البروتين كسر ظهري (كل اسبوعين يخلص واشتري......الخ) مافي حل غيره

[بندر053]

السلام عليكم ورحمة الله وبركاته


كيفكم يا احلا اعضاء ويا احلا والذ مشرفين ومراقبين ....الخ (مطول)


المهم انا استعمل الواي بروتين جولد استاندرد مقاس العلبة 2 كيلو ونص تقريبا

وكل اسبوعين يخلص

والسبب ان وزني 92 ولازم لكل كيلو في الجسم اخذ 3 جرام بروتين 92×3=276 جرام بوتين

طيب انا اخذ باليوم 6 سكوب واي بروتين =144 جرام بروتين
وصدرين دجاج=54 جرام تقريبا
و4 حبات بياض بيض = 8بروتين تقريبا (ماني متأكد) ولسه باقيلي 65 جرام ما اقدر اخذها خلااص بطني تعبا او ما عندي معلومية عن اكلات تحتوي على بروتينات عالية

الظااااااهر اني رحت بعيييد عن الموضوع

سؤالي

مافي شي ينشرب او يؤكل سريع سريع ويحتوي على 24جرام بروتين زي الوي بروتين او اكثر
يعني طفشت وانا ادفع كل اسبوعين 230ريال وعلى كذى ما في شي فيه توفير ولا خلاص تورطنا؟ هههه

[JiuJitsu]

6 سكوبات ؟؟؟؟؟؟؟؟؟؟؟؟؟؟؟؟؟؟

اخوي انا الي اعرفه وحتى بمواقع المنتجات انه لكل كيلو بجسمك 2 جرام بروتين فقط

خذلك 3 او4 سكوبات يوميا + التونه مصدر غني بالبروتين (( تونه بدون زيت ماي وملح فقط اذا كنت ماتريد فات )) فيها بروتين على الاقل 24 جرام وبعض الانواع سمعت فيها 35 جرام بروتين

ونوع باكلك لا تاكل عالغداء كل يوم دجاج كل سمك وكل لحم ستيك وسلطه تنويع

[iMut3b]

اممم ,, ليش ما تجرب البروكومبليكس ؟ 60 غرام بروتين

٦ سكوبات مررة كثير ,, بتتعب كليتك ياشيخ

حاول تزيد وجبآتك ,, يعني الفطور ٤ بيضات بعدها سكوب من البروتين ,, بعد الفطور بساعتين خذ لك تونة ,, ٢٤ غرام بروتين ,,

الغداء خذ لك صدرين دجآج ,, العصر روح النآدي واذا رجعت خذ من البروتين ,, والمغرب حاول تاخذ لك تونة ,, خفيفة وما تشبع وبروتين عالي

والعشاء عاد انت وضميرك بس حآول تكثر من وجبآت البروتين ,, حليب صدور دجاج اللي تشوفة

وقبل النوم خذ لك سكوب بروتين

شوف احسب معاي ,, بروكومبليكس بيعطيك 180 غرام بثلاث سكوبآت

آكلك بالراحة يجيب لك الباقي ,, علبتين تونة تجيب لك 50 بروتين تقريبا ,,230 جرام ,, صدرين دجآج 50 ,, 280 تقريبا ,, وحاول تزود انت ^^

سؤال ,, آنت في مرحلة تضخيم والا ؟

وزنك مرتفع عشان كذآ آسآل :)

وياليت تعطينآ طولك لو سمحت
بالتوفيق

[محمد100]

ياخوي انا مبتدا لكن انتة حرام من جد بتعب كليتك ترى مو كويس

انا قريت في كتاب لكيرت برنجارد انو لا زم لكل ١٠ رطل في جسمك ٧ جرام بروتين

يعني لكل ٤.٥ كيلو جرام في جسمك لازم ٧ جرام بروتين

وانتة وزنك ٢٠٢.٤ باوند يعني ٢٠٢.٤ باوند قسمة ١٠ تساوي ٢٠.٢ يعني

يعني ٢٠.٢ ضرب ٧ تساوي ١٤١ جرام بروتين

هادا اللي المفترض انك تاخدو من البروتين يوميا وماتكون كلها عن طريق المكمل يعني

لازم جزء منها يكون عن طريق الطعام

وترى كيرت برنجارد احد اشهر المدربين في امريكا وكتابو من اشهر الكتب مبيعا في العالم

[بندر053]

اهليييين اخواااني

انا بصراااحه فكرت في البروكمبلكس لكن ايش رااايكم انتو وااي بروتين جولد استاندرد ولا وااي بروتين

وأنا في فترة التضخيم الان 6 شهور وبأذن الله تنشيف شهرين ومن بعدها تضخيم

الطول 178

[lee mehdi]

اخواني انتم نسيتوا تدكروا المواد الاخرى الغنية ببروتينات مهمة مثل الارز


كل 100 غرام من الارز تحتوي 7.28 غ بروتين
التونة المعلبة تحتوي علبة صغيرة منها على 27.5 غرام بروتين
100 سنتليتر من الحليب فيه 3 غ بروتين
1 بيضة تحتوي تقريبا على 6 او 7 غرام بروتين
بالنسبة للحوم الحمراء الافضل هو لحم الجمل يحتوي على بروتينات اكثر من اللحوم الاخرى
الذرة ايضا بها بروتينات جيدة

[ابو غاده]

اهليييين اخواااني

انا بصراااحه فكرت في البروكمبلكس لكن ايش رااايكم انتو وااي بروتين جولد استاندرد ولا وااي بروتين

وأنا في فترة التضخيم الان 6 شهور وبأذن الله تنشيف شهرين ومن بعدها تضخيم

الطول 178


حاليا استخدم البروكومبلكس قينر احسة واجد افضل من الميقا ماس 4000 من اللي كنت استخدمة قبل..

