تصفية الكبد من ترسبات المكملات [الأرشيف]

الرمـادي

25-11-2009, 11:02 PM

السلام عليكم

جميعنا يعرف أن رياضة كمال الاجسام ومعظم الرياضات التي تحتاج جهد بدني يعتمد ممارسوها على عدة أمور منها.

1. المكملات

منها الطبيعي والكثير منها صناعي
مثال ( الكرياتيين \ الأمينو أسيد \ حوارق الدهون \ الخ ...)

2. المنشطات

وأغلبها ذات تركيبات كيميائية صناعية،
مثال ( الأنابول \ ديكا \ الخ ...)

وكل هذه المواد يتم تصفيتها في الكبد، ولكن المعدل الذي يستخدم من قبل الرياضيين اكبر من الكمية التي يصفيها الكبد بالمعدلات الطبيعية. فنسبة الترسبات التي تنصب على الكبد اكبر من نسبة التصفية.

وهذه الأمور تنعكس سلباً على عمل الكبد الذي يخزن كل تلك المواد الضارة مما يؤدي إلى مشاكل تليف وتلف الكبد.

لذا يلجاء كثير من محترفي ممارسة رياضية كمال الأجسام إلى استخدام منتج يعرف بـ Liver Clean

وهنا اعرض عليكم منتج عبارة عن عقار من مواد طبيعية 100% himalaya Liv.52

http://www.himalayahealthcare.com/products/images/livtabsyp_001.jpg

المنتج رخيص في سعره ليس فيه تركيبات كيمائية وليس له أي تأثيرات سلبية، يقوم بتصفية الكبد من جميع الكميائيات والسموم وحتى تطهير الكبد من الفيروسات.

الجارح2001

25-11-2009, 11:16 PM

وش الأفضـل منهـ الحبوب وإلا السآئل انا بصرأحه قبل فترة انغشيت وخذت منشط .. ومن بعدها حرمت ما اخذ شي إلا لين ابحث عنه مضبوط والله يعطيك العافيه ماقصرت وياليت طريقة إستعمآلـه ..

آبو رآشـد

25-11-2009, 11:20 PM

ممتاز جدا جدا يا عبد المنعم نقطة مهمة صراحة عن الكبد خاصة ان اغلب المكملات تكون فيها مقوي لوظائف الكبد عندك مثلا الانيمال ام ستاك والمنتج صراحة هذا جديد لكن للعلم النقطة مو هنا بس على الكبد
عندك الكلى بعد وبالنسبة للرياضي الي يستخدم مكملات لازم ينتبة لنقطة معينة ولا يقارن نفسة بالشخص الطبيعي لان الشخص الطبيعي المفروض يشرب 3 لتر في اليوم لكن بالنسبة لك يا لاعب كمال الاجسام المستخدم للمكملات لازم شربك للماء اكثر من الشخص الطبيعي بالتوفيق يا عبد المنعم :)

عشــق البطــوله

25-11-2009, 11:40 PM

يعطيك العافيه اخلي الغالي ع الموضوع المميز ..

ولكن ياليت لو ذكرت اين يتوافر هذا المنتج .. لكي يستطيع الكل الاستفاده منه والحصول عليه ؟

وشكرا لك

mashkaljey

26-11-2009, 01:12 AM

مشكور اخي الحبيب الرمادي

وبالفعل انا استخدمت هذا المنتج ( رائع وانصح به من فتره لفتره )

عباره عن 100 حبه اذا ما خانتني الذاكرة والاستعمال حبتين باليوم وبراحتك لا يضر استخدامه بالكامل ويفيدك في تنظيف الكبد من السموم ومكوناته طبيعية وحتى عندك تناولك له تحس بطعم اعشاب طبيعية مثل الكمون ويدخل فيه مواد كثيره صحية للجسم بالاضافه الى انه يفتح الشهية ايظا

