مشاهدة النسخة كاملة : الشبكة Major nelson يعلق على التبنيدات المستمره من اللايف
FARES360
04-11-2009, 11:15 PM
http://cache.gawker.com/assets/images/kotaku/2009/11/mnc.jpg
من اول ما طلع الكوبي على الأكس واحنا عرفنا ظاهرة التبنيد من الأون لاين وتنحرم من اللايف
والي يعتبر 70% من متعة الجهاز نفسة ! .. ميجر نيلسون يعلق على سالفة التبنيد المستمر
والضغط عليهم بشكل حاد هذه المره عليهم ..ويفات قوية من التبنيد ومجموعات جديده تنضم الى قائمة السوداء .. وابديتات .. والحين طالعين بسالفة الدرايف الجديد للأجهزه الجديده... ما سبب كره مايكروسوفت لشباب الكوبي المسكين الذين يراودهم كابوس الباند في اي لحظة ( بسثناء الي حاط احتياطه شاري جهازين .. واحد اون لاين واصلي والثاني.. مطور اوف لاين كوبي لول ) , المهم .. رد قائلا ترجع الأسباب لأنهم يخالفون القوانين الموجوده في اللايف اللسته الطويلة الي محد قراها لما تسوي اكاونت. موجود هالكلام بين الأسطر لوول.. وغير جذي يقولك .. انه بزنز الgaming يعتمد على الناس الي تشتري الأصلي منهم يكسبون رزقهم ودخلهم .. لو لا هم .. كان الشركات ما شافت ارباح بالأساس من هالبزنز .. وايضا من اجل الناس الي تدفع اموال على الألعاب وغيرهم يشتريها برخيص او حتى ينزلها بلاش..
شوي اقتباسات من كلامه
The health of the video game business depends on customers paying for the genuine products and services they receive from manufacturers, retailers, and the third parties that support them
All consumers should know that piracy is illegal
violates the Xbox LIVE terms of use
that it's all for the sake of the community members that actively spend money on games
King36o
04-11-2009, 11:29 PM
انا صحيح ان ضروفي ما تساعدني اشتري اصلي لكن انا اصلا ما اشتري الا الأسماء الكبيرة مثل غيرز و هالو و كود و فورزا و هالألعاب الي عادة تاخذ تقاييم اكثر من 9 أو خل نقول 8.7 عشان هيلو الأخيرة الي انهيتها في 4 ساعات :D
تم التصويت للخيار الأول طبعاً الشركة تستاهل المبلغ الي ندفعه
bader686
04-11-2009, 11:33 PM
اللسته الطويلة الي محد قراها لما تسوي اكاونت..
- - - - - - - - - --
لوووووول ههههه هذي حلوة .. انه اشوف كلامه صح ..موب لازم الواحد يشتري 9 مليون شريط بالشهر يعني لعبتين او لعبه بالشهر اشوفها كفايه .. بالنسبة لي انه صرت العب اصلي و عندي 3 اخوان و اخت و كلهم جيمرز و يشترون العاب معاي ^_^ .. بس تصحيح فارس الاونلاين 99% من متعة الجهاز خصوصا بال360
بالمناسبة عندي سؤال هل الباند ايي بس من الالعاب المقرصنه او في اسباب ثانية بعد ؟
FARES360
04-11-2009, 11:44 PM
^
انا قلت 70% لأنه فيه نوعية الي تحب الsingle player ولا ليس لها اهتمام قوي بالonline gaming ..
اما عن رأي الشخصي فهو 90% هههه :D
السبب الرئيسي
الباند اييلك من تطوير جهازك ... حتى حذر في المقالة بكوتاكو ..
قال بالنسبة للأجهزه المستعملة الي يشترونها الناس.. مايكروسوفت مو مسؤولة على تطوير الجهاز سابقا
فلي نييتة صافية ورايح يشتري جهاز مستعمل ويساند اصلي..فجأ باند وطلع جهازه مطور واهو ما يدري لوول..
فيفضل انك تشتري اجهزه جديده ومن اماكن رسمية..
