4 انواع من الهرمونات

[Stars King]

السلام عليكم شبااب

كيفكم ان شاء الله تمااام

اليوم تناقشت مع مدرب عن الهرمونات واضرارها ونتاايجها بصراحه جسمه حلو مره وقالي انه يستخدم بين فتره وفتره طويله اربع انواع هرمونات وذكرها لي لان لاحظت عليه جسم منسق والشعر موجود سألته عن الهرمونات وعطاني ايااها
1- ديكا
2- وينسترول
3- برايموبولان
4-بروبيونات
5- قروث هرموون

طبعا كان عندي قروث هرمون وكلمت واحد يشتريه مني عشان اشتري بداله مكملات على كلام ابو ابرااهيم اضخم اكثر وبعدين انشف عن طريقه

سؤالي هو هل هذي الهرموونات لها فعااليه

تحياتي لكم

[الرمـادي]

السلام عليكم

اخوي الي ذكرتهم

ديكا والدينابول والانابول وغيرها عبارة عن استرويد (منشطات)

وأغلبها ممنوعة

وللآسف اكثر الانواع الموجودة مغشوشة وصدقني لها اثار عظيمة على الجسم يعني بتعطيك جسم الي تقدر تبنيه في سنة خلال 3 اشهر فقط.

بس بعدها سلم على جبدتك وكليتك. لان اثارها السلبية اقوى من نتائجها السريعة.

وبالنسبة للقروث هرمون مثلك عارف انه فيه انواع يا يكون محفز للقروث هرمون أو يكون قروث هرمون. وإذا كان قروث هرمون راح يكون غالي، وصدقني لو شفته في علبة عادية لا تصدق انه قروث هرمون.

لان القروث هرمون لازم تحافظ عليه في ثلاجة تحت درجة حرارة معينة. وإذا ارتفعات الحرارة عن المعدل المطلوب راح عليك الهرمون.

هذا الي اعرفه

وتحياتي لك

[mashkaljey]

اخوي ليش تبي تاخذ هالبلاوي الزرقه ؟

خلاص قلت لك اذا محتاج تستخدم هرمون القروث بعد زياده وزنك ووصولك لوزن معين وقلت لك اذا حاب ادش بطولات لكن تبي تاخذه فقط وتاخذ معاه امور اخرى ما انصحك ابدا لا يا اخي انا ما شجعتك ابدا حتى تلجأ لامور اخرى استعمل القروث بعد فحصك عند الطبيب ويفضل ان يكون هناك مباشره من طبيب مختص اما انك بعد ما تشوفني وافقتك على فكرتك تروح للبلاوي الثانية ؟؟!!!

اسمحلي اقول اني انا الغلطان

الله المستعان

[آبو رآشـد]

هرمون القروث تكلمنا فية

شوف حبيبي المنشطات تعطيك جسم منسق وغير طبيعي بعد لكن دهون وموية مهوب عضل توقف شهر واحد عن التمرين صدرك بينسم وانا ما استهبل في الكلمة ذي جد بينسم وينسدح وحلمتك بتكون مو بالاتجاء المناسب بتكون على الارض من الترهل هذا غير الاضرار الي مالي خلق اذكرها بالتوفيق

وواحد يشوف حل للمنتدى وتكرارات الردود

[آبو رآشـد]

>>>>>>>>>>>>>>>>>>>>

[آبو رآشـد]

>>>>>>>>>>>>>>>>>>

[آبو رآشـد]

>>>>>>>>>>>>>>>>>>>>>

[scaryface]

يا اخوي اذا ما عندك خلفية عن استخدام الابر انصحك انك تبتعد عنها والمدرب يبغي يمشي بضاعته لا غير

[JiuJitsu]

هممم فادوك الشباب

بس عندي سؤال ليش ماتريد تبني جسم طبيعي بالمكملات فقط

[Be Alone]

اضرار الهرمومات غير الي ذكروها الشباب بالكبد والكلى ايضا تشوية في الجسم، اولا راح تلاحط كبر بالفك عندك وثانيا راح تلاحظ انك دخلت مرحلة بلوغ مره ثانية، يعني ماراح تشوف تناسق بوجهك فكك كبير وتكبر يدينك لانك اخليت بالنظام الرباني الي بجسمك،
انا جلست مع دكتور وعلمني كل شئ، قالي في بعض الناس عندهم نقص بافراز الهرمون، مثل القصير والي مايكبر جسمه او الي تاخر عنده مرحلة البلوغ، يعالجونهم عن طريق الحقن وتحت اشراف طبي كامل.
اخوي نصيحة لوجه الله انا شفت واحد كان يستخدم هذي الهرمونات ما انكر انه اول سنه كان جسمه متناسق والكل يحسده عليه لكن ظهرت اضراره بعد ماترك الحديد الحين مكان العضل شحوم مترهله، انت تخيل شاب عمره 30 سنه ولما تشوف بطنه كانه بطن وحده عجوز عمرها 70
ابعد عنها نصيحه وكل ماتبني شئ صحي وتمشي على نظام راح يستفيد جسمك وراح يطول معك

بالتوفيق

[غلاقطر]

جزاك الله خير يالربع على نصيحة اخوك
وفعلا حرام تبني لك جسم مظهرة الخارجي فاتن
ومن داخل الجسم امراض الدنيا فيك وبلاويها الزرقاء
والله يالربع ان الانسان يكتشف كل يوم في هالعبه بلاوي
خصوصا من المدربين اللى مايخاوفون الله في المبتدئين
واللى تنقصهم الخبرة فيها
والادهاء والامر من هذا كله ان يكون الامام في الصلاة
وينادى الشباب على الصلاة وتكتشف ان يبيع جروث صيني
وسعره 13000ريال وغير هذا انت مضطر تاخذ من عنده منظفات لها وبسعر 20000الف



الله المستعان وحسبي الله ونعم الوكيل

[بوحميد الكبير]

ما يحتاج ازود على كلام الشباب

ترا الصحة تاج على رؤوس الاصحاء لا يراها غير المرضى

حافظ على صحتك دامك في بر الامان

[arnold classic]

أبو راشد وشيء نبي نغير ينسم إلى يتهدمن
الديكا يحبس مياه وكله مغشوش الي بالسوق وأتحداك تلقى الهولندي
وينسترول والعياذ بالله لا تقربه ولا تفكر به هذا ما يستخدمه الا اللاعبين الكبار
بريموبولان فيه نوعين بريموبولان كذا اسمه وفيه بريموبولان ديبو هذا حلو والله
بروبيونات مركب كيميائي هذا يكون معه الكالسيوم او الصوديوم (خرابيط)
الله الله الله ده حبيبنا بئا الجي إتش متعب يا أخي كورسه ومكلف جدا ويلزمه 80-100 ألف سعرة حرارية بالأسبوع طبعا 8-10 آلاف سعرة باليوم وعليك الحساب يعني من هالآدمي الي يبي يوفر هالسعرات هذي
عموماً يا أخي الكريم أشياء مكلفة ومضرة هذي وأغبى الناس برأيي الي يستخدمها لفوائد شخصية يعني ولا يشارك ببطولات / وأنت خلك على المكملات أحسن لك

[lee mehdi]

للاسف المنشطاتمنتشرة بصورة رهيبة بين الممارسين المبتدئين لهده الرياضة في الوطن العربي و السبب هو الرغبة في الوصول بسرعة للجمال العظلي و اهمال الصحة
مستعملي المنشطات هم مجرد كسالى و بخلاء يرفضون العمل الجاد و التعب لتكوين عضلاتهم
و اكترهم بل قل كلهم لا ينجحون في هده الرياضة و لا في حياتهم العادية

[ليبرتي]

سبحان الله ... ماسك قلم القروث في ايدي .. واقرا الموضوع بالصدفه .. عموما لابد من استشارة طبيب ومراعاة التواريخ والشراء من مصدر جيد للمحافظة على التخزين الجيد