المساعد الشخصي الرقمي

مشاهدة النسخة كاملة : عاااجل: مطلوب يوم الجمعة شخص أو محل يبيع مكملات في البحرين


fares allil
05-11-2009, 11:43 AM
السلام عليكم

يا شباب انا بأنزل ان شاء الله صباح الجمعة البحرين و بأمشي منها العصر
أبيكم تدلوني على شخص أو محل يبيع برو كومبليكس أو وايبروتين جولد ستاندرد

طبعا انا نازل مع أهلي وما أدل و لا شي.. وراح أكون في مجمع السيف..يا ان
تعطوني رقم واحد عندة القدرة انه يجيني السيف و اشتري منه الغرض..لأن ما ودي اترك اهلي
لحالهم في السوق الصراحة..أو إذا مرة مافي مجال خذت لي تكسي و رحت للشخص او المحل اللي يبيع
و اشتري منه الغرض و أرجع...طبعا يا شباب أهم شي الأسعار
و اذا كان التوصيف لمحل معين..ياليت يكون التوصيف سهل..لأني بأنقل التوصيف بالحرف الواحد لسواق التكسي..و مثل ما قلت..أنا ما ادل شي هناك

تحياتي للجميع و مشكورين مقدما
بندر053
05-11-2009, 11:53 AM
وليش تتعب نفسك

وهنا موجود وبأسعار ممتازة جدا
mashkaljey
05-11-2009, 12:36 PM
مثل ما قالك بندر في اسعار له عندكم بالسعودية ولو قلنا في فرق كم ريال لو تحسب التكسي اللي بتاخذه رايح وراد شوف كم تكلفته يعني نصيحه مني لك خلك مع بندر تراه منشف البياعه اللي عندكم :)


موفق
بندر053
05-11-2009, 02:25 PM
هههههههه الله يسلمك اخ مشكلجي

ابد اخوي اي غرض تبيه اطلبه وانا حااضر

وزيما قالك اخوي وعزيزي مشكلجي

الفرق ريالات

يعني لا تتعب نفسك وتجيب ووو...

ابد اطلب اي منتج وبأذن الله راح تلاقيه

والله يحيك بأي طلبية
راكاان
05-11-2009, 05:27 PM
مجمع السيف في محل gnc في الدور الثاني
بس مدري عن اسعارهم
ابو غاده
05-11-2009, 06:05 PM
المشكلة أخي انك ماتدل ولا شي فصعب عليك لأن فية بشارع المعارض مثلا وفية بمنطقة جدعلي وفية صوب المستشفى الأمريكي ..

انا شريت آخر مرة Mega mass 4000 ب 21 دينار 4 كيلو.
fares allil
05-11-2009, 06:20 PM
يا شباب أنا من الأحساء و هناك ما لقيت مكملات و حتى لو فيه ما راح يقل السعر عن 300 ريال
فإن شاء الله بكرة الأهل بيروحون البحرين عشان بيقضون بعض الحاجات للعيد
فأنا قلت فرصة مرة وحدة اني اشتري من هناك....عالعموم كل ما كان المحل أقرب للسيف يكون أحسن
و ياليت يكون التوصيف دقيق..لأني ان ضيعت في الطريق ولا شي بأسئل الناس في الطريق و ان شاء الله بساعدوني...بس تكفون يا شباب أهم شي المساعدة العاجلة و الأسعااار...
ابو غاده
05-11-2009, 06:52 PM
شوف عزيزي بالنسبة للمحل اللي صوب المستشفى الامريكي اقرب لك من المعارض مجرد اسأل وين المستشفى الامريكي او مكتبة العائلة وتقدر تشوف المكان وانت صوب المستشفى الامريكي اما بشارع المعارض وهو ابسط مكان ممكن تروحة بس ما اعتقد فاتح الصبح العصر اكيد فاتح المهم. مثل ما تعرف شارع المعارض فية دوارات بعد ماتمر على دوار الساعة بجيك دوار النافورة بعد دوار النافورة مباااااااااااشرة او لفة يمين تاخذها بتلاقي محل على ايدك اليسار مباشرة طبعا انت روح مع اهلك للمكان وخلهم بالسيارة وانت انزل وطبعا الاسعار هذا المكان اسعارة زينة وممكن تتقاصص معاه ترى اذا طلبت منة تخفيض بيعطيك وبالنسبة للأسعار مثلا الواي بروتين ب 18 دينار و بعض المحلات 19 دينار 3 كيلو على ما اتذكر.. انت روح بسيارتك لان المسافة بين السيف وشارع المعارض حوالي 7 كيلو يعني احسن لك من التاكسي. واذا احتجت لمساعده حاضر.

واذا عندك GPS أكتب لية Family bookshop وبتوصلك لمكتبة العائلة اللي هوة صوب المكتبة او اكتب لية American hospital بوصلك الى المستشفى الامريكي وبنفس الشارع بتشوف محل بيع المكملات الغذائية.
بطااطاا
05-11-2009, 09:32 PM
بندر .....

كم سعر الواي بروتين قولدن أستاند الكبير ... وكمان بروكمبالس <<< أسمه كذا ترى ما أعرف أسمه

وأنت من وين


تحياااتي
fares allil
06-11-2009, 08:58 PM
شوف عزيزي بالنسبة للمحل اللي صوب المستشفى الامريكي اقرب لك من المعارض مجرد اسأل وين المستشفى الامريكي او مكتبة العائلة وتقدر تشوف المكان وانت صوب المستشفى الامريكي اما بشارع المعارض وهو ابسط مكان ممكن تروحة بس ما اعتقد فاتح الصبح العصر اكيد فاتح المهم. مثل ما تعرف شارع المعارض فية دوارات بعد ماتمر على دوار الساعة بجيك دوار النافورة بعد دوار النافورة مباااااااااااشرة او لفة يمين تاخذها بتلاقي محل على ايدك اليسار مباشرة طبعا انت روح مع اهلك للمكان وخلهم بالسيارة وانت انزل وطبعا الاسعار هذا المكان اسعارة زينة وممكن تتقاصص معاه ترى اذا طلبت منة تخفيض بيعطيك وبالنسبة للأسعار مثلا الواي بروتين ب 18 دينار و بعض المحلات 19 دينار 3 كيلو على ما اتذكر.. انت روح بسيارتك لان المسافة بين السيف وشارع المعارض حوالي 7 كيلو يعني احسن لك من التاكسي. واذا احتجت لمساعده حاضر.

واذا عندك GPS أكتب لية Family bookshop وبتوصلك لمكتبة العائلة اللي هوة صوب المكتبة او اكتب لية American hospital بوصلك الى المستشفى الامريكي وبنفس الشارع بتشوف محل بيع المكملات الغذائية.

يعطيك الف عافية والله ما تقصر
و الحمد لله قدرت اشتري.
الله يسلمك شغلت الجي بي اس و بحثت عن المستشفى الأمريكي
و لقيت المحل و شريت منة..سبحان الله
شريت جولد ستاندرد 2 كيلو بـ 200 ريال و عندنا في السعودية
عند محلات أرمال..الكيلو يبيعونه بـ 250 ريال

يعطيك الف الف عافيه مرة ثانية
mashkaljey
07-11-2009, 08:40 AM
تم غلق الموضوع بعد انتهاء المشكلة بالتوفيق