اما اسباب اخرى فهي كالتالي :
Piracy/Theft
Cheating
Fraud
Phishing
Nudity
Sexually Explicit Material
Account Selling/Account Tampering
اعتقد هالمجموعة تعتمد على الFile review الي تحصله من الناس الي تلعب وياهم باللايف
Tetra
05-11-2009, 12:18 AM
اقول
الباند مايجي بسبب ان الجهاز معدل او يشغل كوبي لا ... ولا ليش يبيعون اجهزه معدله من عندهم اقصد الموديلات اليابانيه تجي عالجاهز
الباند تجيبه مايكرو عشان الواحد يلعب لعبه بطريقه غير قانونيه واضح كلامي لعبه نزلت قبل الموعد لانه وبكل بساطه لما يلعب واحد لعبه غير رسميه وهو شابك الانترنت هدا تعتبره الشركه يتحداها وهدا غير لائق من جهة اللاعب على الاقل يحترم الشركه ويلعبها وهو فاصل الانترنت وهده الامور لا تخفى عن الشركه وهي تعلم بذلك وتقوم بتجاهله
شخصيا لاعب كوبي حتى اخر المطاف
لكن اخذ احتياطاتي طبعا واحترم الشركه واللي تبي تسويه هي حره حتى لو حطت بلانكا يحرص الكوبي وراها وراها .... انا ما اقصد اني ما اتعاون مع الشركه لا لاني اتعاون معاها غصبا عني لما اشتري جهاز والعاب حتى لو كانت كوبي فهذا يعتبر تعاون ومساهمة معها في تزايد مبيعاتها
في الاخير تطلع مايكروسوفت راضيه عن هده الامور وهدا الكلام من ماجور وغيره مجرد تمثيل لا محاله
يعملون هيك عشان يتبرؤن قدام الشركات الاخرى ويضهرو نظافتهم
samoory
05-11-2009, 12:30 AM
تم التصويت لاول خيار . سأدلو بدلوي .
حقيقه مايكروسوفت في اعتقادي هي اللي تطلع الكوبي وبعلم الشركه كلها !! ليه ؟ انا اقولك السبب :
اولا : معقوله مايكروسوفت اضخم شركة برمجيات اللي تقدر تشفر برامج و مستندات لو تجيب اللي شفرها نفسه
مافكها لوول ..ماتقدر هذي الشركه انها تشفر العابها برموز صعبه جدا بحيث انه الهكر يحتار ومايفكها ! وان كان
استخدام الديفيديهات يساعد في عملية نسخ الالعاب لاكن ايضا بإمكان الشركه الاضخم الالكترونيا تشفر العابها .
ثانيا : تقريبا مع كل ابديت سنوي تأتي موجة باند ضخمه لانه مايكروسوفت تبدأ في تغيير صيغة العابها فيأتي صاحب الكوبي ويلعب بالصيغه القديمه دون علمه وياكل له احلى باند مثل ماهو حاصل الان تم تغيير الصيغ من wave 3 الى wave4 واغلب شباب الكوبي موقفين عند اللعبه اللي قبل تكن 6 لانه تكن 6 ومن بعدها تحمل
الصيغه الجديده ..الزبده من الكلام هذا انه معقوله مع كل ابديت ينزل تعديل جديد في غضون اسبوع على طول
ايش الهكر هذا العبقري معقوله مايكرو ماتصعب المسأله هذي وتخلي فك صيغة الاصلي الى الكوبي عملية مقعده
جدا بحيث يكون هي الوحيده اللي تفكه ..وهذا يرجعنا لسالفة انه مايكرو تحتوي على موظفين مهربين وفي خلال الاربعه او الخمسه السنه اللي مضت لم تكتشفهم !! .
على العموم الهكر وراهم وراهم والزمن طويل ..هذا اذا كان في هكر !!
Tetra
05-11-2009, 01:22 AM
هذا اذا كان في هكر !!