ونسيت اني اضعه عندك في موضوع المكملات اخوي عشق البطولة معليش :) قلت لك نسيت شغلات كثيره

بالنسبة وين تحصله والله كل صيدليه دخلتها لقيته فيه :) وسعره رخيص دينار وكم فلس كويتي يعني عندكم انتو بالمملكة يمكن 20 ريال وطبعا اخواني البحرين عندهم سعر مقارب لنا دينار ونص يمكن لا كثر

ومرخص وكل شي تمام التمام ولا يحتاج مراجعه لك للطبيب ولا له اضرار ومثل ما قلت لك وقايه لجسمك وما ادري ليش ما حطيت الموضوع هنا عنه ولكن سبقني اخوي الرمادي بالخير

واذكر اني تكلمت عنه في مواضيع سابقه بالفعل

واي شي عن هالمنتج اخبركم عنه لاني جربته وخلصت العلبة بعد

وبالنسبة اخوي الرسمي للكلية ما عندك الا انك تكثر من الماء وانصحك بشراب الشعير ممتاز تعطي نفسك 3 الى 5 علب انت بالسليم باذن الله

موفقين

آبو رآشـد

26-11-2009, 02:25 AM

اية ما عليك يا ابو ابراهيم عقب سالفة الكاسر واستخدامة للانيمال ام ستاك وقالي ترسبات وما ادري ايش وجاء واحد اعرفة بنادي وقالي يسوي ترسبات بالكلية على طول رحت شريت بيرة يا بطل بس بدون كحول :) وفقعتها ونظامي كل يومين اشتري لي بيرة مع اني ما احب طعمها لكن الشكوى على الله وطبعا زيادة عن الكمية المعتادة في الماء

mashkaljey

26-11-2009, 02:42 AM

والله يا الرسمي عليك بطعم التوت تراه زين ( بربيكان )

:)

آبو رآشـد

26-11-2009, 02:46 AM

هذا الي استعملة حاليا باربيكان توت او هولستن لان اول تجربة لي مع البيرة الي ما اطيقها اخذت ان كان يبيعونها عندكم بالكويت ( موسي) بالياء ووش الطعم شعير يعني الوضع لا يحسد علية شربت شوي تصاقعت عيوني ببعض

mashkaljey

26-11-2009, 05:54 AM

هاهاهاها عز الله اني جربته يا اخوي انت ليش تتعب نفسك اسألني تراني ما خليت مشروب شعير الا جربته ( طبعا خال من الكحول ) احلا وافضل طعم هو البربيكان التوت او الفراوله غيره لا تدور ولا بتنفقع عيونك مو بس تتصاقع :)

الرمـادي

26-11-2009, 12:07 PM

تسلمون يا أخوان على الردود الطيببة

وباقي الأخوان كملوا الموضوع.

انا جبته عن طريق مدربنا الهندي من الهند سعره هناك 50 روبية :33: (سوي هساب يمكن يسير) تقريبا 5 ريالات :umm2:

وتخبرون التجار يستغلون كل شي

وطريقه استعمله مثل ما قال اخوي حبتين في اليوم ( الصباح (حبة = 1) قبل الفطور أو بعده ، المساء (حبة = 1) قبل العشا أو بعده. وراح تشوف كبدتج تلمح تقول مضروبة Wax خخخخ

وفي الصيدليات متوفر نوع ثاني انجليزي بس في مركبات كيميائية فارجوا من الاخوان يحطون بالهم، يكفينا كيماويتات من المكملات

الرمـادي

26-11-2009, 12:08 PM

وش الأفضـل منهـ الحبوب وإلا السآئل انا بصرأحه قبل فترة انغشيت وخذت منشط .. ومن بعدها حرمت ما اخذ شي إلا لين ابحث عنه مضبوط والله يعطيك العافيه ماقصرت وياليئت طريقة إستعمآلـه ..

الحبوب والسائل نفس التركيبة ولكن للاسف ما يتوفر عندنا في الخليج إلا الحبوب لا وبشكل نادر

ahmadani

26-11-2009, 08:14 PM

الصراحه يعطيييك العافيه اخوي على الموضوووع وانا انشاء الله راح اشترييييه واستخدمه على طووووول:biggthump

وفوقهم كرتووون بيرة نوع أستــــل بس بدوون كحوووول :wink2:

mashkaljey

01-12-2009, 02:25 AM

ينقل الى قسم المواضيع المميزة :)

SPORTY

01-12-2009, 02:39 AM

الله يعطيك العافية أخوي ..,
إن شاء الله نشتريه و نجربه .,,
تقبل مروري .., :)

ليبرتي

01-12-2009, 07:08 AM

الله يجزاك الف خير بالفعل افتقد هذا المنتج وانا اقربع اي شيء في طريقي
الله يسسسسسسسسسسسسسسسسسسستر

ahmadani

01-12-2009, 07:54 AM

شريت الدوااا وجاري استخدامه

وبالتوفييق

د/عمرو

01-12-2009, 02:12 PM

اخواني عندي سؤال

انا للحين مخلص خمسة انواع مكملات بشكل تقريبن متواصل

جاه الوقت الي اخذ هالعلاج فيه ولا لسا بدري ولا متأخر ولا شنو ؟؟

وكل بعد كم فترة اخذه ؟

mashkaljey

01-12-2009, 07:00 PM

هلا د عمرو

اخوي عادي تستخدمه في اي وقت ولانه اعشاب طبيه فما منه ضرر لو يستخدمه حتى الشخص اللي ما يتناول مكملات او شي لان الوقايه ضروريه والجميع ياخذ امور وقائيه ( مثال الشعب الياباني يتناول الماء اول ما يصحى من النوم لتنظيف البطن وبعدين يتريقون )

وبالتوفيق

arnold classic

01-12-2009, 10:25 PM

مشكور الله يعطيك ألف عافية والله نحتاج لمواضيع مثل كذا والله

الرمـادي

05-12-2009, 01:56 PM

شباب انا رحت الصيدلية عندنا في البحرين ولقيت مصفي الكبد الي ذكرته عندهم

فيه منه شراب وحبوب

(( في نوع ثاني موجود بالصيدلية وبيحاول راعي الصيدلية يدبسك فيه بس النوع الثاني مو طبيعي في تركيبات كيميائية ))

فحاسب

واخذت الحبوب سعر العلبة عند الحرامية قصدي الصيدلية 2.100 دينار (21 ريال سعودي)

مع ان حصلته عن طريق المدرب الهندي بـ 0.500 فلس خمس ريالات

saad7000

05-12-2009, 05:35 PM

هل يمكن استخدامه وانا اتناول مكملات ؟؟؟ او يجب ايقاف المكملات ؟؟

آبو رآشـد

05-12-2009, 05:56 PM

لا عادي استخدمة مع المكمل ما فة مشاكل

vipro

16-12-2009, 07:56 PM

انا شريت المنتج من الصيدلية بالكويت سعره 1.080 دينار

شكله قوي ريحته جنه حنا لوول :biggthump

الله يستر خل ابلغ الشباب عن هالمنتج

عندي واحد من الربع خام محل البروتينات خم كل ماشاف له منتج ضخامة خمه

الظاهر جبدته اذبلت :boggled:

شبااب على ايدكم ييبولنا مكان نشتري منه هالمنتج ب 300 فلس من وين؟ :bigeyes:

mashkaljey

16-12-2009, 10:47 PM

شلال الحزن

16-12-2009, 11:33 PM

مدته استخدامه كم ياشباب ؟؟

الرمـادي

18-12-2009, 02:28 PM

مدته استخدامه كم ياشباب ؟؟

والله يالغالي ما له فترة معينة،، والزين في الموضوع انه عبارة عن منتجات طبيعية 100% وماله اي اضرار إن شاء الله

