جدولي الغذائي ارائكم

[Be Alone]

السلام عليكم ورحمة الله وبركاتة

انا قررت ازيد وزني بعد ماتم الصاق بي العديد من الالقاب مثل الصومالي مع اني ابيض ومثل الاشارة لاني طويل ونحيف ومثل بنك بانثر مع اني ماعندي ذيل والعديد من الالقاب لدرجة انهم كانوا يقنعوني اشتغل عارضة او قائم بالملاعب السعودية عشان اصير مشهور
والحمدلله وضعت نظام غذائي وقررت الاستمرار عليه واهم شئ الارادة الحديدية ولا تلتفت لاي محاولة تحطيم مثل " لو تاكل سنتين ماراح تسمن" او "رح كل اسمنت اسرع لك" وكل ماطلعتوا مجمع او مكان وكان فيه جهاز قياس الطول والوزن يقولون يلا روح ورنا كم وزنك كل هالامور ماعليك منها

كانت النتائج بالنسبه لي مثالية مع العلم اني ما العب اي رياضة وان شاء الله ببدأ حديد قريبا
طولي 188 ووزني قبل الجدول 55
بعد ما بديت بالجدول الغذائي خلال 10 أيام زاد وزني 2 ونص
الغريب ان الناس لما يجي وقت الاكل تاكل كثير ولا يزيد وزنهم والسبب ان الناس تركز على الكمية وماتركز على النوع وتعدد مصادر الغذاء ، الفطور مثلا ياكل الواحد صحنين فول و 3 كاسات شاهي ويمشي يمكن يزيد وزنه لكن بالنسبه للجسم مازال يحتاج اشياء ثانية الوجبة الكاملة هي الي تحتوي جميع العناصر المهمه للجسم وعلى يوم كامل لازم توفر لجسمك كل العناصر من فيتامينات وبروتينات وسعرات حرارية
وبسم الله الرحمن الرحيم
انا بذكر جدولي خلال العشر ايام بكل شئ اكلته او شربته وبالتوقيت ولكل شخص قدرة استيعاب للاكل
المكملات والادوية الخارجية:
GNC Weight Gain 2200 موجود في جي ان سي وسعره 290 ويكفي من 5 الى 6 ايام
ميسيقور شراب - الشراب افضل من الحبوب ميسيقور وعيوبه اول 3 ايام يجيب النوم بشكل مو طبيعي وانا انصح انك تبدا تستخدمه بايام الاجازة
ملتي فيتامين واسمه ديمونيزان تقريبا

انا دوامي من الساعه 8 الصباح الى 4 ونص العصر وماعندي فترة بريك لذلك الغدا يكون الساعه 5 عندي لكن بالجدول راح اقولكم وش اكل بفترة الدوام

الافطار الساعه 6 الصباح
فول - بيض او شكشوكه ( صحن صغير )
عسل طبيعي ( 3 ملاعق )
جبن ( ملعقتين )
قشطة ( ملعقتين)
مربى ( ملعقتين )
زيتون ( 6 حبات )
كاس موية

الساعه 8 صباحا
اشرب المكمل الغذائي واكل سنكرز واكل الملتي فيتامين راح يعطيك طاقة حلوه

الساعه 9 صباحا
كاس موية

الساعه 10
عصير برتقال معلب ( الربيع ) + 2 جلكسي او اي2 نوع من الحلويات

الساعه 12
اجهز المكمل وانا على المكتب واشربه مع الملتي فيتامين

الساعه 2
كاس موية + فطيرة جبن او فطيرة تمر او فطيرة تفاح

الساعه 3
اشرب الميسيقور

الغدا الساعه 5
رز مع لحم او دجاج او اي وجبة رئيسية ( تقريبا مايكفي 20 ملعقة طعام )
سلطة خضراء ( 4 ملاعق )
كريما
فواكة ( نص برتقاله + موزه + تفاحه )

الساعه 7
اشرب المكمل الغذائي + واذا كان لي نفس اكلت لي اي نوع من الحلويات

الساعه 9
ملتي فيتامين + وجبة صغيره سواء ساندويش وغالبا بالنسبه لي ساندويش صغير من صب وي

الساعه 10 ونص
كاس موية + ميسيقور
بعدها النوم

مع العلم اني اشرب المكمل مع حليب كامل الدسم

هذا الجدول الي مشيت عليه
وانا بكمل عليه لمدة شهرين بعد
المشاكل الي واجهتني:
تعب الذهاب للدوام وانت شايل معاك المؤونه حلويات وسكوب من المكمل وحليب وعصير
توقفت عن شرب الكوفي والشاي اثناء الدوام
انا مدخن للاسف
المكمل ثقيل وكانك تشرب رز مضروب بالخلاط


سؤالي للمختصين هنا
شرايكم اغير المكمل الي استخدمه واستخدم السيرياس ماس، لاني كذا برتاح من الملتي فيتامين لان الفيتامينات بالسيرس ماس عالية وغير كذا 3 سكوبات منه افضل من المكمل الي استخدمه
وابغى رايكم بالجدول بشكل عام ونصايحكم الله يعافيكم
بالنسبة للحديد انا ناوي ادخل ان شاء الله قريب
واذا دخلت هل راح ازيد من عدد المكملات الي اخذها
مثل الكرياتين وغيرها

انا عندي مشكله بالمعده بسبب الحبوب الكبيره او الكبسولات الكبيره لذلك انا مقصر شوي بالملتي فيتامين

وبشكل عام الجدول جاب نتيجة معي وبخبراتكم راح يكون افضل بكثير ان شاء الله والكل يستفيد منه
خصوصا العصاقيل الي مثلي :)
اخيرا احب ان اشكر جميع القائمين على القسم
واشكر جميع الكباتن على المجهود الرائع الي تبذلونه من خلال مواضيعكم الممتازة

ودمتم بود

[آبو رآشـد]

ممتاز جدا

لكن اخوي الي ما يسمن مو شرط من نوع اكلة بيكون زي حالتك معدل الملتيبلزم عالي جدا عندة

والدليل وزنك 55 وطولك 188 انت لازم تزيد وزنك فوق 40 كيلو المشكلة انك لزم تستمر على هذا النظام ولا راح ترجع وتنحف

عندك اشياء لازم تسويها قبل لا تشتري مكملات لانك المكملات راح تسمنك ثم راح ترجع وتنحف

اول شي الدخان لازم تشوف لك حل وتتركة لانة يقطع الشهية لو مهما تسوي

انا اقولك انت اترك الدخان واستمر على اكلك الطبيعي الي كل يوم تاكلة راح تشوف زيادة الى 10 كيلو في جسمك

تخيل لو تترك الدخان مع نظام الاكل هذا شف وش كيف يطلع وزنك راح يرتفع بشكل ممتاز

ولو تلعب حديد فوقة كذا راح تزيد دهون في جسمك وتزيد عضل واكلك يزيد نتيجة للمجهود الي تسوية في النادي

واذا ما كنت تلعب حديد اترك الدخان ولا بتتعذب

وبالنسبة للمكملات ترو ماس هو افضل شي لك راح يعطيك وزن لان بوزنك هذا ضلوعك باينة

فاجتهد باكلك وراح تشوف نتائج ممتازة

[Be Alone]

مشكور يالرسمي على هالنصايح والله يجزاك خير
طيب الترو ماس ماعندك اي صوره له
بس عشان مالخبط بينه وبين اي مكمل اخر واعرف الاصلي

[آبو رآشـد]

Weight Gainer Of The Year: (أفضل بروتين قينر لهذا لعام 2009)
BSN True-Mass
http://www.bodybuilding.com/fun/images/2009/truemass_2009_award.jpg


تفضل يا وحش

[Be Alone]

تفضل يا وحش

جعل والديك بالجنة
تسلم ياكابتن الكباتن

[bemmm]

والله مثلك انا نفس الالقاب بس انا مني مدخن يا ترى البروتين ذا يفيدني مثلك ولا لا واحاول قد ما اقدر امشي على جدولك المهم ذلحين اخذ البروتين ولا لا افيدني يا الغلا ( الرسمي )

[Be Alone]

والله مثلك انا نفس الالقاب بس انا مني مدخن يا ترى البروتين ذا يفيدني مثلك ولا لا واحاول قد ما اقدر امشي على جدولك المهم ذلحين اخذ البروتين ولا لا افيدني يا الغلا ( الرسمي )



عزيزي المكمل الغذائي يفيدك واذا تغذيتك سيئة شوف المكمل اللي ينفع لك والشباب مايقصرون ان شاء الله

[آبو رآشـد]

Be Alone (http://www.montada.com/member.php?u=317116)

الله مير يسلمك يا بعدي

bemmm (http://www.montada.com/member.php?u=757349)

يا بعدي

اكتب موضوع خاص فيك مع وزنك وطولك واسم الموضوع يصف حالتك وابشر بعزك يا بعدي ما طلبت شي يا الغالي

بالتوفيق

[Al3aZeF]

جـرب تضـيف في جـدولك آلغذآئـي ..
كأس شوفـآن مطبـوخ + 3 ملآعـق بنآت بتـر + تونـآ
وإذآ خلـصت آلمكملآت آلي عنـدك ، آستخـدم آلسيريس مآس + كيريآتين مآيكرونزد >>>> آلمكملين من شركة ON
وبالتوفيـق =)

[Be Alone]

جـرب تضـيف في جـدولك آلغذآئـي ..
كأس شوفـآن مطبـوخ + 3 ملآعـق بنآت بتـر + تونـآ
وإذآ خلـصت آلمكملآت آلي عنـدك ، آستخـدم آلسيريس مآس + كيريآتين مآيكرونزد >>>> آلمكملين من شركة ON
وبالتوفيـق =)

بس الكرياتين على حسب علمي للي يلعبون حديد وانا مالعب الى الان
وسويت مقارنة بين المكمل الي عندي والسيرياس ماس وبرو كومبلكس قينر والترو ماس
لقيت الترو ماس ينفع لي اكثر شئ
بالنسبه للشوفان و البينت بتر والتونا ان شاء الله نبدا فيها من بكره
يعطيك الف عافية

[اللورد الأحمر]

أهلا أخي ... الصراحة برنامجك الغذائي جدا ممتاز ومرتب وقوي استمر عليه أخوي وان شاء الله يزيد وزنك ....

وتروح عنك الألقاب هذه لأنه بصراحة وزنك جدا جدا قليل مقارنة بطولك ومث ما قال الأخ الرسمي استعمل الترو ماس وراح يزيد وزنك بالتأكيد ... تقبل تحياتي .. اللورد الأحمر ...

[Be Alone]

أهلا أخي ... الصراحة برنامجك الغذائي جدا ممتاز ومرتب وقوي استمر عليه أخوي وان شاء الله يزيد وزنك ....

وتروح عنك الألقاب هذه لأنه بصراحة وزنك جدا جدا قليل مقارنة بطولك ومث ما قال الأخ الرسمي استعمل الترو ماس وراح يزيد وزنك بالتأكيد ... تقبل تحياتي .. اللورد الأحمر ...

ان شاء الله
مشكور على التعقيب ياوحش