والله كلامك صح
مافي لا هكر ولا هم يحزنون
مايكرو مطلعه فلم وتبحث عن الناشر
bader686
05-11-2009, 02:03 AM
شباب اهو صحيح ان موظفين من شركة مايكرو سربو معلومات و برامج للقرصنه لكن هذي موب برضى مايكرو .. يعني بأختصار شديد في موظفين خانو أمانه الشركة
ثانيا صح ان مايكرو شركة قوية بالبرمجيات لكن معظم (اذا ماكانو كلهم )برامجها مهكره و موجوده بالنت حتى وندوز 7 ماسلم من الهكر و نزل قبل موعد صدوره
طبعا كل مازادو ملاك الكوبي قل دعم الشركة للجهاز .. بس مايكرو تقدر تقلب زمام الامور كلها بخطوة وحده و اهيه تغير مشغل الاقراص الي اهو الdvd
PremaFrost
05-11-2009, 09:31 AM
والله شباب تبون الصج زين يسوون مع احترامي لجميع الشباب الي يشترون كوبي
اشتر اصلي وريح بالك منه تلعب ووووو كل شي
اكيد الكوبي يسبب خسائر كبيره للشركة المنتجة يعني انا اتعب على شريط سنه واقعد عليه صبح وليل عشان النسخه تكون ب 16 دينار وافضل مايكون, يسوونه كوبي على دينار او دينارين هذه خسارة كبيرة للشركة لاتلومونها مجبوره,
انا اشرطتي كلها اصليه حمدالله وانا من النوع الوسواسي احب يكون اشياء اصليه عندي مهما كانت ا.
على العموم عندي سؤال
والي يشوف DVD كوبي بالجهاز يحصله باند لانه انا قاعد اطالع the O.C واخاف يعطوني 1-0 عشان الكوبي فيلم مو لعبه:D
طبعا هذا كوبي لانه الجمارك الحين نظامهم حلو ياخذون فايده من ارامكس ومادري ايش(يرقع حق نفسه)
samoory
05-11-2009, 09:40 AM
^
والله ياخوك في ناس ماتقدر تشتري اصلي بسبب ظروفها الماديه اذا صار كل واحد في العالم راتبه 20000 الف ريال انا اضمن لك انه جميع الشركات راح تربح ^^ ..غير كذا انسى الكوبي سيظل مسيطر ..
PremaFrost
05-11-2009, 09:44 AM
^
والله ياخوك في ناس ماتقدر تشتري اصلي بسبب ظروفها الماديه اذا صار كل واحد في العالم راتبه 20000 الف ريال انا اضمن لك انه جميع الشركات راح تربح ^^ ..غير كذا انسى الكوبي سيظل مسيطر ..
انا اتفق معاك سموري ؟:D(صح)
بس انت حط نفسك انك مدير شركة epic وسويت لعبه Gear of War انت ترضاها تباع كوبي:p
اكيد لاع لانها خسارة
انا مع الناس الى ماتقدر على الاصلي
انا قصدي الناس الى معاشها 20000 الف ريال وتشتري كوبي:D
انت وضحت لي نقطه مهمه وانا قلتها بردي هذه :wink2:
samoory
05-11-2009, 10:00 AM
^
ايوه عاد اذا قصدك الناس اللي رواتبهم عاليه ويشتروا كوبي هذولا هم اللي المفروض يشتروا الاصلي ..وهم
اللي ينزلون اقتصاد الشركات ..
بحر الورود
05-11-2009, 01:29 PM
فس ناس عندها خير واكثير بس مستبخل بخسر 350 درهم كحا أقصى على لعبة مميزة تنزل مرة كل سنه
و السعر الأصلي للعية هو 200 ؟؟؟
تنآغم آلآحسآس
05-11-2009, 03:12 PM
مدآم شـرٍكة مآيكـرٍوٍسوٍفت موٍآفقـه على آللي يلعبـوٍن كوٍبي .. آجل تتحمـل مآجآهآ منـهم ..!
آنآ آمشي مـع آلقـآنوٍن آللي يقـوٍل .. [ آحتـرٍم مآيكـرٍوٍسـوٍفت تسلـم ] ..!
آحتـرٍم موٍعـد آلآلعآب وٍمـوٍعد نزٍوٍلهآ وٍآنشآللـه موٍ صآيرٍ لـك آلآ كـل خيرٍ .. جـزٍيت خيرٍآ ..!
mjk.94
05-11-2009, 05:33 PM
فس ناس عندها خير واكثير بس مستبخل بخسر 350 درهم كحا أقصى على لعبة مميزة تنزل مرة كل سنه
و السعر الأصلي للعية هو 200 ؟؟؟
انت في الامارات صح ؟؟ بس وين في الامارات؟
سؤال وين يبيعون سيديات (لمتد)انا دورت ما لكيت
بحر الورود
05-11-2009, 07:18 PM
انت في الامارات صح ؟؟ بس وين في الامارات؟
سؤال وين يبيعون سيديات (لمتد)انا دورت ما لكيت
صح أنا من الإمارات و سالفة اللمتد صعبة شوي تتحصل بالأمريكي يعني أعرف محل بالفجيرة أعطيك نسبة 70% انه عندة اللمتد
bader686
06-11-2009, 09:42 AM
تناغم احساس شلون مايكرو راضية عن الي يلعبون كوبي ؟؟ هذي ميجور نيلسون مدير قسم الايف في شركة مايكروسوفت جيم ستيديو .. !!