يعني تقدر تستخدمه طول فترة استخدامك للمحفزات والمكملات

شبااب على ايدكم ييبولنا مكان نشتري منه هالمنتج ب 300 فلس من وين؟

شوف لنج بو إبراهيم طالع بمباي بعد جم يوم واهناك بتحصله بالسعر الي تبغيه :jap004:

ولد ابوظبي

09-02-2010, 09:11 PM

مشكوووووووووووور يالطيب على هالموضوع .. وينك انته منزمان . . :)

ان شاء الله من باجر راح ألف ع الصيدليه واشترلي واحد

اخوك ولد ابوظبي

عاشق تركيه

11-02-2010, 02:59 PM

مشكور على هلمعلومه بس عندي سؤال لك وياريت تجاوبني ايهما افضل المنتج الي طرحته بموضوعك اللايف 52 او الاجالون 70 وهل يوجد فرق بينهما مع العلم انه سعره تقريبا 60 ريال وسؤالي الاخير انا داخل كورس وش افضل استخدم اللايف 52 او الاجالون 70 ...

شلال الحزن

11-02-2010, 03:48 PM

عاشق تركية انا كنت استخدم ليجالون اثناء الكورس حبة قبل النوم على حسب المدرب اللي كان يدربني
تقبل ردودي

عاشق تركيه

11-02-2010, 06:25 PM

يعطيك العافيه اخوي شلال الحزن وانا كنت استخدمه بكورساتي الي راحت بس ثلاث حبات بليوم بس ياريت الكباتن الي بلمنتدى يردو على اسئلتي وردوك مقبوله يا كبتن وتقبل تحياتي..

مـ ح ـمـ ـد

12-02-2010, 05:02 AM

طيب يا شباب ابي اسألكم عن (الليقالون70) هو مصفي للكبد ايضا

هل مفعوله احسن ؟؟

بالنسبة لأخذ المكملات

اقدر اخذها فترات طويله 4 شهور الى 6 شهور ؟؟ عادي ولا احتاج مصفيات كبد ايضاً ؟

مشتاق بيروت

14-05-2010, 03:29 PM

ليقالون 3 حبات متفرقة للي اخذ كورس او 6حبات لايف 52 حبتين 3 مرات متفرقة

كورس يا جماعة هرمون
كورس يا جماعة هرمون
كورس يا جماعة هرمون
كورس يا جماعة هرمون

يا ليت ما عاد نسمع كورس الا اللي يضرب هرمون ,,,,,,,,,,,,,, رجاء

THE CAST

14-05-2010, 07:48 PM

اخونا مشتاق بيروت
كلمة كورس مو معناه هرمون واتحدى ..في فرق بين كورس هرموني وبين كورس مكملات

اتمنى وضحت

تحياتي

رجل من عالم آخر

14-05-2010, 10:08 PM

مشكورين ياشباب على هالمعلومات . لكن بحثت عنه بالرياض وماحصلت
هل يمكن أحصله بمحلات أرمال جي أن سي .
هل البيره مفيده للكبد

y1zed

14-05-2010, 11:43 PM

يعطيك الف عافيه اخوي الرمادي
وفعلاً لازم على لاعب كمال الاجسام تنظيف الكبد كل فترة بسبب المكملات

robert juve

15-05-2010, 01:08 AM

مشكورين على المعلومة المهمة جداً .....من بكره بنشتريه ان شاء الله ونحصله ياريت الي محصله في الرياض يقول لنا من وين ؟؟ والبيرة شباب ا يش فايدتها بالضبط ؟ لاني توني اسمع فيها !!!
مشكورين

robert juve

15-05-2010, 01:54 PM

يا شباب أحد يرد علينا ؟؟؟

SmartMan1982

25-05-2010, 09:07 PM

سلام عليكم
في طريقة طبيعية لتنظيف الكبد والكلي وهي انك تغلي البقدونس وتشرب المية بتاعته بعد التصفيه صباحا وتفطر بعديها بنص ساعة
والله اعلم ان كانت الطريقة صح ولا غلط

