المساعد الشخصي الرقمي

مشاهدة النسخة كاملة : وش رايكم في هذه المكملات ....


بطااطاا
10-11-2009, 11:51 PM
السلام عليكم

كيفكم يا شباب :biggthump

أنا بعد يومين أو ثلاثة سأقضي على علبة ليبو6 بلاك

وبأداء بعد العيد أنشاء الله في التضخيم لكن لي بعض الأسئلة وودي أستشيركم فيها

طبعا أنا عندي نسبة فات ووزني 76ونص وطولي 169 سم وعمري 27سنه

وقلت في نفسي أن أستخدم كلا من :

1ـ واي بروتين
2ـ أمينو 2222
3ـ إل كارنتين (حارق) سائل عشان والدهن
4ـ أبي لي بمب ومدري وش أخذ وأنا حاط في راسي إن أو أكسبلود

بس هل البمب هذا يتناسب معي لأني لا أريد دهون ولا زيادة وزن بشكل كبير يعني كم كيلو ما في مشكلة

وأنا أريد أستشارتكم فيها هل أنا في السليم أم يوجد بعض الملاحظات

بس يا ليت تراعون شوي من ناحية القيمة النقدية لكل منتج لأنها يريد لها ميزانية عشان أقدر أشتري هذه كلها:31:

وأشكركم جميعا وأتمنى لكم أوقات سعيدة
آبو رآشـد
11-11-2009, 02:10 AM
اوكب تقول بعد العيد يعني المنتجات هذي لبعد العيد وانت داخل برنامج تضخيم الواي بروتين ماشي حلو مع الامينو 2222 للحين حلو بس لا تاخذ ال كرنتين ابعد عنة انت حاليا داخل في التضخيم يعني عادي مع اللعبة بتحرق طبيعي وبالنسبة للـ ان او اكسلبود حلو للطاقة يعني وقت التمرين بتشوف قوة خيالية معها غير كذا بيصير عندك تحمل يحرق الدم بسرعة للعضلات بالتالي الاوكسجين يوصل لها بسرعة ويمنع بعد الشد العضلي التوفيق
بطااطاا
11-11-2009, 06:08 AM
مشكور يا الغالي بس إل كارنتين أبيه يحرق الدهون لأن لسى منطقة البطن مشحمة وأنا خايف من أنها ترجع زي ماكانت أول

يعني أضرب لي كم عصفور بحجر


تحيااااتي
بطااطاا
11-11-2009, 05:28 PM
وين الشباب وين الكباتن ما في ردود
عشــق البطــوله
11-11-2009, 07:42 PM
هلابك اخوي ..

اخوي طبعا مافيه مشكله لو استخدمتهم كلهم في كورس واحد ولكن يفضل انك تفصل بين الأوقات اللي تاخذ فيها المكملات .. يعني ماتاخذهم كلهم دفعه وحده وتروح النادي ..

ولكن فيه ملاحظه : الافضل انك تختار مرحله وحده فقط ( تضخيم او تنشيف ) يعني يا انك تضخم او تحرق دهون عشان تعطي كل فتره حقها 100% من ناحية التغذيه والمكملات والتكييف العام للجسم ..

وطبعا مثل مذكرت سابقا لامانع انك تجمع بين التضخيم وحرق الدهون ولكن حط في بالك ان هالشيء صعب ..

عموما انت اذا عزمت انك تجمع بين الفترتين اهم شغله انك ترتب اكلك وتخليه دايت وتبتعد عن السكر ( اهتم فقط بالسكريات البسيطه ) الموجوده في الفواكه

وبالنسبه للكاربوهيدرات اهتم بالرز المسلوق والمكرونه على خفيف والخبز الاسمر .. واهم نقطه ابعد عن الكاربوهيدرات في الليل ..

بالنسبه لـ آل كارنتين هو عباره عن حمض اميني لذالك مافيه اي مشاكل لايتعارض مع باقي المكملات .. وايضا اذا كنت تستخدم امينو2222 السوفت جيل راح تحصل في العلبه انه يحتوي على ال كارنتين ..

