استشاره عن المكملات الغذائيه ووش الي ينآسبني <<خويكم محتآر

[P r e s t i g e]

السلام عليكم ورحمة الله وبركآته


كيف الحال الجميع بدون استثناء


انا يا جمآعة الخير محتآر وبالبلدي منلحس مخـي <<الله يبعدنآ كلنآ عن اللحسه والمسلمين :D


فالجئت لكم كآحد فآصل للحسه هذي خلونآ نخش في الموضوع


انا طولي 175 ووزني 70


عندي ترهلات وبروز في اسفل الصدر والبطن بس المدرب يقول جسمك كويس <<مدري يمكن تخيلات عندي:bigeyes:
وجسمي بالملابس يوحي بالنحآفه
حلوين


الحين المدرب حق الجيم يقولي لازم تبني اساس للعضله وتأسسهآ يقول لازم تآخذ لك وآي بروتين
وامينو اسيد واذا تبي بور خذ نو اكس بلود


للمعلوميه اول مره استخدم مكملات غذائيه


واخيرا قررت وعقدت العزم رحت لفرع gnc


فا ما نصحني اخذ وآي بروتين في البدآيه قال اول شي بدك حآجه فيهآ فات وكربوهدرات عشان تضخم العضله يقول اني نحيف <يمكن عشان من ورىآ البلوزه <ضحكه شريره نيآهآ :D
قلت طيب وش الحل قال ما لك الى وآي بروتين بفات ولا السريس مآس ونصحني بالسريس ماس لان فيه كل الاحتاجه بس يخوف يقلون انه يسمن طبعا بنآء ع موآضيعكم <<حآس كل الموآضيع


اخاف يزيد الطين بله يعني فوق الدهون دهون<الاخ يبي عضل صافي


خلاصه الكلام انا يا جماعه ابي تقسيم جسم مابي اضخم وتكون العضله بارزه وجسم منسق


وفي تسآئلات كثيره لو ابقوله بكره بتنزلونهآ مطبعه وبينزل كتآب ابو الف صفحه :D


والله يعطيكم العافيه مقدما وانتضر رايكم بفارغ الصبر


لان ردكم مصيري :biggthump

[AmiTy Ville]

ماشاءالله عليك اول عضو جديد يتقيد بالقوانين بحذافيرها :)

طبعا انا بختصرلك الموضوع بس بعد سؤال وجيه

كم صارلك تتمرن بدون انقطاع؟؟ وكم عمرك

ودامك تبا عضل صافي فا افضل مكمل يحتوي على عدة عناصر بعلبه وحده هو البرو كومبلكس العادي وفيه امينو وفيه ايظا ملتي فيتامين وفيه جلوتامين

[P r e s t i g e]

شفت كيف وش رايك فيني <<صراحه شفت تقفيل الموآضيع وكذا تعلمت ههههه

اول شي الله يعطيك العافيه ع الرد السريع

طيب انا لي تقريبا ست شهور وقطعت شهر والان انا راجع وابي رجعه قويه

التمرن بدون انقطآع الثلاث اسابيع الي راحت ^_^ انا يا عزيزي محتآر
مدري وش الافضل لي ياليت اذا ما عليك امر تعطيني فكره عنهآ وش الي يصلح لي
انا محتآج مكمل يرسم العضله وفي نفس الوقت ما يكون عندي دهون او اي ترهلات
وعمري 20 سنه
شاكر ومقدر ^_^

[AmiTy Ville]

رأيي انك عضو متقيد وتفهمها عالسريع ~.^

الله يعافيك اخوي برستيج

غريبه 6 شهور وماكونت اساس عضلي !! لا اكيد عندك عضل

مثل ماقلتلك الـ pro complex ممتاز لكن عليك ببذل جهد وتمارينك تكون بتركيز وببطئ وتلعب وتبذل مجهود قوي بحدود المعقول

تغذيتك اهم مافي الموضوع حاول تبتعد عن الدهون والدهون المشبعه والنشويات والمشروبات الغازيه وخفف من الكاربوهيدرات

وعدم السهر ويجب اعطاء الجسم راحه ونوم مالايقل عن 8 ساعات ليلا

الترهلات اللي عندك باين عليها انها بسيييطه جدا وماتذكر لكن ركز على البطن والخواصر والباقي كله يتعدل مع الوقت والصبر

خلصنا من التغذيه والراحه والمكمل الحين باقيلك الجدول

طبعا انت تقول انك رجعت من ثلاث اسابيع - المفروض رجوعك هذا يكون انك تلعب شامل كافة الاجهزة تقريبا لتهئة الجسم والعضل مع اني شاك انك مالعبت شامل وعلى طول دخلت جدول !!

عموما الجدول يكون معاك لمدة شهر اذا شفت انه ممتاز وفي تغير تكمله شهرين واذا شفته مو ذاك الزود فا تغير الجدول ونوعية تمارينه

بالتوفيق عزيزي

[P r e s t i g e]

رأيي انك عضو متقيد وتفهمها عالسريع ~.^



الله يعافيك اخوي برستيج


غريبه 6 شهور وماكونت اساس عضلي !! لا اكيد عندك عضل


مثل ماقلتلك الـ pro complex ممتاز لكن عليك ببذل جهد وتمارينك تكون بتركيز وببطئ وتلعب وتبذل مجهود قوي بحدود المعقول


تغذيتك اهم مافي الموضوع حاول تبتعد عن الدهون والدهون المشبعه والنشويات والمشروبات الغازيه وخفف من الكاربوهيدرات


وعدم السهر ويجب اعطاء الجسم راحه ونوم مالايقل عن 8 ساعات ليلا


الترهلات اللي عندك باين عليها انها بسيييطه جدا وماتذكر لكن ركز على البطن والخواصر والباقي كله يتعدل مع الوقت والصبر


خلصنا من التغذيه والراحه والمكمل الحين باقيلك الجدول


طبعا انت تقول انك رجعت من ثلاث اسابيع - المفروض رجوعك هذا يكون انك تلعب شامل كافة الاجهزة تقريبا لتهئة الجسم والعضل مع اني شاك انك مالعبت شامل وعلى طول دخلت جدول !!


عموما الجدول يكون معاك لمدة شهر اذا شفت انه ممتاز وفي تغير تكمله شهرين واذا شفته مو ذاك الزود فا تغير الجدول ونوعية تمارينه



بالتوفيق عزيزي


شوف حبيبي المدرب عطآني اسبوع كوكتيل ع كل الاجهزه بعدين خشيت جدول

الجدول
صدر
ضهر
اكتاف
باي وتراي
ارجل
راحه
راحه

بس سؤالي وش رايك في كلام المدرب لي وكلام البآيع اي وآحد فيهم رايه صح وانت كلامك ع العين والراس بس عشان اجمع افكاري لان حتىآ معلومآتي تلخبطة

ومعليش تعبنآك معنآ

[AmiTy Ville]

دام خذيت كوكتيل ( شامل ) فا جيد ولو انه قليل اسبوع على الاقل اسبوعين بما انك قاطع شهر بس ماعليه

بخصوص كلام الطرفين ماقدر اجزم من كلامه صحيح لاني ماشفت جسمك لكن بما انك انت بالاساس ماتبا ضخامه فا كلام المدرب هو الاقرب لك
اما اذا تبا ضخامه فا كلام راعي المحل اقرب لك

هذا كله يعتمد على هدفك اللي تبغيه

اما الجدول صراحتن مايودي هذا جدول محترفين مو جدول واحد مبتدي
عضله وحده باليوم يعني فل تركيز !!

افضل جدول هو عضلتين يوميا بجانب عضلة البطن

جدول مثال

صدر - باي

ظهر - تراي

اكتاف - ترابيز

ارجل - بطن

تقدر تقسمهم مثلا

صدر - باي

ظهر - تراي

راحه

اكتاف - ترابيز

ارجل - بطن

راحه

طبعا يوم السبت هو البدايه

والجداول كثيره عزيزي تعتمد على حسب روتينك وفضاوتك او انشغالك وعلى حسب تركيز العضله المراد الضغط عليها نوعا ما

بالنسبة للبطن تقدر تعطيها مرتين او ثلاث بالاسبوع على حسب احتياجك لكن لاتنسى ان عضلات البطن كونها عضل فهي نفس باقي العضل بالجسم يحتاج راحه
وتقدر ايظا تخليها مع السواعد مثلا فا الجداول كثير بالقسم

بالتوفيق