؟
NiN RevO
06-11-2009, 02:08 PM
( بسثناء الي حاط احتياطه شاري جهازين .. واحد اون لاين واصلي والثاني.. مطور اوف لاين كوبي لول )
لووووووووول .. هذا انا .. ما شريت الاصلي الا لما انصقعت باند على وجهي P:
كلامك ساموري صحيح 100 % وهذا الي انا اتوقعه من زمان حتى من ايام ويندوز 95 ..
DEJAM
06-11-2009, 07:59 PM
اوه راح يجيني باند..!!
like i really care
الاكس بوكس الي عندي لـ العاب الاوف لاين..
الاون لاين . ما العبه الا عن طريق البي اس 3
I C E
07-11-2009, 08:05 AM
انا اوافق دعم الالعاب الأصلية الي تستاهل فقط
أصحاب الكوبي سالفتهم سالفه كل خمس دقائق واحد يتبند منهم
المشكله في الناس الي تلعب الالعاب قبل صدورها كوبي
يعني تلعب كوبي+تدخل live بلعبة قبل ما تصدر في السوق = باند 100%
اضن هاي السنه مايكروسوفت قدمة بقوة لمحاربة القرصنه
درايفر جديد + الالعاب بصيغ فيديو جديدة + موجات باند اقوى من السابق
لدرجة انه الباند الجديد يخرب الهارد ديسك مال الاكس بوكس ما تقدر تسوي install حق العابك
بس ان شاء الله محد يتبند
" أحب لأخيك ما تحب لنفسك "
تنآغم آلآحسآس
07-11-2009, 05:01 PM
تناغم احساس شلون مايكرو راضية عن الي يلعبون كوبي ؟؟ هذي ميجور نيلسون مدير قسم الايف في شركة مايكروسوفت جيم ستيديو .. !!
؟
^^^
لوٍ آنهـآ موٍ رٍآضيـه كآن مـآحطت حمآيـه جـديده يفتحهـآ آلهكـرٍزٍ بـ آسبـوٍع [ وٍآحد ] فقـط ..!
هذآ يـدل على آنهـآ رٍآضيـه .. لوٍ آنهآ ليسـت رٍآضيـه لرٍآينآ آلهكـرٍزٍ يحآوٍلـوٍن فـك آلحمـآيـه لمـدة 5 شهـوٍرٍ آوٍ 6 ..!
مآيكـرٍوٍسـوٍفت وٍحمـآيتهآ آلحقيقيـه يبيلهآ وٍقـت مـوٍ آسبـوٍع بس ..!
evil-kusanagi
08-11-2009, 05:46 PM
اصلا لولا الكوبي ما فازت مايكروسوفت على سوني. و الكل يعلم ذالك.
مايكروسوفت هي اللي تشجع الكوبي. و عملية التبنيد ما هي الا قربان لشركات الالعاب. عشان تقةل لهم نحن ضد القرصنة. و في نفسها تقول يحيا الكوبي. و الموظفين المسربين للبرمجيات تعرفهم الشركة و تزيد من مكافئتهم.
بالنسبة للطبقة المتوسطة لولا الكوبي ما وصلت مايكروسوفت الى ما وصلت اليه.
