المساعد الشخصي الرقمي

مشاهدة النسخة كاملة : زيادة في الوزن بعد اشتراكي في نادي


SanjiyaN
16-11-2009, 07:35 PM
السلام عليكم .

كما هو موضح كان وزني 77 وبعد 3 اسابيع من شغل النادي زاد وزني 3 كيلو صرت 80 كيلو:wow:

طبعا انا ماشي على جدول منظم للحديد

ما استخدم بروتين ولا اي شي :boggled:
عشــق البطــوله
16-11-2009, 08:00 PM
وعليكم السلام ورحمة الله وبركاته

هلا فيك اخوي ..

في البدايه اخوي تأكد أولاً من طريقة القياس الصحيحه ..

اذا تبي تقيس وزنك بشكل صحيح اول ماتقوم من النوم الصبح على الريق روح وقف على الميزان وراح يطلع لك وزنك الطبيعي ..

وكل فتره قيس بهالطريقه عشان تعرف التقدم في وزنك .. ( مع مراعاة انك تقيس من نفس الميزان اللي قست فيه سابقاً )

لكن اذا قست وزنك بعد وجبه شي طبيعي انه بيزيد .. واذا تبي تتأكد من صحة كلامي جرب قيس وزنك اول ماتصحى من النوم ( على الريق ) وفي نفس اليوم قيس وزنك بعد اي وجبه وراح تشوف وزنك زاد ..


عموما .. اذا كنت قايس وزنك بالطريقه الصحيحه اللي ذكرتها لك فوق وطلع لك زيادة 3 كيلو في 3 اسابيع هذا شيء ممتاز ..
واذا كنت مخالف الطريقه اللي ذكرتها لك في القياس سابقاً فـ النتائج غير صحيحه ولابد من اتباع الطريقه السليمه في قياس الوزن ..


بالتوفيق
فيصل ف
16-11-2009, 10:27 PM
يمكن زاد وزنك نسبه العضل
mashkaljey
16-11-2009, 11:02 PM
ممكن اعرف طولك ايظا ؟

ومثل ما قالك اخوي عشق البطولة + هل انت نظمت غذائك ؟ ام تاكل بشكل اكثر بما انك تلعب بنادي ولم تغير طريقه الاكل؟

للاسف لا اعرف من كلامك هل انت متضايق من الزياده ام متعجب من النتائج وفرح ؟
safitop
17-11-2009, 12:08 AM
كما قال الاخوين عشق البطولة و مشكلجي جرب تقيس وزنك على الريق و بتوفيق
lee mehdi
17-11-2009, 12:08 AM
اخي اعطنا طولك هو الاول و بين لنا هل انت متضايق من الزيادة او فرحان
ساعد الاخوة ليساعدوك
آبو رآشـد
17-11-2009, 06:23 AM
باين عليك انك متضايق من حكاية الوزن

فبتالي لاحظ شغلة في الحديد لما تتمرن حط سوالك ليش ؟؟

علشان تكسب عضلات وطبعا اذا طلعت عضلة بالتالي راح يكون معها وزن للعضلة

فانت لما تلعب تخسر دهون صحيح لكن تكسب عضل ووزن

هذا اول نقطة

النقطة الثاني انت تبغى تنقص وزن لذا لا تخش في برنامج حديد يكون فية التكرارات فيها لـ6 او اربعة

اذا كنت تبغى شد مو تضخيم للعضلة يعني تشيل كل الدهون الي في الجسم وتكسب جسم طراز فرنسي بدون تضخيم
يعني عضل صدر وباي وبطن فقط تحتاج شد تقولي كيف شد يعني

اقولك يعني تلعب على اوزان خفيفة مو خفيفة مرة لا لازم تكون اوزان مرتاح في رفعها لكن التكرار يكون اكثر يعني اربعة جلسات 15 تكرار لكل جلسة و 5 جلسات 20 تكرار في كل جلسة

مع الاستمرار على النظام هذا يكون جسمك على الطراز الفرنسي بدون تضخم وتشيل كل الدهون الي في الجسم وتكسب عضلات في البطن بدل الدهون والكرش بالتوفيق
SanjiyaN
17-11-2009, 09:44 AM
مشككورين شباب على الردود

انا مب متضايق ولا شي بس مستغرب ليش يزيد الوزن يمكن العضل زاد والله اعلم طولي 179
mashkaljey
17-11-2009, 01:33 PM
:)

طيب شي ممتاز يا اخي المفروض فرحان

هل اخذت قياسات لمناطق معينه مثل الاكتاف والصدر والباي والسواعد وعضلات الارجل ؟

الظاهر انك زدت عضل