مشاهدة النسخة كاملة : الشبكة تقرير مايكروسوفت : رسمياً تم تبنيد 1 مليون جهاز مقرصن !
FARES360
12-11-2009, 07:10 AM
http://www.romancingsingapore.com/articlefiles/thumbnail_58744banned.jpg
Report: Xbox Live Bannings Upwards Of 1 Million
Microsoft's ban hammer may have whacked as many as one million Xbox 360 owners following a new wave of cracking down on modified consoles.
نزلت اليوم رسميا احصائية حيث وصل العدد قرابة 1 مليون شخص مستخدم للكوبي !
مثل منتو عارفين انه سياسة الشركة ضد الكوبي أصبحت بشكل أٌقوى حيث انها مو بس تبند الجهاز المطور بل ايضا تخرب جهازه هالمره لأنه امبين انه ما يتوبون من سرقة الملكية من مجرد باند من اللايف خصوصا اذا كان هذا الشخص يفضل اللعب الفردي فما يأثر فيه ترك عالم الأون لاين نهائيا
هالويف الرابع يعتبر من الأقوى الويفات الي نزلت.. وتم الهجوم بإصدار odst مع cod6
خيرها بغيرها للي انصاد .. وعقبال الي ما انصاد :09:
المصدر: Kotaku (http://kotaku.com/5402591/report-xbox-live-bannings-upwards-of-1-million)
XBaDeR
12-11-2009, 07:28 AM
هههههههههههه يستاهلون :p
AL- M a T a D o r
12-11-2009, 07:58 AM
ذي المــره ماحد فالـت من البانــد
مايكـــرو ناويتهـــم..هههههه..
bader686
12-11-2009, 09:41 AM
اهو في احد مانصاد ؟ كلمن يلعب كوبي اعرفه تبند بس للعلم الشركة مصختها بحركة تخريب الجهاز .. من حقهم يطردون من الايف اما يخربون الجهاز شله بعد ؟
على فكرة شنو يصير بالجهاز بظبط اذا تتبند ؟
NiN RevO
12-11-2009, 10:36 AM
^
^
^
اتوقع يصير الجهاز ما يسوي انستوول للعبه على الهارد ديسك ..
samoory
12-11-2009, 10:36 AM
غريبه ماقالوا احنا حمير بندنا جهاز اصلي مافي ولا نقطه من التعديل ! على العموم انا مع الخيار الثالث لاكن
والله حركه تافه جهاز اصلي وياخذ باند ولا هو مطور ولا شيء زيه زي اي اصلي ..
NiN RevO
12-11-2009, 11:12 AM
غريبه ماقالوا احنا حمير بندنا جهاز اصلي مافي ولا نقطه من التعديل
ليش ما راسلتهم .. ارسلهو وقول لهم الي صار وان شاء الله يحلون مشكلتك ..
samoory
12-11-2009, 11:19 AM
^
امس رسلت لهم ..واستنا الاجابه الشافيه p= اليوم
PremaFrost
12-11-2009, 11:22 AM
والله انا مو كاسر خاطري غير الي الي اشتروا اجهزة ثانيه بعد ماصار red light of death وبعدها باند على الافا
مايستاهلون مساكين
بحر الورود
12-11-2009, 12:43 PM
الباند مش من الكوبي فقط يعني انت تلعب بجهاز أصلي بس انت مدخل المستخدم مالك على الكمبيوتر و مزود الأشيفمنت مثلاً ولا فاتح جميع ملابس الأفتار فلا تستبعد أنهم يسوون باند لهذا السبب
samoory
12-11-2009, 01:04 PM
^
طيب واللي مو مسوي ولا شيء من هذا !؟ وماخذ له باند
General BiG Boss
12-11-2009, 09:06 PM
لووووول حركه جهنميه من مايكرو .. انزين الحين مايكروسوفت ليش ما تتشطر على
العاب الـ PC الكوبي ؟
اعتقد ماكو جهاز بالعالم مايستخدم النت , ليش ما يتبندون الكمبيوترات هم من ضمن حقوق الملكيه !
The Last Lombax
12-11-2009, 09:15 PM
^
الشغلة تجارية بحتة (&)
عشان المبيعات تزيد أكثر وأكثر
HELAS
13-11-2009, 12:24 AM
مممم الصراحه مادري شقوول..
بس راح اقوول اللي عندي وان شاء الله تفهمون بس لا تنقهرون بليز :)
بما انكم مستانسين بالالعاب الاصليه ..
احب اقوولكم خلووكم على الاصلي..