بإختصار لو كل القيمرز لعبوا كوبي وش بيصير في الشركات؟
في المقابل الاسعار نار اربع اشرطة بقيمة 360 جديد لازم احد الطرفين يتنازل
يالشركات تعيد النظر في اسعارها او الاعبين يتحملون الاسعار
بالنسبة لدول الخليج الكوبي في كل مكان
بس اوروبا صعب صعب ينلقي يعني وضعنا احنا غير احنا ماحنا محسوبين في ارباح الشركات
اسعار الاشرطة في بريطانيا تتراوح مابين 30 الى 40 باوند إذا كان دخل الموظف حوالي 2000 باوند شهريا اعتقد المبلغ شبه مناسب عندهم لكن عندنا الاسعار مابين 250 الى 300 ريال اذا كان دخل الموظف 3000 ريال مي مناسبة الاسعار بتاتاً البته 3 اشرطة ربع المرتب الشهري
في هذي الحالة انا افضل الكوبي في السعودية
الخيال الاخير
08-11-2009, 08:09 PM
اصلا لولا الكوبي ما فازت مايكروسوفت على سوني. و الكل يعلم ذالك.
مايكروسوفت هي اللي تشجع الكوبي. و عملية التبنيد ما هي الا قربان لشركات الالعاب. عشان تقةل لهم نحن ضد القرصنة. و في نفسها تقول يحيا الكوبي. و الموظفين المسربين للبرمجيات تعرفهم الشركة و تزيد من مكافئتهم.
بالنسبة للطبقة المتوسطة لولا الكوبي ما وصلت مايكروسوفت الى ما وصلت اليه.
عندك الادله وبراهين انت من وين جبت ذا الكلام ولا ذا كلام جاي من فراغ
عندك الادله وبراهين انت من وين جبت ذا الكلام ولا ذا كلام جاي من فراغ
لو سمحلي الاخ بجاوب عنه : المسألة ماتحتاج براهين .... المعطيات اللي شايفينها تعطينا انطباعات وآراء ...... البرهان مستحيل لأنه لو فيه برهان على هالشي انفضحت ميكروسوفت
انا مع الكوبي قلباً وقالباً لأن اسعار الأصلي بالنسبة لنا في الخليج غالية جداً جداً جداً
King of Vice city
09-11-2009, 02:54 PM
اووف انها غالية....
الخيال الاخير
11-11-2009, 04:42 AM
لو سمحلي الاخ بجاوب عنه : المسألة ماتحتاج براهين .... المعطيات اللي شايفينها تعطينا انطباعات وآراء ...... البرهان مستحيل لأنه لو فيه برهان على هالشي انفضحت ميكروسوفت
انا مع الكوبي قلباً وقالباً لأن اسعار الأصلي بالنسبة لنا في الخليج غالية جداً جداً جداً
اول شي وش الي معطيات الي تتكلم عنها :31: ياخي وشلون شركه توافق على كوبي ياخي
كل ما في الامر ان مشغلات حقتهم dvd فالشي بديهي انهم راح يسون كوبي هالشي را يسهل
عليهم
والنقطه الثانيه الي انت تترقتلها هي كوبي انا ابسألك سؤال تخيل انك تسوي لعبه وخذت منك
ثلاث سنوات من التطوير وتعب واخر شي يجي واحد يهرب اللعبه ويبيعها كوبي انت وش حاتكون
ردة فعللك ( هاذي اسمها سرقة حقوق ملكيه ) وترى الاشرطه اصليه عندنا تفرق عنهم 30 تقربيا
انت لو حسبتها تقريبا 60 دولار يعني تقريبا 220 ريال ما فرق ذاك المبلغ هنا 250 - 270
Tetra
11-11-2009, 12:57 PM
وضعنا احنا غير احنا ماحنا محسوبين في ارباح الشركات
والله ايش اقولك ... انا معاك في هالكلام
يعني اشوف ناس مهتمين في تساهمهم وتضامنهم بارتفاع ارباح الشركات الاجبيه .. وانا اتعجب واسئل نفسي
هل الشركات مهتمه بالارباح اللي تطلع من البلدان العربيه .. او هل هي مهتمه باللاعبين العرب .. او هل هم عاطيينا وجه ??
