المساعد الشخصي الرقمي

مشاهدة النسخة كاملة : لو سمحتوا علاج ابهر الظهر


kingls
30-01-2010, 08:48 PM
لو سمحتوا احد يعرف علاج فعال لابهر الظهر ؟
وهل التمارين مضره ؟
واسف على الازعاج
mashkaljey
31-01-2010, 01:37 AM
هلا بك اخوي والله هالمرض اتوقع يصيب كل لاعبي كمال الاجسام وما نعرف ماهيته وانا عندي الم في الرقبه يروح ويرجع يمكن هو والله اعلم

على كل حال لي زياره قادمه لاحد مشاهير العلاج الطبيعي ان شاء الله يفيدني بهالموضوع اما بالنسبة لك تفضل

http://www.mekshat.com/vb/showthread.php?t=202773

موفق
AmiTy Ville
31-01-2010, 02:56 AM
اخ يا الابهر للحين مرتين جاني لكن بطريقه غير مباشره تناسيته ولقيته اختفى مع الوقت كيف مادري

وحله الوحيد والاكثر شعبيه هو التدليك المساج

يعطيك العافيه مشكلجي
kingls
31-01-2010, 06:32 AM
مشكورين على المرور والله يعطيكم العافية والصحه
R A M
31-01-2010, 11:55 AM
مساء الخير ..

حبيت اشارككم في هذا الموضوع لان اخوي له تجربة طويلة للأسف مع هذا المرض
طبعا الألم الي عنده يبدأ من تحت لوح الكتف ويستمر لحد نهاية الرقبة وبداية الرأس
وله سنين وهو يجاهده :(
اذا كان هذا هو الألم الي عندك اخوي ، فأحب اقولك
اننا ما لقينا له حل سواء العلاج الطبيعي عند طبيب فاهم وخبير بهذا النوع من الاصابات
ولاحظ اني قلت ( علاج طبيعي ) يعني مو مساج لان بعض الناس ما يفرق بينهم
بعد ما اكتمل كورس العلاج وهو عدد ( 10 ) جلسات على مدى 3 اسابيع تدليك متدرج من حيث التركيز
بدت الالآم تختفي تدريجيا طبعا مع تعديل العادات السيئة لوضع الجسم
مثل الجلوس الخاطيء وانحناء الظهر والرقبة على المكتب اذا كان عملك مكتبي والنوم على مخده عاليه
وغيرها من العادات الخاطئة والي تسبب لنا مثل هذي الآلام

هذا الي حبيت اقوله في ما يخص هالموضوع اذا كانت مشكلتك مشابهة للمشكلة الي صارت مع اخوي
مع تمنياتي لك بالشفاء والصحة والعافية اخوي

تحياتي
اللورد الأحمر
31-01-2010, 12:40 PM
توضيح رائع منك عزيزي وتشكر عليه ....

لكن المشكلة ما أعرف ويش هذا المرض ويمكن له اسم ثاني في السعودية ؟؟؟؟؟؟؟؟؟؟؟؟ الله أعلم

تحياتي .. اللورد الأحمر
AmiTy Ville
01-02-2010, 06:51 AM
بالسعوديه اللي اعرفه يسمونه ابهر

مداخله طيبه منك عزيزي RAM صحيح البعض مايفرق بين المساج والعلاج الطبيعي نظرا لاختلافه عن الاخر

لكن الابهر الطبيعي البسيط يعالج بالمساج ( للمنطقه المعينه فقط ) ولم الابهر ومن ثم طقه للأسفل وايظا يعتبر علاج طبيعي نظرا اللي يقوم به خبير علاج طبيعي او شخص عادي ممارس للشغله هذي
الصديعي
01-02-2010, 10:33 AM
أشوف أنه يعالج بالعلاج الطبيعي تكميد كهربائي لأن المساج لا يفيد للأبهر
د/عمرو
02-02-2010, 04:03 PM
أخوي انا جاني أبهر قبل فترة

والحمدلله اتعافيت منه

سوي الي اقلك عليه وانشالله تستفيد

طبعن انا جاني ثلاث أيام ومو راضي يروح
اليوم الرابع كلمت واحد خويي قد جاه

راح قلي انسدح على بطنك وسوالي مساج قوي ( يعني مو خفيف يضغط ضغط شديد )
واستخدم قرش ( عملة معدنية ) لجل يفك العروق المربطة
يعني خل حد يسويلك مساج وبنفس الوقت يجيب عملة معدنية ويجي لمكان الألم وهو مكان العرق
ويضغط بقوة بواسطة العملة ويسحبها سحب باتجاه الاسفل
طبعن يعمل المساج بـ دهان خاص لآلام الظهر
بعد كذا في لصقة من الصيدليات حقت آلام الظهر واذا كان في شي خاص للابهر يكون افضل
بعد المساج والعملة حط اللصقة على ظهرك وارتاح خدلك نومة
طبعن اللصقة بتطلع حرارة

والله صحيت اليوم الثاني والالم خف بشكل كبير واليوم الي بعده الا الالم زال الى الأبد

وبالنسبة للتمارين استمر فيها ماعندك اشكال

--------

ملاحظة: فائدة العملة المعدنية انها بتسوي ضغط عالعرق بشكل كبير وتفكه
لانو الابهر هو ان العرق الي في الظهر بيلتف او بيتربط