انا عندي اكثر من 220 لعبه كوبي وكلهم ببلاش منزلهم من النت :)
وحسبتها لو اني اشتري كل لعبه اصليه راح يطلع الناتج 3960 دينار لو اللعبه اقل شي ب18 دينار :)
يعني انا وفرت على نفسي هالمبلغ اللي يساعدني اني اكون اسره فيه او او اشتري اثاث كامل لبيت بالمستقبل :)
وانتو خلووكم على الاصلي لول
انا ماعطوني باند..ونفذت بجلدي من الباند وعندي الحمدلله 4 اجهزه اكس بوكس 3 منهم كوبي
والرابع الغبي اصلي لول << مخليه حق بس اللايف والالعاب اللي تستاهل مولتي بلاير..بس يعني ممكن اشتري بالسنه 4 لعبات بالكثير..هم بسيطه الحمدلله انا موظف وماعندي مشاكل ماديه :) يعني مقزرها على مايكروسوفت من كل النواحي..
وخلوونا نفرض انه كل اجهزتي حاشهم باند او ريد لايت ...عادي عادي الجهاز اليديد الاركيد سعره 70 دينار لول يعني تقريبا يساوي سعر 3 العاب اصليه لووول لووول لوول والثعلب فات فات لول شكو
يعني بلاش ببلاش والحياه سعيده مع حبيب الكل " بيل غيتس " :)
تقبلو مروري الغير مبند :)
NiN RevO
13-11-2009, 02:31 AM
^
^
^
طبعا ً نفذت بجلدك و ما راح يجيلك بان وانت ما دخلت فيهم النت اصلا ً لأن عندك الاصلي الغبي الي تدخل فيه النت .. بس بأعطيك معلومه ان الاصلي حلال .. واحنا لما نشتري اصلي ندعم الشركه الي سوت اللعبه لأن العمل في غالب الاحيان يكون يستاهل الدفع عليه .. و في الاخير اللعبه اما تنباع او تبقى في الكوليكشن
FARES360
13-11-2009, 07:55 AM
^
ترا احنا فكرنا فيها على المدى الطويل..وندري انه في النهاية راح يطلع مبلغ جايد
بس انا عندي قاعده تقول " عيش يومك والفلوس تروح وتيي " بعدين كونك تشتغل 1% من معاشك على شريط اصلي ما يأثر على مخططاتك المستقبليه للزواج وبيت مو ؟
كمقتني للأصلي ما اضن احنا راح نشتري هالكمية من الألعاب الي اغلبها ما يستاهل الشراء !
نشتري كل شهر لعبة والي يطلع مبلغها 20.. ^^" ما اضن يأثر على ميزانيتنا والي حاب يجمع حق باجر لو الله عطانا عمر يعني..
بعدين اعتقد مقتننين الأصلي غالبيتنا يشتري العاب تستاهل فقط .. ولا انا غلطان؟
بسثناء راعين الكوبي تلقاه يشتري فوق 200 لعبة طبيعي لألعاب مثل lego ورايح...
( كنت جذي ايام البلاي 1 وخففت من من هالعاده السيئة تدريجيا من الأجهزه لأنه حسيت بتعب غيري... )
بس ما اضن انت يهمك هالشي كونك مساند للكوبي بشكل بحت وبفخر !؟ على سرقة الملكية
مساندة الشركات قد ما يهمك.. اوكي , بس تعب غيرك بنظره انسانية المفروض يحركك شوي
ناس تقعد ساعات مجابلة الشاشة ومهندسين ومبرمجين الخ
كل هذا بس عشان يطلعولك لعبة ..انت تستانس فيها على أمل انه تبيع وتييب لهم مدخول
تخيل انت تروح الشغل وتشتغل وتتعب وما ينزلك معاش؟ شنو وضعك
شركات الألعاب اعتقد هذا مجال مستقبلها ومن هالألعاب تجني ارباحها
في النهاية تراها شركة خاصه ربحية .. ماهي شركة خيرية عشان تقدم الألعاب مجاناً لكم !
