من تجربتي / ليس مضروب وانما

[ليبرتي]

كثر الحديث والسؤال حول المنتج المضروب والمنتج الغير اصلي والعكس في الفتره الاخيره من قبل الوحوش
ومن واقع تجربتي وما تحصلت عليه من معلومه بأذن الله مؤكده
ومن تجربتي الشخصيه /
سبق وان قمت بشراء علبه انيمل بمب .. من احد الباعه بالسعوديه ويقوم بشراء كميات تجاريه كبيره من المنتجات الي نحتاجها من مصادرها في الدول المصنعه وخروجها من الميناء بالطرق النظاميه .
المهم / استخدمت العلبه قرابة 10 او 12 يوم وقسم بالله لم الاحظ فرق او اي نتيجه لا في تمرين ولا في اي شيء . وخلال الفتره طلب مني احد الزملاء شراء له علبه من احد المواقع الاجنبيه لي فيها اكاونت وبسؤاله عن سبب الشراء من الخارج افادني بأن المتواجد لدينا مضرووووووووب وغير اصلي (صراحه استنكرت العلبه جديده محكمه الغلق :33:).
المهم طلبت علبه له وعلبه لي قلت خليني اجرب ... وقسم بالله يا اخوان من اول مجموعه (كيس) اخذتها اني لاحظت فرق ما لاحظته في الفتره الي استخدمت فيها المنتج المتواجد لدينا .
هذا بالنسبه لتجربتي الشخصيه .

اما فيما استنتجته وتأكدت منه /
ليلة البارح ذهبت لشراء النايترو تيك .. من نفس المحل الي شريت منه الانيمل بمب المضروب .. وقلتله عن ماحدث .. وقال ان السبب في اختلاف النتائج والمفعول ليس من الباعه او تصدير نوعيات معينه من المصنع غير المباع محلي لديهم .
وانما السبب هو من وزارة الصحه :12: تقوم بأستبعاد تركيبات ومكونات معينه تكون هي المفعول والمطلوبه لنا بحجة انها مدرجه تحت قائمة المحظورات المجدوله ولا يتم فسح الكميات المستورده الا بعد التأكد منها (تم الاطلاع على الفسوحات من قبل البائع والمختومه من قبل الوزاره والمشروحه لجمرك المطار ) .
فمثلا الانيمل بمب مادة الافيدرين (مدرج ) لا تتواجد في المنتج المباع محليا .. مع العلم بأن الحبه الحمراء موجوده والتركيبه الكيميائيه نفس المطلوبه من الموقع الاجنبي .

الدب الروسي / يقال بأنه مضروب الي بلاسواق .. وانا اقول ليس مضروب بل يفقد هرمون (gh ) في تركيبته .
والامثله كثير

ومن هنا ... انا اجزمت انه لايوجد نهائيا منتج مغشوش وانما اختلاف تركيبات والسبب فيها اختلاف المجبر عليها المستورد من قبل الحكومات .

وبالنسبه للباعه في اغلب الدول العربيه منها / مصر وسوريا والاردن ... اغلب منتجات الصالات المتوفره لديهم يتم شراءها من السعوديه وماشاءالله عليهم وامام عيني ليلة البارحه احد اصحاب الصالات بمصر قام بالاتفاق بشحنه لبروتينات واماينو وخلافه من المكملات مع الكابتن صابر لارسالها الى مصر .

واغلب المنتجات المتواجده بالسعوديه ليست مضروبه وانما تفقد كثير من التركيبات والمكونات المطلوبه .

هذا والله ولي التوفيق ,,,

[Sufian Ahmed]

الصراحة موضوعك واستنتاجك روعه أخوي

وحليت مشاكل كثيررة إذا كان ماقلته صحيح

[آبو رآشـد]

لا يا حبيبي اختلف معك يعني شركة الـ on مثلا تقول بلله خلنا نشوف اخواننا في هيئة الغذاء والدواء في السعودية وش تبي هل نضيف هرمون القروث ولا لا ؟؟

