المساعد الشخصي الرقمي

مشاهدة النسخة كاملة : جهاز الاوربتراك وجسمي


يارونا
01-01-2010, 07:05 AM
صباح الخير
كيفكم
انا بدات لي فترة بريجيم وحابة اشد جسمي
واشتريت اوربتراك من اسبوع
كم المدة اللي تلزمني اجلس على الجهاز يوميا
عشان اشوف النتائج
علما بان طولي 160 ووزني 85
والبطن تنشد مع هذا الجهاز
وشو الخطة الفاعلة لازالة الكرش
وشاكرة لكم مقدما
آبو رآشـد
01-01-2010, 08:07 AM
بدايتا انتي عندك 25 كيلو زيادة عن وزنك

لان المفروض ما يزود عن الستين

جهاز الاورتتراك ممتاز واختيارك حلو علشان يشد جسمك كلة طبعا هو راح يشد الجسم لكن مع جهاز الاوربت سوي هذا التموين علشان الكرشة تطير بسرعة

http://cdn-write.demandstudios.com/upload//5000/800/90/5/25895.jpg
طبعا الاوربت تراك 30 دقيقة يوميا ويفضل تحطينة عند تلفزيون او اي شي يهليك علشان ما تملين

وبالنسبة لتمرين البطن 4 جلسات في اليوم ورا بعض
كل جلسة 30 مرة ثم راحة ثم 30 مرة وهكذا 4 جلسات
بعد مدة تزيدين التكرار

بدايتها راح تملين شوي لكن بعد اسبوع راح يكون روتين يومي وتتعودين علية
والموظابة ثم المواظبة لان مع الرجيم بيجليك ترهلات لازم التمرين علشان شد الجسم وتشدين في الرجيم مرة
كل اكلك ممتاز قليل السعرات علشان ما تجيك دوخة وقت التمرين وفية موضوع في قسم المواضيع المميزة عن الاكل الصحي

بالتوفيق
يارونا
01-01-2010, 08:30 AM
يعطيك الف عافية
جد ماقصرت بالاجابة
بس التمرين ع الجهاز ثابت نص ساعة يوميا
ماازيد مع الايام
واستمر عليه فترة الريجيم الا ان اوصل الى الوزن المثالي
سؤال اخر ولو فيها غلبة عليك
تمرين البطن اللي ذكرته هل يسطح البطن ويشيل الترهل ؟؟؟
وشاكرة لك ردك
آبو رآشـد
01-01-2010, 08:40 AM
يعطيك الف عافية
جد ماقصرت بالاجابة

الله يعافيك


بس التمرين ع الجهاز ثابت نص ساعة يوميا
ماازيد مع الايام
واستمر عليه فترة الريجيم الا ان اوصل الى الوزن المثالي


اهم شي طال عمرك ما يقل 20 دقيقة لان بعد عشرين دقيقة يبدا عملية الحرق بالجسم الي انتي محتاجتها علشان ينقص وزنك بسرعة وعلى فكرة الاوربت ينقص الوزن مع الرجيم ويحرق دهون مو يشد جسمك وبس يعني نقول الرجيم ينقص 50 بالمية والرياضة بعد 50 بالمية راح تختصرين الوقت لكن قلت لك 30 دقيقة افضل ولو فيك حيل اكثر من كذا يكون حلو اهم شي تسوينة يوميا وبالريجيم ما فية شي اسمة يوم مفتوح التزمي بالرجيمي الى اخر شي لكن اهتمي باكلك الرجيم يكون باكل حلو علشان يكون مصدر طاقة مو تشبع جسمك وخلاص كذا ما راح تقدرين تتمرنين



سؤال اخر ولو فيها غلبة عليك
تمرين البطن اللي ذكرته هل يسطح البطن ويشيل الترهل ؟؟؟
وشاكرة لك ردك

اية يا الغالية ولا ما عطيتة لك انتي ما تبغين عضلات للبطن انتي بتشلين الكرش والترهل في البطن وهذا هو افضل تمرين لازالة لشد البطن وراح يكون ممتاز مع جهاز الاوربت لكن تسوينة بعد الاوربت مو قبلة السوال ليش

لان مع الكارديو او الاوربت راح يكون جسمك مستعد للحرق كذا تخشين بعدة للتمرين وتحرقين الدهون الي في بطنك بسرعة
يارونا
01-01-2010, 09:28 AM
اجاباتك جدا شافية لي
يعني
ريجيم متوازن صحي +الاوربت تراك +تمرين البطن = نتائج مذهلة

اكيد لك دعوة حلوة اذا وصلت اللى ابغاه

ودمت لمن تحب ....
آبو رآشـد
01-01-2010, 09:52 AM
ريجيم متوازن صحي +الاوربت تراك +تمرين البطن = نتائج مذهلة

ممتاز جدا

امشي على هذي المعادلة صح وراح تشوفين نتائج من اول شهر وعلى النظام هذا راح تتحمسين بقية الشهور

وعلى فكرة اعرف واحد شخصيا في 4 شهور خسر 35 كيلو بدون رياضة فقط رجيم فما بالك مع الرياضة راح تشوفين نتائج ممتازة ولا نبي غير الدعاء بالتوفيق
يارونا
01-01-2010, 11:20 AM
الله يسعدك مثل ماحمستني