الصراحه اتعجب
تحيه معطره لشباب الهكر ... وانا مش اول واحد يحييهم بل هناك ناس مثقفين متعلمين دات شان وهم من السعوديه والخليج كله ويضهرون بالقنوات يحيون الهكر
samoory
11-11-2009, 01:15 PM
احيي الهكر على لعبهم واستمروا في شرائكم للكوبي والاصلي لاتشترونه لانه واحد معاه اصلي وجاله باند <<انا
قال ايش قال مايكرو ..ياعمي شكلنا بنقلب على PS3 ويل*ن مايكرو ويومها
FARES360
11-11-2009, 01:50 PM
^
جهازك مطور؟ لووول
xD الباند ايي حتى لو تلعب اصلي.. دام جهازك مطور الباند وراك وراك
Tetra
11-11-2009, 02:01 PM
يااااااااااااااااااااااااقوووووووووومممممم اهربووووووووووووووووووووووووووووووو الوباااااااااااااااااء قاااااااااااااااادممممممممم ياااااااااااااااااااااااااااااااااه
King of Vice city
11-11-2009, 02:15 PM
WTF!!
تيترا بطني اااخ عورني مو قادر اسكت من الضحك
ههههههههههههههههههههههههههههههههههههههههه
شتقصد بالي قلته؟؟؟
ههههههه
samoory
11-11-2009, 02:16 PM
جهازك مطور؟ لووول
xD الباند ايي حتى لو تلعب اصلي.. دام جهازك مطور الباند وراك وراك
مو مطور عادي خلي بس الشركه تحل بجهازها
King of Vice city
11-11-2009, 02:24 PM
سام
لاحظ يعني راعيين الكوبي نصهم ماتبندو ويوون عليك وانت لا تلعب كوبي ولامطور جهازك
صج حمير مياكرو
Tetra
11-11-2009, 02:25 PM
WTF!!
تيترا بطني اااخ عورني مو قادر اسكت من الضحك
ههههههههههههههههههههههههههههههههههههههههه
شتقصد بالي قلته؟؟؟
ههههههه
هههههههههههههههههههههه ... اقصد الباند
الحين ادا سئلوني مالك ايش فيك ... اقولهم فيني ميجور نيلسون .. هه
FARES360
11-11-2009, 02:29 PM
الا شنو وضعكم الحين من هالمسألة راح ترجعون للايف ولا... رسميا بنشوف
psn : tetra
psn: samoory
هههههههههههه xD
King of Vice city
11-11-2009, 02:44 PM
^^
لووووول
ولو انا تبندنت
PSN:swanton bomb123 خخخخخ
HELAS
11-11-2009, 03:04 PM
مرحبا للكل..
الحمدلله انا موظف وماعندي مشاكل ماديه بخصوص اني اشتري لعبه اصليه او كوبي..
عندي اكثر من 200 لعبه اصليه لكل الاجهزه + اكثر من 500 لعبه كوبي :) وعندي جهازين اكس بوكس مطورين وراح اشتري قريبا جهاز جديد عشان ادخل اللايف فيه بس..
بتكلم عن الالعاب عندنا..واسعارهم الغير معقوله..
اسعار الالعاب بالكويت خياليه بالنسبه للاسعار بأمريكا وبريطانيا..فرق تقريبا 5 دنانير او مرات يوصل الفرق 9 دنانير لول
ليش هالشي يصير؟ لان التجار بالكويت حراميه والكل يشهد.... التجار يتحكمون بسعر اللعبه بكيفهم لول
الدوري الياباني يوصل سعره 45 دينار هههههه والمشكله في ناس مغفلين يشترونها لول الحمدلله على نعمه العقل..
و لعبه كول اوف ديوتي ب26 دينار؟ على اي اساس؟ والمشكله انه شركه اكتفشن ضامنين انه لها جمهوور كبير لكن يبون المربح يزيد وخسائرهم تقل وقامو وحطو غلاف اللعبه بأقل جوده<<<اللي اشترو اللعبه الاصليه راح يفهمون كلامي عدل :)
المهم انا طلعت شويه عن الموضوع:)
لكن نرجع للكوووبي...
انا بعرف ليش مايكرو سوفت ساكته طول هالمده واهيا تدري انه ملايين يلعبون كوبي ويدخلون اون لاين ؟
الساكت عن الحق ...شيطان اخرس :)<<< هذه خطه مايكروسوفتيه لول
انا اقوولكم ليش ..
لان مايكرو سووفت اتبعت سياسه البلاي ستيشن ...فعلا خطه ذكيه
احنا من عرفنا البلاي ستيشن واحنا نلعب كووووبي ويا بلاش يا بلاي ستيشن :) سنين وسنين وكبرنا واحنا نلعب كوبي...والحين اغسل ايدك تلعب كوبي لول خلاص الشركه ظمنت انه الناس تعلقوو بالبلاي ستيشن ويبون يطلعون ويعوضون خسائرهم ويضاعفوون الارباااح اضعاف اضعافهم وهذا اللي حصل ..