المــوســوس

31-08-2010, 06:36 AM

معليش شباب .. صح ان الموضوع قديم بس اني ابي استفيد لو امكن

هالحين دام المكمّلات ماتضر ودامها طبيعيه ... ليش تترسّب في الكبد والكلى ؟؟؟

اتمنى التوضيح

THE CAST

31-08-2010, 07:11 AM

معليش شباب .. صح ان الموضوع قديم بس اني ابي استفيد لو امكن

هالحين دام المكمّلات ماتضر ودامها طبيعيه ... ليش تترسّب في الكبد والكلى ؟؟؟

اتمنى التوضيح

متى تترسب ؟
ان كان شربك للماء قليل جدا واتوقع اغلبنا ماشالله نشرب اكثر من 3لتر كوننا لاعبين حديد
فلاتخاف
واصلا هذا المنتج مخصوص للكورسات الهرمونيه ومايحتاج تاخذه اذا ماكنت تستعمل هرمونات

ميعرو

31-08-2010, 05:35 PM

الله يعطيك العافيه على الموضوع المفيد

مبتددي

01-09-2010, 03:58 AM

ماقصرت يالرمادي على الموضوع اللي تستاهل عليه الوسام..........
نورتنا على شي حنا جاهلين
الله يسعدك

طموح رياضي

01-09-2010, 05:48 AM

يعطيك الف عافيه على الموضوع والمجهود اللي اكثررر من رائع ..

أنت تحذر من نوع منه انجليزي .. ؟؟ أجل النوع اللي تنصح فيه وش صناعته ؟؟

ومششششششششششششششششششششششششششششششششششششششكــوور يالغلآ ..

THE CAST

01-09-2010, 05:50 AM

^^^^^^
هندي

المــوســوس

02-09-2010, 06:32 AM

متى تترسب ؟
ان كان شربك للماء قليل جدا واتوقع اغلبنا ماشالله نشرب اكثر من 3لتر كوننا لاعبين حديد
فلاتخاف
واصلا هذا المنتج مخصوص للكورسات الهرمونيه ومايحتاج تاخذه اذا ماكنت تستعمل هرمونات

الله يعافيك يابطل

اشكرك عالتوضيح

الرمـادي

02-09-2010, 09:25 AM

ماقصرت يالرمادي على الموضوع اللي تستاهل عليه الوسام..........
نورتنا على شي حنا جاهلين
الله يسعدك

العفو أخوي وكلامك الطيب أكبر وسام

يعطيك الف عافيه على الموضوع والمجهود اللي اكثررر من رائع ..

أنت تحذر من نوع منه انجليزي .. ؟؟ أجل النوع اللي تنصح فيه وش صناعته ؟؟

ومششششششششششششششششششششششششششششششششششششششكــوور يالغلآ ..

السلام عليكم
الشركة الي انا عرضتها هيمالايا شركة هندية بس كل منتجاتها طبيعية وانت تقدر تدخل موقعهم في النت وتشوف كثير من المنتجات اي عندهم كلهم من أعشاب.

the.wolf79

02-09-2010, 03:44 PM

طيب انا باخد السيرياس ماس هل لازم اخد المنظف ولا لا .. وياريت لوحد مجرب السيرياس ماس يقولى لية اضرار ولا لا

الرمـادي

02-09-2010, 03:48 PM

طيب انا باخد السيرياس ماس هل لازم اخد المنظف ولا لا .. وياريت لوحد مجرب السيرياس ماس يقولى لية اضرار ولا لا

عموماً السيريس ماس ماله اي اضرار إن شاء الله،،،،

لانه مكمل ابتدائي من الاساسيات وما هو محفز او هرمون او منشط،،،،

بس كثرة البروتين على مدى السنين تحتاج تنشيط الكبد تتصفيه،،،

فما في مشكلة من استخدام المنظف لاي شخص .