المساعد الشخصي الرقمي

مشاهدة النسخة كاملة : كيف اخسر وزن من غير ترهلات او جلد زائد?????/


0790664
11-12-2009, 11:25 PM
كيف اخسر وزن من غير ترهلات او جلد زائد
انا طولي ١٨٠ ووزني السابق ٩٩ والان بعد شهر واسبوعين وزني ٩٤ والحمد لله في تغير ملحوظ في المقاسات وشكل الجسم علما اني اجلس على السير ٢٠ دقيقة high intinsity يعني تقريبا اوصل دقات القلب الين ١٧٠
وبعدين اجلس على التجديف ١٠ دقايق والمقاومة على ١٠ اعلى شي
وبعدين العب بوكسنق ١٠ دقاقيق مع نط الحبل
والي خايف منه اني بعد ما انزل وزن يصير عندي جلد زايد وترهلات
فيا ليت تفيدوني علما اني ابغى انزل الوزن الين ٧٥ او ٨٠ عشان العب حديد بعدين
نسبة الدهون عندي تقريبا ٢٩
شكرا لكم مسبقا
AmiTy Ville
11-12-2009, 11:36 PM
تأكد عزيزي عند التخسيس اذا كان نظامك الغذائي ممتاز وتلعب رياضه فا الناتج يكون جيد جدا

وانت ما اشاءالله عليك شاد حيلك فا لاتخاف بس استمر وكثف تمارينك ولاترهق نفسك فوق طاقتك

المشي والمشي السريع والهروله والتمارين السويديه ممتازين واذا انت مسجل بنادي لياقه او كمال اجسام حلو لانك لو تلعب اوزان خفيفه راح تساعدك على شد العضل وخسارة اكبر قدر من الدهون

انا اتوقع شهرين وامورك 95% اذا شاد حيلك من كل النواحي سواء تغذية او راحه او رياضه فا التوفيق عزيزي
JiuJitsu
12-12-2009, 02:24 AM
توصل دقات قلبك لـ 175 ؟؟؟؟؟؟؟؟؟؟؟؟؟؟ اخوي غلط هالشي وانتبه منه (( العب باي شي بجسمك الا القلب )) تراه لو خون فيك ووقف الله معاك وااهههههههههه

الي اعمارهم من 10 لـ 19 دقات قلبهم ماتعلى عن 136 او 137 ومن 20 لـ 29 ماتعلى دقات القلب عن 130 على ماذكر وكل مازاد العمر تقل عدد دقات القلب الي المفروض توصل لها

(( وماوصيك خذلك قبل التمرين بساعتين كوب قهوه ترا الكافيين قبل التمرين بساعتين يخسس )) وكثر اكل بروتيني او حتى اشتري مكمل بروتيني يساعدك (( لانه اثبتت دراسه نيوزلنديه سووها على مجموعتين بنفس جدول الدايت لكن الفرق كمية البروتين المجموعه الاولى كميه بسيطه والمجموعه الثانيه مكثرين بروتين المجموعه الثانيه نزلت وزن اكثر لكن العجيب بطونهم صارت مشدوده و مو متراكمه فيها الدهون والجوانب والخصر مثل الشي (( صارت اجسامهم العلويه متناسقه ))

واشرب ماي كثير لانه يساعد على انقاص الوزن + يحفز ماده مفيد للجلد

وبالتوفيق لك ان شاءالله
0790664
12-12-2009, 02:45 AM
بيض الله وجهكم يا شباب

واذا ما عليكم كلافة لو تجيبون لنا نظام غذائي ممتاز لاني انا الان ما اكل الا سلطات بالتونة او بالدجاج ويوم في الاسبوع اكل فيه كبسة والفطور يا كورن فلكس يا بيض مسلوق.
0790664
13-12-2009, 08:25 PM
up up
thank u
THh Rock
14-12-2009, 09:23 PM
موفق يا رب

والشباب ما قصروا