[mashkaljey]

اخوي بندر لو تقدر تشوف الفيديو اللي وضعه اخونا الرسمي والخاص بالكابتن احمد حموده بتعرف ان ملزم انت بهذه الكمية من البروتين ( لكن ليس 3 جرام لكل كيلو !! ) يعني انا عندي صاحبي ياخذ نوع من البروتين من شركة تون لاب ويخلص علبتين بالشهر بالاضافة الى تغذيته واستخدامه للامينو الميجا 10000 بيعطيه كمية بعد من البروتين

وهذه لعبه الحديد تحتاج منك مال بالاضافة الى مجهود في البحث عن تغذيه مناسبه غنية بالبروتين قليله الدهون

بالنسبة لفتره الضخامه كثر من الكربوهيدرات وليس من البروتين يعني اجعل اكلك غني بالكربوهيدرات بنسبه تصل الى 60% كربوهيدرات ( شوفان موز خبز اسمر عصائر طازجه ) 30 % بروتين وال10% الباقية دهون مفيده كزيت السمك لانها تحرق الدهون ومفيده جدا وتجد منها حبوب تباع بالصيدليه وسعرها ممتاز

وانت ماشاء الله وزنك زائد اذا كان كتل عضليه فانت تمشي بدقه متناهية وممتاز وموفق اما اذا كنت تعاني من زياده عاليه في الدهون فانصحك تبدأ تنشيف الان لان بيلزمك شغل كبير للحصول على جسم ناشف من الدهون وضخم العضلات

وبالتوفيق

[بندر053]

طيب ممكن استفساار

انا استخدمت وي بروتين جولد استاندرد 3 علب

وودي اغير شو رايكم اغير ولا (لأن حقي باقيلو يومين بالكثير ويخلص)

الوزن 91

الطول 178

الوزن قبل ادخل الحديد هو 85

فيه فاات لكن بأذن الله فترة التضخيم في الشتى (ممتازة) وفي فترة الصيم التنشيف بأذن الله

فأيش رايكم اغير

الى (مثلا) بروكمبلكس ولا فيه افضل منه مناسب لي ولوزني؟

[mashkaljey]

مثل ما جاوبك اخوي سبورتي في موضوعه

بالتوفيق

[ahmadani]

اخوي تقدر تسويلك بروتين طبيعي ومايحتاج تكلف على عمرك وتشتري مكمل غذائي

اول شي انك تهتم بالاكل وتركز على صدر الدجاج لانه في نسبة كبيرة من البروتين +

سمك التونا ممتاز ايضا ويفضل تشرب مايه الموجود بالعلبه في فوايد كثيرة + التمر

واذا حاب تسويلك خلطه بروتين استخدم شوفان + اربع بيضات + حليب قليل الدسم +

ملعقة من العسل + مكسرات واضربهم بالخلاط هذا بروتين طبيعي وانا استخدمه بعض المرات اول ماقعد من النووم يعطيك باور

موطبيعي زائد غني بالفيتامينات والبروتين ومايكلف عليك شي

واتمنى لك التوفيق

[بندر053]

طيب الأن أنا أستخدم


1 - بروكمبلكس

2- أنمل بمب



هل باقيلي شي ولا تمام أكمل

لأني ملاحض أو أتوقع أنو في فيتامينات ناقصتني والسبب(تساقط ملحوض في شعر الرأس)

[بوحميد الكبير]

هههههههههه ياخي وشو تساقط ليكون تاخذ هرمونات هههههههه

وبالنسبة للشعر المفروض يقوى لانة البروتين يقوي الشعر وينمية

اخوي انا اشوفك انك تعتمد على المكملات بشكل كبير .. ووهاذا غلط

المكمل هو مكلمل مب اساسي.....! الاكل اساسي...

واشرب موية كثيرة الين (الله يكرمكم) يصير البول لونه شفاف

بالتوفيق

[ليبرتي]

الدخن يا اخي الكريم غني بالبروتين وفوائد كثيره جدا ممكن تاخذه خلط في الخلاط مع 8 اونصه حليب منزوع الدسم مع حبه موزه وحبه تفاحه وشوي سكر فركتوز او دايت ... صراحه انا استخدمه لمن يخلص البروتين ويعطيك طاقه حلوه وفوائد كبيره ... بالتوفيق

[بوحميد الكبير]

وتقدر تخلي الوالده تسويلك كيكه الدخن

تراها حلوه مره

[بندر053]

اووووه أفا عليك طعم خياااااااااااااااااااااااااااااااااااااااااااااااااااااااااااااااالي

وتسلمون يالغالين

بس أنا قاعد أحاول بشتى الطرق أني ما أخذ دهون ولا شي فيه فاات

وش رايكم فيه فرق بين الوي بروتين جولد أستاندرد والبروكمبلكس العادي في الدهون (يعني الفرق شاسع يخليني أرجع للوي بروتين ولا عادي أكمل)

[بندر053]

بس أنا قاعد أحاول بشتى الطرق أني ما أخذ دهون ولا شي فيه فاات

وش رايكم فيه فرق بين الوي بروتين جولد أستاندرد والبروكمبلكس العادي في الدهون (يعني الفرق شاسع يخليني أرجع للوي بروتين ولا عادي أكمل)