طبعا راح تنط علي وتقولي انا انزل اغاني مجانية وافلام مجانية بعد ..سوالف تورنت
المهم انا اسوي غلط في بعض المجالات وليس كلها لكن اعترف انه هذي عاده سيئة وعيب اني افتخر كوني واحد من هذه الفئة , ولكن بنفس الوقت انا اساند الناس الي تتعب صح .. خصوصا في مجال انا احبه الا وهو الألعاب ..الشركة سوت شي انت تستمتع فيه وقتك .. ما تدفع ؟
والسؤال الي يطرح نفسه دايما..... :)
شنو وضعك باجر ليما تصير الألعاب كلها بلوراي والقرصنه تختفي في الجيل القادم من الأجهزه
هل راح تصير واحد من اصحاب الأصلي اخيرا كونك مستخسر تقط مبالغ على العاب أصلية.. ؟
HELAS
13-11-2009, 08:27 AM
بااااك
وصبااح الخير ..
فارس كلامك على العين والراس ..وانا فاهم قصدك..
بس انت سبقتني باللي كنت بووله ..الا وهو
تبي تقنعني انه برامج الكمبيوتر اللي عندك كلهم اصليين؟ سواء ريل بلاير ومسنجر والوندوز وحتى الافلام والاغاني و و و و و ؟
هذا نفس الشي لا تقوولي انا اهتم باللي انا احبه واسانده..انت صرت اسوأ مني لول تفضل ناس عن ناس وقاعد تزيد الظليمه عليهم :)
يعني جنك راعي شركه وتعطي معاش للناس اللي عاجبينك وتخصم من معاش للي مو عاجبينك :)<< ياعيني على المثال وربي مو هين طلعت
المهم..
خلووني اقوولكم شغله ...انا احب الالعاب الاصليه وعندي كوليكشن وايد قوي وكبير لالعاب وايد للسوني 1 و2 والجيم كيوب الخ
بس الالعاب الاصليه تكون اختياريه وما افسفس فلوسي على العاب لانها اول وتالي بتكون مجرد هوايه والمشكله انه هالهوايه يتحكم بسعرها ناس حراميه ...ولازم انا اجازيهم بالمثل
اذا الناس تضحك علي بسعر اللعبه الاصليه ...انا اعطيهم هجمه عكسيه بالكوبي وببلاش :)
والله لو سعرنا نفس سعر الغرب جان ملتزم بالاصلي ..بس يا عمي الواحد يموت قهر اذا شاف غيره قاعد يتلاعب عليه..
وبخصوص كميه الالعاب...يبا انا غيمر من سنه 1985 من ايام الاتاري والصخر والننتيندو والسيجا والسوبر ننتدنو و و و و الخ... لي يومنا هذا..
وانا العاب الكوبي بس الالعاب الكومبارسيه مثل على قوولتك ليجو وكراش وغيرها من شغلات عاديه بس عشان اغير المود اللي قاعد العبه وعشان بنفس الوقت ازيد سكوري بالاشيفمنت واعيش التحدي مع ربعي :)
انا ما افتخر بلعبي بالكوبي....بس انا قاعد اعطي حق الالعاب اللي تستاهل تكون كوليكشن..
اووه تعبت وانا اكتب حتى ريوق والله ما تريقت حسبي الله عليكم يا حبكم للسوالف والمناشب لول
FARES360
13-11-2009, 09:02 AM
ادري انا اقرأ الأفكار عشان جذي سبقتك لووول.... بالعافية حجي
انزين شنو وضعك بخصوص مستقبل الباهر للكوبي لما يسيطر البلوراي السوق =p راح تترك الGaming ?
HELAS
13-11-2009, 09:11 AM
اكيد ما راح اترك الجيم لو شنو يصير بس انا اعيش حاليا عالكوبي اذا متوفر والاصلي للكوليكشن وحق الالعاب اللي تستاهل..
واذا يانا الوقت اللي ننجبر على الاصلي فقط اكيد راح نتعايش معاه..
اصلا هالشي صاير وخالص بالنسبه للسوني 3 لان مالها كوبي وانا عندي تقريبا 20 لعبه عالسوني شاريهم اكيد اصلي بس كل الالعاب الحصريه لها
مثل
انفاموس
ميتل جير
انشارتد1 و2
وغيرهم باقي اللسته مالي خلق اكتبهم :)
لكن الالعاب الغير حصريه اخذها كوبي للاكس بوكس..وبس
وشكرا جزيلا لحسن قرائتكم << لول شكو ^_^
Yُazeed
13-11-2009, 09:45 AM
اظن ميلون جهاز قليل <<<ياكثر الي يلعبون كوبي
انا اشوف بعضكم ان الاصلي افضل ولكن افضل للي يلعبون Online
وفي بعض الناس ماتلعب Online
في ناس تجيب الاكس بوكس للاستراحه عشان يلعبون فيه هو واخوياه كوره بس
طيب وش ذنبه يجيب اصلي هذا نقطه
النقطه الثانيه سعر الاصلي حق الاكس بوكس نار يازين PS3
النقطه الثالثه مالها عالقه بالموضوع ولكن انا اذا جيت ألعب Online بالاكس بوكس لازم اشتراك
طيب انا مثلا مالعب كثير ممكن بالاسبوع 6ساعات
ليش يحسب على الاسبوع كله يازين PS3 مجاني
صح خدمه الاكس بوكس لايف ممتازه وافضل من PS3
بس يعني مب ذاك الزود المهم تلعب Online!
