عضو جديد وابي استفيد من الخبراء سؤال للاخوه الخبراء شرايكم بجدولي ؟؟؟

[بارجيم]

السلام عليكم ورحمه الله وبركاته
كل عام وانتو بخير ياعضاء المنتدى
انا صار لي يومين اتصفح المنتدى وبالذات هالقسم والصراحه اعجبت به ومن خبارئه ومن المعلومات الي فيه
انا صار لي 6 شهور اتمرن حديد
جدولي كالاتي

افخاذ واكتاف + بطات الرجل و تمارين بطن
صدر وبايسبس + سواعد وتمارين بطن
ظهر وترايسبس سواعد وتمارين البطن
افخاذ واكتاف + بطات الرجل و تمارين بطن
صدر وبايسبس + سواعد وتمارين بطن
ظهر وترايسبس سواعد وتمارين البطن
راحه
للعلم هالجدول ماشي عليه من قبل المدرب الي بالصاله واغلب الرياضين الي عندنا يتمرنون مثلي طبعا كل شهر اشكل بالجدول من المدرب
والغذاء انا اكل واجد بس ثلاث وجبات رئيسيه
وبينهم اكل لي شي بسيط
ولله الحمدبرز عندي الصدر والاكتاف والساعد وعضله الباي والتراي
والظهر تقسم
والبطن بدت تبرز عضلات البطن
يعني حاس بفايده
طبعا واحد هناك خبير وقديم قال لي خذ بروتين مكمل غذائي
خذ امينو اسيد مع جلوتومين بيفيدك
الحين سؤال للاخوه الخبراء شرايكم بجدولي ؟؟؟
وهل الساعد يضر ااذا كل يوم
لان قبل كم شهر كنت كل يوم عقب سويت يوم ويوم
للعلم المدرب يقول ان البطن والبطه والساعد اسمهم العضلات العنيده يعني عادي تمرنهم كل يوم او يوم ويوم موب مثل العضلات الباقي
وفيت ماريني في تقدم بالاوزان حتى
بس ماتكتمل تماريني ومايكتمل مشواري الا بنصائحكم
والله يعطيكم الف عافيه

[playitkoollll]

شوف اخوي الراحة من اهم مقومات نمو العضلة ...يعني تقدر تخلي الساعد مرتين في الاسبوع وتخلي بينهم ايام راحة..وحاول تمرن كل عضلة مرة في الاسبوع والاخوان يفيدونك

[بارجيم]

الله يعطيك العافيه وحياك الله والسواعد انا الحين بمرن الساعد كل يوم ويوم ولا شرايكم ووانا اروح كل يوم ويوم راحه الي هو الجمعه هل اخليهم يومين راحه مثلا الثلاثاء والجمعه

[آبو رآشـد]

جداول الدبل اغلبها يسونها بعد التضخيم والدخول للتقطيع بس باين عليك انت تبغى تقسيم لجسمك ما تبغى جسمك يكون ضخم هذا اول شي ثانيا العضلات الي ذكرها صح صعبة تطلع لكن شدها بسرعة زي البطن والسواعد للشد على طول تشد وهذا الي يصير في جدولك ان كنت تبغى ضخامة للبطن وبروز اكثر ما تلعبها كل يوم انت مو داخل في تيكوندو كل يوم تمرنها علشان تشد الا ان كان فية ترهلات لتضخيم وبروز اكثر ما تزيد عن مرتين في اليوم هذا بالنسبة للتضخيم وجدولك يكون ممتاز اذا كنت مخلص من التضخيم والحين خاش في التقطيع

بالنسبة للمكملات كلام خويك مظبوط لكن يقول خذ امينو وجلوتامين بس هذا غلط

انت تحتاج

مكمل فية بروتين وكربو هيدرات
وامينو
ومكملات اخرى لفائدة اكثر مثل كرياتين جلوتامين ملتي فايتامين

لكن ما احد يقدر ينصحك لين نشوف طولك ووزنك ونسبة الدهون وهل انت داخل في تنشيف او تضخيم او انت داخل ما تبغى تضخيم بس تقسيمات جسم فرنسي علشان تكون واضحة الفكرة قدامنا بالتوفيق

[بارجيم]

الله يعطيك العافيه ياخوي
والله انا كنت داخل موب ببالي شي وماكنت اعرف ان في تضخيم وتنشيف محد علمني لاكني الحي نابي اضخم عقب انشف عشان يكون جسمي مرتب وضخم
انا طولي 167 ووزني 73 وعمري 18 كم شهر وادخل 19
وسؤال ثاني هل اخلي يومين راحه بدل يوم يعني ثلاثاء وجمعه مثلا والبطن اتمرن يوم ويوم ولا شرايكم ؟ والله يعطيكم العافيه

[playitkoollll]

شوف اخوي بارجيم...ضخم اخوي على راحتك بس حاول تقلل من الدهون عشان ما يصعب عليك يوم تنشف وانت تقدر اصلا تضخم وتنشف في نفس الوقت بالابتعاد عن الدهون واخذ البروتين الكافي والكارب الازم..

أما الجدول فمرن كل عضلة يوم وخل يعني3 ايام تمرين ويوم اجازة ويومين تمرين ويوم اجازة

والجدول هذا خله مؤقت لانك لازم تغيره كل شهرين...وبالتوفيق

[mashkaljey]

شوف اخوي ما ازيد على كلام الربع شي لكن بقولك وجهة نظري

بما ان جدولك تحس معاه بتقدم اذن مدربك ممتاز استمر معه وبجداوله وبالنسبة لايام الراحه اذا انت شايف انك تتعب وتهلك العضل كلم مدربك يعطيك جدول زياده في ايام الراحه ( خل شغلك مع المدرب بما ان في نتائج ترضيك )

بالنسبة للسواعد فليكن بعلمك ان كل تمرين تلعبه تشد عضلات السواعد معه كتمارين الظهر والباي والتراي والصدر كلها تشد السواعد وانا اعرف ناس ماتلعب سواعد ابدا وماشاء الله من الله السواعد بارزه لكن يمكن ان ساعدك نحيف فتقويه بتمارين السواعد

بالنسبة للبطن انصحك تريحها لانها عضله طبعا يوم ورى يوم انت بتمل وتتعب فيوم تلعب ويوم ترتاح اويومين تلعب ويوم ترتاح افضل لك من كل يوم بالتاكيد

ومثل ما قالك اخوي الرسمي عن المكملات هالمكملين مايكفون خاصه انت تحتاج تضخيم يعني منتج به كربوهيدرات عاليه

مثل البلوكمبلكس الغينر او المسل جويس اذا لقيتهم اختر واحد منهم وهم عباره عن منتج به كربوهيدرات + بروتين

وراح تحتاج فقط ملتي فيتامين باي صيدلية تحصله وايظا امينو ميجا 1000 او اي امينو تحصله للضخامه ( مهم جدا تعطينا اسم المنتج قبل لا تشتريه )

وطبعا كرياتين وهذا كله واحد بس الشركات مختلفه وايظا الجلوتامين كله واحد بس الشركات مختلفه

وننتظر ردك

[بارجيم]

الله يعطيكم العافيه
وانا الحين بخلي يومين راحه بدال يوم
وبكثر من الاكل بس بقلل من الدهون
والسواعد والبطن يوم ويوم ان شاء الله
ومن الوزن انا كان وزني 68 برمضان والحين 73 لاني طايح اكل من بعد رمضان لين اليوم بس بعد احس يبيلي ضخامه اكثر فهل احتاج كل البروتينات الي ذكرتوها ولا اكتفي بالامينو والجليتومين

[mashkaljey]

البروتين شي اساسي سواء التضخيم او التنشيف لكن يختلف نوع البروتين في التنشيف عن التضخيم

وانت تبي تضخم عليك بمنتج من اللي كتبت لك اساميهم

ابحث عنهم وخبرنا

وعلى فكرة في منتجات بروتين مثل البروكمبلكس فيها نسبه جلوتامين ونسبه احماض امينية ( امينو ) يعني ما بتحتاج للجلوتامين والامينو عرفت ؟

[mashkaljey]

البروتين شي اساسي سواء التضخيم او التنشيف لكن يختلف نوع البروتين في التنشيف عن التضخيم

وانت تبي تضخم عليك بمنتج من اللي كتبت لك اساميهم

ابحث عنهم وخبرنا

وعلى فكرة في منتجات بروتين مثل البروكمبلكس فيها نسبه جلوتامين ونسبه احماض امينية ( امينو ) يعني ما بتحتاج للجلوتامين والامينو عرفت ؟

[بارجيم]

الله يعطيك العافيه يامرقابنا الفاضل لنصائحك لاكن انت تقول ان اخذ بروتين مثل البروكمبلكس فيها نسبه جلوتامين ونسبه احماض امينية بس قريت ببعض المواضيع ان النسبه بسيطه جدا من الجليتومين والامينو واني اخذها لحالها فشرايك انت ؟؟
للعلم انا اكل واجد ترى وفي تقدم بالوزن ملحووظ فهل احتاج كل هالبروتينات ولا اكتفي بكم نوع عشان يكملون غذائي
ولاهنت يارب