ولا درت حتى عنك ولا طقت لك خبر ولو تقول يعني ناخذة عادي من برا على انة تجارة وتوافق علية الجمارك بس الهيئة تقول قف خلينا نشيل المحضورات الي فية بعدين نقفلة ونغلقة اقولك برضو غلطان اول شي صعب تشيل مادة من مادة كلهة على بعضة مسحوق كيف تشيلة او يكون كبسولات كيف يطلعون المحضورات وان لقو طريقة بيختلف وزنة يعني اذا وصل السعودية يا حبيبي انا اقولك كيف يصير فية منتجات زي الدب الروسي والميغا ماس كلها تغليف صحيح وعلامة الجودة موجودة وكل شي تمام بس يكون تغليف مصري او اماراتي بعدين تبيع بس شركةات المكملات ما عندها فروع هنا تعاقب الشركات المقلدة ولا توضح منتجاتها الرسمية

[جبروت ملكي]

اعتقد صعب انهم يفصلوا مواد كيماوية بعد ان يتم دمجها .. الا ان كانوا بالاصل طلبوا مواد معينه بالمنتجات و هذا برأيي صعب و لكن ليس مستحيل .. ناهيك عن عدم تواجد بعض المنتجات بالاصل في السعودية . فما الداعي من استبعاد بعض المواد منها ان كانت لا تأتي بشكل نظامي ؟؟

سؤال اخر ... انا مثلا كيف اتأكد من المنتجات الي شريتها ؟؟

شريت الـ on gold standrd protein و الـ on amino 2222 softgels و الـ lipo 6x

و جميع هذي المنتجات من البحرين

[آبو رآشـد]

تبي تتاكد مظبوط الله لا يهينك اشترها من محلات الرسمية زي الـ gnc ياخذون منتجاتهم من المصنع عن طريق مندوب مبيعات رسمي للشركة المنتجة مو من تحت الطاولة وواحد جايب لي مكملات حاطها بملحق بيتهم ويقول هذا الاصلي عندي وانا ابو هندي وهو ما ورا الا الخرط بس للامانة فية ناس موجودين كل شغلهم من برا ومظبوط

صح غالي تشتريها من محلات مختصة ومرخصة بس غالي والي يبي الدح لا يقول ...

[mashkaljey]

صحيح اخوي مثل ما قال الرسمي وجبروت ملكي يعني وزاره الصحة يبيلها معامل كيميائية ضخمه لفحص كل مكمل وحذف ما به من مكونات ومن ثم مصانع لاعاده تصنيع المنتج من جديد وحذف المكونات من الملصق وما اعتقد في دولة تخصص ميزانية لهالامر ابدا

مثل دولة الكويت اول ما سمعو ان المنتج الهايدروكسي كت به مواد خطره على طول منعو المنتج وارتاحو من هالامر

انا اتوقع ان من باعك يمشي هالقصه على كل واحد يشتري منه وانا لا اضع بذمتي هالامر لكن بالعقل لو انه يعترف ان المنتجات التي يبيعها لا تعطي نتائج لما يبيعها من الاساس !!! ؟؟؟

يعني منتج محذوف منه مكونات طيب من الاساس تبيعه ليش ؟ والناس اللي تشتري ليش ما تقولهم بكل صدق وامانه ان المنتج ليس كالاصلي ولن يعطيكم نتائج كالاصلي ولا المسألة بس ابي مال وخلاص !!! ؟؟؟


الله المستعان

[ليبرتي]

الاخوان الافاضل /
ماهي بكثير عند ما اقوم بطلب كميه استيراديه كبيره من احد مصانع المنتجه لنوع معين واطلب منهم استبعاد ماده معينه .. والبودره او المحتوى ماهو منزل من السماء مخلوط يا اخوان الشغله تصنيع وطلب .. او يتم فتح العلب واستبعاد المواد المحظوره منه .. شغلة خليك في الجي انسي gnc حلو وكلام مظبوط .. اسالك سؤال هل جميع المنتجات الي بتحتاجها موجوده عنده طبعا لا .. مع العلم بأنه تم اغلاق محلات gn من قرابة 4 سنوات لمده بسيطه لوجود خبر عن منتجات وتم تسميتها لدى البلاغ والقبض وفعلا تم تحليلها واستبعادها من فروعهم وغرم صاحبها بالسعوديه بمبلغ 100000ريال ... والموضوع هذا حاصل في الوقت الحالي مع كابتن صابر بجده الان وفي انتظار تقارير وزارة الصحه (المصدر انا .. من الجهه المحققه) ... وبالنسبه يا اخوان وزارة الصحه لديها معامل ومراكز سموم ومختبرات اقليميه .. وجميع فروعها واقسامها لديها فيها مكاتب في المنافذ للمعاينه واستقبال العينات .