الصراحة أنا أويد HELAS . . .
الفلوس اللي تصرفها حق اللعبة تقدر تسوي فيها بلاوي . . .
أقصد لو هذي الفلوس تبرعته لفقير أحسن من أن أدعم شركة غربية . . .
فهل نحن العرب محطوطين على بالهم . . هل نمثل لهم مصدر لتجارة الالعاب ؟!!
King36o
13-11-2009, 02:39 PM
بالنسبة لي انا عندي ان 80% من الألعاب الي تنزل طول السنة ما تستاهل فلس تدفعه :D
فـ تلقاني كل سنة اشتري بالكثير 4 ألعاب اصلية (جديدة) و يمكن 7 ألعاب مستعملة بسعر مناسب
كفاية ان القرصنة شي غلط و المعظم الدول المتقدمة تمنع هذا الشيء
لا تقولون لي شوف برامج كمبيوترك كلها كوبي :D انا برامجي كلها اصلية
<< ما عنده الا انتي فيروس و كم برامج متوفرة من الأصل في اللاب توب << لاب توب سوني بس لا تاكلوني :D
Mr.Tommy
13-11-2009, 02:54 PM
انا اشوف ان مع شوية تنظيم اي واحد يقدر يشتري الالعاب الاصلية اللي يبيها بدون لا يدخل بدوامة الكوبي وعوار الراس
اعتقد ياخوي helas ان الاصلي مو مكلف للدرجة اللي انت صورتها لنا كل مافي الموضوع ان الواحد بياخذ لعبة او ثنتين بالشهر ماراح تأثر على ميزانيته اذا كان مرتب اموره
وبصراحة مادري ليش بس احس الالعاب الاصلية لها طعم خاص يمكن لانيدافع فيهم واقعد اجابل اللعبة على الاقل اسبوعين عشان احللها
وبالنهاية ماكو مشاكل ولا عوار راس مثل ما قلت فارس لا تبوق لا تخاف ^^
King36o
13-11-2009, 03:08 PM
وبصراحة مادري ليش بس احس الالعاب الاصلية لها طعم خاص
عدل كلامك :D تحصل كتيب تعليمات و يمكن اشتراك لايف يومين :09:
Painkiller Q8
13-11-2009, 03:51 PM
Copy Games = Extra FUN for FREE
Retail Games = Less FUN and Weasting Money
هذا شعاري :)
اليوم نزلت Assassins Creed 2 + Left 4 Dead 2
وناسه لما الواحد يلعبهم والناس تطالعه وكل الي تقدر تسويه تنطر فوق ال 10 ايام وتروح تشتريها بــ23 دينار
وانا اضم صوتي للأخ HELAS .. احلا شي لما الواحد يقزرها على الشركات الي اهي اساسا مقزرتها على العالم !
وعلى فكره .. الباند راح يوقف بعد الكريسماس .. يعني على شهر 1 ارجعو للكوبي والمتعه الغير محدوده مجانا !!!!
لحد يقولي انا اساند "الاصلي" .. ولك 80%+ من الي يلعبون اصلي ودهم يلعبون كوبي مثل باجي الناس ... بس الخوف من كلمة BANNED موقفهم عن التفكير بالكوبي ..
Smart people never get BANNED
bader686
13-11-2009, 05:41 PM
^^
انزين انت صادك باند او لا P: ؟
samoory
13-11-2009, 07:57 PM
Smart people never get BANNED
حل المعادله هذي xb=90y×mn وتعال قول ذكي !!
