وزني مثل ماهو سابقا 83 (( ورجعت الحاله النفسيه لطبيعتها واحسن خخخ ))

والسموحه شباب
سآآئر
05-11-2009, 04:37 AM
اجل الحمد لله ان العلة طلعت من الميزان
لأن عقلي طاح بصراحة 4 كيلو على وجبة وحدة كثيرة بالحيل
عوافي اخوي وموفق ان شاء الله
JiuJitsu
05-11-2009, 08:00 AM
,وين موقع مركز الدكتور نيوترشن
وياريت تقولي اسم الدكتور علشان حتى انا احتاج دكتور اتابع عنده

والله ياخوي انا من الامارات لكن مكتوب عالكيس انه في فرع بالسعوديه

امام المستشفى السعودي الالماني

ومكتوب رقمين

0556167768
026830067

وترا عندهم اشياء كثير مو بس تخسيس واهتمام بالصحه عندهم اشياء كثيره
JiuJitsu
05-11-2009, 08:01 AM
اجل الحمد لله ان العلة طلعت من الميزان
لأن عقلي طاح بصراحة 4 كيلو على وجبة وحدة كثيرة بالحيل
عوافي اخوي وموفق ان شاء الله

تسلم اخوي والله يوفق الجميع ان شاءالله
mashkaljey
05-11-2009, 08:27 AM
والله اغرب واطرف موقف شفته :)

معقوله من الميزان ولا انتبهت :)

يالله موفق يا غالي وتم غلق الموضع بعد انتهاء المشكلة والحمدلله