انا طرحت الموضوع من وجهة نظر بعد اخذ ورد ومن حقك التصحيح لا التكذيب ... تحياتي ,,

[safitop]

مشكور على شرحك ولاكن انا اضن ان المشكل هو صعوبت عزل المواد من منتج ما ولاكن المنتجات التي تدخل رخيسة التمن و غير مصنعة بطريقة احترافية

[عزه النفس]

مشكور على الطرح الرائع

انا حاليا بستراليا واشتري مكملات واستخدمها بس الحمد لله ماهو مضروب اصلي


بس انا مستغرب من سالفه المضروب متى يفكونا منها ويرجعون البروتينات طبيعيه مثل اول

[mashkaljey]

طيب اخوي كل كلامك ما جاوب سؤالي البسيط

اذا كان الكابتن صابر ( احترامي الكبير له ) يعلم ان المنتج يفتقر الى المواد المفيده ( كما تقول انت انك جربت منتج من احد الاصدقاء ووجدت فرق ) اذن لما يبيع منتجات لا تفيد وحتى لا تضر ؟

وفي مشاركه اخرى يقال ان الكابتن صابر يبيع ابر هرمونات ومنشطات فما ادراكم ان هذه المنشطات يظا تفتقر للماده الرئيسية بها ؟ بمعنى مثل ما تعاملو مع البروتين يتعاملون مع المنشط وبالتالي حرام يبيعه بسعر غالي او حتى سعر عالي وهو اساسا ما يسوى ولا بيعطي مثل الاصلي

[آبو رآشـد]

صراحة عن نفسي وحتى وهو محترم يستاهل ليش يبيع منشطات وهرمونات خلاص ياخي خلك على الامكملات لو يجية واحد توة بادي على طول يعرض كورسات علية انت انسان تبي هالامور رح اطلبها من برا والابر منتشرة هنا بزيادة وكل من هب ودب جاء واخذ عنها ولا يعرفون انها مضرة والدليل من استفسارات الشباب في المنتدى يجيك يئل عن بروتين بعدين نقول مثلا خذ الواي بروتين يجيك في الرد الثاني طيب تنصحوني في الهرمونات والديكا وطقتها ناس ما تفهم والموردين يستغلونهم خلها على الله نشوف نهايتها وين

[آبو رآشـد]

............................

[آبو رآشـد]

...............................

[mashkaljey]

صدقت يا الرسمي انا اقول تبي تدخل بطولة ولك باع طويل في الحديد اخذ منشطات وهرمونات براحتك لانك خبير اما توك داخل وتاخذ ؟ اسمحلي بهالكلمة ( هذا انسان فاشل )

بالتوفيق

[SPORTY]

أخوي ليبيرتي موضوعك يثير الشكوك لم تشرح ماذا عملت وزارة الصحة بالضبط إن كنت تقصد عزل المكونات الكيميائية فهذا مستحيل ام ان كنت تقصد بأن الوزارة تطلب من الشركة عزل بعض المواد فلا أعتقد يحدث في دولنا او بالأصح ان تخضع الشركة لأوامر وزاراتنا لكن من الممكن جودة المنتج تختلف و خصوصاً اذا كان الاستيراد صادر للدول العربية التي لا تتعب نفسها في فحص المنتجات و ترخيصها للأسف
اذا كان بعض المنتجات من الأطعمة العادية تختلف جودتها عن الخارج فما بالك بالمكملات الغذئية !
و إذا اعتبرنا كلامي خاطئ إذاً إما صاحب المكمل الأول شغله مغشوش او منتهي او طريقة تخزينه غلط أو طريقة الاستخدام للمكمل الأول غير صحيحة

مجرد رأي و استنتاج :33:

متابع :itsme: