DarkSiders كُن المنقذ في عالم تعجه الفوضى و الدمار

[SALM0RE]

ســــــــلام



الجحيم . . . الملائكة , دماء , عنف و تقطيع . . . . هل هذا وصف
لأحد أجزاء سلسلة ( غاد أوف وار ) ؟ لا . . . انه وصف العبة التى اثارت ضجة
نقدية في الأونة الأخيرة و هي لعبة المغامرات و الحركة


http://phyzznick.files.wordpress.com/2009/09/darksiders_logo.jpg


( داركسايدرز ) هي لعبة من تطوير فريق جديد أسمه ( فايجيل ) و من نشر
شركة THQ العبة اول ماظهرت ماعتقد انه الكثير من الناس اهتموا لها
بسب انه كانت مبينة انها تقليد أعمى لـ ( غاد أوف وار ) او انه الأرتيستيك ستايل
ماكان جديد او جذاب . . . . لاكن بعد مشاهدة العديد من العروض و مراجعات النقاد
اتضح انه العبة ليست تقليد لـ GOW بل أنه أسلوبها مختلف جدا و فيها مُميزات
كثيرة و جديدة .


http://media2.playscope.com/medias/Jeux-Video/PS3/1/5/15748/Packs/0001s.jpg



على أساس اني متملل و انه العبة تذكرني بأحد العابي المُفضل ( ماكسيمو )
قررت اني اشتري / أجرب العبة اليوم و هذا انطباعي الأول عنها ( الجيد و السيء )
الى الأن . . . .


http://epicbattleaxe.com/wp-content/uploads/2009/06/ds.png



القصة و الموضوع : العبة تحكي قصة " يوم الحساب " أقتباسً بالكتب الأنجيلية
وبطلها هو احد الفرسان الأربعة الى راح ينزلون للأرض لمعاقبة الناس في يوم
الحساب , و المعروف في الكتب انه اذا بدأ يوم الحساب فراح يتم أستدعاء الفرسان
الأربعة و ستكون هنالك حرب بين الشياطين و الملائكة على كوكب الأرض الخ الخ


لما تبتدي العبة تبدأ المعركة بين الشياطين و الملائكة , اي يعني انه يوم الحساب قد
بدأ , لاكن يتضح لاحقا انه يوم الحساب المفروض مايكون في هاليوم لاكن المعركة بدأت
والوحيد من الفرسان الأربعة الى وصل الى الأرض هو ( وار = حرب ) بطل العبة
, فبعد ذلك تتهم الملائكة ( وار ) بأنه خرق القانون و عجل من يوم الحساب
بدون علم أي أحد . . . . . . . الباقي سبويليرز



http://lh4.ggpht.com/_u27Gk0Do3d0/Swpbyu4Xh2I/AAAAAAAAPWs/zjsllCjmYk4/s800/Darksiders_02.jpg


الغيم بلاي و نظام القتال : العبة من ناحية التصميم تختلف كليا عن GOW
ففي ( داركسايدرز ) البئية شبه مفتوحةو يمكنك التنقل فيها و ادارة الكاميرا
حول البطل على عكس GOW , العبة تجمع بين القتال + الأكتشاف + الألغاز
والقليل من البلاتفورز و التجميع , مافي تفاعل كثير بين البطل و البيئة
فقط يمكنك حمل / كسر بعض الأشياء مثل السيارات , الكراسي الخ الخ


القتال يشبه أسلوب GOW فشكل اكثر من النظام , عندك هجوم أساسي / كومبو
, حركات خاصة مع تحريك الأنالوغ , قوى و أسلحة خاصة بستخدام زر معين ,
صد و تفادي , حركة للجغل و حركة مسك و حركات نهائية و ايضا خاصية
التحول و لفترة قصيرة لمخلق قوي مثل اي لعبة من هذا النوع



الجيد فيها ( لحد الأن ) :


* العبة منوعة
* نظام تطوير الأسلحة و القوى عميق جدا


السيء فيها ( لحد الأن ) :


* التحكم و ادارة الأزرار مقعد و فوضوي
* الرسم و المؤثرات و الأنميشين ( الأعداء فقط ) جودتهم متوسطة
* الكاميرا مزعجة خصوصا لما تقاتل مجموعة كبيرة من الأعداء و تضغط
زر الـ lock - on :cray:
* في بطيء ملحوظ " أحيانا " اثناء القتال



في نهاية الحديث حبيت اضف و اوصف العبة بأنها مزيج بين لعبتي
( سول ريفير ) و ( ماكسيمو ) و ( غود أوف وار ) ;)



GameSpot Video Review


k5Wx-WaTg14


IGN Video Review


dcHZt2MW4Cs

[Prince Noctis]

مبروك سلمور بجم شريتها ومن وين؟؟

[General BiG Boss]

احسها مثل Brutal Legend

[theb0ss]

احسها مثل Brutal Legend

لاااء مالها علاقة ابداً في بروتال ليجيند (اللي هي بالنسبة لي تافهه جداً و سيئه في نفس الوقت) ,, اللعبه فيها شبه كبير من لعبة زيلدا من ناحية الألغاز و نظام الـ lock on اللي فيها .. فـ اللي قاعد يلعب اللعبه خلـ يحط في باله انها لعبة adventure اكثر من ما هي action يعني اللعبه مالها علاقة بـ GOW و الألعاب الشبيهه لها ( DMC , Bayonetta , ninja gaiden ) .. عالـ عموم ترى انا خلصت اللعبه قبل كم يوم واللعبه حلوه واايد و فيها مفاجآت و الغاز حلوه يعني تقييمي للعبه 87% .. معلومه : اول 15 دقيقه من اللعبه اسوء شيء في اللعبه .. كل ما تكملون اللعبه راح تصير احلى

[Nez 17]

اللعبة ممنوعة بليمارات ولاكن استغربة لعدم منعها في الدول الاخره من الخليج مع انه قصتها شبه حرام ..

يوم الحساب و مدري شنو

يوم الحساب مايعلمة إلى ربنا سبحانة و تعالة

لاكن مادري ليش مامنعت ؟

[General BiG Boss]

ops راح عن بالي اذكر باقي الرد
شبهتها ببروتال ليجند بس لأن في شبه بنظام القتال

[الصهيبي]

^_^ مشكور على الموضوع عن احد اروع واقوى الالعاب في هذه الفترة وان شاء الله لي عودة قريبة للعبها وبنستفيد من خبرات الشباب اللي خلصوها

[SALM0RE]

احسها مثل Brutal Legend


ايه ولله صج




مبروك سلمور بجم شريتها ومن وين؟؟


لله يبارك فيك . . . شريتها بـ 24 دينار من العاب العقل
بو يعقوب / الدوسيري يمكن اييبها بـ 23 بعد كم يوم

[MOHAMMED Q]

ان شاءالله باخذها قريب لان عجبتني واييد.

[theb0ss]

القتال في darksiders مختلف تماماً عن بروتال ليجيند و افضل منه بمراحل لأنه القتال في بروتال ليجيند زفت ..

SALMORE متأكد انك لاعب اللعبتين ؟؟ ..

General BiG Boss .. اتطمن اللعبه مافيها و لا شيء من بروتال ليجيند

[طفسن دفش]

ياخي هالنوع من الالعاب احسها العاب شركيه
ملائكه وجحيم وغيره والعياذ بالله

[marshall d teac]

ابصرااحه اللعبه ما توقعتها بهالمستوى ... بالنسبه لي عااجبتني اللعبه بشكل كبير وخصوصا شخصية البطل (وار) ... واتوقع اللي يعجبه هالنوع من الالعاب ما بيندم اذا جرب هاللعبه ... تقييمي لها 90%

[FARES360]

خلصت اللعبة قبل يومين وحللتها تقريبا بالكامل..
وتقيمي لها عموما 9.0 .. من افضل الألعاب هالشهر ^^"

اي واحد يبي مساعده في حل لغز او شغله .. انا موجود =)

[jinabil]

انشاءاللة حاخذها لانها عجبتنى وتبدوالقصة مثيرة بالنسبةلى
شكرااا

[SALM0RE]

خلصت اللعبة قبل يومين وحللتها تقريبا بالكامل..
وتقيمي لها عموما 9.0 .. من افضل الألعاب هالشهر ^^"

اي واحد يبي مساعده في حل لغز او شغله .. انا موجود =)


مبروك فارس . . . أخيرا خلصت لعبة " Single Player " ;) انه توني قاتل الرئيسة
التنين ( تيمات ) :) ولله عبالي ذكر :أفكر: و الحين وصلت للمنطقة الجميلة

على فكرة الـ كولاكتوبولز سهلة تحصلهم لا ؟ يعني مايحتاج وايد ان تتعمق
وتفتر و دور

[Sparta Ghost]

قبل يومين شفتها و تردد اخذها لو لا . ابغاها ترخص بس المشكله زحمه العاب جاييه .
ان شاء الله اذا حصلت فرصه بلعبها .

يعطيك العافيه على المراجعه المرتبه
الخط صغير عور عوايني بس يالله

[dely10]

مشكور على الموضوع المرتب
عطيتني فكرة عن اللعبه

عقب ما قريت القصه شلتها عن بالي

وبنطر الالعاب اليايه :)

[Spartan Heart]

ممتاز تبسيطك للقصه وجمال اللعبه يا سالمور ... ارفع لك اليده .. :) واشكرك يا غالي

[theb0ss]

ياخي هالنوع من الالعاب احسها العاب شركيه
ملائكه وجحيم وغيره والعياذ بالله


تدري انك واحد ما عنده سالفه ؟؟ .. فيه العاب واااايد فيها سوالف الجحيم و الملائكه بس بطريقة ما تسيء و بعيده عن الخلاعه و الخ

[theb0ss]

مبروك فارس . . . أخيرا خلصت لعبة " Single Player " ;) انه توني قاتل الرئيسة
التنين ( تيمات ) :) ولله عبالي ذكر :أفكر: و الحين وصلت للمنطقة الجميلة

على فكرة الـ كولاكتوبولز سهلة تحصلهم لا ؟ يعني مايحتاج وايد ان تتعمق
وتفتر و دور

ها اللعبه الحين تشبه بروتال ليجيند و لا لاء :silly: .. شلون اللعبه معاك الحين ؟

[SALM0RE]

^^^^^^

لاعاد ماقلت مثلها ضبط بس يعني حجم الاعب و العالم نوعا ما و ايضا المؤثرات
قريبة لبعض بين النسختين :أفكر:

العبة لحد الأن ممتعة , امس كنت في المنطقة الى البطل و العملاق يتنافسون
مع بعض ضد الملائكة . . . الأكشن كان رائع فيها !!!!!!

[FARES360]

مبروك فارس . . . أخيرا خلصت لعبة " Single Player "
على فكرة الـ كولاكتوبولز سهلة تحصلهم لا ؟ يعني مايحتاج وايد ان تتعمق

لوووول يس xD

بالنسبة للكوليكتوبلز .. فهو الغالبيه تلقاها وانت بطريقك بس تحتاج شوي كم ثانيه من وقتك
عشان تفكر شلون توصل لها والي اهي غالبا متدرجة في طريقك ولو بعضها مخفيه بطريقة بسيطة خلف جدار مثلا؟
وفيه قليل منهم يحتاج منك جهد فعلا وممكن ما تلاحظها حتى !
او ترجع لنفس المكان لأنك تحتاج قدرات معينة عشان تروح لها
فممكن تنسى المكان مع الفتره الا اذا كنت حاطها في بالك عرفت..

انا شخصيا.. لقيت تقريبا الأغلب بجهدي الخاص وكان باقيلي 4 شغلات ما قد طرو على بالي اماكنهم !
فظطريت استخدام اليوتيوب كمساعده ..واحد منهم اعرف مكانه الا اني ما اعرف اوصله :D


كم جمجمة خضره حصلت للأن؟
وكم ارمور؟

ما علقت للأن على اي لغز ؟ لووول.. لأنه الألغاز سهله وبنفس الوقت تحتاج بذل جهد ذهني xD

[SALM0RE]

^^^^

قطع الأرمور عندي 3 اما الجماجم فعلا ماعتقد 7 او 8 , صديقي يقول انهاها اول مرة
وخذت منه 20 ساعة :wow: !!!!

[FARES360]

هي اللعبة اخذت مني 19 ساعة عالنورمل ( مع تجميع الكنوز 95% )
بعدها عدتها عالهارد وكان شغل سريع.. خذت مني 8 ساعات وشوي

[boss liquid]

ياخي هالنوع من الالعاب احسها العاب شركيه




ملائكه وجحيم وغيره والعياذ بالله



اها يعني الجنس الثالث و حفلات دقني عادي عندكم هناك


و لعبة هاي مو عادي

[HasaWii]

^^

يمكن الكلام هذا ما يصلح تقوله
هو عنده رأي وهذا حقه

وانت ما تدري عنه علشان تقوله هذا الكلام
وحتى لو تعرف عنه شي مثل هذا الكلام مكانه مو هنا

اقبل تحياتي وتدخلي

اخوك احمد

[خيال الاصايل]

السلام عليكم اهنيكم على هالمنتدى الرائع بس عندي طلب للاخوان الي خلصو دارسايدر لو ممكن مساعده انا لعبت الشريط ووصلت الين القطع السبع وجمعتهم ماعدا القطعه الاخيره الي موقعها بالنص بالخرايط مو راضي يوصلني لها الجني الي يطلع يساعدني عن طريق التنقل ما بين المراحل كل ما اطق عليها يقولي منطقه محظوره او شي مو عارف ادخلها ولمن اطق على منطقه قريب منها ما احصل القطعه الاخيره الي بالنص بالخريطه؟؟

يجماعه ابي مساعدتكم وشكرا

[FARES360]

^
طيب ممكن توضحلنا مكانك بشكل ادق مع ذكر اسم المكان بالأنجليزي واي قطعة قصدك؟....

[خيال الاصايل]

هلا ااخوي فارس القطع السبع طال عمرك لمن تجمعهم انا جمعت 6 قطع لكن في القطعه الاخيره الي مكانها في الخريطه بالمنتصف بالظبط اطق اكس على موقع القطعه ما يمكني ولمن اطق اكس على موقع قريب منها يوديني لكن ما احصلها انجنيت يجماعه مع اني حليط الالغاز اغلبها لين وصلت بس واقف اهني

لو فهمت علي اخوي فارس جاوبني او ابعثلي رقمك يخوك رساله خاصه نفيدني اكثر
والاخوان الي هلصو الشريط ارجو الافاده وشكرا

انطركم يا الربع

[خيال الاصايل]

ارجو من اخوي فارس او سالمور انهم يفيدوني او اي احد من الشباب الي خلصو الشريط
اذا كان صعب يكتب ويفهمني اهني ارجو ان يرسلي رقمه رساله خاصه ولا راح اطول عليه دقيقه يفهمني في حل هالمشكله وشكرا

ناطركم يا جماعه

[SALM0RE]

^^^^^

أخوي أنه توني محرر الملاك ( أزراييل ) للحين ماحلصت العبة و اخاف اروح ادور لك الحل و اشوف سبويلير !!! فأحسن لك تروح موقع Youtube و تكتب

DarkSiders Seven seal Location

و شوف شنوا يطلع لك ;)

[الصهيبي]

لو انا العب الان بال easy وكملته وحبيت العب normal هل استطيع اخذ الارمور والايتم والطاقة اللي معي والا ابدأ من البداية؟

[SALM0RE]

الصهيبي مادري ولله شوف فارس هو الوحيد الى خلصها لحد الأن ؟


فارس اذا تذكر شلون اخذ هالصندوقين ؟

الأول في المنطقة الأولى الى اسمها ( Cross Roads ) أشوفه
على الخارطة بس لما اركب فوق المبنى ماشوفه , حطيت القناع و ماكو فايدة

http://i283.photobucket.com/albums/kk295/Salman666/20100124001.jpg

الثاني نفس الشيء ؟ في منطقة الوحش ( Samel )

http://i283.photobucket.com/albums/kk295/Salman666/20100125.jpg

خلاص باقي لي 3 قطع ( الخضر ) و 4 قطع للأرمور ;)

[الصهيبي]

@-@ اليوم حبيت ارجع للمراحل السابقة واجمع الارمور والايتم ما عرفت اروح لمنطقة IRON اللي تتحدى فيها العناكب ؟ من وين طريقها؟لانه فيها قطعة لازم اجمعها للعلم انا خلصتها من فترة بس الان برجع اجمع فقط بس ناسي الطريق

[SALM0RE]

@-@ اليوم حبيت ارجع للمراحل السابقة واجمع الارمور والايتم ما عرفت اروح لمنطقة IRON اللي تتحدى فيها العناكب ؟ من وين طريقها؟لانه فيها قطعة لازم اجمعها للعلم انا خلصتها من فترة بس الان برجع اجمع فقط بس ناسي الطريق


لول نفسي بضبط , اليوم تعبت و انه ادور على المنطقة و لا حصلتها

[Yamato]

صهيبي
دورلك نافيجيتور.. يمدحون جارمن لول.. P:

سوري عالدخلة الغلط (&)

[A.O.F.D]

مشكور أخوي على الطرح والمقاطع

ألعبه شاكله حلوه ,لكن هل تستحق الشراء ؟

[Tockuchi]

عندي سؤال؟
الحين انا قاعد العبها عالNormal هل راح أطلع تروفي الEasy لما انهيه و لا لأ؟

[الصهيبي]

عندي سؤال؟
الحين انا قاعد العبها عالNormal هل راح أطلع تروفي الEasy لما انهيه و لا لأ؟
:D ايوة بيطلع

[Tockuchi]

^^^
أشوه ريحتني + كنت بلعب بالأول على أصعب شيء عشان أفتك بس قلت يمكن ما أستمتع عدل لأني جديد على اللعبة

[الصهيبي]

^^عاد انا ما عرفت هذي المعلومة الا قريب وللاسف جالس العب easy يعني قهر اعيدها من جديد على العموم باقي شوي واختمها وباشوف اذا كان لي نفس اعيدها او لا

[SALM0RE]

جمعت اليوم قطع الأرمور كلها ( كان باقي لي 3 ) و الأرتفيكتس ( 4 )
طبعا استعنت بالغايدات حق الي بقولي , معظمهم اعرف موقعهم و اشوفهم
بس ماعرفت كيف أوصلهم ؟

باقي الحين الـ Warth Cores و الـ Life Forces , بس شكلي اليوم بانهيها
وبعدين برد اجمع و اطور الأسلحة الباقية

[الصهيبي]

^^انتبه اللي اعرفه لو انهيت اللعبة ما تقدر ترجع تجمع !

[SALM0RE]

^^^^^

أدري سويت سايف قبل الرئيس لتجميع ;)

[الصهيبي]

^^ طيب وكيف اعرف اني قربت من الرئيس انا الان جالس اجمع قطع السيف باقيلي 3 قطع قربت من القتال الاخير صح؟

[SALM0RE]

^^ طيب وكيف اعرف اني قربت من الرئيس انا الان جالس اجمع قطع السيف باقيلي 3 قطع قربت من القتال الاخير صح؟

لما تجمع القطع توديهم لـ . . . . و بعدين المهمة بتصير انك تروح تلاقي . . . .
وبعدين خلاص :أفكر:

[خيال الاصايل]

صباح الخير يا الربع انا للحين ماني قادر اروح لمنطقه القطعه السابعه من السيف المكسور الي موجوده بالنص بالخريطه لان لمن اطق عليها مايطلعي اكس يقولي اكسبيدو لوكاشن شي ممنوع يعني فشفت اليوتيوب لقيت قطع ارمر عددها عشر وقاعد اجمعها هالحين وبطت عيوني باقي 3
سؤاالي المهم ها اذا جمعت القطع العشر للارمر راح تفتحلي المنطقه المحظوره الاخيره مالت السيف المكسور القطعه السابعه؟؟؟
يعني هل قطع الارمر العشر ظروريه لانهاء اللعبه او بعد ما تجمعها راح تفتحلي المنطقه الاخيره مالت السيف المكسور القطعه السابعه الي بالنص بالخريطه

جاوبوني

[SALM0RE]

هاذي المنطقة لازم تروح لها عن طريق منطقة الـ Ashland


اما عن الأرمور فلاماتحتاج انك تجمعها علشان تنهي العبة , بس اذا تبغي فهي
تقوى دفاعك بس يعني الصراحة العبة سهلة جدا و حتى الرئيس الأخير
فمايحتاج انك تحصلها . . . الا اذا تبغي التروفي فلازم تاخذها ;)
انه باقيلي 3 قطة لها جمعتهم بروحي بس بعدين استعنت
بالفيديوهات الموجود في موقع PS3trophies.org

[FARES360]

الصهيبي مادري ولله شوف فارس هو الوحيد الى خلصها لحد الأن ؟


فارس اذا تذكر شلون اخذ هالصندوقين ؟

الأول في المنطقة الأولى الى اسمها ( Cross Roads ) أشوفه
على الخارطة بس لما اركب فوق المبنى ماشوفه , حطيت القناع و ماكو فايدة

http://i283.photobucket.com/albums/kk295/Salman666/20100124001.jpg

الثاني نفس الشيء ؟ في منطقة الوحش ( Samel )

http://i283.photobucket.com/albums/kk295/Salman666/20100125.jpg

خلاص باقي لي 3 قطع ( الخضر ) و 4 قطع للأرمور ;)




ماادري اذا تأخرت في ردي او لا .. عموما برد عليك..xD
شوف الصوره الأولى البس القناع.. وبنفس مكانك وراك يكون المبنى الي تصعد عليه وفوق بالهوا الي تعلق عليه غير مرئي..
اول ما تصعد المبنى الي ورا..طفي القناع واستخدم السلسلة ..عشان تمسك الي بالهوا ويوديك للصندوق.. هالحركة لازم تسويها بسرعه
لنه وقت ما تطفي القناع.. الي بالهوا يختفي بكم ثانيه..


اما الصوره الثانيه قصدك الي بالدور الثاني؟ ..
فيه اساس للطوفه الضلع.. استخدم الcrossblade او احذف سياره وراح ينكسر الضلع ويطيح لي تحت فتقدره تصعدله بعدها..




لو انا العب الان بال easy وكملته وحبيت العب normal هل استطيع اخذ الارمور والايتم والطاقة اللي معي والا ابدأ من البداية؟
الأرمورفقط لو لقيته يكون معاك لما ترجع تعيدها على أصعب اما الباقي كل شي يرجع من اول ويديد.....

[SALM0RE]

فارس الصورة الأولى انه ركبت كم مرة بس المسكلة الكنز مب تشايفه ؟
يعني ركبت قبل علشان اخذ قطة السيف بس لاحظة ظهور رمز الكنز
في نفس المنطقة بس ماتشوفه

الصورة الثاني خلاص خذيته الكنز

[FARES360]

فارس الصورة الأولى انه ركبت كم مرة بس المسكلة الكنز مب تشايفه ؟
يعني ركبت قبل علشان اخذ قطة السيف بس لاحظة ظهور رمز الكنز
في نفس المنطقة بس ماتشوفه

الصورة الثاني خلاص خذيته الكنز

اها هذا.. حسبت قصدك السيف xD
هالكنز يطلع من تحت الأرض بعد ما تكسر كل الحدايد الي يحطون فيها خرده..

[خيال الاصايل]

السلام عليكم
الاخ سالمور والاخ فارس والاخ الصهيبي ما قصرتو بس الاخ سالمور انت تقولي القطعه الاخيره للسيف موجوده في من
في منطقه الاشلاند ورحت هناك بس ماني عارف شلون اوصل للقطعه الاخيره للسيف الي بالوسط في الخريطه

يجماعه القطعه الاخيره بالسيف باقيلي الي بالوسط بالخريطه ولمن اطق اكس عليها ما يوديني يقولي اكسبلورد لوكاشين؟؟

يعني فهموني بالتفصيل اقرب طريق لها من وين
اذا من الاشلاند حلو بس وين اروح بالظبط في الاشلاند؟؟ لان ما يطلعلي شكل القطعه المكسوره بالخريطه نفس باقي القطه كان يهل جمعها
هذي القطعه مو طالعه لي بالخريطه ولا راضي يوصلني للمنطقه
فهموني بالتفصيل
ادري ازعجتكم بس اسموحولي لان عبالي لازم اجمع الارمور عشان تفتح وجمعت 8 منهم بس مادام مافي داعي خلاص بانهي اللعبه من غيرها
لان زهقت منها صعبه
ارجو المساعده

[خيال الاصايل]

واذا في طريقه توضح كيفيه جمع قطع السيف المكسور بالانترنت او باليوتيوب او في موقع اخر يليت تعلموني الطريقه وبالتفصيل مع وضع النك او العنوان وطريقه عمله

وشكرا
انطر ردودكم لان فعلان محتاج مساعدتكم يا الربع

[الصهيبي]

^^قطع السيف تقصد armageddon ?
هذا الفيديو اللي حصلته ان شاء الله يفيدك 6 فيديوهات ل 6 قطع (اظن اللي تقصده الاول ؟)
http://www.youtube.com/watch?v=7IaxWD97Mq0

http://www.youtube.com/watch?v=Z6NcCaMAz4Y&feature=related

http://www.youtube.com/watch?v=800ADLgLKvc&feature=related

وبتحصل الباقي على يمين الفيديو بس اظن اللي تحتاجه اول رابط

[خيال الاصايل]

مشكور يا الصهيبي بس انا شفت المقاطع كلها ولكن القطعه السابعه الي ناقصه مو موضح عنها شي
ومكانها في المنتصف بالخريطه ولا يوديني لها لمن اطق اكس يقولي اكببشن لوكاكشن ممنوع او شي جذي
وقالي سالمو تقدر تروح لها عن طريق اشلاند ولا قدرت
ولا يطلع مكان شكل السيف بالخريطع عكس القطع الباجي
انا احس ان الشريط في مشكله في التصنيع او معلق اوشي؟؟
او انكم تساعدوني في الوصول مكانها في المنتصف بالظبط
او احد منكم يرسلي رقم تلفوناه اتصل فيه ماراح اخذ من وقته شي؟؟

لو تكرمتو ساعدوني

[خيال الاصايل]

يجماعه وانا اتصفح اليوتيوب لقيت في مرحله وار يحارب ملاك انثى وبعدها يحصل على قطعه من السيف المكسور
احتمال كبير تكون هذي القطعه الاخيره الي انا ما حصلتها لانها ما مرت علي هالمرحله

السؤال كيف اوصل الي هذي المنطقه الي يحارب فيها وار مع هالملاك الانثى واي مكان بالظبط تكون
اؤجو من الي عنده خبره يشرحلي بالتفصيل لان في اليوتيوب مو واصح المكان ولا حاطين على الخريطه
او احد يرسلي رقم تلفونه وانا اتصل فيه ماراح اعطله مجرد دقايق بس

[FARES360]

يجماعه وانا اتصفح اليوتيوب لقيت في مرحله وار يحارب ملاك انثى وبعدها يحصل على قطعه من السيف المكسور
احتمال كبير تكون هذي القطعه الاخيره الي انا ما حصلتها لانها ما مرت علي هالمرحله

السؤال كيف اوصل الي هذي المنطقه الي يحارب فيها وار مع هالملاك الانثى واي مكان بالظبط تكون
اؤجو من الي عنده خبره يشرحلي بالتفصيل لان في اليوتيوب مو واصح المكان ولا حاطين على الخريطه
او احد يرسلي رقم تلفونه وانا اتصل فيه ماراح اعطله مجرد دقايق بس

مكانها يكون في بدايه دخولك لمنطقة الashsland على طريقك إليها..
شوف ابدأ طريقك من عند قاعده samuel .. تطلع منها تطق يمين.. وكمل طريقك امام تطوف vulgrim الي يكون على يمينك وقتها لين تصل الى البوابه
تدخلها وكمل توديك للمكان ذاك ( ملاحظة بنفس المكان الي تنافس فيه الملاك .. بالضبط فيه جنبه vulgrim يكون داخل كهف مصغر لازم تقفز الحفره عشان توصله )
عموما مكان القطعة يكون ورا الحائط المكسر بعد ما تهزم الملاك ..مكانها بالضبط في Dry road ..عطيتك الطريق الأسهل
فيه طرق ثانيه تصل إاليها لنفس المكان ..راجع الخريطة الي تحت
http://levelupnews.com/wp-content/uploads/2009/12/Darksiders_map.jpg

[PS Elite]

الله يهديكم

[خيال الاصايل]

السلام عليكم
اخوي فارس ما قصرت وجميع الاخوان بس ابي توضيح اكثر منك بالطريق لان الخريطه الي حاطها انت مو واضحه صراحه
انا اقدر بالخريطه اروح للاشلاند عن طريق فاجورم بس من قاعده سامويل؟؟samuel هذا وين مكانه بالظيط؟؟

انا اعرف انه الشيطان الي انا عطيته القلوب من قبل ومنطقته مو الاشلاند منطقته ثانيه فيها نيران؟؟؟
يليت تشرحلي الطريق بالتفصيل لان الخريطه مو واضحه والاخوان بعد ما يقصرون؟؟
ناطركم يا الربع

[كليتوس]

سلام عليكم انا جمعت كال قطع بس بقتلي قطعه واحده الي هي عند منتزه الاخضر ما اقدر اخذها لبست قنااع واجد ماكو فايده احاول اصعد ما اقدر اصعد مو عارف الحل ياليت تساعدوني

[marshall d teac]

وانا عندي نفس مشكلة خياال صرااح رااسي رااح وانا ادور ع هالقطعه ... اللي يقدر يوضح لنا مكانها بالضبط لا يبخل علينا

[SALM0RE]

سلام عليكم انا جمعت كال قطع بس بقتلي قطعه واحده الي هي عند منتزه الاخضر ما اقدر اخذها لبست قنااع واجد ماكو فايده احاول اصعد ما اقدر اصعد مو عارف الحل ياليت تساعدوني

صور المنطقة و حط الصورة خل اشوف

[marshall d teac]

لوووووووووووووووووول بااركوولي حصلت القطعه الاخييره اخيييييييرااااااااااااااااا

[Tockuchi]

مارشال و خيال
قصدكم أول قطعة من هالفيديو (http://www.youtube.com/watch?v=bBhLh2SitUc)؟

[الصهيبي]

اليوم باخذ البلاتينيوم اخيرا ان شاء الله باقي تروفي 100 ميل بالحصان و تروفي اني ارفع اللفل لجميع الاسلحة واخذ البلاتينيوم وباشتغل عليهم اليوم
^_^

[marshall d teac]

لا القطع السبع واللي ما تشوفهم الا وانت لابس القنااع

[Tockuchi]

^^^^
لول اسف ما كنت أدري^^'


اليوم باخذ البلاتينيوم اخيرا ان شاء الله باقي تروفي 100 ميل بالحصان و تروفي اني ارفع اللفل لجميع الاسلحة واخذ البلاتينيوم وباشتغل عليهم اليوم
^_^

كيف ترفيع اللفل حق الأسلحة صعب و لا سهل؟ , انا الحين السيف لفل 3 و الريبر 2 و البوكس 2 + شنو أحسن مكان حق ترفيع لفلات الأسلحة؟
اسف على كثرة الأسئلة

[marshall d teac]

انهيت اللعبه ... هع

[FARES360]

^^^^
لول اسف ما كنت أدري^^'



كيف ترفيع اللفل حق الأسلحة صعب و لا سهل؟ , انا الحين السيف لفل 3 و الريبر 2 و البوكس 2 + شنو أحسن مكان حق ترفيع لفلات الأسلحة؟
اسف على كثرة الأسئلة

مكان العناكب الصغيره....

[Tockuchi]

^^^^
توقعت هالمكان:33:
شكرا على الإفادة:biggthump

[الصهيبي]

^^
http://www.youtube.com/watch?v=ol9FcuMyWZE

[Tockuchi]

^^^^^
Thnx For The Video

[Tockuchi]

شباب انا إستخدمت الكود The Hollow Lord و حصلت سلاح الHarvester فهل راح يأثر على تروفي التطوير الأسلحة و لا لأ؟ و هل جذي راح يكون سلاح Scyth مطور كامل؟ لأنه اهو خذا مكانه

[الصهيبي]

ما يأثر بس كمان لازم توصل ال harvester الى لفل 4

[Tockuchi]

^^^^
مشكور جدا ريحتني:) + في Legendary أعتقد اسمه Death و اهو يزيد السولز إذا ركبته على سلاح Scyth فهل راح يزيد على هالسلاح؟

[الصهيبي]

^^ نعم لانه يعتبر نفس السلاح

[Tockuchi]

^^^^
يعطيك العافية على الإفادة + تصبح على خير:)

[الصهيبي]

اخيرا اخذت البلاتينيوم ^_^ ما توقعت اخلصها قبل وايت نايت كرونيكلز على الاقل الان فاضي واقدر اركز على لعبة ار بي جي

[خيال الاصايل]

السلام عليكم
خلصت اللعبه من امس وقاعد العب نورمال لانها ممتعه حقيقه

واشكر الاخوان الي ما قصرو وساعدوني
الاخ فارس وسلامور والاخ الصهيبي والجميع ماقصرو
يا الربع انا عندي لعبه قود اف وار ما شغلتها للحين وودي العبها
شلونها مثل مستوى دارك سايدر ولا لا؟؟
تراني اعليمي بالالعاب الجديده والقويه يا الربع وتراني شايب بعد:)
عطونا الاخبار الجديده الشباب الصغار شياطين يعرفون كل شي

[Tockuchi]

اخيرا اخذت البلاتينيوم ^_^ ما توقعت اخلصها قبل وايت نايت كرونيكلز على الاقل الان فاضي واقدر اركز على لعبة ار بي جي
أول شيء مبروك:)
ثاني شيء كيف اللعب إب أصعب شيء و هل ياخذ وفت على ما تنهيه إب أصعب شيء؟ و هل كل الأشياء راح تروح و لا لأ؟

[الصهيبي]

^^ الله يبارك فيك
مع اني انتقلت مباشرة من اللعب بالمستوى الايزي الى اصعب شي ما لاحظت اي صعوبة الى ذلك الحد صح الاعداء اقوى ولكن مش بطريقة مستحيلة خلصتها ب 12 ساعة مع تجميع كل life shard و wrath shard والقطع الخضراء
ما تاخذ شي من اللعبة السابقة الا الدرع المكون من 10 قطع اذا كنت جمعته كاملا من قبل

[Tockuchi]

مممم
المشكلة الألغاز تبط الجبد (خاصة عند Izrael) مالي خلق أتبع GameFaqs + في ألعاب بالطريق أولهم وايت نايت الي خلال يومين بتنزل

[FARES360]

خبر حلو للفانز ^^"

بالرغم من التقاايم المقبوله الى جيده من قبل اشهر مواقع الألعاب
وبالرغم من تاريخ صدورها الخطر بجانب احد اقوى الألعاب الشهر بيونيتا
الا انه اللعبة عدت حاجز 500 الف لعبة مباعه اي النصف مليون وهذا يعتبر نجاح باهر للعبة
حسب رأي الفريق المطور للعبة , واذا دل هذا على شي يدل على جزء جديد انشاءالله ^^"

المصدر http://community.darksidersvideogame.com (http://community.darksidersvideogame.com/blog-post/darksiders-sells-over-500k-units)

Darksiders has been off to a fantastic start and has sold over 500,000 copies within the first two weeks. This is incredible news and would not have been possible without the fans. Thanks for playing the game and spreading the word!

[Tockuchi]

^^^^
Thnx For The Great News:)
اللعبة تستحق أكثر من نص مليون شراء بنظري

[الصهيبي]

ومن نهاية القصة واضح انه في جزء ثاني وانا بانتظـــــــــــــــــــــاره ^_^

[كليتوس]

ومن نهاية القصة واضح انه في جزء ثاني وانا بانتظـــــــــــــــــــــاره ^_^

اي ولله صحيح كلامك لانه في نهايه جائوا ثلاث نيازك اظن انه هؤلاء اخوانه
تكميله للجزء ثاني

[خيال الاصايل]

لعبه قويه بس صعبه شوي

احلا شي لمن تاخذ الخيل وتتحكم فيه قمه اللعبه

[FARES360]

THQ رسميا صرحت اليوم سيكويل للعبتين
DARKSIDERS و ايضا RED FACTION في وقت ما 2011\2012
اللعبتين من العابي المفضلة ^^" خبر جدا حلو بالنسبة لي...

المصدر
teamxbox.com (http://news.teamxbox.com/xbox/22030/THQ-Announces-Darksiders-Red-Faction-Sequels/)

[Tockuchi]

أهم شيء تاخذ كل وقتها عشان تنزل لهم أجزاء ثانية و لا تتسرع اب أمورها عشان تطلع اللعبتين بأكمل صورة

[Tyki Mikk]

الكود اللي جاء مع اللعبة طلع نسخة مجانية لريدفاكشن قيريللا !!

Still hanging onto that mystery code? Good, because this is what you're getting:


A digital Hellbook disc featuring Darksiders art, videos, and other awesome stuff!
A free copy of Red Faction: Guerrilla, a third person shooter featuring fully destructible environments... on Mars! To learn more about RF:G, go here (http://www.redfaction.com/).

Click here (http://store.thq.com/servlet/PromoServlet/promoID.51934000) to receive the 360 version.
Click here (http://store.thq.com/servlet/PromoServlet/promoID.51933900) to receive the PS3 version.



Once you click on which version you want, enter your Promo Code and click "Apply."
This offer is only available to US residents and ends March 7, 2010. Shipping and handling not included.

كيذا المطورين ولا بلاش D:

http://community.darksiders.com/blog-post/mystery-code-revealed

[FARES360]

^
ما تفيدني لأنه اساسا شاري رد فاكشن day 1 يوم اصدارها
وايضا من الألعاب القوية بالأون لاين خصوصا بس محد عبرها هنا للأسف...