صوري :: لمن يشكك في قدرة التمرين المنزلي ::نتائجي مع التمرين المنزلي

[منادة الليل]

بسم الله الرحمن الرحيم

السلام عليكم ورحمة الله وبركاته

الموضوع واضح من عنوانه ولا يحتاج الى مقدمات طويلة:09:

:)اليوم اضع لكم صور لي التقطتها بالهاتف لاوضح لكم بانه التمرين المنزلي لا يقل عن التمرين في النادي او الصالة:) . انما يعود على الشخص نفسه ونفسيته في التمارين المنزليه ...

على كل حال هذه نتائج واتمنا من الكباتن القاء النظره وتقديم تعليقهم :)

شهرين من التمرين المنزلي:)

نقطة :: البطن الفترة الي مضت هاملة اهمال شديد :) الحين حاط بالي معاه:D

[toto jeddah]

ماشاء الله كويس يابطل ...

استمر والله يوفقك

[آبو رآشـد]

مشاء الله وحش

عندك البطن العب بطن جانبي علشان المنطقة الي ما بين الورك والصدر تشد شوي

الصدر عندك مشكلة في الصدر في التوازن عضلة اكبر من عضلة حاول تركز في التمارين

المسافة بين الصدر حاول تلعب بول اوفر وتلعب ضيق مو كل شي واسع

ايضا لما تلعب صدر نزل البار لما صدرك وارفع خلة يلمس الصدر

الباي ممتاز التراي ممتاز الظهر ممتاز والكتف ايضا ممتاز والترابيز والسواعد ممتازة

البطن والصدر حاول تركز فيهم مستوى البطن اعلى من مستوى الصدر في جسمك الامامي حاول تشيل الدهون في لابطنك وتلعب جانبي شوي لان المنظر الامامي وانت نازل للسرة الجانبين فيها غلط والصدرعندك يبيلك تنوع في التمارين

الباقي مشاء الله ممتازة جدا صراحة وجسمك يتقبل للزيادة وسلملي على الي واقف فوق الكرسي

وبالتوفيق

[منادة الليل]

هلا اخوي توتو جده

الله يوفق الجميع يالغالي ويا هلا فيك

هلا اخوي الرسمي
هههههههههه الله يسلمك ويخليك يالحبيب يوصل ان شاء الله

بخصوص الصدر يالغالي
معك حق في موضوعها وانا حاط بالي معاه الحين وباذن الله يضبط

وبخصوص البطن مثل ما ذكرت لك يالغالي في اول الموضوع البطن بالمرة كنت معطه السين

ولكن الحين في فترة التضخيم الي بمشي عليه جدولك يالغالي وان شاء الله بعد النتايج ناخذ رائيك

وياربي دوووم اشوف طلاتكم الحلوه والي تشجع الواحد والله

[اللورد الأحمر]

ماشاء الله أخوي جسمك جدا جدا ممتاز ومتناسق حتى البطن أشوفه مفصل وممتاز استمر أخوي وان شاء الله تشوف نتائج ممتازة ... تحياتي ... اللورد الأحمر

[منادة الليل]

هلا بالغالي اللورد الاحمر

من ذوقك يالغالي وتسلم لي

[Raz]

مشالله عليك بصراحة غيرت نظرتي لتمارين البيت بشكل كبير
الأن عرفت انه ما يفرق التمرين في الصالة او بالبيت او حتى بالنخل
عزيمة الشخص وطموحه وقوة ارادته هي المطلب الأول والأخير
الله يوفقك اخوي وعلى قالتهم
keep going hero
وسلملم

[FinalFantasy9]

وعليكم السلام ورحمة الله وبركاته ..

انت اثبات ان العزيمة هي الاهم في كمال الاجسام وليس المكان ..

واصل ولاتنسى نصايح الوحوش هنا خصوصاً بالنسبة للصدر :) .. بالتوفيق .

[MAAXI]

ما شاء الله عليك ممتاز جداً استمر ياوحش

طيب وش هي المكملات اللي تستخدمها ؟



بالتوفيق

[mashkaljey]

توقعت ان جسمك راح يكون ناشف عضل تحتاج الى فتره زيادة للعضل طبعا وراح تزيد الدهون

بالتوفيق يا الحبيب :)

[واي بروتين]

توقعت ان جسمك راح يكون ناشف عضل تحتاج الى فتره زيادة للعضل طبعا وراح تزيد الدهون

بالتوفيق يا الحبيب :)




نعم صحيح جسم شبة ناشف ولكن لايوجد عضل

وتمارين شهرين في المنزل ليست كافية لرحلة كمال الاجسام الطويلة

بالتوفيق

[بوحميد الكبير]

اخوي اولا ماشاء الله عليك بطل

ثانيا هل هاذا نتيجة تدريب شهرين فقط ام انك تقصد انك جربت شهرين تمرين في البيت؟

[منادة الليل]

توقعت ان جسمك راح يكون ناشف عضل تحتاج الى فتره زيادة للعضل طبعا وراح تزيد الدهون

بالتوفيق يا الحبيب :)

هلا والله اخوي مشكلجي نورت الموضوع يالغالي

:) توقع رائع يالغالي :: ياريت كانت عندي صور قديمة حتى تقدر تحكم مابين قبل والحين :)

وصحيح انا الحين بحاجة لزيادة في العضل وايضاً بحاجة لزيادة الدهون مثل ما قلت وان شاء الله..

[منادة الليل]

نعم صحيح جسم شبة ناشف ولكن لايوجد عضل



وتمارين شهرين في المنزل ليست كافية لرحلة كمال الاجسام الطويلة



بالتوفيق


هلا والله بالغالي واي بروتين نورت الموضوع يالحبيب
انا معك في نقطة انه الجسم ناشف يالغالي ....وانا جسمي ناشف او ضعيف ولكن هذه النتائج الي انا اشوفها في جسمي من تقطع وظهور العضل يمكن انا الي اقدر احكم عليها انها عضل والي حولي هم الي يقدرون يحكمون لانهم دايم قريب مني ويعرفون اذا جسمي صار فيه تغير او لا ... وعلى ما قلت لك يالغالي انه الامر ما يخص التمرين في الصالة او المنزل يخص الشخص نفسه والحمدلله انا وكل من يعرفني عارف شكثر تغير جسمي .:)وكلامك صحيح رحلة كمال الاجسام طويلة لكن موب بعيده ولا هي مستحيلة الانجاز :)

[منادة الليل]

اخوي اولا ماشاء الله عليك بطل

ثانيا هل هاذا نتيجة تدريب شهرين فقط ام انك تقصد انك جربت شهرين تمرين في البيت؟

هلا بالغالي اخوي بوحميد منور يالطيب .....

لا والله نتايج التدريب شهرين في المنزل وما قبلها ما كان جسمي جذي :)

:)

[b1b2b3b]

ماشاء الله
والله شي حلو و بيشجع الواحد انو يلعب رياضة
بس ممكن طلب
ياريت تحطلنا برنامجك يلي مشيت عليه بهالشهرين
و شكرا

[منادة الليل]

هلا يالغالي

شوف الموضوع هنا وشوف ردود الشباب الموجوده ...

http://montada.com/showthread.php?t=657999

[alakrab]

ماشاء الله عليك
وحش
اقترح انك تبدأ برنامج تضخيم
لفترة من شهرين الى ثلاثة شهور
وبعد تنشيف لفترة بسيطة
وبيطلع جسمك مثل ما انت تحب ان شاء الله

[منادة الليل]

هلا بالغالي

تسلم لي على طلتك وردك الجميل مثلك

الحين انا ماشي على جدول ضخامه وباذن الله حاط امال اني خلال شهرين الى 4 احصل نتائج مرضيه ان شاء الله

[د/عمرو]

أخوي اول شي ماشالله تبارك الله تقدم ملحوظ جدن والى الأمام


بس متأكد أخوي انك بادي تلعب حديد من شهرين فقط وفي المنزل ومن دون مكملات ؟؟ :D


لاني انا الصراحة جسمك هذا وعلى افضل منه بدرجة بسيطة يعني الصدر متزبط وصلت لهذا المستوى خلال 9 شهور :D

فـ اتق الله ولا تحطمني بليز :D

هههههه امزح معك :D بس والله ماشالله الي انا جبته ب9 شهور انت جايبه بشهرين
بس الظاهر يرجع السبب لسرعة قابلية الجسم للتضخم :)

[منادة الليل]

هلا يالغالي اخوي د عمرو... والله يعني برايك اني بستفيد لما قلت اتمرن من شهرين واخدعكم؟ والله جذي انا اكذب على نفسي لو كنت اتمرن من اكثر من شهرين واقول لكم اني من شهرين

انا دخلت الحديد شهر 7 ومارست الحديد في الصالة لمدة 13 يوم وبعدها ما رحت الصالة بالمرة ....

واخذت العدات هذي بنهاية شهر 10 وبديت عليها يالغالي :)

برائيك الــ13 يوم الي لعبتها بالصالة وحط فيه 4 ايام راحه بتكون 9 ايام تمرين ...

وحسبتي صحيحة كامل والكامل الله شهرين كلها في المنزل :) حتى والله كنت متردد اني اقول لكم اني اتمرن في المنزل خوفاً من اني القى ناس تحطم الواحد وما تخليه يواصل وتأيس فيه مثل ربعي ههههههههه

بس الحمدلله والله بدايتي كانت على وزن الــ5 كيلو والحمدلله كنت مثل الاهبل يالغالي كل يوم العب في الشهر الاول وكل الالعاب العبها يومياً مع انه عافيتي تكسرت لووووووول والشهر الاخر قسمت على يومين وكل اربع ايام يوم راحه والحين جدول تضخيم على يد الاستاذ الرسمي

..... والمكمل الي اخذته بتاريخ 12-12-2009 ميغا ماس 4000 شوكولاته +امينو2222 ولكن الامينو اخذه مره واحده حبتين قبل التمرين ....

ولي موضوع هني قبل لا اخذ الميغا ماس بتاريخ 8-12-2009 سالت الجماعه عن شي للضخامه واستاذ الرسمي وصاني على السيرياس ماس ولكن ما لقيته اخذت الميغا ماس ومادري الحين بكمل في البروتين هذا شهر وماحصلت فيه نتيجه احس النتايج الي وصلت لها حالياً بسبب الاوزان الي ارفعها ولكن باخذ لي بعد واحد ميغا ماس او برو كومبلكس وبشوف ان شاء الله .....

وبالعكس يالغالي لاتيأس ولا شي ... ولا تحط في عينك صورة شخص غيرك ... حط نفسك في عينك انك افضل من كل الي حولك وبتشوف ان شاءالله انك افضل.... الموضوع مثل ما قلت والله راجع للاراده والعزيمه يالغالي ...

[ااالنت]

الله يوفقك ياخوي والله لا يضرك ماشاء الله تبارك الله بصراحه عمل رائع وجسم رائع حصلت عليه في شهرين مع ان هناك نقاط ضعف في بعض الاجزاء ولكن بدايه رائعه وممتازه استمر بنفس القوه وبتحصل نتائج رائعه واهم شي الصبر في هذي اللعبه لكن نصيحه اخوي ابتعد الان عن الميقا ماس لان والله راح يعمل نسبة دهون عاليه وماراح تبان معاك الا بعد فتره حاول تاخذ واي بروتين افضل بكثير من الميقا نصيحه انت الان بديت تعمل فورمه كويسه ونسبة الدهون عندك جيده فحرام تخربها بالميقا ماس كذلك اخوي نصيحه ترا الفتره اللي سويت فيها هالشغل الطيب قليل من الناس بتسوي مثلك لذلك اخوي انتبه من العين وحافظ على نفسك ونصيحه ترا في ناس تجلس فتره طويله ماوصلت للمرحله اللي وصلت لها لذلك انتبه لنفسك ولا تنزل صورك الا للإستشاره صحيح انك تحب الناس تستفيد من موضوعك وهذا شي تشكر عليه لكن اخذ الحذر شي مهم خصوصا انك في منتدى وماتدري وش يصير ومن وين تجيك العين ممكن اكون متشائم قليلا لكن الخبره علمتني هالشيء ومره أخيره الله لا يضرك وماشاء الله تبارك الله وشكرا

[منادة الليل]

االنت

وربي انك صاج ... وانا ما نزلت الصور الا علشان اقدر اني اعطي الكثير امل انه التمرين في المنزل او خارج المنزل لا اختلاف بينهم انما على ارادة الشخص وكلامك صحيح 100% يالغالي

وتسلم لي على طلتك وردك ونصيحتك الكبيرة وربي يكثر من امثالك يالغالي

[mashkaljey]

ينقل الى قسم المواضيع المميزة

[منادة الليل]

تسلم ياخوي مشكلجي وياربي يكون فيه فائدة لمن يتمرن بالمنزل ويرفع من معنوياته

[robert batenson]

لا اله الا الله مشاء الله تبارك الله
المشكله بكبر البطن واترك الردودو لشباب تقبل مروري

[منادة الليل]

هلا بالغالي

مرور مقبول يالغالي ....ويارب دوم نشوف طلتك ومداخلتك الحلوه

[AmiTy Ville]

اعذرني عالتأخير موضوع فعلا قنبله ماشااءالله عليك يعني اللي ماعنده عزيمه راح تجيه العزيمه ويشد حيله

طبعا نفس كلام الرسمي ماقصر وايظا مثل ماقال مشكلجي تحتاج ضخامه

عموما شد حيلك وان شاءالله التوفيق فالك عزيزي

[منادة الليل]

هلا بمشرفنا

باذن الله انا حالياً ماشي على مشورة الشباب هني بوراشد ومشكلجي ما قصرو معاي وان شاء الله نتائج افضل

وتسلم لي على طلتك الحلوه

[Northman]

شي يشجع والله ,, يعطيك العافيه

[قدساوي كوول]

انت الصراحه غيرت نضرتي حق التمارين المنزليه
وشد حلك واللتزم والنشالله بتشوف نتايج احسن

[omani]

هذا اكبر حافز لي
اشكرك يا بطل = بطل بكل معنى الكلمة

[منادة الليل]

الله يحفظكم ويخليكم

وكل الي يتمرن في البيت يشد حيله ولا ييأس وباذن الله راح يشوف الي يرضيه

[mrshall]

مشاءالله عليك
بس انت شكلك من الناس ذولي الي نولدون جسمهم مفصل شد بلد
بدون تمارين ولا قلق
وياكلون مشاءالله كل شي ولا يتغير شي
:-P

[منادة الليل]

هلا اخوي

ههههههههههه ماشاءالله عليك مره وحده انولد مفصل ومشدود

حبيب قلبي والله .... والله يالغالي من ناحية الاكل ماشاءالله والله على جسمي اكل اكل مو طبيعي مره مره والله ولكن ما تتصور يالغالي انا الحين عمر 22 وبعد شهر بدش 23

ولكن من عمري 8 سنوات وانا العب الكرة وصدقني والله كنت اقول لك من تجي الساعه 3 الظهر اطلع العب كرة للساعه 10 بالليل تخيل حياة كلها كورة وهرولة ... وغير هذا معتاد يومياً احمل اوزان ثقيلة مثل اكياس الاسمنت طابوق ولوية هههههههههههههههه

يعني هذا الي اتوقع خل جسمي يصير مكينة حارقة للدهون الحمدلله هههههههههه

بس الفرق انه لما بديت العب حديد انه بديت اشوف عضل جسمي ههههههههههه

بس عندي عيب كبير والله يفكني ويفك كل واحد منه هو التدخين ..... باليوم الواحد ادخن علبة ونص تقريباً وهذا الي ذابحني والله واحاول اني ابتعد عنها وان شاءالله الله يوفقني اني اتركها :)

[one in love]

بس يا ريت توضحلنا إش المكملات اللي تستعملها .... رجااااااااااءا

[بوطلال999]

الله يعطيك العافيه

[منادة الليل]

هلا اخوي one

استعملت الامينو اسد + وفي الشهر الثاني استعملت الميغا ماس ولكن الميغا ماس ما عطاني نتايج وانا ماخذه حق فات ولكن للاسف ما عطاني نتايج

[ولد ابوظبي]

ماشاء الله عليكـ .. عندك بروز واضح فالعضـلات
وعلى طاري الميقا ماس .. انا صديقي مجربه وحس فيه.. وانته شوف واصبر عليه لما يخلص وقارن وزنك اذا فيه زيادهـ أو لا ..
انا الحينه اتمرن فالبيت .. ووحاس في بدايته .. لانه الجهاز اللي عندي نفس اللي فالصــاله.. وصابرين وراح نوافي بالجديد بعد مااانشوف التغيرات ^^
الله يوفقك وخلك مواصل وراح توصل..

اخوك\ ولد بوظبي

[Syrian ThieF]

نايس

وأنا كمان صار لي فترة أتدرب في المنزل بس يمكن أتسجل لي في نادي بيكون فيه أدوات أكثر ومدربين نستفيد من نصائحهم

[منادة الليل]

هلا خوي weld

والله انا غيرت الحين للسيرس ماس وباذن الله ...
والله يوفقك يالغالي
Syrian هلا اخوي ... نورت الموضوع يالغالي :)

[المتبسم بالحق]

السلام عليم ورحمة الله تعالى وبركاته

اشلونك اخوي مناداة الليل

ماشاء الله تبارك الله

طيب انا عندي جهاز ايضاً بالبيت بس اريد منك واريدك ما تقصر وياي

ايش عندك من اجهزة رياضية + كيف الكورس الي انت تشتغل عليه + هل تستخدم اي منتج بروتين او مكمل غذائي ؟

انا بشتغل على الجهاز بين يوم ويوم وانا اشوف فيه تغيير

واخوك تراه ما يستخدم لا مكمل ولا بروتين ولا اي شيء كله طبيعي و الحمد لله

بخصوص هذه التمارين
http://www.up-00.com/Feb10/kUp29099.jpg


قلت لي انه يجب ان اطبق هذه التمارين 4 ايام واخذ يوم استراحة

هل اطبق جميع هذه التمارين كل 4 ايام؟ ام اقسمها

اخوي اخوي بنتظر ردك والله يبارك بيك

والسلام عليكم رحمة الله وبركاته

[albrkan2009]

اهلا اخوي

لم اقرأ الردود كلها

وجسمك حلو لاكن مع الاوزان التي متوفره معك في البيت لن اقول لن تتقدم لاكن سوف يثبت الجسم بعد فتره عند مستوى معين
والسبب انه الاوزان تعود عليها ولم تعد تعني له شيء
الا اذا جبت لك اوزان اثقل من هذي لاكن الى اين سوف توصل في النهاية

وايضا لايوجد لديك اجهزة كثير مما يعني انه سوف تكون تمارينك ليست متنوعه وهنا ايضا اقولك انه العضل سوف تمل من التمارين التي ليست متجدده
فالعضله تحتاج كل فتره تمارين مختلفه لكي تخلعها بالتمارين وتستجيب

والموضوع يطول في فلسفة التمارين

وسلمك ربي يالغالي

[منادة الليل]

هلا اخوي

المتبسم بالحق

الله يبارك فيك يالغالي...... انت بحاجة الى البار والدمبلز والكرسي المتحرك حق العاب كثيرة:)

والجدول الي كنت انا امشي عليه كبداية مثل ما وضحو لي الاخوان انه المفترض يكون لتحريك العضل ... فما انصحك تمشي عليه اكثر من سبوع...

يعني في موضوع لاخونا المراقب مشكلجي في جدول التمارين المنزلية :)

.......... بخصوص المكملات بعد 3 شهور لابد انك تاخذها لانها تغطي النقص وتفي بالغرض كثير :) ولكن لابد تكون تغذيتك صحيحة ...

albrkan2009 هلا فيك يالغالي

وكلامك صحيح وسليم ... ولكن اكيد مثل ما قلت تطوير الاوزان وتغير التمارين بين فترة والاخرى :)

والحمدلله انا مثل ما قلت لك مو داش اللعبه اهملها او استقر على وزن معين :)

والحمدلله بفضل الله ومن بعده الوحوش الي هني ماقصرو معاي وانا الحمدلله في تطور ملحوظ جداً

:)
الله يحفظكم ويخليكم

[الجو111د]

بكل صراحه وبدون مجامله
ماشوف أي تناسق في جسمك الأفضل تسجل في نادي وتحت الشراف كابتن متخصص أفضل الصدر عندك
بصراحه مشوه والبطن عظلاته غير متناسقه أنا مابي أحطمك ابي أقول راي بصراحه كي تستفيد وأن نفسي أنك صورة الأرجل واتمنى ماتهمل الأرجل لأنها
مهمه جدا" ومهما حاولات وحدك ماراح توصل . أحترامي لك والله يوفقك

[رجل من عالم آخر]

ماشاء الله . واصل .

[رجل من عالم آخر]

ماشاء الله . واصل .

[منادة الليل]

صراحتك راحة ومطلوبة ياخوي جواد بارك الله فيك :)

ولابد اني احتاج لصراحاتكم والله علشان استفيد اكثر ....

[آبو رآشـد]

بالنسبة للصدر يا الجواد هذي طبيعة جسمة مو غلط في التمرين حتى لو يروح لمدرب ما راح تروح المسافة الي بين صدرة

الله عوضة بشدة جسمة وقوة في رفع الوزن ونمو سريع كل الي تشوفة نتيجة شهرين فقط من التمرين

والايجابي في الموضوع ان جسمة من برا التي شيرت بيطلع مرة ممتاز جدا بعد ما تكبر عضلاتة صدرة شوي وكتوفة

[منادة الليل]

هلا اخوي الغالي بوراشد
في هذي صدقت والله صدري المسافة الي فيه قبل لا العب حديد

ولكن الحمدالله الحين جسمي تغير كثير عن قبل بالذات بعد التزامي في جدول الضخامة الي. وصيتني عليه واول لله الفضل ومن بعد نصايحكم وتوصياتكم بارك الله فيك وفي كل شخص ماقصر

وهذي الصور قديمة بالنسبة صار لها شهرين

الله يحفظكم

[منادة الليل]

بارك الله فيك اخوش بوراشد وفعلا مسافة الصدر عندي طبعية قبل لا العب حديد

ولكن قبل شهرين والحين عنديي اختلاف كبير والله

[المتبسم بالحق]

تسلم وانا خوك

وهذا رابط الموضوع http://www.montada.com/showthread.php?t=658137

صدقت والله موضوع جميل لكن ما مكتوب كم العد لكل تمرين

[آمير المشآعر]

منادة الليل

مشاء الله علييك ياووحش

استمر وعلى قووله الوحووش اسمع بنصائحهم والله يووفقـك ان شاء الله

من جد مشاء الله علييك افضل من تمارين بعض النوادي

[الجو111د]

بخصوص الصدر يركز على ع
الصدر منحدر ضيق وبروف ار
وبيشوف الفرق خاصه أذا ركز ع لعب صدر حر
أحتراماتي ابو رشد

[منادة الليل]

هلا اخوي امير

والله ما نصير وحوش الا بعد ما نضبط حالنا مثلهم :)

والله يحفظك ويخليك

هلا اخوي الجواااد

بخصوص كلامك على العين والراس والله لاني احتاج هذي التعليقات :)

وترى من ساعه ارد عليكم وانا جالس بالشغل من البلاك بيري لوووووووووول

الحين على الجهاز ماخذ راحتي ههههههه

بخصوص التمارين المنزلية او الصالة ...

بسألك يالغالي ..... تقريباً 90 % العاب الباي والتراي والصدر بالبار والدمبلز اذا ما كنت غلطان ....

لكن فقط بحاجة اني بين فترة والاخرى اغير طريقة الالعاب :)

بالاول والاخير الجهاز نقدر نستغني عنه اما البار والدمبلز والكرسي هذي اساس الحديد كلها يالغالي .....

وترى انا كتبت لكم هذا الموضوع بفترة ... ماكملت 3 شهور من طرحت هذا الموضووع وانا الحين يالغالي جسمي مختلف الحمدلله عن قبل بكثير كثير ولكن مابي احط اي صور تجنباً لبعض الامور ولكن ان شاء الله انتظر النتايج الي متوقعها بالجدول الي ماشي عليه والحمدالله الجدول راضي فيه والنتايج واضحه ولكن باذن الله شوي شوي الى الافضل :)

وتسلمون لي والله على تعليقاتكم القمة صراحه

وربي يحفظكم ويخليكم جميعاً

[الجو111د]

هلا يابطل
موفق وشد حيلك

[سيف ربعه]

ما شاءالله تبارك الله وألف من ذكر الله

نتيجة ممتازة اخي منادة الليل وبإذن الله التغير القادم سيكون افضل واقوى

انا مثلك عندي مشكلة في عضلة الصدر لكن مشكلتي تختلف فهي عضلة ثقيلة دم والمدرب صار يخليني العب تمارين الصدر سوبر على ما يقول يبيها ينشطها وبعد ما شفت النتايج اقتنعت

اول جلسة العبها بوزن ثقيل ثم وزن اخف ثم اخف ولا يوجد فترة راحة بين الجلسات والتمارين اللي اقوم بها تفتيح دامبل وبنش مستوي وبنش مائل وبل اوفر وسحب كيبل واثناء التمارين يخليني انزل الوزن بشكل بطيء وبين كل تمرين وتمرين جلسة على المتوازي او تمارين ضغط صراحة بعد يوم الصدر احس صدري شاد بقوة ويبي يتفجر وقبل ما العب بذي الطريقة كنت العب صدر وانتهي ولا احس بأي شي من التعب بالرغم اني العبها بالطريقة الصحيحة


بالتوفيق عزيزي وبإنتظار الصور الجديدة

[منادة الليل]

هلا بالغالي اخوي سيف

كلامك ممتاز والمدرب 80% صحيح ما يفعله معاك ولكن لابد لابد انك ترتاح بفترة ما تكثر عن 30 الى 50 ثانية :)

لانه العضلة او اي جزء من جسم الانسان ما يكبر او يتحرك الا في فترة الراحة وهذا اصلاً حماية للعضلة انك ترتاح بين جلسة الى الاخرى ولكن مثل ماقلت لك ما تكثر عن الــ30 ثانية ... يعني العضلة مشدوده تضغط عليها ؟؟؟؟ ناوي على تمزق يالغالي؟؟

على كل حال دامك تشوف نتايج بالتوفيق وواصل وما يوقفك شي ان شاءالله ..... ولكن حااااااااااسب هذا اهم من كل شي يالحبيب

ودمتم سالمين جميعاً

[عمر 1]

مشاء الله انا ساعات افكرل اني اتمرن في البيت ولاكن لو تخبرنا كيف كان جدولك وادواتك تسوي خير

[iTHINKFiT]

ما شاء الله عليك ...
إلى الاماااااااام

[ابو ذراع]

واااااااااااااااااااااااااصل

يا حوووووووووووووووووووووووت

[m7a6mhom]

والله احلا شي فيك الباي و تراي و مشالله عليك

الله يوفقك (F)

[ميدو 200]

ما شاء الله بالتوفيق يا صاحبى
تحياتى

[omani]

اولا ما شاء الله عليك والله يعطيك الصحة والعافية

انا ابدا عمري ما شككت في التمرين المنزلي
بس عندي سؤال ( ما هي الأجهزة المتوفرة عندك بالمنزل )
اكيد عندك جم متكامل

[4life]

ماشاء الله عليك شيء طيب...
اهم شيء عندك الوجبات.....
نظم وجباتك وان شاء الله بتكون احسن ......
اتمنى لك كل الخير ......
يبغيلك تسوي تمارين الصدر كاملة على اساس تكون الطريق سالك بين صدرك....^_^
و لا تنسى تمارين البطن
بالتوفيق

[repsol]

جسم ممتاز

تسلم حبيبي ع الموضوع الرائع

وإلى الأمااام

[FOLDSTER]

ممتااز .. وبالتوفيق انشاء الله

[mshaf3i]

ما شاالله تبارك الله

اتمنى تعرض لنا الاجهزه والحديد عشان نستفيد اكثر

بصراحة مجهودك يحمس

[jessica44]

السلام عليكم ورحمة الله وبركاته
أحب اعلق علي موضوعك تمارين المنزل تعطي الفائدة ولكن بإصرار والعزيمة

مثل ما أنت مسوي ما شاء الله جسمك مره حلو وهذا يثبت نظرية ما في شي مستحيل
بس طبعا للوصول إلي جسم لاعب كمال الأجسام المتمرس أكيد الصالة أفضل بكثير
لان راح تعطي نتايج أفضل في وقت قياسي
واصل يا بطل وان شاء الله إلي الأمام
سلام

[sepafriend]

ماشاء الله عليك .. جسمك حلو ... كمل وراح توصل ... :biggthump

[الغوريللا]

السلام عليكم ورحمة الله

اخوي الموضوع قديم وانا اسف لرفعه لكن انا الان ابي ابطل النادي وحاليا اخذت بيت كبير مع اهلي ولي غرفتين في البيت واحدة لنومي والثانية فاضية لي فابي اقلبها هوم جيم

فالاجهزة حاليا متردد اشتريها من جديد مع العلم اني عندي اجهزة ببسيطة لكن اتدرب في النادي فرحت وشفت الفالح والاسواق الرياضية عندهم اجهزة كثيرة جدا ممكن استفيد منها بشكل كبير

فابي اعرف كيف صار شكل جسمك الان وهل ما زلت مواصل في المنزل او حولت للنادي ؟؟؟

واتمنى لو نشوف صور لك

[ديزل ديزل]

​عاش عاش عاش عاش يا جامد بجد انتا برنس

[برق 8]

ماشااللع عليك ياوحش
طيب ممكن تعطينا المكملات التي تستخدمها وطريقة الاكل وهل كنت تلعب كارديو

[bazka]

ماشاء الله ماهي التمرين التي تقوم بها و هل كل يوم أرجوا أن تفيدينا ببرنامج لي ماشي عليه

[TIME4WAR]

شىء جميل واصل بالتوفيق

[الغوريللا]

ياشباب الصدر عنده متباعد لدرجة ماهي طبيعية يا شباب هل هي الجينات ولا تمرينه غلط افيدوني تكفون

[برق 8]

ماشاالله عليك روعه بس ممكن تفيدنا عن مكملاتك ونظامك الغذائي

[achraf biceps]

machaa llah allah ywafa9ak

[humax2007]

انا اتمرن في المنزل وكل التمارين اللي العبها بالنادي متوفره عندي بالبيت
وعندي اجهزه قيمتها حوالي 7 الاف ريال
جهاز تمرين متعدد فيه تمارين سحب الظهر + الفراشه وقيمته 1699 ريال والوزن الاقصى 68 كيلو من محل umark
كرسي بنش مستوي + علوي + تمرين ارجل امامي وخلفي ب 499 ريال من umark
جهاز سميث ماشين شريته ب 1999 ريال من بيت الفالح والعب فيه تمرين كتف امامي وخلفي بار+ تمرين سكوات
بار اولمبي معاه 140 كيلو شريته ب 900 ريال من بيت الفالح
جهاز اوربتراك ب 799 ريال من بيت الفالح
جهاز العقله + المتوازي شريته من بيت الفالح ب 570 ريال
وعندي 2 بار عادي اللي ينفك وينركب فيه الاوزان + بار متعرج العب فيه بايسبيس + دنابل اللي تنفك وتتركب فيها الاوزان
وايضا فيه اوزان حره حوالي 120 كيلو وقيمتهم حوالي 800 ريال
يعني الحمد لله عندي صاله متكامله حتى اخواني يستفيدون منها ويتمرنون بأي وقت

[Egramm]

ماشاء الله واصل اخوي
بس عندي استفسار كم الاوزان اللي تشيلها