المساعد الشخصي الرقمي

مشاهدة النسخة كاملة : استفسار عن الكرش و الارداف



Flexable
08-11-2009, 02:09 PM
السلام عليكم
الطول 173
انا بدأت رجيم و نزل مزني من 92 الى 77 وبعد ذلك بديت جدول تضخيم
بس ليلحين الكرش و الارداف موجودين و احس انهم قاعدين يزيدون مع زياده وزني مع العلم ان وزني الحين وصل 81
السؤال اهوا ماقدر ازيل الكرش و الارداف و انا بكورس الضخامه؟ يعني بدون ما اترك التضخيم و اعمل رجيم؟
اتمنى اللي عنده طريقه ازيل فيها الكرش و الارداف يقولي عنها وانا استبعدت الحل اللي يقول اترك الضخامه الحين و شيل الكرش و الارداف بعدين رد

شكرا لكم

mashkaljey
08-11-2009, 05:33 PM
اخوي الضخامه تزيد نسبه الدهون في جسمك اما التنشيف فالعكس

وانت تحتاج تنشيف لا يوجد شيء اسمه ضخامه بتنشيف اماكن معينه

بالتوفيق

Flexable
08-11-2009, 05:39 PM
اخوي مشكلجي، مشكور على الرد

بس ماينفع اضخم و تزيد الدهون مو مشكله و بعدين انشف الدهون؟
واذا كان الجواب لا ، اترك الكرياتين و البروتين و ابدا تنشيف؟

آبو رآشـد
08-11-2009, 06:05 PM
حبيبي عادي تقدر تضخم مو مشكلة بس وصل لوزن معين علشان ما تفقد السيطرة بعدين نشف الجسم وبالنسبة للتضخيم ضخم وخذ الواي بروتين والكرياتين ما فية مشاكل بس ببرنامج التضخيم ركز على تمارين البطن وخل التكرارات تكون كثير بمعنى ان لكل تمرين للبطن فية 4 جلسات خلها ست جلسات كل جلسة 20 تكرار او خمس جلسات لكل جلسة 30 تكرار حسب قوة التحمل عندك في تمرين البطن لا تركز على جهاز البطن المعروف بحيث تزيد الوزن في التكرارات وتعور ظهرك خلك على وزن تمام وخل التكرارات اكثر وبالنسبة لباقي اجزاء الجسم خلها تضخيم ام البطن ركز علية بكثرة التكرار واكمال باقي التمراين العصا والتمرين الجانبي وغيرة
بالتوفيق

Flexable
08-11-2009, 06:11 PM
حبيبي والله بوراشد ما قصرت على النصايح
بالنسبه لتمارين البطن يوم وترك؟
وماقتلي بالنسبه للأرداف شسوي؟

اسعدني مرورك

mashkaljey
08-11-2009, 06:15 PM
اهلا اخوي نعم تقدر تضخم بعدين تنشف لكن انت تقول انك تملك كرش وارداف وانت كنت مسوي رجيم وانا اتوقع رجيمك كان من نفسك

وعليه لازم تبدأ تركز على المناطق المراد تخسيس الدهون بها ومن ثم بعد ما تشوف في نتائج ابدا بزيادة الكتل العضليه بالتضخيم

والبروتين ماهو نوعه ؟ اما الكرياتين فلم تتركه ؟ الكرياتين لزياده العضل وليس له دخل بزياده الوزن

آبو رآشـد
08-11-2009, 06:27 PM
اخوي بالنسبة لارداف عندك هالتمرين هو الي يحرق الارداف

بحيث تخلي البار مستوي وتحطة فوق ظهرك وتمشي زي الي في الصورة


http://kbierek.powweb.com/shapefit-pics/quadriceps-exercises-barbell-lunges.gif


12 خطوة 4 جلسات 3 مرات في الاسبوع تسوي هذا التمرين وانت تمشي مو واقف زي الاهبل الي في الصورة يعني خطوة قدام وتخلي ركبتك اليمنى فوق الارض بشبر بعدين خطوة وركبتك اليسرى فوق الارض بشبر هكذا وان شاءالله بتشوف نتايج من ناحية الارداف والبطن

والبروتين توقعت نوعة هو الواي بروتين ان كان الواي بروتين فهو ممتاز ام الكرياتين مثال ما قالك الاستاذ مشكلجي ليش تتركة هو ما يزيد وزن هو يزيد عضل بس خذا على جرعات مناسبة ويا ليت تكثر ماء مثل ما قالك الوحش بالتوفيق

Flexable
08-11-2009, 06:39 PM
مشكلجي ، مشكور على الرد و نوع البروتين واي بروتين بروكومبلكس العادي مو القينر
وماقصرت على الرد الطيب

بوراشد ، ان شاء الله راح ابذل جهدي بهالتمارين اللي عطيتني اياها وهذا من طيبك وماقصرت على المعلومات الطيبه

قواكم الله

آبو رآشـد
08-11-2009, 06:44 PM
الله يوفقك ان شاءالله وانا متفائل خير فيك ونبي تجينا بعد شهر وتبشرنا عنك بالتوفيق

mashkaljey
08-11-2009, 07:31 PM
البروتين الذي تستخدمه ايظا لا يزيدك وزن يعني لا تترك البروتين سواء في فتره التضخيم او التنشيف ومثل ما قالك الرسمي التمرين هذا قوي جدا والله يعينك على تأديته لانه متعب


موفقين

قطري1986
08-11-2009, 07:37 PM
الله يعطيك العافية يارب

بس اخوي ليش مستعجل على التنفيخ

او نشف واخسر دهون وعقب ضخم تره

بهطريقة بتصير لك عضلات وعليها دهون وبتتعب واااااااااااايد لمة بتنشف

وراح تحتاج وقت طويل نصيحة مني لك انا سمعت هنصيحة من صديق بطل العالم بكمال الاجسام عبدالسلام كمال

وتضخيم لاحق عليه وحط لك برنامج غذائي وابداء تمارين حرق الدهون وانصحك بحبوب كلين باترول بتساعدك على حرق الدهون بجسمك بس لاتنس تحط لك جدول يوم حرق دهون يوم شداو حط برنامج الي يناسب جسمك والتضخيم لاحق علية.

Flexable
08-11-2009, 08:08 PM
يعطيكم العافيه جميعا مشكلجي والرسمي والقطري

SPORTY
09-11-2009, 12:16 AM
اخوي فترة التضخيم زيادة الوزن بشكل كبير بسبب الاكل و المكملات ووزن العضل و لا تسوي تنشيف بفصل الشتاء يفضل بالصيف :)

ليبرتي
09-11-2009, 12:47 AM
عزيزي بالنسبه للارداف
عليك بجهاد الكارديو (شفاط الدهون ) fat zoooooooooooooooon
يشتغل على حرق الدهون في منطقة الارداف ( الجوانب والخلفيه ) مع مراعاة تثبيت الذراعين في على المقبض الثابت
يوميا 15 دقيقه وكل 5 دقائق زود مقاومه الجهاز
حتبداء تشوف الفرق في اقل من اسبوع
هذا الجهاز له نتائج رهيييييييييييبه جدا لدى الجميع ويشتغل على كامل الجسم حتى الكرش

Flexable
09-11-2009, 02:12 AM
سبورتي اي والله الشتاء ما ينفع تنشيف علشان المخيمات والعزايم لوول مشكور على الرد وانا سامع ان التنشيف افضل بالصيف مثل ما تفضلت


ليبيرتي ممكن اسم الجهاز بالانجليزي علشان ابحث عنه لوسمحت؟ هل تقصد الهزاز؟

ليبرتي
09-11-2009, 09:45 AM
اذا كنت مشترك بنادي بتلقاه موجود اكيد .. وصراحه قمة المتعه لو كان في تلفزيون فيه بياخذ منك الوقت وانت ما تحس فيه .... تراااااااه قوي قوي جدا على المنطقه السفليه ... بتدعيلي انشاءالله
عزيزي تقدر تشوف شكل الجهاز على الرابط التالي :
http://www.amazon.com/Schwinn-430-Elliptical-Trainer/dp/B000JF20LI/ref=sr_1_35?ie=UTF8&s=sporting-goods&qid=1257752535&sr=1-35

Flexable
09-11-2009, 05:06 PM
اي عرفته مشكووور و انا ادعيلك من الحين الله يوفقك في الدنيا و الاخره