وفي النهايه لاتنسى الكارديو ولكن بشكل بسيط يعني 3 مرات في الاسبوع وكل مره لاتتعدى 15 دقيقه في الكارديو .. والبطن لاتهمله ابداً اهتم فيه وكذالك الخواصر ..

وبالتوفيق لك
بطااطاا
12-11-2009, 01:13 PM
مشكور أخوي عشق البطولة

اليوم أنا خلصت علبة ليبو6بلاك ولي الآن ما يقارب أربعة أسابيع حرق الدهون

والحمد لله عودت نفسي في الأيام هذي على الدايت وكذلك ناس كثير تقولي أنه في تغيير في شكلي

وكل شي في جسمي نشفته أكتاف ـ ظهر ـ صدر علوي ـ أرجل لكن ألي عقدي البطن لسى فيها دهون والجلد أحسه مترهل علما بأنه يوجد عضلات في البطن لكن الدهن مو تاركها تبان

يعني أستفدت من هذا الشهر أني عودت نفسي على الدايت ونقص وزني لأنه كان معلق ما يتحرك من 79كيلو

والآن 76كيلو

طبعا الأكل عندي الفتره الماضية حقت الدايت :

الصبح : أفطر رغيفين توست بر وجبن منزوع الدسم
الغداء: صدر دجاج ورز مسلوق + سلطة خضار + أناناس
العشاء : حبة تونة ناشفة

المشروب على الأكل عصير تفاح وتركت جميع أنواع العصيرات والغازيات وكمان الشاهي والقهوة

فهل أستمر على النظام الغذائي هذا وأزيد عليه الكورس إلي أنا حاطه فوق

وهل بضرب لي عصفورين أني أحرق الدهن وأستفيد من الوقت في التضخيم

تحياااتي
عشــق البطــوله
12-11-2009, 07:08 PM
هلابك اخوي بطاطا ..

نرجع لمحور حديثنا ..

اخوي في فترة التضخيم تحتاج لأكل لأنك بتحرق في النادي برفع الأوزان الثقيله يعني لازم تتغذى كويس نظامك الغذائي هذا ماينفع للتضخيم لازم تزيد من كمية البروتين والكاربوهيدرات

اساس التضخيم هو الكاربوهيدرات حاول تاكل رز معكرونه خبز اسمر شوفان .. وغيرها من الكاربوهيدرات

لأنك بدون الكاربوهيدرات ماراح تبني عضل ..
يعني نقول بما ان عندك زياده في الوزن لاتفرط في اكل الكاربوهيدرات ..
اكل على قدك ( ويفضل في الفتره ماقبل التمرين ) وبعد التمرين مباشره وجبه واحده فقط كاربوهيدرات وبعدها لاتاكل كاربوهيدرات الى اليوم التالي ..

وطبعا لاتنسى بقية العناصر ( البروتينات , الفيتامينات , الدهون الصحيه ) كلها مع الكاربو تعطيك بناء للعضل ..

ولك هذي المعادله :

50% كاربوهيدرات 40% بروتينات 10% دهون صحيـّـه

وحاول ترتب طعامك على حسب المعادله السابقه ..

اهم نقطه انك لازم تحرق الكاربوهيدرات في التمرين لأنك اذا ماحرقتها بتتحول دهون .. وراجع ردي السابق بالنسبه للكارديو

وبالنسبه لطعامك مثل ماقلت لك اكل في التضخيم زي ماتحب لكن بشرط مايكون طعام مضر مثل الوجبات السريعه والمقليات وغيرها .. اهتم بالطعام الخالي من الدسم او الدايت ..

وبالتوفيق لك
بطااطاا
13-11-2009, 03:34 PM
تمام أخوي عشق البطولة انشاء الله ربي يوفقني في المرحلة المقبلة

تحياااتي لك