المساعد الشخصي الرقمي

مشاهدة النسخة كاملة : نصيحتكم تجاه جدولي



Northman
19-01-2010, 11:33 PM
السلام عليكم و رحمه الله

اخوكم من قطر و متابع المنتىدى معاكم من فتره و اعجبني كثير هذا القسم و الي اشوفه مميز جدا.

محتاج نصيحتكم في الي قاعد اسويه حاليا .. بس قبلها حاب اوضح بعض النقاط..

وزني حاليا 88
الطول 170


كنت اتمرن في السابق و لمده 5 سنوات تقريبا و صارت معاي ظروف و اظطريت اوقف التمرين لمده طويله ,, تقريبا 3 سنوات .. و في هلفتره زاد وزني بشكل كبير و وصل الى 105 ,, بس الحمد لله اتبعت نظام رجيم و نزلته لين الوزن الحالي و الي هو 88 ,, و رجعت اتمرن على الاوزان

حاليا ماشي على الجدول الحالي و من فتره شهرين ..

اليوم الاول : مشي على الجهاز لمده 20 دقيقه + اكتاف (3 تمارين) صدر (4 تمارين) باي (3 تمارين)

اليوم الثاني : مشي على الجهاز لمده 20 دقيقه + ظهر (4 تمارين) تراي (3 تمارين) افخاذ (3 تمارين)

اليوم الثالث: مشي على الجهاز 35 دقيقه + بطن و سواعد

اليوم الرابع راحه

و اعيد الجدول مره ثانيه ..

مافي شي معين في بالي , لكن حاب ان جسمي يترتب و يرجع نفس قبل :blackeye: ,, مع العلم اني اخذ myoplex كـ مكمل غذائي مره قبل التمرين بساعه و عقبه على طول

و شي اكيد يسرني اني اسمع نصايحكم و توجيهاتكم ,,


و قواكم الله

Northman
20-01-2010, 04:52 AM
up >>>>>> ؟

mashkaljey
20-01-2010, 09:43 AM
يالله عليك يا اخوي يالله عليك @@

من قالك تاخذ هالمنتج ؟ انت الله يهداك تبي تنزل وزنك تاخذ منتج 6 جرام فات ؟؟؟؟؟؟؟؟؟؟

http://www.bodybuilding.com/store/eas/myoplexnew.html

وقف عن هالمنتج بسرعه لانه كل اللي بتسويه في الجيم راح منك يوم تستخدم هالمكمل

اسمع برتب لك الشغل كله واتبع نصيحتي لا بغيت شي حياك بالقسم لا تسال هني وهناك ترى الحمدلله موجودين ناس تفيدك وما بتستفيد منك غير دعاء بظهر الغيب

اول شي بسم الله الرحمن الرحيم

نبدأ مع مساله 5 سنوات تلعب وللاسف ما كسبت خبره في المكملات كان عليك تكسب خبره يا غالي حرام 5 سنوات من عمرك في هاللعب وما تعرف المكمل اللي يناسبك !!

والان الجدول اللي انت تتبعه ؟؟

ليوم الاول : مشي على الجهاز لمده 20 دقيقه + اكتاف (3 تمارين) صدر (4 تمارين) باي (3 تمارين)

اليوم الثاني : مشي على الجهاز لمده 20 دقيقه + ظهر (4 تمارين) تراي (3 تمارين) افخاذ (3 تمارين)

اليوم الثالث: مشي على الجهاز 35 دقيقه + بطن و سواعد

اليوم الرابع راحه

و اعيد الجدول مره ثانيه ..

هذا اخوي ماهو جدول واحد يلعب من 5 سنوات ؟ كيف تدخل عضلات كبيرة مع بعض وتلخبط الامور ؟ لازم عضله صغيره وعضله كبيرة يعني يوم صدر واكتاف وباي ؟؟ انت كم تشيل وزن 10 كيلو فقط ؟ لا يا الغالي الله يرضى عليك انت صارلك 5 سنوات والله مستغرب هالكلام من واحد يلعب 5 سنوات

الجدول لازم يكون جدول منسق ومنظم وعن نفسي اقولك لا تلعب حديد !!!

انت تحتاج تنزل هالوزن الزائد عندك 18 كيلو زيادة

العب سويدي وكارديو ومعده وخواصر وكثرلي من مساله الهرولة يوميا لا تقل عن 30 دقيقه لانك محتاج تحرق هالدهون اللي بجسمك ويوم تخلص وتوصل لوزن عدل بعدها ادخل بالمكملات والجدول اما انك تلعب وانت بهالوزن ما بتستفيد وحتى تمارينك ماهي كامله لان محد يلعب 3 تمارين ارجل مستحيل اصلا

وبعدين مشي على الجهاز 20 دقيقه ولا شي لحرق الدهون على الاقل 30 دقيقه لازم تطلع من الجيم وانت غرقان بالعرق

الجين انت فيك ضغط ولا سكر ولا مرض عافاك الله ؟ اذا مافيك شي ادخل على حوارق الدهون لانها بتفيدك

ولاتنسا تتقيد بجدول تغذيه لانه الاساس يعني ابتعد عن الدهون وركزلي على الخضراوات والفواكه والشغلات الخاليه الدسم على الاقل خل وجباتك باليوم 3 لا تزيدها بالوقت الحالي ولا تكثر بالعشاء خل معدتك خفيفه قبل النوم

والله يوفقك وان شاء الله كلامي ما يكون ثقيل عليك لكن للاسف ما احب واحد 5 سنوات وما كسب خبره هالشي يقهر

Northman
20-01-2010, 11:16 AM
يالله عليك يا اخوي يالله عليك @@

من قالك تاخذ هالمنتج ؟ انت الله يهداك تبي تنزل وزنك تاخذ منتج 6 جرام فات ؟؟؟؟؟؟؟؟؟؟

http://www.bodybuilding.com/store/eas/myoplexnew.html

وقف عن هالمنتج بسرعه لانه كل اللي بتسويه في الجيم راح منك يوم تستخدم هالمكمل

اسمع برتب لك الشغل كله واتبع نصيحتي لا بغيت شي حياك بالقسم لا تسال هني وهناك ترى الحمدلله موجودين ناس تفيدك وما بتستفيد منك غير دعاء بظهر الغيب

اول شي بسم الله الرحمن الرحيم

نبدأ مع مساله 5 سنوات تلعب وللاسف ما كسبت خبره في المكملات كان عليك تكسب خبره يا غالي حرام 5 سنوات من عمرك في هاللعب وما تعرف المكمل اللي يناسبك !!

والان الجدول اللي انت تتبعه ؟؟

ليوم الاول : مشي على الجهاز لمده 20 دقيقه + اكتاف (3 تمارين) صدر (4 تمارين) باي (3 تمارين)

اليوم الثاني : مشي على الجهاز لمده 20 دقيقه + ظهر (4 تمارين) تراي (3 تمارين) افخاذ (3 تمارين)

اليوم الثالث: مشي على الجهاز 35 دقيقه + بطن و سواعد

اليوم الرابع راحه

و اعيد الجدول مره ثانيه ..

هذا اخوي ماهو جدول واحد يلعب من 5 سنوات ؟ كيف تدخل عضلات كبيرة مع بعض وتلخبط الامور ؟ لازم عضله صغيره وعضله كبيرة يعني يوم صدر واكتاف وباي ؟؟ انت كم تشيل وزن 10 كيلو فقط ؟ لا يا الغالي الله يرضى عليك انت صارلك 5 سنوات والله مستغرب هالكلام من واحد يلعب 5 سنوات

الجدول لازم يكون جدول منسق ومنظم وعن نفسي اقولك لا تلعب حديد !!!

انت تحتاج تنزل هالوزن الزائد عندك 18 كيلو زيادة

العب سويدي وكارديو ومعده وخواصر وكثرلي من مساله الهرولة يوميا لا تقل عن 30 دقيقه لانك محتاج تحرق هالدهون اللي بجسمك ويوم تخلص وتوصل لوزن عدل بعدها ادخل بالمكملات والجدول اما انك تلعب وانت بهالوزن ما بتستفيد وحتى تمارينك ماهي كامله لان محد يلعب 3 تمارين ارجل مستحيل اصلا

وبعدين مشي على الجهاز 20 دقيقه ولا شي لحرق الدهون على الاقل 30 دقيقه لازم تطلع من الجيم وانت غرقان بالعرق

الجين انت فيك ضغط ولا سكر ولا مرض عافاك الله ؟ اذا مافيك شي ادخل على حوارق الدهون لانها بتفيدك

ولاتنسا تتقيد بجدول تغذيه لانه الاساس يعني ابتعد عن الدهون وركزلي على الخضراوات والفواكه والشغلات الخاليه الدسم على الاقل خل وجباتك باليوم 3 لا تزيدها بالوقت الحالي ولا تكثر بالعشاء خل معدتك خفيفه قبل النوم

والله يوفقك وان شاء الله كلامي ما يكون ثقيل عليك لكن للاسف ما احب واحد 5 سنوات وما كسب خبره هالشي يقهر
يزاك الله خير اخوي

صج قطعتني شوي ,, بس تمون :D

انا داش اسأل ,, و في نيتي اني اعدل من اخطائي ان شاء الله ..

ومعاك حق في مسأله ال 5 سنوات ,, الظاهر المدربين عندنا ماهم بالمتسوى المطلوب ,, لان الواحد مايطلع منهم بشي :12:

و بمشي على شورك ..

لكن ولاتهون ,, طريت حوارق الدهون في ردك ,, ممكن تنصحني بأسم منتج معين ,,

mashkaljey
20-01-2010, 11:18 AM
ابشر

عندك الليبو 6 ولو تشوف موضوع اخوي توتو جده بتعرف هالمنتج وعمايله الخياليه

عليك فيه