قال ايش الاشخاص الاذكياء ماياخذون باند ايش دخل الذكاء بالشرده من مايكرو!!
bader686
13-11-2009, 08:23 PM
^^
حليت المسأله الجواب هو YOU STILL BANNED
samoory
13-11-2009, 09:01 PM
^
لووول لا عني انا لا ماعد فيه باند ^^ ...اما هو وراه وراه بيجيبون راسه بس اصبر
King36o
13-11-2009, 09:57 PM
Smart Lucky people never get BANNED
NiN RevO
13-11-2009, 11:07 PM
لووول لا عني انا لا ماعد فيه باند ^^
مبروك .. رجع لك اللايف ؟؟
Painkiller Q8
15-11-2009, 07:49 AM
لوول ... شي طبيعي ان الي يقرا اخبار اهاكرز ويركز ماراح يحوشه باند .. لان انا عندي اصدقاء وعلاقات وادخل مواقع هاكرز وقبل ما تبدأ حملت ميكروسوفت للباند .. كان في موقع الي ادخل عليه (تحذير عملاق) واكيد في ناس ما هتمت .. بس انا ومجموعه كبيره من الناس ماشبكو بالايف والحمدلله ماحاشني ولا حاشهم باند .. بس ننطر تطويره جديده وندخل لايف بالكوبي !!
عموما انا قاعد ادخل لايف واللعب COD6 اصليه وكل شي تمام !!
Super Shadow
15-11-2009, 10:23 AM
بالنسبة لي أنا أشوف ها الجيل جيل الأصلي و بس
كافي أن الاكس بوكس الأصلي تجيله خرابات لمبات الديسكو المعروفة ، مش ناقص كوبي الي يزيد من مشاكل الجهاز .
smoking
15-11-2009, 11:11 AM
مايكروسوفت بيدها انها تجبر الناس على الاصلي
لكن هي طماعه
الالعاب غالية جداً (300 ريال) بعني (26 دينار كويتي ) تقريباً
هذا غير تلاعب المحلات بالأسعار
تقدر تفتح ستور هي وسوني ويخفضون السعر الى حد معقول 100 ريال مثلاً
وانا متأكد ان الارباح والمبيعات ستكون مضاعفة
ثاني شي : هل ممكن لشركات مثل مايكرو وسوني وضع شروط للألعاب يعني اللعبه اللي ماتعدي
مستوى معين مايكرو ترفضها علشان يضل مستوى الالعاب قوي وتكوون الالعاب كلها تستحق الشراء لأنها قوية
evil-kusanagi
15-11-2009, 01:23 PM
كلامك معقول .بس الاخوة لم و لن يتفقوا.
السعر المناسب للعبة بنظري لجميع فئات المجتمع هو 20 دولار .
يعني تبيع مليون نسخة بهذا الثمن .احسن ما تبيع بضع الاف بثمن باهض .
و هذا يرضي الكل .الشركة المصنعة للجهاز راح تزداد مبيعاتها .شركات الالعاب راح تزيد مبيعاتها بسبب رخص منتجاتها. و في الاخير نحن نلعب بثمن اقل و في امان .
King36o
15-11-2009, 02:00 PM
لا تنسى ان الشركة تصرف عشرات الملايين على ألعابها و يبيعونها علينا بـ60 دولار
evil-kusanagi
15-11-2009, 03:25 PM
لا تنسى ان الشركة تبيع ملايين النسخ. اضرب عدد النسخ المباعة بثمن النسخة الواحدة.
راح يطلع لك رقم فلكي.
ShinGundam
17-11-2009, 06:22 AM
^
^
و هني المشكلة :) خذلك مبيعات تيكن 6 على الرغم من أنها على جهازين إلا أنها هي الأقل في تاريخ السلسلة بمقابل مبالغ مالية ضخمة لتطويرها على جهاز أركيد بقدرات البلاي 3 و شراء هذي
الأركيدات و من ثم تكلفة إضافية لتطوير على 360 و دفع مبالغ ضخمه لدعاية عسى أن توعض
بمبيعات جيدة بعد فترة تطوير طويلة تكون هي الأقل هني المشكلة زمن الملايين راح و الشركات
قاعد تموت من الداخل و الألعاب كل ما لها و تقل تدريجياً
bader686
17-11-2009, 12:39 PM
^^^
جم مبيعات تكن ؟ لوول شكله ماطافت المليون
ShinGundam
17-11-2009, 10:50 PM
^^^
جم مبيعات تكن ؟ لوول شكله ماطافت المليون
أخر مرة شفتها 300K للبلاي3 في العالم كله و 100 لأكس بالمقابل الشركة كانت متوقعه 2.5 مليون
عساه ما يكون آخر جزء بس نكون واقعيين جزء من المشكلة تتحملها نامكو لأن تيكن لعبة المفروض
تنزل في 2007 أو 2008 قبل لا تنزل ستريت فايتر و بلاز بلو هذي ضريبة التأجيل
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .