حشره - قطه

[SN!PER WOLF]

السلام عليكم ورحمة الله وبركاتة

حبيت ارويكم صور البارحه اللتقطتها الا وهي صوره لحشره شفتها فالحماام ههههه
استانست عليها قلت قبل ما اجتلها تصويير واحلا شي تمت ثابته بس تحرك قرون الاستشعار

تميت اجرب عليها اعدادات الكاميرة و اقرب واصور عقبها استخدمت الفلاش للاناره
وحطيت على الفلاش قطعه لتقليل السطوع
وطلعت النتيجه روعه .. عيون الحشره بانت بتفاصيلها وهنا استانست عليها

لكم الصوره

http://fc05.deviantart.net/fs51/f/2009/328/0/8/insect_2_by_SNiPERWOLF_UAE.jpg


وهذي صور ثانية لقطوه .. وانا طالع بركب السياره اسمع مياو مياو واشوفها تيي عندي تبغي تكسب ودي وتتمسح فييني وركض شليتها غرفتي وحطيتها فالحمام فرصه ما تتعوض اصور قطوه ههههه

المهم كسرت خاطري رحت اشتريلها اكل قطاو عقب يلست اصورها

وقمه فالدلع تمت تسوي حركات وحاله .. وطلعت بهذي الصور

http://fc04.deviantart.net/fs51/f/2009/328/8/2/cat_by_SNiPERWOLF_UAE.jpg


http://fc02.deviantart.net/fs50/f/2009/328/5/4/cat_2_by_SNiPERWOLF_UAE.jpg

وبعدين كانت دريشة باب الكلب مفتوحه رويتها القطوه القطوه اول ما شافته خرمشت ايدي وشردت عني وحصلتها نفخت ذييلها مستعده للضرابه هههههه

عقب هذا يلست تراقب بحذر البااب الي وراه الكلب من الفضوول وهو يالس يشوف من تحت الباب ويلهث يعني لو بس انفتح الباب راحت فيها القطوه ههههه حاطين طابوقه وحديد على الباب عشان ما يفتحه الكلب بعده صغير لو كبر شوفو شو بيسوي كككك

http://www13.0zz0.com/2009/11/25/01/186022906.jpg

وحيااكم الله

[q8tya]

و عليكم السلام ورحمة الله وبركاته ..

تفاصيل الحشرة راائعة !!

ماهي العدة المستخدمه في تصوير هذه اللقطة ؟


صورة القطة الثانية رائعة :) .. أعجبتني الحركة التي تقوم بها ..


بالنسبة للفلاش .. هل كان موجه بشكل مباشر تجاه الحشرة / القطة ؟


شكرًا لمشاركتنا بصورك . .

نترقب مزيدك ..

بالتوفيق.

[SN!PER WOLF]

والله ما اذكر عدة تصوير الحشره لكن كنت قريب منها وكنت بستمرار اغير الاعدادات وما اذكر اي اعداد فيهم
والفلاش مباشر وكنت استعمل الحامل الثلاثي

بخصوص الفلاش لم يكن هناك فلاش بتصوير القطه .. كان نور الشمس

اما الحشره كان مباشر لكن حطيت عليها قماش لتقليل السطوع الفلاش


سلمتي كوييتيه من ذووقج وشكرا على طلتج

امس اشتريت فلاش قوي وخارجي 580EX ii

الصراحه فلاش ذكي لما كنت ابغي اصور بفلاش الكيمره كان يستهبل مرات وما يرضى يحدد الشي الي اريد اصوره

لكن هذا الفلاش الضوء الاحمر يحدد الهدف وعلى طول يصور

وهكذا ..

[lway]

ماشاء الله القطوة مررررة رووعة
بكم تبيع ؟؟؟؟؟

[SN!PER WOLF]

هذي القطوه لقيتها فالشارع ويتني وبعدين انا من الامارات هههههه وانت من السعوديه

والقطوه اخليت سبيلها عقب ما صورتها

يعني انا مش صاحبها هذي القطوه شكلها كانت عند ناس وضاعت ويالسه تتبع اي شخص تشوفه

وهذا الموضوع

يعطيك العافيه وشاكرلك الطله

[Blueness]

الشي الحلو في اللي يمارسون هواية التصوير ان دايما تلقاهم يلمسون الجانب الجميل و الجدير بالتصوير في حياتهم اليومية ...قد تكون اشيا بسيطة و عادية (لغير المصورين) ... مثل حشرة في حمام ( و انتوا بكرامة) او نقعة ماي في شارع ..او مسمار مصدي او غيرها من الشغلات الصغيره اللي يمكن غيرنا ما يعطيها second look :28:..بس تكويناتها تلفت انتباهنا و انتباه عدساتنا..
يمكن اكون متحيزة بس احس نظرة المصور للعالم حواليه تكون احلى :33:..و التقاطاتك بالذات Sn!per دايما تذكرني بهالblessing

شكرا ً للمتعة :)