تشتري قرية ؟؟!

[الرجل الدولة]

اتوقع كلكم تعرفون وش اقصد بعنوان الموضوع http://vb.eqla3.com/images/smilies/biggrin.gif .. اللي يفكّر انه يشتري قرية واقعياً اقولها له من الحين .. يطلع براسك نخل http://vb.eqla3.com/images/smilies/grins.gif

طيب خلوني اوضّح لكم السالفة اكثر ..

فيه لعبة اسمها ترافيان و صارت منتشرة بين العربان , الدرجة وصلت من تبادلني بقريتك إلى بيع و شراء بأسعار أغلى من كمبيوتري المخيس http://vb.eqla3.com/images/smilies/grins.gif

اذكر كنت مشترك فيها , و لعبت فيها حوالي اسبوعين و كلها كم ضغطة و انتظر ساعات و بعدها كرر الضغطة و .. الخ

إلى أن يظهر اشخاص اسمهم التتار و يهدمون قريتك .. و اذا كنت اخر واحد تهدم قريته تعتبر الـKIng , يعني تعبك و سهرك كله يروح عبث

الخلاصة ..

انا بعرف بس ذولا وشلون يفكرون !! او بالأصح من وين يفكرون






الناس طايحين على هاللعبه !! مدري على وش ؟؟

والله اعرف واحد يقوم من النوم ولا يغسل وجهه على طول يدخل على اللعبه !!
وياليت انها لعبه فلاشيه عشان تتحمس وتلعب ،، لا !!

صوره واقفه !! وكل شوي تتغير يايزيد خشب او طوب او سراميك
يعني تروح تنام وتصحى الا زادو عدد سكانك !! وكبرت المدينه !!

وكل ما تنام اكثر كل ما تتوسع مدينتك ويكثر شعبك !!

وش هالعبه اللي ما افوز فيها الا اذا نمت !!

اعرف واحد مشتري له حبوب منومه عشان ينام اكثر يبي مدينته تتوسع

وواحد ثاني انتحر لأن النوم ماجاه وخسر في اللعبه !!

هاه .. وش رايكم انتم ؟

صورة مع التحيّة لكم http://www.kaizuland.com/vb/images/smilies/biggrin.gif




http://abdulaziz.store.googlepages.com/TravianVisitor.jpg

[SultanXp]

طبعاً اللعبة تعتمد على بناء مملكة عظيمة! و الهدف منها الوصول إلى أعظم مبنى في اللعبة
و هزيمة أعظم الجيوش! لا أعتقد بأنها تستحق كل هذا الإهتمام, ناهيك أن المجتمع السعودي
هم أكثر مجتمع مشتركين في هذه اللعبة! أنصحك بالتوقف عنها لأنها تجلب الحقد و التهديدات!

[chris]

صدقت يا اخي
اللعبة سخيفة جدا ولا تحمل اي فكرة جديدة عن الالعاب الاستراتيجية
وارى كثير من الناس يضيع وقته على هذه اللعبة
طبعا الشركة صاحبة اللعبة والموقع تستفيد من كثرة الزوار بالدعايات وتكسب الاموال والمغفلين يركضون الى اللعبة بشراهة

حتى ان البعض يدفع نقود لصديقه ليشتري فعلا ارضه ..

سخافة





سلام chris

[فارس المجد]

أنا عجبتني فكرة اللعبة ... ولكن طريقة اللعب هي اللي ما عجبتني
أذكر أول ما افتتحو السيرفر العربي شاركت فيها ولعبت فيها أكثر من 4 أو 5 أشهر

ولكن ما أعطيتها هذا الاهتمام الجنوني ...
يعني عادي لو يجي يوم أو يومين وأنا ما خشيت اللعبة
أنا كنت متوقع اللعبة فيها ذكاء وتكتيكات بعد ما تتطور , ولكن طلعت على الفاضي , بس بالنسبة لي أعتبرها لعبة مسلية حتى الآن :D

عموماً أنا أشوف أني لو حطيت ريال واحد على لعبة سخيفة مثل هذه حرام X_X
ومثل ما قلت الناس طايحة فيها في السعودية بشكل عجيب !!!
أظن الناس من الفضاوة بس قاعدة تلعب ... حسبنا الله ونعم الوكيل

بس إنت تعال شوف اللي طايحيين فيها في سوريا !
أعمارهم متفاوتة من ال16 حتى ال45! , وبما أنه خدمات النت في سوريا رديئة , بتلاقيهم قاعدين في المقاهي 4 و 5 ساعات متواصلة وما فاتحين إلا صفحة ترافيان ... وأحياناً الماسنجر!!
وبعدين يرجع البيت ويشوف ترافيان في نومه , ويصحى من النوم يروح المقهى ...

يعني مصروف مقاهي والذهب اللي في اللعبة وأحياناً تكاسي !!!

[moneeeb]

انا لعبتها يوم واحد و بعدها ما رجعت....اعتقد انى منى صبور :D

احب السرعة فى الالعاب, و اصلاً الصور ثابته, فهذا خلانى امل بسرعة اكثر


الله يرحم ايام age of empires 2

كنت زعيم من الزعماء هناك :cray:

[PRINCE14]

اي والله يا خي

بعدين تضر نفسيتك

شلون يعني تضر نفسيتك؟

انا مره سويت قريه قوه وتعب عليها وقعد 3 اشهر ابني واسوي واخطط


بس واحد الله يسامحه

هجم علي ودمر قريتي الي تعبت عليها 3 شهور

بعدين جتني حالة كأبه ما أكلم احد ولا احد يكلمني

بعدين ما عاد العب بها

ونصيحه مني الي يلعب بها

يحذف العضويه احسن عشان ما يصير له مثلي

[alkhattab]

حالة كآبة
مافي واحد جاته مثلي
تعبت وتعبت وبنيت أكبر جيش في سيرفر 8 >>> لا حد يصدق كم جندي وكم فارس
دمرهم وااحد الله يسامحه