وطبعا العالم بهالحال ما يعرفون غير البلاي ستيشن بالاونه الاخيره ..
يعني كل ما ترووح مكان تلاقون ناس تلعب بلاي ستيشن...وماكو بيت بالدنيا ماتحصلون داخله جهاز سوني سواء سوني 1 او 2 او 3 :) وكلكم توافقووني الراي ..
الفتره الاخيره طبعا مايكرو سووفت قامت تخطط تمحي هالتاريخ ..تبي تكتسح عالم الفيديو جيمز...والعمليه جاريه
لان مايكرو سووفت تبي الناس تدمن الاكس بوكس ...وفعلا هالشي صاار
الناس تعودو على الجهاااز وعلى اللايف...ويا زين اللايف :) لول
الحين مايكرو سوفت بمشروع البانداات راح تعوض ملاين الملايين من الناس لشراءهم اجهزه جديده عشان يدخلون اللايف...لان اهمه ضامنين هالشي وعارفين انه الناس الحين مهتمين للاكس بوكس بصووره مرضيه لخطتهم اللي ماشين عليها من سنين..
ودي اتكلم بشغلات وايد بس احس اني سولف وايد ...عالعموم ان شاء الله تفهمون مقصدي من الكلام اللي قلته..
Tetra
11-11-2009, 03:16 PM
الا شنو وضعكم الحين من هالمسألة راح ترجعون للايف ولا... رسميا بنشوف
psn : tetra
psn: samoory
ابي رايك انت ... بصراحه
تبغانا نرجع للايف ولا نروح لسوني
samoory
11-11-2009, 04:29 PM
الا شنو وضعكم الحين من هالمسألة راح ترجعون للايف ولا... رسميا بنشوف
psn : tetra
psn: samoory
هههههههههههه xD
تقدر تقول لا حاليا لاكن PSN قادم قادم له ! ارجع الموضوع المثبت وضحت كل شيء .
HELAS الصراحة تفسيرك ما عليه كلام:biggthump
لكن أعتقد مجرد وجهة نظر:33: . . هل تعتقد مايكروسوفت انتظرت كل هذي السنين بس عشان تجذب مدمنين الالعاب ؟!!
على فكرة xbox مالتي صابها فيروس لم يكتشف له علاج ألا وهو bunned
بعد سنتين من اللعب الغير محدود
و الأغرب من هذا أنا مب حزين من bunned بل بالعكس
مع بداية السنة الدراسية الجديدة . . أنشغلت بدراستي أكثر من اللعب حتى انشغلت عن اهلي
من كان يتوقع أني بترك اللعبة بملئ إرادتي:silly:
GHOST 360
11-11-2009, 09:00 PM
hi
شباب بخصوص الي صكه باند فهو يستاهل صراحه
انا عن نفسي لعبت كوبي شغل كم يوم ورجعة للاصلي على طول
والي يبي يحول على PSN فاذكركم انكم بتبكون وبتقولوا ياليتنا ما تركنا الايف
والله يا شباب PSN بعد الايف والله ما يسوى شي صدقوني بتحسو بالملل والوحده والكئابه <<<<< شفيه ذا
المهم كل الكلام الي قلته بعد تجربة ^^ موفقين ان شاء الله
samoory
11-11-2009, 09:04 PM
شباب بخصوص الي صكه باند فهو يستاهل صراحه
لييييييه ؟؟!! يعني لا لعبت لاكوبي وحوبي ! استاهل ايش الله يهديك !
والـPSN ماعليه كلام زيه زي الايف !!
Tetra
11-11-2009, 09:56 PM
شباب بخصوص الي صكه باند فهو يستاهل صراحه
Come-on Man Wii Frinds
هالكلام لازم ماتقولو لاصدقائك ... او احنا مش اصدقائك ..... خلي فقلبك رحمه
الدوامه تدور تدور تدور رد بالك
bader686
13-11-2009, 01:30 AM
^^^
لووول بعد ماصكوك باند محد يعرفك ههههههههه
.. تعيش و تاكل غيرها ( امزح وياك تيت )
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .