المساعد الشخصي الرقمي

مشاهدة النسخة كاملة : التمرين السويدي او الحديد؟؟


TOTTI_QTR
20-01-2010, 09:45 AM
السلام عليكم ,,,

بدخل في الموضوع على طول وياليت احصل منكم الجواب الشافي انشاءالله .....

صار لي اكثر من سنه وانا امتن واضعف امتن واضعف وتعبت من الوضع لين اوصل للوزن لي ابيه

ارجع اكل عادي وامتن ... والحين سويت رجيم وصلت للوزن 74.5 كيلو للعلم طولي 168

وتعبت ولا قدرت انزل اكثر ولكن لين الحين عندي كرش صغير وعندي مشكله في الخوااااااصر

مشكله تعبت منها نفسيا ولا حصلت لها حل ....

وانا مسوي رجيم نازل عليه 7 كيلو تقريب في تقريبا 22 يوم .... الرجيم الفطور جبن قليل الدسم سلايس

والغداء مشاوي كميه مفتوح مع سلط ولكن بدون اي دهون ولا حتى زيت زيتون ولا اي نوع من الخبز

او البطاطا او الروب مشواي وطماط مشوي مع بصل مشوي...

والعشاء نفس الغداء او مرتدلا 4 شرايح وسلط او بضتين مسلوقه ...

ونزلت وبطني خف واجد والحمدلله ..... والحين لمن اخلص الشهر بكون تقريبا منزل 8 الى 10 كيلو

لكن ابي حل هل ادخل تمارين سويديه للخواصر والبطن او ادخل حديد.... للعلم انا افكر انزل حتى الوزن
68 كيلو وبعدها ادخل حديد واشد الجسم .. او تنصحوني ادخل تنشيف حديد مباشره؟؟ وهل الحديد ممكن
يشل مني الخواصر؟؟؟؟

للعلم في كذا شخص قال انت عندك عضل في الجسم والعضل متكون خظاء عشان تنزل اكثر لزم اتكسر
عضل هل فيه طريقه اقدر اكسر فيها عضل؟؟

ياليت احد يفدني لاني خلاااص تعبت من الوضع ابي اكون صاحب جسم مثالي
mashkaljey
20-01-2010, 10:25 AM
شوف يا غالي ادخل حديد مع سويدي انت وزنك ماهو بالوزن الصعب 6 كيلو بس زياده يعني مع سويدي وكارديو على حديد ومعده بتعدل جسمك ان شاء الله واكيد الزياده بس بالخواصر والمعده فعليك بموضوع الرسمي عن المعده ممتاز وفيه كل التمارين

بالنسبة للتغذيه استمر بالنظام اللي انت ماشي عليه

وما جربت حوارق دهون ؟
TOTTI_QTR
20-01-2010, 10:41 AM
لا والله ماعرف شنو هذي حوارق الدهون ترى انا كلش غشيم ولا اعرف شي

بس مليت من الوضع لي انا فيه :) وشلون اقدر اسوي كل لي قلته سويدي وكارديو وحديد

تقصد حديد وزن خفيف وتكرار عالي؟
mashkaljey
20-01-2010, 10:59 AM
لالا اخوي وزن خفيف شلون بتعدل جسمك ؟ لا ابدا عادي ادخل جدول وارفع اوزان

بالنسبة لحوارق الدهون اكيد سمعت بالليبو 6 ؟

وتقدر يا غالي تخصص ايام للسويدي مع جدول حديد لان جداول الحديد 4 مرات بالاسبوع عرفت شلون يعني في 3 ايام هذي تلعب فيها سويدي

اما المعده فخلها مع الحديد حتى تحرق اكبر قدر من الدهون في هالمنطقه

يعني 4 اياك بالاسبوع معده وهرولة شبه يومي ( ضروري الهرولة لفقد الوزن للجسم كله ) والحديد لتنسيق الجسم 4 ايام

والسويدي خلها بين الجدول يعني خل اعطيك جدول

اول يوم صدر + باي + معده وخواصر وكاريديو قبل ماتدخل تلعب حديد لا يقل عن 30 دقيقه هرولة
ثاني يوم سويدي فقط كامل وهو لا يقل عن ساعه
ثالث يوم ظهر + تراي + معده وخواصر وكاريديو قبل ما تدخل تلعب حديد لا يقل عن 30 دقيقه هرولة
رابع يوم سويدي فقط كامل
خامس يوم اكتاف + ترابيز ( المثلثات ) + معده وخواصر وهرولة 30 دقيقه
سادس يوم ارجل كامله مع السواعد وتقدر تلعب هرولة منها تسخين للارجل ومنها تخفيف للدهون
سابع يوم راحه او تقدر تلعب سويدي لو فيك حيل

هالجدول صحيح مضغوط لكن مفيد لك وخلال شهر بتحس بفرق واضح بالوزن

وتقدر تخلي يوم تلعب العصر سويدي وفي الليل حديد يعني تريح ما بينهم ساعتين الى 4 ساعات

عرفت الطريقه
TOTTI_QTR
20-01-2010, 12:56 PM
شكرا لك يابطل ويعطيك الف عافيه الغالي ماقصرت

الجدول انشالله بمشي عليه لكن انا مابي اكون علاضت انا بس ابي اشد الجسم

واكون لي شوي تري وباي وشوي صدر

مابي اكون لا جسم منفخ واجد

بخصوص ليبو 6 ماعمري سمعت به
mashkaljey
20-01-2010, 01:13 PM
شوف اخوي اللي ما يعرف هاللعب على باله اول شهر بيصير بطل كمال اجسام وعضلات منفوخه

هالكلام ماهو صحيح في ناس تلعب سنتين متواصل وتشوف جسمه عادي الا اذا فصخ ملابسه تشوف متقطع العضل

يعني المساله ماهي ما ابي ولا ابي المساله انك تبني هدف تبي توصل له

وانت تقول ما تبي عضل بس جسم مشدود طيب العب عادي ولمن توصل للجسم المشدود اللي تشوفه خلاص ساعتها بتشوف شي ثاني تركز عليه

وموفق