المساعد الشخصي الرقمي

مشاهدة النسخة كاملة : ساعدووني بشتري كاميرا اول مره..!!



AuDi88
21-12-2009, 03:37 PM
السلام عليكم


هذي اول مشاركة لي وياريت تساعدوني :>
انا بشتري كاميرا ابيها شبه احترافية يعني سهله ومو مهم الحجم
بس اهم شي وااااضحة وزومها قوي وواضح
واهم شي بعد انها تصور عرفتو الصورة اللي تصير خلفيتها مو واضحة جنه ضباب وبغيت اعرف اذا كاميرة كانون sx20 تصور هالصورة ولا لا؟؟



انا بصراحة قاعد افكر بكانونsx20 وسوني الفا شرايكم فيهم؟؟



وشاكرلكم..

AuDi88
21-12-2009, 10:33 PM
شدعوه ولا رد :(

attractive200
21-12-2009, 10:35 PM
اخوي ممكن اعرف كم الميزانيه عشان اساعدك في الاختيار..؟

AuDi88
22-12-2009, 06:51 AM
والله اخوي مو محدد ميزانية عادي وانا حاليا بامريكا راح اشتريها من اهني

وشااكر مرورك يالغالي..

attractive200
22-12-2009, 02:15 PM
انصحك في نايكون موديل D3000
سعرها بالريال 2300 مع عدستها الاصليه LENS 18-55
والكاميرا احترافيه ورائعه..
اما اذا كنت تريد ارخص وكاميرا شبه احترافيه
انصحك كوداك موديل Z980
سعرها عندنا 1250 ريال..الزوم فيها 15
وكاميرا رائعه ومجربها انا..
اتمنى لك التوفيق..

AuDi88
22-12-2009, 02:19 PM
شاكرلك لك اخوي عالمساعده والمعلومات بس بالنسبه حق النايكون انا مادري اذا راح اعرف اتعامل مع الاحترافية لأن اول مره بشتري كامره بحياتي :>
بس عندي سؤال بالنسبه حق الكوداك اقدر اعزل فيها الخلفية؟؟

attractive200
22-12-2009, 02:49 PM
من نفس التصوير تقدر تعزل بتركيز الفلاش
يعيني اذا تصور شخص وتركيز الفلاش عليه بتكون الخلفيه شبه معزوله..لكن لا تستطيع التحكم..
وغير كذا فيه برامج كثيره مثل الفوتشوب تسوي لك اللي انت انت تبغى في الصوره..
اما اذا تبحث عن العزل اليدوي فلازم تاخذ كاميرا احترافيه وتركب عليها العدسه وتتحكم في العزل..

Homeless
22-12-2009, 06:15 PM
و عليكم السلام و رحمة الله و بركاته ..


انا بشتري كاميرا ابيها شبه احترافية يعني سهله ومو مهم الحجم

إذا شبه احترافيـة فأتـوقع إن Canon sx20 إختيار مناسب ..
للأمانـة أنا ما استخدمتها .. لكن من شـوي قريت عنها ، و الكاميرا ممتازة كمواصفات ..

و الـزوم فيها قوي Optical X20 ..
مثال للصورة مع إستخدام أقصى درجة للزوم ..

http://www.usa.canon.com/app/images/PowerShot_2009/PS_SX20/features/sx20is_feature_01a.jpg


واهم شي بعد انها تصور عرفتو الصورة اللي تصير خلفيتها مو واضحة جنه ضباب وبغيت اعرف اذا كاميرة كانون sx20 تصور هالصورة ولا لا؟؟

أتوقع الصورة السابقة فيها الجواب على سؤالك ، لاحظ إن الخلفية معزولة و ضبابية بشكل جميل جداً ..
و إذا حاب تشوف نماذج أكثر لصور تم إلتقاطها بالكاميرا ، إدخل على هالرابـط [ هـنـا ] (http://www.photographyblog.com/reviews/canon_powershot_sx20_is_review/sample_images/) ..

الكاميرا فيها كذلك مانع للإهتزاز/ مثبت للصورة و هو ما يرمز له بالـ IS"Image Stabilizer"

http://www.usa.canon.com/app/images/PowerShot_2009/PS_SX20/features/sx20is_feature_01b.jpg

و كذلك تصوير فيديو عالي الجودة HD .. و غيره من المميزات تقدر تقرأ عنها في موقع Canon (http://www.usa.canon.com/consumer/controller?act=ModelInfoAct&fcategoryid=144&modelid=19208#ModelDetailAct) الرسمي ..

كبدايـة أنا أشوفها كاميرا مناسبـة ..
لكن الأهم من هذا إنك تكون مقتنع تماماً بها ..

و سواء خذت هالكاميرا أو غيرها ، شاركنا بتصويرك مستقبلاً .. :)

AuDi88
22-12-2009, 06:49 PM
اشكركم اخواني عالردوود الجميلة ومرووركم الاجمل على القلب :)

اخوي هوملس بصراحة انا جربت الكانون عند واحد من الربع بس ما عرفت اعزل الخلفية فهل لها طريقة خاصة؟
ولاحظت فيها بعد شغله ما عجبتني بس مادري اذا كان من الاعداد ولا من الكاميرا نفسه لاحظت وانا اصور الاشخاص داخل البيت ان بشرتهم تصير داكنة وفيها بعض البقع السمراء يريت تفيدنا بهالشغلتين
وباقي الكاميرا ممتازة ما شاء الله
وان شاء الله اول ما اشتري كاميرتي الاولى راح اعرضلكم التصوير بس استحملو بشاعته Pp:



وشكراا..

q8tya
22-12-2009, 10:19 PM
و عليكم السلام ورحمة الله وبركاته ..

أوافق ماذكره الأخ ( Homeless ) بخصوص كاميرة Canon ..


بس ما عرفت اعزل الخلفية فهل لها طريقة خاصة؟

هناك ٣ عوامل تؤثر على العزل ..

١. فتحة العدسة - F-Number
كلما قل الرقم كلما زاد العزل ( 2.8 في هذه الكاميرة ستعطيك أكبر مقدار من العزل ) ..

٢. مدى التقريب ( Zoom )
كلما زاد التقريب .. كلما زاد العزل ( كما في الصورة العلوية ) ..

٣. قرب العدسة من موضوع التصوير
كلما كنت أقرب كلما أمكنك العزل بشكل أكبر ..



انا اصور الاشخاص داخل البيت ان بشرتهم تصير داكنة وفيها بعض البقع السمراء

تذكر أن الإضاءة هي العنصر الأساسي و الأهم في عملية التصوير .. عندما تقل الإضاءة تظهر العناصر بشكل داكن - خصوصًا إذا كانت الخلفية أكثر إضاءة كأن تصور شخص أمام نافذة في الصباح أو أثناء الظهيرة - لن أستطيع الإجابة عن هذا السؤال بشكل كافي إلا إذا زودتنا بمثال + إعدادات الصورة ( عن طريق الضغظ على الصورة بالزر الأيمن للفأرة ثم اختيار الأمر Properties - ثم إضغط على تبويب Summary في الأعلى ثم على زر advance في الأسفل - يفضل أن ترفق صورة لهذه الإعدادت )


أنصحك بقراءة هذا الموضوع (http://montada.com/showthread.php?p=6689011#post6689011) .. ففيه كثير من المعلومات التي ستفيدك ..



وان شاء الله اول ما اشتري كاميرتي الاولى راح اعرضلكم التصوير بس استحملو بشاعته Pp:

طريق الألف ميل يبدأ بخطوة .. و نحن هنا للمساعدة :) ..

نترقب إبداعاتك :)
بالتوفيق.

AuDi88
23-12-2009, 12:22 AM
اشكرك اخت كويتية على ردك الجميل ومروورك الاجمل..


اشكركم يا اخوان على التفاعل يعني اتوكل على الله واخذ الكانون sx20 ما تنصحوني بغيرها؟؟

AuDi88
23-12-2009, 10:54 PM
اشراايكم يا شباب في نصايح ثانية بخصوص الكاميرات؟؟

q8tya
24-12-2009, 04:57 PM
اشكركم يا اخوان على التفاعل يعني اتوكل على الله واخذ الكانون sx20 ما تنصحوني بغيرها؟؟

توكل على الله :) . .

بالتوفيق.

AuDi88
24-12-2009, 05:40 PM
ان شاء الله بتوكل على الله وباخذها.. بصراحة اليوم جربتها وايد حلوة وجربت الطريقة اللي علمتيني ياها وصاارت الحمدلله عرفتلها :> وتصويرها الفيديو روووعة HD .. بس في ميزة بتأكد منها اليوم سمعت عنها مادري اذا موجودة بهالكاميرا ولا لا لأنها موجوده بأكثر من كاميرا لكانون اللي تصور ابيض واسود مثلا وتركز على نقطة تكون ملونه بصراحة اذا فيها هالميزة بعد بتكوون كاميرا رووعة ياريت اللي عنده خبر عن هالميزة ينورنا

وشااكرلج اخت كويتية على مساعدتج :>

q8tya
24-12-2009, 07:37 PM
Photo Effects:
My Colors Off, Vivid, Vivid Blue, Vivid Green, Vivid Red, Neutral, Sepia, Black & White, Positive Film, Lighter Skin Tone, Darker Skin Tone, Custom

نعم بها خاصية تصوير الأبيض و الأسود .. و كذلك بها خيار التحكم اليدوي بإعدادت الألوان ( ليست لدي فكرة عن مدى هذه الإمكانية يمكنك تجريبها لترى فعاليتها )

بالتوفيق.

محمد العيدروس
13-06-2010, 06:49 PM
معلمومات جدا رائعة
وأشكر كاتب الموضوع والاعضاء الدين قامو بالرد
والله نفس الحكايه انا ودي الشتري كام ونفسي في sx 20 بــس متردد

.hamad.
13-06-2010, 08:28 PM
مرحبا الغالي ...
اعذرني خبرتي على قدي في الكيمرات بس من اسبوع خذت كاميرا كانون مع طابعة صور وبصراحة تصويرها واضح وزومها حلو ...

محمد العيدروس
14-06-2010, 12:35 PM
مرحبا الغالي ...
اعذرني خبرتي على قدي في الكيمرات بس من اسبوع خذت كاميرا كانون مع طابعة صور وبصراحة تصويرها واضح وزومها حلو ...



طيب يالغالي وشـ نوع كاميرتك وكم سعرها
ياليت تخبرناا من باب الفايدة .. .. .. .. ~